Genèse 34
34
Simeeyɔn nì Leefii tɔ̀n̄ bi-niisal Diina pɔntooŋyi
1Dalbee, Jaakɔb bisal Diina un Leeya màl̄ee cūtì kí màntì kitiŋ kin poon bi nìn kóòyee sapɔmbi pu. 2Ní Amɔɔr un sá Eefi tiŋki bɔtiuee jipɔɔn Siikeem ká-u ní ki cúú-u mpɔn ki dōoǹ nì u ki bíil̀-u. 3An ŋá mimmee ní u-naŋki kɔ́ Jaakɔb bisal Diina tikpil ki jíń mpaan u-pɔbilin. Di sá u nìn bíi sòoǹ nì usapɔɔnee kí gíiǹní u-landɔkɔŋu u-cee. 4Ní Siikeem bí u-baa Amɔɔr yii: «Cùú mɔ̀nnì usapɔɔn nee kí tīī-mi, m là kí cáá-u.» 5Jaakɔb gbìl̄ yii Siikeem dōoǹ nì u-bisal Diina ki bíil̀-u, ama waa nìn lī tiba, di sá yii u-jipɔmbi nìn dáá bíń tisatin kunaakpaau ní u nìn cí yii bí bàń. 6Siikeem baa Amɔɔr nìn cūtì ki ká Jaakɔb ki sòon̄ nì u an bɔti. 7Jaakɔb jipɔmbi nín nyánní tisatin ki bāań ki gbìl̄ tin jítèe ní an wùn̄-bi tikpil ní bi fōō diŋuul tiŋan pu. Di sá yii Siikeem nín dōoǹ nì Jaakɔb bisalee, an sá disiibikpaandi ní Isirayeel yab cee, ki sá-bi dikoobikpaandi. 8Ní Amɔɔr bí-bi yii: «Ni-bisal Diina kɔ́ m-jipɔɔn Siikeem tikpil, an puee m gbāam̀-ni, ní dū-u kí tīī-u ú cáá. 9Tí kɔ́maan tɔbin, nimbi ń nīn tìì-ti ni-sapɔmbi ti cāab̀, ti mun ń nīn tìì-ni ti-yab ni cāab̀. 10Ní gbíntí kí nīn kā ti-cee, ní ti-tiŋki ń kpántí ni-yaka ní nīn kóò, kí nīn tɔ́ ni-ba kí bàntì kí kpántí bitindambi.»
11Ní Siikeem u-ba mun lī Diina baa nì u-niijab cee yii: «Ní pée kpèè kí pɔ̄-mi diyimɔɔl ḿ ŋmā kí cáá Diina, báà kun ní ni yaa lèe m làá tīī-ni. 12Gíímaan-mi kucootiiu nì tinimpucaŋwan pɔndi tikpil ḿ pà. M làá tīī-ni tin ni lèe kɔkɔ. Tin pée páb́ee di sá ní dū usapɔɔn kí tīī-mi ḿ cáá.» 13Ní Jaakɔb jipɔmbi kíí Amɔɔr nì u-jipɔɔn Siikeem nì iciin poon, kun puee u nìn dōoǹ nì bi-niisal Diina ki bíil̀-u. 14Bi kíí-bi yii: «An kaa ŋáań míǹ! Taa ŋūǹ kí dū ti-niisal kí tīī un kaa gíí dikpancandee ticati, an sá-ti icoo ní. 15Kí wàatī tí gbìl̄ kí tīī nì nee, asee ní yàntī bin kɔkɔ sá bininjab ni-kansikinee ń gīfì akpancan kii timbi nín gíí puee. 16Mimmee ti ŋūǹ kí tīī-ni ti-sapɔmbi ní cáá, ní ti mun ń cáá ni-yab, ní tí gbíntí ni-tiŋkin ní ti-kɔkɔ ń kpāfì kí ŋá kitimbaantii nib. 17Ama ni yaa yíì yii naa làá gīfèe, ti làá fōō ti-niisal ní kí yīkì.»
18Bi nín sòon̄ puee fáatì Amɔɔr nì u-jipɔɔn Siikeem. 19Unaacimpɔɔnee nín nìn néeń Jaakɔb bisal tikpil puee yāntì u kíĺ ki bíi ŋáań tin bi bālifì yii ú ŋée malaa. U-baa dicaŋku poonee, úǹ ní bi nìn pée tɔ́ ki jítiǹ báà ŋma. 20Ní Amɔɔr nì u-jipɔɔn Siikeem cūtìi kāl̀ bi-tiŋki punyɔkɔki#34.20 kitiŋ punyɔkɔki: kpèè 19.20. caŋin ní ki tùkū bi-tiŋki nib yii: 21«Binib nee cáá ti-pu nlandɔkɔmɔnti. Kitiŋ dɔ̄ ki wāā ki tīī-bi bí kàl̄ kí bàntì. Ti ŋūǹ kí cáá bi-bisalib, ní ti mun ŋūǹ kí dū ti-bisalib kí pɔ̄-bi ticati. 22Kí wàatī bí kíí kí nīn kā ti-tiŋki pu ti-kɔkɔ ń kpántí kitimbaantii nibee, asee tí yàntī bin kɔkɔ sá bininjab ti-kansikinee ń gīfì akpancan kii bíǹ nín gíí puee. 23Ti yaa gbìl̄ ki tīī nì bi bí nīn kóò ti-ceeyee, bi-waŋkuti kɔkɔ nì bi-gaajati kaa kpántì ti-yati deeee?» 24Bin kɔkɔ nìn bí niinee fōō tibɔti tin Amɔɔr nì u-jipɔɔn Siikeem cáańee ki kíí, ní kitiŋ poon bininjab kɔkɔ gífì akpancan.
25Bi gífì míǹ iwiin ita dal ŋyunti ŋun bi dáá kā iween puee ní Jaakɔb jipɔmbi bili, Simeeyɔn nì Leefii bin sá Diina niijabee yōoǹ bi-tàataajimmu ki ŋá soooo ki kɔ́ kitiŋin ubɔ kaa béè ní ki kūū bininjab kɔkɔ. 26Bi nìn kūū ki kpáaǹ Amɔɔr nì u-jipɔɔn Siikeem ní ki nyántì bi-niisal Diina Siikeem dumpu ki kpáaǹ-u ki nín kùǹ.
27Ní Jaakɔb jipɔmbee kɔ́ kitiŋin ki fúkúl̀ anikpilee wanti ní ki kóoǹ bi-wanti kɔkɔ, kun puee bi bíil̀ bi-niisal. 28Bi nìn cúú bi-piii nì bi-ŋoobui nì bi-naai nì bi-mammu nì tin kɔkɔ nìn pée bí kitiŋ poon nì tisatinee. 29Bi nìn kóoǹ bi-gaajati kɔkɔ pílpil ki kpáaǹ bi-nimpoobi nì bi-biyaamu nì tin kɔkɔ nìn pée bí bi-diiŋŋinee.
30Ní Jaakɔb bí Simeeyɔn nì Leefii yii: «Ni kɔ́ǹ-mi tibɔtin! Ni náań kudɔ̀ŋu ki bíl̀ man nì kitiŋ nee nib kansikin ní nee, an dàkà yii Kanaan yab nì Peeriisi yab. Man nib kaa náaǹ. Bíǹ ŋūǹ kí kpāfì kí dāá jáǹ-mi ní kí kúntí m-dicaŋku kɔkɔ.» 31Ní bi kíí bi-baa yii: «Mimmee bi cáá nsan kí bíil̀ ti-niisal kii kilaakpaayeeee?»
Currently Selected:
Genèse 34: BASSARDC
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Genèse 34
34
Simeeyɔn nì Leefii tɔ̀n̄ bi-niisal Diina pɔntooŋyi
1Dalbee, Jaakɔb bisal Diina un Leeya màl̄ee cūtì kí màntì kitiŋ kin poon bi nìn kóòyee sapɔmbi pu. 2Ní Amɔɔr un sá Eefi tiŋki bɔtiuee jipɔɔn Siikeem ká-u ní ki cúú-u mpɔn ki dōoǹ nì u ki bíil̀-u. 3An ŋá mimmee ní u-naŋki kɔ́ Jaakɔb bisal Diina tikpil ki jíń mpaan u-pɔbilin. Di sá u nìn bíi sòoǹ nì usapɔɔnee kí gíiǹní u-landɔkɔŋu u-cee. 4Ní Siikeem bí u-baa Amɔɔr yii: «Cùú mɔ̀nnì usapɔɔn nee kí tīī-mi, m là kí cáá-u.» 5Jaakɔb gbìl̄ yii Siikeem dōoǹ nì u-bisal Diina ki bíil̀-u, ama waa nìn lī tiba, di sá yii u-jipɔmbi nìn dáá bíń tisatin kunaakpaau ní u nìn cí yii bí bàń. 6Siikeem baa Amɔɔr nìn cūtì ki ká Jaakɔb ki sòon̄ nì u an bɔti. 7Jaakɔb jipɔmbi nín nyánní tisatin ki bāań ki gbìl̄ tin jítèe ní an wùn̄-bi tikpil ní bi fōō diŋuul tiŋan pu. Di sá yii Siikeem nín dōoǹ nì Jaakɔb bisalee, an sá disiibikpaandi ní Isirayeel yab cee, ki sá-bi dikoobikpaandi. 8Ní Amɔɔr bí-bi yii: «Ni-bisal Diina kɔ́ m-jipɔɔn Siikeem tikpil, an puee m gbāam̀-ni, ní dū-u kí tīī-u ú cáá. 9Tí kɔ́maan tɔbin, nimbi ń nīn tìì-ti ni-sapɔmbi ti cāab̀, ti mun ń nīn tìì-ni ti-yab ni cāab̀. 10Ní gbíntí kí nīn kā ti-cee, ní ti-tiŋki ń kpántí ni-yaka ní nīn kóò, kí nīn tɔ́ ni-ba kí bàntì kí kpántí bitindambi.»
11Ní Siikeem u-ba mun lī Diina baa nì u-niijab cee yii: «Ní pée kpèè kí pɔ̄-mi diyimɔɔl ḿ ŋmā kí cáá Diina, báà kun ní ni yaa lèe m làá tīī-ni. 12Gíímaan-mi kucootiiu nì tinimpucaŋwan pɔndi tikpil ḿ pà. M làá tīī-ni tin ni lèe kɔkɔ. Tin pée páb́ee di sá ní dū usapɔɔn kí tīī-mi ḿ cáá.» 13Ní Jaakɔb jipɔmbi kíí Amɔɔr nì u-jipɔɔn Siikeem nì iciin poon, kun puee u nìn dōoǹ nì bi-niisal Diina ki bíil̀-u. 14Bi kíí-bi yii: «An kaa ŋáań míǹ! Taa ŋūǹ kí dū ti-niisal kí tīī un kaa gíí dikpancandee ticati, an sá-ti icoo ní. 15Kí wàatī tí gbìl̄ kí tīī nì nee, asee ní yàntī bin kɔkɔ sá bininjab ni-kansikinee ń gīfì akpancan kii timbi nín gíí puee. 16Mimmee ti ŋūǹ kí tīī-ni ti-sapɔmbi ní cáá, ní ti mun ń cáá ni-yab, ní tí gbíntí ni-tiŋkin ní ti-kɔkɔ ń kpāfì kí ŋá kitimbaantii nib. 17Ama ni yaa yíì yii naa làá gīfèe, ti làá fōō ti-niisal ní kí yīkì.»
18Bi nín sòon̄ puee fáatì Amɔɔr nì u-jipɔɔn Siikeem. 19Unaacimpɔɔnee nín nìn néeń Jaakɔb bisal tikpil puee yāntì u kíĺ ki bíi ŋáań tin bi bālifì yii ú ŋée malaa. U-baa dicaŋku poonee, úǹ ní bi nìn pée tɔ́ ki jítiǹ báà ŋma. 20Ní Amɔɔr nì u-jipɔɔn Siikeem cūtìi kāl̀ bi-tiŋki punyɔkɔki#34.20 kitiŋ punyɔkɔki: kpèè 19.20. caŋin ní ki tùkū bi-tiŋki nib yii: 21«Binib nee cáá ti-pu nlandɔkɔmɔnti. Kitiŋ dɔ̄ ki wāā ki tīī-bi bí kàl̄ kí bàntì. Ti ŋūǹ kí cáá bi-bisalib, ní ti mun ŋūǹ kí dū ti-bisalib kí pɔ̄-bi ticati. 22Kí wàatī bí kíí kí nīn kā ti-tiŋki pu ti-kɔkɔ ń kpántí kitimbaantii nibee, asee tí yàntī bin kɔkɔ sá bininjab ti-kansikinee ń gīfì akpancan kii bíǹ nín gíí puee. 23Ti yaa gbìl̄ ki tīī nì bi bí nīn kóò ti-ceeyee, bi-waŋkuti kɔkɔ nì bi-gaajati kaa kpántì ti-yati deeee?» 24Bin kɔkɔ nìn bí niinee fōō tibɔti tin Amɔɔr nì u-jipɔɔn Siikeem cáańee ki kíí, ní kitiŋ poon bininjab kɔkɔ gífì akpancan.
25Bi gífì míǹ iwiin ita dal ŋyunti ŋun bi dáá kā iween puee ní Jaakɔb jipɔmbi bili, Simeeyɔn nì Leefii bin sá Diina niijabee yōoǹ bi-tàataajimmu ki ŋá soooo ki kɔ́ kitiŋin ubɔ kaa béè ní ki kūū bininjab kɔkɔ. 26Bi nìn kūū ki kpáaǹ Amɔɔr nì u-jipɔɔn Siikeem ní ki nyántì bi-niisal Diina Siikeem dumpu ki kpáaǹ-u ki nín kùǹ.
27Ní Jaakɔb jipɔmbee kɔ́ kitiŋin ki fúkúl̀ anikpilee wanti ní ki kóoǹ bi-wanti kɔkɔ, kun puee bi bíil̀ bi-niisal. 28Bi nìn cúú bi-piii nì bi-ŋoobui nì bi-naai nì bi-mammu nì tin kɔkɔ nìn pée bí kitiŋ poon nì tisatinee. 29Bi nìn kóoǹ bi-gaajati kɔkɔ pílpil ki kpáaǹ bi-nimpoobi nì bi-biyaamu nì tin kɔkɔ nìn pée bí bi-diiŋŋinee.
30Ní Jaakɔb bí Simeeyɔn nì Leefii yii: «Ni kɔ́ǹ-mi tibɔtin! Ni náań kudɔ̀ŋu ki bíl̀ man nì kitiŋ nee nib kansikin ní nee, an dàkà yii Kanaan yab nì Peeriisi yab. Man nib kaa náaǹ. Bíǹ ŋūǹ kí kpāfì kí dāá jáǹ-mi ní kí kúntí m-dicaŋku kɔkɔ.» 31Ní bi kíí bi-baa yii: «Mimmee bi cáá nsan kí bíil̀ ti-niisal kii kilaakpaayeeee?»
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.