ÉXODO 1
1
I. EGIPTO MARKAN T'AQHISIÑAT QHISPIYÄWI
(1.1—15.21)
Israelitanakan Egipto markan t'aqhisitapa
1Jacobump chika Egipto markar puripkäna uka wawanakapan sutinakapax akanakänwa: 2Rubén, Simeón, Leví, Judá, 3Isacar, Zabulón, Benjamín, 4Dan, Neftalí, Gad, Aser. 5Jacobun wawanakapax taqpachanix paqallq tunkanïnwa. Ukapachasti Joseax Egipto markan jikxatasxäna.
6Jaya maranakatsti Jacobux jiwxänwa, Joseasa, jilanakapasa, uka mita jaqinakas jiwarxapxarakïnwa.#1.6 Gn 50.26. 7Ukampisa, israelitanakax walja wawanakanïnwa, jupanakat saraqirinakasti walpun mirantäna, wali ch'aman markaruw tukurakïna.#1.7 Gn 1.28. Israelitanakan mirantatapampixa, Abrahamar arsutäkäna ukaw phuqhasïna (Gn 12.2; 13.15-16; 15.5; 17.5-6), Isaac (Gn 26.4,24) Jacob (Gn 28.3,13-14; 35.11). Éxodo qillqatan qillqatäki ukampiw phuqhasiñ qallti kunatix Canaán uraqi churañatak arsutäki ukaxa (Gn 15.7). Egipto markansti taqi chiqanakan israelitanakax utjxäna.#1.7 Gn 47.27.
8Ukat qhipa maranakatsti, Egipto markan yaqha reyiw utt'asxäna, jupasti janiw Josearux uñt'kataynati, uka reyisti markaparux akham säna: 9“Uñjapxam, israelitanakax waljanïxapxiwa, jiwasat sipansa wali ch'amanïpxarakiwa; 10ukhamïpansti wakisiw sum amuyt'añasa jupanakan juk'ampi jan mirantañapataki, mä nuwasïwi sartaspa ukkhax uñisirinakasamp mayacht'asisaw jiwasar nuwjawayas markasat sarxapxaspa” sasa.
11Ukat egipcionakax lurayir jaqinak uchapxäna israelitanakar wali ch'ama irnaqañanak lurayañataki.#1.11 Egipto markanxa, yatitänwa ch'ama lurañanak irnaqañatak jaqinakar jawsthapiñaxa; juk'ampisa, katuntat jaqinakaru, t'aqhisiyat jaqinakaru, jawsatanakaru, yaqha markat jutirinakampiruw uka ch'ama lurañanak lurayapxirïna. Jupanakarusti Pitón, Ramsés sat markanak lurayapxäna. Egiptonkir faraón reyix uka markanakaruw juyranakap imayäna.#1.11 Pirwanakap imayäna: 1 R 9.19; 2 Cr 16.4; 32.28. 12Ukampis israelitanakax wali t'aqhisiyat uñjaskasasa juk'ampiw mirantäna. Egipto markankir jaqinakasti israelitanakar wal axsarapxäna.
13Egipcio jaqinakax israelitanakar ch'ama lurañanakamp walpun t'aqhisiyäna. 14Ukatsti wali t'aqhisita jakayasaxa, ñiq'i tikanak lurayapxäna, pampan lurañanakax utjki taqi uka lurañanak lurayapxarakïna. Taqi uka lurañanakansti israelitanakax wali t'aqhisiyataw uñjasipxäna. 15Ukhamarusa, Egipto markankir reyix Sifrá, Puá sat hebreonak taypin utjir wawa usuyir warminakampiw parläna, jupanakarusti akham sarakïna:
16—Hebrea warminakar usuyapkät ukkhax wal amuyapxäta, uka wawax imillati jan ukax yuqallacha uka. Uka wawatix imill wawäni ukkhax jakaskpan, yuqall wawäni ukkhasti, ukspach ¡jiwayapxam! —sasa.
17Ukampis wawa usuyir warminakax Diosar axsartir warminakänwa, ukat jupanakax Egiptonkir reyin arsutaparjam jan lurapkänti, jan ukasti yuqall wawanakarux jakayapxänwa. 18Ukatsti Egiptonkir reyix wawa usuyir warminakar jawsayanisin säna:
—¿Kunatarak yuqall wawanakar jakayapxtasti? —sasa.
19Uka pani warminakasti reyirux sapxänwa:
—Israelita warminakax janiw egipcio warminakjamäkiti; jupanakax wali ch'aman warminakäpxiwa, nanakax usuyir janïr puripkta ukkhax niyaw jupanakax ususxapxi —sasa.
20-21Diosasti ukham askinak wawa usuyir warminakarux lurayäna, ukhamat israelita markax mirantaskakïna, ukatsti juk'at juk'at wali ch'aman tukurakïna. Ukhamarusa, wawa usuyir warminakan Diosar axsartapxatap laykusti, jupax khuyapt'ayänwa, wila masinakaparus juk'amp jilxatayäna. 22Faraón reyisti taqpach markaparuw säna: “Israelitanak taypintix yuqall wawanakax yurchixa, jawirar jaquntanipxam, ukampis imilla wawanakax jakaskpan” sasa.
Currently Selected:
ÉXODO 1: AYOPD
Highlight
Share
Copy
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996
ÉXODO 1
1
I. EGIPTO MARKAN T'AQHISIÑAT QHISPIYÄWI
(1.1—15.21)
Israelitanakan Egipto markan t'aqhisitapa
1Jacobump chika Egipto markar puripkäna uka wawanakapan sutinakapax akanakänwa: 2Rubén, Simeón, Leví, Judá, 3Isacar, Zabulón, Benjamín, 4Dan, Neftalí, Gad, Aser. 5Jacobun wawanakapax taqpachanix paqallq tunkanïnwa. Ukapachasti Joseax Egipto markan jikxatasxäna.
6Jaya maranakatsti Jacobux jiwxänwa, Joseasa, jilanakapasa, uka mita jaqinakas jiwarxapxarakïnwa.#1.6 Gn 50.26. 7Ukampisa, israelitanakax walja wawanakanïnwa, jupanakat saraqirinakasti walpun mirantäna, wali ch'aman markaruw tukurakïna.#1.7 Gn 1.28. Israelitanakan mirantatapampixa, Abrahamar arsutäkäna ukaw phuqhasïna (Gn 12.2; 13.15-16; 15.5; 17.5-6), Isaac (Gn 26.4,24) Jacob (Gn 28.3,13-14; 35.11). Éxodo qillqatan qillqatäki ukampiw phuqhasiñ qallti kunatix Canaán uraqi churañatak arsutäki ukaxa (Gn 15.7). Egipto markansti taqi chiqanakan israelitanakax utjxäna.#1.7 Gn 47.27.
8Ukat qhipa maranakatsti, Egipto markan yaqha reyiw utt'asxäna, jupasti janiw Josearux uñt'kataynati, uka reyisti markaparux akham säna: 9“Uñjapxam, israelitanakax waljanïxapxiwa, jiwasat sipansa wali ch'amanïpxarakiwa; 10ukhamïpansti wakisiw sum amuyt'añasa jupanakan juk'ampi jan mirantañapataki, mä nuwasïwi sartaspa ukkhax uñisirinakasamp mayacht'asisaw jiwasar nuwjawayas markasat sarxapxaspa” sasa.
11Ukat egipcionakax lurayir jaqinak uchapxäna israelitanakar wali ch'ama irnaqañanak lurayañataki.#1.11 Egipto markanxa, yatitänwa ch'ama lurañanak irnaqañatak jaqinakar jawsthapiñaxa; juk'ampisa, katuntat jaqinakaru, t'aqhisiyat jaqinakaru, jawsatanakaru, yaqha markat jutirinakampiruw uka ch'ama lurañanak lurayapxirïna. Jupanakarusti Pitón, Ramsés sat markanak lurayapxäna. Egiptonkir faraón reyix uka markanakaruw juyranakap imayäna.#1.11 Pirwanakap imayäna: 1 R 9.19; 2 Cr 16.4; 32.28. 12Ukampis israelitanakax wali t'aqhisiyat uñjaskasasa juk'ampiw mirantäna. Egipto markankir jaqinakasti israelitanakar wal axsarapxäna.
13Egipcio jaqinakax israelitanakar ch'ama lurañanakamp walpun t'aqhisiyäna. 14Ukatsti wali t'aqhisita jakayasaxa, ñiq'i tikanak lurayapxäna, pampan lurañanakax utjki taqi uka lurañanak lurayapxarakïna. Taqi uka lurañanakansti israelitanakax wali t'aqhisiyataw uñjasipxäna. 15Ukhamarusa, Egipto markankir reyix Sifrá, Puá sat hebreonak taypin utjir wawa usuyir warminakampiw parläna, jupanakarusti akham sarakïna:
16—Hebrea warminakar usuyapkät ukkhax wal amuyapxäta, uka wawax imillati jan ukax yuqallacha uka. Uka wawatix imill wawäni ukkhax jakaskpan, yuqall wawäni ukkhasti, ukspach ¡jiwayapxam! —sasa.
17Ukampis wawa usuyir warminakax Diosar axsartir warminakänwa, ukat jupanakax Egiptonkir reyin arsutaparjam jan lurapkänti, jan ukasti yuqall wawanakarux jakayapxänwa. 18Ukatsti Egiptonkir reyix wawa usuyir warminakar jawsayanisin säna:
—¿Kunatarak yuqall wawanakar jakayapxtasti? —sasa.
19Uka pani warminakasti reyirux sapxänwa:
—Israelita warminakax janiw egipcio warminakjamäkiti; jupanakax wali ch'aman warminakäpxiwa, nanakax usuyir janïr puripkta ukkhax niyaw jupanakax ususxapxi —sasa.
20-21Diosasti ukham askinak wawa usuyir warminakarux lurayäna, ukhamat israelita markax mirantaskakïna, ukatsti juk'at juk'at wali ch'aman tukurakïna. Ukhamarusa, wawa usuyir warminakan Diosar axsartapxatap laykusti, jupax khuyapt'ayänwa, wila masinakaparus juk'amp jilxatayäna. 22Faraón reyisti taqpach markaparuw säna: “Israelitanak taypintix yuqall wawanakax yurchixa, jawirar jaquntanipxam, ukampis imilla wawanakax jakaskpan” sasa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996