Lukà 12
12
Ènufiɔfiɔ so blamùtumùnu wɔ̀wɔ ŋuti
(Màt 10.26-27)
1Wàlɛbɛ ŋua, àmè àkpe àkpewo bɔ̀, àleke be wo le ɖo àfɔ̀ woa nɔ̀nɔwo ji. Yesù pò nupo na yebe nukplaviwo cucugbã, gblɔ̃ be: “Mì kpɔ mìa ɖokoewo ji nyuɛ̃ ɖe na Farizìwo be *mawɛhuãnu kè nyi blamùtumùnu wɔ̀wɔ. 2Ènusianu kè ji wo cɔ̃ ènua, wo la klo ènu lè e ji, eye ènyà wawla ɖe sia ɖe la ɖì, àmèwo la sè. 3Ye ŋutia, ènyà sia ènyà kè mì gblɔ̃ lè èzã mèa, wo la sè è lè ŋùkèkè mè, eye ènyà sia ènyà kè mì ɖèkpa, gblɔ̃ lè èxɔ̀-gã mèa, wo la ɖè è to lè àgũ tòpò.”
Àmè kè mi ɖo la vɔ̃ na a
(Màt 10.28-31)
4“Èxlɔ̃ nyèwo, mù le gblɔ̃ na mì be mì mu gbà vɔ̃ àmè kèwo wùnà ŋutilã, eye, lè ekèa yomè a, wo mu gbà teŋu wɔ̀ ènu ɖe wu e ŋua ò. 5Vɔ̀a, mù la fiɔ mì àmè kè mì la vɔ̃a. Mì vɔ̃ àmè kè, ne e wù àmè vɔ̀a, e gbà ɖo ŋusɛ̃ la sɔ ɛ̀ dãŋùgbe ɖo èzò màvɔ mèa. Ɛ̃ɛ, mù lè to na mì be mì vɔ̃ nènemea!”
6“Wo mu sànà àfixèvi àtɔ̃, taŋugavi èvè òa? Co Mawu mu ŋlɔ̀be woa dòmètɔ ɖèka tètè ò. 7Ye ŋutia mìawo cã a, mì mu gbà vɔ̃ ò, ɖo èɖà kèwo lè èta na mìawo ŋutɔ cã nyi hɛ̃hlɛ̃. Mì xɔ̀ àsì fuu wu àfixèviwo.”
Leke mi xɔ̀nà Yesù àlo gbena ɛ̀a
(Màt 10.32-33; 12.32; 10.19-20)
8“Mù le gblɔ̃ na mì be, àmè sia àmè kè la hũ e mè lè àmèwo be ŋùkumè be yè nyi tɔ̀ nyèa, *Àgbètɔ be Èvia cã la hũ e mè be e nyi yè tɔ̀, lè Mawu be àtikplɔtɔwo be ŋùkumè. 9Àmè kè la gbe mù lè àmèwo be ŋùku mèa, *Àgbètɔ be Èvia cã la gbe ye cã lè Mawu be àtikplɔtɔwo be ŋùkumè. 10Àmè kè la gblɔ̃ ènyà vlo ɖe so Àgbètɔ be Èvia ŋutia, wo la sɔ kè è; vɔ̀ àmè kè la gblɔ̃ ènyà vlo ɖe so Gbɔ̃gbɔ̃ Kɔ̀kɔ̀ɛ a ŋutia, wo mu la sɔ kè è ò.”
11“Ne wo kplɔ̀ mì yì bɔ̀bɔ̀pewo àlo kòjoɖotɔwo kudo dùjiɖùtɔwo gbɔa, mì mu gbà ci siayi ɖo àlekè mì la hlùɛ̃ mìa ɖokoewo ta, àlo lè ènyà kè mì la gblɔ̃a ŋuti ò, 12ɖo Gbɔ̃gbɔ̃ Kɔ̀kɔ̀ɛ a la fiɔ mì ènu kè mì la gblɔ̃ lè gà ŋua mèa.”
Èlododo so àdɔ̀kùnɔ̀ yɛ̀yìnɔ̀a ŋuti
13Àmè ɖe so àmèha a dòmè, gblɔ̃ na Yesù be: “Ènufiɔtɔ, to na nɔ̀vi nyè ne mia kudo è mia ma ècrɔ̃nu kè nyi mia tɔ̀a.” 14Yesù ɖo e ŋuti na ɛ̀ be: “Ŋusù, àmè kɛ ye ɖo mù kòjoɖotɔ, àlo ènumatɔ ɖo mìa nu ò?” 15E yì e ji gblɔ̃ na wo be: “Mì kpɔ nyuɛ̃ ɖe, eye mìa kpɔ mìa ɖokoewo ji, ɖo ŋùbia ɖekpekpe ŋuti; ɖo àgbètɔ be àgbè mu kù ɖo ènu gbogbo kèwo lè e siawo ŋuti ò.”
16Yesù yì e ji, do èlo na wo be: “Àgblèdàtɔ àdɔ̀kùnɔ̀ ɖe be ànyigbã wɔ̀ ènuku sùgbɔ na ɛ̀. 17Ye ŋutia, e gblɔ̃ lè ye ɖokoe mè be: 'Ènu kɛ mù la wɔ̀ ò? Đo tèpe mu gbà lè àsi nyè, ne ma jrà ènu kèwo mù ŋɛ̃awo ɖo ò.' 18E ɖo e ŋuti na ye ɖokoe be: 'Mù kpɔ ènu kè mù la wɔ̀a vɔ̀. Mù la mù àvà nyèawo, eye mù la tù kèwo lòlò wua ɖo woa tèpe. Eye mù la jrà àgblènuku nyèwo, kudo ènu nyèwo keŋu ɖo.' 19E yomè a mù la gblɔ̃ na ɖokoe nyè be: 'Wò bɔ̀ ènu fuu kèwo wò la zã lè èpè sùgbɔ mèa ɖɛ vɔ̀. Ye ŋutia, ɖì ɖo e mè, ɖù, ènu, eye wòa kpɔ jìjɔɛ.' 20Vɔ̀a Mawu gblɔ̃ na ɛ̀ be: 'Kpɔ, yɛ̀yìnɔ̀ ɖa! Èzã kèa ŋutɔ mèa, wo la xɔ̀ àpo àgbè a. Eye fifìa, àmè kɛ tɔ̀ ye ènu kèwo wò jrà ɖoawo la nyi ò?'” 21Yesù wu e nu be: “Ènu kèa hagbè ye wɔ̀nà àmè kè bɔ̀ ènu sùgbɔ na ye ɖokoe lè ànyigbã ji, vɔ̀ ènu ɖekpekpe mu lè e si lè Mawu gbɔ òa.”
Mìa dojì ɖo Mawu ŋuti
(Màt 6.25-34)
22Lè ekèawo yomè a, Yesù gblɔ̃ na yebe nukplaviwo be: “Ekèa ŋuti ye mù gblɔ̃nà na mì be, mì mu gbà ci flima ɖo ènu kè mì la ɖù ne mia nɔ̀ àgbè, àlo ènu kè mì la tàa ŋuti ò. 23Àgbè a xɔ̀ àsì wu ènu ɖùɖu, eye àmètia cã xɔ̀ àsì wu àwùdodo kudo àvɔ tàta. 24Mì bù àkpàfiɔ̃wo ŋuti kpɔ. Wo mu dona ènu, àlo ŋɛ̃na ènu ò; wo mu ɖo ènujràɖope, àlo àvà cã ò; co gãke Mawu nyìnà wo! Mìawo ya mì xɔ̀asì zè nenè ɖe wu xèviwo! 25Ne lè mìa dòmè, àmè ɖe ciji ɖo yebe àgbè ŋuti cã a, àmè kɛ ye la teŋu sɔ ŋùkèkè ɖèka tigɔ̃ kpe yebe àgbè ŋùkèkèwo ò? 26Ne e nyi be ènu vi kèa tètè ŋutɔ cã be wɔ̀wɔ mu lè mìa ŋuti òa, nukɛ ŋuti ye mì ci flima ɖo èbuwo ŋuti ɖo ò? 27Mì bù àlekè zògbèjì-sepòpowo sĩnàa ŋuti kpɔ. Wo mu gbĩnà èkà àlo lɔ̃nà àvɔ ò. Vɔ̀a, mù lè to na mì be, èfìɔ Salomɔ̀n, lè yebe gogo gãa mè ŋutɔ cã a, mu ɖo àcɔ sɔ̀ kudo zògbèjì-sepòpowo tɔ̀ ò. 28Eŋuã, ne Mawu ɖo àcɔ ɖe xòmèku, na ègbe kè lè àve mè, egbèa, eye èsɔ̀ kpòa wo la sò e dãŋùgbe ɖo èzò mè, be la fiɔ̃a, mu la ɖo àcɔ na mìawo ya bòhũ wu òa? Xɔ̀sèvitɔwo! 29Ye ŋutia, mì mu gbà ci flima ɖo ènu kè mì la ɖù kudo ènu kè mì la nùa ŋuti ò. Wu ekèa, mì mu gbà ciji lè sùsu mè ò. 30Ènu kèawo yomè ye xixe mè dùkɔ̃wo keŋu lè, vɔ̀, Mawu ya nya be ènu kèawo hiã mì. 31Vɔ̀ mì ji yebe fìɔɖùɖua bòhũ, eye Mawu la sɔ ènu kèawo kpe è na mì.”
Jiŋùkusi ye nyi àdɔ̀kùnuwo jràɖope
(Màt 6.19-21)
32“Àlɛ̃havi, mù gbà vɔ̃ ò! Đo e jè ŋùmè na mìa Tɔa be bèa sɔ fìɔdua na mì. 33Mì sà ènu kèwo lè mìa siawo, ne mìa ma ègàa na wɔ̀amènɔ̀wo. Mì tɔ̃ gàkòtòku kèwo mu gblena òa na mìa ɖokoe, eye mì jrà mìabe àdɔ̀kùnuwo ɖo ɖɛ lè jiŋùkusi be ne woa nɔ̀ gbèsɔ̀sɔɛ. Fìãfì mu lè funua ò, eye èŋɔ cã mu ɖùnà ènu lè funu ò. 34Đo fikè mìabe fòtrowo lèa, funua ye mìabe èjì cã la nɔ̀.”
Mì nɔ̀ ŋùzɔ̃
35“Mì nɔ̀ ŋùzɔ̃, eye mì na mìabe kãligbɛ̃wo woa nɔ̀ bì. 36Mì nɔ̀ sìgbè àmè kèwo lè kpɔ èmɔ na woabe àpetɔ kè yì nyɔ̃nùkpepea nène. Ne e gbɔ̀ va pò àgboa, mìa hũ ì na ɛ̀ zè ɖèka. 37Sìtu ɖèɖe ye be la nyi na sumɔ̃vi kèwo woa àpetɔ la gbɔ̀ va kpɔ lè ŋùzɔ̃a. Nyàwo mù le to na mì be, àpetɔa la sã àvɔ ɖo àlì, la na wo la nɔ̀ èkplɔ̃ ŋuti, eye be la sumɔ wo. 38Àmè kèwo àpetɔa la gbɔ̀ va kpɔ lè èzã gà woèvè, àlo lè fɔ̃fɔ̃ mè gà ètɔ̃ mè lè ŋùzɔ̃a, wo la nyi *sìtumewo.”
39“Vɔ̀ mì nya ɛ̀ be ne àxuetɔ ɖe la nya gàpòpo kè mè tututu fìãfì la vaa, e la nɔ̀ ŋùzɔ̃ eye mu la na èmɔ fìãfìa ne bèa ɖo yebe àxuea mè ò. 40E jè be, mìawo cã, mìa nɔ̀ ŋùzɔ̃, ɖo Àgbètɔ be Èvia la va lè gàpòpo kè mè ye mì mu le kpɔ èmɔ na ɛ̀ òa.”
Sɔso Sumɔviwo ŋuti
(Màt 24.45-51)
41Petrò biɔ ɛ̀ be: “Tɔhonɔ̀, miawo kpò ye wò le do èlo kèa na loo, àlo àmèwo keŋu ye à?”
42Tɔhonɔ̀ gblɔ̃ na ɛ̀ be: “Àmè kɛ gɔ̃ ye nyi hɔ̃nuvi ànùkuame kudo ènunyatɔ, ekè yebe àpetɔ la sɔ ɖo yebe sumɔ̃viwo nu, be ne nɔ na wo, woabe ènu ɖùɖu ɖo gàmè ji ò? 43Wo tusì na sumɔ̃vi ŋua, ekè àpetɔaa la va kpɔ bè la nɔ wɔ̀ èdɔ kè wo ɖo na ɛ̀a. 44Nyàwo, mù le to na mì be, e la sɔ sumɔ̃vi kèa ɖo yebe ènuwo keŋu nu. 45Vɔ̀ ne sumɔ̃via gblɔ̃ lè ye ɖokoe mè be: 'Àpetɔ nyè mu le gbɔ̀ kaba ò', eye be tɔ sumɔ̃vi ŋusù kudo sumɔ̃vi nyɔ̃nùwo pòpo, le ɖù ènu, le nù àhà mua, 46yebe àpetɔ la va lè àzã kè gbè mu le kpɔ èmɔ na ɛ̀ lè ò, kudo lè gàpòpo kè ji mu nya òa. E la dɔ̃ èto na ɛ̀ sɛ̃sɛ̃ ɖe, eye be la ɖo yebe màmaa lè àmè màwɔ̀anùkuawo dòmè. 47Sumɔvi kè nya àpetɔa be èjro, gãke mu jrà ɖo ɖɛ, àlo wɔ̀ ɖo yebe èjro ji òa, wo la pò è sùgbɔ. 48Vɔ̀a, sumɔ̃vi kè mu nya yebe àpetɔ be èjro ò, eye e wɔ̀ ènu kè jè na ètodɔ̃a, wo la pò è vi ɖe kpò. Àmè kè wo na sùgbɔa, wo la biɔ ènu sùgbɔ so e si, eye àmè kè wo sɔ ènu sùgbɔ do àsi na a, wo la biɔ so e si wu.”
Yesù hɛ̃ àmè dòmè màma va
(Màt 10.34-36)
49“Èzò ye mù ɖè va kɔ̀ ɖo ànyigbã ji, eye mù ji ŋutɔ be ne le kaba! 50Mawusi lèle ɖe lè kè jè be woa lè na mù, eye mù ci jojojoe be woa lè è na mù kaba. 51Mì bù be fàfa mù hɛ̃ va ànyigbã jia? Kpao, mù le gblɔ̃ na mì be, àmè dòmè màma bòhũ ye mù hɛ̃ va! 52So ekèa ji sɔ yìa, ne àmè àtɔ̃ lè àxue ɖe mèa, woa dòmè la ma. Àmè ètɔ̃ la sitè ɖo àmè èvè ŋuti, eye èvè la sitè ɖo ètɔ̃ ŋuti. 53Ètɔ la sitè ɖo èvia ŋusù ŋuti, eye èvi-ŋusù la sitè ɖo ètɔa ŋuti. Ènɔ̀ la sitè ɖo èvi-nyɔ̃nù ŋuti, eye èvi-nyɔ̃nù la sitè ɖo ènɔa ŋuti. Lɔ̃xo la sitè ɖo lɔ̃xoyɔvi nyɔ̃nù ŋuti, eye lɔ̃xoyɔvi-nyɔ̃nù la sitè ɖo lɔ̃xoa ŋuti.”
Hùenuwo be jèsìwo
(Màt 16.2-3)
54Yesù gbà gblɔ̃ na àmèha a be: “Ne mì kpɔ lilikpo hɔ̃ so èwèɖoxɔ̀pea, mì gblɔ̃nà zè ɖèka be: 'Èji la jà,' eye e jɔ̀nà cã. 55Ne àya pò so àpùgo lɔ̀gea, mì gblɔ̃nà be: 'Xixea mè la jè èzò', eye e nyina nènea. 56Blamùtùmùwo! Mì teŋu lènà ŋùku ɖo ànyigbã kudo jiŋùkusi be nɔ̀nɔmè ŋuti, eye mì nyana ènu kè gbãnà a jènàsi. Àleke wɔ̀ ye mì mu teŋu le ŋùku ɖo fifì, be hùenu kèa ŋuti, la kpɔ ènu kè gbãnà a la jèsi ò?”
Wɔ̀ ɖèka ku kɛ̃tɔ wò
(Màt 5.25-26)
57“Àleke wɔ̀ ye mì mu teŋu sònà ènyà na mìa ɖokoe so ènu kè jè be mìa wɔ̀a ŋuti ò? 58Ne èwò kudo àpo kɛ̃tɔ, mì lè èmɔ ji le yì kòjo mèa, tèkpɔ ne wòa jrà mìa kudo e dòmè ɖo, lè èmɔa ji, àleke be kɛ̃tɔ wòa mu gbà kplɔ̀ wò yì kòjoɖotɔ gbɔ, ne kòjoɖotɔa bèa sɔ wò do àsi na ègàkpajikpɔtɔ, ne bèa va do wò ègà ò. 59Mù le to na wò be wò mu la to lè ègà mè, kaka na gà kè mè wò la tu èfɛ̃ kè wo sò na wòa vɔ̀ keŋu-keŋu ò.”
Currently Selected:
Lukà 12: GEN
Highlight
Share
Copy
Want to have your highlights saved across all your devices? Sign up or sign in
Mina Bible © Bible Society of Togo, 2014.
Lukà 12
12
Ènufiɔfiɔ so blamùtumùnu wɔ̀wɔ ŋuti
(Màt 10.26-27)
1Wàlɛbɛ ŋua, àmè àkpe àkpewo bɔ̀, àleke be wo le ɖo àfɔ̀ woa nɔ̀nɔwo ji. Yesù pò nupo na yebe nukplaviwo cucugbã, gblɔ̃ be: “Mì kpɔ mìa ɖokoewo ji nyuɛ̃ ɖe na Farizìwo be *mawɛhuãnu kè nyi blamùtumùnu wɔ̀wɔ. 2Ènusianu kè ji wo cɔ̃ ènua, wo la klo ènu lè e ji, eye ènyà wawla ɖe sia ɖe la ɖì, àmèwo la sè. 3Ye ŋutia, ènyà sia ènyà kè mì gblɔ̃ lè èzã mèa, wo la sè è lè ŋùkèkè mè, eye ènyà sia ènyà kè mì ɖèkpa, gblɔ̃ lè èxɔ̀-gã mèa, wo la ɖè è to lè àgũ tòpò.”
Àmè kè mi ɖo la vɔ̃ na a
(Màt 10.28-31)
4“Èxlɔ̃ nyèwo, mù le gblɔ̃ na mì be mì mu gbà vɔ̃ àmè kèwo wùnà ŋutilã, eye, lè ekèa yomè a, wo mu gbà teŋu wɔ̀ ènu ɖe wu e ŋua ò. 5Vɔ̀a, mù la fiɔ mì àmè kè mì la vɔ̃a. Mì vɔ̃ àmè kè, ne e wù àmè vɔ̀a, e gbà ɖo ŋusɛ̃ la sɔ ɛ̀ dãŋùgbe ɖo èzò màvɔ mèa. Ɛ̃ɛ, mù lè to na mì be mì vɔ̃ nènemea!”
6“Wo mu sànà àfixèvi àtɔ̃, taŋugavi èvè òa? Co Mawu mu ŋlɔ̀be woa dòmètɔ ɖèka tètè ò. 7Ye ŋutia mìawo cã a, mì mu gbà vɔ̃ ò, ɖo èɖà kèwo lè èta na mìawo ŋutɔ cã nyi hɛ̃hlɛ̃. Mì xɔ̀ àsì fuu wu àfixèviwo.”
Leke mi xɔ̀nà Yesù àlo gbena ɛ̀a
(Màt 10.32-33; 12.32; 10.19-20)
8“Mù le gblɔ̃ na mì be, àmè sia àmè kè la hũ e mè lè àmèwo be ŋùkumè be yè nyi tɔ̀ nyèa, *Àgbètɔ be Èvia cã la hũ e mè be e nyi yè tɔ̀, lè Mawu be àtikplɔtɔwo be ŋùkumè. 9Àmè kè la gbe mù lè àmèwo be ŋùku mèa, *Àgbètɔ be Èvia cã la gbe ye cã lè Mawu be àtikplɔtɔwo be ŋùkumè. 10Àmè kè la gblɔ̃ ènyà vlo ɖe so Àgbètɔ be Èvia ŋutia, wo la sɔ kè è; vɔ̀ àmè kè la gblɔ̃ ènyà vlo ɖe so Gbɔ̃gbɔ̃ Kɔ̀kɔ̀ɛ a ŋutia, wo mu la sɔ kè è ò.”
11“Ne wo kplɔ̀ mì yì bɔ̀bɔ̀pewo àlo kòjoɖotɔwo kudo dùjiɖùtɔwo gbɔa, mì mu gbà ci siayi ɖo àlekè mì la hlùɛ̃ mìa ɖokoewo ta, àlo lè ènyà kè mì la gblɔ̃a ŋuti ò, 12ɖo Gbɔ̃gbɔ̃ Kɔ̀kɔ̀ɛ a la fiɔ mì ènu kè mì la gblɔ̃ lè gà ŋua mèa.”
Èlododo so àdɔ̀kùnɔ̀ yɛ̀yìnɔ̀a ŋuti
13Àmè ɖe so àmèha a dòmè, gblɔ̃ na Yesù be: “Ènufiɔtɔ, to na nɔ̀vi nyè ne mia kudo è mia ma ècrɔ̃nu kè nyi mia tɔ̀a.” 14Yesù ɖo e ŋuti na ɛ̀ be: “Ŋusù, àmè kɛ ye ɖo mù kòjoɖotɔ, àlo ènumatɔ ɖo mìa nu ò?” 15E yì e ji gblɔ̃ na wo be: “Mì kpɔ nyuɛ̃ ɖe, eye mìa kpɔ mìa ɖokoewo ji, ɖo ŋùbia ɖekpekpe ŋuti; ɖo àgbètɔ be àgbè mu kù ɖo ènu gbogbo kèwo lè e siawo ŋuti ò.”
16Yesù yì e ji, do èlo na wo be: “Àgblèdàtɔ àdɔ̀kùnɔ̀ ɖe be ànyigbã wɔ̀ ènuku sùgbɔ na ɛ̀. 17Ye ŋutia, e gblɔ̃ lè ye ɖokoe mè be: 'Ènu kɛ mù la wɔ̀ ò? Đo tèpe mu gbà lè àsi nyè, ne ma jrà ènu kèwo mù ŋɛ̃awo ɖo ò.' 18E ɖo e ŋuti na ye ɖokoe be: 'Mù kpɔ ènu kè mù la wɔ̀a vɔ̀. Mù la mù àvà nyèawo, eye mù la tù kèwo lòlò wua ɖo woa tèpe. Eye mù la jrà àgblènuku nyèwo, kudo ènu nyèwo keŋu ɖo.' 19E yomè a mù la gblɔ̃ na ɖokoe nyè be: 'Wò bɔ̀ ènu fuu kèwo wò la zã lè èpè sùgbɔ mèa ɖɛ vɔ̀. Ye ŋutia, ɖì ɖo e mè, ɖù, ènu, eye wòa kpɔ jìjɔɛ.' 20Vɔ̀a Mawu gblɔ̃ na ɛ̀ be: 'Kpɔ, yɛ̀yìnɔ̀ ɖa! Èzã kèa ŋutɔ mèa, wo la xɔ̀ àpo àgbè a. Eye fifìa, àmè kɛ tɔ̀ ye ènu kèwo wò jrà ɖoawo la nyi ò?'” 21Yesù wu e nu be: “Ènu kèa hagbè ye wɔ̀nà àmè kè bɔ̀ ènu sùgbɔ na ye ɖokoe lè ànyigbã ji, vɔ̀ ènu ɖekpekpe mu lè e si lè Mawu gbɔ òa.”
Mìa dojì ɖo Mawu ŋuti
(Màt 6.25-34)
22Lè ekèawo yomè a, Yesù gblɔ̃ na yebe nukplaviwo be: “Ekèa ŋuti ye mù gblɔ̃nà na mì be, mì mu gbà ci flima ɖo ènu kè mì la ɖù ne mia nɔ̀ àgbè, àlo ènu kè mì la tàa ŋuti ò. 23Àgbè a xɔ̀ àsì wu ènu ɖùɖu, eye àmètia cã xɔ̀ àsì wu àwùdodo kudo àvɔ tàta. 24Mì bù àkpàfiɔ̃wo ŋuti kpɔ. Wo mu dona ènu, àlo ŋɛ̃na ènu ò; wo mu ɖo ènujràɖope, àlo àvà cã ò; co gãke Mawu nyìnà wo! Mìawo ya mì xɔ̀asì zè nenè ɖe wu xèviwo! 25Ne lè mìa dòmè, àmè ɖe ciji ɖo yebe àgbè ŋuti cã a, àmè kɛ ye la teŋu sɔ ŋùkèkè ɖèka tigɔ̃ kpe yebe àgbè ŋùkèkèwo ò? 26Ne e nyi be ènu vi kèa tètè ŋutɔ cã be wɔ̀wɔ mu lè mìa ŋuti òa, nukɛ ŋuti ye mì ci flima ɖo èbuwo ŋuti ɖo ò? 27Mì bù àlekè zògbèjì-sepòpowo sĩnàa ŋuti kpɔ. Wo mu gbĩnà èkà àlo lɔ̃nà àvɔ ò. Vɔ̀a, mù lè to na mì be, èfìɔ Salomɔ̀n, lè yebe gogo gãa mè ŋutɔ cã a, mu ɖo àcɔ sɔ̀ kudo zògbèjì-sepòpowo tɔ̀ ò. 28Eŋuã, ne Mawu ɖo àcɔ ɖe xòmèku, na ègbe kè lè àve mè, egbèa, eye èsɔ̀ kpòa wo la sò e dãŋùgbe ɖo èzò mè, be la fiɔ̃a, mu la ɖo àcɔ na mìawo ya bòhũ wu òa? Xɔ̀sèvitɔwo! 29Ye ŋutia, mì mu gbà ci flima ɖo ènu kè mì la ɖù kudo ènu kè mì la nùa ŋuti ò. Wu ekèa, mì mu gbà ciji lè sùsu mè ò. 30Ènu kèawo yomè ye xixe mè dùkɔ̃wo keŋu lè, vɔ̀, Mawu ya nya be ènu kèawo hiã mì. 31Vɔ̀ mì ji yebe fìɔɖùɖua bòhũ, eye Mawu la sɔ ènu kèawo kpe è na mì.”
Jiŋùkusi ye nyi àdɔ̀kùnuwo jràɖope
(Màt 6.19-21)
32“Àlɛ̃havi, mù gbà vɔ̃ ò! Đo e jè ŋùmè na mìa Tɔa be bèa sɔ fìɔdua na mì. 33Mì sà ènu kèwo lè mìa siawo, ne mìa ma ègàa na wɔ̀amènɔ̀wo. Mì tɔ̃ gàkòtòku kèwo mu gblena òa na mìa ɖokoe, eye mì jrà mìabe àdɔ̀kùnuwo ɖo ɖɛ lè jiŋùkusi be ne woa nɔ̀ gbèsɔ̀sɔɛ. Fìãfì mu lè funua ò, eye èŋɔ cã mu ɖùnà ènu lè funu ò. 34Đo fikè mìabe fòtrowo lèa, funua ye mìabe èjì cã la nɔ̀.”
Mì nɔ̀ ŋùzɔ̃
35“Mì nɔ̀ ŋùzɔ̃, eye mì na mìabe kãligbɛ̃wo woa nɔ̀ bì. 36Mì nɔ̀ sìgbè àmè kèwo lè kpɔ èmɔ na woabe àpetɔ kè yì nyɔ̃nùkpepea nène. Ne e gbɔ̀ va pò àgboa, mìa hũ ì na ɛ̀ zè ɖèka. 37Sìtu ɖèɖe ye be la nyi na sumɔ̃vi kèwo woa àpetɔ la gbɔ̀ va kpɔ lè ŋùzɔ̃a. Nyàwo mù le to na mì be, àpetɔa la sã àvɔ ɖo àlì, la na wo la nɔ̀ èkplɔ̃ ŋuti, eye be la sumɔ wo. 38Àmè kèwo àpetɔa la gbɔ̀ va kpɔ lè èzã gà woèvè, àlo lè fɔ̃fɔ̃ mè gà ètɔ̃ mè lè ŋùzɔ̃a, wo la nyi *sìtumewo.”
39“Vɔ̀ mì nya ɛ̀ be ne àxuetɔ ɖe la nya gàpòpo kè mè tututu fìãfì la vaa, e la nɔ̀ ŋùzɔ̃ eye mu la na èmɔ fìãfìa ne bèa ɖo yebe àxuea mè ò. 40E jè be, mìawo cã, mìa nɔ̀ ŋùzɔ̃, ɖo Àgbètɔ be Èvia la va lè gàpòpo kè mè ye mì mu le kpɔ èmɔ na ɛ̀ òa.”
Sɔso Sumɔviwo ŋuti
(Màt 24.45-51)
41Petrò biɔ ɛ̀ be: “Tɔhonɔ̀, miawo kpò ye wò le do èlo kèa na loo, àlo àmèwo keŋu ye à?”
42Tɔhonɔ̀ gblɔ̃ na ɛ̀ be: “Àmè kɛ gɔ̃ ye nyi hɔ̃nuvi ànùkuame kudo ènunyatɔ, ekè yebe àpetɔ la sɔ ɖo yebe sumɔ̃viwo nu, be ne nɔ na wo, woabe ènu ɖùɖu ɖo gàmè ji ò? 43Wo tusì na sumɔ̃vi ŋua, ekè àpetɔaa la va kpɔ bè la nɔ wɔ̀ èdɔ kè wo ɖo na ɛ̀a. 44Nyàwo, mù le to na mì be, e la sɔ sumɔ̃vi kèa ɖo yebe ènuwo keŋu nu. 45Vɔ̀ ne sumɔ̃via gblɔ̃ lè ye ɖokoe mè be: 'Àpetɔ nyè mu le gbɔ̀ kaba ò', eye be tɔ sumɔ̃vi ŋusù kudo sumɔ̃vi nyɔ̃nùwo pòpo, le ɖù ènu, le nù àhà mua, 46yebe àpetɔ la va lè àzã kè gbè mu le kpɔ èmɔ na ɛ̀ lè ò, kudo lè gàpòpo kè ji mu nya òa. E la dɔ̃ èto na ɛ̀ sɛ̃sɛ̃ ɖe, eye be la ɖo yebe màmaa lè àmè màwɔ̀anùkuawo dòmè. 47Sumɔvi kè nya àpetɔa be èjro, gãke mu jrà ɖo ɖɛ, àlo wɔ̀ ɖo yebe èjro ji òa, wo la pò è sùgbɔ. 48Vɔ̀a, sumɔ̃vi kè mu nya yebe àpetɔ be èjro ò, eye e wɔ̀ ènu kè jè na ètodɔ̃a, wo la pò è vi ɖe kpò. Àmè kè wo na sùgbɔa, wo la biɔ ènu sùgbɔ so e si, eye àmè kè wo sɔ ènu sùgbɔ do àsi na a, wo la biɔ so e si wu.”
Yesù hɛ̃ àmè dòmè màma va
(Màt 10.34-36)
49“Èzò ye mù ɖè va kɔ̀ ɖo ànyigbã ji, eye mù ji ŋutɔ be ne le kaba! 50Mawusi lèle ɖe lè kè jè be woa lè na mù, eye mù ci jojojoe be woa lè è na mù kaba. 51Mì bù be fàfa mù hɛ̃ va ànyigbã jia? Kpao, mù le gblɔ̃ na mì be, àmè dòmè màma bòhũ ye mù hɛ̃ va! 52So ekèa ji sɔ yìa, ne àmè àtɔ̃ lè àxue ɖe mèa, woa dòmè la ma. Àmè ètɔ̃ la sitè ɖo àmè èvè ŋuti, eye èvè la sitè ɖo ètɔ̃ ŋuti. 53Ètɔ la sitè ɖo èvia ŋusù ŋuti, eye èvi-ŋusù la sitè ɖo ètɔa ŋuti. Ènɔ̀ la sitè ɖo èvi-nyɔ̃nù ŋuti, eye èvi-nyɔ̃nù la sitè ɖo ènɔa ŋuti. Lɔ̃xo la sitè ɖo lɔ̃xoyɔvi nyɔ̃nù ŋuti, eye lɔ̃xoyɔvi-nyɔ̃nù la sitè ɖo lɔ̃xoa ŋuti.”
Hùenuwo be jèsìwo
(Màt 16.2-3)
54Yesù gbà gblɔ̃ na àmèha a be: “Ne mì kpɔ lilikpo hɔ̃ so èwèɖoxɔ̀pea, mì gblɔ̃nà zè ɖèka be: 'Èji la jà,' eye e jɔ̀nà cã. 55Ne àya pò so àpùgo lɔ̀gea, mì gblɔ̃nà be: 'Xixea mè la jè èzò', eye e nyina nènea. 56Blamùtùmùwo! Mì teŋu lènà ŋùku ɖo ànyigbã kudo jiŋùkusi be nɔ̀nɔmè ŋuti, eye mì nyana ènu kè gbãnà a jènàsi. Àleke wɔ̀ ye mì mu teŋu le ŋùku ɖo fifì, be hùenu kèa ŋuti, la kpɔ ènu kè gbãnà a la jèsi ò?”
Wɔ̀ ɖèka ku kɛ̃tɔ wò
(Màt 5.25-26)
57“Àleke wɔ̀ ye mì mu teŋu sònà ènyà na mìa ɖokoe so ènu kè jè be mìa wɔ̀a ŋuti ò? 58Ne èwò kudo àpo kɛ̃tɔ, mì lè èmɔ ji le yì kòjo mèa, tèkpɔ ne wòa jrà mìa kudo e dòmè ɖo, lè èmɔa ji, àleke be kɛ̃tɔ wòa mu gbà kplɔ̀ wò yì kòjoɖotɔ gbɔ, ne kòjoɖotɔa bèa sɔ wò do àsi na ègàkpajikpɔtɔ, ne bèa va do wò ègà ò. 59Mù le to na wò be wò mu la to lè ègà mè, kaka na gà kè mè wò la tu èfɛ̃ kè wo sò na wòa vɔ̀ keŋu-keŋu ò.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mina Bible © Bible Society of Togo, 2014.