Genèse 28
28
1Ní Isaaki yíiń Jaakɔb ní ki mēē ki bīiǹ u-boon ní ki yóoǹ-u mara nee yii: «A taa pée cáá Kanaan tiŋkin doo unimpu.» 2Ní ki bí-u yii: «Yīkì kí nīn cá Padan-Aram, a-na baa Beetuweel cee kí kpèè a-wee Laaban sapɔmbi kansikin ubɔ kí cáá. 3Unimbɔti Mpɔŋkɔdaan ń bìin̄ a-boon á màal̀ kí bùtī, a-maaliŋu ń kpántí atimbun kupaau. 4Ú dū tiŋan tin u nìn pōoǹ Abraamee kí tīī sii nì a-naantiibi, án nín làá ŋá pu á dāá nīn kíǹ ki yì kitiŋ kin poon a kóò neeyee, an dàkà yii kitiŋ kin ní Unimbɔti nìn dūu tīī Abraamee!» 5Ní Isaaki yāntì Jaakɔb nín cá Padan-Aram, Beetuweel uaranja jipɔɔn Laaban cee. Laaban gbanti di sá Jaakɔb nì Eesayuu na Reebeeka niija.
6Eesayuu nìn ká yii Isaaki mēē ki bīiǹ Jaakɔb boon ki bí yii ú nīn cá Padan-Aram kí cáá unimpu niin, ní ki tīī-u mara yii ú taa cáá unimpu Kanaan yab sapɔmbi kansikin. 7U nìn gíti ká yii Jaakɔb nìn gbìl̄ u-baa nì u-na nyɔkɔ ní ki búntì Padan-Aram. 8Niinee ní Eesayuu béè yii u-baa kaa là Kanaan sapɔmbi bɔti. 9An pu ní u cūtì Abraam jipɔɔn Isimaayeel cee ki cáá úǹ bisal Maalaati, Neebayɔti niisal ki kútì u-nimpoobi bin u pée cááyee pu.
Jaakɔb damintiiku
10Ní Jaakɔb yíkì Beerseeba tiŋkin ki búntì Kaaran tiŋkin. 11U bàn̄ laabee, kunyeeu mɔ́-u ní u gbíntì niin ki dōoǹ, ní ki yōoǹ ditaŋkpal diba ki kúĺ u-yil. 12U dɔ̄ee ní ki dámintì yii akɔl yú kitiŋ ki tin sāā kutagbɔŋu ní Unimbɔti tuuŋyi tà ki jɔ́ḿ ki kpákatiń. 13U kpēēyee, ti-Dindaan yú ki kɔ́ĺ-u ní ki bí-u yii: «Man di sá a-Dindaan a-naanja Abraam Nimbɔtiu nì a-baa Isaaki Nimbɔtiu. Kitiŋ kin pu a dɔ̄ nee, m làá dāá dū-kì kí tīī sii nì a-naantiibi ní. 14A-naantiibi làá dāá nīn wīikí kii kitiŋ pu bulee ní. Bi dāa kpátí kí nīn cá ŋwìiń nyalaŋki pú nì ŋu-jeetilaŋki pú, kí nīn cá ŋgan pú nì ŋgiil pú. Sii nì a-naantiibi pu ní m làá dāá ŋá kitiŋ kɔkɔ nib tiŋan. 15Á béé yii m làá nīn bí a-cee, báà laakin ní a yaa bée, ki làá nīn cí-si, ní kí dāá fàtīí gíiǹní-si kitiŋ nee poon. M kpá kí fá-si kí tin cáá sāā ŋyunti ŋun m làá dāá ŋá tin kɔkɔ m tùkū-si nee kí tīī-see.»
16Jaakɔb fīntèe ní ki bí yii: «Tiŋman, ti-Dindaan di bí doo ní man kaa nyí.» 17U fāŋkì ní ki lī yii: «Mpaan nee kaa cáá tinaacin. Doo di sá Unimbɔti diiku tiŋman, yilpu punyɔkɔki dee.» 18Kutaafaau pɔ̀lpɔlee ní u yíkì ki dū ditaŋkpal din u kúĺ u-yilee ki cóoǹ ki dū ŋkpam ki sītì di-pu. 19Ní ki pú niin diyindi yii Beeteel, ama bi nìn dáá yíì kitiŋ gbanti Luusi ní#28.19 Beeteel taapu di sá yii <Unimbɔti diiku>..> 20Ní Jaakɔb pūtì ki pōoǹ yii: «Unimbɔti, a yaa bí m-cee ki yaa bīiǹ m-boon m-saŋŋu ŋun m cá nee poon, ki yaa yāntì m ká ki jíń ki ká ki pēeǹ, 21ki ŋúń ki fātìi gítìń m-baa cindi nì ŋgbampɔnee, sii ti-Dindaan di dāa kíǹ ki sá man Nimbɔtiu. 22Ditaŋkpal din m dūu cóoǹ bí nīn téetí nee di dāa sá sii Unimbɔti diiku. Tin kɔkɔ a yaa láa tīī-mee, m làá dāá lēē saalaa kamaa pu kubɔ kubɔ kí tīī-si.»
Currently Selected:
Genèse 28: BASSARDC
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Genèse 28
28
1Ní Isaaki yíiń Jaakɔb ní ki mēē ki bīiǹ u-boon ní ki yóoǹ-u mara nee yii: «A taa pée cáá Kanaan tiŋkin doo unimpu.» 2Ní ki bí-u yii: «Yīkì kí nīn cá Padan-Aram, a-na baa Beetuweel cee kí kpèè a-wee Laaban sapɔmbi kansikin ubɔ kí cáá. 3Unimbɔti Mpɔŋkɔdaan ń bìin̄ a-boon á màal̀ kí bùtī, a-maaliŋu ń kpántí atimbun kupaau. 4Ú dū tiŋan tin u nìn pōoǹ Abraamee kí tīī sii nì a-naantiibi, án nín làá ŋá pu á dāá nīn kíǹ ki yì kitiŋ kin poon a kóò neeyee, an dàkà yii kitiŋ kin ní Unimbɔti nìn dūu tīī Abraamee!» 5Ní Isaaki yāntì Jaakɔb nín cá Padan-Aram, Beetuweel uaranja jipɔɔn Laaban cee. Laaban gbanti di sá Jaakɔb nì Eesayuu na Reebeeka niija.
6Eesayuu nìn ká yii Isaaki mēē ki bīiǹ Jaakɔb boon ki bí yii ú nīn cá Padan-Aram kí cáá unimpu niin, ní ki tīī-u mara yii ú taa cáá unimpu Kanaan yab sapɔmbi kansikin. 7U nìn gíti ká yii Jaakɔb nìn gbìl̄ u-baa nì u-na nyɔkɔ ní ki búntì Padan-Aram. 8Niinee ní Eesayuu béè yii u-baa kaa là Kanaan sapɔmbi bɔti. 9An pu ní u cūtì Abraam jipɔɔn Isimaayeel cee ki cáá úǹ bisal Maalaati, Neebayɔti niisal ki kútì u-nimpoobi bin u pée cááyee pu.
Jaakɔb damintiiku
10Ní Jaakɔb yíkì Beerseeba tiŋkin ki búntì Kaaran tiŋkin. 11U bàn̄ laabee, kunyeeu mɔ́-u ní u gbíntì niin ki dōoǹ, ní ki yōoǹ ditaŋkpal diba ki kúĺ u-yil. 12U dɔ̄ee ní ki dámintì yii akɔl yú kitiŋ ki tin sāā kutagbɔŋu ní Unimbɔti tuuŋyi tà ki jɔ́ḿ ki kpákatiń. 13U kpēēyee, ti-Dindaan yú ki kɔ́ĺ-u ní ki bí-u yii: «Man di sá a-Dindaan a-naanja Abraam Nimbɔtiu nì a-baa Isaaki Nimbɔtiu. Kitiŋ kin pu a dɔ̄ nee, m làá dāá dū-kì kí tīī sii nì a-naantiibi ní. 14A-naantiibi làá dāá nīn wīikí kii kitiŋ pu bulee ní. Bi dāa kpátí kí nīn cá ŋwìiń nyalaŋki pú nì ŋu-jeetilaŋki pú, kí nīn cá ŋgan pú nì ŋgiil pú. Sii nì a-naantiibi pu ní m làá dāá ŋá kitiŋ kɔkɔ nib tiŋan. 15Á béé yii m làá nīn bí a-cee, báà laakin ní a yaa bée, ki làá nīn cí-si, ní kí dāá fàtīí gíiǹní-si kitiŋ nee poon. M kpá kí fá-si kí tin cáá sāā ŋyunti ŋun m làá dāá ŋá tin kɔkɔ m tùkū-si nee kí tīī-see.»
16Jaakɔb fīntèe ní ki bí yii: «Tiŋman, ti-Dindaan di bí doo ní man kaa nyí.» 17U fāŋkì ní ki lī yii: «Mpaan nee kaa cáá tinaacin. Doo di sá Unimbɔti diiku tiŋman, yilpu punyɔkɔki dee.» 18Kutaafaau pɔ̀lpɔlee ní u yíkì ki dū ditaŋkpal din u kúĺ u-yilee ki cóoǹ ki dū ŋkpam ki sītì di-pu. 19Ní ki pú niin diyindi yii Beeteel, ama bi nìn dáá yíì kitiŋ gbanti Luusi ní#28.19 Beeteel taapu di sá yii <Unimbɔti diiku>..> 20Ní Jaakɔb pūtì ki pōoǹ yii: «Unimbɔti, a yaa bí m-cee ki yaa bīiǹ m-boon m-saŋŋu ŋun m cá nee poon, ki yaa yāntì m ká ki jíń ki ká ki pēeǹ, 21ki ŋúń ki fātìi gítìń m-baa cindi nì ŋgbampɔnee, sii ti-Dindaan di dāa kíǹ ki sá man Nimbɔtiu. 22Ditaŋkpal din m dūu cóoǹ bí nīn téetí nee di dāa sá sii Unimbɔti diiku. Tin kɔkɔ a yaa láa tīī-mee, m làá dāá lēē saalaa kamaa pu kubɔ kubɔ kí tīī-si.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.