GÉNESIS 15
15
Dios tratota ruwan Abramwan
1Chay qhepata Dios parlarqa Abramman mosqoypi jina, nispa: Ama manchachikuychu Abram, noqa qampa jark'ajniyki kani, qampa t'inkaykeqa may chhikapuni kanqa.
2Abramtaj kuticherqa: Señor Dios, imatataj qowankiri? Qan yachashanki waway mana kasqanta, Damascomanta Eliezer kamachiy tukuy imasniytapis jap'ikapunan kasqanta. 3Abram nillarqataj: Qhawariy, Señor, qan mana qowankichu uj wawallatapis, tukuy imay kajtapis wasiypi nacekoj kamachillaychá jap'ikaponqa ari.
4Señortaj kuticherqa: Tukuy imayki kajtaqa kikin wawaykipuni jap'enqa, mana waj runachu.
5Chaymanta Señorqa Abramta jawaman pusarqa, chaypitaj nerqa: Qhawariy allinta cielota, ichapis atiwaj yupayta qoyllurkunata. Ajina kanqa qampa mirayniyki, mana yupay atina.
6Abramqa creerqa Señorpi, chayrayku cheqan runapaj qhawasqa karqa. 7Chaymanta nerqa: Noqa orqhomorqayki Caldea Ur llajtamanta, kay jallp'ata chayaqeykipaj qosunaypaj.
8Chaymanta Abram nerqa: Señor Diosníy, imaynapitaj yachasaj noqapuni kay jallp'ata chayaqeyta jina jap'ikapunaytari?, nispa.
9Diostaj nerqa: Apamuy kinsa watayoj wakata, cabrata, carnerosta ima, jinallataj juruk'utata, paloma irpatawan.
10Abramtaj tukuy kay uywasta apamorqa Señorpa ñaupaqenman, khuskanmanta rak'iraspataj wakinta ujnin chimpanman, wakintataj ujnin chimpanman churarqa, lijrayojkunatari mana rak'erqachu. 11Chay wañuchisqa uywaspa patanmantaj q'arqañas uraykamorqanku, Abramtaj chaykunata phawacherqa. 12Chharpuykushajtintaj Abramqa puñuywan atipachikorqa, laqhaykojtintaj sinch'i manchachikuy payman jamorqa.
13Señortaj payman nerqa: Yachay kayta, mirayniykeqa tiyakonqa runaj llajtampi, chaypitaj runaj kamachisnin, may k'irinchasqastaj kanqanku tawa pachaj watasta. 14Pichus chay jinata ruwaj llajtata jasut'isaj, mirayniykitaj ashkha imas aparisqa llojsenqa. 15Qanqa kusisqa wañupunki, allin machuña kaspa. 16Tawa mita qhepata mirayniykeqa kay jallp'aman kutimullanqataj; imaraykuchus amorreospa sajra ruwaynenqa manaraj kaykamaqa chhikapunichu.
17Allin laqhayaykuytataj rikhurerqa uj horno, mayta q'osñishaj. Uj nina k'anchaytaj chay rak'isqa uywaspa chaupinta kayman jaqayman puriykachasharqa. 18Chay kikimpacha Señorqa uj tratota Abramwan ruwarqa, nispa: Mirayniykiman qosaj kay jallp'ata. Chaytaj kanqa Egipto mayumanta, Eufrates jatun mayukama. 19-21Chay jallp'aqa kashan ceneospata, cenezeospata, cadmoneospata, heteospata, ferezeospata, refaitaspata, amorreospata, cananeospata, gergeseospata, jebuseospata ima.
Currently Selected:
GÉNESIS 15: QCHSB
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
GÉNESIS 15
15
Dios tratota ruwan Abramwan
1Chay qhepata Dios parlarqa Abramman mosqoypi jina, nispa: Ama manchachikuychu Abram, noqa qampa jark'ajniyki kani, qampa t'inkaykeqa may chhikapuni kanqa.
2Abramtaj kuticherqa: Señor Dios, imatataj qowankiri? Qan yachashanki waway mana kasqanta, Damascomanta Eliezer kamachiy tukuy imasniytapis jap'ikapunan kasqanta. 3Abram nillarqataj: Qhawariy, Señor, qan mana qowankichu uj wawallatapis, tukuy imay kajtapis wasiypi nacekoj kamachillaychá jap'ikaponqa ari.
4Señortaj kuticherqa: Tukuy imayki kajtaqa kikin wawaykipuni jap'enqa, mana waj runachu.
5Chaymanta Señorqa Abramta jawaman pusarqa, chaypitaj nerqa: Qhawariy allinta cielota, ichapis atiwaj yupayta qoyllurkunata. Ajina kanqa qampa mirayniyki, mana yupay atina.
6Abramqa creerqa Señorpi, chayrayku cheqan runapaj qhawasqa karqa. 7Chaymanta nerqa: Noqa orqhomorqayki Caldea Ur llajtamanta, kay jallp'ata chayaqeykipaj qosunaypaj.
8Chaymanta Abram nerqa: Señor Diosníy, imaynapitaj yachasaj noqapuni kay jallp'ata chayaqeyta jina jap'ikapunaytari?, nispa.
9Diostaj nerqa: Apamuy kinsa watayoj wakata, cabrata, carnerosta ima, jinallataj juruk'utata, paloma irpatawan.
10Abramtaj tukuy kay uywasta apamorqa Señorpa ñaupaqenman, khuskanmanta rak'iraspataj wakinta ujnin chimpanman, wakintataj ujnin chimpanman churarqa, lijrayojkunatari mana rak'erqachu. 11Chay wañuchisqa uywaspa patanmantaj q'arqañas uraykamorqanku, Abramtaj chaykunata phawacherqa. 12Chharpuykushajtintaj Abramqa puñuywan atipachikorqa, laqhaykojtintaj sinch'i manchachikuy payman jamorqa.
13Señortaj payman nerqa: Yachay kayta, mirayniykeqa tiyakonqa runaj llajtampi, chaypitaj runaj kamachisnin, may k'irinchasqastaj kanqanku tawa pachaj watasta. 14Pichus chay jinata ruwaj llajtata jasut'isaj, mirayniykitaj ashkha imas aparisqa llojsenqa. 15Qanqa kusisqa wañupunki, allin machuña kaspa. 16Tawa mita qhepata mirayniykeqa kay jallp'aman kutimullanqataj; imaraykuchus amorreospa sajra ruwaynenqa manaraj kaykamaqa chhikapunichu.
17Allin laqhayaykuytataj rikhurerqa uj horno, mayta q'osñishaj. Uj nina k'anchaytaj chay rak'isqa uywaspa chaupinta kayman jaqayman puriykachasharqa. 18Chay kikimpacha Señorqa uj tratota Abramwan ruwarqa, nispa: Mirayniykiman qosaj kay jallp'ata. Chaytaj kanqa Egipto mayumanta, Eufrates jatun mayukama. 19-21Chay jallp'aqa kashan ceneospata, cenezeospata, cadmoneospata, heteospata, ferezeospata, refaitaspata, amorreospata, cananeospata, gergeseospata, jebuseospata ima.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.