Matayo 14
14
Kuyagwa kwa Yohana Mut̯opya
Marko 6:14-29; Luka 9:7-9
1Hizihiziḍe ngera, haju *Herod̯e#14:1 Huyu ni Herod̯e Antipa. Jeje ewa ni mwana jwa haju Herod̯e, huyu eyeakit̯awala ngera ya Yesu avyaijweyo. Ngera ya Yohana eyoakisumwiiya, Herod̯e Antipa ekit̯awala ḍyimbo ḍya Galilaya. kapata maagu dzuu ya haya mambo makuu ya Yesu eyoakihenda. 2D̯ubva kanena na hawa wakuu weokuwa nsii yakwe kawamba, “Jibaḍi huyo anawa ni Yohana Mut̯opya kafufuka kuyawa kwa wafu. Ndiyo maana anaweza kuhenda mafara ya kumakisa dzayohayo.”
3Herod̯e kanena hivi kwa kwamba ewa kamugija Yohana Mut̯opya na kamungiza gerenzani ili aweze kumutsakiza mukaziwe. Huyu huyu mukaziwe eyeakihanigwa Herod̯ia, d̯ura ewa ni muyamuwe, koro ewa mukaza Filipo, na hali Filipo na Herod̯e wewa ni ndugu. Herod̯e ewa kamuhwaa Herod̯ia na hali Filipo ewa ka mojo. 4Yohana epfoona hivi vya Herod̯e ahendeyevyo, ekikaa na kumwambia Herod̯e kut̯wa kwamba ni matsowa kumuhwaa mukaza ndugujwe. 5Nae Herod̯e ekitsaka kumuyaga Yohana, ela ekishooga kwamba kundejumuka fuḍyo, koro wantu wonse wehikiza kwamba Yohana ni *nabii.
6Ela nsiku modza Herod̯e epfoakihenda jila ya kukumbuka kuvyajwa kwakwe, mwanamuke jwa Herod̯ia kavina urembo muno usoni ya hawa wageni wonse. Hivi vya huyu mwanamuke aviniyevyo vimutsakiza Herod̯e muno, 7hat̯a kaḍya kiyapfo usoni ya hawa wageniwe kwamba anamuhendea huyu mwanamuke kiḍechonse adzechotsaka. 8D̯ubva kwa kwamba huyuḍe mwanamuke ewa kambijwa ni mamajwe hiviḍe vya kunena, kamwendea babajwe kamwamba, “Baaba, natsaka unimpe saambi hichi kitswa cha Yohana Mut̯opya kikiwa chuureni!” 9Kudzasikia hivi, haju Herod̯e kadziut̯i kwa hivi aneneyevyo. Ela kwa kwamba ewa kamamuyapfia huyu mwanamuke usoni ya wageniwe, kaamuru kwamba mwanamukewe akipfegwe kitswa cha Yohana ḍugha. 10Ndookomu Yohana kahunwa kitswa humuḍe gerenzani, 11na hiki kitswache kingizwa chuureni kipfiikijwa huyu mwanamuke. Huyu mwanamuke nae kachimupfiikia mamajwe. 12Makisa hawa wanafund̯i wa Yohana wenda wauhwaa hu mwii wa Yohana wauzika, na wenda wavimusumwiiya Yesu.
Yesu kaisa t̯ut̯a ya wantu zaid̯i ya elefu nsano
Marko 6:30-44; Luka 9:10-17; Yohana 6:1-14
13Yesu epfovisikia,#14:13 Ambu: Yesu epfosikia kwamba Herod̯e kapata maagu dzuu yakwe. kanuka na hapfaḍe, kanjia chomboni na kenda kuntu chit̯u, ili aweze kuwa jeje heket̯u. Ela wantu wepfomanya hukuḍe ekoakyenda wanuka na midzini mwao, na wamuhunikanyia na maguu. 14Yesu akwakwojekani kaona t̯ut̯a nkuu na nkuu ya wantu. Na epfowaona, kawasikit̯ikia muno na kanjia kupfonyani hawaḍe weokuwa wajwazi.
15Ipfofika mioro, hawa wanafund̯i wamwendea Yesu wamwamba, “Ḅwana, imaawa mioro muno na hapfa ni pfantu chit̯u. Wambe hawa wantu wende midzini wakadzigwiiye chakuḍya.”
16Yesu kawambukuya kawamba, “Ae ina haḍya ga ya kwamba wende wakadzilachie chakuḍya? Anywi ntamunawapfa?” 17Nao wamwambukuya wamwamba, “Aswi huna kintu ga? Hwivyonavyo vyonse ni mikahe mitsano na nswi mbii t̯u!”
18Yesu kawamba, “Viniyeheyeni hapfa.” 19Makisa kawaamuru hawa wantu wakae vihako hapfaḍe kitsangeni. Kisa Yesu kaihwaa hiḍe mikahe myotsano na hiziḍe nswi zombii. Kayowa mbinguni dzuu na kavivodhya. Makisa kaivunza-vunza hi mikahe na kaiwapfa hawa wanafund̯iwe pfamodza na hizi nswi, nao waviwagawiya hawa wantu. 20Wonse waḍya hat̯a wanjia kuviyowani na matso. Na hawa wanafund̯i wavitsowa-tsowa hivi viḍinku visaiyevyo na wadzaza vikapfu kumi na viwii. 21Hawaḍe waḍiyeo wewa hafufi wayume elefu nsano pfasipfo kut̯ala wake na wana.
Yesu kenenda dzuu ya madzi
Marko 6:45-52; Yohana 6:15-21
22Makisa Yesu kawamba wanafund̯iwe wanjie chomboni wayongowe wavuke huḍoombe, huku jeje akiwa kuḍamanani ne t̯ut̯a ya wantu. 23Akisa kuḍamana nao, kapfaa murimani dzuu jeje heket̯u akayombe. Hat̯a kiza kipfonjia, Yesu amaale ewa ndiye jeje heket̯u hukuḍe murimani. 24Ao wanafund̯iwe wewa wamafika kuye. Hichi chombo chao chikibigwa ni mawimbi makali muno, kwa kwamba kwikibiga vut̯o kali.
25Hafufi na bworu ya magura,#14:25 Chima cha saa kenda za nasiku. Yesu kawendea wanafund̯iwe akiwa kwenendani dzuu ya madzi. 26Wakidzawakimuona kakwenendani dzuu ya madzi, wanjijwa ni oga na waḍabva kuḅaa madzwi, koro wechamba ni ruhu nzuka. 27Ela iyo saa Yesu kanena nao kawamba, “Dzipfeni mojo, ndimi, namutseshooga!”
28Pet̯ero kamwamba Yesu, “Ḅwana, ikiwa kwamba ndiwe ḍugha, niamuru nami nyenende dzuu ya haya madzi nikudziye.” 29Na Yesu kamwamba, “Nzoo!” D̯ubva Pet̯ero kasuka na humuḍe chomboni na kaḍabva kwenenda dzuu ya haya madzi akimwendea Yesu. 30Ela epfoona namuna ya hiḍi vut̯o ḍivyokuwa kali, Pet̯ero kanjijwa ni oga na kaḍabva kuzama. Iyo saa kaḅaa idzwi kuu kamba, “Ḅwana, nipfonya!” 31Na pfapfo Yesu kamupfiikia mukono kamugija na kamwamba, “E wewe wiye na faro ndoḍo! Kut̯i wiwa nkukuniserefat̯a?” 32D̯ubva wepfonjia humuḍe chomboni t̯u, hiḍi vut̯o ḍinyamaa. 33Makisa hawa wanafund̯i wamuvunzia nkuhi Yesu wamwamba, “Hakika wewe u Mwana jwa Muungu ḍugha.”
Yesu kapfonya wajwazi nsi ya Genezareti
Marko 6:53-56
34Yesu na wanafund̯iwe wavuka hiḍi ziwa wenda wojeka nsi ya Genezareti. 35Hawa wantu wepfomuhambuya kwamba ni Yesu, wad̯achasa maagu nsi yonse. Ndookomu wamuyehea wajwazi wao wonse weokuwa nao hiḍihiḍiḍe gaga ili awapfonye. 36Na wamuyomba awaruhusu hawa wajwazi nangaa wauhore hu mutse wa hiḍi vwaziḍye t̯u, ili wapate kupfowa. Na wonse wamuhoreyeo wapfona.
Currently Selected:
Matayo 14: pkb
Highlight
Share
Copy
Want to have your highlights saved across all your devices? Sign up or sign in
© 2004, Bible Translation and Literacy
Matayo 14
14
Kuyagwa kwa Yohana Mut̯opya
Marko 6:14-29; Luka 9:7-9
1Hizihiziḍe ngera, haju *Herod̯e#14:1 Huyu ni Herod̯e Antipa. Jeje ewa ni mwana jwa haju Herod̯e, huyu eyeakit̯awala ngera ya Yesu avyaijweyo. Ngera ya Yohana eyoakisumwiiya, Herod̯e Antipa ekit̯awala ḍyimbo ḍya Galilaya. kapata maagu dzuu ya haya mambo makuu ya Yesu eyoakihenda. 2D̯ubva kanena na hawa wakuu weokuwa nsii yakwe kawamba, “Jibaḍi huyo anawa ni Yohana Mut̯opya kafufuka kuyawa kwa wafu. Ndiyo maana anaweza kuhenda mafara ya kumakisa dzayohayo.”
3Herod̯e kanena hivi kwa kwamba ewa kamugija Yohana Mut̯opya na kamungiza gerenzani ili aweze kumutsakiza mukaziwe. Huyu huyu mukaziwe eyeakihanigwa Herod̯ia, d̯ura ewa ni muyamuwe, koro ewa mukaza Filipo, na hali Filipo na Herod̯e wewa ni ndugu. Herod̯e ewa kamuhwaa Herod̯ia na hali Filipo ewa ka mojo. 4Yohana epfoona hivi vya Herod̯e ahendeyevyo, ekikaa na kumwambia Herod̯e kut̯wa kwamba ni matsowa kumuhwaa mukaza ndugujwe. 5Nae Herod̯e ekitsaka kumuyaga Yohana, ela ekishooga kwamba kundejumuka fuḍyo, koro wantu wonse wehikiza kwamba Yohana ni *nabii.
6Ela nsiku modza Herod̯e epfoakihenda jila ya kukumbuka kuvyajwa kwakwe, mwanamuke jwa Herod̯ia kavina urembo muno usoni ya hawa wageni wonse. Hivi vya huyu mwanamuke aviniyevyo vimutsakiza Herod̯e muno, 7hat̯a kaḍya kiyapfo usoni ya hawa wageniwe kwamba anamuhendea huyu mwanamuke kiḍechonse adzechotsaka. 8D̯ubva kwa kwamba huyuḍe mwanamuke ewa kambijwa ni mamajwe hiviḍe vya kunena, kamwendea babajwe kamwamba, “Baaba, natsaka unimpe saambi hichi kitswa cha Yohana Mut̯opya kikiwa chuureni!” 9Kudzasikia hivi, haju Herod̯e kadziut̯i kwa hivi aneneyevyo. Ela kwa kwamba ewa kamamuyapfia huyu mwanamuke usoni ya wageniwe, kaamuru kwamba mwanamukewe akipfegwe kitswa cha Yohana ḍugha. 10Ndookomu Yohana kahunwa kitswa humuḍe gerenzani, 11na hiki kitswache kingizwa chuureni kipfiikijwa huyu mwanamuke. Huyu mwanamuke nae kachimupfiikia mamajwe. 12Makisa hawa wanafund̯i wa Yohana wenda wauhwaa hu mwii wa Yohana wauzika, na wenda wavimusumwiiya Yesu.
Yesu kaisa t̯ut̯a ya wantu zaid̯i ya elefu nsano
Marko 6:30-44; Luka 9:10-17; Yohana 6:1-14
13Yesu epfovisikia,#14:13 Ambu: Yesu epfosikia kwamba Herod̯e kapata maagu dzuu yakwe. kanuka na hapfaḍe, kanjia chomboni na kenda kuntu chit̯u, ili aweze kuwa jeje heket̯u. Ela wantu wepfomanya hukuḍe ekoakyenda wanuka na midzini mwao, na wamuhunikanyia na maguu. 14Yesu akwakwojekani kaona t̯ut̯a nkuu na nkuu ya wantu. Na epfowaona, kawasikit̯ikia muno na kanjia kupfonyani hawaḍe weokuwa wajwazi.
15Ipfofika mioro, hawa wanafund̯i wamwendea Yesu wamwamba, “Ḅwana, imaawa mioro muno na hapfa ni pfantu chit̯u. Wambe hawa wantu wende midzini wakadzigwiiye chakuḍya.”
16Yesu kawambukuya kawamba, “Ae ina haḍya ga ya kwamba wende wakadzilachie chakuḍya? Anywi ntamunawapfa?” 17Nao wamwambukuya wamwamba, “Aswi huna kintu ga? Hwivyonavyo vyonse ni mikahe mitsano na nswi mbii t̯u!”
18Yesu kawamba, “Viniyeheyeni hapfa.” 19Makisa kawaamuru hawa wantu wakae vihako hapfaḍe kitsangeni. Kisa Yesu kaihwaa hiḍe mikahe myotsano na hiziḍe nswi zombii. Kayowa mbinguni dzuu na kavivodhya. Makisa kaivunza-vunza hi mikahe na kaiwapfa hawa wanafund̯iwe pfamodza na hizi nswi, nao waviwagawiya hawa wantu. 20Wonse waḍya hat̯a wanjia kuviyowani na matso. Na hawa wanafund̯i wavitsowa-tsowa hivi viḍinku visaiyevyo na wadzaza vikapfu kumi na viwii. 21Hawaḍe waḍiyeo wewa hafufi wayume elefu nsano pfasipfo kut̯ala wake na wana.
Yesu kenenda dzuu ya madzi
Marko 6:45-52; Yohana 6:15-21
22Makisa Yesu kawamba wanafund̯iwe wanjie chomboni wayongowe wavuke huḍoombe, huku jeje akiwa kuḍamanani ne t̯ut̯a ya wantu. 23Akisa kuḍamana nao, kapfaa murimani dzuu jeje heket̯u akayombe. Hat̯a kiza kipfonjia, Yesu amaale ewa ndiye jeje heket̯u hukuḍe murimani. 24Ao wanafund̯iwe wewa wamafika kuye. Hichi chombo chao chikibigwa ni mawimbi makali muno, kwa kwamba kwikibiga vut̯o kali.
25Hafufi na bworu ya magura,#14:25 Chima cha saa kenda za nasiku. Yesu kawendea wanafund̯iwe akiwa kwenendani dzuu ya madzi. 26Wakidzawakimuona kakwenendani dzuu ya madzi, wanjijwa ni oga na waḍabva kuḅaa madzwi, koro wechamba ni ruhu nzuka. 27Ela iyo saa Yesu kanena nao kawamba, “Dzipfeni mojo, ndimi, namutseshooga!”
28Pet̯ero kamwamba Yesu, “Ḅwana, ikiwa kwamba ndiwe ḍugha, niamuru nami nyenende dzuu ya haya madzi nikudziye.” 29Na Yesu kamwamba, “Nzoo!” D̯ubva Pet̯ero kasuka na humuḍe chomboni na kaḍabva kwenenda dzuu ya haya madzi akimwendea Yesu. 30Ela epfoona namuna ya hiḍi vut̯o ḍivyokuwa kali, Pet̯ero kanjijwa ni oga na kaḍabva kuzama. Iyo saa kaḅaa idzwi kuu kamba, “Ḅwana, nipfonya!” 31Na pfapfo Yesu kamupfiikia mukono kamugija na kamwamba, “E wewe wiye na faro ndoḍo! Kut̯i wiwa nkukuniserefat̯a?” 32D̯ubva wepfonjia humuḍe chomboni t̯u, hiḍi vut̯o ḍinyamaa. 33Makisa hawa wanafund̯i wamuvunzia nkuhi Yesu wamwamba, “Hakika wewe u Mwana jwa Muungu ḍugha.”
Yesu kapfonya wajwazi nsi ya Genezareti
Marko 6:53-56
34Yesu na wanafund̯iwe wavuka hiḍi ziwa wenda wojeka nsi ya Genezareti. 35Hawa wantu wepfomuhambuya kwamba ni Yesu, wad̯achasa maagu nsi yonse. Ndookomu wamuyehea wajwazi wao wonse weokuwa nao hiḍihiḍiḍe gaga ili awapfonye. 36Na wamuyomba awaruhusu hawa wajwazi nangaa wauhore hu mutse wa hiḍi vwaziḍye t̯u, ili wapate kupfowa. Na wonse wamuhoreyeo wapfona.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2004, Bible Translation and Literacy