Genèse 26
26
Isaaki nì Abimeeleeki bɔti
1Abraam yuntiŋu ŋkùm nín nìn nyáń puee, boonee ŋkùm miba nìn gíti nyáń kitiŋ pu. Isaaki nìn cūtì Geeraar tiŋkin ki ká Fiiliistii yab bɔtiu Abimeeleeki. 2Ní ti-Dindaan nyántì u-ba ki dàkā Isaaki ní ki bí-u yii: «Á taa cù Eejipiti. Nín̄ kā kitiŋ kin m làá dàkà-see poon. 3Á gbíntí kitiŋee poon, m làá nīn bí a-cee ki làá bìin̄ a-boon, kun puee sii nì a-naantiibi ní m làá dū kitiŋ gbanti kɔkɔ kí tīī. M làá ŋá míǹ kí dàkà yii m nín nìn pōoǹ min ki tīī a-baa Abraamee, maa làá kpántí. 4M làá yàntī a-naantiibi ń bùtī kii iŋmalbijaa in bí kutaa puee ní kí dū kitiŋ nee kɔkɔ kí tīī-bi. Sii maaliŋu pu ní m làá dī kí bìin̄ duulinya nib kɔkɔ boon, 5kun puee Abraam pílifì m-nyɔkɔ ki nóó m nín lī puee, nì tin m kpáafì-uee ní ki ŋúb́ m-marab nì m-koobiliŋ.»
6An pu ní Isaaki gbíntì ki kāl̀ Geeraar tiŋkin. 7Ní niin yab bālifì-u un ní Reebeeka sée. Ní u kíí-bi yii: «U sá m-niisal ní.» Waa nìn là kí lì yii Reebeeka sá u-nimpuu, kun puee u nìn fàŋkí bí taa kpɔ̀-u u-nimpuu Reebeeka pu, di sá yii u nìn ŋān̄ unimpu tikpil.
8Isaaki kāl̀ niin an yúntì. Dalbee Fiiliistii yab bɔtiu Abimeeleeki gbóoń tɔkɔla ki kpēēyee, Isaaki di bí ki gbíilíǹ u-nimpuu Reebeekee. 9Ní u yíiń Isaaki ní ki bí-u yii: «Báà an ŋá pu a-nimpuu dee. Ba pu ní a tùkū-ti yii u sá a-niisal ní?» Ní Isaaki kíí-u yii: «Kun pu m lī mimmee di sá m fāŋkì yii bí taa kpɔ̀-mi u-pu ní.» 10Ní Abimeeleeki bí-u yii: «Ba pu ní a ŋá-ti míǹ? An kíǹ fiii m-nib kansikin ubɔ ń bàà dòon̄ nì a-nimpuu, ní á bàà yàntī tí kɔ́ tibɔtin.»
11Niinee ní Abimeeleeki kpáafì u-samaau kɔkɔ ki lī yii: «Un yaa pée gbēē Isaaki nì u-nimpuuee, see bí kpɔ̀ udaan.»
12Dibindi gbantee Isaaki nìn kùn̄ tijin kitiŋ gbantin ní ki dāa cáń míǹ dilaataal pu, kun puee Unimbɔti nìn bīiǹ u-boon. 13U nìn kpántì ŋŋmam daan ní u-gaajati mɔ̀tīi kútí ki cá ní u dāa dūu ŋá ugaajakpaan. 14U nìn cáá tipicaŋkpun nì tiŋɔcaŋkpun nì tinacaŋkpun nì bitɔntɔnliibi kupaau.
Isaaki nì Abimeeleeki pōoǹ tɔb ipoon
An nìn yāntì Fiiliistii yab kíǹ ki ná-u. 15Ní Fiiliistii yab dū ntam ki gbíŋkì lɔkɔb bin kɔkɔ u-baa Abraam nìn yāntì u-tɔntɔnliibi gbìn̄ ŋyunti ŋun u dáá bée. 16Ní Abimeeleeki bí Isaaki yii: «A ká mpɔn tikpil ki jítiǹ-ti, míǹ puee yīkì ti-cee.»
17Ní Isaaki yíkì niin ki cūtìi kíǹ ki kóò Geeraar tantakalin. 18Ní Isaaki yāntì u-tɔntɔnliibi fātìi kɔ́tì lɔkɔb bin u-baa Abraam nìn dáá bí ki gbìn̄ kin u-kúm boon Fiiliistii yab gbíŋkèe. Ní u fātìi pú lɔkɔb gbanti ayin ŋin u-baa nìn pée yíì-bee.
19Isaaki tɔntɔnliibi bíi gbì lɔkɔ ditantakalee poonee ní ki tin nyáń nnyimmɔntiim pu. 20Ní Geeraar yab pikpaaliibi táká Isaaki pikpaaliibi ki lī yii: «Timbi di yì lɔkɔ nee nyim», an pu ní Isaaki pú lɔkɔ gbanti diyindi yii Eeseeki, taapu di sá yii <Bi kpákáǹ-mi.> 21Ní u-tɔntɔnliibi gíti gbìn̄ lɔkɔ ubɔ ní bi tí dɔ́miń ki táká-bi, ní Isaaki pú lɔkɔ gbanti mun diyindi yii Siitina, taapu di sá yii <Bi jáń nì mi.> 22Ní bi yíkì niin ki gíti tí cūtìi gbìn̄ laaba, ní baa ti táká-bi. Ní u pú lɔkɔ gbanti úǹ diyindi yii Reewoobooti, ki lī yii: «Ti-Dindaan yāntì ti tɔ́ ti-ba ní an bútì-ti kitiŋ nee poon.»
23Boonee ní u yíkì niin ki búntì Beerseeba. 24Kunyeeu gbantee ní ti-Dindaan nyántì u-ba ki dàkā-u ní ki bí-u yii: «Man di sá a-baa Abraam Nimbɔtiu. Á taa fàŋkì, m bí a-cee. M làá bìin̄ a-boon kí bùtī a-maaliŋu m-tɔntɔnliu Abraam pu.» 25Ní Isaaki máń nsaraafan niin ki jáam̀ ti-Dindaan. Niin mun ní u gāā u-tantiu ní u-tɔntɔnliibi gbìn̄ lɔkɔ.
26Isaaki bí Beerseeba niinee ní ubɔti Abimeeleeki nì u-bɔɔ Awusati nì u-janjakpiliu Piikool nyáń doooo Geeraar ki cūtì u-cee. 27Ní Isaaki bí-bi yii: «Naa là m-bɔti ní ki jìn̄-mi ni-tiŋkin, ni gíti nyàab̀ ba m-cee doo?» 28Ní bi kíí-u yii: «Ti dáań ki ká yii ti-Dindaan bí a-cee. An pu ní ti ká nlandɔkɔ yii an máaǹ ti nì si ń kpāfì kí pùtī kí pòon̄ tɔb, mpèé ń nīn bí ti-kansikin. 29Á pùtī yii aa làá dāá ŋá-ti tikpitil tiba kii ti mun nín kaa nìn ŋá-si tikpitil tiba puee. Ti nìn ŋá-si tiŋan ní ki yāntì a yíkì ti-cee nì ŋgbansɔŋfi. Kɔŋkɔnnee ti béè yii sii di sá un boon ti-Dindaan bīiǹee.» 30Niinee ní Isaaki bɔ́ntì jiŋaal ki fōō-bi kucaŋu, ní bi jíń ki nyùn̄. 31Ku wúntì kutaafaauee ní bi pūtì ki pōoǹ tɔb. Míǹ boonee ní Isaaki nyántì-bi nsanni, ní bi nín kùǹ nì dipɔɔsɔŋkil.
32Ŋwiin gbanti ní Isaaki tɔntɔnliibi cáań-u lɔkɔ un bi bíi gbèe bɔti ki lī yii: «Ti gbìn̄ ki cíl̀ nnyim pu.» 33Ní u pú lɔkɔ gbanti diyindi yii Siiba. An pu ní bi gbíntìi yíì kitiŋ gbanti díǹ pu nee yii Beerseeba, taapu di sá yii <dipùtil lɔkɔu.>
Eesayuu nimpucáatam
34Eesayuu bàn̄ abin imuŋku ilee ní ki cáá Eeti yab sapɔmbi bili, upeepeekaa di sá Beerii bisal Judiiti, ní uliliiti sá Eelɔn bisal Basmaati. 35Binimpoobi gbanti nìn yāntì Isaaki nì u-nimpuu Reebeeka nyɔmmu túŋkì.
Currently Selected:
Genèse 26: BASSARDC
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Genèse 26
26
Isaaki nì Abimeeleeki bɔti
1Abraam yuntiŋu ŋkùm nín nìn nyáń puee, boonee ŋkùm miba nìn gíti nyáń kitiŋ pu. Isaaki nìn cūtì Geeraar tiŋkin ki ká Fiiliistii yab bɔtiu Abimeeleeki. 2Ní ti-Dindaan nyántì u-ba ki dàkā Isaaki ní ki bí-u yii: «Á taa cù Eejipiti. Nín̄ kā kitiŋ kin m làá dàkà-see poon. 3Á gbíntí kitiŋee poon, m làá nīn bí a-cee ki làá bìin̄ a-boon, kun puee sii nì a-naantiibi ní m làá dū kitiŋ gbanti kɔkɔ kí tīī. M làá ŋá míǹ kí dàkà yii m nín nìn pōoǹ min ki tīī a-baa Abraamee, maa làá kpántí. 4M làá yàntī a-naantiibi ń bùtī kii iŋmalbijaa in bí kutaa puee ní kí dū kitiŋ nee kɔkɔ kí tīī-bi. Sii maaliŋu pu ní m làá dī kí bìin̄ duulinya nib kɔkɔ boon, 5kun puee Abraam pílifì m-nyɔkɔ ki nóó m nín lī puee, nì tin m kpáafì-uee ní ki ŋúb́ m-marab nì m-koobiliŋ.»
6An pu ní Isaaki gbíntì ki kāl̀ Geeraar tiŋkin. 7Ní niin yab bālifì-u un ní Reebeeka sée. Ní u kíí-bi yii: «U sá m-niisal ní.» Waa nìn là kí lì yii Reebeeka sá u-nimpuu, kun puee u nìn fàŋkí bí taa kpɔ̀-u u-nimpuu Reebeeka pu, di sá yii u nìn ŋān̄ unimpu tikpil.
8Isaaki kāl̀ niin an yúntì. Dalbee Fiiliistii yab bɔtiu Abimeeleeki gbóoń tɔkɔla ki kpēēyee, Isaaki di bí ki gbíilíǹ u-nimpuu Reebeekee. 9Ní u yíiń Isaaki ní ki bí-u yii: «Báà an ŋá pu a-nimpuu dee. Ba pu ní a tùkū-ti yii u sá a-niisal ní?» Ní Isaaki kíí-u yii: «Kun pu m lī mimmee di sá m fāŋkì yii bí taa kpɔ̀-mi u-pu ní.» 10Ní Abimeeleeki bí-u yii: «Ba pu ní a ŋá-ti míǹ? An kíǹ fiii m-nib kansikin ubɔ ń bàà dòon̄ nì a-nimpuu, ní á bàà yàntī tí kɔ́ tibɔtin.»
11Niinee ní Abimeeleeki kpáafì u-samaau kɔkɔ ki lī yii: «Un yaa pée gbēē Isaaki nì u-nimpuuee, see bí kpɔ̀ udaan.»
12Dibindi gbantee Isaaki nìn kùn̄ tijin kitiŋ gbantin ní ki dāa cáń míǹ dilaataal pu, kun puee Unimbɔti nìn bīiǹ u-boon. 13U nìn kpántì ŋŋmam daan ní u-gaajati mɔ̀tīi kútí ki cá ní u dāa dūu ŋá ugaajakpaan. 14U nìn cáá tipicaŋkpun nì tiŋɔcaŋkpun nì tinacaŋkpun nì bitɔntɔnliibi kupaau.
Isaaki nì Abimeeleeki pōoǹ tɔb ipoon
An nìn yāntì Fiiliistii yab kíǹ ki ná-u. 15Ní Fiiliistii yab dū ntam ki gbíŋkì lɔkɔb bin kɔkɔ u-baa Abraam nìn yāntì u-tɔntɔnliibi gbìn̄ ŋyunti ŋun u dáá bée. 16Ní Abimeeleeki bí Isaaki yii: «A ká mpɔn tikpil ki jítiǹ-ti, míǹ puee yīkì ti-cee.»
17Ní Isaaki yíkì niin ki cūtìi kíǹ ki kóò Geeraar tantakalin. 18Ní Isaaki yāntì u-tɔntɔnliibi fātìi kɔ́tì lɔkɔb bin u-baa Abraam nìn dáá bí ki gbìn̄ kin u-kúm boon Fiiliistii yab gbíŋkèe. Ní u fātìi pú lɔkɔb gbanti ayin ŋin u-baa nìn pée yíì-bee.
19Isaaki tɔntɔnliibi bíi gbì lɔkɔ ditantakalee poonee ní ki tin nyáń nnyimmɔntiim pu. 20Ní Geeraar yab pikpaaliibi táká Isaaki pikpaaliibi ki lī yii: «Timbi di yì lɔkɔ nee nyim», an pu ní Isaaki pú lɔkɔ gbanti diyindi yii Eeseeki, taapu di sá yii <Bi kpákáǹ-mi.> 21Ní u-tɔntɔnliibi gíti gbìn̄ lɔkɔ ubɔ ní bi tí dɔ́miń ki táká-bi, ní Isaaki pú lɔkɔ gbanti mun diyindi yii Siitina, taapu di sá yii <Bi jáń nì mi.> 22Ní bi yíkì niin ki gíti tí cūtìi gbìn̄ laaba, ní baa ti táká-bi. Ní u pú lɔkɔ gbanti úǹ diyindi yii Reewoobooti, ki lī yii: «Ti-Dindaan yāntì ti tɔ́ ti-ba ní an bútì-ti kitiŋ nee poon.»
23Boonee ní u yíkì niin ki búntì Beerseeba. 24Kunyeeu gbantee ní ti-Dindaan nyántì u-ba ki dàkā-u ní ki bí-u yii: «Man di sá a-baa Abraam Nimbɔtiu. Á taa fàŋkì, m bí a-cee. M làá bìin̄ a-boon kí bùtī a-maaliŋu m-tɔntɔnliu Abraam pu.» 25Ní Isaaki máń nsaraafan niin ki jáam̀ ti-Dindaan. Niin mun ní u gāā u-tantiu ní u-tɔntɔnliibi gbìn̄ lɔkɔ.
26Isaaki bí Beerseeba niinee ní ubɔti Abimeeleeki nì u-bɔɔ Awusati nì u-janjakpiliu Piikool nyáń doooo Geeraar ki cūtì u-cee. 27Ní Isaaki bí-bi yii: «Naa là m-bɔti ní ki jìn̄-mi ni-tiŋkin, ni gíti nyàab̀ ba m-cee doo?» 28Ní bi kíí-u yii: «Ti dáań ki ká yii ti-Dindaan bí a-cee. An pu ní ti ká nlandɔkɔ yii an máaǹ ti nì si ń kpāfì kí pùtī kí pòon̄ tɔb, mpèé ń nīn bí ti-kansikin. 29Á pùtī yii aa làá dāá ŋá-ti tikpitil tiba kii ti mun nín kaa nìn ŋá-si tikpitil tiba puee. Ti nìn ŋá-si tiŋan ní ki yāntì a yíkì ti-cee nì ŋgbansɔŋfi. Kɔŋkɔnnee ti béè yii sii di sá un boon ti-Dindaan bīiǹee.» 30Niinee ní Isaaki bɔ́ntì jiŋaal ki fōō-bi kucaŋu, ní bi jíń ki nyùn̄. 31Ku wúntì kutaafaauee ní bi pūtì ki pōoǹ tɔb. Míǹ boonee ní Isaaki nyántì-bi nsanni, ní bi nín kùǹ nì dipɔɔsɔŋkil.
32Ŋwiin gbanti ní Isaaki tɔntɔnliibi cáań-u lɔkɔ un bi bíi gbèe bɔti ki lī yii: «Ti gbìn̄ ki cíl̀ nnyim pu.» 33Ní u pú lɔkɔ gbanti diyindi yii Siiba. An pu ní bi gbíntìi yíì kitiŋ gbanti díǹ pu nee yii Beerseeba, taapu di sá yii <dipùtil lɔkɔu.>
Eesayuu nimpucáatam
34Eesayuu bàn̄ abin imuŋku ilee ní ki cáá Eeti yab sapɔmbi bili, upeepeekaa di sá Beerii bisal Judiiti, ní uliliiti sá Eelɔn bisal Basmaati. 35Binimpoobi gbanti nìn yāntì Isaaki nì u-nimpuu Reebeeka nyɔmmu túŋkì.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.