Genèse 6
6
Binib būtì ní ikpiti wíiǹ
1Binib nìn kíĺ ki bíi bùtī kitiŋ pu, ní ki màl̄ mbinimpubiyaamu. 2Unimbɔti jipɔmbi#6.2 Unimbɔti jipɔmbi: Taapu kaa cántì. An ŋūǹ kí nīn sá bin kóò yilpuee àá ituun. ká yii binifoobi sapɔmbi ŋān̄ee ní bi lēekì bi-kansikin bin fáatiǹ-bee ki cáá. 3Ní ti-Dindaan bí yii: «Maa làá yàntī kufoou kun m ŋá unilinee ń nīn bí u-ni ki cá jaanjaan. Kun puee u sá tiwun ní ki bí iwɔfin. Waa làá yúntí kí jītí abin dilaataal nì mmuŋku pu.» 4Tinikpaandi nìn bí kitiŋ pu ŋyunti ŋun Unimbɔti jipɔmbi dɔ́miń ki cáá binifoobi sapɔmbi ki màl̄ mbiyaamuee. Míǹ boonee bi nìn gbíntì ki bí#6.4 tinikpaandi : kpèè Dikà 13.33.. Bíǹ di nìn sá bijanjaliibi bin nìn nyáń diyindi cannaakuee.
5Ti-Dindaan nìn ká yii binib kpitii mɔ̀tīi wīintí kitiŋ pu. Baabadalee tibɔkpitil ŋma di nìn gbí bi-pɔbiliŋ poon bi dàkafī. 6Ní an wùn̄ ti-Dindaan ki kɔ́-u kunimbaau u nín náań unil kitiŋ puee. 7Ní ti-Dindaan bí yii: «See m kúntì binib bin m náańee kitiŋ pu. M làá kúntí-bi kí kpáaǹ tiwaŋkuti nì tin kɔkɔ fù ti-biŋŋi puee nì inoon kɔkɔ, kun puee an wùn̄-mi m nín náań-bee pu.» 8Ama Noowa baba di nìn fáatì ti-Dindaan#6.8 B. 5-8: dūú ŋmàntī nì Maat 24.37, Luuki 17.26, 1 Peet 3.20..
Noowa kpáá meela
9Noowa nì u-biyaamu bɔti sɔ̀. Noowa nìn sá unimɔnti ní ki bí deedee u-yuntiŋu nib kansikin. U nìn nóó Unimbɔti mmɔntiim. 10U nìn màl̄ mbininjabiyaamu muta. Bi-yiŋŋi di sá Seem nì Kaam nì Jaafeeti#6.10 Kpèè 2 Peet 2.5..
11Kitiŋ nìn bíil̀ Unimbɔti nimbiin. Tipɔmbɔti ní binib nìn kíǹ ki dàkà tikɔkɔ poon. 12Unimbɔti nìn ká yii ikpiti jíń kitiŋ, di sá yii binib nìn dū bi-ba ki líì nì tikpitil. 13Ní Unimbɔti bí Noowa yii: «M làá kúntí binib kɔkɔ, kun puee bi yāntì tipɔmbɔti jíń kitiŋ kɔkɔ. M làá céetí-bi kitiŋ pu. 14Á dū busubu bun bi yíì goofeeree dɔi kí kpáá meela, kí pìtī poon adiin kí bɔ̀ntī poon nì boon aŋɔ. 15Á kpáá-bu mpúun ń nīn cáá meetab dilaataal nì imuŋku ili nì saalaa, ŋwaan ń nīn cáá meetab mmuŋku nì biŋmoo, ŋfɔkɔn ń nīn sá meetab saalku. 16A yaa ŋée, á kpáá kí bìin̄ yilpu, ní kí yàntī mbùń dimeetajandi ń nīn bí a nín kpáá ki bīiǹ puee nì meela guŋŋi kansikin, ní kí gíí kipunyɔkɔ dijandi diba pú, ní kí pìtī meela poon aditɔntɔkɔ ata. 17Man làá yàntī utaa ń nì, ní nnyiŋgbeen ń kúntí tin kɔkɔ pée cáá kufoou ki bí kitiŋ puee, tin kɔkɔ bí kitiŋ puee làá céetí. 18Ama m làá pòon̄ sii dipoondi. A làá dāá kɔ́ meelan, sii nì a-nimpuu nì a-jipɔmbi nì a-coopoobi. 19Á dāá lēē tin kɔkɔ cáá kufoouee, kubuluu kamaa uja nì usal kí kɔ́ǹ meelan sii nì bi ń ŋmátí. 20Á dāá lēē unoon kamaa buluku uja nì usal, nì kuwaŋkuluu kamaa buluku uja nì usal, nì kun kamaa pée fù kitiŋ puee buluku uja nì usal, bi-kɔkɔ ń dāá dāan̄ a-cee kí ŋmátí. 21Á dāá nyàab̀ tin kɔkɔ pée sá tijinee mun kí kpāafì án dāá nīn sá sii nì tin kɔkɔ bí a-ceeyee jinti.» 22Ní Noowa lafun ŋá kii Unimbɔti nín bí yii ú ŋá puee deedee#6.22 Dūú ŋmàntī nì Eebru 11.7..
Currently Selected:
Genèse 6: BASSARDC
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Genèse 6
6
Binib būtì ní ikpiti wíiǹ
1Binib nìn kíĺ ki bíi bùtī kitiŋ pu, ní ki màl̄ mbinimpubiyaamu. 2Unimbɔti jipɔmbi#6.2 Unimbɔti jipɔmbi: Taapu kaa cántì. An ŋūǹ kí nīn sá bin kóò yilpuee àá ituun. ká yii binifoobi sapɔmbi ŋān̄ee ní bi lēekì bi-kansikin bin fáatiǹ-bee ki cáá. 3Ní ti-Dindaan bí yii: «Maa làá yàntī kufoou kun m ŋá unilinee ń nīn bí u-ni ki cá jaanjaan. Kun puee u sá tiwun ní ki bí iwɔfin. Waa làá yúntí kí jītí abin dilaataal nì mmuŋku pu.» 4Tinikpaandi nìn bí kitiŋ pu ŋyunti ŋun Unimbɔti jipɔmbi dɔ́miń ki cáá binifoobi sapɔmbi ki màl̄ mbiyaamuee. Míǹ boonee bi nìn gbíntì ki bí#6.4 tinikpaandi : kpèè Dikà 13.33.. Bíǹ di nìn sá bijanjaliibi bin nìn nyáń diyindi cannaakuee.
5Ti-Dindaan nìn ká yii binib kpitii mɔ̀tīi wīintí kitiŋ pu. Baabadalee tibɔkpitil ŋma di nìn gbí bi-pɔbiliŋ poon bi dàkafī. 6Ní an wùn̄ ti-Dindaan ki kɔ́-u kunimbaau u nín náań unil kitiŋ puee. 7Ní ti-Dindaan bí yii: «See m kúntì binib bin m náańee kitiŋ pu. M làá kúntí-bi kí kpáaǹ tiwaŋkuti nì tin kɔkɔ fù ti-biŋŋi puee nì inoon kɔkɔ, kun puee an wùn̄-mi m nín náań-bee pu.» 8Ama Noowa baba di nìn fáatì ti-Dindaan#6.8 B. 5-8: dūú ŋmàntī nì Maat 24.37, Luuki 17.26, 1 Peet 3.20..
Noowa kpáá meela
9Noowa nì u-biyaamu bɔti sɔ̀. Noowa nìn sá unimɔnti ní ki bí deedee u-yuntiŋu nib kansikin. U nìn nóó Unimbɔti mmɔntiim. 10U nìn màl̄ mbininjabiyaamu muta. Bi-yiŋŋi di sá Seem nì Kaam nì Jaafeeti#6.10 Kpèè 2 Peet 2.5..
11Kitiŋ nìn bíil̀ Unimbɔti nimbiin. Tipɔmbɔti ní binib nìn kíǹ ki dàkà tikɔkɔ poon. 12Unimbɔti nìn ká yii ikpiti jíń kitiŋ, di sá yii binib nìn dū bi-ba ki líì nì tikpitil. 13Ní Unimbɔti bí Noowa yii: «M làá kúntí binib kɔkɔ, kun puee bi yāntì tipɔmbɔti jíń kitiŋ kɔkɔ. M làá céetí-bi kitiŋ pu. 14Á dū busubu bun bi yíì goofeeree dɔi kí kpáá meela, kí pìtī poon adiin kí bɔ̀ntī poon nì boon aŋɔ. 15Á kpáá-bu mpúun ń nīn cáá meetab dilaataal nì imuŋku ili nì saalaa, ŋwaan ń nīn cáá meetab mmuŋku nì biŋmoo, ŋfɔkɔn ń nīn sá meetab saalku. 16A yaa ŋée, á kpáá kí bìin̄ yilpu, ní kí yàntī mbùń dimeetajandi ń nīn bí a nín kpáá ki bīiǹ puee nì meela guŋŋi kansikin, ní kí gíí kipunyɔkɔ dijandi diba pú, ní kí pìtī meela poon aditɔntɔkɔ ata. 17Man làá yàntī utaa ń nì, ní nnyiŋgbeen ń kúntí tin kɔkɔ pée cáá kufoou ki bí kitiŋ puee, tin kɔkɔ bí kitiŋ puee làá céetí. 18Ama m làá pòon̄ sii dipoondi. A làá dāá kɔ́ meelan, sii nì a-nimpuu nì a-jipɔmbi nì a-coopoobi. 19Á dāá lēē tin kɔkɔ cáá kufoouee, kubuluu kamaa uja nì usal kí kɔ́ǹ meelan sii nì bi ń ŋmátí. 20Á dāá lēē unoon kamaa buluku uja nì usal, nì kuwaŋkuluu kamaa buluku uja nì usal, nì kun kamaa pée fù kitiŋ puee buluku uja nì usal, bi-kɔkɔ ń dāá dāan̄ a-cee kí ŋmátí. 21Á dāá nyàab̀ tin kɔkɔ pée sá tijinee mun kí kpāafì án dāá nīn sá sii nì tin kɔkɔ bí a-ceeyee jinti.» 22Ní Noowa lafun ŋá kii Unimbɔti nín bí yii ú ŋá puee deedee#6.22 Dūú ŋmàntī nì Eebru 11.7..
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.