Matayo 28
28
Okusu:ruka kwa Yesu
(Mk. 16:1-8; Lk. 24:1-12; Yo. 20:1-10)
1Ku bute:ro bwa isabato, nibujo:kuca ku rusiku rwo kwamba mu bwoyo, Maryamu Magadalene na Maryamu uriya owa kabiri nibagenda okurora i:fwa. 2Mbe rora, nicibao eciyararo ku:si, okuba Maraika wa Ratabugenyi aso:kere mu rwire na:ja nasiringisya ribui nariso:syao, nari:yanjako. 3No rususo rwae rwariga ruri rwo rurabyo, ne myenda jae jariga je:rere rwa mabui ga iŋuba. 4Na makanyo gae nigaarasya abari:si nibaba rwa bafu:ye. 5Nawe maraika naindura nabwira abagasi abo ati, Emwe musige ku:baya, okuba nimenyere ati, omuyenja Yesu unu amabambwa ku musaraba. 6Atariwo anu, okuba asu:kire rwa kutyo a:ikire. Nimu:je murore anu Ratabugenyi ariga ama:mibwe. 7Mugende bwangu mubwire abe:igisibwa bae ati, asu:kire mu bafu:ye. Rora kabatangatira okugenda Galilaya, niyo mwakamubonere. Mbe rora nababwira. 8Nibaso:ka bwangu ku:fwa, no bu:ba no kukonderwa kwafu, nibabirima okubwira abe:igisibwa bae. 9Mbe, anu bariga bacagenda okubwira abe:igisibwa bae, Yesu nabonana nabo na:ika ati, Omurembe, nibamu:jako nibamugwata amaguru, nibamuramya. 10Yesu nababwira ati, Musige ku:baya. Mugende mujo:bwira aba:na ba:su bagende Galilaya, niyo barindorera.
11Nawe anu bariga bacagenda mbe abari:si abandi nibengira mu musi, nibabwira abagabisi abakuru go:ne ganu gabao. 12Nibe:kofyanya aamwi na bakaruka, nibarwajira aamwi, nibayana abasirikare jimpirya nyafu. 13Niba:ika ati, Jemwaikega ati, Abe:igisibwa bae ba:ma:ja mu ngeta nibamwiba eswe ciongee. 14Mbe omusango gunu cikongwibwa no musi:ba, eswe cirimukongyakongya, emwe nicibaso:syako intambara. 15Mbe nibagega jimpirya ejo, nibakora rwa kutyo be:igisi:bwe. Omusango gunu nigukumuka mu Bayaudi kukinga rero.
16Nawe abe:igisibwa ekumi na umwi nibagenda Galilaya ku ci:ma cinu Yesu abaragiriye. 17Be:jire bamurora nibamuramya, nawe abandi nibe:timata. 18Yesu na:ja na:ika nabo ati, Nayabirwe obuinga bwone mu rwire na ku ca:ro. 19Mbe, mugende mukore amaanga go:ne kuba be:igisibwa, nimubabatija mwisi:na rya Rata ne ryo Mwana ne ryo Mwoyo Mweru, 20Nimube:igisya okugwata byone binu nabaragiriye emwe, na rora anye ndi aamwi nemwe kukinga ku bute:ro bwa maimbo.
Currently Selected:
Matayo 28: KIJ1960
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.
Matayo 28
28
Okusu:ruka kwa Yesu
(Mk. 16:1-8; Lk. 24:1-12; Yo. 20:1-10)
1Ku bute:ro bwa isabato, nibujo:kuca ku rusiku rwo kwamba mu bwoyo, Maryamu Magadalene na Maryamu uriya owa kabiri nibagenda okurora i:fwa. 2Mbe rora, nicibao eciyararo ku:si, okuba Maraika wa Ratabugenyi aso:kere mu rwire na:ja nasiringisya ribui nariso:syao, nari:yanjako. 3No rususo rwae rwariga ruri rwo rurabyo, ne myenda jae jariga je:rere rwa mabui ga iŋuba. 4Na makanyo gae nigaarasya abari:si nibaba rwa bafu:ye. 5Nawe maraika naindura nabwira abagasi abo ati, Emwe musige ku:baya, okuba nimenyere ati, omuyenja Yesu unu amabambwa ku musaraba. 6Atariwo anu, okuba asu:kire rwa kutyo a:ikire. Nimu:je murore anu Ratabugenyi ariga ama:mibwe. 7Mugende bwangu mubwire abe:igisibwa bae ati, asu:kire mu bafu:ye. Rora kabatangatira okugenda Galilaya, niyo mwakamubonere. Mbe rora nababwira. 8Nibaso:ka bwangu ku:fwa, no bu:ba no kukonderwa kwafu, nibabirima okubwira abe:igisibwa bae. 9Mbe, anu bariga bacagenda okubwira abe:igisibwa bae, Yesu nabonana nabo na:ika ati, Omurembe, nibamu:jako nibamugwata amaguru, nibamuramya. 10Yesu nababwira ati, Musige ku:baya. Mugende mujo:bwira aba:na ba:su bagende Galilaya, niyo barindorera.
11Nawe anu bariga bacagenda mbe abari:si abandi nibengira mu musi, nibabwira abagabisi abakuru go:ne ganu gabao. 12Nibe:kofyanya aamwi na bakaruka, nibarwajira aamwi, nibayana abasirikare jimpirya nyafu. 13Niba:ika ati, Jemwaikega ati, Abe:igisibwa bae ba:ma:ja mu ngeta nibamwiba eswe ciongee. 14Mbe omusango gunu cikongwibwa no musi:ba, eswe cirimukongyakongya, emwe nicibaso:syako intambara. 15Mbe nibagega jimpirya ejo, nibakora rwa kutyo be:igisi:bwe. Omusango gunu nigukumuka mu Bayaudi kukinga rero.
16Nawe abe:igisibwa ekumi na umwi nibagenda Galilaya ku ci:ma cinu Yesu abaragiriye. 17Be:jire bamurora nibamuramya, nawe abandi nibe:timata. 18Yesu na:ja na:ika nabo ati, Nayabirwe obuinga bwone mu rwire na ku ca:ro. 19Mbe, mugende mukore amaanga go:ne kuba be:igisibwa, nimubabatija mwisi:na rya Rata ne ryo Mwana ne ryo Mwoyo Mweru, 20Nimube:igisya okugwata byone binu nabaragiriye emwe, na rora anye ndi aamwi nemwe kukinga ku bute:ro bwa maimbo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.