Wa̍lta̍ Wānāa̍ Chi̍i̍sūa̍a̍ 9
9
Sɔ̍ɔ̄ si̍mnu᷄ŋ wa̍nā la̍a̍la᷄ŋ
(Wa̍lta̍ Wānāa̍ Chi̍i̍sūa̍a̍ 22:6-16; 26:12-18)
1Kɛ̍ a̍ bōōndi̍i̍ ke̍ŋ, Sɔ̍ɔ̄ wa̍ hīōūwɔ̄ɔ̍ lāchī a̍ bu̍ɛ̍i̍yāa̍ Māsānɔ̄ɔ̍ Mɛ̄lɛ̄ka̍a̍ kɔ̄ŋgɔ̄līa̍ŋnda̍ŋ ta̍u̍ ta̍u̍, le̍ nda̍ dīyɔ̄ɔ̍. Mbo̍ kūā nāa̍ māsa̍ wānāā sōlīāā lāsa̍lāa̍ chūā. 2Mbo̍ nyūnā ndu̍ le̍ yāu̍la̍ŋ. Yāu̍la̍ŋ nda᷅ŋ la̍ a̍a̍ chɔ᷅m wa̍nāa̍ cho̍ chīɛ̄īlā Chu̍ūwa̍ pīɛ̄ī Mɛ̍lɛ̄ka̍la̍ŋ bōlle̍ŋ Dāma̍si̍kɔ̄ɔ̄ chi̍e̍e̍ wa̍ wāna̍ Sɔ̍ɔ̄ cho̍ wo̍ ni̍. Ō tōsa̍ he̍ī māā tē ndu̍ o̍o̍ sa̍a̍lu̍ŋ wa̍nā o̍ wānā pɛ̍, wānā pɔ̍nɔ̍ ni̍, wānā la̍nɔ̍ ni̍, o̍ to᷅l nɛ̄i̍ Chi̍i̍sū dīmi̍ māā wāŋnda̍ kɔ̍ le̍cho̍o̍ wo̍ kɔ̄ɔ̄lī pɛ̍, ndu̍ o̍o̍ bi̍ī ndu̍ a̍ ka̍ka̍ ndu̍ o̍o̍ hi᷅ŋ a̍ ndu̍ Chūlu̍sɛ̄lɛ̄m chi̍e̍e̍.
3O̍ kɔ̄lā ndɔ̄la̍ŋ ni᷄ŋ, mɛ̄ɛ̍ Sɔ̍ɔ̄ wa̍ fūūlūūwo̍ Dāma̍si̍kɔ̄ɔ̄ chi̍e̍e̍, o̍ lē pīlɛ̍ ni᷄ŋ kpe̍, mi̍ pa̍ŋgēlo̍o̍ cha᷄ŋ o̍ ha̍la̍a̍ ni᷄ŋ mbo̍ tīū si̍lɔ̍ nāa̍ o̍ wa̍ wa̍. 4Mbo̍ dēl lɛ̄ŋ. O̍ ko̍ŋ kɔ̍ɔ̍lī, mbo̍ tūɛ̄ī mi̍ dīōmndo̍ dīmūl ndu̍ āā, “Sɔ̍ɔ̄, Sɔ̍ɔ̄, vɛ᷅ ma̍ wā ya̍ nyɛ̄ pālāa̍ tūsīo̍o̍ chōo̍?”
5Mi̍ Sɔ̍ɔ̄ nyūnā āā, “Nūm nɛ̄ɛ̍nɛ̍, Māsānɔ̄ɔ̍?”
Mbo̍ mūlūl ndu̍ āā, “Ya̍ Chi̍i̍sū ni̍, wāna̍ ŋ̄ chō nyɛ̄ pālāa̍ tūsīo̍o̍ chōo̍ wo̍. 6Chɔ̍ŋ ni̍ko̍ mā kūɛ̄ chi̍e̍e̍. Wānā cho̍ lo̍ŋ, mbō chɔ᷄m nu̍m nyɛ̄ ŋ̄ nɔ̄ le̍ tōsāa̍ wo̍.”
7Mi̍ pūa̍a̍ wa̍ kɔ̄la̍ŋ lātūlu̍ a̍ Sɔ̍ɔ̄ wa̍ sīm. Sūɛ̍i̍ bɛ̍ɛ̍ ā nɔ̄la̍ le̍. Ā tūēī bɔ̄ɔ̄lūūwo̍, kɛ̍ ā chi̍ wa̍nā le̍. 8Mi̍ Sɔ̍ɔ̄ cha᷅ŋ lɛ᷅ŋ. Mbo̍ kūmbī hɔ̄lta̍ŋ, kɛ̍ ndu̍ o̍o̍ chi᷅ nyɛ᷅ o̍ nyɛ̄ le̍. Ma̍ sāā ndu̍ bāa̍. Ma̍ kūā a̍ ndu̍ Dāma̍si̍kɔ̄ɔ̄ chi̍e̍e̍. 9Chɔ̍ŋ a̍ bōōndi̍i̍ ke̍ŋ, mbo̍ kūā a̍ pālɛ̍i̍ ī yāa̍ ō chō ō sūmɛ̍i̍, ndu̍yɛ̍, ō di᷅ nyɛ̍ dīāā le̍, kōlɔ̄ɔ̍ bɛ̍ɛ̍ ō ko᷅l te̍.
10Po̍ pi᷅lɛ̍ wa̍ Dāma̍si̍kɔ̄ɔ̄ dīōla̍ŋ āā, Ānāna̍a̍yā. Bu̍ɛ̍i̍ Chi̍i̍sōo̍ o̍ wa̍ ni̍. Mi̍ Ma̍sānɔ̄ɔ̍ Mɛ̄lɛ̄ka̍ vēēlu̍ ndu̍ o̍ yi̍lāŋndo̍ ni᷄ŋ āā, “Ānāna̍a̍yā.”
Mbo̍ chɛ̄l āā, “E̍ī, Māsānɔ̄ɔ̍.”
11Mi̍ Ma̍sānɔ̄ɔ̍ Mɛ̄lɛ̄ka̍ dīmūl ndu̍ āā, “Kɔ̍ o̍ chīɛ̍i̍ Chu̍dā wo̍, o̍ cho̍ o̍ Nɛ̄i̍ sa̍kpōo̍ wo̍, mā nyu̍na̍ le̍ pōo̍ dīōla̍ŋ āā, Sɔ̍ɔ̄, wānā wa̍ā Ta̍a̍sɔ̄ɔ̄ chi̍e̍e̍. Ō chō Mɛ̄lɛ̄ka̍ pīɛ̄īyo̍. 12Ō chē mi̍ po̍ pi᷅lɛ̍ hūŋ o̍ yi̍lāŋndo̍ ni᷄ŋ, dīōla̍ŋ āā, Ānāna̍a̍yā. Mbo̍ hāndū ndu̍ bāla̍ŋ chōo̍ le̍ mbō mīīŋgu̍ vɛ̄lɛ̄ chɔ̄ɔ̍.”
13Mi̍ Ānāna̍a̍yā mu̍lī āā, “Māsānɔ̄ɔ̍ Mɛ̄lɛ̄ka̍, I̍ tu̍e̍ī ni᷅ŋ sɔ̄ɔ̍ŋ fa̍ŋgā a̍ pōo̍ ho̍ō o̍kɔ̄ɔ̄, a̍ dɛ̍nɛ̍ wɔ̍ɔ̍ŋ o̍ to̍sa̍l ni᷅ŋ wānāā nūmnda̍ a̍ cho̍ Chūlu̍sɛ̄lɛ̄m nda̍. 14Ndu̍yɛ̍, ō hīŋ Dāma̍si̍kɔ̄ɔ̄ na̍nu᷄ŋ. Wānāā bɛ̄ndūāā sōlīāā lāsa̍lāa̍, ā ke̍ ndu̍ kpāāyāa̍ le̍ mbō hu᷄ŋ bi̍ī wānā o̍ wāna̍ cho̍ nu̍m pīɛ̄īyo̍.”
15Kɛ̍, mi̍ Ma̍sānɔ̄ɔ̍ Mɛ̄lɛ̄ka̍ dīmūl Ānāna̍a̍yā āā, “Kɔ̍, I̍ hɛ̍li̍ pōo̍ ho̍ō le̍ mbō sāāŋgi̍a̍l la̍, le̍ mbō tōsa̍ mi̍ wānāā cho̍ a̍ Chu̍ū le̍ wa̍, a̍ māsāā nda̍a̍ bɛ̄ndūa̍a̍, a̍ wāŋnda̍ I̍sɔ̄lūɛ̄ī mā sīna̍ ya̍. 16I̍ cho̍ ndu̍ chɔ̄m mɛ̄ɛ̍ kpɛ̍ o̍ sɔ̍lā ni̍ŋ nyɛ̍ pālāa̍ le̍ tōsāa̍ mī wāŋnda̍ sīna̍ ya̍ yɛ̍.”
17Le̍la̍ŋ, mi̍ Ānāna̍a̍yā ku̍ā o̍ chīɛ̄ī kōŋ. Mbo̍ lūɛ̄ī. Mɛ̄ɛ̍ o̍ lu̍ɛ̍ī, mbo̍ hāndū Sɔ̍ɔ̄ bāla̍ŋ chōo̍. Mbo̍ dīmī āā, “Chāa̍ŋ nūu̍ Sɔ̍ɔ̄, Māsānɔ̄ɔ̍ Mɛ̄lɛ̄ka̍ vēm ya̍ nāa̍ nūm chu̍a̍. Chi̍i̍sū, o̍ chɔ̍mnu̍ŋ nūm o̍ nɛ̄ī lɔ̍ɔ̍ ŋ̄ wa̍ hūnɔ̄ɔ̍ na̍nu᷄ŋ ndo̍, ō vēm ya̍ le̍ mā chē vɛ̄lɛ̄, ndu̍yɛ̍, mī Nyi̍na̍ Kāsi̍ Mɛ̄lɛ̄ka̍a̍ tōl nu̍m kɔ̄ɔ̄lī ta̍u̍.” 18O̍ ko̍ŋ kɔ̍ɔ̍lī, mi̍ nyɛ̄la̍ŋ lā fāŋa᷄ŋ ndu̍ o̍ hɔ̄l lē pīlɛ̍ kpe̍ māā lākɛ̄kɛ̍u̍. Mi̍ lā dēlī. Mbo̍ kāndū vɛ̄lɛ̄ chɔ̄ɔ̍. O̍ ko̍ŋ kɔ̍ɔ̍lī, mbo̍ cha᷄ŋ. Ma̍ yīŋ ndu̍. 19Mɛ̄ɛ̍ o̍ de᷅ nyɛ̄ dīa̍a̍, mi̍ dīāllūŋ ndɔ᷄ŋ ŋ̄ sɔ̄lā vɛ̄lɛ̄ kpāāyāa̍.
Sɔ̍ɔ̄ di̍mī sūɛ̍i̍ Mɛ̄lɛ̄kɛ̍i̍ Dāma̍si̍kɔ̄ɔ̄
Mi̍ Sɔ̍ɔ̄ chi̍ī pālɛ̍i̍ ī ti᷄ŋ nda̍ ku̍ndā wānāā lāāla᷄ŋnda̍ Dāma̍si̍kɔ̄ɔ̄. 20Ta̍ma̍la̍ bɛ̍ɛ̍ ō tōsa̍ le̍. Mbo̍ kūā o̍ chīɛ̄īlā Chu̍ūwa̍ pīɛ̄ī Mɛ̍lɛ̄ka̍la̍ŋ. Mbo̍ kāndū wāŋnda̍ chɔ̄mndo̍ māā Chi̍i̍sū ndu̍ cho̍ Po̍ Mɛ̄lɛ̄ka̍a̍ ni̍.
21Mi̍ kɔ̄ndɔ̄fi̍llo̍ bīī wānā o̍ wāna̍ tu̍e̍ī ndu̍ dīōm. Ndu̍yɛ̍, ma̍ kāndū nyūūni̍āŋndo̍ āā, “Ō cho̍ po̍o̍ ho̍ō le̍ wa̍ wānāa̍ tōl Chi̍i̍su̍ kɔ̄ɔ̄lī wa̍ nyɛ̄ pālāa̍ tūsīo̍o̍ chōo̍ Chūlu̍sɛ̄lɛ̄m te̍? Ndu̍yɛ̍, le̍ nda̍ bīyɔ̄ɔ̍ mbō mīīŋgu̍ a̍ nda̍ nāa̍ wānāā bɛ̄ndūāā sōlīāā lāsa̍lāa̍ chūā le̍, o̍ hi᷅ŋ na̍nu᷄ŋ te̍?”
22Kɛ̍ mi̍ sūɛ̍i̍ Mɛ̄lɛ̄kɛ̍i̍ Sɔ̍ɔ̄ wa̍ dīmīo̍o̍ ve̍ ī chɔ̄ɔ̄lū kpāāyāa̍ sɔ̄lā ta̍u̍ ta̍u̍. Mbo̍ chɔ̍m tāāmāsi̍la̍ŋ ha̍a̍a̍, la̍ chɔ᷅m māā Chi̍i̍sū kpe̍e̍kpe̍i̍ cho̍ Ki̍li̍tī, wāna̍ Mɛ̄lɛ̄ka̍ chu̍a̍ būŋgɛ̄i̍ māā ō chō vīōmɔ̄ɔ̄ le̍ wāŋnda̍ pīŋīo̍o̍ wo̍ la̍ŋ. O̍ ko̍ŋ, Chu̍ūwa̍ a̍ wa̍ Dāma̍si̍kɔ̄ɔ̄ wa̍, ā nɔ̄la̍ lɛ̍ mā sōō nyɛ̄ o̍ nyɛ̄ nāa̍ ndu̍ chu̍a̍ le̍.
23Mɛ̄ɛ̍ pālɛ̍i̍ ti᷄ŋ ī hīōū, mi̍ Chu̍ūwa̍ chūūŋgi̍āŋ ma̍ kɛ̄ɛ̄sīāā le̍ Sɔ̍ɔ̄ dīyɔ̄ɔ̍. 24Kɛ̍, mi̍ Sɔ̍ɔ̄ tu̍ɛ̍ī nyɛ̄ nda̍ kɛ̄ɛ̄si̍a̍a̍ wo̍. Ā wa̍ ndu̍ mɛ̄ŋgɛ̄lāa̍ o̍ dīō chi̍o̍o̍ sōndōla̍ŋ īdīi̍ ni̍, īchɔ̄l ni̍, le̍ ndu̍ dīyɔ̄ɔ̍. 25Kɛ̍, mi̍ wānāā ndūa̍a̍ wa̍ ndu̍ kɔ̄ɔ̄lī wa̍ ā tūsī ndu̍ o̍ sāāsāa̍ lēkɔ̍ɔ̍lī o̍ kāmbɛ̍i̍yo̍ ni᷄ŋ a̍ nyūmnda̍ŋ.
Sɔ̍ɔ̄ mi̍i̍ŋgu̍ Chūlu̍sɛ̄lɛ̄m chi̍e̍e̍
26O̍ ko̍ŋ kɔ̍ɔ̍lī, mi̍ Sɔ̍ɔ̄ mi̍i̍ŋgū Chūlu̍sɛ̄lɛ̄m. Mɛ̄ɛ̍ o̍ mi̍i̍ŋgu̍, mbo̍ kīndī le̍ mā wa̍ dīōm pīlɛ̍ nda̍ ku̍ndā wānāā lāāla᷄ŋnda̍. Kɛ̍ ndu̍yɛ̍, nda̍ kpe̍de̍ ma̍ yɔ̄ŋ sīōōŋnde̍ le̍ ndu̍. Kāni̍ fo̍ndōle̍, nda̍ a̍a̍ la̍a̍la̍ŋ māā ō chō wānā la̍a̍la᷄ŋ le̍kɛ̍ndɛ̍i̍ le̍. 27Kɛ̍ o̍ ko̍ŋ kɔ̍ɔ̍lī, mi̍ Ba̍a̍na̍bāā ma̍lā ndu̍. Mbo̍ ku̍ā a̍ ndu̍ o̍ wānāā Chi̍i̍sū ve᷅m hɔ̄ltē ndɔ̄ wa̍ lo̍. Mbo̍ chɔ̄m nda̍ a̍ mɛ̄ɛ̍ Sɔ̍ɔ̄ che᷅ Ma̍sānɔ̄ɔ̍ Mɛ̄lɛ̄ka̍ o̍ nɛ̄i̍ Dāma̍si̍kɔ̄ɔ̄ wo̍ yɛ̍. Mbo̍ chɔ̄m a̍ mɛ̄ɛ̍ Ma̍sānɔ̄ɔ̍ sōō nāa̍ ndu̍ chu̍a̍ yɛ̍. Mbo̍ chɔ̄m a̍ mɛ̄ɛ̍ Sɔ̍ɔ̄ chɔ̍m sūɛ̍i̍ Mɛ̄lɛ̄kɛ̍i̍ a̍ Chi̍i̍sū o̍kɔ̄ɔ̄ kpe̍nde̍ke̍le̍ Dāma̍si̍kɔ̄ɔ̄ yɛ̍. 28Le̍ he̍ī, mi̍ Sɔ̍ɔ̄ si̍mnu᷄ŋ chāa̍ŋ ndā. Mbo̍ bālū bā o̍ bā fe̍e̍ Chūlu̍sɛ̄lɛ̄m. Mbo̍ chɔ̄m dīo̍m Māsānɔ̄ɔ̍ Mɛ̄lɛ̄ka̍a̍ kpe̍nde̍ke̍le̍. 29Mbo̍ sūāā vɛ̄lɛ̄ nāa̍ Chu̍ūwa̍ chūā a̍ di̍mī Ki᷅li̍kīi̍ye̍ wa̍. Ma̍ hīŋa᷅ŋ di̍ōmnda̍ŋ nda̍ nda̍ā a̍ dīo̍m Mɛ̄lɛ̄ka̍a̍ o̍kɔ̄ɔ̄. Kɛ̍ o̍ ko̍ŋ kɔ̍ɔ̍lī, ma̍ kɛ̄ɛ̄sīāā le̍ ndu̍ dīyɔ̄ɔ̍. 30Mɛ̄ɛ̍ wānāā lāāla᷄ŋnda̍ sīna̍ a̍ ndi̍ o̍kɔ̄ɔ̄, ma̍ kūā a̍ Sɔ̍ɔ̄ Sīsāli̍a̍ā chi̍e̍e̍, ma̍ tōsā mbo̍ kūā Ta̍a̍sɔ̄ɔ̄ chi̍e̍e̍.
31O̍ ko̍ŋ, ku̍ndā wānāā lāāla᷄ŋnda̍ o̍ lɛ̄ŋndē Chūdi̍a̍āle̍ŋ ni᷄ŋ, a̍ lɛ̄ŋndē Kāli̍līle̍ŋ, a̍ lɛ̄ŋndē Sāme̍e̍līāāle̍ŋ kpe̍de̍ ma̍ sɔ̄lā kɔ̄l nyūlōo̍ le̍ te̍le̍ŋ ti̍ŋ. Mi̍ Nyi̍na̍ Kāsi̍ Mɛ̄lɛ̄ka̍a̍ tōsā mi̍ ku̍ndā wānāā lāāla᷄ŋnda̍ hīāū lāchī a̍ kpāāyāa̍ sɔ̄lāa̍ o̍ Mɛ̄lɛ̄ka̍ ni᷄ŋ. Mbo̍ tōsā mi̍ wānāā ka̍ ka̍ de᷅l o̍ ku̍ndā wānāā lāāla᷄ŋnda̍ chōo̍. Ndu̍yɛ̍, nda̍ kpe̍de̍ nda̍ a̍a̍ ke᷅ Māsānɔ̄ɔ̍ Mɛ̍lɛ̄ka̍ bɛ̄ɛ̄le̍ŋ o̍ nyɛ̄ o̍ nyɛ̄ ni᷄ŋ nda̍ tōsa̍.
Pītɛ̍ to̍sa̍ kɔ̄ndɔ̄fi̍lta̍ŋ Li̍dā a̍ Cho̍pā chi̍e̍e̍
32Mi̍ Pītɛ̍ ba̍lū o̍ fo̍ndāŋndā fāŋgā fa̍ŋgā. Te̍le̍ŋ pi᷅lɛ̍ mbo̍ kūā wānāa̍ Mɛ̄lɛ̄ka̍a̍ a̍ wa̍ Li̍dā chi̍e̍e̍ ya̍ yīlɔ̄ɔ̄. 33Mbo̍ kōmāl po̍ bɛ̍vɛ̍i̍ pi᷅lɛ̍ lo̍ŋ, dīōla̍ŋ āā, E̍ni̍ɔ̍sī. Le̍ wɔ̄sīla̍ŋ lā ŋɔ̄ma̍a̍ chɔ̄nɔ᷄ŋndo̍ bɛ̍ɛ̍ ō nɔ̍lā le̍. 34Mi̍ Pītɛ̍ di̍mūl ndu̍ āā, “E̍ni̍ɔ̍sī, Chi̍i̍sū Ki̍li̍tī cho̍ nu̍m sīŋgī su̍ŋ su̍ŋ. Chɔ̍ŋ mā sīmbū wāla̍ nūmndo̍.” Mi̍ E̍ni̍ɔ̍sī cha̍ŋ lē pi᷅lɛ̍ kpe̍. 35Mi̍ wāŋnda̍ Li̍dā chi̍e̍e̍ a̍ būŋgɛ̄ī Si̍a̍lɔ̄ŋnde̍ kpe̍de̍ ā chā E̍ni̍ɔ̍sī. O̍ ko̍ŋ kɔ̍ɔ̍lī, ma̍ sīmnu᷄ŋ wa̍nāā lāāla᷄ŋnda̍ o̍ Ma̍sānɔ̄ɔ̍ Mɛ̄lɛ̄ka̍ ni᷄ŋ.
36Chūā pīlɛ̍ wa̍ Cho̍pā chi̍e̍e̍ dīōla̍ŋ āā, Tābi̍tā. Ō wa̍ wānā la̍a̍la᷄ŋndo̍ o̍ Chi̍i̍sū ni̍ŋ. Dīōlā ndɔ̄la̍ŋ o̍ Kīli̍kīi̍ye̍ ni᷄ŋ āā Dɔ̍ka̍sī. Tɛ̄ɛ̄sīāā dīōlā la᷄ŋ la̍ cho̍ ni̍ āā kīa̍llo̍. Le̍ lɔ̍ɔ̍ lɔ̍ɔ̍ chūa̍a̍ ho̍ō chō wāŋnda̍ kɛ̄ndɛ̄i̍ tōsāllo̍, ndu̍yɛ̍, mbō mālā wa̍nāā tāmbɛ̍i̍ya̍. 37A̍ te̍le̍ŋ ko̍ŋ, mi̍ chūa̍a̍ ho̍ō dēl a̍ nāa̍. Mbo̍ wū. Mɛ̄ɛ̍ o̍ vi᷅, ma̍ pūlū ndu̍. Ma̍ yāmbū ndu̍ o̍ lu̍mūi̍yo̍ ni᷄ŋ o̍ chīɛ̄ī chōo̍ cho̍o̍ wo̍ ni᷄ŋ. 38Ndu̍yɛ̍, Cho̍pā ve̍ le̍vi̍l a̍ Li̍dā chi̍e̍e̍ lē. O̍ ko̍ŋ kɔ̍ɔ̍lī, mɛ̄ɛ̍ ku̍ndā wānāā lāāla᷄ŋnda̍ Cho̍pā a̍ tu̍e̍ī māā Pītɛ̍ cho̍ Li̍dā, ma̍ vīām pūa̍a̍ ā ŋīɔ̍ɔ̍ŋ nāa̍ ndu̍ chu̍a̍ a̍ yōōŋgōo̍ āā, “Yāndi̍i̍ Pītɛ̍, hu̍ŋ chɔ̍ chɔ̍.” 39Mi̍ Pītɛ̍ to̍o̍sīa̍ŋ mbo̍ kūā nda̍ nda̍ā. Mɛ̄ɛ̍ o̍ fu̍u̍lu̍u̍, ma̍ kūā a̍ ndu̍ chīɛ̄ī kōŋ ni᷄ŋ o̍ chīɛ̄ī chōo̍ cho̍o̍ wo̍. Mi̍ wāŋ lāāndūāā pīāāndāā ndāā vī wa̍ bālū Pītɛ̍ a̍ cha᷄ŋnda̍ŋ, mā chɔ̄m ndu̍ dōmāla̍ŋ a̍ nyɛ̄lā chēle̍ŋndā Dɔ̍ka̍sī ndu̍ o̍o̍ to̍o̍sīāl nda̍ la̍ŋ lɔ̍ɔ̍ o̍ wa̍ yōōmū wo̍. 40Mi̍ Pītɛ̍ to̍sā mi̍ nda̍ kpo̍u̍ a̍ fu̍lā o̍ bɛ̍ɛ̄. Mɛ̄ɛ̍ nda̍ fūla̍, mbo̍ bāŋ wūla̍ŋ. Mbo̍ pīɛ̄ī Mɛ̄lɛ̄ka̍. Mɛ̄ɛ̍ o̍ pi̍ɛ̍i̍ Mɛ̄lɛ̄ka̍, mbo̍ mūli᷄ŋ, mbo̍ dīmūl wānā vi̍lɛ̍i̍yo̍ āā, “Tābi̍tā, chɔ̍ŋ.” Mi̍ chūa̍a̍ kūmbī hɔ̄lta̍ŋ. Mɛ̄ɛ̍ o̍ che᷅ Pītɛ̍, mbo̍ cha᷄ŋ mbo̍ chāl. 41Mi̍ Pītɛ̍ sa̍ā ndu̍ bāa̍ mbo̍ sīm. O̍ ko̍ŋ kɔ̍ɔ̍lī, mi̍ Pītɛ̍ vēēlū wānāā lāāla᷄ŋnda̍ a̍ wāŋ lāāndūāā pīāāndāā ndāa̍ vī wa̍. Mbo̍ mīŋgī ndu̍ nda̍ o̍ bā. 42Mi̍ tɔ̍ɔ̍ ko̍ŋ tīū Cho̍pā kpo̍u̍. Ndu̍yɛ̍, mi̍ wāŋnda̍ ta̍u̍ a̍ la̍a̍la᷄ŋ a̍ Ma̍sānɔ̄ɔ̍ Mɛ̄lɛ̄ka̍. 43O̍ ko̍ŋ kɔ̍ɔ̍lī, mi̍ Pītɛ̍ vi̍a̍ū Cho̍pā le̍ pālɛ̍i̍ fa̍ŋgā Sa̍i̍mɔ̄ŋ o̍ bɛ̄ŋgu̍ cho̍o̍, ō ndu̍ o̍o̍ bɛ̍ɛ̍ndīāā ya̍u̍la̍ vīsīāā nda̍ tōōsīāā nyɔ̍ɔ̍ŋ nda̍ŋ ndo̍.
Currently Selected:
Wa̍lta̍ Wānāa̍ Chi̍i̍sūa̍a̍ 9: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Wa̍lta̍ Wānāa̍ Chi̍i̍sūa̍a̍ 9
9
Sɔ̍ɔ̄ si̍mnu᷄ŋ wa̍nā la̍a̍la᷄ŋ
(Wa̍lta̍ Wānāa̍ Chi̍i̍sūa̍a̍ 22:6-16; 26:12-18)
1Kɛ̍ a̍ bōōndi̍i̍ ke̍ŋ, Sɔ̍ɔ̄ wa̍ hīōūwɔ̄ɔ̍ lāchī a̍ bu̍ɛ̍i̍yāa̍ Māsānɔ̄ɔ̍ Mɛ̄lɛ̄ka̍a̍ kɔ̄ŋgɔ̄līa̍ŋnda̍ŋ ta̍u̍ ta̍u̍, le̍ nda̍ dīyɔ̄ɔ̍. Mbo̍ kūā nāa̍ māsa̍ wānāā sōlīāā lāsa̍lāa̍ chūā. 2Mbo̍ nyūnā ndu̍ le̍ yāu̍la̍ŋ. Yāu̍la̍ŋ nda᷅ŋ la̍ a̍a̍ chɔ᷅m wa̍nāa̍ cho̍ chīɛ̄īlā Chu̍ūwa̍ pīɛ̄ī Mɛ̍lɛ̄ka̍la̍ŋ bōlle̍ŋ Dāma̍si̍kɔ̄ɔ̄ chi̍e̍e̍ wa̍ wāna̍ Sɔ̍ɔ̄ cho̍ wo̍ ni̍. Ō tōsa̍ he̍ī māā tē ndu̍ o̍o̍ sa̍a̍lu̍ŋ wa̍nā o̍ wānā pɛ̍, wānā pɔ̍nɔ̍ ni̍, wānā la̍nɔ̍ ni̍, o̍ to᷅l nɛ̄i̍ Chi̍i̍sū dīmi̍ māā wāŋnda̍ kɔ̍ le̍cho̍o̍ wo̍ kɔ̄ɔ̄lī pɛ̍, ndu̍ o̍o̍ bi̍ī ndu̍ a̍ ka̍ka̍ ndu̍ o̍o̍ hi᷅ŋ a̍ ndu̍ Chūlu̍sɛ̄lɛ̄m chi̍e̍e̍.
3O̍ kɔ̄lā ndɔ̄la̍ŋ ni᷄ŋ, mɛ̄ɛ̍ Sɔ̍ɔ̄ wa̍ fūūlūūwo̍ Dāma̍si̍kɔ̄ɔ̄ chi̍e̍e̍, o̍ lē pīlɛ̍ ni᷄ŋ kpe̍, mi̍ pa̍ŋgēlo̍o̍ cha᷄ŋ o̍ ha̍la̍a̍ ni᷄ŋ mbo̍ tīū si̍lɔ̍ nāa̍ o̍ wa̍ wa̍. 4Mbo̍ dēl lɛ̄ŋ. O̍ ko̍ŋ kɔ̍ɔ̍lī, mbo̍ tūɛ̄ī mi̍ dīōmndo̍ dīmūl ndu̍ āā, “Sɔ̍ɔ̄, Sɔ̍ɔ̄, vɛ᷅ ma̍ wā ya̍ nyɛ̄ pālāa̍ tūsīo̍o̍ chōo̍?”
5Mi̍ Sɔ̍ɔ̄ nyūnā āā, “Nūm nɛ̄ɛ̍nɛ̍, Māsānɔ̄ɔ̍?”
Mbo̍ mūlūl ndu̍ āā, “Ya̍ Chi̍i̍sū ni̍, wāna̍ ŋ̄ chō nyɛ̄ pālāa̍ tūsīo̍o̍ chōo̍ wo̍. 6Chɔ̍ŋ ni̍ko̍ mā kūɛ̄ chi̍e̍e̍. Wānā cho̍ lo̍ŋ, mbō chɔ᷄m nu̍m nyɛ̄ ŋ̄ nɔ̄ le̍ tōsāa̍ wo̍.”
7Mi̍ pūa̍a̍ wa̍ kɔ̄la̍ŋ lātūlu̍ a̍ Sɔ̍ɔ̄ wa̍ sīm. Sūɛ̍i̍ bɛ̍ɛ̍ ā nɔ̄la̍ le̍. Ā tūēī bɔ̄ɔ̄lūūwo̍, kɛ̍ ā chi̍ wa̍nā le̍. 8Mi̍ Sɔ̍ɔ̄ cha᷅ŋ lɛ᷅ŋ. Mbo̍ kūmbī hɔ̄lta̍ŋ, kɛ̍ ndu̍ o̍o̍ chi᷅ nyɛ᷅ o̍ nyɛ̄ le̍. Ma̍ sāā ndu̍ bāa̍. Ma̍ kūā a̍ ndu̍ Dāma̍si̍kɔ̄ɔ̄ chi̍e̍e̍. 9Chɔ̍ŋ a̍ bōōndi̍i̍ ke̍ŋ, mbo̍ kūā a̍ pālɛ̍i̍ ī yāa̍ ō chō ō sūmɛ̍i̍, ndu̍yɛ̍, ō di᷅ nyɛ̍ dīāā le̍, kōlɔ̄ɔ̍ bɛ̍ɛ̍ ō ko᷅l te̍.
10Po̍ pi᷅lɛ̍ wa̍ Dāma̍si̍kɔ̄ɔ̄ dīōla̍ŋ āā, Ānāna̍a̍yā. Bu̍ɛ̍i̍ Chi̍i̍sōo̍ o̍ wa̍ ni̍. Mi̍ Ma̍sānɔ̄ɔ̍ Mɛ̄lɛ̄ka̍ vēēlu̍ ndu̍ o̍ yi̍lāŋndo̍ ni᷄ŋ āā, “Ānāna̍a̍yā.”
Mbo̍ chɛ̄l āā, “E̍ī, Māsānɔ̄ɔ̍.”
11Mi̍ Ma̍sānɔ̄ɔ̍ Mɛ̄lɛ̄ka̍ dīmūl ndu̍ āā, “Kɔ̍ o̍ chīɛ̍i̍ Chu̍dā wo̍, o̍ cho̍ o̍ Nɛ̄i̍ sa̍kpōo̍ wo̍, mā nyu̍na̍ le̍ pōo̍ dīōla̍ŋ āā, Sɔ̍ɔ̄, wānā wa̍ā Ta̍a̍sɔ̄ɔ̄ chi̍e̍e̍. Ō chō Mɛ̄lɛ̄ka̍ pīɛ̄īyo̍. 12Ō chē mi̍ po̍ pi᷅lɛ̍ hūŋ o̍ yi̍lāŋndo̍ ni᷄ŋ, dīōla̍ŋ āā, Ānāna̍a̍yā. Mbo̍ hāndū ndu̍ bāla̍ŋ chōo̍ le̍ mbō mīīŋgu̍ vɛ̄lɛ̄ chɔ̄ɔ̍.”
13Mi̍ Ānāna̍a̍yā mu̍lī āā, “Māsānɔ̄ɔ̍ Mɛ̄lɛ̄ka̍, I̍ tu̍e̍ī ni᷅ŋ sɔ̄ɔ̍ŋ fa̍ŋgā a̍ pōo̍ ho̍ō o̍kɔ̄ɔ̄, a̍ dɛ̍nɛ̍ wɔ̍ɔ̍ŋ o̍ to̍sa̍l ni᷅ŋ wānāā nūmnda̍ a̍ cho̍ Chūlu̍sɛ̄lɛ̄m nda̍. 14Ndu̍yɛ̍, ō hīŋ Dāma̍si̍kɔ̄ɔ̄ na̍nu᷄ŋ. Wānāā bɛ̄ndūāā sōlīāā lāsa̍lāa̍, ā ke̍ ndu̍ kpāāyāa̍ le̍ mbō hu᷄ŋ bi̍ī wānā o̍ wāna̍ cho̍ nu̍m pīɛ̄īyo̍.”
15Kɛ̍, mi̍ Ma̍sānɔ̄ɔ̍ Mɛ̄lɛ̄ka̍ dīmūl Ānāna̍a̍yā āā, “Kɔ̍, I̍ hɛ̍li̍ pōo̍ ho̍ō le̍ mbō sāāŋgi̍a̍l la̍, le̍ mbō tōsa̍ mi̍ wānāā cho̍ a̍ Chu̍ū le̍ wa̍, a̍ māsāā nda̍a̍ bɛ̄ndūa̍a̍, a̍ wāŋnda̍ I̍sɔ̄lūɛ̄ī mā sīna̍ ya̍. 16I̍ cho̍ ndu̍ chɔ̄m mɛ̄ɛ̍ kpɛ̍ o̍ sɔ̍lā ni̍ŋ nyɛ̍ pālāa̍ le̍ tōsāa̍ mī wāŋnda̍ sīna̍ ya̍ yɛ̍.”
17Le̍la̍ŋ, mi̍ Ānāna̍a̍yā ku̍ā o̍ chīɛ̄ī kōŋ. Mbo̍ lūɛ̄ī. Mɛ̄ɛ̍ o̍ lu̍ɛ̍ī, mbo̍ hāndū Sɔ̍ɔ̄ bāla̍ŋ chōo̍. Mbo̍ dīmī āā, “Chāa̍ŋ nūu̍ Sɔ̍ɔ̄, Māsānɔ̄ɔ̍ Mɛ̄lɛ̄ka̍ vēm ya̍ nāa̍ nūm chu̍a̍. Chi̍i̍sū, o̍ chɔ̍mnu̍ŋ nūm o̍ nɛ̄ī lɔ̍ɔ̍ ŋ̄ wa̍ hūnɔ̄ɔ̍ na̍nu᷄ŋ ndo̍, ō vēm ya̍ le̍ mā chē vɛ̄lɛ̄, ndu̍yɛ̍, mī Nyi̍na̍ Kāsi̍ Mɛ̄lɛ̄ka̍a̍ tōl nu̍m kɔ̄ɔ̄lī ta̍u̍.” 18O̍ ko̍ŋ kɔ̍ɔ̍lī, mi̍ nyɛ̄la̍ŋ lā fāŋa᷄ŋ ndu̍ o̍ hɔ̄l lē pīlɛ̍ kpe̍ māā lākɛ̄kɛ̍u̍. Mi̍ lā dēlī. Mbo̍ kāndū vɛ̄lɛ̄ chɔ̄ɔ̍. O̍ ko̍ŋ kɔ̍ɔ̍lī, mbo̍ cha᷄ŋ. Ma̍ yīŋ ndu̍. 19Mɛ̄ɛ̍ o̍ de᷅ nyɛ̄ dīa̍a̍, mi̍ dīāllūŋ ndɔ᷄ŋ ŋ̄ sɔ̄lā vɛ̄lɛ̄ kpāāyāa̍.
Sɔ̍ɔ̄ di̍mī sūɛ̍i̍ Mɛ̄lɛ̄kɛ̍i̍ Dāma̍si̍kɔ̄ɔ̄
Mi̍ Sɔ̍ɔ̄ chi̍ī pālɛ̍i̍ ī ti᷄ŋ nda̍ ku̍ndā wānāā lāāla᷄ŋnda̍ Dāma̍si̍kɔ̄ɔ̄. 20Ta̍ma̍la̍ bɛ̍ɛ̍ ō tōsa̍ le̍. Mbo̍ kūā o̍ chīɛ̄īlā Chu̍ūwa̍ pīɛ̄ī Mɛ̍lɛ̄ka̍la̍ŋ. Mbo̍ kāndū wāŋnda̍ chɔ̄mndo̍ māā Chi̍i̍sū ndu̍ cho̍ Po̍ Mɛ̄lɛ̄ka̍a̍ ni̍.
21Mi̍ kɔ̄ndɔ̄fi̍llo̍ bīī wānā o̍ wāna̍ tu̍e̍ī ndu̍ dīōm. Ndu̍yɛ̍, ma̍ kāndū nyūūni̍āŋndo̍ āā, “Ō cho̍ po̍o̍ ho̍ō le̍ wa̍ wānāa̍ tōl Chi̍i̍su̍ kɔ̄ɔ̄lī wa̍ nyɛ̄ pālāa̍ tūsīo̍o̍ chōo̍ Chūlu̍sɛ̄lɛ̄m te̍? Ndu̍yɛ̍, le̍ nda̍ bīyɔ̄ɔ̍ mbō mīīŋgu̍ a̍ nda̍ nāa̍ wānāā bɛ̄ndūāā sōlīāā lāsa̍lāa̍ chūā le̍, o̍ hi᷅ŋ na̍nu᷄ŋ te̍?”
22Kɛ̍ mi̍ sūɛ̍i̍ Mɛ̄lɛ̄kɛ̍i̍ Sɔ̍ɔ̄ wa̍ dīmīo̍o̍ ve̍ ī chɔ̄ɔ̄lū kpāāyāa̍ sɔ̄lā ta̍u̍ ta̍u̍. Mbo̍ chɔ̍m tāāmāsi̍la̍ŋ ha̍a̍a̍, la̍ chɔ᷅m māā Chi̍i̍sū kpe̍e̍kpe̍i̍ cho̍ Ki̍li̍tī, wāna̍ Mɛ̄lɛ̄ka̍ chu̍a̍ būŋgɛ̄i̍ māā ō chō vīōmɔ̄ɔ̄ le̍ wāŋnda̍ pīŋīo̍o̍ wo̍ la̍ŋ. O̍ ko̍ŋ, Chu̍ūwa̍ a̍ wa̍ Dāma̍si̍kɔ̄ɔ̄ wa̍, ā nɔ̄la̍ lɛ̍ mā sōō nyɛ̄ o̍ nyɛ̄ nāa̍ ndu̍ chu̍a̍ le̍.
23Mɛ̄ɛ̍ pālɛ̍i̍ ti᷄ŋ ī hīōū, mi̍ Chu̍ūwa̍ chūūŋgi̍āŋ ma̍ kɛ̄ɛ̄sīāā le̍ Sɔ̍ɔ̄ dīyɔ̄ɔ̍. 24Kɛ̍, mi̍ Sɔ̍ɔ̄ tu̍ɛ̍ī nyɛ̄ nda̍ kɛ̄ɛ̄si̍a̍a̍ wo̍. Ā wa̍ ndu̍ mɛ̄ŋgɛ̄lāa̍ o̍ dīō chi̍o̍o̍ sōndōla̍ŋ īdīi̍ ni̍, īchɔ̄l ni̍, le̍ ndu̍ dīyɔ̄ɔ̍. 25Kɛ̍, mi̍ wānāā ndūa̍a̍ wa̍ ndu̍ kɔ̄ɔ̄lī wa̍ ā tūsī ndu̍ o̍ sāāsāa̍ lēkɔ̍ɔ̍lī o̍ kāmbɛ̍i̍yo̍ ni᷄ŋ a̍ nyūmnda̍ŋ.
Sɔ̍ɔ̄ mi̍i̍ŋgu̍ Chūlu̍sɛ̄lɛ̄m chi̍e̍e̍
26O̍ ko̍ŋ kɔ̍ɔ̍lī, mi̍ Sɔ̍ɔ̄ mi̍i̍ŋgū Chūlu̍sɛ̄lɛ̄m. Mɛ̄ɛ̍ o̍ mi̍i̍ŋgu̍, mbo̍ kīndī le̍ mā wa̍ dīōm pīlɛ̍ nda̍ ku̍ndā wānāā lāāla᷄ŋnda̍. Kɛ̍ ndu̍yɛ̍, nda̍ kpe̍de̍ ma̍ yɔ̄ŋ sīōōŋnde̍ le̍ ndu̍. Kāni̍ fo̍ndōle̍, nda̍ a̍a̍ la̍a̍la̍ŋ māā ō chō wānā la̍a̍la᷄ŋ le̍kɛ̍ndɛ̍i̍ le̍. 27Kɛ̍ o̍ ko̍ŋ kɔ̍ɔ̍lī, mi̍ Ba̍a̍na̍bāā ma̍lā ndu̍. Mbo̍ ku̍ā a̍ ndu̍ o̍ wānāā Chi̍i̍sū ve᷅m hɔ̄ltē ndɔ̄ wa̍ lo̍. Mbo̍ chɔ̄m nda̍ a̍ mɛ̄ɛ̍ Sɔ̍ɔ̄ che᷅ Ma̍sānɔ̄ɔ̍ Mɛ̄lɛ̄ka̍ o̍ nɛ̄i̍ Dāma̍si̍kɔ̄ɔ̄ wo̍ yɛ̍. Mbo̍ chɔ̄m a̍ mɛ̄ɛ̍ Ma̍sānɔ̄ɔ̍ sōō nāa̍ ndu̍ chu̍a̍ yɛ̍. Mbo̍ chɔ̄m a̍ mɛ̄ɛ̍ Sɔ̍ɔ̄ chɔ̍m sūɛ̍i̍ Mɛ̄lɛ̄kɛ̍i̍ a̍ Chi̍i̍sū o̍kɔ̄ɔ̄ kpe̍nde̍ke̍le̍ Dāma̍si̍kɔ̄ɔ̄ yɛ̍. 28Le̍ he̍ī, mi̍ Sɔ̍ɔ̄ si̍mnu᷄ŋ chāa̍ŋ ndā. Mbo̍ bālū bā o̍ bā fe̍e̍ Chūlu̍sɛ̄lɛ̄m. Mbo̍ chɔ̄m dīo̍m Māsānɔ̄ɔ̍ Mɛ̄lɛ̄ka̍a̍ kpe̍nde̍ke̍le̍. 29Mbo̍ sūāā vɛ̄lɛ̄ nāa̍ Chu̍ūwa̍ chūā a̍ di̍mī Ki᷅li̍kīi̍ye̍ wa̍. Ma̍ hīŋa᷅ŋ di̍ōmnda̍ŋ nda̍ nda̍ā a̍ dīo̍m Mɛ̄lɛ̄ka̍a̍ o̍kɔ̄ɔ̄. Kɛ̍ o̍ ko̍ŋ kɔ̍ɔ̍lī, ma̍ kɛ̄ɛ̄sīāā le̍ ndu̍ dīyɔ̄ɔ̍. 30Mɛ̄ɛ̍ wānāā lāāla᷄ŋnda̍ sīna̍ a̍ ndi̍ o̍kɔ̄ɔ̄, ma̍ kūā a̍ Sɔ̍ɔ̄ Sīsāli̍a̍ā chi̍e̍e̍, ma̍ tōsā mbo̍ kūā Ta̍a̍sɔ̄ɔ̄ chi̍e̍e̍.
31O̍ ko̍ŋ, ku̍ndā wānāā lāāla᷄ŋnda̍ o̍ lɛ̄ŋndē Chūdi̍a̍āle̍ŋ ni᷄ŋ, a̍ lɛ̄ŋndē Kāli̍līle̍ŋ, a̍ lɛ̄ŋndē Sāme̍e̍līāāle̍ŋ kpe̍de̍ ma̍ sɔ̄lā kɔ̄l nyūlōo̍ le̍ te̍le̍ŋ ti̍ŋ. Mi̍ Nyi̍na̍ Kāsi̍ Mɛ̄lɛ̄ka̍a̍ tōsā mi̍ ku̍ndā wānāā lāāla᷄ŋnda̍ hīāū lāchī a̍ kpāāyāa̍ sɔ̄lāa̍ o̍ Mɛ̄lɛ̄ka̍ ni᷄ŋ. Mbo̍ tōsā mi̍ wānāā ka̍ ka̍ de᷅l o̍ ku̍ndā wānāā lāāla᷄ŋnda̍ chōo̍. Ndu̍yɛ̍, nda̍ kpe̍de̍ nda̍ a̍a̍ ke᷅ Māsānɔ̄ɔ̍ Mɛ̍lɛ̄ka̍ bɛ̄ɛ̄le̍ŋ o̍ nyɛ̄ o̍ nyɛ̄ ni᷄ŋ nda̍ tōsa̍.
Pītɛ̍ to̍sa̍ kɔ̄ndɔ̄fi̍lta̍ŋ Li̍dā a̍ Cho̍pā chi̍e̍e̍
32Mi̍ Pītɛ̍ ba̍lū o̍ fo̍ndāŋndā fāŋgā fa̍ŋgā. Te̍le̍ŋ pi᷅lɛ̍ mbo̍ kūā wānāa̍ Mɛ̄lɛ̄ka̍a̍ a̍ wa̍ Li̍dā chi̍e̍e̍ ya̍ yīlɔ̄ɔ̄. 33Mbo̍ kōmāl po̍ bɛ̍vɛ̍i̍ pi᷅lɛ̍ lo̍ŋ, dīōla̍ŋ āā, E̍ni̍ɔ̍sī. Le̍ wɔ̄sīla̍ŋ lā ŋɔ̄ma̍a̍ chɔ̄nɔ᷄ŋndo̍ bɛ̍ɛ̍ ō nɔ̍lā le̍. 34Mi̍ Pītɛ̍ di̍mūl ndu̍ āā, “E̍ni̍ɔ̍sī, Chi̍i̍sū Ki̍li̍tī cho̍ nu̍m sīŋgī su̍ŋ su̍ŋ. Chɔ̍ŋ mā sīmbū wāla̍ nūmndo̍.” Mi̍ E̍ni̍ɔ̍sī cha̍ŋ lē pi᷅lɛ̍ kpe̍. 35Mi̍ wāŋnda̍ Li̍dā chi̍e̍e̍ a̍ būŋgɛ̄ī Si̍a̍lɔ̄ŋnde̍ kpe̍de̍ ā chā E̍ni̍ɔ̍sī. O̍ ko̍ŋ kɔ̍ɔ̍lī, ma̍ sīmnu᷄ŋ wa̍nāā lāāla᷄ŋnda̍ o̍ Ma̍sānɔ̄ɔ̍ Mɛ̄lɛ̄ka̍ ni᷄ŋ.
36Chūā pīlɛ̍ wa̍ Cho̍pā chi̍e̍e̍ dīōla̍ŋ āā, Tābi̍tā. Ō wa̍ wānā la̍a̍la᷄ŋndo̍ o̍ Chi̍i̍sū ni̍ŋ. Dīōlā ndɔ̄la̍ŋ o̍ Kīli̍kīi̍ye̍ ni᷄ŋ āā Dɔ̍ka̍sī. Tɛ̄ɛ̄sīāā dīōlā la᷄ŋ la̍ cho̍ ni̍ āā kīa̍llo̍. Le̍ lɔ̍ɔ̍ lɔ̍ɔ̍ chūa̍a̍ ho̍ō chō wāŋnda̍ kɛ̄ndɛ̄i̍ tōsāllo̍, ndu̍yɛ̍, mbō mālā wa̍nāā tāmbɛ̍i̍ya̍. 37A̍ te̍le̍ŋ ko̍ŋ, mi̍ chūa̍a̍ ho̍ō dēl a̍ nāa̍. Mbo̍ wū. Mɛ̄ɛ̍ o̍ vi᷅, ma̍ pūlū ndu̍. Ma̍ yāmbū ndu̍ o̍ lu̍mūi̍yo̍ ni᷄ŋ o̍ chīɛ̄ī chōo̍ cho̍o̍ wo̍ ni᷄ŋ. 38Ndu̍yɛ̍, Cho̍pā ve̍ le̍vi̍l a̍ Li̍dā chi̍e̍e̍ lē. O̍ ko̍ŋ kɔ̍ɔ̍lī, mɛ̄ɛ̍ ku̍ndā wānāā lāāla᷄ŋnda̍ Cho̍pā a̍ tu̍e̍ī māā Pītɛ̍ cho̍ Li̍dā, ma̍ vīām pūa̍a̍ ā ŋīɔ̍ɔ̍ŋ nāa̍ ndu̍ chu̍a̍ a̍ yōōŋgōo̍ āā, “Yāndi̍i̍ Pītɛ̍, hu̍ŋ chɔ̍ chɔ̍.” 39Mi̍ Pītɛ̍ to̍o̍sīa̍ŋ mbo̍ kūā nda̍ nda̍ā. Mɛ̄ɛ̍ o̍ fu̍u̍lu̍u̍, ma̍ kūā a̍ ndu̍ chīɛ̄ī kōŋ ni᷄ŋ o̍ chīɛ̄ī chōo̍ cho̍o̍ wo̍. Mi̍ wāŋ lāāndūāā pīāāndāā ndāā vī wa̍ bālū Pītɛ̍ a̍ cha᷄ŋnda̍ŋ, mā chɔ̄m ndu̍ dōmāla̍ŋ a̍ nyɛ̄lā chēle̍ŋndā Dɔ̍ka̍sī ndu̍ o̍o̍ to̍o̍sīāl nda̍ la̍ŋ lɔ̍ɔ̍ o̍ wa̍ yōōmū wo̍. 40Mi̍ Pītɛ̍ to̍sā mi̍ nda̍ kpo̍u̍ a̍ fu̍lā o̍ bɛ̍ɛ̄. Mɛ̄ɛ̍ nda̍ fūla̍, mbo̍ bāŋ wūla̍ŋ. Mbo̍ pīɛ̄ī Mɛ̄lɛ̄ka̍. Mɛ̄ɛ̍ o̍ pi̍ɛ̍i̍ Mɛ̄lɛ̄ka̍, mbo̍ mūli᷄ŋ, mbo̍ dīmūl wānā vi̍lɛ̍i̍yo̍ āā, “Tābi̍tā, chɔ̍ŋ.” Mi̍ chūa̍a̍ kūmbī hɔ̄lta̍ŋ. Mɛ̄ɛ̍ o̍ che᷅ Pītɛ̍, mbo̍ cha᷄ŋ mbo̍ chāl. 41Mi̍ Pītɛ̍ sa̍ā ndu̍ bāa̍ mbo̍ sīm. O̍ ko̍ŋ kɔ̍ɔ̍lī, mi̍ Pītɛ̍ vēēlū wānāā lāāla᷄ŋnda̍ a̍ wāŋ lāāndūāā pīāāndāā ndāa̍ vī wa̍. Mbo̍ mīŋgī ndu̍ nda̍ o̍ bā. 42Mi̍ tɔ̍ɔ̍ ko̍ŋ tīū Cho̍pā kpo̍u̍. Ndu̍yɛ̍, mi̍ wāŋnda̍ ta̍u̍ a̍ la̍a̍la᷄ŋ a̍ Ma̍sānɔ̄ɔ̍ Mɛ̄lɛ̄ka̍. 43O̍ ko̍ŋ kɔ̍ɔ̍lī, mi̍ Pītɛ̍ vi̍a̍ū Cho̍pā le̍ pālɛ̍i̍ fa̍ŋgā Sa̍i̍mɔ̄ŋ o̍ bɛ̄ŋgu̍ cho̍o̍, ō ndu̍ o̍o̍ bɛ̍ɛ̍ndīāā ya̍u̍la̍ vīsīāā nda̍ tōōsīāā nyɔ̍ɔ̍ŋ nda̍ŋ ndo̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.