Wafilipi 2
2
Mut̯aḅeni Kirist̯o
1D̯ubva ikiwa kwamba kumuhikiza kwenu *Kirist̯o kunakaa na kumungiza mojo, na tsakoḍye ḍinamuingamaza, na ikiwa kwamba munakaa na kuwa na haria na huyu Ruhu Mudheru, na munatsakana na kufwiyana t̯ei nywinywi na nywinywi, 2namuyomba munitsekeze kaḅisa kaḅisa. Nitsekezani kwa kuwa na mat̯aro mamodza, na kwa kutsakana nywinywi na nywinywi na muwe na mojo mumodza na kuhenda kumodza. 3Namutsehenda dzambo ḍiḍeḍyonse na umimi ambu kwa kulacha kudziona. Ela wani na myojo ya umpowe, mukiwahwaa wangine kuwa ḅora zaid̯i kumuchia nywinywi wenye. 4Kula mumodza jwenu natsemuud̯amia haya mamboye jeje heket̯u ḅasi, ela wamuud̯amiyeni na wenzenu pia. 5Wani na mojo dza uuḍe wa Kirist̯o Yesu eokuwa nao.
6Ingawa ewa na asili ya Umuungu,
ela jeje hukuḍe kuwa sawa na Muungu,
nkakukuhwaiya kuwa dzambo ḍya kuḍihabvaka gu.
7Kwa kutsaka kwakwe jeje mwenye,
hayo hayo yonse kayajibat̯a.
Kadziweka dza muhumisi,
na kawa dza mwanaad̯amu.
8Na akimaawa dza mwanaad̯amu,
kadzisusya nsii,
na kat̯ii hat̯a adzepfoakifwa,
kifo cha kinyaya muhini mwa mpatsa.
9Na kwa dzambo hiḍyo,
Muungu kamukuzya,
na kamuhendeza akae pfantu pfa hila nkuu pfa mwiso.
Kamumpa sari ḍiiḍyo kuu
kuchia masari yonse.
10Ndookomu kwa kuḍihila sari ḍya Yesu,
kula ḍikihadzwa viumbe vyonse,
viivyo mbinguni dzuu,
nsii lumwenguni,
na hat̯a viivyo lumwengu jwa wafu,
ni had̯i vimuvunziye nkuhi.
11Na kula mumodza anene
kwamba Yesu Kirist̯o ni Ḅwana
kwa dzambo ḍya kumumpa shad̯u
Muungu Baba.
Yangaani dza muyanga wa lumwengu
12D̯ubva watsakwa, dza mwiivyomukinit̯ii kut̯wa nipfokuwa pfamodza nanywi, ḅasi hat̯a hivi hivi niivyo kuye nanywi gijani kunit̯ii. Gijani kuhenda mema, mukimushooga Muungu muno kuzimuni mwa maisha yenu ya mupfonyo. 13Koro Muungu ndiye eyekuhendani kazi kuzimuni mwenu, apate kumumpa mojo na nguvu za kuhendea hayaḍe yeyonamutsakiza jeje.
14Hendani kula kintu pfasipfo kuḅuguma wala kushindana 15ili kwamba muweze kuwa wantu wasio t̯amba ambu alano iḍeyonse. Ni muwe dza wana wema wa Muungu weokuishini lumwengu jwa wantu wazuka na wanangikiyeo. Yangaani dza muyanga kahi yao, 16huku mukikigija gu hichi chuuwo chichonawapfa wantu maisha. Mukihenda dza hivi, ndipfo nami nsiku ya Kirist̯o adzeyokudza nawa na saḅaḅu ya kudzivunia, koro idzayanga tswee kwamba hi kazi nihendeyeyo sikufwa ḅasi.
17Hat̯a ikiwa kwamba mimi ni kuyavigwa dza sehemu ya hi mvuugiya mwiyokumuyavizani Muungu kwa dzambo ḍya serefano yenu kwakwe, mimi nya t̯ayari na natsaika pfamodza nanywi nyonse.
18Dza vivyo nanywi ni had̯i mutsekeye pfamodza nami.
Kuhumigwa kwa Timoteo na Epafurodito
19Nyakuyoweeyani kwamba, Ḅwana akitsaka, namuhuma Timoteo kwenu si hat̯a kae ili kwamba niweze kunjia mojo nidzepfopata maagu dzuu yenu. 20Hapfa si muntu yungine eyenamumuud̯amia nywinywi na mojo dza Timoteo. 21Hawa wangine wonse wakumuud̯amiani mambo yao wao wenye ḅad̯ala ya kumuud̯amia haya mambo ya Yesu Kirist̯o. 22Ela nywinywi wenye mumanya namuna ya Timoteo aivyo muntu mwema. Mimi nae hwiiwa dza muntu na mwanawe. Kanigijiija kuhenda kazi ya kuyasumwiiya haya *Maagu Mema. 23Nina madzikwat̯yo kwamba nidzepfomanya namuna ya haya mambo yadzevyonyendea t̯u, namuhuma kwenu. 24Nina hakika kwamba, Ḅwana akitsaka, nakudza huko huko kwenu si hat̯a kae.
25Niona urembo kwamba nguzi nimugaliche ndugu Epafurodito kwenu. Jeje ni muhenda kazi mwenzangu hwiyekuijwaniani pfamodza hi injili. Na ndiye muhumiyee kudzanigija ninkiwa na t̯uri. 26Nyakumuhumani kwenu, kwa dzambo ana hamu muno ya kudzamuona nyonse. Jeje kakuhangaikani kwamba mumupata maagu kwamba ni mujwazi. 27Gula ndivyo ḍugha. Ewa mujwazi muno hat̯a echamba afwe. Ela Muungu kamufwiya t̯ei, na hat̯a nami pia kanifwiya t̯ei nitsekudzapatwa ni tsungu zaid̯i ya hu nionao. 28Ndookomu nyakutsakani muno kumuhuma kwenu haraka ili kwamba mudzepfomuona, munjie tsekea kawii na hi ngiru yangu iniyawe. 29D̯ubva mupfokeyeni na tsekea yonse dza muntu jwa Ḅwana. Wahileni na wangine wonse weo dzae, 30koro ewa kayangiza hat̯arini haya maishaye hat̯a echamba afwe kwa dzambo ḍye kazi ya Kirist̯o, ili aweze kuunimpa hu ugijo musioweza kuuniyeheya nywinywi wenye na mukono.
Currently Selected:
Wafilipi 2: pkb
Highlight
Copy
Compare
Share
Want to have your highlights saved across all your devices? Sign up or sign in
© 2004, Bible Translation and Literacy
Wafilipi 2
2
Mut̯aḅeni Kirist̯o
1D̯ubva ikiwa kwamba kumuhikiza kwenu *Kirist̯o kunakaa na kumungiza mojo, na tsakoḍye ḍinamuingamaza, na ikiwa kwamba munakaa na kuwa na haria na huyu Ruhu Mudheru, na munatsakana na kufwiyana t̯ei nywinywi na nywinywi, 2namuyomba munitsekeze kaḅisa kaḅisa. Nitsekezani kwa kuwa na mat̯aro mamodza, na kwa kutsakana nywinywi na nywinywi na muwe na mojo mumodza na kuhenda kumodza. 3Namutsehenda dzambo ḍiḍeḍyonse na umimi ambu kwa kulacha kudziona. Ela wani na myojo ya umpowe, mukiwahwaa wangine kuwa ḅora zaid̯i kumuchia nywinywi wenye. 4Kula mumodza jwenu natsemuud̯amia haya mamboye jeje heket̯u ḅasi, ela wamuud̯amiyeni na wenzenu pia. 5Wani na mojo dza uuḍe wa Kirist̯o Yesu eokuwa nao.
6Ingawa ewa na asili ya Umuungu,
ela jeje hukuḍe kuwa sawa na Muungu,
nkakukuhwaiya kuwa dzambo ḍya kuḍihabvaka gu.
7Kwa kutsaka kwakwe jeje mwenye,
hayo hayo yonse kayajibat̯a.
Kadziweka dza muhumisi,
na kawa dza mwanaad̯amu.
8Na akimaawa dza mwanaad̯amu,
kadzisusya nsii,
na kat̯ii hat̯a adzepfoakifwa,
kifo cha kinyaya muhini mwa mpatsa.
9Na kwa dzambo hiḍyo,
Muungu kamukuzya,
na kamuhendeza akae pfantu pfa hila nkuu pfa mwiso.
Kamumpa sari ḍiiḍyo kuu
kuchia masari yonse.
10Ndookomu kwa kuḍihila sari ḍya Yesu,
kula ḍikihadzwa viumbe vyonse,
viivyo mbinguni dzuu,
nsii lumwenguni,
na hat̯a viivyo lumwengu jwa wafu,
ni had̯i vimuvunziye nkuhi.
11Na kula mumodza anene
kwamba Yesu Kirist̯o ni Ḅwana
kwa dzambo ḍya kumumpa shad̯u
Muungu Baba.
Yangaani dza muyanga wa lumwengu
12D̯ubva watsakwa, dza mwiivyomukinit̯ii kut̯wa nipfokuwa pfamodza nanywi, ḅasi hat̯a hivi hivi niivyo kuye nanywi gijani kunit̯ii. Gijani kuhenda mema, mukimushooga Muungu muno kuzimuni mwa maisha yenu ya mupfonyo. 13Koro Muungu ndiye eyekuhendani kazi kuzimuni mwenu, apate kumumpa mojo na nguvu za kuhendea hayaḍe yeyonamutsakiza jeje.
14Hendani kula kintu pfasipfo kuḅuguma wala kushindana 15ili kwamba muweze kuwa wantu wasio t̯amba ambu alano iḍeyonse. Ni muwe dza wana wema wa Muungu weokuishini lumwengu jwa wantu wazuka na wanangikiyeo. Yangaani dza muyanga kahi yao, 16huku mukikigija gu hichi chuuwo chichonawapfa wantu maisha. Mukihenda dza hivi, ndipfo nami nsiku ya Kirist̯o adzeyokudza nawa na saḅaḅu ya kudzivunia, koro idzayanga tswee kwamba hi kazi nihendeyeyo sikufwa ḅasi.
17Hat̯a ikiwa kwamba mimi ni kuyavigwa dza sehemu ya hi mvuugiya mwiyokumuyavizani Muungu kwa dzambo ḍya serefano yenu kwakwe, mimi nya t̯ayari na natsaika pfamodza nanywi nyonse.
18Dza vivyo nanywi ni had̯i mutsekeye pfamodza nami.
Kuhumigwa kwa Timoteo na Epafurodito
19Nyakuyoweeyani kwamba, Ḅwana akitsaka, namuhuma Timoteo kwenu si hat̯a kae ili kwamba niweze kunjia mojo nidzepfopata maagu dzuu yenu. 20Hapfa si muntu yungine eyenamumuud̯amia nywinywi na mojo dza Timoteo. 21Hawa wangine wonse wakumuud̯amiani mambo yao wao wenye ḅad̯ala ya kumuud̯amia haya mambo ya Yesu Kirist̯o. 22Ela nywinywi wenye mumanya namuna ya Timoteo aivyo muntu mwema. Mimi nae hwiiwa dza muntu na mwanawe. Kanigijiija kuhenda kazi ya kuyasumwiiya haya *Maagu Mema. 23Nina madzikwat̯yo kwamba nidzepfomanya namuna ya haya mambo yadzevyonyendea t̯u, namuhuma kwenu. 24Nina hakika kwamba, Ḅwana akitsaka, nakudza huko huko kwenu si hat̯a kae.
25Niona urembo kwamba nguzi nimugaliche ndugu Epafurodito kwenu. Jeje ni muhenda kazi mwenzangu hwiyekuijwaniani pfamodza hi injili. Na ndiye muhumiyee kudzanigija ninkiwa na t̯uri. 26Nyakumuhumani kwenu, kwa dzambo ana hamu muno ya kudzamuona nyonse. Jeje kakuhangaikani kwamba mumupata maagu kwamba ni mujwazi. 27Gula ndivyo ḍugha. Ewa mujwazi muno hat̯a echamba afwe. Ela Muungu kamufwiya t̯ei, na hat̯a nami pia kanifwiya t̯ei nitsekudzapatwa ni tsungu zaid̯i ya hu nionao. 28Ndookomu nyakutsakani muno kumuhuma kwenu haraka ili kwamba mudzepfomuona, munjie tsekea kawii na hi ngiru yangu iniyawe. 29D̯ubva mupfokeyeni na tsekea yonse dza muntu jwa Ḅwana. Wahileni na wangine wonse weo dzae, 30koro ewa kayangiza hat̯arini haya maishaye hat̯a echamba afwe kwa dzambo ḍye kazi ya Kirist̯o, ili aweze kuunimpa hu ugijo musioweza kuuniyeheya nywinywi wenye na mukono.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2004, Bible Translation and Literacy