Wa̍lta̍ Wānāa̍ Chi̍i̍sūa̍a̍ 25
25
Pɔ̍ɔ̍l nyu̍na̍ le̍ mā yɔ᷄ŋ ndu̍ o̍ wāna̍ cho̍ lɛ̄ŋndē Lu̍o̍ma᷅ŋnde̍ bōlle̍ŋ ndo̍ lo̍
1Hūnɔ̄ɔ̄ Fɛ̍si̍tɔ̄ɔ̄ hi᷅ŋ o̍ būŋgɛ̄ī kēŋ ni᷄ŋ ndo̍, ō chu̍a̍ pālɛ̍i̍ ī yāa̍. O̍ ko̍ŋ kɔ̍ɔ̍lī, mbo̍ cha᷄ŋ Sīsāli̍a̍ā mbo̍ kūā Chūlu̍sɛ̄lɛ̄m. 2Lo̍ŋ wānāā bɛ̄ndūāā sōlīāā lā, a̍ Chu̍ūwa̍ wānāā ndāā bɛ̍ndūa̍a̍ ā chɔ᷄m sɔ̄ɔ̍ŋ Pɔ̍ɔ̍l chōo̍ ni̍. Ma̍ nyɔ̄ɔ̄lū Fɛ̍si̍tɔ̄ɔ̄ 3āā, “Yāndi̍i̍ to̍sa̍ a̍ sa̍bū mā hīŋ a̍ Pɔ̍ɔ̍l Chūlu̍sɛ̄lɛ̄m.” Nda̍ a̍a̍ kɛ̍ɛ̍si̍a̍a̍ le̍ kēī ndu̍ dīyɔ̄ɔ̍ nɛ̄ī tɛ̍ɛ̄ŋ. Le̍la̍ŋ nda̍ a̍a̍ dīmi̍ le̍nde̍ ni̍. 4Mi̍ Fɛ̍si̍tɔ̄ɔ̄ lo᷅ lo̍ŋ mbo̍ mu̍lūl nda̍ āā, “Pɔ̍ɔ̍l cho̍ o̍ bīyɔ̄ɔ̍ ni᷄ŋ Sīsāli̍a̍ā chi̍e̍e̍. Ndu̍yɛ̍, ya̍ pi̍la̍ I̍ cho̍ hūnɔ̄ɔ̄ mīīŋgū lo̍ŋ su̍ŋ su̍ŋ. 5Le̍la̍ŋ, lā tōsa̍ mī wānāā nyāā bɛ̍ndūa̍a̍ kūɛ̄ lātūlu̍ a̍ ya̍ Sīsāli̍a̍ā. Tē Pɔ̍ɔ̍l tōsa̍ pɛ̍ i̍sɔ̍ɔ̍ o̍ īsɔ̄ɔ̍ wɔ̍ɔ̍ŋ, ā kɔ̍ bi̍ī se̍ī ndɔ̄ɔ̍ lo̍ŋ.”
6Mɛ̄ɛ̍ Fɛ̍si̍tɔ̄ɔ̄ chɔ̍ɔ̍lu̍ mālɔ̄ Chūlu̍sɛ̄lɛ̄m, tē ō ve̍ le̍ pālɛ̍i̍ ī ŋɔ̄ma̍a̍ le̍ mɛ̄ɛ̍ tɔ̍, mbo̍ mīīŋgū Sīsāli̍a̍ā. Dīi̍māndɔ̄ɔ̍, mbo̍ chāl le̍ kɔ̍ɔ̍sɔ̍la̍ŋ bɔ̄ŋāa̍. Mbo̍ tōsā ma̍ hūŋ a̍ Pɔ̍ɔ̍l o̍ tōŋgō kɔ̍ɔ̍sɔ̍ɔ̍ ni᷄ŋ. 7Mɛ̄ɛ̍ Pɔ̍ɔ̍l lu̍ɛ̍ī, mi̍ Chu̍ūwa̍ a̍ chɛ̍ŋ Chūlu̍sɛ̄lɛ̄m nda̍ sīm ndu̍ ā bālāā si̍lɔ̍. Ma̍ kāndū sɔ̄ɔ̍ŋ wɔ̍ɔ̍ŋ fāŋgā fa̍ŋgā chɔ̄mndo̍ a̍ ndu̍ o̍kɔ̄ɔ̄. Kɛ̍, ā nɔ̄la̍ mā chɔ᷄m kpe̍e̍kpe̍i̍ māā nyɛ̄ nda̍ dīmi̍ wo̍ chō tōnya̍ le̍. 8Mi̍ Pɔ̍ɔ̍l kɔ̍ɔ̍sā, mbo̍ dīmī āā, “I̍ to̍sa̍ i̍sɔ̍ɔ̍ o̍ īsɔ̄ɔ̍ wɔ̍ɔ̍ŋ a̍ sāwāla̍ Chu̍ūwa̍ o̍kɔ̄ɔ̄ le̍. Ndu̍yɛ̍, I̍ to̍sa̍ su̍ɛ̍i̍ wɔ̍ɔ̍ŋ a̍ chīɛ̍i̍ Mɛ̄lɛ̄ka̍a̍ o̍kɔ̄ɔ̄ le̍, Kɛ̄lɛ̄ŋgāā ni᷅ŋ te̍ mī tɛ̍ɛ̍mbu̍u̍ īsɔ̄ɔ̍ a̍ māsā bɛ̍ndū māLu̍o̍ma᷅ŋnda̍.”
9Fɛ̍si̍tɔ̄ɔ̄ ndu̍ o̍o̍ hɛ̍na̍ŋ mī Chu̍ūwa̍ nda̍ a̍a̍ na̍ŋ kɔ̄l a̍ ndu̍. Le̍ he̍ī, mbo̍ nyūnā Pɔ̍ɔ̍l āā mɛ̄ɛ̍, “Ā chɛ̄l mā kūɛ̄ Chūlu̍sɛ̄lɛ̄m mā kɔ̍ kɔ̍ɔ̍sā ya̍ o̍ hɔ̄l lo̍ŋ, a̍ sɔ̄ɔ̍ŋ nda̍ chɔ᷄m mu᷅ŋ a̍ nūm o̍kɔ̄ɔ̄ wo̍ŋ?”
10Mi̍ Pɔ̍ɔ̍l lo᷅ lo̍ŋ mbo̍ di̍mī āā, “Māsā Bɛ̍ndū Lu̍o̍ma᷅ŋnda̍, o̍ bā ndɔ̄ɔ̍ bɛ̄ŋgu̍ sūɛ̍i̍ he̍ī chō ni᷅ŋ ni̍. Le̍la̍ŋ, o̍ bā ndɔ̄ɔ̍ bɛ̄ŋgu̍ i̍ di̍mīŋ ni̍. Nūm pi̍la̍ si̍nā kpe̍e̍kpe̍i̍ māā i̍ to̍sa̍l Chu̍ūwa̍ īsɔ̄ɔ̍ o̍ īsɔ̄ɔ̍ wɔ̍ɔ̍ŋ te̍. 11Tē ndu̍ o̍o̍ wa̍ sūɛ̍i̍ wānā nɔ̍ mā sɔ̍la̍ pīɔ̍m le̍ ndi̍ pɛ̍ ya̍ i̍i̍ to̍sa̍ ni̍, ya̍ i̍i̍ kɛ̍ɛ̄ le̍ ya̍ dīyɔ̄ɔ̍ le̍. Kɛ̍ ndu̍yɛ̍, tē tōnya̍ cho̍ o̍ sɔ̄ɔ̍ŋ nda̍ chɔ᷄m mu᷅ŋ ki̍nɛ̍i̍ a̍ ya̍ o̍kɔ̄ɔ̄ wo̍ŋ ni᷄ŋ te̍, mɛ̄ɛ̍ wānā o̍ wānā a̍ nɔ᷅ di̍ mā ma̍l la̍ nda̍ o̍ bā le̍. Le̍la̍ŋ, I̍ hɛ̍na̍ŋ mā yɔ̍ŋ sūɛ̍i̍ nīi̍ o̍ māsā bɛ̍ndōo̍ lo̍, o̍ cho̍ lɛ̄ŋīī Lu̍o̍ma᷅ŋnde̍ bōlle̍ŋ ndo̍.”
12Mɛ̄ɛ̍ Fɛ̍si̍tɔ̄ɔ̄ na̍ŋgu̍ a̍ lāŋgba̍ā ndūāā ka̍lāa̍, mbo̍ mūlūl Pɔ̍ɔ̍l āā, “Mɛ̄ɛ̍ ŋ̄ nyūna̍ le̍ sūɛ̍i̍ nu̍mnde̍ yɔ̄ŋndo̍ o̍ māsā bɛ̍ndōo̍ lo̍ yɛ̍, mɛ̄ɛ̍ lo̍ŋ ŋ̄ chō lākɔ̄ ni̍.”
Fɛ̍si̍tɔ̄ɔ̄ chɔ̍m Māsāa̍ Āki̍li̍pā a̍ Pɔ̍ɔ̍l o̍kɔ̄ɔ̄
13Mɛ̄ɛ̍ pālɛ̍i̍ ti᷄ŋ ī hīōū, mi̍ Māsāa̍ Āki̍li̍pā hu᷅ŋ Sīsāli̍a̍ā nda̍ la̍a̍ ndɔ̄ dīōla̍ŋ āā, Bɛ̄lūīni̍sī, le̍ Fɛ̍si̍tɔ̄ɔ̄ yīlɔ̄ɔ̄ lēmāsāa̍. 14Le̍ pālɛ̍i̍ fa̍ŋgā ā chō ndu̍ o̍ bɛ̄ŋgu̍ cho̍o̍. A̍ bōōndi̍i̍ ke̍ŋ mi̍ Fɛ̍si̍tɔ̄ɔ̄ chɔ᷅m Māsāa̍ Āki̍li̍pā a̍ sūɛ̍i̍ Pɔ̍ɔ̍l ve̍ o̍kɔ̄ɔ̄. Mbo̍ dīmī āā, “Po̍ pi᷅lɛ̍ chō na̍nu᷄ŋ mi̍ Fi̍lɛ̍sī mɛ̍ī ndu̍ ō bīyāā. 15Mɛ̄ɛ̍ ya̍ ku̍ɛ̄ Chūlu̍sɛ̄lɛ̄m, mi̍ wānāā bɛ̄ndūāā sōlīāā lāsa̍lāa̍, a̍ lāŋgba̍ā kālāa̍ le̍ Chu̍ūwa̍ ā chɔ̄m sɔ̄ɔ̍ŋ a̍ ndu̍ o̍kɔ̄ɔ̄. Ma̍ dīmūl la̍ māā ya̍ I̍ ya̍a̍la̍ ndu̍. 16Kɛ̍, mi̍ di̍mūl nda̍ māā Lu̍o̍ma᷅ŋnda̍ to̍sā i̍ wa̍ā le̍nde̍ le̍. Ā ya̍a̍lā wa᷅na̍ nda̍ bīī se̍ī ndɔ̄ɔ̍ wo̍ le̍, mɛ̄ɛ̍ mbō si᷄m nda̍ wānāa̍ chɔ̄m sūɛ̍i̍ ndūɛ̍i̍ ya̍ mbō kɔ̄ɔ̄sa̍ le̍ ndu̍ pi̍la̍. 17Ndu̍yɛ̍, mɛ̄ɛ̍ nda̍ hīŋ na̍nu᷄ŋ, I̍ to̍sa̍ ta̍ma̍la̍ le̍. Dīi̍māndɔ̄ɔ̍, mi̍ cha᷅l o̍ sūɛ̍i̍ ndɛ̄i̍ chōo̍. Mi̍ to̍sā ma̍ hūŋ a̍ pōo̍. 18Mi̍ wānāa̍ wa̍ ndu̍ kɔ̄ɔ̄lī a̍ sūɛ̍i̍ ya̍ si᷄m ma̍ tōmbōlā. Kɛ̍, a̍ chɔ᷄m i̍sɔ̍ɔ̍ o̍ īsɔ̄ɔ̍ wɔ̍ɔ̍ŋ a̍ ndu̍ o̍kɔ̄ɔ̄ mɛ̄ɛ̍ ya̍ i̍i̍ nɔ̍ o̍ kɔ̄l māā ā dīmī ni̍ŋ yɛ̍ le̍. 19Dīōmnda̍ŋ ko̍ni̍ nda̍ a̍a̍ hi̍ŋa᷅ŋ nda̍ nda̍ā ni̍, a̍ nɛ̄ī nda̍ nda̍ pīɛ̄ī Mɛ̍lɛ̄ka̍ wo̍ o̍kɔ̄ɔ̄, a̍ po̍ pi᷅lɛ̍ vɛ̄lɛ̄ o̍kɔ̄ɔ̄ dīōla̍ŋ āā Chi̍i̍sū o̍ vi᷅ wo̍. Kɛ̍, mi̍ Pɔ̍ɔ̍l ndu̍ di̍mī māā ō chō yōōmū. 20Ya̍ i̍i̍ si̍nā bɛ̍ɛ̍ mɛ̄ɛ̍ ya̍ i̍i̍ ya̍a̍sīāā sūɛ̍i̍ wa̍ā le̍nde̍i̍ yɛ̍ le̍. Le̍ he̍ī, mi̍ nyu̍nā Pɔ̍ɔ̍l māā tē ō chɛ̄l pɛ̍ le̍ kɔ̄la̍ŋ Chūlu̍sɛ̄lɛ̄m le̍ mbō kɔ̍ kɔ̍ɔ̍sā lo̍ŋ a̍ sɔ̄ɔ̍ŋ nda̍ chɔ᷄m mu᷅ŋ a̍ ndu̍ o̍kɔ̄ɔ̄ wo̍ŋ. 21Kɛ̍ mi̍ Pɔ̍ɔ̍l di̍mī māā ō hɛ̄na̍ŋ mī I̍ yɔ̍ŋ sūɛ̍i̍ ndūɛ̍i̍ o̍ māsā bɛ̍ndōo̍ lo̍. O̍ ko̍ŋ, mi̍ di̍mūl so̍vɛ̄i̍ya̍ māā ō wa̍ pɔ̍ɔ̍ ō hāūvāā, mbō lo̍ o̍ ko̍ŋ mā kūɛ̄, mī māsā bɛ̍ndōo̍ kɔ̍ di̍mī sūɛ̍i̍ ndɛ̄i̍.”
22Mi̍ Āki̍li̍pā di̍mūl Fɛ̍si̍tɔ̄ɔ̄ āā, “I̍ hɛ̍na̍ŋ ya̍ bɛ̍ɛ̍ mī ya̍ŋ ndu̍ lānī.”
Mi̍ Fɛ̍si̍tɔ̄ɔ̄ di̍mī āā, “Mɛ̄ɛ̍ ā chō ndu̍ dīōm tūēīyɔ̄ɔ̄ sīɔ̄dīi̍.”
23Dīi̍māndɔ̄ɔ̍, mi̍ Āki̍li̍pā lu̍ɛ̍ī o̍ chīɛ̄ī Chu̍ūwa̍ pīɛ̄ī Mɛ̍lɛ̄ka̍ wo̍ ni᷄ŋ, nda̍ Bɛ̄lūīni̍sī, a̍ wānāā bɛ̄ndūāā so̍vɛ̄i̍ya̍, a̍ wānāā bɛ̄ndūa̍a̍ chi̍e̍e̍ lo̍ŋ. Mi̍ wāŋnda̍ kē nda̍ bɛ̄ɛ̄le̍ bɛ᷅nde̍ŋ pi̍la̍. O̍ ko̍ŋ kɔ̍ɔ̍lī, mi̍ Fɛ̍si̍tɔ̄ɔ̄ to̍sā ma̍ hūŋ a̍ Pɔ̍ɔ̍l. 24Mbo̍ dīmī āā, “Māsāa̍ Āki̍li̍pā a̍ wānā o̍ wāna̍ na̍a̍ ŋ̄ chō hɔ̄lāā tūlu̍ na̍nū, lā chē po̍ si̍m ho̍ō na̍nu᷄ŋ ndo̍? Ndu̍ Chu̍ūwa̍ kpe̍de̍ chi̍e̍e̍ na̍nū a̍ Chūlu̍sɛ̄lɛ̄m a̍ dɔ̍ū sɔ̄ɔ̍ŋ ndɔ᷄ŋ ya̍ lāchī ni̍. Ndu̍yɛ̍, mi̍ Chu̍ūwa̍ ha̍ā dēŋī chōo̍ cho̍o̍ māā ō nɔ̄ mbō sɔ̄la̍ pīɔ̍mndo̍. 25Kɛ̍ ndu̍yɛ̍, ya̍ I̍ se̍e̍lu̍ŋ nyɛ̍ o̍ nyɛ̄ wɔ̄ɔ̍ŋ o̍ to̍sa̍ ō nda̍ dīī wa̍nā le̍ ndu̍ le̍. Kɛ̍ mɛ̄ɛ̍ ndu̍ pi̍la̍ nyu̍na̍ le̍ sūɛ̍i̍ ndūɛ̍i̍ yɔ̄ŋndo̍ o̍ māsā bɛ̍ndōo̍ lo̍ yɛ̍, yā bɛ̍ɛ̍ I̍ kɛ̍ɛ̍si̍a̍a̍ le̍ ndu̍ yɔ̄ŋndo̍ lo̍ŋ. 26Kɛ̍ ndu̍yɛ̍, I̍ nɔ̍ nyɛ᷅ o̍ nyɛ̄ kpe̍e̍kpe̍i̍ ō ya̍ I̍ po̍o̍nyīāā o̍ māsānɔ̄ɔ̍ lo̍ a̍ ndu̍ o̍kɔ̄ɔ̄ wo̍ le̍. Le̍la̍ŋ ya̍ hi᷅ŋ a̍ ndu̍ na̍nu᷄ŋ nāa̍ nya̍ chu̍a̍ ni̍, tāāma̍ nūm Māsāa̍ Āki̍li̍pā, le̍ tē ŋ̄ mɛ̄ɛ̄ndi̍a̍ŋ pɛ̍ o̍ sūɛ̍i̍ he̍ī ni᷄ŋ la̍tu̍lu̍, I̍ nɔ᷅ ni᷅ŋ le̍ dīōm le̍ pōōnyīa̍a̍. 27Kāni̍ fo̍ndōle̍, I̍ lo̍o̍nu̍ŋ māā ī wā i̍ kɛ̍ndɛ̄ le̍ wāna̍ ŋ̄ bīī yo̍ yɔ̄ŋndo̍ o̍ ko̍ŋ kɔ̍ɔ̍lī, a̍ chɔ᷅m nyɛ᷅ sa̍na̍a̍ ŋ̄ bīī ndu̍ le̍ ndu̍ wo̍ le̍.”
Currently Selected:
Wa̍lta̍ Wānāa̍ Chi̍i̍sūa̍a̍ 25: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Wa̍lta̍ Wānāa̍ Chi̍i̍sūa̍a̍ 25
25
Pɔ̍ɔ̍l nyu̍na̍ le̍ mā yɔ᷄ŋ ndu̍ o̍ wāna̍ cho̍ lɛ̄ŋndē Lu̍o̍ma᷅ŋnde̍ bōlle̍ŋ ndo̍ lo̍
1Hūnɔ̄ɔ̄ Fɛ̍si̍tɔ̄ɔ̄ hi᷅ŋ o̍ būŋgɛ̄ī kēŋ ni᷄ŋ ndo̍, ō chu̍a̍ pālɛ̍i̍ ī yāa̍. O̍ ko̍ŋ kɔ̍ɔ̍lī, mbo̍ cha᷄ŋ Sīsāli̍a̍ā mbo̍ kūā Chūlu̍sɛ̄lɛ̄m. 2Lo̍ŋ wānāā bɛ̄ndūāā sōlīāā lā, a̍ Chu̍ūwa̍ wānāā ndāā bɛ̍ndūa̍a̍ ā chɔ᷄m sɔ̄ɔ̍ŋ Pɔ̍ɔ̍l chōo̍ ni̍. Ma̍ nyɔ̄ɔ̄lū Fɛ̍si̍tɔ̄ɔ̄ 3āā, “Yāndi̍i̍ to̍sa̍ a̍ sa̍bū mā hīŋ a̍ Pɔ̍ɔ̍l Chūlu̍sɛ̄lɛ̄m.” Nda̍ a̍a̍ kɛ̍ɛ̍si̍a̍a̍ le̍ kēī ndu̍ dīyɔ̄ɔ̍ nɛ̄ī tɛ̍ɛ̄ŋ. Le̍la̍ŋ nda̍ a̍a̍ dīmi̍ le̍nde̍ ni̍. 4Mi̍ Fɛ̍si̍tɔ̄ɔ̄ lo᷅ lo̍ŋ mbo̍ mu̍lūl nda̍ āā, “Pɔ̍ɔ̍l cho̍ o̍ bīyɔ̄ɔ̍ ni᷄ŋ Sīsāli̍a̍ā chi̍e̍e̍. Ndu̍yɛ̍, ya̍ pi̍la̍ I̍ cho̍ hūnɔ̄ɔ̄ mīīŋgū lo̍ŋ su̍ŋ su̍ŋ. 5Le̍la̍ŋ, lā tōsa̍ mī wānāā nyāā bɛ̍ndūa̍a̍ kūɛ̄ lātūlu̍ a̍ ya̍ Sīsāli̍a̍ā. Tē Pɔ̍ɔ̍l tōsa̍ pɛ̍ i̍sɔ̍ɔ̍ o̍ īsɔ̄ɔ̍ wɔ̍ɔ̍ŋ, ā kɔ̍ bi̍ī se̍ī ndɔ̄ɔ̍ lo̍ŋ.”
6Mɛ̄ɛ̍ Fɛ̍si̍tɔ̄ɔ̄ chɔ̍ɔ̍lu̍ mālɔ̄ Chūlu̍sɛ̄lɛ̄m, tē ō ve̍ le̍ pālɛ̍i̍ ī ŋɔ̄ma̍a̍ le̍ mɛ̄ɛ̍ tɔ̍, mbo̍ mīīŋgū Sīsāli̍a̍ā. Dīi̍māndɔ̄ɔ̍, mbo̍ chāl le̍ kɔ̍ɔ̍sɔ̍la̍ŋ bɔ̄ŋāa̍. Mbo̍ tōsā ma̍ hūŋ a̍ Pɔ̍ɔ̍l o̍ tōŋgō kɔ̍ɔ̍sɔ̍ɔ̍ ni᷄ŋ. 7Mɛ̄ɛ̍ Pɔ̍ɔ̍l lu̍ɛ̍ī, mi̍ Chu̍ūwa̍ a̍ chɛ̍ŋ Chūlu̍sɛ̄lɛ̄m nda̍ sīm ndu̍ ā bālāā si̍lɔ̍. Ma̍ kāndū sɔ̄ɔ̍ŋ wɔ̍ɔ̍ŋ fāŋgā fa̍ŋgā chɔ̄mndo̍ a̍ ndu̍ o̍kɔ̄ɔ̄. Kɛ̍, ā nɔ̄la̍ mā chɔ᷄m kpe̍e̍kpe̍i̍ māā nyɛ̄ nda̍ dīmi̍ wo̍ chō tōnya̍ le̍. 8Mi̍ Pɔ̍ɔ̍l kɔ̍ɔ̍sā, mbo̍ dīmī āā, “I̍ to̍sa̍ i̍sɔ̍ɔ̍ o̍ īsɔ̄ɔ̍ wɔ̍ɔ̍ŋ a̍ sāwāla̍ Chu̍ūwa̍ o̍kɔ̄ɔ̄ le̍. Ndu̍yɛ̍, I̍ to̍sa̍ su̍ɛ̍i̍ wɔ̍ɔ̍ŋ a̍ chīɛ̍i̍ Mɛ̄lɛ̄ka̍a̍ o̍kɔ̄ɔ̄ le̍, Kɛ̄lɛ̄ŋgāā ni᷅ŋ te̍ mī tɛ̍ɛ̍mbu̍u̍ īsɔ̄ɔ̍ a̍ māsā bɛ̍ndū māLu̍o̍ma᷅ŋnda̍.”
9Fɛ̍si̍tɔ̄ɔ̄ ndu̍ o̍o̍ hɛ̍na̍ŋ mī Chu̍ūwa̍ nda̍ a̍a̍ na̍ŋ kɔ̄l a̍ ndu̍. Le̍ he̍ī, mbo̍ nyūnā Pɔ̍ɔ̍l āā mɛ̄ɛ̍, “Ā chɛ̄l mā kūɛ̄ Chūlu̍sɛ̄lɛ̄m mā kɔ̍ kɔ̍ɔ̍sā ya̍ o̍ hɔ̄l lo̍ŋ, a̍ sɔ̄ɔ̍ŋ nda̍ chɔ᷄m mu᷅ŋ a̍ nūm o̍kɔ̄ɔ̄ wo̍ŋ?”
10Mi̍ Pɔ̍ɔ̍l lo᷅ lo̍ŋ mbo̍ di̍mī āā, “Māsā Bɛ̍ndū Lu̍o̍ma᷅ŋnda̍, o̍ bā ndɔ̄ɔ̍ bɛ̄ŋgu̍ sūɛ̍i̍ he̍ī chō ni᷅ŋ ni̍. Le̍la̍ŋ, o̍ bā ndɔ̄ɔ̍ bɛ̄ŋgu̍ i̍ di̍mīŋ ni̍. Nūm pi̍la̍ si̍nā kpe̍e̍kpe̍i̍ māā i̍ to̍sa̍l Chu̍ūwa̍ īsɔ̄ɔ̍ o̍ īsɔ̄ɔ̍ wɔ̍ɔ̍ŋ te̍. 11Tē ndu̍ o̍o̍ wa̍ sūɛ̍i̍ wānā nɔ̍ mā sɔ̍la̍ pīɔ̍m le̍ ndi̍ pɛ̍ ya̍ i̍i̍ to̍sa̍ ni̍, ya̍ i̍i̍ kɛ̍ɛ̄ le̍ ya̍ dīyɔ̄ɔ̍ le̍. Kɛ̍ ndu̍yɛ̍, tē tōnya̍ cho̍ o̍ sɔ̄ɔ̍ŋ nda̍ chɔ᷄m mu᷅ŋ ki̍nɛ̍i̍ a̍ ya̍ o̍kɔ̄ɔ̄ wo̍ŋ ni᷄ŋ te̍, mɛ̄ɛ̍ wānā o̍ wānā a̍ nɔ᷅ di̍ mā ma̍l la̍ nda̍ o̍ bā le̍. Le̍la̍ŋ, I̍ hɛ̍na̍ŋ mā yɔ̍ŋ sūɛ̍i̍ nīi̍ o̍ māsā bɛ̍ndōo̍ lo̍, o̍ cho̍ lɛ̄ŋīī Lu̍o̍ma᷅ŋnde̍ bōlle̍ŋ ndo̍.”
12Mɛ̄ɛ̍ Fɛ̍si̍tɔ̄ɔ̄ na̍ŋgu̍ a̍ lāŋgba̍ā ndūāā ka̍lāa̍, mbo̍ mūlūl Pɔ̍ɔ̍l āā, “Mɛ̄ɛ̍ ŋ̄ nyūna̍ le̍ sūɛ̍i̍ nu̍mnde̍ yɔ̄ŋndo̍ o̍ māsā bɛ̍ndōo̍ lo̍ yɛ̍, mɛ̄ɛ̍ lo̍ŋ ŋ̄ chō lākɔ̄ ni̍.”
Fɛ̍si̍tɔ̄ɔ̄ chɔ̍m Māsāa̍ Āki̍li̍pā a̍ Pɔ̍ɔ̍l o̍kɔ̄ɔ̄
13Mɛ̄ɛ̍ pālɛ̍i̍ ti᷄ŋ ī hīōū, mi̍ Māsāa̍ Āki̍li̍pā hu᷅ŋ Sīsāli̍a̍ā nda̍ la̍a̍ ndɔ̄ dīōla̍ŋ āā, Bɛ̄lūīni̍sī, le̍ Fɛ̍si̍tɔ̄ɔ̄ yīlɔ̄ɔ̄ lēmāsāa̍. 14Le̍ pālɛ̍i̍ fa̍ŋgā ā chō ndu̍ o̍ bɛ̄ŋgu̍ cho̍o̍. A̍ bōōndi̍i̍ ke̍ŋ mi̍ Fɛ̍si̍tɔ̄ɔ̄ chɔ᷅m Māsāa̍ Āki̍li̍pā a̍ sūɛ̍i̍ Pɔ̍ɔ̍l ve̍ o̍kɔ̄ɔ̄. Mbo̍ dīmī āā, “Po̍ pi᷅lɛ̍ chō na̍nu᷄ŋ mi̍ Fi̍lɛ̍sī mɛ̍ī ndu̍ ō bīyāā. 15Mɛ̄ɛ̍ ya̍ ku̍ɛ̄ Chūlu̍sɛ̄lɛ̄m, mi̍ wānāā bɛ̄ndūāā sōlīāā lāsa̍lāa̍, a̍ lāŋgba̍ā kālāa̍ le̍ Chu̍ūwa̍ ā chɔ̄m sɔ̄ɔ̍ŋ a̍ ndu̍ o̍kɔ̄ɔ̄. Ma̍ dīmūl la̍ māā ya̍ I̍ ya̍a̍la̍ ndu̍. 16Kɛ̍, mi̍ di̍mūl nda̍ māā Lu̍o̍ma᷅ŋnda̍ to̍sā i̍ wa̍ā le̍nde̍ le̍. Ā ya̍a̍lā wa᷅na̍ nda̍ bīī se̍ī ndɔ̄ɔ̍ wo̍ le̍, mɛ̄ɛ̍ mbō si᷄m nda̍ wānāa̍ chɔ̄m sūɛ̍i̍ ndūɛ̍i̍ ya̍ mbō kɔ̄ɔ̄sa̍ le̍ ndu̍ pi̍la̍. 17Ndu̍yɛ̍, mɛ̄ɛ̍ nda̍ hīŋ na̍nu᷄ŋ, I̍ to̍sa̍ ta̍ma̍la̍ le̍. Dīi̍māndɔ̄ɔ̍, mi̍ cha᷅l o̍ sūɛ̍i̍ ndɛ̄i̍ chōo̍. Mi̍ to̍sā ma̍ hūŋ a̍ pōo̍. 18Mi̍ wānāa̍ wa̍ ndu̍ kɔ̄ɔ̄lī a̍ sūɛ̍i̍ ya̍ si᷄m ma̍ tōmbōlā. Kɛ̍, a̍ chɔ᷄m i̍sɔ̍ɔ̍ o̍ īsɔ̄ɔ̍ wɔ̍ɔ̍ŋ a̍ ndu̍ o̍kɔ̄ɔ̄ mɛ̄ɛ̍ ya̍ i̍i̍ nɔ̍ o̍ kɔ̄l māā ā dīmī ni̍ŋ yɛ̍ le̍. 19Dīōmnda̍ŋ ko̍ni̍ nda̍ a̍a̍ hi̍ŋa᷅ŋ nda̍ nda̍ā ni̍, a̍ nɛ̄ī nda̍ nda̍ pīɛ̄ī Mɛ̍lɛ̄ka̍ wo̍ o̍kɔ̄ɔ̄, a̍ po̍ pi᷅lɛ̍ vɛ̄lɛ̄ o̍kɔ̄ɔ̄ dīōla̍ŋ āā Chi̍i̍sū o̍ vi᷅ wo̍. Kɛ̍, mi̍ Pɔ̍ɔ̍l ndu̍ di̍mī māā ō chō yōōmū. 20Ya̍ i̍i̍ si̍nā bɛ̍ɛ̍ mɛ̄ɛ̍ ya̍ i̍i̍ ya̍a̍sīāā sūɛ̍i̍ wa̍ā le̍nde̍i̍ yɛ̍ le̍. Le̍ he̍ī, mi̍ nyu̍nā Pɔ̍ɔ̍l māā tē ō chɛ̄l pɛ̍ le̍ kɔ̄la̍ŋ Chūlu̍sɛ̄lɛ̄m le̍ mbō kɔ̍ kɔ̍ɔ̍sā lo̍ŋ a̍ sɔ̄ɔ̍ŋ nda̍ chɔ᷄m mu᷅ŋ a̍ ndu̍ o̍kɔ̄ɔ̄ wo̍ŋ. 21Kɛ̍ mi̍ Pɔ̍ɔ̍l di̍mī māā ō hɛ̄na̍ŋ mī I̍ yɔ̍ŋ sūɛ̍i̍ ndūɛ̍i̍ o̍ māsā bɛ̍ndōo̍ lo̍. O̍ ko̍ŋ, mi̍ di̍mūl so̍vɛ̄i̍ya̍ māā ō wa̍ pɔ̍ɔ̍ ō hāūvāā, mbō lo̍ o̍ ko̍ŋ mā kūɛ̄, mī māsā bɛ̍ndōo̍ kɔ̍ di̍mī sūɛ̍i̍ ndɛ̄i̍.”
22Mi̍ Āki̍li̍pā di̍mūl Fɛ̍si̍tɔ̄ɔ̄ āā, “I̍ hɛ̍na̍ŋ ya̍ bɛ̍ɛ̍ mī ya̍ŋ ndu̍ lānī.”
Mi̍ Fɛ̍si̍tɔ̄ɔ̄ di̍mī āā, “Mɛ̄ɛ̍ ā chō ndu̍ dīōm tūēīyɔ̄ɔ̄ sīɔ̄dīi̍.”
23Dīi̍māndɔ̄ɔ̍, mi̍ Āki̍li̍pā lu̍ɛ̍ī o̍ chīɛ̄ī Chu̍ūwa̍ pīɛ̄ī Mɛ̍lɛ̄ka̍ wo̍ ni᷄ŋ, nda̍ Bɛ̄lūīni̍sī, a̍ wānāā bɛ̄ndūāā so̍vɛ̄i̍ya̍, a̍ wānāā bɛ̄ndūa̍a̍ chi̍e̍e̍ lo̍ŋ. Mi̍ wāŋnda̍ kē nda̍ bɛ̄ɛ̄le̍ bɛ᷅nde̍ŋ pi̍la̍. O̍ ko̍ŋ kɔ̍ɔ̍lī, mi̍ Fɛ̍si̍tɔ̄ɔ̄ to̍sā ma̍ hūŋ a̍ Pɔ̍ɔ̍l. 24Mbo̍ dīmī āā, “Māsāa̍ Āki̍li̍pā a̍ wānā o̍ wāna̍ na̍a̍ ŋ̄ chō hɔ̄lāā tūlu̍ na̍nū, lā chē po̍ si̍m ho̍ō na̍nu᷄ŋ ndo̍? Ndu̍ Chu̍ūwa̍ kpe̍de̍ chi̍e̍e̍ na̍nū a̍ Chūlu̍sɛ̄lɛ̄m a̍ dɔ̍ū sɔ̄ɔ̍ŋ ndɔ᷄ŋ ya̍ lāchī ni̍. Ndu̍yɛ̍, mi̍ Chu̍ūwa̍ ha̍ā dēŋī chōo̍ cho̍o̍ māā ō nɔ̄ mbō sɔ̄la̍ pīɔ̍mndo̍. 25Kɛ̍ ndu̍yɛ̍, ya̍ I̍ se̍e̍lu̍ŋ nyɛ̍ o̍ nyɛ̄ wɔ̄ɔ̍ŋ o̍ to̍sa̍ ō nda̍ dīī wa̍nā le̍ ndu̍ le̍. Kɛ̍ mɛ̄ɛ̍ ndu̍ pi̍la̍ nyu̍na̍ le̍ sūɛ̍i̍ ndūɛ̍i̍ yɔ̄ŋndo̍ o̍ māsā bɛ̍ndōo̍ lo̍ yɛ̍, yā bɛ̍ɛ̍ I̍ kɛ̍ɛ̍si̍a̍a̍ le̍ ndu̍ yɔ̄ŋndo̍ lo̍ŋ. 26Kɛ̍ ndu̍yɛ̍, I̍ nɔ̍ nyɛ᷅ o̍ nyɛ̄ kpe̍e̍kpe̍i̍ ō ya̍ I̍ po̍o̍nyīāā o̍ māsānɔ̄ɔ̍ lo̍ a̍ ndu̍ o̍kɔ̄ɔ̄ wo̍ le̍. Le̍la̍ŋ ya̍ hi᷅ŋ a̍ ndu̍ na̍nu᷄ŋ nāa̍ nya̍ chu̍a̍ ni̍, tāāma̍ nūm Māsāa̍ Āki̍li̍pā, le̍ tē ŋ̄ mɛ̄ɛ̄ndi̍a̍ŋ pɛ̍ o̍ sūɛ̍i̍ he̍ī ni᷄ŋ la̍tu̍lu̍, I̍ nɔ᷅ ni᷅ŋ le̍ dīōm le̍ pōōnyīa̍a̍. 27Kāni̍ fo̍ndōle̍, I̍ lo̍o̍nu̍ŋ māā ī wā i̍ kɛ̍ndɛ̄ le̍ wāna̍ ŋ̄ bīī yo̍ yɔ̄ŋndo̍ o̍ ko̍ŋ kɔ̍ɔ̍lī, a̍ chɔ᷅m nyɛ᷅ sa̍na̍a̍ ŋ̄ bīī ndu̍ le̍ ndu̍ wo̍ le̍.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.