SAN LUCAS 8
8
Jesusta yanapajkuna warmis
1-3Chaymanta, Jesús rerqa tukuy llajtasman, ranchosman ima, predicaspa, willaspataj Diospa reinompa evangelionta. Chunka iskayniyoj yachachisqasnintaj wakin warmiswan ima paywan khuska karqanku. Chay warmisqa sajra espiritusmanta, onqoykunamanta ima thañichisqas karqanku: María Magdalena, pimantachus qanchis sajra espíritus llojserqanku; Juana, Cuzaj warmin. Chay Cuzaqa Herodespa mayordomon karqa. Chanta Susana, ashkha warmis ima pikunachus kapuyninkuwan Jesusta yanapaj kanku.
Muju tarpojmanta
(Mt 13.1-9; Mr 4.1-9)
4Ashkha runa Jesusman jamorqa sapa llajtamanta; tantakojtinkutaj, uj rijch'anachina yachachiyta willarqa. 5Uj tarpoj runa, mujuta tarpoj llojserqa. Tarpushajtintaj, wakin muju urmarqa ñannejman, sarorqankutaj; chanta p'isqos jamuspa mikhukaporqanku. 6Wakin kajtaj urmarqa rumiraraman, llojsimuspataj ch'akiporqanku mana joq'o kasqanrayku. 7Wakin mujustaj khishkas chaupiman urmarqanku, khishkastaj k'irincharqanku. 8Wakin mujutaj urmarqa sumaj jallp'aman; p'utumuspataj poqorqa pachajta sapa mujumanta. Kayta niytawantaj, aswan jatunmanta nerqa: Ningrisniyoj kaspaqa uyariychej.
Imapajtaj rijch'anachinasri?
(Mt 13.10-17; Mr 4.10-12)
9Chantá yachachisqasnin taporqanku: Ima niytataj munan kay rijch'anachinari?, nispa. 10Paytaj nerqa: Qankunamanqa Dios rejsichisunkichej reinompa pakasqa yachaykunasninta; wajkunamanrí rijch'anachinaswan parlan, qhawashaspa mana rikunankupaj, uyarishaspapis mana entiendenankupaj.
Jesús sut'inchan tarpoj runamanta
(Mt 13.18-23; Mr 4.13-20)
11Chay rijch'anachinaqa kayta niyta munan: Mujoqa Diospa palabranwan ninakun. 12Ñanman urmajkunaqa Diospa palabranta uyarejkuna kanku; supaytaj jamuspa, sonqonkumanta Diospa palabranta orqhon, ama creenankupaj, nitaj salvasqas kanankupaj. 13Rumiraraman urmaj mujustaj, rijch'akunku uyarejkunaman; chaykunataj Diospa palabranta kusiywan jap'inku. Paykunataj mana allin saphichasqa kasqankurayku, pisi tiempollata creenku; phutiy jamojtintaj ithirikapunku. 14Khishkas ukhuman urmajtaj, Diospa palabranta uyarejkunawan ninakun; paykunaqa kay pacha imaswan, qhapaj kaykunaswan, aychankoj munayninwan ima atipachikunku; chayraykutaj poqoyta mana apankuchu. 15Sumaj jallp'api tarpusqa mujutaj ninakun, pikunachus sumaj sonqowan, cheqan yuyaywantaj Diospa palabranta uyarinku, jap'ispataj, pacienciawan sumaj poqoyta apanku.
K'anchanamanta
(Mr 4.21-25)
16Mana pipis k'anchayta jap'ichispa wich'iwan pakaykunchu, nitaj cama uraman churaykunchu; astawanqa pataman churan, yaykojkuna k'anchayta rikunankupaj. 17Mana imapis pakasqa kanchu mana rikuchikojqa; nitaj pakasqallapuni kayta atinchu mana yachakoj, nitaj sut'inchakojqa.
18Chaynejta, allinta uyariychej ari: Kapuyniyojmanqa astawan qosqa kanqa; mana kapuyniyojmantataj kapusqanta yuyasqampis qhechusqa kanqa.
Jesuspa maman wauqesnin ima
(Mt 12.46-50; Mr 3.31-35)
19Jesuspa maman wauqesnin ima jamorqanku payman, manataj qayllaykuyta aterqankuchu runa k'iski kasqanrayku. 20Willarqankutaj Jesusman: Mamayki wauqesniykiwan jawapi mask'ashasunku qanwan tinkuyta munaspa.
21Paytaj kuticherqa: Mamaywan wauqesniywanqa kanku pikunachus Diospa palabranta uyarinku, ruwankutaj chaykuna.
Jesús thañichin sinch'i para wayrata
(Mt 8.23-27; Mr 4.35-41)
22Uj p'unchay Jesús boteman yaykorqa yachachisqasninwan, nerqataj: Jakuchej kay qochaj chimpanman.
Rerqankutaj. 23Botepi rishajtinkutaj Jesús puñurpayarqa, jinallapitaj manchay sinch'i wayra oqharikorqa qochapi, yakutaj boteta chinkaykuchisharqaña, wañuy patapitaj kasharqanku. 24Jesusman qayllaykuspataj rijch'aricherqanku, nispa: Maestro, Maestro, chinkaykushanchejña!, nispa.
Jesustaj wayrata k'amerqa, yaku oqharikojtawan. Wayrataj thañerqa, yakupis tiyaykaporqa. 25Chaymantataj yachachisqasninman nerqa: Maytaj feniykichejri?
Paykunataj mancharikuspa t'ukorqanku; tapunakorqankutaj paykunapura: Pitaj chantá kayri, wayrata yakutapis kamachejri, chantá kasunkutaj?
Gerasamanta supayniyoj runa
(Mt 8.28-34; Mr 5.1-20)
26Chayarqanku Gerasa jallp'aman, Galilea qocha chimpapi kajman. 27Jesús botemanta uraykusqantawantaj, uj runa payman qayllaykorqa llajtamanta jamuspa. Unayña payqa sajra espirituyoj kasqa, chaynejta mana p'achallikojchu, nitaj wasimpipis sayajchu, manachayqa aya p'ampanasllapi kamoj. 28Payqa Jesusta rikuytawan, qonqoriykukorqa ñaupaqempi, qhaparispataj nerqa: Ima ruwanayki tiyan noqawan patapi kaj Diospa Churin Jesús? Mañakuyki ama ñak'arichinawaykita.
29Jesustaj kamacherqa chay runamanta sajra espíritu llojsinanta. Ashkha kutita payta jap'isqa chay sajra espiritoqa. Runastaj cadenaswan watasqanku, chakisnintataj maneasqanku, chaywampis payqa p'itiraj; chay sajra espiritutaj ayqechej ch'inkunasman. 30Jesús taporqa: Imataj sutiyki?, nispa.
Paytaj kuticherqa: Suteyqa Tropa.
Kayta nerqa ashkha sajra espíritus payman yaykusqanku. 31Chay espiritustaj Jesusmanta mañakorqanku ama kachananta qaqaman urmaykojta. 32Ashkha khuchistaj chay loma qayllapi mikhusharqanku, supaykunataj mañakorqanku Jesusmanta chay khuchisman yaykojta saqenanta, paytaj saqerqa rejta. 33Chantá, chay sajra espiritusqa, runamanta llojsispa yaykorqanku khuchisman. Khuchistaj qaqanta qochaman urmaykorqanku, chaypitaj jeq'eqaspa wañurarqanku.
34Khuchi michejkunataj chayta rikuspa ayqerqanku, rispataj llajtapi willamorqanku, jinallatataj campospipis. 35Runastaj llojserqanku qhawaj imachus kasqanta, Jesusman qayllaykuspataj rikorqanku ñaupaqempi chay runa tiyashajta, pimantachus sajra espíritu llojserqa chayta; p'achallisqata, yuyaynimpitaj kashajta, manchachikorqankutaj. 36Rikojkunataj willarqanku chay runa imaynatachus supaymanta kacharisqa kasqanta. 37Chantá, chay ashkha runas Gerasa muyuynintinmanta, maytapuni mañarqanku Jesús llajtankumanta ripunanta, imaraykuchus anchatapuni manchachikorqanku. Jesustaj boteman yaykuspa kutiporqa. 38-39Sajra espiritusmanta kacharisqa runataj Jesusmanta mañakorqa paywan rejta saqenanta. Jesustajrí kachaporqa, nispa: Kutipuy wasiykiman, willamuytaj imastachus qampaj Dios ruwasqanta.
Paytaj riporqa tukuyman willaspa llajtantimpi, imastachus Jesús paypaj ruwasqanta.
Jairoj wawan kausarin, onqosqa warmitaj thañin
(Mt 9.18-26; Mr 5.21-43)
40Ujtawan Jesús qocha chimpaman kutipojtintaj, ashkha runas kusiywan tariparqanku; imaraykuchus tukuyninku suyasharqanku. 41Chantá jamorqa uj qhari, Jairo sutiyoj. Payqa sinagogapi kamachej. Jesuspa ñaupaqenman qonqoriykukuspataj mañarqa wasinman yaykurinanta. 42Uj k'ata ususin, chunka iskayniyoj watayoj jina, wañunayasharqaña.
Rishajtintaj, runasqa maytapuni k'iskikorqanku. 43Paykuna ukhupitaj uj warmi, yawar apaywan onqosqa karqa chunka iskayniyoj wataña; maytapuni medicospi, jampispi ima qolqenta tukuchisqa, manataj pipis thañichiyta atisqachu. 44Chay warmirí, Jesusman qhepallamanta qayllaykuspa, p'achampa cantonta llankhaykorqa; kikimpachataj yawar apaynin sayarqa. 45Chantá Jesús nerqa: Pitaj llankhamuwanri?, nispa.
Runas k'iskilla kajtinkutaj Pedroqa nerqa: Maestro, runas k'iskikuspa tukuynejmanta ñit'imusunku, qantaj, pitaj llankhamuwanri? nishanki.
46Jesustaj kuticherqa: Pipunichá llankhawan. yachani noqamanta atiy llojsisqanta.
47Warmitaj, mana pakakuyta atispa Jesusman kharkatitispa qayllaykorqa; ñaupaqenman qonqoriykukuspataj sut'inchayta munarqa tukuy runaj ñaupaqempi, imaraykuchus llankhaykusqanta; imaynatatajchus kikimpacha onqoyninmanta thañisqanta. 48Jesustaj chantá nerqa: Wawáy, noqapi creesqaykirayku thañisqa kanki, sonqo junt'asqa ripuy.
49Jinata parlashajtillanraj, uj runa jamorqa sinagogapi kamachejpa wasinmanta, nej: Ususiykeqa wañupunña, amaña Maestrota sayk'uchiychu, nispa.
50Chayta uyarispataj Jesusqa kuticherqa: Ama mancharikuychu, creellay, wawaykeqa kausariponqa.
51Wasiman chayaspataj, pusaykorqa Pedrota, Juanta, Santiagota, warmi wawaj tatanta, mamantawan imalla; manataj pitapis yaykojta saqerqachu. 52Tukuyninkutaj uj phutiyta waqasharqanku sipasmanta. Jesustaj nerqa paykunaman: Ama waqaychejchu, manamin wañunchu, puñushallan, nispa.
53Asipayarqankutaj Jesusta, sipas wañusqa kasqanta yachasqankurayku. 54Chantá Jesusqa sipasta, makinmanta jap'iykuspa, jatunmanta nerqa: Sipas, sayariy.
55Sipastaj kausarimuspa, kikimpacha sayarerqa. Jesustaj nerqa mikhunata payman jaywanankuta. 56Tatasnintaj, maytapuni t'ukorqanku. Jesustaj nerqa ama pimampis thañichisqanmanta willanankuta.
Currently Selected:
SAN LUCAS 8: QCHSB
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN LUCAS 8
8
Jesusta yanapajkuna warmis
1-3Chaymanta, Jesús rerqa tukuy llajtasman, ranchosman ima, predicaspa, willaspataj Diospa reinompa evangelionta. Chunka iskayniyoj yachachisqasnintaj wakin warmiswan ima paywan khuska karqanku. Chay warmisqa sajra espiritusmanta, onqoykunamanta ima thañichisqas karqanku: María Magdalena, pimantachus qanchis sajra espíritus llojserqanku; Juana, Cuzaj warmin. Chay Cuzaqa Herodespa mayordomon karqa. Chanta Susana, ashkha warmis ima pikunachus kapuyninkuwan Jesusta yanapaj kanku.
Muju tarpojmanta
(Mt 13.1-9; Mr 4.1-9)
4Ashkha runa Jesusman jamorqa sapa llajtamanta; tantakojtinkutaj, uj rijch'anachina yachachiyta willarqa. 5Uj tarpoj runa, mujuta tarpoj llojserqa. Tarpushajtintaj, wakin muju urmarqa ñannejman, sarorqankutaj; chanta p'isqos jamuspa mikhukaporqanku. 6Wakin kajtaj urmarqa rumiraraman, llojsimuspataj ch'akiporqanku mana joq'o kasqanrayku. 7Wakin mujustaj khishkas chaupiman urmarqanku, khishkastaj k'irincharqanku. 8Wakin mujutaj urmarqa sumaj jallp'aman; p'utumuspataj poqorqa pachajta sapa mujumanta. Kayta niytawantaj, aswan jatunmanta nerqa: Ningrisniyoj kaspaqa uyariychej.
Imapajtaj rijch'anachinasri?
(Mt 13.10-17; Mr 4.10-12)
9Chantá yachachisqasnin taporqanku: Ima niytataj munan kay rijch'anachinari?, nispa. 10Paytaj nerqa: Qankunamanqa Dios rejsichisunkichej reinompa pakasqa yachaykunasninta; wajkunamanrí rijch'anachinaswan parlan, qhawashaspa mana rikunankupaj, uyarishaspapis mana entiendenankupaj.
Jesús sut'inchan tarpoj runamanta
(Mt 13.18-23; Mr 4.13-20)
11Chay rijch'anachinaqa kayta niyta munan: Mujoqa Diospa palabranwan ninakun. 12Ñanman urmajkunaqa Diospa palabranta uyarejkuna kanku; supaytaj jamuspa, sonqonkumanta Diospa palabranta orqhon, ama creenankupaj, nitaj salvasqas kanankupaj. 13Rumiraraman urmaj mujustaj, rijch'akunku uyarejkunaman; chaykunataj Diospa palabranta kusiywan jap'inku. Paykunataj mana allin saphichasqa kasqankurayku, pisi tiempollata creenku; phutiy jamojtintaj ithirikapunku. 14Khishkas ukhuman urmajtaj, Diospa palabranta uyarejkunawan ninakun; paykunaqa kay pacha imaswan, qhapaj kaykunaswan, aychankoj munayninwan ima atipachikunku; chayraykutaj poqoyta mana apankuchu. 15Sumaj jallp'api tarpusqa mujutaj ninakun, pikunachus sumaj sonqowan, cheqan yuyaywantaj Diospa palabranta uyarinku, jap'ispataj, pacienciawan sumaj poqoyta apanku.
K'anchanamanta
(Mr 4.21-25)
16Mana pipis k'anchayta jap'ichispa wich'iwan pakaykunchu, nitaj cama uraman churaykunchu; astawanqa pataman churan, yaykojkuna k'anchayta rikunankupaj. 17Mana imapis pakasqa kanchu mana rikuchikojqa; nitaj pakasqallapuni kayta atinchu mana yachakoj, nitaj sut'inchakojqa.
18Chaynejta, allinta uyariychej ari: Kapuyniyojmanqa astawan qosqa kanqa; mana kapuyniyojmantataj kapusqanta yuyasqampis qhechusqa kanqa.
Jesuspa maman wauqesnin ima
(Mt 12.46-50; Mr 3.31-35)
19Jesuspa maman wauqesnin ima jamorqanku payman, manataj qayllaykuyta aterqankuchu runa k'iski kasqanrayku. 20Willarqankutaj Jesusman: Mamayki wauqesniykiwan jawapi mask'ashasunku qanwan tinkuyta munaspa.
21Paytaj kuticherqa: Mamaywan wauqesniywanqa kanku pikunachus Diospa palabranta uyarinku, ruwankutaj chaykuna.
Jesús thañichin sinch'i para wayrata
(Mt 8.23-27; Mr 4.35-41)
22Uj p'unchay Jesús boteman yaykorqa yachachisqasninwan, nerqataj: Jakuchej kay qochaj chimpanman.
Rerqankutaj. 23Botepi rishajtinkutaj Jesús puñurpayarqa, jinallapitaj manchay sinch'i wayra oqharikorqa qochapi, yakutaj boteta chinkaykuchisharqaña, wañuy patapitaj kasharqanku. 24Jesusman qayllaykuspataj rijch'aricherqanku, nispa: Maestro, Maestro, chinkaykushanchejña!, nispa.
Jesustaj wayrata k'amerqa, yaku oqharikojtawan. Wayrataj thañerqa, yakupis tiyaykaporqa. 25Chaymantataj yachachisqasninman nerqa: Maytaj feniykichejri?
Paykunataj mancharikuspa t'ukorqanku; tapunakorqankutaj paykunapura: Pitaj chantá kayri, wayrata yakutapis kamachejri, chantá kasunkutaj?
Gerasamanta supayniyoj runa
(Mt 8.28-34; Mr 5.1-20)
26Chayarqanku Gerasa jallp'aman, Galilea qocha chimpapi kajman. 27Jesús botemanta uraykusqantawantaj, uj runa payman qayllaykorqa llajtamanta jamuspa. Unayña payqa sajra espirituyoj kasqa, chaynejta mana p'achallikojchu, nitaj wasimpipis sayajchu, manachayqa aya p'ampanasllapi kamoj. 28Payqa Jesusta rikuytawan, qonqoriykukorqa ñaupaqempi, qhaparispataj nerqa: Ima ruwanayki tiyan noqawan patapi kaj Diospa Churin Jesús? Mañakuyki ama ñak'arichinawaykita.
29Jesustaj kamacherqa chay runamanta sajra espíritu llojsinanta. Ashkha kutita payta jap'isqa chay sajra espiritoqa. Runastaj cadenaswan watasqanku, chakisnintataj maneasqanku, chaywampis payqa p'itiraj; chay sajra espiritutaj ayqechej ch'inkunasman. 30Jesús taporqa: Imataj sutiyki?, nispa.
Paytaj kuticherqa: Suteyqa Tropa.
Kayta nerqa ashkha sajra espíritus payman yaykusqanku. 31Chay espiritustaj Jesusmanta mañakorqanku ama kachananta qaqaman urmaykojta. 32Ashkha khuchistaj chay loma qayllapi mikhusharqanku, supaykunataj mañakorqanku Jesusmanta chay khuchisman yaykojta saqenanta, paytaj saqerqa rejta. 33Chantá, chay sajra espiritusqa, runamanta llojsispa yaykorqanku khuchisman. Khuchistaj qaqanta qochaman urmaykorqanku, chaypitaj jeq'eqaspa wañurarqanku.
34Khuchi michejkunataj chayta rikuspa ayqerqanku, rispataj llajtapi willamorqanku, jinallatataj campospipis. 35Runastaj llojserqanku qhawaj imachus kasqanta, Jesusman qayllaykuspataj rikorqanku ñaupaqempi chay runa tiyashajta, pimantachus sajra espíritu llojserqa chayta; p'achallisqata, yuyaynimpitaj kashajta, manchachikorqankutaj. 36Rikojkunataj willarqanku chay runa imaynatachus supaymanta kacharisqa kasqanta. 37Chantá, chay ashkha runas Gerasa muyuynintinmanta, maytapuni mañarqanku Jesús llajtankumanta ripunanta, imaraykuchus anchatapuni manchachikorqanku. Jesustaj boteman yaykuspa kutiporqa. 38-39Sajra espiritusmanta kacharisqa runataj Jesusmanta mañakorqa paywan rejta saqenanta. Jesustajrí kachaporqa, nispa: Kutipuy wasiykiman, willamuytaj imastachus qampaj Dios ruwasqanta.
Paytaj riporqa tukuyman willaspa llajtantimpi, imastachus Jesús paypaj ruwasqanta.
Jairoj wawan kausarin, onqosqa warmitaj thañin
(Mt 9.18-26; Mr 5.21-43)
40Ujtawan Jesús qocha chimpaman kutipojtintaj, ashkha runas kusiywan tariparqanku; imaraykuchus tukuyninku suyasharqanku. 41Chantá jamorqa uj qhari, Jairo sutiyoj. Payqa sinagogapi kamachej. Jesuspa ñaupaqenman qonqoriykukuspataj mañarqa wasinman yaykurinanta. 42Uj k'ata ususin, chunka iskayniyoj watayoj jina, wañunayasharqaña.
Rishajtintaj, runasqa maytapuni k'iskikorqanku. 43Paykuna ukhupitaj uj warmi, yawar apaywan onqosqa karqa chunka iskayniyoj wataña; maytapuni medicospi, jampispi ima qolqenta tukuchisqa, manataj pipis thañichiyta atisqachu. 44Chay warmirí, Jesusman qhepallamanta qayllaykuspa, p'achampa cantonta llankhaykorqa; kikimpachataj yawar apaynin sayarqa. 45Chantá Jesús nerqa: Pitaj llankhamuwanri?, nispa.
Runas k'iskilla kajtinkutaj Pedroqa nerqa: Maestro, runas k'iskikuspa tukuynejmanta ñit'imusunku, qantaj, pitaj llankhamuwanri? nishanki.
46Jesustaj kuticherqa: Pipunichá llankhawan. yachani noqamanta atiy llojsisqanta.
47Warmitaj, mana pakakuyta atispa Jesusman kharkatitispa qayllaykorqa; ñaupaqenman qonqoriykukuspataj sut'inchayta munarqa tukuy runaj ñaupaqempi, imaraykuchus llankhaykusqanta; imaynatatajchus kikimpacha onqoyninmanta thañisqanta. 48Jesustaj chantá nerqa: Wawáy, noqapi creesqaykirayku thañisqa kanki, sonqo junt'asqa ripuy.
49Jinata parlashajtillanraj, uj runa jamorqa sinagogapi kamachejpa wasinmanta, nej: Ususiykeqa wañupunña, amaña Maestrota sayk'uchiychu, nispa.
50Chayta uyarispataj Jesusqa kuticherqa: Ama mancharikuychu, creellay, wawaykeqa kausariponqa.
51Wasiman chayaspataj, pusaykorqa Pedrota, Juanta, Santiagota, warmi wawaj tatanta, mamantawan imalla; manataj pitapis yaykojta saqerqachu. 52Tukuyninkutaj uj phutiyta waqasharqanku sipasmanta. Jesustaj nerqa paykunaman: Ama waqaychejchu, manamin wañunchu, puñushallan, nispa.
53Asipayarqankutaj Jesusta, sipas wañusqa kasqanta yachasqankurayku. 54Chantá Jesusqa sipasta, makinmanta jap'iykuspa, jatunmanta nerqa: Sipas, sayariy.
55Sipastaj kausarimuspa, kikimpacha sayarerqa. Jesustaj nerqa mikhunata payman jaywanankuta. 56Tatasnintaj, maytapuni t'ukorqanku. Jesustaj nerqa ama pimampis thañichisqanmanta willanankuta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.