GÉNESIS 34
34
Dinaj honran t'akasqa, kutichisqataj
1Leaj ususin Dina, Jacobpa wawan, chay llajtayoj sipaskunata watukoj rerqa. 2Chaypitaj payta rikorqa heveo Hamorpa wawan Siquem, chay llajtamanta kuraj kaj, pusaspataj mana munashajtin puñuykuspa honranta t'akarqa. 3Chaywampis anchatapuni munapayarqa Leaj wawan Dinata casarakuytapuni munaspa, imaymanatataj ruwarqa munachikuyta munaspa. 4Chayrayku Siquemqa tatan Hamorman nerqa: Mañaqampuway chay sipasta, paywan casaraytapuni munani.
5Jacob yacharqa ususin Dinaj honranta Siquem t'akasqanta; wawasnin uywasninta orqopi michimushasqankuraykutaj, mana imata nerqachu chayamunankukama. 6Chaykamataj Siquempa tatan Hamor Jacobwan parlaj rerqa.
7Chaymantaraj Jacobpa wawasnin chayamorqanku campomanta. Imachus kasqanta yachaspataj mayta phiñakorqanku; imaraykuchus Israel ayllupaj manchay p'enqay karqa, Jacobpa ususinwan mana munashajtin Siquem puñuykusqan. Chaytaqa mana ruwana kajtapuni ruwarqa. 8Chaymanta Hamor paykunaman nerqa: Waway Siquem may jinatapuni munashan ususiykichejwan casarakuyta; chayrayku mañakuykichej ari, warmin kanampaj qonaykichejta. 9Qankuna kaychej ari noqaykoj ayllusniyku; ajinamanta noqayku ususisniykichejwan casarasqayku, jinallataj qankunapis ususisniykuwan casarakunkichej. 10Noqaykuwan tiyakuychej. Jallp'atapis munasqaykichejta llank'akuychej, chaypi tiyakuychej, imatapis munasqaykichejta rantikuychej, vendeychej, jallp'astapis munasqaykichejta rantikuychej.
11Chaymantataj Siquemñataj nerqa Dinaj tatanman, wauqesninmanwan: Noqa mañakuykichej, iyau niwaychej ari. Imatachá mañakuwasqaykichejta qosqaykichej. 12Mana imananchu mashkhatachus mañakuwasqaykichejqa, ashkha imasta waqesqaykichej. Chayrayku saqeychej ari sipas noqawan casarakojta.
13-14Jacobpa wawasnintaj pananku Dinata honranta Siquem t'akasqanrayku, payman, tatan Hamormanwan llullakuspa nerqanku: Noqaykoqa panaykuta mana qoyta atiykumanchu mana circuncidasqa runasmanqa, kayqa noqaykupaj mana allinchu, uj p'enqay. 15Manachayqa qoyta atiykuman kayta ruwanaykichej kajtin: Qankuna noqayku jina kanaykichej tiyan; niyta munan tukuy qharis qankuna ukhupi circuncidachikuchunku. 16Chaymantaraj ususisniykuwan casarayta atinkichej; jinallataj noqaykupis ususisniykichejwan casarayta atisqayku. Jinaspataj khuska tiyasunchej, uj llajtallatataj ruwasunchej. 17Sichus mana circuncidakuy nisqaykuta ruwankichej chayqa, kaymanta ripusqayku, ususisniykutapis pusakapusqayku.
18Hamorwan Siquem wawanwanqa, yasta, chaytaqa ruwasqayku nerqanku. 19Chay waynataj usqhayllata circuncidachikorqa, imaraykuchus Jacobpa ususinta anchatapuni munakorqa. Chantapis Siquem may sumajpaj qhawasqa karqa ayllun ukhupi. 20-21Chaymantataj tatan Hamorwan rerqanku llajta punkuman, maypichus tukuy ima rantinasmanta, vendenasmantawan parlaj kanku chayman. Chaypitaj nerqanku chaypi tiyakojkunaman: Kay qharisqa noqanchejpa kausaqesninchej. Paykuna noqanchejwan tiyakonqanku, atenqanku rantiyta, vendeytapis; chaypaj jallp'asninchejqa jatuchaj. Chantapis ususisninkuwan casarayta atinchej, jinallataj paykunapis ususisninchejwan casaranqanku. 22Uj ayllulla kananchejpajrí, ninku noqanchejpis paykuna jina ruwananchejta, chaytaj kashan: Tukuy noqanchej ukhupi kajkuna qharis circuncidachikunanchejta, paykuna ruwayta yachasqankuman jina. 23Tukuy kapuyninku, uywasninku ima noqanchejpata kanqa. Noqanchejqa ari, ninallanchej tiyan, chaymanta paykunaqa noqanchejwan tiyakonqanku.
24Tukuy qharis maqanakuyman llojsejkuna Hamorta, wawan Siquemtawan kasorqanku. Jinaspataj tukuyninku qharis circuncidachikorqanku. 25Kinsa p'unchayninmantaj Jacobpa wawasnin, Dinaj turasnin, Simeonwan Leviwan llajtaman jamuspa, tukuy qharista wañuracherqanku espadawan, circuncidachikusqankumanta nanaywan kashajtinku; nitaj pipis paykunawan maqanakoj karqachu. 26Hamorta wawan Siquemtapis espadawan t'ojsispa wañuracherqanku; jinaspataj Dinata Siquempa wasinmanta orqhomuytawan pusarikuspa riporqanku. 27Jacobpa wakin wawasnintaj jamuspa wañusqaspa patasninta llajtaman yaykuspa sakeyarqanku, panankoj honranta t'akasqanmanta aynita kutichispa. 28Aparqanku ovejasta, wakasta, burrosta ima llajtamanta campomantawan. 29Wasinmanta tukuy imasninkutawan orqhorarqanku, warmista wawastapis presosta aparqanku. 30Jacobtaj Simeonman Levimanwan nerqa: Kunanqa qankuna mana allinman churaykuwankichej. Kaynejpi tukuy tiyakojkuna, cananeos, fereseos ima chejnikuwanqanku. Tantaykukuspataj noqaj contrayta muyuykamuwanqanku, pisi runasniyojta rikuwaspataj wañuchiwanqanku, jinallataj familiaytapis.
31Paykunataj kuticherqanku: Chaypachaqa panaykuta uj sajra purej warmita jina imatapis ruwallanqankuchu?
Currently Selected:
GÉNESIS 34: QCHSB
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
GÉNESIS 34
34
Dinaj honran t'akasqa, kutichisqataj
1Leaj ususin Dina, Jacobpa wawan, chay llajtayoj sipaskunata watukoj rerqa. 2Chaypitaj payta rikorqa heveo Hamorpa wawan Siquem, chay llajtamanta kuraj kaj, pusaspataj mana munashajtin puñuykuspa honranta t'akarqa. 3Chaywampis anchatapuni munapayarqa Leaj wawan Dinata casarakuytapuni munaspa, imaymanatataj ruwarqa munachikuyta munaspa. 4Chayrayku Siquemqa tatan Hamorman nerqa: Mañaqampuway chay sipasta, paywan casaraytapuni munani.
5Jacob yacharqa ususin Dinaj honranta Siquem t'akasqanta; wawasnin uywasninta orqopi michimushasqankuraykutaj, mana imata nerqachu chayamunankukama. 6Chaykamataj Siquempa tatan Hamor Jacobwan parlaj rerqa.
7Chaymantaraj Jacobpa wawasnin chayamorqanku campomanta. Imachus kasqanta yachaspataj mayta phiñakorqanku; imaraykuchus Israel ayllupaj manchay p'enqay karqa, Jacobpa ususinwan mana munashajtin Siquem puñuykusqan. Chaytaqa mana ruwana kajtapuni ruwarqa. 8Chaymanta Hamor paykunaman nerqa: Waway Siquem may jinatapuni munashan ususiykichejwan casarakuyta; chayrayku mañakuykichej ari, warmin kanampaj qonaykichejta. 9Qankuna kaychej ari noqaykoj ayllusniyku; ajinamanta noqayku ususisniykichejwan casarasqayku, jinallataj qankunapis ususisniykuwan casarakunkichej. 10Noqaykuwan tiyakuychej. Jallp'atapis munasqaykichejta llank'akuychej, chaypi tiyakuychej, imatapis munasqaykichejta rantikuychej, vendeychej, jallp'astapis munasqaykichejta rantikuychej.
11Chaymantataj Siquemñataj nerqa Dinaj tatanman, wauqesninmanwan: Noqa mañakuykichej, iyau niwaychej ari. Imatachá mañakuwasqaykichejta qosqaykichej. 12Mana imananchu mashkhatachus mañakuwasqaykichejqa, ashkha imasta waqesqaykichej. Chayrayku saqeychej ari sipas noqawan casarakojta.
13-14Jacobpa wawasnintaj pananku Dinata honranta Siquem t'akasqanrayku, payman, tatan Hamormanwan llullakuspa nerqanku: Noqaykoqa panaykuta mana qoyta atiykumanchu mana circuncidasqa runasmanqa, kayqa noqaykupaj mana allinchu, uj p'enqay. 15Manachayqa qoyta atiykuman kayta ruwanaykichej kajtin: Qankuna noqayku jina kanaykichej tiyan; niyta munan tukuy qharis qankuna ukhupi circuncidachikuchunku. 16Chaymantaraj ususisniykuwan casarayta atinkichej; jinallataj noqaykupis ususisniykichejwan casarayta atisqayku. Jinaspataj khuska tiyasunchej, uj llajtallatataj ruwasunchej. 17Sichus mana circuncidakuy nisqaykuta ruwankichej chayqa, kaymanta ripusqayku, ususisniykutapis pusakapusqayku.
18Hamorwan Siquem wawanwanqa, yasta, chaytaqa ruwasqayku nerqanku. 19Chay waynataj usqhayllata circuncidachikorqa, imaraykuchus Jacobpa ususinta anchatapuni munakorqa. Chantapis Siquem may sumajpaj qhawasqa karqa ayllun ukhupi. 20-21Chaymantataj tatan Hamorwan rerqanku llajta punkuman, maypichus tukuy ima rantinasmanta, vendenasmantawan parlaj kanku chayman. Chaypitaj nerqanku chaypi tiyakojkunaman: Kay qharisqa noqanchejpa kausaqesninchej. Paykuna noqanchejwan tiyakonqanku, atenqanku rantiyta, vendeytapis; chaypaj jallp'asninchejqa jatuchaj. Chantapis ususisninkuwan casarayta atinchej, jinallataj paykunapis ususisninchejwan casaranqanku. 22Uj ayllulla kananchejpajrí, ninku noqanchejpis paykuna jina ruwananchejta, chaytaj kashan: Tukuy noqanchej ukhupi kajkuna qharis circuncidachikunanchejta, paykuna ruwayta yachasqankuman jina. 23Tukuy kapuyninku, uywasninku ima noqanchejpata kanqa. Noqanchejqa ari, ninallanchej tiyan, chaymanta paykunaqa noqanchejwan tiyakonqanku.
24Tukuy qharis maqanakuyman llojsejkuna Hamorta, wawan Siquemtawan kasorqanku. Jinaspataj tukuyninku qharis circuncidachikorqanku. 25Kinsa p'unchayninmantaj Jacobpa wawasnin, Dinaj turasnin, Simeonwan Leviwan llajtaman jamuspa, tukuy qharista wañuracherqanku espadawan, circuncidachikusqankumanta nanaywan kashajtinku; nitaj pipis paykunawan maqanakoj karqachu. 26Hamorta wawan Siquemtapis espadawan t'ojsispa wañuracherqanku; jinaspataj Dinata Siquempa wasinmanta orqhomuytawan pusarikuspa riporqanku. 27Jacobpa wakin wawasnintaj jamuspa wañusqaspa patasninta llajtaman yaykuspa sakeyarqanku, panankoj honranta t'akasqanmanta aynita kutichispa. 28Aparqanku ovejasta, wakasta, burrosta ima llajtamanta campomantawan. 29Wasinmanta tukuy imasninkutawan orqhorarqanku, warmista wawastapis presosta aparqanku. 30Jacobtaj Simeonman Levimanwan nerqa: Kunanqa qankuna mana allinman churaykuwankichej. Kaynejpi tukuy tiyakojkuna, cananeos, fereseos ima chejnikuwanqanku. Tantaykukuspataj noqaj contrayta muyuykamuwanqanku, pisi runasniyojta rikuwaspataj wañuchiwanqanku, jinallataj familiaytapis.
31Paykunataj kuticherqanku: Chaypachaqa panaykuta uj sajra purej warmita jina imatapis ruwallanqankuchu?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.