Yoana 19
19
Yesu nibamujimya
(Mt. 27:27-31; Mk. 15:16-20)
1Mbe Pilato niwo nagega Yesu, namusa:nya jisanyu. 2Abasirikare nibaruka orutenga rwa mawa nibamufwafya ku mutwe, nibamufwafya omwenda mutukurasi. 3Nibamutako niba:ika ati, Kasinge Omukama wa Bayaudi! Nibamubuma amai.
Pilato nare:ta Yesu imbere ye cise
4Pilato nasuba okuuruka aanja, nababwira ati, Rora, namuurusya kwimwe, mumenye ati, nitamubonako cikayo. 5Mbe Yesu nauruka afwae orutenga rwa mawa no mwenda omutukurasi. Pilato nababwira ati, Mbe nguyo omu:nu uyo! 6Mbe abagabisi abakuru na bakosi wejire bamurora, niba:nikirisya niba:ika ati, Mumubambe ku musaraba! Mumubambe ku musaraba! Pilato nababwira ati, Nimumugege emwe, mumubambe ku musaraba, okuba anye nitakumubonako cikayo. 7Abayaudi nibamuindura ati, Eswe ciri ne ciragiro, na kurwe ciragiro eco e:ire afwe, okuba e:korere Mwana wa Nyamuanga. 8Mbe Pilato ejire ongwa omusango ogwo, neyongesya oku:baya. 9Nasuba okwingira mwiromero, namubu:sya Yesu ati, ?Uri wenda:ki? Nawe Yesu atamuinduye. 10Mbe Pilato namubu:sya ati, ?Utakwaika nanye? ?Utakumenya ati ndi na managa go kukuta:tira, ka ndi na managa go kukubamba ku musaraba? 11Yesu namuindura ati, Utakabee na managa go:ne kwanye, kumba uja utagayabwa okuso:ka inguru. Unu akunde:tako kwakora naba ne cikayo cine:ne.
12Kwambira ao Pilato nayenja obwenge bwo kumuta:tira. Nawe Abayaudi niba:nikirisisya inguru niba:ika ati, Araba wamuta:tira oyo, mbe utari musa:ni wa Kaisari, okuba mu:nu wo:ne unu ke:kora mukama kaenusya Kaisari. 13Mbe Pilato wejire ongwa emisango ejo naurusya Yesu aanja, neyanja ku citebe co kuramurirako anu atogwaga Amabui Amatinge, na mu Cieburania ati Gabata. 14Rwariga rusiku rwo Kwira:bira ipasaka. Jariga jiri uti saa eta:nu na imwi. Nabwira Abayaudi ati, Rora Omukama wemwe! 15Mbao niba:nikirisisya inguru ati, Mumuso:syeo! Mumuso:syeo! Mumubambe ku musaraba! Pilato nababu:sya ati, ?Nibambe Omukama wemwe ku musaraba? Abagabisi abakuru nibaindura ati, Eswe citana Mukama tari Kaisari era.
Yesu nabambwa ku musaraba
(Mt. 27:32-56; Mk. 15:21-32; Lk. 23:26-43)
16Mbe niwo namubayana okumubamba ku musaraba, 17Mbe nibagega Yesu. Nauruka e:twikire omusaraba gwae omwene, nakinga anu atogwaga Aweciyanga, nawe mu Cieburania atogwaga Gologota. 18Niwao bamubambiye, na bandi babiri aamwi nage, orubara no rubara, na Yesu agati. 19Na Pilato nandika ecimenyegesyo nacitu:ra ku musaraba, candikirwe ati, yesu munajareti, omukama wa bayaudi. 20Mbe ecimenyegesyo eco Abayaudi ba:fu nibacisoma, okuba anu bamubambiye Yesu ariga ari yei no musi, ka na candikirwe mu Cieburania na mu Cigiriki na mu Cirumi. 21Mbe abagabisi abakuru ba Bayaudi nibabwira Pilato ati, Wasiga kwandika ati, Omukama wa Bayaudi, nawe ati, Oyo a:ikire ati, Nanye Omukama wa Bayaudi. 22Pilato naindura ati, Cinu nandika nico nandika.
23Mbe abasirikare wejire bamara okubamba Yesu ku musaraba, nibagega ebifwaro byae nibagabanyamo migabo ena, omusirikare omugabo. Na ikanju yae yariga itabari:rire, nawe irukirwe era yone kuso:kerera inguru. 24Niba:ika abene era ati, Cisige kuitemuramo, nawe ciitongisye cirore iraba ya ga. Cinu candikirwe korereki ciku:mire, cinu eca:ika ati,
Bagabene ebifwaro byani, nibaitongisya ikanju yani.
Mbe nikwo kutyo abasirikare bakorere.
25Nawe ku musaraba gwa Yesu bariga be:mereguyuwo nyiramwene, no muyara wejabo nyiramwene, niwe Maryamu muka Kuropa, na Maryamu Magadalene. 26Mbe Yesu ejire arora nyiramwene, no mwiigisibwa unu ariga endere e:mereguyu yei, namubwira nyiramwene ati, Mugasi awe, rora Omwana wao! 27Niwo namubwira omwiigisibwa ati, Rora nyokomwana! Mbe okuso:ka mu mwanya ogwo omwiigisibwa oyo namusira ike:wae.
28Kumara Yesu okuba ariga amenyere ati, woryanu byone byamarire okukumisibwa, cinu candikirwe korereki ciku:mire, na:ika ati,
Obwiro bwanyita.
29Nibatao inyurigu ijuye isikiʼ#isiki ni manji ga matwasyo ganu gakorerwe busaŋʼarare. Mbe nibata ku mwotwa rifwo ri:juye isiki, nibasira ku munwa gwae. 30Mbe Yesu wejire amara okuyabwa isiki, na:ika ati, Gawao. Ne:namya omutwe gwae naso:sya omwoyo.
31Mbe Abayaudi, okuba rwariga ruri rusiku rwa Kwira:ba, nibasabwa Pilato okubafuna amaguru gebwe niwo babaso:syeko, korereki ebitundu bisige kuba ku misaraba ku rusiku rwa isabato, okuba isabato eyo rwariga rusiku rukuru. 32Mbe abasirikare niba:ja, nibambira ku umwi nibamufuna amaguru, no undi unu babambirwe aamwi nage. 33Nawe bejire bakinga ku Yesu, nibarora ati afu:ye, batamufunire amaguru gae. 34Nawe omusirikare oumwi namusoma mu rubafu na ricumu, aonao nigaso:kamo amanyinga na manji. 35Na unu arorere na:ika, no kwaika kwae ni kwa cimari, na oyo amenyere ati, ka:ika bye cimari, emwe korereki mwikirisye. 36Okuba ebyo byabeeo, cinu candikirwe korereki ciku:misibwe ati,
Atarifunwa ewa.
37Ne cindi cinu candikirwe cinu eca:ika ati,
Barirora unu basomere.
Yesu ne:swa
(Mt. 27:57-61; Mk. 15:42-47; Lk. 23:50-56)
38Ebyo wejire byawa, Yusufu owende Arimataya, unu ariga:ri mwiigisibwa wa Yesu, nawe mu bumbise kurwo ku:baya Abayaudi, naremberesya Pilato aso:syeko ecitundu ca Yesu. Mbe Pilato ne:kirisya. Na:ja, naso:syako ecitundu cae. 39Na Nikodemu one, unu ambire okumu:jako mu ngeta, na:ja are:tere ebisa:sye ebya mafuta ne birange, obusito bwabyo bwiire uti ratiri igana. 40Mbe nibagega ecitundu ca Yesu nibacisinga mu myenda ja bafuta, aamwi ne birange ebyo, rwa jintungwa jo kwesa eja Bayaudi. 41Mbe anu abambiywe carigao ecibanja. Na mu cibanja omwo yariga irimo i:fwa inya:ya icariga kutu:rwamo mu:nu. 42Mbe okuba i:fwa eyo yariga iri yei, nibatu:ra Yesu omwo okuba rwariga ruri rusiku rwo Kwitaba kwa Bayaudi.
Currently Selected:
Yoana 19: KIJ1960
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.
Yoana 19
19
Yesu nibamujimya
(Mt. 27:27-31; Mk. 15:16-20)
1Mbe Pilato niwo nagega Yesu, namusa:nya jisanyu. 2Abasirikare nibaruka orutenga rwa mawa nibamufwafya ku mutwe, nibamufwafya omwenda mutukurasi. 3Nibamutako niba:ika ati, Kasinge Omukama wa Bayaudi! Nibamubuma amai.
Pilato nare:ta Yesu imbere ye cise
4Pilato nasuba okuuruka aanja, nababwira ati, Rora, namuurusya kwimwe, mumenye ati, nitamubonako cikayo. 5Mbe Yesu nauruka afwae orutenga rwa mawa no mwenda omutukurasi. Pilato nababwira ati, Mbe nguyo omu:nu uyo! 6Mbe abagabisi abakuru na bakosi wejire bamurora, niba:nikirisya niba:ika ati, Mumubambe ku musaraba! Mumubambe ku musaraba! Pilato nababwira ati, Nimumugege emwe, mumubambe ku musaraba, okuba anye nitakumubonako cikayo. 7Abayaudi nibamuindura ati, Eswe ciri ne ciragiro, na kurwe ciragiro eco e:ire afwe, okuba e:korere Mwana wa Nyamuanga. 8Mbe Pilato ejire ongwa omusango ogwo, neyongesya oku:baya. 9Nasuba okwingira mwiromero, namubu:sya Yesu ati, ?Uri wenda:ki? Nawe Yesu atamuinduye. 10Mbe Pilato namubu:sya ati, ?Utakwaika nanye? ?Utakumenya ati ndi na managa go kukuta:tira, ka ndi na managa go kukubamba ku musaraba? 11Yesu namuindura ati, Utakabee na managa go:ne kwanye, kumba uja utagayabwa okuso:ka inguru. Unu akunde:tako kwakora naba ne cikayo cine:ne.
12Kwambira ao Pilato nayenja obwenge bwo kumuta:tira. Nawe Abayaudi niba:nikirisisya inguru niba:ika ati, Araba wamuta:tira oyo, mbe utari musa:ni wa Kaisari, okuba mu:nu wo:ne unu ke:kora mukama kaenusya Kaisari. 13Mbe Pilato wejire ongwa emisango ejo naurusya Yesu aanja, neyanja ku citebe co kuramurirako anu atogwaga Amabui Amatinge, na mu Cieburania ati Gabata. 14Rwariga rusiku rwo Kwira:bira ipasaka. Jariga jiri uti saa eta:nu na imwi. Nabwira Abayaudi ati, Rora Omukama wemwe! 15Mbao niba:nikirisisya inguru ati, Mumuso:syeo! Mumuso:syeo! Mumubambe ku musaraba! Pilato nababu:sya ati, ?Nibambe Omukama wemwe ku musaraba? Abagabisi abakuru nibaindura ati, Eswe citana Mukama tari Kaisari era.
Yesu nabambwa ku musaraba
(Mt. 27:32-56; Mk. 15:21-32; Lk. 23:26-43)
16Mbe niwo namubayana okumubamba ku musaraba, 17Mbe nibagega Yesu. Nauruka e:twikire omusaraba gwae omwene, nakinga anu atogwaga Aweciyanga, nawe mu Cieburania atogwaga Gologota. 18Niwao bamubambiye, na bandi babiri aamwi nage, orubara no rubara, na Yesu agati. 19Na Pilato nandika ecimenyegesyo nacitu:ra ku musaraba, candikirwe ati, yesu munajareti, omukama wa bayaudi. 20Mbe ecimenyegesyo eco Abayaudi ba:fu nibacisoma, okuba anu bamubambiye Yesu ariga ari yei no musi, ka na candikirwe mu Cieburania na mu Cigiriki na mu Cirumi. 21Mbe abagabisi abakuru ba Bayaudi nibabwira Pilato ati, Wasiga kwandika ati, Omukama wa Bayaudi, nawe ati, Oyo a:ikire ati, Nanye Omukama wa Bayaudi. 22Pilato naindura ati, Cinu nandika nico nandika.
23Mbe abasirikare wejire bamara okubamba Yesu ku musaraba, nibagega ebifwaro byae nibagabanyamo migabo ena, omusirikare omugabo. Na ikanju yae yariga itabari:rire, nawe irukirwe era yone kuso:kerera inguru. 24Niba:ika abene era ati, Cisige kuitemuramo, nawe ciitongisye cirore iraba ya ga. Cinu candikirwe korereki ciku:mire, cinu eca:ika ati,
Bagabene ebifwaro byani, nibaitongisya ikanju yani.
Mbe nikwo kutyo abasirikare bakorere.
25Nawe ku musaraba gwa Yesu bariga be:mereguyuwo nyiramwene, no muyara wejabo nyiramwene, niwe Maryamu muka Kuropa, na Maryamu Magadalene. 26Mbe Yesu ejire arora nyiramwene, no mwiigisibwa unu ariga endere e:mereguyu yei, namubwira nyiramwene ati, Mugasi awe, rora Omwana wao! 27Niwo namubwira omwiigisibwa ati, Rora nyokomwana! Mbe okuso:ka mu mwanya ogwo omwiigisibwa oyo namusira ike:wae.
28Kumara Yesu okuba ariga amenyere ati, woryanu byone byamarire okukumisibwa, cinu candikirwe korereki ciku:mire, na:ika ati,
Obwiro bwanyita.
29Nibatao inyurigu ijuye isikiʼ#isiki ni manji ga matwasyo ganu gakorerwe busaŋʼarare. Mbe nibata ku mwotwa rifwo ri:juye isiki, nibasira ku munwa gwae. 30Mbe Yesu wejire amara okuyabwa isiki, na:ika ati, Gawao. Ne:namya omutwe gwae naso:sya omwoyo.
31Mbe Abayaudi, okuba rwariga ruri rusiku rwa Kwira:ba, nibasabwa Pilato okubafuna amaguru gebwe niwo babaso:syeko, korereki ebitundu bisige kuba ku misaraba ku rusiku rwa isabato, okuba isabato eyo rwariga rusiku rukuru. 32Mbe abasirikare niba:ja, nibambira ku umwi nibamufuna amaguru, no undi unu babambirwe aamwi nage. 33Nawe bejire bakinga ku Yesu, nibarora ati afu:ye, batamufunire amaguru gae. 34Nawe omusirikare oumwi namusoma mu rubafu na ricumu, aonao nigaso:kamo amanyinga na manji. 35Na unu arorere na:ika, no kwaika kwae ni kwa cimari, na oyo amenyere ati, ka:ika bye cimari, emwe korereki mwikirisye. 36Okuba ebyo byabeeo, cinu candikirwe korereki ciku:misibwe ati,
Atarifunwa ewa.
37Ne cindi cinu candikirwe cinu eca:ika ati,
Barirora unu basomere.
Yesu ne:swa
(Mt. 27:57-61; Mk. 15:42-47; Lk. 23:50-56)
38Ebyo wejire byawa, Yusufu owende Arimataya, unu ariga:ri mwiigisibwa wa Yesu, nawe mu bumbise kurwo ku:baya Abayaudi, naremberesya Pilato aso:syeko ecitundu ca Yesu. Mbe Pilato ne:kirisya. Na:ja, naso:syako ecitundu cae. 39Na Nikodemu one, unu ambire okumu:jako mu ngeta, na:ja are:tere ebisa:sye ebya mafuta ne birange, obusito bwabyo bwiire uti ratiri igana. 40Mbe nibagega ecitundu ca Yesu nibacisinga mu myenda ja bafuta, aamwi ne birange ebyo, rwa jintungwa jo kwesa eja Bayaudi. 41Mbe anu abambiywe carigao ecibanja. Na mu cibanja omwo yariga irimo i:fwa inya:ya icariga kutu:rwamo mu:nu. 42Mbe okuba i:fwa eyo yariga iri yei, nibatu:ra Yesu omwo okuba rwariga ruri rusiku rwo Kwitaba kwa Bayaudi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.