Genèse 22
22
Unimbɔti cɔ́ŋkì Abraam
1Míǹ boonee, Unimbɔti cɔ́ŋkì Abraam. U nìn yíiń-u yii: «Abraam!» Ní Abraam kíí yii: «M sèé!» 2Ní Unimbɔti bí-u yii: «Yòon̄ a-jipɔmbaabil Isaaki un a néeńee kí nīn cá Mooriya tiŋkin. A yaa bàn̄ niinee, á dū-u kí ŋá saraawɔkaa#22.2 Mooriya : kpèè 2 Kroo 3.1. - saraawɔkaa: bi dù kuwaŋkuluu kun bi dūu ŋá saraayee kɔkɔ ní kí wà ŋŋmi: kpèè Eebru 11.17-19.. M làá dàkà-si dijool din pu a làá ŋá-mi saraa gbantee.»
3Abraam yíkì kutaafaau pɔ̀lpɔlee ki kpàl̄ u-maŋki ní ki yōoǹ u-tɔntɔnliibi bili ki kútì u-jipɔɔn Isaaki pu, ní ki látì idɔ in bi làá tin dūú ŋá saraawɔkaayee. Bi bɔ́ntì míǹ ki dóòyee ní ki búntì laakin Unimbɔti bí yii bí cùee. 4Bi búntì míǹ, winta dalee, Abraam kpēē u-nyɔkɔpuee, ní ki wál̀ laakin Unimbɔti bí yii bí cùee pánní ndan. 5Ní u bí u-tɔntɔnliibi bilee yii: «Nimbi ń gbíntí doo nì kimaŋ, man nì m-jipɔɔn ń càatī lapu doo kí jāam̀ Unimbɔti kí fàtīń.»
6Niinee Abraam fōō idɔ in u làá tin dūú kpāā kí ŋá saraawɔkaayee u-tɔntɔnliibi cee, ki dūu túǹ u-jipɔɔn Isaaki, ní ki ŋúb́ u-ba ŋŋmi nì kijiki, ní bi-liitil nóó ki nín cá. 7Bi cée ní Isaaki bí u-baa yii: «M-baa!» Ní u-baa kíí-u yii: «M-biki, m sèé.» Ní u bí-u yii: «Kpèè, ŋŋmi sɔ̀ɔ, idɔ mun sɔ̀ɔ! Kin dipibil din ti làá tin dūú ŋá saraawɔkaa gbantee díǹ bí la?» 8Ní u-baa kíí-u yii: «M-biki, Unimbɔti u-ba di làá tin tīī-ti dipibil din ti làá dūú ŋá saraawɔkaayee.»
Ní bi nín nìkì bi-saŋŋu. 9Bi bàn̄ laakin Unimbɔti dàkā-bi bí cùee, ní Abraam máń niin nsaraafan, ki kɔ́fì idɔ ki páaǹ ní ki bóob́ u-jipɔɔn Isaaki ki páaǹ idɔee pu. 10Abraam ŋá míǹ ki dóòyee ní ki tāntì u-ŋal ki yōoǹ kijiki kí bàà làntì u-jipɔɔn. 11Kpalaayee ní ti-Dindaan tuuŋŋu téenní yilpu ní ki bí yii: «Abraam! Abraam!» Ní u kíí yii: «M sèé». 12Ní ntuunee bí-u yii: «Á taa dū kijiki kí gbēē kibikee ní kaa nín ŋá-kì tiba. Di sá yii kɔŋkɔnnee m béè yii a fàŋkí Unimbɔti, kaa yíì kí dū a-jipɔmbaabil kí ŋá saraawɔkaa kí tīī-u.»
13Ntuun sòon̄ míǹ ki dóò, Abraam fātèe, upìja di yú u-yiŋyi lɔ̀kɔ̄ kisugbooyee, ní u cūtìi cúuń ki cáań ki kūū ki ŋá saraa ki téeǹ u-jipɔɔn yil pu. 14Ní ki pú mpaan gbanti diyindi yii: «Ti-Dindaan di tìì.» An pu ní díǹ pu nee, bi lì yii: «Ti-Dindaan jool yilpu ní u tìì-ti kun lóò-tee.»
15Ní ti-Dindaan tuuŋŋu tí yíinní Abraam yilpu nliliitiim 16ki bí yii: «Ti-Dindaan nín lī pu ki síiǹee sèé: <Kii a nín kaa yíì ki bàà làá dū a-jipɔmbaabil kí ŋá saraa kii m nín bí yii á ŋá puee, m pūtì nì m-ba yii 17m làá bìin̄ a-boon tikpil. M làá bùtī a-maaliŋu ŋú nīn wīikí kii iŋmalbijaa nín kpátì kutaa pu puee, kí nīn wīikí kii tiŋku gbandi bulee. A-naantiibi di làá nīn pée pɔ̄ɔǹ bi-nannanliibi#22.17 Unimbɔti poondi: kpèè Eebru 6.13-14. - kí nīn wīikí: kpèè Eebru 11.12.. 18A-maaliŋu pu ní m làá dāá dī kí bìin̄ kitiŋ pu timbuŋŋi kɔkɔ nib boon, kun puee a pílifì m-nyɔkɔ.>» 19Míǹ boonee ní Abraam fātì ki nín gítiń u-tɔntɔnliibi cee. U bāań-bee ní bi-kɔkɔ nín fàtīń Beerseeba tiŋkin. Beerseeba tiŋki gbantin ní Abraam nìn kóò.
20Tíǹ jítì boonee ní bi tùkū Abraam yii Miilka mun màl̄ u-naal Naakɔɔr mbininjabiyaamu. 21Usi di sá ujipɔŋkpil, ní u-naal Busi dī, ní ki páaǹ Aram baa Keemuyeel 22nì Keeseedi nì Asoo nì Piildaasi nì Yidilafi nì Beetuweel. 23Mbininjabiyaamu munii mun Miilka màl̄ Abraam naal Naakɔɔree dee. Beetuweel bisal di sá Reebeeka. 24Naakɔɔr nìn gíti cáá ubɔnti ubɔ bi yíì-u yii Reewuma, u mun nìn màl̄-u mbininjabiyaamu. Bíǹ di sá Teeba nì Gaam nì Taasi nì Maaka.
Currently Selected:
Genèse 22: BASSARDC
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Genèse 22
22
Unimbɔti cɔ́ŋkì Abraam
1Míǹ boonee, Unimbɔti cɔ́ŋkì Abraam. U nìn yíiń-u yii: «Abraam!» Ní Abraam kíí yii: «M sèé!» 2Ní Unimbɔti bí-u yii: «Yòon̄ a-jipɔmbaabil Isaaki un a néeńee kí nīn cá Mooriya tiŋkin. A yaa bàn̄ niinee, á dū-u kí ŋá saraawɔkaa#22.2 Mooriya : kpèè 2 Kroo 3.1. - saraawɔkaa: bi dù kuwaŋkuluu kun bi dūu ŋá saraayee kɔkɔ ní kí wà ŋŋmi: kpèè Eebru 11.17-19.. M làá dàkà-si dijool din pu a làá ŋá-mi saraa gbantee.»
3Abraam yíkì kutaafaau pɔ̀lpɔlee ki kpàl̄ u-maŋki ní ki yōoǹ u-tɔntɔnliibi bili ki kútì u-jipɔɔn Isaaki pu, ní ki látì idɔ in bi làá tin dūú ŋá saraawɔkaayee. Bi bɔ́ntì míǹ ki dóòyee ní ki búntì laakin Unimbɔti bí yii bí cùee. 4Bi búntì míǹ, winta dalee, Abraam kpēē u-nyɔkɔpuee, ní ki wál̀ laakin Unimbɔti bí yii bí cùee pánní ndan. 5Ní u bí u-tɔntɔnliibi bilee yii: «Nimbi ń gbíntí doo nì kimaŋ, man nì m-jipɔɔn ń càatī lapu doo kí jāam̀ Unimbɔti kí fàtīń.»
6Niinee Abraam fōō idɔ in u làá tin dūú kpāā kí ŋá saraawɔkaayee u-tɔntɔnliibi cee, ki dūu túǹ u-jipɔɔn Isaaki, ní ki ŋúb́ u-ba ŋŋmi nì kijiki, ní bi-liitil nóó ki nín cá. 7Bi cée ní Isaaki bí u-baa yii: «M-baa!» Ní u-baa kíí-u yii: «M-biki, m sèé.» Ní u bí-u yii: «Kpèè, ŋŋmi sɔ̀ɔ, idɔ mun sɔ̀ɔ! Kin dipibil din ti làá tin dūú ŋá saraawɔkaa gbantee díǹ bí la?» 8Ní u-baa kíí-u yii: «M-biki, Unimbɔti u-ba di làá tin tīī-ti dipibil din ti làá dūú ŋá saraawɔkaayee.»
Ní bi nín nìkì bi-saŋŋu. 9Bi bàn̄ laakin Unimbɔti dàkā-bi bí cùee, ní Abraam máń niin nsaraafan, ki kɔ́fì idɔ ki páaǹ ní ki bóob́ u-jipɔɔn Isaaki ki páaǹ idɔee pu. 10Abraam ŋá míǹ ki dóòyee ní ki tāntì u-ŋal ki yōoǹ kijiki kí bàà làntì u-jipɔɔn. 11Kpalaayee ní ti-Dindaan tuuŋŋu téenní yilpu ní ki bí yii: «Abraam! Abraam!» Ní u kíí yii: «M sèé». 12Ní ntuunee bí-u yii: «Á taa dū kijiki kí gbēē kibikee ní kaa nín ŋá-kì tiba. Di sá yii kɔŋkɔnnee m béè yii a fàŋkí Unimbɔti, kaa yíì kí dū a-jipɔmbaabil kí ŋá saraawɔkaa kí tīī-u.»
13Ntuun sòon̄ míǹ ki dóò, Abraam fātèe, upìja di yú u-yiŋyi lɔ̀kɔ̄ kisugbooyee, ní u cūtìi cúuń ki cáań ki kūū ki ŋá saraa ki téeǹ u-jipɔɔn yil pu. 14Ní ki pú mpaan gbanti diyindi yii: «Ti-Dindaan di tìì.» An pu ní díǹ pu nee, bi lì yii: «Ti-Dindaan jool yilpu ní u tìì-ti kun lóò-tee.»
15Ní ti-Dindaan tuuŋŋu tí yíinní Abraam yilpu nliliitiim 16ki bí yii: «Ti-Dindaan nín lī pu ki síiǹee sèé: <Kii a nín kaa yíì ki bàà làá dū a-jipɔmbaabil kí ŋá saraa kii m nín bí yii á ŋá puee, m pūtì nì m-ba yii 17m làá bìin̄ a-boon tikpil. M làá bùtī a-maaliŋu ŋú nīn wīikí kii iŋmalbijaa nín kpátì kutaa pu puee, kí nīn wīikí kii tiŋku gbandi bulee. A-naantiibi di làá nīn pée pɔ̄ɔǹ bi-nannanliibi#22.17 Unimbɔti poondi: kpèè Eebru 6.13-14. - kí nīn wīikí: kpèè Eebru 11.12.. 18A-maaliŋu pu ní m làá dāá dī kí bìin̄ kitiŋ pu timbuŋŋi kɔkɔ nib boon, kun puee a pílifì m-nyɔkɔ.>» 19Míǹ boonee ní Abraam fātì ki nín gítiń u-tɔntɔnliibi cee. U bāań-bee ní bi-kɔkɔ nín fàtīń Beerseeba tiŋkin. Beerseeba tiŋki gbantin ní Abraam nìn kóò.
20Tíǹ jítì boonee ní bi tùkū Abraam yii Miilka mun màl̄ u-naal Naakɔɔr mbininjabiyaamu. 21Usi di sá ujipɔŋkpil, ní u-naal Busi dī, ní ki páaǹ Aram baa Keemuyeel 22nì Keeseedi nì Asoo nì Piildaasi nì Yidilafi nì Beetuweel. 23Mbininjabiyaamu munii mun Miilka màl̄ Abraam naal Naakɔɔree dee. Beetuweel bisal di sá Reebeeka. 24Naakɔɔr nìn gíti cáá ubɔnti ubɔ bi yíì-u yii Reewuma, u mun nìn màl̄-u mbininjabiyaamu. Bíǹ di sá Teeba nì Gaam nì Taasi nì Maaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.