Siracide 46
46
Joosuwa nì Kaleeb
1Nuuni jipɔɔn Joosuwa nìn sá ubaatandaan ní.
Úǹ di nìn fōō Mooyiisi yil ki kpántì Unimbɔti bɔnaatiliu.
U nìn fōō Mooyiisi yindi.
Di sá yii ti-Dindaan nìn yāntì u kpántì
dinibul din u lēēyee fiiliu.
U nìn jáń ki pɔ́ɔkiǹ binannanliibi
bin nìn yíkí ki jáà nì uee,
ní ki yāntì Isirayeel nibul fōō di-tiŋki#46.1 Kpèè Joos 1.1-11.23, Ditee 1.38, 18.15..
2U nìn nyáń diyindi
ŋyunti ŋun u nìn dúkutì u-ŋal
ki fɔ́fì u-tàataajiki kí jáǹ ntimuee#46.2 Dūú ŋmàntī nì Joos 8.18,26..
3Ŋma di nìn péeǹ Joosuwa ki dàkā dibaatandi?
Úǹ di nìn līī nyɔkɔpu ki jáà ti-Dindaan jaaku#46.3 Dūú ŋmàntī nì Joos 10.14,42..
4Úǹ di nìn tīī mara ní ŋwìiń yúl̀,
ní ŋwimbaanti dūu fɔ̄kɔǹ kii ilee?
5Ŋyunti ŋun binannanliibi nìn māntìi gíb́-uee,
u nìn kúuǹ ki yíiń Yilpu Fɔ́ŋŋŋ Nimbɔtiu, Mpɔŋkɔdaan,
ní ti-Dindaan un sá Ukpaanee kíiń-u.
U nìn yāntì ataanyiŋkumbil nìn lítì nì mpɔŋkpaan.
6U nìn páatìi jéetì binannanliibi janjakitil pu,
ki kūū u-nannanliibi bin nìn bíi sáń ki wúntí dijoolee.
Tiŋman, an nìn bālifì yii atimbun ŋin
nìn bíi jáà nì ti-Dindaanee
ń béé u-janjawanti kɔkɔ,
di sá yii Joosuwa nìn nóó Mpɔŋkɔdaan marab ní#46.6 B. 4-6: kpèè Joos 10.12-13..
7Doooo Mooyiisi yuntiŋu ní
Joosuwa dàkā yii u yú nì Unimbɔti deedee,
u nì Yeefunee jipɔɔn Kaleeb.
Bi-liitil nìn kpákáǹ samaa kɔkɔ,
ki nìn pīiǹ nsan dinibul ń taa ŋá ikpiti,
ní ki nìn yāntì binib bin nìn bíi gbùkum̄ee ŋmíl̀.
8Bijanjaliibi bin còom̄ ataa puee kutukub biluu kansikinee,
bíǹ liitil ja di nìn ŋmátì.
Bi nìn ŋúń ki cáá ti-Dindaan nibul
ki kɔ́ǹ kitiŋ kin bi làá nìn fōō kí nīn yèe poon,
kitiŋ kin poon ní nnaabiim nì tisiil còol̀ee#46.8 B. 7-8: kpèè Dikà 14.6-38. - nnaabiim nì tisiil: kpèè Disa 3.8, Dikà 14.8, Ditee 31.20, Joos 5.6..
9Ti-Dindaan nìn tīī Kaleeb mpɔŋkpaan.
Ki kpáaǹ gba u-puti poonee, u nìn ŋúń
ki jáń ki fōō ajoon pu timmu
mun dāa dūu kpántì u-naantiibi fakalee#46.9 Dūú ŋmàntī nì Joos 14.6-14..
10Míǹ ní Isirayeel yab kɔkɔ béè
yii an ŋān̄ unil ń nīn nóó ti-Dindaan.
Bibɔsoonliibi
(Kpèè Bibɔ 2.11-19)
11Tí téetímaan bibɔsoonliibi mun pu#46.11 Kpèè Bibɔ 2.16..
Báà ŋma nì u nín ŋá pu ki nyáń diyindee.
Baa nìn fātì bi-boon ki tīī ti-Dindaan
ki cūtìi bíi tòotī awaa.
Tí téetí bi-pu kí jāam̀ ti-Dindaan.
12Bi-kpabiŋ dáá gbíntìi dɔ̄ bi-kaakuliŋin.
Ti-Dindaan ń yàntī bin làá nóó
bi-tabɔbiliŋee ń nyā kí páań bi-boon.
Bi-jipɔmbi ń yàntī bí fàtīí nyā diyindi.
Samiyeel
13Ti-Dindaan nìn néeń Samiyeel.
U nìn sá u-bɔnaatiliu ní ki nìn náań dibeel.
U nìn bātì ŋkpam ki sītì bikpilib yiliŋ pu
ki nìn kāaǹ-bi bí nīn kpòotī u-nibul#46.13 Dūú ŋmàntī nì 1 Sami 3.19-20, 10.1, 16.12-13..
14U nìn sòon̄ samaa bɔti ki nóó nì ti-Dindaan marau,
ní ti-Dindaan nìn bīiǹ Jaakɔb naantiibi boon.
15U nín nìn sí deedee nì Unimbɔti puee
di nìn dàkà yii u nìn lafun sá Unimbɔti bɔnaatiliu.
Tibɔti tin u nìn nàatēe di nìn yāntì
binib nìn béè yii u nìn sá unil un wāĺee tiŋman pu#46.15 Dūú ŋmàntī nì 1 Sami 3.19-21..
16Ŋyunti ŋun binannanliibi nìn māntìi gíb́-uee,
u nìn kúuǹ ki yíiń ti-Dindaan Mpɔŋkɔdaan
ní ki nìn dū dipibipɔmbil ki ŋá-u saraa.
17Ti-Dindaan nìn yāntì utaa fáá didundi kutagbɔŋu pu,
ní ki yāntì bi gbìl̄ u-neel pu dibintiŋkpaandin.
18U nìn kúntì Tiir yab kpilib
nì Fiiliistii yab yidambi kɔkɔ#46.18 B. 16-18: kpèè 1 Sami 7.7-13..
19Kí wàatī ú dòon̄ u-ŋaliŋu puee,
u nìn lēē seera ti-Dindaan nì ubɔti nimbiin yii:
«Maa fìkī ubɔ wanti ki ká,
báà anaataka kpaŋkpan gba».
Ubɔ kaa nìn ŋúń ki ká tiba ki kɔ́kɔl̀-u#46.19 Kpèè 1 Sami 12.3..
20Báà u-kúm boonee gba,
un nìn nāatì Unimbɔti bɔti
ki tùkū ubɔti min ní u làá dāá kúntée.
U nìn sòon̄ní doooo kitiŋ taapu taapu,
ki nìn nāatì Unimbɔti bɔti kí pítí u-nibul kpitii#46.20 Kpèè Sami 28.8-19..
Currently Selected:
Siracide 46: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Siracide 46
46
Joosuwa nì Kaleeb
1Nuuni jipɔɔn Joosuwa nìn sá ubaatandaan ní.
Úǹ di nìn fōō Mooyiisi yil ki kpántì Unimbɔti bɔnaatiliu.
U nìn fōō Mooyiisi yindi.
Di sá yii ti-Dindaan nìn yāntì u kpántì
dinibul din u lēēyee fiiliu.
U nìn jáń ki pɔ́ɔkiǹ binannanliibi
bin nìn yíkí ki jáà nì uee,
ní ki yāntì Isirayeel nibul fōō di-tiŋki#46.1 Kpèè Joos 1.1-11.23, Ditee 1.38, 18.15..
2U nìn nyáń diyindi
ŋyunti ŋun u nìn dúkutì u-ŋal
ki fɔ́fì u-tàataajiki kí jáǹ ntimuee#46.2 Dūú ŋmàntī nì Joos 8.18,26..
3Ŋma di nìn péeǹ Joosuwa ki dàkā dibaatandi?
Úǹ di nìn līī nyɔkɔpu ki jáà ti-Dindaan jaaku#46.3 Dūú ŋmàntī nì Joos 10.14,42..
4Úǹ di nìn tīī mara ní ŋwìiń yúl̀,
ní ŋwimbaanti dūu fɔ̄kɔǹ kii ilee?
5Ŋyunti ŋun binannanliibi nìn māntìi gíb́-uee,
u nìn kúuǹ ki yíiń Yilpu Fɔ́ŋŋŋ Nimbɔtiu, Mpɔŋkɔdaan,
ní ti-Dindaan un sá Ukpaanee kíiń-u.
U nìn yāntì ataanyiŋkumbil nìn lítì nì mpɔŋkpaan.
6U nìn páatìi jéetì binannanliibi janjakitil pu,
ki kūū u-nannanliibi bin nìn bíi sáń ki wúntí dijoolee.
Tiŋman, an nìn bālifì yii atimbun ŋin
nìn bíi jáà nì ti-Dindaanee
ń béé u-janjawanti kɔkɔ,
di sá yii Joosuwa nìn nóó Mpɔŋkɔdaan marab ní#46.6 B. 4-6: kpèè Joos 10.12-13..
7Doooo Mooyiisi yuntiŋu ní
Joosuwa dàkā yii u yú nì Unimbɔti deedee,
u nì Yeefunee jipɔɔn Kaleeb.
Bi-liitil nìn kpákáǹ samaa kɔkɔ,
ki nìn pīiǹ nsan dinibul ń taa ŋá ikpiti,
ní ki nìn yāntì binib bin nìn bíi gbùkum̄ee ŋmíl̀.
8Bijanjaliibi bin còom̄ ataa puee kutukub biluu kansikinee,
bíǹ liitil ja di nìn ŋmátì.
Bi nìn ŋúń ki cáá ti-Dindaan nibul
ki kɔ́ǹ kitiŋ kin bi làá nìn fōō kí nīn yèe poon,
kitiŋ kin poon ní nnaabiim nì tisiil còol̀ee#46.8 B. 7-8: kpèè Dikà 14.6-38. - nnaabiim nì tisiil: kpèè Disa 3.8, Dikà 14.8, Ditee 31.20, Joos 5.6..
9Ti-Dindaan nìn tīī Kaleeb mpɔŋkpaan.
Ki kpáaǹ gba u-puti poonee, u nìn ŋúń
ki jáń ki fōō ajoon pu timmu
mun dāa dūu kpántì u-naantiibi fakalee#46.9 Dūú ŋmàntī nì Joos 14.6-14..
10Míǹ ní Isirayeel yab kɔkɔ béè
yii an ŋān̄ unil ń nīn nóó ti-Dindaan.
Bibɔsoonliibi
(Kpèè Bibɔ 2.11-19)
11Tí téetímaan bibɔsoonliibi mun pu#46.11 Kpèè Bibɔ 2.16..
Báà ŋma nì u nín ŋá pu ki nyáń diyindee.
Baa nìn fātì bi-boon ki tīī ti-Dindaan
ki cūtìi bíi tòotī awaa.
Tí téetí bi-pu kí jāam̀ ti-Dindaan.
12Bi-kpabiŋ dáá gbíntìi dɔ̄ bi-kaakuliŋin.
Ti-Dindaan ń yàntī bin làá nóó
bi-tabɔbiliŋee ń nyā kí páań bi-boon.
Bi-jipɔmbi ń yàntī bí fàtīí nyā diyindi.
Samiyeel
13Ti-Dindaan nìn néeń Samiyeel.
U nìn sá u-bɔnaatiliu ní ki nìn náań dibeel.
U nìn bātì ŋkpam ki sītì bikpilib yiliŋ pu
ki nìn kāaǹ-bi bí nīn kpòotī u-nibul#46.13 Dūú ŋmàntī nì 1 Sami 3.19-20, 10.1, 16.12-13..
14U nìn sòon̄ samaa bɔti ki nóó nì ti-Dindaan marau,
ní ti-Dindaan nìn bīiǹ Jaakɔb naantiibi boon.
15U nín nìn sí deedee nì Unimbɔti puee
di nìn dàkà yii u nìn lafun sá Unimbɔti bɔnaatiliu.
Tibɔti tin u nìn nàatēe di nìn yāntì
binib nìn béè yii u nìn sá unil un wāĺee tiŋman pu#46.15 Dūú ŋmàntī nì 1 Sami 3.19-21..
16Ŋyunti ŋun binannanliibi nìn māntìi gíb́-uee,
u nìn kúuǹ ki yíiń ti-Dindaan Mpɔŋkɔdaan
ní ki nìn dū dipibipɔmbil ki ŋá-u saraa.
17Ti-Dindaan nìn yāntì utaa fáá didundi kutagbɔŋu pu,
ní ki yāntì bi gbìl̄ u-neel pu dibintiŋkpaandin.
18U nìn kúntì Tiir yab kpilib
nì Fiiliistii yab yidambi kɔkɔ#46.18 B. 16-18: kpèè 1 Sami 7.7-13..
19Kí wàatī ú dòon̄ u-ŋaliŋu puee,
u nìn lēē seera ti-Dindaan nì ubɔti nimbiin yii:
«Maa fìkī ubɔ wanti ki ká,
báà anaataka kpaŋkpan gba».
Ubɔ kaa nìn ŋúń ki ká tiba ki kɔ́kɔl̀-u#46.19 Kpèè 1 Sami 12.3..
20Báà u-kúm boonee gba,
un nìn nāatì Unimbɔti bɔti
ki tùkū ubɔti min ní u làá dāá kúntée.
U nìn sòon̄ní doooo kitiŋ taapu taapu,
ki nìn nāatì Unimbɔti bɔti kí pítí u-nibul kpitii#46.20 Kpèè Sami 28.8-19..
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.