JUAN 19
19
1Ukatsti Pilatox Jesusar jawq'jayañatakiw mayïna. 2Soldadonakasti ch'aphinakat mä pillu lurapxäna, ukampiw Jesusan p'iqipxar asxatapxäna, ukatsti ch'iyär wila isimpiw isintayapxäna. 3Ukatsti jupar jak'achasisin sapxarakïna:
—¡Jallalla judionakan Reyipa! —sasa.
Ukatsti ajanut nuwantapxäna.
4Pilatosti wasitampiw mistunïna, ukat jupanakar sarakïna:
—Janiw nayax kuna juchsa aka jaqin jikxatkti; uk yatipxañamatakiw irpsunta —sasa.#19.4 Lc 23.4.
5Jesusasti, p'iqipar ch'aphi pillumpi asxatata, ch'iyär wila isimpi ist'ataw mistunïna. Pilatosti jupanakarux sänwa:
—¡Akax uka jaqixa! —sasa.
6Sacerdotenakan jilïrinakapampi, Tatitun utap uñjir soldadonakampisti, Jesusar uñjasin jach'at arnaqañ qalltapxäna:
—¡Ch'akkatam! ¡Ch'akkatam! —sasa.
Pilatosti jupanakarux sänwa:
—Ukhamax jumanakay irpapxam, ukatsti ch'akkatanipxam, nayax janiw kuna juchsa aka jaqin jikxatkti —sasa.
7Judeankir jilïr jaqinakasti sapxarakïnwa:
—Mä kamachiw nanakan utjapxitu, uka kamachirjamasti, Diosan Yuqap tukutap laykux jiwañapawa —sasa.
8Pilatox uk ist'asin juk'ampiw axsaräna. 9Taripäwi chiqar wasitat mantasinsti, Jesusaruw jiskt'äna:
—¿Kawkinkirïtas jumaxa? —sasa.
Jesusasti janiw kuns arskänti.#19.9 Mt 26.63; 27.12,14; Lc 23.9; Is 53.7. 10Ukat Pilatox säna:
—¿Janit nayarux jayskitäta? ¿Janit nayax jumar ch'akkatañataki, jan ukax, antutxañatakis munañanïkta uk yatktasti? —sasa.
11Jesusasti juparux sänwa:
—Janiw nayatak kuna munañanïkasmasa, janitix Diosax churkiristam ukaxa;#19.11 Jn 3.27; 18.11. ukatpï, khititix jumar katuykitu ukax jumat sipan juk'amp juchaniwa —sasa.
12Pilatosti ukapachatpach Jesusar antutañ munäna; ukampis judionakax jach'at art'apxäna:
—¡Aka jaqirutix antutnukütaxa, janiw Cesaran jila masipäktati! ¡Khititix reyir tukuñ munki ukax, Cesar emperadoran uñisiripawa! —sasa.
13Pilatosti uk ist'asinxa, Jesusaruw irpsuyanïna, jupasti taripañ chiqaruw qunt'asïna, uka chiqasti Gabatá satänwa, hebreo arunxa, Qalampi Suk'suta sañ muni. 14Pascua urun puriniñapatakix mä urukïxänwa, niya chika ururusti Pilatox judionakaruw säna:
—¡Akax reyimaxa! —sasa.
15Judionakasti juk'ampiw art'apxäna:
—¡Cruzar ch'akkatam! ¡Cruzar ch'akkatam! —sasa.
Pilatosti jupanakarux jiskt'änwa:
—¿Jumanakan reyimarut ch'akkatästi? —sasa.
Sacerdotenakan jilïrinakapasti sapxarakïnwa:
—Nanakan reyixax Cesarakiwa, janiw juk'amp yaqha reyix utjapkituti —sasa.
16Ukatsti Pilatox Jesusar ch'akkatañapatakiw judionakar katuyxäna, jupanakasti Jesusarux irpsuwayxapxänwa.
Jesusax ch'akkatatawa
(Mt 27.32-44; Mc 15.21-32; Lc 23.26-43)
17Jesusasti cruzap q'ipt'ataw Calavera sat chiqar sarañatak mistuwayäna, hebreo arunxa, Gólgota satawa. 18Uka chiqan Jesusarux ch'akkatapxäna, jupamp chikasti purapäxar paniniruw ch'akkatapxäna, Jesusarusti jupanak taypiru. 19Pilatosti cruzar uskuyañatak mä qillqat luratayna, akham sasa: “Nazaretankir Jesús, judionakan Reyipa” sasa. 20Walja judionakaw uka qillqat ullarapxäna, Jesusar ch'akkatapkän uka chiqan marka jak'ankatap layku. Uka qillqatasti hebreo aruna, griego aruna, latín arun qillqatänwa. 21Ukat sacerdotenakan jilïrinakapax Pilator sapxäna:
—“Judionakan Reyipa” sasax jan qillqamti, jan ukasti: “Judionakan Reyipätwa siwa” sas qillqam —sasa.
22Pilatosti jupanakarux sänwa:
—Nayan qillqatäki ukax janipuniw mayjt'ayatäkaniti —sasa.
23Soldadonakasti Jesusar ch'akkatxasinxa, jupan isip apthapipxäna, ukatsti, pusir jaljasin mayakam katusipxäna. Ukatsti pata isip katupxarakïna, uka isix janiw ch'ukunïkänti, jan ukasti, amstat aynachkam maya p'itatakïnwa, 24soldadonakasti jupanak puraw sasipxäna:
—Jan ch'iyjkañäniti, jan ukasti suerte jaqtañäni, ukhamat yatiñäni khitirus wakt'ani uka —sasa.
Ukasti Qillqatan phuqhasiñapatakiw ukham lurasiskäna: “Isixsti jupanakkamaw lakjasipxäna, patar uchasiñ isixsa suertet jaqtapxarakïna” sasa.#19.24 Sal 22.18 (19); Mc 15.24. Soldadonakax ukham lurapxäna.
25Cruza jak'ansti, Jesusan María taykapampi, Cleofasan María warmipampiw ukankapxäna, jupasti Jesusan tiapänwa, ukhamarak Magdalankir Mariampi.#19.25 Mt 27.55-56; Mc 15.40; Lc 23.49. 26Jesusasti, María taykaparuw uñjäna munat yatiqiripamp chikt'ata, ukat taykaparux säna:
—Warmi, ukaxay yuqamaxa —sasa.
27Yatiqiriparusti sarakïnwa:
—Ukaxay taykamaxa —sasa.
Yatiqiristi, ukürut Mariarux utapar irpxäna.
Jesusan jiwäwipa
(Mt 27.45-56; Mc 15.33-41; Lc 23.44-49)
28Ukanak qhipatsti, Jesusax taqi kunan phuqhasxatap yatïna, ukatsti Qillqatan phuqhasiñapatakiw säna: #19.28 Sal 69.21 (22); Sal 22.15 (16).
—Umat pharjitu —sasa.
29Ukawjansti mä chatuw k'allk'u vinompi phuqhantat utjäna, ukatsti mä esponja aptasin uka k'allk'u vinoruw chilltapxäna, ukat hisopo sat alin laymipar chinkatasin Jesusan lakapar chillkatapxäna. 30Jesusasti uka k'allk'u vino mallt'äna, ukatsti sänwa:
—Taqi kunaw phuqhata —sasa.
Ukatsti p'iqip alt'asin jiwawayxäna.
Mä soldadox Jesusan ch'illapat lanzampiw jununti
31Pascuatakix mä urukïxänwa. Judionakax janiw sábado urun amayanakan cruzan qhiparañap munapkänti, uka sábado urun wali jach'a urütap layku. Ukat Pilatorux cruzan ch'akkatatäpkän ukanakan kayunakap p'akirayañatak mayipxäna, ukhamat jank'ak jiwapxañapataki, ukatsti amayanakap cruzat apaqayañapataki. 32Soldadonakasti sarasin Jesusamp chika ch'akkatatäpkän ukanakarux, paninpacharuw kayunakap p'akirapxäna. 33Ukampis Jesusar jak'achaskasinsti, jiwatäxatap uñjapxäna, ukat jupan kayunakap jan p'akirapkänti.
34Ukampis maynïr soldadox ch'illapat lanzampiw jununtäna, ukspachaw wilampi umampix jalsunïna. 35Uk uñjiriw akham arsüna, chiqpun arsüna; jupax chiq arsutap yatïnwa, ukhamat jumanakan iyawsapxañamataki. 36Akanakax Qillqatan phuqhasiñapatakiw lurasïna: “Janiw kayu ch'akhapsa p'akjapkaniti” sasa.#19.36 Sal 34.20 (21); Ex 12.46; Nm 9.12. 37Yaqhawjansti Qillqatax sarakiwa: “Chhuxriñchjataruw uñjapxani” sasa.#19.37 Zac 12.10; Ap 1.7.
Jesusan imäwipa
(Mt 27.57-61; Mc 15.42-47; Lc 23.50-56)
38Uka qhipatsti, Arimateankir Joseaw Jesusan amayap apasxañatak Pilator achikt'asïna. Joseasti, Jesusan yatiqiripänwa, judionakar axsarasin jamasat arkkchïna ukasa. Pilatosti mayitapar jaysänwa, ukat Joseax Jesusan amayap apasxäna. 39Ukatsti kawkïritix mä aruma Jesusampi parlir sarkatayna uka Nicodemox, kimsa tunka kilo mirra, áloe kittata suma q'apkir qulla apt'ataw purinirakïna. 40Ukhamasti Joseampi Nicodemompix Jesusan amayaparux uka q'apkir qullampi jawsut ch'uqañanakampiw llawuntapxäna, kunjämtix judionakax amayar imapxirïkän ukhama. 41Jesusar ch'akkatapkän uka chiqan mä uyuw utjäna, uka uyunsti mä machaq amay imañaw utjarakïna,#19.41 Mt 27.60. ukarusti janïraw khitirus imapkataynati. 42Ukaruw Jesusan amayap imapxäna, jak'ankatap layku, judionakan sábado urupan jak'achasinxatap laykuraki.
Currently Selected:
JUAN 19: AYOPD
Highlight
Share
Copy
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996
JUAN 19
19
1Ukatsti Pilatox Jesusar jawq'jayañatakiw mayïna. 2Soldadonakasti ch'aphinakat mä pillu lurapxäna, ukampiw Jesusan p'iqipxar asxatapxäna, ukatsti ch'iyär wila isimpiw isintayapxäna. 3Ukatsti jupar jak'achasisin sapxarakïna:
—¡Jallalla judionakan Reyipa! —sasa.
Ukatsti ajanut nuwantapxäna.
4Pilatosti wasitampiw mistunïna, ukat jupanakar sarakïna:
—Janiw nayax kuna juchsa aka jaqin jikxatkti; uk yatipxañamatakiw irpsunta —sasa.#19.4 Lc 23.4.
5Jesusasti, p'iqipar ch'aphi pillumpi asxatata, ch'iyär wila isimpi ist'ataw mistunïna. Pilatosti jupanakarux sänwa:
—¡Akax uka jaqixa! —sasa.
6Sacerdotenakan jilïrinakapampi, Tatitun utap uñjir soldadonakampisti, Jesusar uñjasin jach'at arnaqañ qalltapxäna:
—¡Ch'akkatam! ¡Ch'akkatam! —sasa.
Pilatosti jupanakarux sänwa:
—Ukhamax jumanakay irpapxam, ukatsti ch'akkatanipxam, nayax janiw kuna juchsa aka jaqin jikxatkti —sasa.
7Judeankir jilïr jaqinakasti sapxarakïnwa:
—Mä kamachiw nanakan utjapxitu, uka kamachirjamasti, Diosan Yuqap tukutap laykux jiwañapawa —sasa.
8Pilatox uk ist'asin juk'ampiw axsaräna. 9Taripäwi chiqar wasitat mantasinsti, Jesusaruw jiskt'äna:
—¿Kawkinkirïtas jumaxa? —sasa.
Jesusasti janiw kuns arskänti.#19.9 Mt 26.63; 27.12,14; Lc 23.9; Is 53.7. 10Ukat Pilatox säna:
—¿Janit nayarux jayskitäta? ¿Janit nayax jumar ch'akkatañataki, jan ukax, antutxañatakis munañanïkta uk yatktasti? —sasa.
11Jesusasti juparux sänwa:
—Janiw nayatak kuna munañanïkasmasa, janitix Diosax churkiristam ukaxa;#19.11 Jn 3.27; 18.11. ukatpï, khititix jumar katuykitu ukax jumat sipan juk'amp juchaniwa —sasa.
12Pilatosti ukapachatpach Jesusar antutañ munäna; ukampis judionakax jach'at art'apxäna:
—¡Aka jaqirutix antutnukütaxa, janiw Cesaran jila masipäktati! ¡Khititix reyir tukuñ munki ukax, Cesar emperadoran uñisiripawa! —sasa.
13Pilatosti uk ist'asinxa, Jesusaruw irpsuyanïna, jupasti taripañ chiqaruw qunt'asïna, uka chiqasti Gabatá satänwa, hebreo arunxa, Qalampi Suk'suta sañ muni. 14Pascua urun puriniñapatakix mä urukïxänwa, niya chika ururusti Pilatox judionakaruw säna:
—¡Akax reyimaxa! —sasa.
15Judionakasti juk'ampiw art'apxäna:
—¡Cruzar ch'akkatam! ¡Cruzar ch'akkatam! —sasa.
Pilatosti jupanakarux jiskt'änwa:
—¿Jumanakan reyimarut ch'akkatästi? —sasa.
Sacerdotenakan jilïrinakapasti sapxarakïnwa:
—Nanakan reyixax Cesarakiwa, janiw juk'amp yaqha reyix utjapkituti —sasa.
16Ukatsti Pilatox Jesusar ch'akkatañapatakiw judionakar katuyxäna, jupanakasti Jesusarux irpsuwayxapxänwa.
Jesusax ch'akkatatawa
(Mt 27.32-44; Mc 15.21-32; Lc 23.26-43)
17Jesusasti cruzap q'ipt'ataw Calavera sat chiqar sarañatak mistuwayäna, hebreo arunxa, Gólgota satawa. 18Uka chiqan Jesusarux ch'akkatapxäna, jupamp chikasti purapäxar paniniruw ch'akkatapxäna, Jesusarusti jupanak taypiru. 19Pilatosti cruzar uskuyañatak mä qillqat luratayna, akham sasa: “Nazaretankir Jesús, judionakan Reyipa” sasa. 20Walja judionakaw uka qillqat ullarapxäna, Jesusar ch'akkatapkän uka chiqan marka jak'ankatap layku. Uka qillqatasti hebreo aruna, griego aruna, latín arun qillqatänwa. 21Ukat sacerdotenakan jilïrinakapax Pilator sapxäna:
—“Judionakan Reyipa” sasax jan qillqamti, jan ukasti: “Judionakan Reyipätwa siwa” sas qillqam —sasa.
22Pilatosti jupanakarux sänwa:
—Nayan qillqatäki ukax janipuniw mayjt'ayatäkaniti —sasa.
23Soldadonakasti Jesusar ch'akkatxasinxa, jupan isip apthapipxäna, ukatsti, pusir jaljasin mayakam katusipxäna. Ukatsti pata isip katupxarakïna, uka isix janiw ch'ukunïkänti, jan ukasti, amstat aynachkam maya p'itatakïnwa, 24soldadonakasti jupanak puraw sasipxäna:
—Jan ch'iyjkañäniti, jan ukasti suerte jaqtañäni, ukhamat yatiñäni khitirus wakt'ani uka —sasa.
Ukasti Qillqatan phuqhasiñapatakiw ukham lurasiskäna: “Isixsti jupanakkamaw lakjasipxäna, patar uchasiñ isixsa suertet jaqtapxarakïna” sasa.#19.24 Sal 22.18 (19); Mc 15.24. Soldadonakax ukham lurapxäna.
25Cruza jak'ansti, Jesusan María taykapampi, Cleofasan María warmipampiw ukankapxäna, jupasti Jesusan tiapänwa, ukhamarak Magdalankir Mariampi.#19.25 Mt 27.55-56; Mc 15.40; Lc 23.49. 26Jesusasti, María taykaparuw uñjäna munat yatiqiripamp chikt'ata, ukat taykaparux säna:
—Warmi, ukaxay yuqamaxa —sasa.
27Yatiqiriparusti sarakïnwa:
—Ukaxay taykamaxa —sasa.
Yatiqiristi, ukürut Mariarux utapar irpxäna.
Jesusan jiwäwipa
(Mt 27.45-56; Mc 15.33-41; Lc 23.44-49)
28Ukanak qhipatsti, Jesusax taqi kunan phuqhasxatap yatïna, ukatsti Qillqatan phuqhasiñapatakiw säna: #19.28 Sal 69.21 (22); Sal 22.15 (16).
—Umat pharjitu —sasa.
29Ukawjansti mä chatuw k'allk'u vinompi phuqhantat utjäna, ukatsti mä esponja aptasin uka k'allk'u vinoruw chilltapxäna, ukat hisopo sat alin laymipar chinkatasin Jesusan lakapar chillkatapxäna. 30Jesusasti uka k'allk'u vino mallt'äna, ukatsti sänwa:
—Taqi kunaw phuqhata —sasa.
Ukatsti p'iqip alt'asin jiwawayxäna.
Mä soldadox Jesusan ch'illapat lanzampiw jununti
31Pascuatakix mä urukïxänwa. Judionakax janiw sábado urun amayanakan cruzan qhiparañap munapkänti, uka sábado urun wali jach'a urütap layku. Ukat Pilatorux cruzan ch'akkatatäpkän ukanakan kayunakap p'akirayañatak mayipxäna, ukhamat jank'ak jiwapxañapataki, ukatsti amayanakap cruzat apaqayañapataki. 32Soldadonakasti sarasin Jesusamp chika ch'akkatatäpkän ukanakarux, paninpacharuw kayunakap p'akirapxäna. 33Ukampis Jesusar jak'achaskasinsti, jiwatäxatap uñjapxäna, ukat jupan kayunakap jan p'akirapkänti.
34Ukampis maynïr soldadox ch'illapat lanzampiw jununtäna, ukspachaw wilampi umampix jalsunïna. 35Uk uñjiriw akham arsüna, chiqpun arsüna; jupax chiq arsutap yatïnwa, ukhamat jumanakan iyawsapxañamataki. 36Akanakax Qillqatan phuqhasiñapatakiw lurasïna: “Janiw kayu ch'akhapsa p'akjapkaniti” sasa.#19.36 Sal 34.20 (21); Ex 12.46; Nm 9.12. 37Yaqhawjansti Qillqatax sarakiwa: “Chhuxriñchjataruw uñjapxani” sasa.#19.37 Zac 12.10; Ap 1.7.
Jesusan imäwipa
(Mt 27.57-61; Mc 15.42-47; Lc 23.50-56)
38Uka qhipatsti, Arimateankir Joseaw Jesusan amayap apasxañatak Pilator achikt'asïna. Joseasti, Jesusan yatiqiripänwa, judionakar axsarasin jamasat arkkchïna ukasa. Pilatosti mayitapar jaysänwa, ukat Joseax Jesusan amayap apasxäna. 39Ukatsti kawkïritix mä aruma Jesusampi parlir sarkatayna uka Nicodemox, kimsa tunka kilo mirra, áloe kittata suma q'apkir qulla apt'ataw purinirakïna. 40Ukhamasti Joseampi Nicodemompix Jesusan amayaparux uka q'apkir qullampi jawsut ch'uqañanakampiw llawuntapxäna, kunjämtix judionakax amayar imapxirïkän ukhama. 41Jesusar ch'akkatapkän uka chiqan mä uyuw utjäna, uka uyunsti mä machaq amay imañaw utjarakïna,#19.41 Mt 27.60. ukarusti janïraw khitirus imapkataynati. 42Ukaruw Jesusan amayap imapxäna, jak'ankatap layku, judionakan sábado urupan jak'achasinxatap laykuraki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996