SAN JUAN 9
9
Ciegota Jesús thañichin
1Jesús rishaspa rikorqa uj runata nacisqanmantapacha ciegota. 2Yachachisqasnintaj payta taporqanku: Maestro, imajtintaj kay runaqa ciego nacikorqa? Tatasninchu juchallerqanku, chayrí paychu?
3Jesustaj kuticherqa: Mana paychu juchallikorqa, nitaj tatasninchu, astawanqa chay jina nacerqa, Diospa ruwanasnin paynejta rikuchisqas kanankupaj. 4P'unchayraj kashajtin, kachamuwajniypa ruwanasninta ruwanaypuni tiyan; tutaqa chayamushanña, chaypachataj ni pi llank'ayta atenqachu. 5Mundopi kanaykamaqa mundoj k'anchaynin kani.
6Chayta niytawan, thoqayninwan uj chhika t'uruta ruwaspa, ciego runaj ñawisninman jawiykorqa. 7Chantá payman nerqa: Kunanqa riy, Siloé estanquepi mayllakamuy; Siloé niyta munan kachasqa.
Ciego runataj rispa mayllakamorqa, qhawashajtaj kutimorqa. 8Chantá kausaqesnin, tukuy payta ciego kashajtillanraj rejsejkuna nerqanku: Manachu kayqa, tiyakuspa mañakoj karqa?
9Wakin runas nerqanku: Arí, paypuni. Wakintaj nerqanku: Mana paychu. Wajkunataj, payman rijch'akun nerqanku.
Paytaj nerqa: Arí, noqa kani.
10Chaymantá taporqanku: Imaynamantataj ñawisniyki kicharikorqankuri?
11Paytaj kutichispa nerqa: Chay Jesús sutiyoj runa, t'uruta ruwaspa ñawisniyman jawiykuwarqa, niwarqataj: Siloeman rispa mayllakamuy. Rispataj mayllakamorqani, chay kikimpachataj qhawarerqani.
12Chantá taporqanku: Kunan maypitaj chay runari?
Paytaj kuticherqa: Mana yachanichu, nispa.
Fariseos tapunku qhawarej ciegota
13Ciego karqa chay runata, fariseospa ñaupaqenkuman pusarqanku. 14Samakuna p'unchay karqa, maypachachus Jesús, t'uruta wakichispa ciego runaj ñawisninta qhawaricherqa chaypacha. 15Fariseos ujtawan payta tapullarqankutaj imaynamantachus ñawisnin qhawarisqanta. Paytaj kuticherqa: T'uruwan ñawisniyman churaykuwarqa, chantá mayllakamorqani, kunantaj rikuni, nispa.
16Chaypacha wakin fariseos nerqanku: Chayta ruwaj runaqa mana Diosmantachu kanman; payqa samakuna p'unchayta mana waqaychanchu.
Wakintaj nisharqanku: Imaynatataj uj juchasapa runa, chay jina milagrosta ruwanmanri?
Ajinamanta paykunapurapi t'aqanakuy karqa. 17Chantá ujtawan ciego karqa chay runata tapullarqankutaj: Qanrí, ima ninkitaj, ñawisniykita qhawaricherqa chay runamanta?
Paytaj nerqa: Noqa nini profeta kasqanta.
18Judiostaj mana creerqankuchu, chay runa ñaupajta ciego kasqanta, imaynamantachus rikusqanta ima; chayrayku tatanta mamantawan wajyacherqanku. 19Paykunatataj taporqanku: Kaychu ciego nacikorqa ninkichej chay wawaykichejqa? Imaynamantataj kunan rikunri?
20Tatasnintaj kutichispa nerqanku: Arí, ciego nacikorqa. Chay wawayku payqa. 21Mana yachaykuchu imaynamantachus kunan pay rikun, chayrí pichus ñawisninta kicharerqa. Payqa machu runaña. Payta tapuychej, willasonqachejtaj pay kikinmanta.
22Jinata tatasninku nerqanku, judiosta manchachikuspa. Judíos parlanakorqankuña, pillapis Jesusta Mesías kasqanta ninman chaytaqa, sinagogamante wijch'unankuta. 23Chayrayku tatasnin nerqanku: Payqa machu runaña, payta tapuychej, nispa.
24Judiostaj watejmanta wajyarqanku ciego karqa chay runata, nerqankutaj: Diosta yupaychay; noqayku yachayku chay runaqa juchasapa kasqanta.
25Chaypacha pay kutichispa nerqa: Noqa mana yachanichu, juchasapachus manachus kasqanta. Ujta yachani: Ñaupajta ciego karqani, kunantaj qhawariniña.
26Ujtawan tapullarqankutaj: Imanasorqataj? Imaynamantataj ñawisniykita kicharerqa?
27Paykunamantaj kuticherqa: Willarqaykichejña, qankunataj mana uyariwarqankichejchu. Imapajtaj ujtawan willanayta munankichejri? Qankunapis yachachisqasnin kaytachu munankichej?
28Chantá payta k'amerqanku, nerqankutaj: Qanmá chay runaj yachachisqan kanki; noqaykoqa Moisespa yachachisqasnin kayku. 29Noqayku yachayku Moisesman Dios parlasqanta; chay runamantarí, mana yachaykuchu maymantachus kasqanta.
30Ciego karqa chay runataj nerqa: Chayqa t'ukunapaj jina; qankuna mana yachankichejchu maymantachus chay runa kasqanta; paytaj noqaj ñawisniyta kichariwarqa. 31Allinta yachaychej, Diosqa juchasapasta mana uyarisqanta. Pichus Diosta yupaychan, munaynintataj ruwan, chayta pay uyarin. 32Qallariymantapacha, mana jayk'ajpis uyarikorqachu uj ciego nacikojpa ñawisninta pipis kicharisqan. 33Manachus Diosmanta chay runa kanman chayqa, mana imatapis ruwayta atinmanchu karqa.
34Paykunataj kutichispa nerqanku: Qanqa juchawan junt'asqa nacerqanki, qanchu noqaykuman yachachiwasqayku?
Jawamantaj payta qharqorqanku.
Espiritupi ciegos kajkuna
35Jesustaj uyarerqa chay runata jawaman qharqosqankuta. Taripaytawantaj payman nerqa: Creenkichu Runaj Churimpi?
36Chay runataj kutichispa nerqa: Señor, pitaj payri, paypi creenaypaj?
37Jesustaj kuticherqa: Ñapis rikunkiña. Noqa kani, qanwantaj parlashani.
38Paytaj: Creeni, Señor, nispa; Jesuspa ñaupaqempi qonqoriykukorqa.
39Jesustaj nerqa: Kay mundoman jamorqani juiciopaj, mana rikojkuna rikunankupaj, rikojkunataj ciegoyanankupaj.
40Paywan kasharqanku chay fariseosmanta, wakin chayta uyarispa nerqanku: Chantá noqaykupis ciegosllatajchu kayku?, nispa.
41Jesús kutichispa nerqa: Ciegos kawajchej chayqa, mana juchayojchu kawajchej; astawanqa rikuyku nisqaykichejrayku juchaykichej qankunapi kashan.
Currently Selected:
SAN JUAN 9: QCHSB
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN JUAN 9
9
Ciegota Jesús thañichin
1Jesús rishaspa rikorqa uj runata nacisqanmantapacha ciegota. 2Yachachisqasnintaj payta taporqanku: Maestro, imajtintaj kay runaqa ciego nacikorqa? Tatasninchu juchallerqanku, chayrí paychu?
3Jesustaj kuticherqa: Mana paychu juchallikorqa, nitaj tatasninchu, astawanqa chay jina nacerqa, Diospa ruwanasnin paynejta rikuchisqas kanankupaj. 4P'unchayraj kashajtin, kachamuwajniypa ruwanasninta ruwanaypuni tiyan; tutaqa chayamushanña, chaypachataj ni pi llank'ayta atenqachu. 5Mundopi kanaykamaqa mundoj k'anchaynin kani.
6Chayta niytawan, thoqayninwan uj chhika t'uruta ruwaspa, ciego runaj ñawisninman jawiykorqa. 7Chantá payman nerqa: Kunanqa riy, Siloé estanquepi mayllakamuy; Siloé niyta munan kachasqa.
Ciego runataj rispa mayllakamorqa, qhawashajtaj kutimorqa. 8Chantá kausaqesnin, tukuy payta ciego kashajtillanraj rejsejkuna nerqanku: Manachu kayqa, tiyakuspa mañakoj karqa?
9Wakin runas nerqanku: Arí, paypuni. Wakintaj nerqanku: Mana paychu. Wajkunataj, payman rijch'akun nerqanku.
Paytaj nerqa: Arí, noqa kani.
10Chaymantá taporqanku: Imaynamantataj ñawisniyki kicharikorqankuri?
11Paytaj kutichispa nerqa: Chay Jesús sutiyoj runa, t'uruta ruwaspa ñawisniyman jawiykuwarqa, niwarqataj: Siloeman rispa mayllakamuy. Rispataj mayllakamorqani, chay kikimpachataj qhawarerqani.
12Chantá taporqanku: Kunan maypitaj chay runari?
Paytaj kuticherqa: Mana yachanichu, nispa.
Fariseos tapunku qhawarej ciegota
13Ciego karqa chay runata, fariseospa ñaupaqenkuman pusarqanku. 14Samakuna p'unchay karqa, maypachachus Jesús, t'uruta wakichispa ciego runaj ñawisninta qhawaricherqa chaypacha. 15Fariseos ujtawan payta tapullarqankutaj imaynamantachus ñawisnin qhawarisqanta. Paytaj kuticherqa: T'uruwan ñawisniyman churaykuwarqa, chantá mayllakamorqani, kunantaj rikuni, nispa.
16Chaypacha wakin fariseos nerqanku: Chayta ruwaj runaqa mana Diosmantachu kanman; payqa samakuna p'unchayta mana waqaychanchu.
Wakintaj nisharqanku: Imaynatataj uj juchasapa runa, chay jina milagrosta ruwanmanri?
Ajinamanta paykunapurapi t'aqanakuy karqa. 17Chantá ujtawan ciego karqa chay runata tapullarqankutaj: Qanrí, ima ninkitaj, ñawisniykita qhawaricherqa chay runamanta?
Paytaj nerqa: Noqa nini profeta kasqanta.
18Judiostaj mana creerqankuchu, chay runa ñaupajta ciego kasqanta, imaynamantachus rikusqanta ima; chayrayku tatanta mamantawan wajyacherqanku. 19Paykunatataj taporqanku: Kaychu ciego nacikorqa ninkichej chay wawaykichejqa? Imaynamantataj kunan rikunri?
20Tatasnintaj kutichispa nerqanku: Arí, ciego nacikorqa. Chay wawayku payqa. 21Mana yachaykuchu imaynamantachus kunan pay rikun, chayrí pichus ñawisninta kicharerqa. Payqa machu runaña. Payta tapuychej, willasonqachejtaj pay kikinmanta.
22Jinata tatasninku nerqanku, judiosta manchachikuspa. Judíos parlanakorqankuña, pillapis Jesusta Mesías kasqanta ninman chaytaqa, sinagogamante wijch'unankuta. 23Chayrayku tatasnin nerqanku: Payqa machu runaña, payta tapuychej, nispa.
24Judiostaj watejmanta wajyarqanku ciego karqa chay runata, nerqankutaj: Diosta yupaychay; noqayku yachayku chay runaqa juchasapa kasqanta.
25Chaypacha pay kutichispa nerqa: Noqa mana yachanichu, juchasapachus manachus kasqanta. Ujta yachani: Ñaupajta ciego karqani, kunantaj qhawariniña.
26Ujtawan tapullarqankutaj: Imanasorqataj? Imaynamantataj ñawisniykita kicharerqa?
27Paykunamantaj kuticherqa: Willarqaykichejña, qankunataj mana uyariwarqankichejchu. Imapajtaj ujtawan willanayta munankichejri? Qankunapis yachachisqasnin kaytachu munankichej?
28Chantá payta k'amerqanku, nerqankutaj: Qanmá chay runaj yachachisqan kanki; noqaykoqa Moisespa yachachisqasnin kayku. 29Noqayku yachayku Moisesman Dios parlasqanta; chay runamantarí, mana yachaykuchu maymantachus kasqanta.
30Ciego karqa chay runataj nerqa: Chayqa t'ukunapaj jina; qankuna mana yachankichejchu maymantachus chay runa kasqanta; paytaj noqaj ñawisniyta kichariwarqa. 31Allinta yachaychej, Diosqa juchasapasta mana uyarisqanta. Pichus Diosta yupaychan, munaynintataj ruwan, chayta pay uyarin. 32Qallariymantapacha, mana jayk'ajpis uyarikorqachu uj ciego nacikojpa ñawisninta pipis kicharisqan. 33Manachus Diosmanta chay runa kanman chayqa, mana imatapis ruwayta atinmanchu karqa.
34Paykunataj kutichispa nerqanku: Qanqa juchawan junt'asqa nacerqanki, qanchu noqaykuman yachachiwasqayku?
Jawamantaj payta qharqorqanku.
Espiritupi ciegos kajkuna
35Jesustaj uyarerqa chay runata jawaman qharqosqankuta. Taripaytawantaj payman nerqa: Creenkichu Runaj Churimpi?
36Chay runataj kutichispa nerqa: Señor, pitaj payri, paypi creenaypaj?
37Jesustaj kuticherqa: Ñapis rikunkiña. Noqa kani, qanwantaj parlashani.
38Paytaj: Creeni, Señor, nispa; Jesuspa ñaupaqempi qonqoriykukorqa.
39Jesustaj nerqa: Kay mundoman jamorqani juiciopaj, mana rikojkuna rikunankupaj, rikojkunataj ciegoyanankupaj.
40Paywan kasharqanku chay fariseosmanta, wakin chayta uyarispa nerqanku: Chantá noqaykupis ciegosllatajchu kayku?, nispa.
41Jesús kutichispa nerqa: Ciegos kawajchej chayqa, mana juchayojchu kawajchej; astawanqa rikuyku nisqaykichejrayku juchaykichej qankunapi kashan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.