Wa̍lta̍ Wānāa̍ Chi̍i̍sūa̍a̍ 20
20
Pɔ̍ɔ̍l ku̍ɛ̄ vɛ̄lɛ̄ o̍ būŋgɛ̄ī Māsīdo̍o̍nīāāve̍ ni᷄ŋ a̍ o̍ lɛ̄ŋndē Kīli̍kīi̍le̍ŋ ni᷄ŋ
1Mɛ̄ɛ̍ wo̍o̍lūŋ wo̍o̍lūŋ kōŋ pɔ̄lu̍l mi̍ pālɛ̍i̍ hīāū ī ti᷄ŋ, mi̍ Pɔ̍ɔ̍l ve̍e̍lū wānāā lāāla᷄ŋnda̍ nāa̍ pi᷅lɛ̍. Mbo̍ dīmūl nda̍ dīōmndā nyɔ̄ɔ̄lāāla̍ŋ. Mbo̍ chōŋgu᷄ŋ nda̍. Mbo̍ kūā Māsīdo̍o̍nīāā. 2Mbo̍ kēēku̍ o̍ būŋgāŋ mu᷅ŋ ni᷄ŋ. Mbo̍ kūā a̍ wānāā lāāla᷄ŋnda̍ o̍ būŋgāŋ mu᷅ŋ ni᷄ŋ dīōmnda̍ nyɔ̄ɔ̄lāāla̍ŋ dīmūllo̍. O̍ ko̍ŋ kɔ̍ɔ̍lī, mbo̍ fūūlūū o̍ lɛ̄ŋndē Kīli̍kīi̍le̍ŋ ni᷄ŋ. 3Mbo̍ chāl lo̍ŋ le̍ pāŋgo̍ŋ ŋ̄ ŋgāa̍. Mɛ̄ɛ̍ o̍ wa̍ bɛ̄ɛ̄ndīa̍ŋndo̍ le̍ kɔ̄la̍ŋ Si̍i̍līāā o̍ dɛ̄ndɛ̄ bɛ̍ndōo̍ ni᷄ŋ, mbo̍ sāālu᷄ŋ māā Chu̍ūwa̍ chō kɛ̄ɛ̄sīa̍a̍ le̍ ndu̍ dīyɔ̄ɔ̍. Le̍ he̍ī, mbo̍ kɛ̄ɛ̄sīāā le̍ mīīŋgōo̍ a̍ Māsīdo̍o̍nīāā. 4Wānāa̍ ku̍ɛ̄ lātūlu̍ a̍ ndu̍ wa̍ cho̍ ha̍ā ni̍, Sōpa̍tā, po̍ Pi̍i̍lɔ̄ɔ̄ wo̍, vīōlɔ̄ɔ̄ wa̍a̍ Bɛ̄lu̍i̍yā, a̍ Ālu̍i̍ta̍kɔ̄ɔ̄ nda̍ Sɛ̄ku̍ndū, fūlāa̍ Tɛ̄sālōna̍i̍kā, a̍ Ka̍yɔ̄ɔ̄, vīōlɔ̄ɔ̄ wa̍ā Da̍bē, a̍ Ti̍mo̍tī, a̍ Ti̍chi̍kɔ̄ɔ̄, nda̍ Tīlōfi̍mɔ̄ɔ̄, fūlāa̍ o̍ būŋgɛ̄ī E̍e̍sīāve̍ ni᷄ŋ. 5Mi̍ pūa̍a̍ ha̍ā hīāū lāchī ma̍ kɔ̍ chu᷅m na̍a̍ To̍wāā chi̍e̍e̍. 6Mɛ̄ɛ̍ bɔ̄ŋa᷅ŋ nda̍ dīā be̍e̍dīi̍ nda̍ do̍ū yi̍i̍sīi̍ le̍ wo̍ hīōū, mi̍ ŋ̄ māl Fi̍li̍pāī o̍ dɛ̄ndɛ̄ bɛ̄ndōo̍ ni᷄ŋ. Mɛ̄ɛ̍ pālɛ̍i̍ ī hīōū ī ŋūɛ̍ɛ̍nu̍, mi̍ ŋ̄ kōmāl nda̍ To̍wāā chi̍e̍e̍. Mi̍ ŋ̄ chūā lo̍ŋ lɔ̍ɔ̍ ō pīlɛ̍.
Kɔ̄lā mɛ̄ɛ̄lāālā Pɔ̍ɔ̍l ku̍ɛ̄ To̍wāā la̍ŋ
7O̍ Ndāa̍ma̍a̍ chōo̍ i̍chɔ᷅llo̍, mi̍ ŋ̄ chūūŋgi̍āŋ le̍ nyɛ̄ dīāā wānāā lāāla᷄ŋnda̍ dīo̍o̍ māā pāāndū. Mi̍ Pɔ̍ɔ̍l ka̍ndū sūɛ̍i̍ nāa̍ wāŋnda̍ chūā. Mbo̍ lō sūɛ̍i̍ mi̍ nyūmnda̍ŋ mā pīɔ̄ū tɛ̍ɛ̄ŋ kpa̍la̍. Kāni̍, ndu̍ o̍o̍ nɔ̍ le̍ kɔ᷄ŋnda̍ŋ dīi̍māndɔ̄ɔ̍. 8La̍mbūi̍la̍ŋ lā wa̍ lā mɛ̄ndūlāā ta̍u̍ chi̍ɛ̍ī ni̍ŋ, o̍ chīɛ̄ī chōo̍ cho̍o̍ na̍a̍ ŋ̄ wa̍ o̍ bɔ̄ŋa᷅ŋndo̍ ni᷄ŋ ndo̍. 9Po̍ chu̍a̍ pīāāndū pi᷅lɛ̍ dīōla̍ŋ āā Yu̍ti̍kɔ̄ɔ̄, ō wa̍ īchāli̍ o̍ dīō pɔ̄mbɔ̄ɔ̍. Mi̍ lūa̍a̍ŋ mā kāndū ndu̍ hūnɔ̄ɔ̍ o̍ hɔ̄l. Pɔ̍ɔ̍l wa̍ hīōūwɔ̄ɔ̍ lāchī kɛ᷅ a̍ sūɛ̍i̍. Mi̍ Yu̍ti̍kɔ̄ɔ̄ hi̍a̍u̍nu᷄ŋ o̍ mālɔ̄ pu᷅ŋ. Mbo̍ hīālu᷄ŋ o̍ chīɛ̄ī chōo̍ cho̍o̍ wo̍, o̍ hēlɔ̄ɔ̄ le̍ yāa̍ ko̍ŋ mbo̍ hu᷄ŋ de᷅l lɛ̄ŋ kpɔ̍l. Chūā nda̍ chu̍a̍ ndu̍ ni᷅ŋ ndo̍ o̍ wa̍ ni᷅ŋ ō vīlɛ̍i̍. 10Mi̍ Pɔ̍ɔ̍l tu̍āl. Mbo̍ tūndu᷄ŋ ndu̍ chōo̍ mbo̍ kɔ̄ma᷄ŋ ndu̍. Mbo̍ dīmī āā, “Lā ta̍mbū lākɔ̄l te̍. Ō chō yo̍o̍mū.” 11O̍ ko̍ŋ kɔ̍ɔ̍lī, mi̍ Pɔ̍ɔ̍l mi̍i̍ŋgū o̍ chīɛ̄ī chōo̍ cho̍o̍ wo̍. Mbo̍ kɔ̍ di̍ō nyɛ̄ dīāā kōŋ. Mi̍ Pɔ̍ɔ̍l hi̍a̍ū lāchī a̍ sūɛ̍i̍ nāa̍ wāŋnda̍ chūā ha̍a̍a̍ mbo̍ lō o̍ ko̍ŋ mi̍ pāa̍le̍ŋ le̍ sīā. O̍ ko̍ŋ kɔ̍ɔ̍lī, mbo̍ māl To̍wāā. 12Mi̍ wāŋnda̍ līīla̍ po̍ chu̍a̍ pīāāndōo̍ Yu̍ti̍kɔ̄ɔ̄ o̍ chīɛ̄ī ndɔ̄ɔ̍. Ndu̍yɛ̍ mi̍ wāŋnda̍ nāŋ kɔ̄l ta̍u̍ le̍ mɛ̄ɛ̍ o̍ mi̍i̍ŋgu̍ yōōmū yɛ̍.
Pɔ̍ɔ̍l ku̍ɛ̄ Mi̍le̍tɔ̄ɔ̄ chi̍e̍e̍
13O̍ ko̍ŋ kɔ̍ɔ̍lī, mi̍ na̍a̍ ŋ̄ hīāū lāchī mi̍ ŋ̄ lūɛ̄ī o̍ dɛ̄ndɛ̄ bɛ̍ndōo̍ ni᷄ŋ mi̍ ŋ̄ kūā A̍sɔ̄ɔ̄ chi̍e̍e̍. Lo̍ŋ dɛ̄ndɔ̄ɔ̍ ndu̍ o̍o̍ nɔ̍ le̍ Pɔ̍ɔ̍l chūa̍a̍ ni̍. Ndu̍ wa̍ hīōūwɔ̄ɔ̍ a̍ nɛ̄i̍ ŋ̄pēlōo̍. Le̍la̍ŋ, o̍ di̍mūl na̍a̍ le̍ ndu̍ chūa̍a̍ A̍sɔ̄ɔ̄ ni̍. 14Mɛ̄ɛ̍ o̍ ko̍ma̍l na̍a̍ A̍sɔ̄ɔ̄, mbo̍ hēl o̍ dɛ̄ndɔ̄ɔ̍ ni᷄ŋ. Mi̍ ŋ̄ kūā Mi̍ti̍līŋ chi̍e̍e̍ na̍a̍ nda̍ā. 15Mi̍ ŋ̄ māl lo̍ŋ di̍i̍māndɔ̄ɔ̍. Mi̍ ŋ̄ fūūlūū o̍ lɛ̄ŋndē ībūŋgāle̍ŋ īkɛ̄i̍, dīōla̍ŋ āā, Chi̍ɔ̍sī. Ŋ̄ tōsa̍ pāa̍le̍ŋ lē pīlɛ̍ mi̍ ŋ̄ fūūlūū o̍ lɛ̄ŋndē ībūŋgāle̍ŋ dīōla̍ŋ āā, Sa̍mo̍sī. Dīi̍māndɔ̄ɔ̍ mi̍ ŋ̄ fūūlūū Mīle̍tɔ̄ɔ̄ chi̍e̍e̍. 16O̍ ko̍ŋ kɔ̍ɔ̍lī mi̍ Pɔ̍ɔ̍l kɛ̍ɛ̍sīāā le̍ Ɛ̍fi̍sīā hīōūwɔ̄ɔ̍ chōo̍, yɔ̄ŋi̍ ndu̍ o̍o̍ dɔ̍u̍nu̍ŋ ta̍ma̍la̍ o̍ būŋgɛ̄ī E̍e̍sīāve̍ ni᷄ŋ. Ō wa̍ kēlēŋāa̍ le̍ māā tē Mɛ̄lɛ̄ka̍ chɛ᷄l pɛ̍, mī ndu̍ o̍o̍ fu̍u̍lu̍u̍ Chūlu̍sɛ̄lɛ̄m a̍ pāa̍le̍ Pɛ̍ŋti̍kɔ̍ɔ̍sīle̍ŋ.
Pɔ̍ɔ̍l cho̍ŋgu̍ŋ la᷅ŋgba̍ā kālla̍ o̍ ku̍ndā wānāā lāāla᷄ŋnda̍ chōo̍ Ɛ̍fi̍sīā
17Pɔ̍ɔ̍l lo̍ Mīle̍tɔ̄ɔ̄ mbo̍ yōōŋgū lāŋgba̍ā kālla̍ le̍ ku̍ndā wānāā lāāla᷄ŋnda̍ Ɛ̍fi̍sīā le̍ mā kōma̍l ndu̍. 18Mɛ̄ɛ̍ nda̍ fūūlu̍u̍, mbo̍ dīmūl nda̍ āā, “La̍ sīnā wāna̍ ya̍ I̍ wa̍ nya̍ tɛ̄ɛ̄ŋ ndo̍, chɔ̍ŋ ha̍a̍a̍ a̍ pāa̍le̍ tāse̍le̍ ya̍ I̍ fu̍u̍lu̍u̍ o̍ būŋgɛ̄ī E̍e̍sīāve̍ ni᷄ŋ nde̍ŋ. 19Le̍ te̍le̍ŋnda̍ fa̍ŋgā Chu̍ūwa̍ chō nɛ̄īla̍ŋ nūūvīa̍a̍ le̍ ya̍ sūɛ̍i̍ mālɔ̄ɔ̍ chōo̍. Le̍ he̍ī, mi̍ bi̍ī mɔ̍nɛ̍i̍ ta̍u̍. Kɛ̍ ndu̍yɛ̍, mi̍ hi̍a̍ū lāchī a̍ wa̍llo̍ tōsāa̍ le̍ Māsānɔ̄ɔ̍ Chi̍i̍sū o̍ tūsi᷄ŋndo̍ ni᷄ŋ a̍ kōŋu̍llo̍ nāa̍ ndu̍ chu̍a̍. 20Lā sīnā māā mi̍ di̍mūl nya̍ nyɛ̄ o̍ nyɛ̍ ma̍lā ni̍ŋ nya̍. I̍ vi̍ŋ nyɛ᷅ o̍ nyɛ̄ le̍. Mi̍ pɛ̍ɛ̍kū nya̍ a̍ Māsānɔ̄ɔ̍ Chi̍i̍sū o̍kɔ̄ɔ̄, wāŋnda̍ tɛ̄ɛ̄ŋ ni̍ a̍ o̍ chīɛ̄īlā nyāla̍ŋ. 21Chu̍ūnɔ̄ ni̍, wāna̍ cho̍ Chu̍ūnɔ̄ le̍ ni̍, mi̍ si̍lā nda̍ ō kālā kpo᷅ke̍ māā ā ma᷄l yɔ᷅ŋndā ndāla̍ wɔ̍ɔ̍ŋnda̍ŋ mā mūli̍ŋ nāa̍ Mɛ̄lɛ̄ka̍ chūā. Ndu̍yɛ̍, mi̍ si̍lā nda̍ le̍ mā lāāla̍ŋ a̍ Ma̍sānɔ̄ nāa̍ Chi̍i̍sū Ki̍li̍tī. 22O̍ bōōnde̍i̍ he̍ī ni᷄ŋ le̍ Nyi̍nā Mɛ̄lɛ̄ka̍a̍ dīōmndo̍ chɛ̄lɔ̄ɔ̍ I̍ cho̍ kɔ̄la̍ŋ Chūlu̍sɛ̄lɛ̄m, mi̍ chē bɛ̍ɛ̍ I̍ si̍nā nyɛ̍ cho̍ ya̍ lākɔ̄ yɔ̄nɔ᷄ŋ lo̍ŋ te̍ ni̍. 23Ō ya̍ si̍nā wo̍ ko̍ni̍ cho̍ ni̍ māā Nyi̍na̍ Mɛ̄lɛ̄ka̍a̍ dīmu̍l la̍ ō kālā ka̍lā o̍ chi̍e̍e̍ o̍ chi̍e̍e̍ ya̍ fu̍u̍lu̍u̍ māā ā chō ya̍ dɔ̄wɔ̄ɔ̄ o̍ chīɛ̄ī mānyūmndo̍ ni᷄ŋ. Ndu̍yɛ̍, mī bi̍ī mɔ̍nɛ̍i̍ ta̍u̍. 24Kɛ̍, I̍ chu̍e̍ bɛ̍ɛ̍ yo̍o̍mū nūu̍ māā ō chō nyɛ̄ o̍ nyɛ̄ le̍, le̍ hāli̍ kpe̍ŋ mī chi̍i̍ wa̍li̍ Māsānɔ̄ɔ̍ Chi̍i̍sū ke̍ ya̍ wo̍, ndu̍ yɔ̍nūŋ māā wāŋnda̍ yōōŋgū kɛ̄ndɔ̄ɔ̍ dīmūllo̍ a̍ kɛ̄ndɛ̄i̍ Mɛ̄lɛ̄kɛ̍i̍ o̍kɔ̄ɔ̄ ni̍.
25“Mi̍ I̍ ba̍lū sūɛ̍i̍ Mɛ̄lɛ̄kɛ̍i̍ dīmīo̍o̍ nya̍ tɛ̄ɛ̄ŋ a̍ Māsāle̍ Mɛ̄lɛ̄ka̍le̍ŋ o̍kɔ̄ɔ̄. Ndu̍yɛ̍, I̍ si̍nā māā nya̍ kpe̍de̍ lā chi᷅ lɛ̍ ni̍ŋ ya̍ le̍. 26Le̍la̍ŋ, mī di̍mu̍l nya̍ ō kālā ka̍lā pāa̍le̍ hāūle̍ŋ nde᷅ŋ māā tē wānā o̍ wānā nya̍ tɛ̄ɛ̄ŋ o̍ hu̍ŋ kɔ᷅ o̍ nyɛ̄ pālāā fɛ̍ɛ̍ŋ fɛ̍ɛ̍ŋndo̍ ni᷄ŋ pɛ̍, mɛ̄ɛ̍ tɔ̍ɔ̍ya̍ŋ o̍ tɔ̍ɔ̍ya̍ŋ ve᷅ lɛ̍ ya̍ chōo̍ le̍ ndu̍ le̍. 27Mi̍ di̍mūl nya̍ nyɛ̄ o̍ nyɛ̍ Mɛ̄lɛ̄ka̍ kɛ̄ɛ̄si̍a̍a̍ le̍ tōsāa̍, I̍ vi̍ŋ nyɛ̍ o̍ nyɛ̄ le̍. 28Le̍la̍ŋ, lā mānda̍ nya̍ pi̍la̍ a̍ wānāā Nyi̍na̍ Mɛ̄lɛ̄ka̍a̍ ō ke̍ nya̍ le̍ māndāa̍ wa̍. Mɛ̄ɛ̍ wānā ma̍ndāā sāa̍ māndā sa̍a̍ ndūa̍a̍ yɛ̍, le̍nde̍ nya̍ mānda̍ ku̍ndā wānāā lāāla᷄ŋa̍a̍ Mɛ̄lɛ̄ka̍a̍ ni̍. Kāni̍ fo̍ndōle̍, pīɔ̍m po̍ ndɔ̄ɔ̍ vī wo̍ ndu̍ to̍sa̍ ni̍, mi̍ ku̍ndā wānāā lāāla᷄ŋnda̍ wā le̍ Mɛ̄lɛ̄ka̍. 29I̍ si̍nā māā te̍ I̍ fa̍ŋa̍ŋ pɛ̍, wāŋnda̍ chō hūnɔ̄ɔ̄ lūɛ̄īyɔ̄ɔ̄ nya̍ tɛ̄ɛ̄ŋ mā tɛ̄ɛ̄mbu̍u̍ ku̍ndā wānāā lāāla᷄ŋnda̍, mɛ̄ɛ̍ vīsīāā bīyāa̍ lūɛ̄ī sa̍ā ku̍ndāa̍ tɛ̄ɛ̄ŋ yɛ̍. 30Nya̍ pi̍la̍ kpe̍e̍kpe̍i̍, wāŋnda̍ chō chɔ̄nɔ᷄ŋ nya̍ tɛ̄ɛ̄ŋ mā sīīŋgu̍u̍ tōnya̍a̍ sūɛ̍i̍ lāchōōwā, le̍ hāli̍ kpe̍ŋ mī wānāā lāāla᷄ŋnda̍ tōl nda̍ kɔ̄ɔ̄lī. 31Le̍la̍ŋ, lā mānda̍ŋ. Lā lōōnu̍ŋ māā le̍ wɔ̄sīla̍ŋ lā yāa̍ I̍ cho̍ nya̍ sīlāa̍ ī dīi̍ a̍ ī chɔ̄l a̍ mɛ̍mi̍a̍ŋ o̍ hɔ̄l.
32“Le̍la̍ŋ, I̍ ma̍l nya̍ Mɛ̄lɛ̄ka̍ o̍ bā. Ndu̍yɛ̍, yo̍o̍ŋgōo̍ a̍ kɛ̄ndɛ̄i̍ ndūɛ̍i̍ o̍kɔ̄ɔ̄ ō chō nya̍ māndā. Yōōŋgōo̍ ho̍ō nɔ̄lā mbō lūe̍i̍ nya̍ kpāāyāa̍. Ndu̍yɛ̍, o̍ mɛ̄ɛ̄lu̍la̍ŋ mbō kē nya̍ nyɛ̄ kɛ̄ndɛ̄ o̍ nɔ̍ le̍ wānāa̍ Mɛ̄lɛ̄ka̍a̍ fa̍ū wo̍.” 33Mi̍ Pɔ̍ɔ̍l hi̍a̍ū lāchī a̍ sūɛ̍i̍ āā, “I̍ lu̍e̍i̍ yɔ̍ le̍hɔ̍l o̍ nyɛ̄ sɔ̄lāā pi̍la̍, kɛ̄lɛ̄ŋgāā nyɛ̄ chūɛ̄ɛ̄na᷄ŋ pi̍la̍ le̍. 34Nya̍ pi̍la̍ lā sīnā māā o̍ sāāŋgīāā ya̍ sa̍a̍ŋgīāā a̍ bālā nīla̍ŋ ndo̍, ya̍ a̍ chāāŋāā nīa̍a̍, na̍a̍ ŋ̄ sōlīŋ ba̍ hāvɛ̍i̍ o̍ bā hāvɛ̍i̍ ni̍. 35I̍ chɔ̍m nya̍ a̍ nyɛ̄ o̍ nyɛ̄ ya̍ to̍sa̍, māā le̍ mī ŋ̄ nɔ̄la̍ le̍ wānāa̍ nɔ̍ kpa̍a̍yā to̍sāā nyɛ̄ le̍ wa̍ mālāa̍, mɛ̄ɛ̍ mī ŋ̄ tōsa̍ wa̍llo̍ le̍nde̍ o̍ ka̍lā ka̍lā. Ndu̍yɛ̍, ŋ̄ lōōnu̍ŋ di̍ōmndā Māsānɔ̄ɔ̍ Chi̍i̍sū pi̍la̍ di̍mi̍ la̍ŋ. Mbo̍ dīmī āā, ‘Wāŋndo̍ nyɔ̄ɔ̍ kīo̍o̍ ndu̍ wānā hi̍o̍ū sa̍lāa̍ sɔ̄lā a̍ wāŋndo̍ nu̍m nyɔ̄ɔ̍ kīo̍o̍.’ ”
36Mɛ̄ɛ̍ Pɔ̍ɔ̍l chi̍i̍ sūɛ̍i̍, mbo̍ bāŋ wūla̍ŋ nda̍ nda̍ā fa̍ū, ma̍ pīɛ̄ī Mɛ̄lɛ̄ka̍. 37O̍ ko̍ŋ kɔ̍ɔ̍lī, ma̍ chāŋ. Ndu̍yɛ̍, ma̍ kɔ̄ma᷄ŋ ndu̍, ma̍ sɔ̄sā ndu̍ kūu̍wo̍ le̍ ndu̍ chōŋgɔ᷄ŋndo̍. 38Nyɛ̍ to̍sa̍ mi̍ mɔ̍nɛ̍i̍ bīī nda̍ bīyɔ̄ɔ̄ bɛ̄ndōo̍ wo̍ ndu̍ cho̍ dīmī o̍ di̍mi̍ māā ā chi᷅ lɛ̍ ni̍ŋ ndu̍ le̍ wo̍ ni̍. O̍ mɛ̄ɛ̄lu̍la̍ŋ, ma̍ līīla̍ ndu̍ o̍ dɛ̄ndɛ̄ bɛ̍ndōo̍.
Currently Selected:
Wa̍lta̍ Wānāa̍ Chi̍i̍sūa̍a̍ 20: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Wa̍lta̍ Wānāa̍ Chi̍i̍sūa̍a̍ 20
20
Pɔ̍ɔ̍l ku̍ɛ̄ vɛ̄lɛ̄ o̍ būŋgɛ̄ī Māsīdo̍o̍nīāāve̍ ni᷄ŋ a̍ o̍ lɛ̄ŋndē Kīli̍kīi̍le̍ŋ ni᷄ŋ
1Mɛ̄ɛ̍ wo̍o̍lūŋ wo̍o̍lūŋ kōŋ pɔ̄lu̍l mi̍ pālɛ̍i̍ hīāū ī ti᷄ŋ, mi̍ Pɔ̍ɔ̍l ve̍e̍lū wānāā lāāla᷄ŋnda̍ nāa̍ pi᷅lɛ̍. Mbo̍ dīmūl nda̍ dīōmndā nyɔ̄ɔ̄lāāla̍ŋ. Mbo̍ chōŋgu᷄ŋ nda̍. Mbo̍ kūā Māsīdo̍o̍nīāā. 2Mbo̍ kēēku̍ o̍ būŋgāŋ mu᷅ŋ ni᷄ŋ. Mbo̍ kūā a̍ wānāā lāāla᷄ŋnda̍ o̍ būŋgāŋ mu᷅ŋ ni᷄ŋ dīōmnda̍ nyɔ̄ɔ̄lāāla̍ŋ dīmūllo̍. O̍ ko̍ŋ kɔ̍ɔ̍lī, mbo̍ fūūlūū o̍ lɛ̄ŋndē Kīli̍kīi̍le̍ŋ ni᷄ŋ. 3Mbo̍ chāl lo̍ŋ le̍ pāŋgo̍ŋ ŋ̄ ŋgāa̍. Mɛ̄ɛ̍ o̍ wa̍ bɛ̄ɛ̄ndīa̍ŋndo̍ le̍ kɔ̄la̍ŋ Si̍i̍līāā o̍ dɛ̄ndɛ̄ bɛ̍ndōo̍ ni᷄ŋ, mbo̍ sāālu᷄ŋ māā Chu̍ūwa̍ chō kɛ̄ɛ̄sīa̍a̍ le̍ ndu̍ dīyɔ̄ɔ̍. Le̍ he̍ī, mbo̍ kɛ̄ɛ̄sīāā le̍ mīīŋgōo̍ a̍ Māsīdo̍o̍nīāā. 4Wānāa̍ ku̍ɛ̄ lātūlu̍ a̍ ndu̍ wa̍ cho̍ ha̍ā ni̍, Sōpa̍tā, po̍ Pi̍i̍lɔ̄ɔ̄ wo̍, vīōlɔ̄ɔ̄ wa̍a̍ Bɛ̄lu̍i̍yā, a̍ Ālu̍i̍ta̍kɔ̄ɔ̄ nda̍ Sɛ̄ku̍ndū, fūlāa̍ Tɛ̄sālōna̍i̍kā, a̍ Ka̍yɔ̄ɔ̄, vīōlɔ̄ɔ̄ wa̍ā Da̍bē, a̍ Ti̍mo̍tī, a̍ Ti̍chi̍kɔ̄ɔ̄, nda̍ Tīlōfi̍mɔ̄ɔ̄, fūlāa̍ o̍ būŋgɛ̄ī E̍e̍sīāve̍ ni᷄ŋ. 5Mi̍ pūa̍a̍ ha̍ā hīāū lāchī ma̍ kɔ̍ chu᷅m na̍a̍ To̍wāā chi̍e̍e̍. 6Mɛ̄ɛ̍ bɔ̄ŋa᷅ŋ nda̍ dīā be̍e̍dīi̍ nda̍ do̍ū yi̍i̍sīi̍ le̍ wo̍ hīōū, mi̍ ŋ̄ māl Fi̍li̍pāī o̍ dɛ̄ndɛ̄ bɛ̄ndōo̍ ni᷄ŋ. Mɛ̄ɛ̍ pālɛ̍i̍ ī hīōū ī ŋūɛ̍ɛ̍nu̍, mi̍ ŋ̄ kōmāl nda̍ To̍wāā chi̍e̍e̍. Mi̍ ŋ̄ chūā lo̍ŋ lɔ̍ɔ̍ ō pīlɛ̍.
Kɔ̄lā mɛ̄ɛ̄lāālā Pɔ̍ɔ̍l ku̍ɛ̄ To̍wāā la̍ŋ
7O̍ Ndāa̍ma̍a̍ chōo̍ i̍chɔ᷅llo̍, mi̍ ŋ̄ chūūŋgi̍āŋ le̍ nyɛ̄ dīāā wānāā lāāla᷄ŋnda̍ dīo̍o̍ māā pāāndū. Mi̍ Pɔ̍ɔ̍l ka̍ndū sūɛ̍i̍ nāa̍ wāŋnda̍ chūā. Mbo̍ lō sūɛ̍i̍ mi̍ nyūmnda̍ŋ mā pīɔ̄ū tɛ̍ɛ̄ŋ kpa̍la̍. Kāni̍, ndu̍ o̍o̍ nɔ̍ le̍ kɔ᷄ŋnda̍ŋ dīi̍māndɔ̄ɔ̍. 8La̍mbūi̍la̍ŋ lā wa̍ lā mɛ̄ndūlāā ta̍u̍ chi̍ɛ̍ī ni̍ŋ, o̍ chīɛ̄ī chōo̍ cho̍o̍ na̍a̍ ŋ̄ wa̍ o̍ bɔ̄ŋa᷅ŋndo̍ ni᷄ŋ ndo̍. 9Po̍ chu̍a̍ pīāāndū pi᷅lɛ̍ dīōla̍ŋ āā Yu̍ti̍kɔ̄ɔ̄, ō wa̍ īchāli̍ o̍ dīō pɔ̄mbɔ̄ɔ̍. Mi̍ lūa̍a̍ŋ mā kāndū ndu̍ hūnɔ̄ɔ̍ o̍ hɔ̄l. Pɔ̍ɔ̍l wa̍ hīōūwɔ̄ɔ̍ lāchī kɛ᷅ a̍ sūɛ̍i̍. Mi̍ Yu̍ti̍kɔ̄ɔ̄ hi̍a̍u̍nu᷄ŋ o̍ mālɔ̄ pu᷅ŋ. Mbo̍ hīālu᷄ŋ o̍ chīɛ̄ī chōo̍ cho̍o̍ wo̍, o̍ hēlɔ̄ɔ̄ le̍ yāa̍ ko̍ŋ mbo̍ hu᷄ŋ de᷅l lɛ̄ŋ kpɔ̍l. Chūā nda̍ chu̍a̍ ndu̍ ni᷅ŋ ndo̍ o̍ wa̍ ni᷅ŋ ō vīlɛ̍i̍. 10Mi̍ Pɔ̍ɔ̍l tu̍āl. Mbo̍ tūndu᷄ŋ ndu̍ chōo̍ mbo̍ kɔ̄ma᷄ŋ ndu̍. Mbo̍ dīmī āā, “Lā ta̍mbū lākɔ̄l te̍. Ō chō yo̍o̍mū.” 11O̍ ko̍ŋ kɔ̍ɔ̍lī, mi̍ Pɔ̍ɔ̍l mi̍i̍ŋgū o̍ chīɛ̄ī chōo̍ cho̍o̍ wo̍. Mbo̍ kɔ̍ di̍ō nyɛ̄ dīāā kōŋ. Mi̍ Pɔ̍ɔ̍l hi̍a̍ū lāchī a̍ sūɛ̍i̍ nāa̍ wāŋnda̍ chūā ha̍a̍a̍ mbo̍ lō o̍ ko̍ŋ mi̍ pāa̍le̍ŋ le̍ sīā. O̍ ko̍ŋ kɔ̍ɔ̍lī, mbo̍ māl To̍wāā. 12Mi̍ wāŋnda̍ līīla̍ po̍ chu̍a̍ pīāāndōo̍ Yu̍ti̍kɔ̄ɔ̄ o̍ chīɛ̄ī ndɔ̄ɔ̍. Ndu̍yɛ̍ mi̍ wāŋnda̍ nāŋ kɔ̄l ta̍u̍ le̍ mɛ̄ɛ̍ o̍ mi̍i̍ŋgu̍ yōōmū yɛ̍.
Pɔ̍ɔ̍l ku̍ɛ̄ Mi̍le̍tɔ̄ɔ̄ chi̍e̍e̍
13O̍ ko̍ŋ kɔ̍ɔ̍lī, mi̍ na̍a̍ ŋ̄ hīāū lāchī mi̍ ŋ̄ lūɛ̄ī o̍ dɛ̄ndɛ̄ bɛ̍ndōo̍ ni᷄ŋ mi̍ ŋ̄ kūā A̍sɔ̄ɔ̄ chi̍e̍e̍. Lo̍ŋ dɛ̄ndɔ̄ɔ̍ ndu̍ o̍o̍ nɔ̍ le̍ Pɔ̍ɔ̍l chūa̍a̍ ni̍. Ndu̍ wa̍ hīōūwɔ̄ɔ̍ a̍ nɛ̄i̍ ŋ̄pēlōo̍. Le̍la̍ŋ, o̍ di̍mūl na̍a̍ le̍ ndu̍ chūa̍a̍ A̍sɔ̄ɔ̄ ni̍. 14Mɛ̄ɛ̍ o̍ ko̍ma̍l na̍a̍ A̍sɔ̄ɔ̄, mbo̍ hēl o̍ dɛ̄ndɔ̄ɔ̍ ni᷄ŋ. Mi̍ ŋ̄ kūā Mi̍ti̍līŋ chi̍e̍e̍ na̍a̍ nda̍ā. 15Mi̍ ŋ̄ māl lo̍ŋ di̍i̍māndɔ̄ɔ̍. Mi̍ ŋ̄ fūūlūū o̍ lɛ̄ŋndē ībūŋgāle̍ŋ īkɛ̄i̍, dīōla̍ŋ āā, Chi̍ɔ̍sī. Ŋ̄ tōsa̍ pāa̍le̍ŋ lē pīlɛ̍ mi̍ ŋ̄ fūūlūū o̍ lɛ̄ŋndē ībūŋgāle̍ŋ dīōla̍ŋ āā, Sa̍mo̍sī. Dīi̍māndɔ̄ɔ̍ mi̍ ŋ̄ fūūlūū Mīle̍tɔ̄ɔ̄ chi̍e̍e̍. 16O̍ ko̍ŋ kɔ̍ɔ̍lī mi̍ Pɔ̍ɔ̍l kɛ̍ɛ̍sīāā le̍ Ɛ̍fi̍sīā hīōūwɔ̄ɔ̍ chōo̍, yɔ̄ŋi̍ ndu̍ o̍o̍ dɔ̍u̍nu̍ŋ ta̍ma̍la̍ o̍ būŋgɛ̄ī E̍e̍sīāve̍ ni᷄ŋ. Ō wa̍ kēlēŋāa̍ le̍ māā tē Mɛ̄lɛ̄ka̍ chɛ᷄l pɛ̍, mī ndu̍ o̍o̍ fu̍u̍lu̍u̍ Chūlu̍sɛ̄lɛ̄m a̍ pāa̍le̍ Pɛ̍ŋti̍kɔ̍ɔ̍sīle̍ŋ.
Pɔ̍ɔ̍l cho̍ŋgu̍ŋ la᷅ŋgba̍ā kālla̍ o̍ ku̍ndā wānāā lāāla᷄ŋnda̍ chōo̍ Ɛ̍fi̍sīā
17Pɔ̍ɔ̍l lo̍ Mīle̍tɔ̄ɔ̄ mbo̍ yōōŋgū lāŋgba̍ā kālla̍ le̍ ku̍ndā wānāā lāāla᷄ŋnda̍ Ɛ̍fi̍sīā le̍ mā kōma̍l ndu̍. 18Mɛ̄ɛ̍ nda̍ fūūlu̍u̍, mbo̍ dīmūl nda̍ āā, “La̍ sīnā wāna̍ ya̍ I̍ wa̍ nya̍ tɛ̄ɛ̄ŋ ndo̍, chɔ̍ŋ ha̍a̍a̍ a̍ pāa̍le̍ tāse̍le̍ ya̍ I̍ fu̍u̍lu̍u̍ o̍ būŋgɛ̄ī E̍e̍sīāve̍ ni᷄ŋ nde̍ŋ. 19Le̍ te̍le̍ŋnda̍ fa̍ŋgā Chu̍ūwa̍ chō nɛ̄īla̍ŋ nūūvīa̍a̍ le̍ ya̍ sūɛ̍i̍ mālɔ̄ɔ̍ chōo̍. Le̍ he̍ī, mi̍ bi̍ī mɔ̍nɛ̍i̍ ta̍u̍. Kɛ̍ ndu̍yɛ̍, mi̍ hi̍a̍ū lāchī a̍ wa̍llo̍ tōsāa̍ le̍ Māsānɔ̄ɔ̍ Chi̍i̍sū o̍ tūsi᷄ŋndo̍ ni᷄ŋ a̍ kōŋu̍llo̍ nāa̍ ndu̍ chu̍a̍. 20Lā sīnā māā mi̍ di̍mūl nya̍ nyɛ̄ o̍ nyɛ̍ ma̍lā ni̍ŋ nya̍. I̍ vi̍ŋ nyɛ᷅ o̍ nyɛ̄ le̍. Mi̍ pɛ̍ɛ̍kū nya̍ a̍ Māsānɔ̄ɔ̍ Chi̍i̍sū o̍kɔ̄ɔ̄, wāŋnda̍ tɛ̄ɛ̄ŋ ni̍ a̍ o̍ chīɛ̄īlā nyāla̍ŋ. 21Chu̍ūnɔ̄ ni̍, wāna̍ cho̍ Chu̍ūnɔ̄ le̍ ni̍, mi̍ si̍lā nda̍ ō kālā kpo᷅ke̍ māā ā ma᷄l yɔ᷅ŋndā ndāla̍ wɔ̍ɔ̍ŋnda̍ŋ mā mūli̍ŋ nāa̍ Mɛ̄lɛ̄ka̍ chūā. Ndu̍yɛ̍, mi̍ si̍lā nda̍ le̍ mā lāāla̍ŋ a̍ Ma̍sānɔ̄ nāa̍ Chi̍i̍sū Ki̍li̍tī. 22O̍ bōōnde̍i̍ he̍ī ni᷄ŋ le̍ Nyi̍nā Mɛ̄lɛ̄ka̍a̍ dīōmndo̍ chɛ̄lɔ̄ɔ̍ I̍ cho̍ kɔ̄la̍ŋ Chūlu̍sɛ̄lɛ̄m, mi̍ chē bɛ̍ɛ̍ I̍ si̍nā nyɛ̍ cho̍ ya̍ lākɔ̄ yɔ̄nɔ᷄ŋ lo̍ŋ te̍ ni̍. 23Ō ya̍ si̍nā wo̍ ko̍ni̍ cho̍ ni̍ māā Nyi̍na̍ Mɛ̄lɛ̄ka̍a̍ dīmu̍l la̍ ō kālā ka̍lā o̍ chi̍e̍e̍ o̍ chi̍e̍e̍ ya̍ fu̍u̍lu̍u̍ māā ā chō ya̍ dɔ̄wɔ̄ɔ̄ o̍ chīɛ̄ī mānyūmndo̍ ni᷄ŋ. Ndu̍yɛ̍, mī bi̍ī mɔ̍nɛ̍i̍ ta̍u̍. 24Kɛ̍, I̍ chu̍e̍ bɛ̍ɛ̍ yo̍o̍mū nūu̍ māā ō chō nyɛ̄ o̍ nyɛ̄ le̍, le̍ hāli̍ kpe̍ŋ mī chi̍i̍ wa̍li̍ Māsānɔ̄ɔ̍ Chi̍i̍sū ke̍ ya̍ wo̍, ndu̍ yɔ̍nūŋ māā wāŋnda̍ yōōŋgū kɛ̄ndɔ̄ɔ̍ dīmūllo̍ a̍ kɛ̄ndɛ̄i̍ Mɛ̄lɛ̄kɛ̍i̍ o̍kɔ̄ɔ̄ ni̍.
25“Mi̍ I̍ ba̍lū sūɛ̍i̍ Mɛ̄lɛ̄kɛ̍i̍ dīmīo̍o̍ nya̍ tɛ̄ɛ̄ŋ a̍ Māsāle̍ Mɛ̄lɛ̄ka̍le̍ŋ o̍kɔ̄ɔ̄. Ndu̍yɛ̍, I̍ si̍nā māā nya̍ kpe̍de̍ lā chi᷅ lɛ̍ ni̍ŋ ya̍ le̍. 26Le̍la̍ŋ, mī di̍mu̍l nya̍ ō kālā ka̍lā pāa̍le̍ hāūle̍ŋ nde᷅ŋ māā tē wānā o̍ wānā nya̍ tɛ̄ɛ̄ŋ o̍ hu̍ŋ kɔ᷅ o̍ nyɛ̄ pālāā fɛ̍ɛ̍ŋ fɛ̍ɛ̍ŋndo̍ ni᷄ŋ pɛ̍, mɛ̄ɛ̍ tɔ̍ɔ̍ya̍ŋ o̍ tɔ̍ɔ̍ya̍ŋ ve᷅ lɛ̍ ya̍ chōo̍ le̍ ndu̍ le̍. 27Mi̍ di̍mūl nya̍ nyɛ̄ o̍ nyɛ̍ Mɛ̄lɛ̄ka̍ kɛ̄ɛ̄si̍a̍a̍ le̍ tōsāa̍, I̍ vi̍ŋ nyɛ̍ o̍ nyɛ̄ le̍. 28Le̍la̍ŋ, lā mānda̍ nya̍ pi̍la̍ a̍ wānāā Nyi̍na̍ Mɛ̄lɛ̄ka̍a̍ ō ke̍ nya̍ le̍ māndāa̍ wa̍. Mɛ̄ɛ̍ wānā ma̍ndāā sāa̍ māndā sa̍a̍ ndūa̍a̍ yɛ̍, le̍nde̍ nya̍ mānda̍ ku̍ndā wānāā lāāla᷄ŋa̍a̍ Mɛ̄lɛ̄ka̍a̍ ni̍. Kāni̍ fo̍ndōle̍, pīɔ̍m po̍ ndɔ̄ɔ̍ vī wo̍ ndu̍ to̍sa̍ ni̍, mi̍ ku̍ndā wānāā lāāla᷄ŋnda̍ wā le̍ Mɛ̄lɛ̄ka̍. 29I̍ si̍nā māā te̍ I̍ fa̍ŋa̍ŋ pɛ̍, wāŋnda̍ chō hūnɔ̄ɔ̄ lūɛ̄īyɔ̄ɔ̄ nya̍ tɛ̄ɛ̄ŋ mā tɛ̄ɛ̄mbu̍u̍ ku̍ndā wānāā lāāla᷄ŋnda̍, mɛ̄ɛ̍ vīsīāā bīyāa̍ lūɛ̄ī sa̍ā ku̍ndāa̍ tɛ̄ɛ̄ŋ yɛ̍. 30Nya̍ pi̍la̍ kpe̍e̍kpe̍i̍, wāŋnda̍ chō chɔ̄nɔ᷄ŋ nya̍ tɛ̄ɛ̄ŋ mā sīīŋgu̍u̍ tōnya̍a̍ sūɛ̍i̍ lāchōōwā, le̍ hāli̍ kpe̍ŋ mī wānāā lāāla᷄ŋnda̍ tōl nda̍ kɔ̄ɔ̄lī. 31Le̍la̍ŋ, lā mānda̍ŋ. Lā lōōnu̍ŋ māā le̍ wɔ̄sīla̍ŋ lā yāa̍ I̍ cho̍ nya̍ sīlāa̍ ī dīi̍ a̍ ī chɔ̄l a̍ mɛ̍mi̍a̍ŋ o̍ hɔ̄l.
32“Le̍la̍ŋ, I̍ ma̍l nya̍ Mɛ̄lɛ̄ka̍ o̍ bā. Ndu̍yɛ̍, yo̍o̍ŋgōo̍ a̍ kɛ̄ndɛ̄i̍ ndūɛ̍i̍ o̍kɔ̄ɔ̄ ō chō nya̍ māndā. Yōōŋgōo̍ ho̍ō nɔ̄lā mbō lūe̍i̍ nya̍ kpāāyāa̍. Ndu̍yɛ̍, o̍ mɛ̄ɛ̄lu̍la̍ŋ mbō kē nya̍ nyɛ̄ kɛ̄ndɛ̄ o̍ nɔ̍ le̍ wānāa̍ Mɛ̄lɛ̄ka̍a̍ fa̍ū wo̍.” 33Mi̍ Pɔ̍ɔ̍l hi̍a̍ū lāchī a̍ sūɛ̍i̍ āā, “I̍ lu̍e̍i̍ yɔ̍ le̍hɔ̍l o̍ nyɛ̄ sɔ̄lāā pi̍la̍, kɛ̄lɛ̄ŋgāā nyɛ̄ chūɛ̄ɛ̄na᷄ŋ pi̍la̍ le̍. 34Nya̍ pi̍la̍ lā sīnā māā o̍ sāāŋgīāā ya̍ sa̍a̍ŋgīāā a̍ bālā nīla̍ŋ ndo̍, ya̍ a̍ chāāŋāā nīa̍a̍, na̍a̍ ŋ̄ sōlīŋ ba̍ hāvɛ̍i̍ o̍ bā hāvɛ̍i̍ ni̍. 35I̍ chɔ̍m nya̍ a̍ nyɛ̄ o̍ nyɛ̄ ya̍ to̍sa̍, māā le̍ mī ŋ̄ nɔ̄la̍ le̍ wānāa̍ nɔ̍ kpa̍a̍yā to̍sāā nyɛ̄ le̍ wa̍ mālāa̍, mɛ̄ɛ̍ mī ŋ̄ tōsa̍ wa̍llo̍ le̍nde̍ o̍ ka̍lā ka̍lā. Ndu̍yɛ̍, ŋ̄ lōōnu̍ŋ di̍ōmndā Māsānɔ̄ɔ̍ Chi̍i̍sū pi̍la̍ di̍mi̍ la̍ŋ. Mbo̍ dīmī āā, ‘Wāŋndo̍ nyɔ̄ɔ̍ kīo̍o̍ ndu̍ wānā hi̍o̍ū sa̍lāa̍ sɔ̄lā a̍ wāŋndo̍ nu̍m nyɔ̄ɔ̍ kīo̍o̍.’ ”
36Mɛ̄ɛ̍ Pɔ̍ɔ̍l chi̍i̍ sūɛ̍i̍, mbo̍ bāŋ wūla̍ŋ nda̍ nda̍ā fa̍ū, ma̍ pīɛ̄ī Mɛ̄lɛ̄ka̍. 37O̍ ko̍ŋ kɔ̍ɔ̍lī, ma̍ chāŋ. Ndu̍yɛ̍, ma̍ kɔ̄ma᷄ŋ ndu̍, ma̍ sɔ̄sā ndu̍ kūu̍wo̍ le̍ ndu̍ chōŋgɔ᷄ŋndo̍. 38Nyɛ̍ to̍sa̍ mi̍ mɔ̍nɛ̍i̍ bīī nda̍ bīyɔ̄ɔ̄ bɛ̄ndōo̍ wo̍ ndu̍ cho̍ dīmī o̍ di̍mi̍ māā ā chi᷅ lɛ̍ ni̍ŋ ndu̍ le̍ wo̍ ni̍. O̍ mɛ̄ɛ̄lu̍la̍ŋ, ma̍ līīla̍ ndu̍ o̍ dɛ̄ndɛ̄ bɛ̍ndōo̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.