GÉNESIS 38
38
Judá chachampi, Tamar warmimpi
1Uka urunakansti Judá chachax jilanakapat saraqawayxasinxa, Adulam markaruw sarxäna, ukansti Hirá sat masipan utapan jakäna. 2Uka chiqansti Judá chachax Súa sat cananeo jaqin phuchhaparuw uñt'äna, ukatsti jupampiw jaqichasxäna. Uka qhipatsti, 3warmipax usuriptxänwa, ukatsti mä yuqall wawa wawachasïna, uka wawarusti Er sutimpiw uchäna. 4-5Uka qhipatxa, Judá chachan warmipax pä kutimp wawachasïna: mayni wawarux Onán sasaw sutichäna, maynïrirusti Selá sutimpiw ucharakïna, uka wawax Quezib chiqan yurïna.
6Judá chachasti Er jilïr yuqaparux Tamar sat warmimpiw jaqichäna. 7Ukampis Er chachax Tatit nayraqatan jan wali sarnaqäna, ukat Diosax jupar jiwayäna. 8Judá awkipasti Onán yuqapar säna:
—Jilaman ijmapampi jaqichasim, jilam lanti luräwinak phuqham, ukhamat jiwat jilaman juma tuqi wawanïñapataki —sasa.
9Ukampis Onán chachax amuyasïnwa kawkïr wawanakatix jilapan ijmapampi wawanïkasapän ukanakaxa, janiw jupan wawapa satäkasapänti. Ukat sapa kuti jilapan ijmapampi mayachaskän ukkhax janiw usuriptayañ munkänti, ukhamat jilapan jan jupa tuqi wawanïñapataki. 10Diosasti Onán chachan ukham luratapata wal q'apisïna, ukat juparus jiwayarakïna. 11Ukhamasti Judá chachax Tamar yuxch'aparux sänwa:
—Jichhax ijma warmjam awkiman utapan jakam, Selá yuqaxan jilsuñapkama —sasa.
Chiqpachansa, Judá chachax chuymapan lup'isïna inampis Selá yuqapax jilanakapjam jiwxarakispa uka. Ukhamasti Tamar warmix awkipan utapar jakiriw sarxäna.
12Uka jaya qhipatsti, Súa jaqin phuchhapa, Judá chachan warmipax jiwxänwa. Llakisiñ urunak qhipatsti, Judá chachax Timnat markaruw saräna, kawkhantix awatirinakapax ovejanakapat t'awra yawisipkän ukaru, Hirá sat adulamita masipaw jupa chika sararakïna. 13Tamarasti awkch'ipan Timnat markar t'awra yawir saratap yatisinxa, 14llakt'asiñ isip apsusïna, ajanupsti mä velompiw imt'asïna, jan khitinsa uñt'kaya, ukatsti Enaim markar mantañawjar qunt'asiriw saräna, Timnat markar sarañ thakhi thiyaru. Tamar warmisti Selan waynäxatap amuyasin ukham luräna, ukampis Judá chachax janïraw jupamp jaqichkänti.
15Kunapachatix Judá chachax jupar uñjkän ukkhasti, velon ch'uqt'atätapatxa, mä jan wali sarnaqir warmïkaspas ukham amuyäna. 16Thakhit maysaru saraqtasinsti, uka warmiruw jikxatäna, janiw yuxch'apätap yatkänti, ukat säna:
—¿Jumamp ikintaskiristti? —sasa.
Warmisti ukxaruw jiskt'äna:
—¿Nayampi ikintasinsti kunarak churitätasti? —sasa.
17Judá chachasti sarakïnwa:
—Tamanakaxat mä cabrito apayanïma —sasa.
Warmisti akham sarakïna:
—Walikiwa, ukampisa jumankirit mä kunsa jaytita, uka cabrito apayaniñamkama —sasa.
18Judá chachasti jiskt'askakïnwa:
—¿Kunsa nayankirit jaytañax munta? —sasa.
Warmisti sarakïnwa:
—Sutim chimpuntañxa chinuñapamppach jaytita, amparamankki uka thujrump kuna —sasa.
Judá chachasti taqi ukanak churäna, ukatsti uka warmimpiw ikintäna, Tamar warmisti usur jaqiptxänwa. 19Ukatsti, ukspachaw uka chiqat sarxäna, velop ch'uqaqasxasinsti wasitat llaki isipamp uchasxarakïna.
20Uka qhipatsti Judá chachax mä cabrito Tamar warmitak Hirá sat masipamp apayxäna, jupan manut jaytatanak kuttayxañapataki, ukampis masipax janiw uka warmirux jikxatkxänti. 21Ukat uka chiqankir jaqinakar jiskt'äna:
—¿Kawkinkis Enaim markankir uka jan wali sarnaqir warmixa, thakhi thiyan qunt'asirïkän ukaxa? —sasa.
Uka chiqankir jaqinakasti ukxaruw sapxarakïna:
—Janiw akan kuna jan wali sarnaqir warmis utjkiti —sasa.
22Ukat Judá chachan masipax kuttanxäna, juparusti akham sarakïna:
—Janiw uka warmirux jikxatankti, ukhamarus ukankir jaqinakax sapxituwa: “Janiw akan kuna jan wali sarnaqir warmis utjkiti” —sasa.
23Judá chachasti ukxaruw sarakïna:
—Ukhamax ukanak katusiskpan, jiwasat jan khitis sawkasiskañapataki; nayax jupatak mä cabrito apaysma, jumasti janiw uka warmir jikxatanktati —sasa.
24Niya kimsa phaxsi qhipatsti, mayniw Judá chachar yatiyir jutäna akham sasa:
—Tamar yuxch'amax yaqha chachanakamp sarnaqatapawa, jichhax usurirakisä —sasa.
Ukat Judá chachax jach'at arsüna:
—¡Uka warmir jaqunukupxam, ninampi phichhantapxarakim! —sasa.
25Ukampis Tamarar irpsunipkän ukkhasti, jupax awkch'ipar yatiyiriw khithäna: “Khitinkkitix aka yänakax ukaw usuriptayitu. Uka yänak uñxatasin, inampis jumax yatiskchisma khitinkatapsa” sasa. 26Kunapachatix Judá chachax yänakapa uñt'asïna ukkhasti, sänwa: “Janiw jupax kuna juchanïkisa, nayaw juchanïtxa, Selá yuqaxampi jan jaqichataxata” sasa.
27Uka qhipatsti, Tamarax ispa wawachasïna. 28Yuripkän ukkhasti, maynïr wawax amparap luqsunïna, ukatsti usuyir warmix mä wila ch'ankhampiw amparat chint'äna, akham sarakïnwa: “Akïriw nayraqat yurixa” sasa. 29Ukampisa ukspachaw wawax amparap ayantasiwayxäna, ukatsti jilapaw nayraqat yurïna. Ukat usuyir warmix uka wawar Fares sutimpiw uchäna, sarakïnwa: “¿Kunjämarak jumasti nayraqat mistuntasti?” sasa. 30Ukxarusti maynïri wawaw yurirakïna, kawkïritix wila ch'ankhampi amparapan chint'atäkäna uka, juparusti Zérah sutimpiw ucharakïna.
Currently Selected:
GÉNESIS 38: AYOPD
Highlight
Share
Copy
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996
GÉNESIS 38
38
Judá chachampi, Tamar warmimpi
1Uka urunakansti Judá chachax jilanakapat saraqawayxasinxa, Adulam markaruw sarxäna, ukansti Hirá sat masipan utapan jakäna. 2Uka chiqansti Judá chachax Súa sat cananeo jaqin phuchhaparuw uñt'äna, ukatsti jupampiw jaqichasxäna. Uka qhipatsti, 3warmipax usuriptxänwa, ukatsti mä yuqall wawa wawachasïna, uka wawarusti Er sutimpiw uchäna. 4-5Uka qhipatxa, Judá chachan warmipax pä kutimp wawachasïna: mayni wawarux Onán sasaw sutichäna, maynïrirusti Selá sutimpiw ucharakïna, uka wawax Quezib chiqan yurïna.
6Judá chachasti Er jilïr yuqaparux Tamar sat warmimpiw jaqichäna. 7Ukampis Er chachax Tatit nayraqatan jan wali sarnaqäna, ukat Diosax jupar jiwayäna. 8Judá awkipasti Onán yuqapar säna:
—Jilaman ijmapampi jaqichasim, jilam lanti luräwinak phuqham, ukhamat jiwat jilaman juma tuqi wawanïñapataki —sasa.
9Ukampis Onán chachax amuyasïnwa kawkïr wawanakatix jilapan ijmapampi wawanïkasapän ukanakaxa, janiw jupan wawapa satäkasapänti. Ukat sapa kuti jilapan ijmapampi mayachaskän ukkhax janiw usuriptayañ munkänti, ukhamat jilapan jan jupa tuqi wawanïñapataki. 10Diosasti Onán chachan ukham luratapata wal q'apisïna, ukat juparus jiwayarakïna. 11Ukhamasti Judá chachax Tamar yuxch'aparux sänwa:
—Jichhax ijma warmjam awkiman utapan jakam, Selá yuqaxan jilsuñapkama —sasa.
Chiqpachansa, Judá chachax chuymapan lup'isïna inampis Selá yuqapax jilanakapjam jiwxarakispa uka. Ukhamasti Tamar warmix awkipan utapar jakiriw sarxäna.
12Uka jaya qhipatsti, Súa jaqin phuchhapa, Judá chachan warmipax jiwxänwa. Llakisiñ urunak qhipatsti, Judá chachax Timnat markaruw saräna, kawkhantix awatirinakapax ovejanakapat t'awra yawisipkän ukaru, Hirá sat adulamita masipaw jupa chika sararakïna. 13Tamarasti awkch'ipan Timnat markar t'awra yawir saratap yatisinxa, 14llakt'asiñ isip apsusïna, ajanupsti mä velompiw imt'asïna, jan khitinsa uñt'kaya, ukatsti Enaim markar mantañawjar qunt'asiriw saräna, Timnat markar sarañ thakhi thiyaru. Tamar warmisti Selan waynäxatap amuyasin ukham luräna, ukampis Judá chachax janïraw jupamp jaqichkänti.
15Kunapachatix Judá chachax jupar uñjkän ukkhasti, velon ch'uqt'atätapatxa, mä jan wali sarnaqir warmïkaspas ukham amuyäna. 16Thakhit maysaru saraqtasinsti, uka warmiruw jikxatäna, janiw yuxch'apätap yatkänti, ukat säna:
—¿Jumamp ikintaskiristti? —sasa.
Warmisti ukxaruw jiskt'äna:
—¿Nayampi ikintasinsti kunarak churitätasti? —sasa.
17Judá chachasti sarakïnwa:
—Tamanakaxat mä cabrito apayanïma —sasa.
Warmisti akham sarakïna:
—Walikiwa, ukampisa jumankirit mä kunsa jaytita, uka cabrito apayaniñamkama —sasa.
18Judá chachasti jiskt'askakïnwa:
—¿Kunsa nayankirit jaytañax munta? —sasa.
Warmisti sarakïnwa:
—Sutim chimpuntañxa chinuñapamppach jaytita, amparamankki uka thujrump kuna —sasa.
Judá chachasti taqi ukanak churäna, ukatsti uka warmimpiw ikintäna, Tamar warmisti usur jaqiptxänwa. 19Ukatsti, ukspachaw uka chiqat sarxäna, velop ch'uqaqasxasinsti wasitat llaki isipamp uchasxarakïna.
20Uka qhipatsti Judá chachax mä cabrito Tamar warmitak Hirá sat masipamp apayxäna, jupan manut jaytatanak kuttayxañapataki, ukampis masipax janiw uka warmirux jikxatkxänti. 21Ukat uka chiqankir jaqinakar jiskt'äna:
—¿Kawkinkis Enaim markankir uka jan wali sarnaqir warmixa, thakhi thiyan qunt'asirïkän ukaxa? —sasa.
Uka chiqankir jaqinakasti ukxaruw sapxarakïna:
—Janiw akan kuna jan wali sarnaqir warmis utjkiti —sasa.
22Ukat Judá chachan masipax kuttanxäna, juparusti akham sarakïna:
—Janiw uka warmirux jikxatankti, ukhamarus ukankir jaqinakax sapxituwa: “Janiw akan kuna jan wali sarnaqir warmis utjkiti” —sasa.
23Judá chachasti ukxaruw sarakïna:
—Ukhamax ukanak katusiskpan, jiwasat jan khitis sawkasiskañapataki; nayax jupatak mä cabrito apaysma, jumasti janiw uka warmir jikxatanktati —sasa.
24Niya kimsa phaxsi qhipatsti, mayniw Judá chachar yatiyir jutäna akham sasa:
—Tamar yuxch'amax yaqha chachanakamp sarnaqatapawa, jichhax usurirakisä —sasa.
Ukat Judá chachax jach'at arsüna:
—¡Uka warmir jaqunukupxam, ninampi phichhantapxarakim! —sasa.
25Ukampis Tamarar irpsunipkän ukkhasti, jupax awkch'ipar yatiyiriw khithäna: “Khitinkkitix aka yänakax ukaw usuriptayitu. Uka yänak uñxatasin, inampis jumax yatiskchisma khitinkatapsa” sasa. 26Kunapachatix Judá chachax yänakapa uñt'asïna ukkhasti, sänwa: “Janiw jupax kuna juchanïkisa, nayaw juchanïtxa, Selá yuqaxampi jan jaqichataxata” sasa.
27Uka qhipatsti, Tamarax ispa wawachasïna. 28Yuripkän ukkhasti, maynïr wawax amparap luqsunïna, ukatsti usuyir warmix mä wila ch'ankhampiw amparat chint'äna, akham sarakïnwa: “Akïriw nayraqat yurixa” sasa. 29Ukampisa ukspachaw wawax amparap ayantasiwayxäna, ukatsti jilapaw nayraqat yurïna. Ukat usuyir warmix uka wawar Fares sutimpiw uchäna, sarakïnwa: “¿Kunjämarak jumasti nayraqat mistuntasti?” sasa. 30Ukxarusti maynïri wawaw yurirakïna, kawkïritix wila ch'ankhampi amparapan chint'atäkäna uka, juparusti Zérah sutimpiw ucharakïna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996