Genèse 13
13
1Niinee ní Abram yíkì Eejipiti tiŋkin ki túĺ Neegeeb watil pú, ki kpáaǹ u-nimpuu nì tin kɔkɔ u nìn pée cááyee, ní Looti nóó-u.
Abram nì Looti yākatì tɔbin
2Abram nìn sá ugaajakpaan ní. U nìn cáá tiwaŋkuti tikpil ki cáá animbil nì sindaariya. 3Ní u yíkì Neegeeb ki còom̄ ki kàal̀ ntimu ntimu ki nìkì, ní ki tin bàn̄ Beeteel, mpaan ŋun pu u nìn péé péé ki gāā u-tantiu Beeteel nì Aayi kansikinee. 4Niin ní u nìn máń nsaraafan mpeekaam. Niin ní u jáam̀ ti-Dindaan.
5Looti un nìn dī-uee mun nìn cáá u-ba nì u-piii nì u-ŋoobui nì u-naai, ní ki cáá u-ba nì u-tantiu ki kóò. 6Kitiŋ kin poon bi nìn bée kaa nìn náaǹ bí kpāfì kí nīn kā dicilpu, kun puee bi nìn cáá tiwaŋkuti tikpil. 7Bi bí niinee ní kujaau kɔ́ Abram pikpaaliibi nì Looti yab kansikin. An yuntiŋuee, Kanaan yab nì Peeriisi yab di nìn kóò kitiŋ gbantin. 8Niinee ní Abram bí Looti yii: «Kujaau kaa máaǹ kí nīn bí man nì sii kansikin, kaa máaǹ kí nīn bí man pikpaaliibi nì sii yab kansikin, kun puee ti pēē mmaal ní. 9Kpèè, kitiŋ di kaa dɔ̄ a-nimbiin pàaa neeee? Tí yàkatī tɔbin. Á lēē laakin pú a lèe kí nīn cá. Sii yaa lēē ŋgan púɔɔɔ, man ń túĺ ŋgiil pú. Sii yaa tí lēē ŋgiil púɔɔɔ, man ń túĺ ŋgan pú.»
10Niinee ní Looti fātìi kpēē kitiŋ kin dɔ̄ Jɔɔdan buŋŋu watil púee ki ká timool nín pée sɔ̀mìń niin pú fílfil ki tin sāā Soowaar tiŋkee. An nìn sɔ̀m̀ kii ti-Dindaan kpaabuee, ki nìn sɔ̀m̀ kii Eejipiti tiŋkee. An yuntiŋuee, ti-Dindaan kaa nìn dá láá kúntì Soodoom nì Goomoora timmu. 11Niinee ní Looti lēē kitiŋ kin dɔ̄ Jɔɔdan buŋŋu watil púee kɔkɔ, ní ki búntì ŋwìiń nyalaŋki pú. Bi-yàkatitam nín jítì miŋyee dee. 12Di sá Abram gbíntì Kanaan tiŋkin, ní Looti úǹ cūtì ki kɔ́ ntimu mun bí Jɔɔdan tantakalinee, ní ki gāā u-tantib Soodoom tiŋki caŋin. 13Ama Soodoom tiŋki gbanti nib nìn sá binikpitib ní ki nìn ŋáań tin kaa pée ŋān̄ ti-Dindaan ceeyee.
14Looti nì Abram nín yākatì tɔbin Looti búntèe, ní ti-Dindaan bí Abram yii: «Laakin a yú nee, fàtī kí kpèè ŋgiil pú nì ŋgan pú, kí kpèè ŋwìiń nyalaŋki pú nì ŋwìiń jeetilaŋki pú. 15Kitiŋ kin kɔkɔ a wāĺ nee, m làá dū-kì kí tīī sii nì a-niboolii ní, ní nīn yì kí nīn pée cáa cá jaanjaan#13.15 Kpèè Atuun 7.5.. 16M làá yàntī a-niboolii ń bùtī kii dibulee ní. Un yaa láa ŋúń ki kàan̄ dibulee di dāa ŋūǹ kí kàaǹ a-niboolii. 17Yīkì kí còom̀ kí màntīí tū kitiŋ nee, kun puee sii ní m làá dū-kì kí tīī.»
18Ní Abram yíkì niin ki cūtìi gāā u-tantib Mamiree sufii in bí Eebrɔn tiŋki caŋinee ki kóò, ní ki máń ti-Dindaan nsaraafan niin.
Currently Selected:
Genèse 13: BASSARDC
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Genèse 13
13
1Niinee ní Abram yíkì Eejipiti tiŋkin ki túĺ Neegeeb watil pú, ki kpáaǹ u-nimpuu nì tin kɔkɔ u nìn pée cááyee, ní Looti nóó-u.
Abram nì Looti yākatì tɔbin
2Abram nìn sá ugaajakpaan ní. U nìn cáá tiwaŋkuti tikpil ki cáá animbil nì sindaariya. 3Ní u yíkì Neegeeb ki còom̄ ki kàal̀ ntimu ntimu ki nìkì, ní ki tin bàn̄ Beeteel, mpaan ŋun pu u nìn péé péé ki gāā u-tantiu Beeteel nì Aayi kansikinee. 4Niin ní u nìn máń nsaraafan mpeekaam. Niin ní u jáam̀ ti-Dindaan.
5Looti un nìn dī-uee mun nìn cáá u-ba nì u-piii nì u-ŋoobui nì u-naai, ní ki cáá u-ba nì u-tantiu ki kóò. 6Kitiŋ kin poon bi nìn bée kaa nìn náaǹ bí kpāfì kí nīn kā dicilpu, kun puee bi nìn cáá tiwaŋkuti tikpil. 7Bi bí niinee ní kujaau kɔ́ Abram pikpaaliibi nì Looti yab kansikin. An yuntiŋuee, Kanaan yab nì Peeriisi yab di nìn kóò kitiŋ gbantin. 8Niinee ní Abram bí Looti yii: «Kujaau kaa máaǹ kí nīn bí man nì sii kansikin, kaa máaǹ kí nīn bí man pikpaaliibi nì sii yab kansikin, kun puee ti pēē mmaal ní. 9Kpèè, kitiŋ di kaa dɔ̄ a-nimbiin pàaa neeee? Tí yàkatī tɔbin. Á lēē laakin pú a lèe kí nīn cá. Sii yaa lēē ŋgan púɔɔɔ, man ń túĺ ŋgiil pú. Sii yaa tí lēē ŋgiil púɔɔɔ, man ń túĺ ŋgan pú.»
10Niinee ní Looti fātìi kpēē kitiŋ kin dɔ̄ Jɔɔdan buŋŋu watil púee ki ká timool nín pée sɔ̀mìń niin pú fílfil ki tin sāā Soowaar tiŋkee. An nìn sɔ̀m̀ kii ti-Dindaan kpaabuee, ki nìn sɔ̀m̀ kii Eejipiti tiŋkee. An yuntiŋuee, ti-Dindaan kaa nìn dá láá kúntì Soodoom nì Goomoora timmu. 11Niinee ní Looti lēē kitiŋ kin dɔ̄ Jɔɔdan buŋŋu watil púee kɔkɔ, ní ki búntì ŋwìiń nyalaŋki pú. Bi-yàkatitam nín jítì miŋyee dee. 12Di sá Abram gbíntì Kanaan tiŋkin, ní Looti úǹ cūtì ki kɔ́ ntimu mun bí Jɔɔdan tantakalinee, ní ki gāā u-tantib Soodoom tiŋki caŋin. 13Ama Soodoom tiŋki gbanti nib nìn sá binikpitib ní ki nìn ŋáań tin kaa pée ŋān̄ ti-Dindaan ceeyee.
14Looti nì Abram nín yākatì tɔbin Looti búntèe, ní ti-Dindaan bí Abram yii: «Laakin a yú nee, fàtī kí kpèè ŋgiil pú nì ŋgan pú, kí kpèè ŋwìiń nyalaŋki pú nì ŋwìiń jeetilaŋki pú. 15Kitiŋ kin kɔkɔ a wāĺ nee, m làá dū-kì kí tīī sii nì a-niboolii ní, ní nīn yì kí nīn pée cáa cá jaanjaan#13.15 Kpèè Atuun 7.5.. 16M làá yàntī a-niboolii ń bùtī kii dibulee ní. Un yaa láa ŋúń ki kàan̄ dibulee di dāa ŋūǹ kí kàaǹ a-niboolii. 17Yīkì kí còom̀ kí màntīí tū kitiŋ nee, kun puee sii ní m làá dū-kì kí tīī.»
18Ní Abram yíkì niin ki cūtìi gāā u-tantib Mamiree sufii in bí Eebrɔn tiŋki caŋinee ki kóò, ní ki máń ti-Dindaan nsaraafan niin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.