GÉNESIS 18
18
Diosax Abraham chachar mä wawa churañatakiw arsu
1Tatitux Abraham chacharux Mamré sat ch'umi jak'an wasitat uñstäna; Abrahamasti kawkhantix utjaskän uka punkun qunt'atäskänwa, niya chika ururakïnwa. 2Abrahamax uñatatasin kimsa jaqiruw jupa nayräxan sayt'atäskir uñjäna. Uñjasinsti, mäkiw uka jaqinakar katuqir sarthapïna, killt'asisaw p'iqipsa uraqir puriñkam alt'äna, 3ukatsti sarakïnwa:
—Tatanaka, achikt'apxsmawa, janikiy mäki sarapxamti. 4Jumanakatak walikïchi ukaxa, mä juk'a uma mayï kayunakam jariqasiñataki, ukatsti aka quqa ch'iwir samart'apxam. 5Niyakixay jumanakax naya luqtiriman utapankapxstaxa, manq'a apanirapipxäma, ukhamat ch'amani sarasipkakiñamataki —sasa.
—Walikiw ukhamaxa —sasaw uka jaqinakax ukkhar samarapxäna.
6Abrahamasti kawkhantix utjaskäna ukkhar mäkiw jalantawayäna, ukatsti Sara warmiparuw sarakïna:
—¡Jank'aki! Mä pä tunka kilo jak'ut t'ant'anak lurt'am —sasa.
7Ukatsti Abrahamax kawkhankkäntix uywanakapax ukaruw jank'ak jalarakïna, ukatsti lik'i vaca qallükis uk irptanïna, ukat maynïr uywataparuw churäna, jupasti jank'akiw manq'añatak wakicht'anïna. 8Uka vaca qallxarusti, Abrahamax quesompi, lechempi churarakïna, jupanakan quqa ch'iwin manq'añapkamasti, Abrahamax jank'ak kunsa luqtañatakiw ukkhan sayt'atäskäna.
9Manq'añ tukuyxatatsti, uka jaqinakax Abrahamaruw jiskt'apxäna:
—¿Kawkinkis Sara warmimaxa? —sasa.
—Khä chhujllankaskiwa —sasaw Abrahamax säna.
10Ukatsti maynïrix sarakïnwa:
—Akat mä mararuw jumar tumpt'ir kutt'anï, ukkhatakisti Sara warmimax mä wawanïniwa —sasa.
Ukañkamasti, Sara warmix Abrahaman qhipäxapan chhujllar mantañawjan taqi uka arsutanak isch'ukiskäna. 11Abrahamampi, Sara warmipampisti wali chuymanïxapxänwa, ukhamarus Saran phaxsi wilapas chhaqtatäxänwa. 12Ukat Sarax larusisaw sarakïna: “Kunjämarak wawanïriststi, chachaxasa, nayasa wali chuymanïxapxstxaya” sasa. 13Ukampis Tatitux Abrahamarux sarakïnwa:
—¿Kunatsa Sarax larusi? ¿Janit chuyman tuqir wawanïñ iyawski? 14¿Tatitutakisti kuna lurañas ch'amäspati? Akat mä mararuw tumpt'ir kutt'anï, ukkhatakisti Sarax wawanïxaniwa —sasa.#18.14 Jer 32.17,27; Lc 1.37; Ro 9.9.
15Uk ist'asinsti, Sarax axsarthapïnwa, ukat k'arisisaw akham säna:
—Janiw nayax laruskäyätti —sasa.
Ukampis Tatitux juparuw sarakïna:
—Jumax larustawa —sasa.
Abraham chachax Sodoma markatakiw Diosar mayi
16Ukxarusti uka jaqinakax sayt'asxapxänwa, ukatsti Sodoma marka tuqiruw sarxarupxarakïna. Abrahamasti jupanakamp chikaw khithanukxañatak sartäna. 17Ukampis Tatitux akham lup'irakïna: “Abraham chachar kuntix lurkä ukxa janiw imt'kiristti, 18niyakixay jupax mä jach'a ch'amani markan awkipächinixa. Jupa tuqiw taqi markanakar aski waxt'äwinak churañatak arsurakta. 19Nayaw juparux ajllirakta, wawanakaparu, ukhamarak taqi wila masinakaparu nayan yatichäwinakaxar jaysañ yatiqapxañapataki, ukhamarus kunatix chiqapäki, askïkaraki uk lurapxañapataki, ukhamat nayan taqi arsüwinakaxar phuqhañaxataki” sasa. 20Ukhamasti Tatitux juparux sänwa:
—Sodomankiri, Gomorrankiri jaqinakax sinti jan wali jaqinakat uñt'atäpxiwa, juchanakapasti sinti jan walipuniwa, 21jichhax nayax khayar uñjiriw sarä, kunjämtix sapkitäna uka jucha luratanakapax chiqpachapunit sintïpacha janich uk yatiri. Ukhamat yatirakï —sasa.#18.21 Gn 11.5; Ex 2.25.
22Uka jaqinakasti uka chiqatxa Sodoma tuqiruw sarxapxäna, ukampis Abrahamax Tatitun nayraqataparuw qhiparäna. 23Jupar mä juk'ampi jak'achasisax jiskt'änwa:
—¿Jan juchani jaqinakarux jucharar jaqinakamp chik t'unjarakïtati? 24Inas uka markan phisqa tunkan jan juchan jaqinakax utjchispa. Ukhamäkipansa, ¿uka markarux t'unjaskakïtati, janit uka phisqa tunkan jan juchan jaqinak laykux pampachkäta? 25¡Janiw wakiskaspati jan juchaniru, juchanimpi chika jiwarayañamaxa, panpachanis pachpa jucha lurapkaspa ukhama! ¡Jan uk luramti! Jumax aka uraqpachan jach'a taripirïtawa, ¿janit chiqapar uñjkäta? —sasa.#18.25 Gn 20.4.
26Ukatsti Tatitux sarakïnwa:
—Phisqa tunka aski jaqinaktix uka Sodoma markan jikxatä ukkhaxa, uka jan juchan jaqinak laykuxa, taqi uka markan jakir jaqinakarux pampachäwa —sasa.
27Ukampis Abrahamax saskakïnwa:
—Tatay, nayan ukham jumar arsutaxat pampacht'ita, jumaw Diosätaxa, nayasti juman nayraqataman jan yäqañ jaqikïtwa; 28Ukampis ¿pusi tunka phisqani jan juchani jaqinakak aka markan utjaspa ukax aka marka t'unjaskakïtati? —sasa.
Tatitusti juparux sarakïnwa:
—Pusi tunka phisqani jan juchan jaqinaktix jikxatäxa, janiw uka markarux t'unjkäti —sasa.
29Abrahamasti saskakïnwa: —Inas pusi tunka jan juchan jaqinakak utjchispa —sasa.
Tatitux sarakïnwa: —Uka pusi tunkan laykux janiw uka markarux t'unjkäti —sasa.
30Ukampis Abrahamax Tatiturux achikt'askakïnwa:
—Tatay, jan nayatak phiñasimti, nayan uka tuqit arsuskakitaxata, inas kimsa tunka jan juchan jaqinakak jikxatchisma —sasa.
Tatitusti mayamp saskakïnwa:
—Uka kimsa tunkan jan juchan jaqinak laykux, janiw uka markarux t'unjkäti —sasa.
31Abrahamasti wasitat saskakïnwa:
—Tatay, jan axsartas arsutaxampix p'iq usuysma, ukampis, pä tunkan jan juchan jaqinakak jikxatasma ukkhax ¿kuns lurasma? —sasa.
Tatitusti sarakïnwa:
—Uka pä tunkan laykux janiw markarux t'unjkäti —sasa.
32Abraham chachax mayamp saskakïnwa:
—Tatay, jan nayatak q'apisimti, mä kutimpikiw arst'äxa, ukatsti janiw mayampsa arskxäti: “¿kunsa lurasma tunka jan juchani jaqinakak jikxatasma ukkhaxa?” sasa.
Tatitusti sarakïnwa:
—Uka tunkan laykux janiw markarux t'unjkäti —sasa.
33Kunapachatix Tatitux Abraham chachampi parlañ tukuyxän ukkhaxa, uka chiqat sarawayxänwa; Abrahamasti utjasïwiparuw kutt'xäna.
Currently Selected:
GÉNESIS 18: AYOPD
Highlight
Share
Copy
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996
GÉNESIS 18
18
Diosax Abraham chachar mä wawa churañatakiw arsu
1Tatitux Abraham chacharux Mamré sat ch'umi jak'an wasitat uñstäna; Abrahamasti kawkhantix utjaskän uka punkun qunt'atäskänwa, niya chika ururakïnwa. 2Abrahamax uñatatasin kimsa jaqiruw jupa nayräxan sayt'atäskir uñjäna. Uñjasinsti, mäkiw uka jaqinakar katuqir sarthapïna, killt'asisaw p'iqipsa uraqir puriñkam alt'äna, 3ukatsti sarakïnwa:
—Tatanaka, achikt'apxsmawa, janikiy mäki sarapxamti. 4Jumanakatak walikïchi ukaxa, mä juk'a uma mayï kayunakam jariqasiñataki, ukatsti aka quqa ch'iwir samart'apxam. 5Niyakixay jumanakax naya luqtiriman utapankapxstaxa, manq'a apanirapipxäma, ukhamat ch'amani sarasipkakiñamataki —sasa.
—Walikiw ukhamaxa —sasaw uka jaqinakax ukkhar samarapxäna.
6Abrahamasti kawkhantix utjaskäna ukkhar mäkiw jalantawayäna, ukatsti Sara warmiparuw sarakïna:
—¡Jank'aki! Mä pä tunka kilo jak'ut t'ant'anak lurt'am —sasa.
7Ukatsti Abrahamax kawkhankkäntix uywanakapax ukaruw jank'ak jalarakïna, ukatsti lik'i vaca qallükis uk irptanïna, ukat maynïr uywataparuw churäna, jupasti jank'akiw manq'añatak wakicht'anïna. 8Uka vaca qallxarusti, Abrahamax quesompi, lechempi churarakïna, jupanakan quqa ch'iwin manq'añapkamasti, Abrahamax jank'ak kunsa luqtañatakiw ukkhan sayt'atäskäna.
9Manq'añ tukuyxatatsti, uka jaqinakax Abrahamaruw jiskt'apxäna:
—¿Kawkinkis Sara warmimaxa? —sasa.
—Khä chhujllankaskiwa —sasaw Abrahamax säna.
10Ukatsti maynïrix sarakïnwa:
—Akat mä mararuw jumar tumpt'ir kutt'anï, ukkhatakisti Sara warmimax mä wawanïniwa —sasa.
Ukañkamasti, Sara warmix Abrahaman qhipäxapan chhujllar mantañawjan taqi uka arsutanak isch'ukiskäna. 11Abrahamampi, Sara warmipampisti wali chuymanïxapxänwa, ukhamarus Saran phaxsi wilapas chhaqtatäxänwa. 12Ukat Sarax larusisaw sarakïna: “Kunjämarak wawanïriststi, chachaxasa, nayasa wali chuymanïxapxstxaya” sasa. 13Ukampis Tatitux Abrahamarux sarakïnwa:
—¿Kunatsa Sarax larusi? ¿Janit chuyman tuqir wawanïñ iyawski? 14¿Tatitutakisti kuna lurañas ch'amäspati? Akat mä mararuw tumpt'ir kutt'anï, ukkhatakisti Sarax wawanïxaniwa —sasa.#18.14 Jer 32.17,27; Lc 1.37; Ro 9.9.
15Uk ist'asinsti, Sarax axsarthapïnwa, ukat k'arisisaw akham säna:
—Janiw nayax laruskäyätti —sasa.
Ukampis Tatitux juparuw sarakïna:
—Jumax larustawa —sasa.
Abraham chachax Sodoma markatakiw Diosar mayi
16Ukxarusti uka jaqinakax sayt'asxapxänwa, ukatsti Sodoma marka tuqiruw sarxarupxarakïna. Abrahamasti jupanakamp chikaw khithanukxañatak sartäna. 17Ukampis Tatitux akham lup'irakïna: “Abraham chachar kuntix lurkä ukxa janiw imt'kiristti, 18niyakixay jupax mä jach'a ch'amani markan awkipächinixa. Jupa tuqiw taqi markanakar aski waxt'äwinak churañatak arsurakta. 19Nayaw juparux ajllirakta, wawanakaparu, ukhamarak taqi wila masinakaparu nayan yatichäwinakaxar jaysañ yatiqapxañapataki, ukhamarus kunatix chiqapäki, askïkaraki uk lurapxañapataki, ukhamat nayan taqi arsüwinakaxar phuqhañaxataki” sasa. 20Ukhamasti Tatitux juparux sänwa:
—Sodomankiri, Gomorrankiri jaqinakax sinti jan wali jaqinakat uñt'atäpxiwa, juchanakapasti sinti jan walipuniwa, 21jichhax nayax khayar uñjiriw sarä, kunjämtix sapkitäna uka jucha luratanakapax chiqpachapunit sintïpacha janich uk yatiri. Ukhamat yatirakï —sasa.#18.21 Gn 11.5; Ex 2.25.
22Uka jaqinakasti uka chiqatxa Sodoma tuqiruw sarxapxäna, ukampis Abrahamax Tatitun nayraqataparuw qhiparäna. 23Jupar mä juk'ampi jak'achasisax jiskt'änwa:
—¿Jan juchani jaqinakarux jucharar jaqinakamp chik t'unjarakïtati? 24Inas uka markan phisqa tunkan jan juchan jaqinakax utjchispa. Ukhamäkipansa, ¿uka markarux t'unjaskakïtati, janit uka phisqa tunkan jan juchan jaqinak laykux pampachkäta? 25¡Janiw wakiskaspati jan juchaniru, juchanimpi chika jiwarayañamaxa, panpachanis pachpa jucha lurapkaspa ukhama! ¡Jan uk luramti! Jumax aka uraqpachan jach'a taripirïtawa, ¿janit chiqapar uñjkäta? —sasa.#18.25 Gn 20.4.
26Ukatsti Tatitux sarakïnwa:
—Phisqa tunka aski jaqinaktix uka Sodoma markan jikxatä ukkhaxa, uka jan juchan jaqinak laykuxa, taqi uka markan jakir jaqinakarux pampachäwa —sasa.
27Ukampis Abrahamax saskakïnwa:
—Tatay, nayan ukham jumar arsutaxat pampacht'ita, jumaw Diosätaxa, nayasti juman nayraqataman jan yäqañ jaqikïtwa; 28Ukampis ¿pusi tunka phisqani jan juchani jaqinakak aka markan utjaspa ukax aka marka t'unjaskakïtati? —sasa.
Tatitusti juparux sarakïnwa:
—Pusi tunka phisqani jan juchan jaqinaktix jikxatäxa, janiw uka markarux t'unjkäti —sasa.
29Abrahamasti saskakïnwa: —Inas pusi tunka jan juchan jaqinakak utjchispa —sasa.
Tatitux sarakïnwa: —Uka pusi tunkan laykux janiw uka markarux t'unjkäti —sasa.
30Ukampis Abrahamax Tatiturux achikt'askakïnwa:
—Tatay, jan nayatak phiñasimti, nayan uka tuqit arsuskakitaxata, inas kimsa tunka jan juchan jaqinakak jikxatchisma —sasa.
Tatitusti mayamp saskakïnwa:
—Uka kimsa tunkan jan juchan jaqinak laykux, janiw uka markarux t'unjkäti —sasa.
31Abrahamasti wasitat saskakïnwa:
—Tatay, jan axsartas arsutaxampix p'iq usuysma, ukampis, pä tunkan jan juchan jaqinakak jikxatasma ukkhax ¿kuns lurasma? —sasa.
Tatitusti sarakïnwa:
—Uka pä tunkan laykux janiw markarux t'unjkäti —sasa.
32Abraham chachax mayamp saskakïnwa:
—Tatay, jan nayatak q'apisimti, mä kutimpikiw arst'äxa, ukatsti janiw mayampsa arskxäti: “¿kunsa lurasma tunka jan juchani jaqinakak jikxatasma ukkhaxa?” sasa.
Tatitusti sarakïnwa:
—Uka tunkan laykux janiw markarux t'unjkäti —sasa.
33Kunapachatix Tatitux Abraham chachampi parlañ tukuyxän ukkhaxa, uka chiqat sarawayxänwa; Abrahamasti utjasïwiparuw kutt'xäna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996