Marko 5
5
Yesu kapfonya muntu awee na mpepfo nzuka
Matayo 8:28-34; Luka 8:26-39
1Yesu na wanafund̯iwe wepfovuka hiḍi ziwa ḍya Galilaya, wenda wojeka nsi ya Wagerasa. 2Yesu epfoyawa nomu chomboni, kat̯angerwa ni muntu ayawiye maḅeerani eyekuwa na mpepfo nzuka. 3Huyu muntu ekikaa maḅeerani. Ntaku awezeye kumumiza hat̯a kwa kumufunga na minyoro. 4Ekikaa na kufungwa maguu na mikono kut̯wa, ela kula buwa ekiihuna-huna hi minyoro na hizi mpingu akazivunza-vunza. Ndookomu ntakwiwa na muntu eyekuwa na nguvu za kumumiza. 5Siku na musikahi ekizunguuka humu maḅeerani na mirimani akiḅaa madzwi na kudziḅaa-ḅaa na mawe.
6D̯ubva epfomuona Yesu na jwa kuye, kamud̯aramia na kenda kamugwiya maguuni. 7-8Yesu kamwamba, “Wewe mpepfo nzuka, muyawe muntu huyu!” Na huyuḍe muntu kaḅaa idzwi kuu kamba, “Unamini Yesu Mwana jwa Muungu awee dzuu? Nakuyomba kwa sari ḍya Muungu, utsenikuntisa d̯ina!”
9Makisa Yesu kamuuza kamwamba, “Sariḍyo ndiwe ga?” Nae kamwambukuya kamwamba, “Sari ḍyangu ndimi ‘Ḍyeshi,’ koro hu wenji.” 10Kisa kamuyomba Yesu muno atsezipfiika hizi mpepfo nzuka nze ya hiḍe nsi.
11Hafufi na hapfaḍe, kwiwa gwolu nkuu ya nguyuwe iyoikiisa karimani dzuu. 12Na hizi mpepfo nzuka zimuyomba Yesu zimwamba, “Huyatse hukawanjie hawaḍe nguyuwe hawaḍe.” 13Yesu kaziruhusu, nazo zimuyawa huyuḍe muntu zyenda ziwanjia hawa nguyuwe. Gwolu yonse ya nguyuwe id̯arama kuyawa hapfa yukukani yenda igwa ḅaharini. Na nguyuwe wonse chima cha elefu mbii wafwa madzi tswee!
14D̯ubva hawa wat̯unga#5:14 Wagerasa wekifuga nguyuwe na kuwat̯unga dza mbuzi. wa hawaḍe nguyuwe kudzaona hivyo, wad̯arama wapfiika maagu mudzini na makondeni. Na wantu wahika kwendayowa haya yahendekeeyo. 15Wepfofika hapfaḍe pfa Yesu epfokuwa, wamuona huyuḍe muntu eyekuwa na mpepfo nzuka nyinji na nyinji. Wamuona kakaa chihako, kavwaa nguoze na ndiye na akilize nzima! Ndookomu nao wanjijwa ni oga.
16Kula aoneye haya mafara yahendekeeyo kwa huyuḍe muntu na hawa nguyuwe, kavisumwiiya mwenziwe. 17Ndookomu hawa wantu waḍabva kumuyomba Yesu ayawe d̯aid̯oni mwao.
18Yesu akwakunjiani chomboni agonzowe, huyuḍe muntu ayavijwe mpepfo nzuka kamuyomba agijane nae. 19Ela Yesu kadziza. Ishinu kamwamba, “Uja nyumbani ukawasumwiiye waḅamuzo hayaḍe yonse ya Muungu akuhendeeyeyo na namuna akufwiiyevyo t̯ei.” 20Nae huyuḍe muntu kenda hiḍe ḍanda iyonahanwa “Midzi Kumi,” kendakaḍabva kusumwiiya wantu hivi vya Yesu amuhendeeyevyo. Na wantu wonse wamaka.
Kufufujwa kwa mwanamuke jwa Yairo na kupfonywa kwa muke mumodza
Matayo 9:18-26; Luka 8:40-56
21Yesu kanjia chomboni kavuka kawii hiḍi ziwa kauja huyombe ayawiyejo. Epfokwojeka, kut̯uut̯aa t̯ut̯a nkuu na nkuu ya wantu imuringiyeo geri ya hiḍi ziwa. 22Na hapfo kudza mukuu mumodza jwa *sunagogi eyeakihanwa Yairo. Epfomuona Yesu kamugwiya maguuni. 23Kamuriria kamwamba, “Mwanamuke wangu muḍoḍo ka d̯uru ḍya mwiso! Nakuyomba ukamuweke mikono apate kupfona na aishi.” 24Ndookomu Yesu kanuka pfamodza na Yairo. Na t̯ut̯a nkuu na nkuu ya wantu imuuḅa. Wamuminya na kula ḍanda.
25Humuḍe mwe t̯ut̯a, kwiwa muke eyekuwa na ujwazi wa kukakanyika mwazi. Hu huu ujwazi ewa kamakaa nao kwa myaka kumi na miwii. 26Ewa kasumbuka muno kwenda huku na huku kwa waganga. Jabvawe wonse kawisiya ugangani, ela nkakuhenda weya. Ishinu haliye ihamat̯a kuwa nzuka.
27-28Hat̯a vivyo, huyu muke ewa kapata maagu dzuu ya Yesu. Ndookomu kamudzia Yesu na nyuma, akiḅaa wantu huku akit̯ara na mojoni akyamba, “Amaa hat̯a nikiḍihora eḍi lot̯aḍye saapfowa?” Na epfomuhora Yesu ḍugha, 29hu mwazi eoakikakanyika ut̯uma pfapfo na kadzisikia kwamba kapfowa!
30Iyo saa Yesu kadzisikia kwamba kayawigwa ni nguvu. Nae kaiperukia hi t̯ut̯a ya wantu na kawauza kawamba, “Ni ga aihoreye e nkanzu yangu?” 31Hawa wanafund̯iwe wamwambukuya wamwamba, “Ḅwana nkukwakuonani namuna ya wantu wevyokukuminyani na kula ḍanda? Unakwambadze, ‘Ni ga anihoreye?’ ” 32Ela Yesu kagija kuyowa-yowa huku na huku amuone huyuḍe amuhoreye.
33Huyu muke kudzahambuya hivi vimuhendekeeyevyo kadziyavya. Kenda kwa Yesu huku akihehema na oga. Kamugwiya maguuni na kamusumwiiya vyonse vihendekeyevyo. 34Nae Yesu kamwamba, “Maama, faroyo ikupfonya. Enda na naghea, kwisa kupfowa nd̯wariyo!”
35Yesu asidzakwisa kunena, kudza wantu kuyawa nyumbani kwa Yairo na wamwamba Yairo, “Huyu mwanamukeo kesakufwa. Amaale ayu Mwaalimu unamusumbwiiya ḍi?” 36Ela hat̯a pfasipfo kuvifwanya hivi wevyowakinena, Yesu kamwamba Yairo, “Nkudzouwe na shaka, wewe hikiza t̯u!” 37Na akwakwendani kwa Yairo, nkakuyatsa muntu yungine yuḍejwonse amuuḅe, lamud̯a Pet̯ero, Yakobo na Yohana ndugujwe Yakobo.
38Wepfofika nyumbani kwa Yairo, Yesu kat̯onga vilele vya viiyo na kukikintika. 39Kanjia humu nyumbani na kawauza hawa wantu kawamba, “Avi vilele vyonse vya viiyo mvya? Huyu mwanamuke nkakufwa, kakuyaani t̯u!” 40Ela wao wamutseka. Yesu kawayavya nze wonse. Makisa kamuhwaa babajwe na mamajwe huyu mwanamuke na wanafund̯iwe wohahu, wanjia humu chumbani mwa huyu mwanamuke emokuwa. 41Kisa kamugija mukono huyuḍe mwana na kanena nae chikwao kamwamba, “Talitha kumi,” maanaye, “Mwanamuke, yamuka!” 42Iyo saa huyuḍe mwanamuke kanuka, na kaḍabva kudzyenendea. (Huyu mwanamuke ewa na myaka kumi na miwii). Wantu kudzaona hivyo wamaka kuchia chima. 43Yesu kawaseresa watsevimwambia yuḍejwonse hivi vihendekeyevyo. Kisa kawamba wamumpe huyu mwanamuke kintu cha kuḍya.
Currently Selected:
Marko 5: pkb
Highlight
Share
Copy
Want to have your highlights saved across all your devices? Sign up or sign in
© 2004, Bible Translation and Literacy
Marko 5
5
Yesu kapfonya muntu awee na mpepfo nzuka
Matayo 8:28-34; Luka 8:26-39
1Yesu na wanafund̯iwe wepfovuka hiḍi ziwa ḍya Galilaya, wenda wojeka nsi ya Wagerasa. 2Yesu epfoyawa nomu chomboni, kat̯angerwa ni muntu ayawiye maḅeerani eyekuwa na mpepfo nzuka. 3Huyu muntu ekikaa maḅeerani. Ntaku awezeye kumumiza hat̯a kwa kumufunga na minyoro. 4Ekikaa na kufungwa maguu na mikono kut̯wa, ela kula buwa ekiihuna-huna hi minyoro na hizi mpingu akazivunza-vunza. Ndookomu ntakwiwa na muntu eyekuwa na nguvu za kumumiza. 5Siku na musikahi ekizunguuka humu maḅeerani na mirimani akiḅaa madzwi na kudziḅaa-ḅaa na mawe.
6D̯ubva epfomuona Yesu na jwa kuye, kamud̯aramia na kenda kamugwiya maguuni. 7-8Yesu kamwamba, “Wewe mpepfo nzuka, muyawe muntu huyu!” Na huyuḍe muntu kaḅaa idzwi kuu kamba, “Unamini Yesu Mwana jwa Muungu awee dzuu? Nakuyomba kwa sari ḍya Muungu, utsenikuntisa d̯ina!”
9Makisa Yesu kamuuza kamwamba, “Sariḍyo ndiwe ga?” Nae kamwambukuya kamwamba, “Sari ḍyangu ndimi ‘Ḍyeshi,’ koro hu wenji.” 10Kisa kamuyomba Yesu muno atsezipfiika hizi mpepfo nzuka nze ya hiḍe nsi.
11Hafufi na hapfaḍe, kwiwa gwolu nkuu ya nguyuwe iyoikiisa karimani dzuu. 12Na hizi mpepfo nzuka zimuyomba Yesu zimwamba, “Huyatse hukawanjie hawaḍe nguyuwe hawaḍe.” 13Yesu kaziruhusu, nazo zimuyawa huyuḍe muntu zyenda ziwanjia hawa nguyuwe. Gwolu yonse ya nguyuwe id̯arama kuyawa hapfa yukukani yenda igwa ḅaharini. Na nguyuwe wonse chima cha elefu mbii wafwa madzi tswee!
14D̯ubva hawa wat̯unga#5:14 Wagerasa wekifuga nguyuwe na kuwat̯unga dza mbuzi. wa hawaḍe nguyuwe kudzaona hivyo, wad̯arama wapfiika maagu mudzini na makondeni. Na wantu wahika kwendayowa haya yahendekeeyo. 15Wepfofika hapfaḍe pfa Yesu epfokuwa, wamuona huyuḍe muntu eyekuwa na mpepfo nzuka nyinji na nyinji. Wamuona kakaa chihako, kavwaa nguoze na ndiye na akilize nzima! Ndookomu nao wanjijwa ni oga.
16Kula aoneye haya mafara yahendekeeyo kwa huyuḍe muntu na hawa nguyuwe, kavisumwiiya mwenziwe. 17Ndookomu hawa wantu waḍabva kumuyomba Yesu ayawe d̯aid̯oni mwao.
18Yesu akwakunjiani chomboni agonzowe, huyuḍe muntu ayavijwe mpepfo nzuka kamuyomba agijane nae. 19Ela Yesu kadziza. Ishinu kamwamba, “Uja nyumbani ukawasumwiiye waḅamuzo hayaḍe yonse ya Muungu akuhendeeyeyo na namuna akufwiiyevyo t̯ei.” 20Nae huyuḍe muntu kenda hiḍe ḍanda iyonahanwa “Midzi Kumi,” kendakaḍabva kusumwiiya wantu hivi vya Yesu amuhendeeyevyo. Na wantu wonse wamaka.
Kufufujwa kwa mwanamuke jwa Yairo na kupfonywa kwa muke mumodza
Matayo 9:18-26; Luka 8:40-56
21Yesu kanjia chomboni kavuka kawii hiḍi ziwa kauja huyombe ayawiyejo. Epfokwojeka, kut̯uut̯aa t̯ut̯a nkuu na nkuu ya wantu imuringiyeo geri ya hiḍi ziwa. 22Na hapfo kudza mukuu mumodza jwa *sunagogi eyeakihanwa Yairo. Epfomuona Yesu kamugwiya maguuni. 23Kamuriria kamwamba, “Mwanamuke wangu muḍoḍo ka d̯uru ḍya mwiso! Nakuyomba ukamuweke mikono apate kupfona na aishi.” 24Ndookomu Yesu kanuka pfamodza na Yairo. Na t̯ut̯a nkuu na nkuu ya wantu imuuḅa. Wamuminya na kula ḍanda.
25Humuḍe mwe t̯ut̯a, kwiwa muke eyekuwa na ujwazi wa kukakanyika mwazi. Hu huu ujwazi ewa kamakaa nao kwa myaka kumi na miwii. 26Ewa kasumbuka muno kwenda huku na huku kwa waganga. Jabvawe wonse kawisiya ugangani, ela nkakuhenda weya. Ishinu haliye ihamat̯a kuwa nzuka.
27-28Hat̯a vivyo, huyu muke ewa kapata maagu dzuu ya Yesu. Ndookomu kamudzia Yesu na nyuma, akiḅaa wantu huku akit̯ara na mojoni akyamba, “Amaa hat̯a nikiḍihora eḍi lot̯aḍye saapfowa?” Na epfomuhora Yesu ḍugha, 29hu mwazi eoakikakanyika ut̯uma pfapfo na kadzisikia kwamba kapfowa!
30Iyo saa Yesu kadzisikia kwamba kayawigwa ni nguvu. Nae kaiperukia hi t̯ut̯a ya wantu na kawauza kawamba, “Ni ga aihoreye e nkanzu yangu?” 31Hawa wanafund̯iwe wamwambukuya wamwamba, “Ḅwana nkukwakuonani namuna ya wantu wevyokukuminyani na kula ḍanda? Unakwambadze, ‘Ni ga anihoreye?’ ” 32Ela Yesu kagija kuyowa-yowa huku na huku amuone huyuḍe amuhoreye.
33Huyu muke kudzahambuya hivi vimuhendekeeyevyo kadziyavya. Kenda kwa Yesu huku akihehema na oga. Kamugwiya maguuni na kamusumwiiya vyonse vihendekeyevyo. 34Nae Yesu kamwamba, “Maama, faroyo ikupfonya. Enda na naghea, kwisa kupfowa nd̯wariyo!”
35Yesu asidzakwisa kunena, kudza wantu kuyawa nyumbani kwa Yairo na wamwamba Yairo, “Huyu mwanamukeo kesakufwa. Amaale ayu Mwaalimu unamusumbwiiya ḍi?” 36Ela hat̯a pfasipfo kuvifwanya hivi wevyowakinena, Yesu kamwamba Yairo, “Nkudzouwe na shaka, wewe hikiza t̯u!” 37Na akwakwendani kwa Yairo, nkakuyatsa muntu yungine yuḍejwonse amuuḅe, lamud̯a Pet̯ero, Yakobo na Yohana ndugujwe Yakobo.
38Wepfofika nyumbani kwa Yairo, Yesu kat̯onga vilele vya viiyo na kukikintika. 39Kanjia humu nyumbani na kawauza hawa wantu kawamba, “Avi vilele vyonse vya viiyo mvya? Huyu mwanamuke nkakufwa, kakuyaani t̯u!” 40Ela wao wamutseka. Yesu kawayavya nze wonse. Makisa kamuhwaa babajwe na mamajwe huyu mwanamuke na wanafund̯iwe wohahu, wanjia humu chumbani mwa huyu mwanamuke emokuwa. 41Kisa kamugija mukono huyuḍe mwana na kanena nae chikwao kamwamba, “Talitha kumi,” maanaye, “Mwanamuke, yamuka!” 42Iyo saa huyuḍe mwanamuke kanuka, na kaḍabva kudzyenendea. (Huyu mwanamuke ewa na myaka kumi na miwii). Wantu kudzaona hivyo wamaka kuchia chima. 43Yesu kawaseresa watsevimwambia yuḍejwonse hivi vihendekeyevyo. Kisa kawamba wamumpe huyu mwanamuke kintu cha kuḍya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2004, Bible Translation and Literacy