LUCAS 1
1
Qallta arunaka
1Kuntix Diosax jiwasanak taypin lurawayki ukanakat walja jaqinakaw saräwiparjam qillqañ yant'apxäna, 2jupanakasti qalltatpach uka luräwinak uñjapkataynas ukanak ukhampach jiwasar yatiyapxistu, ukatsti Diosan arunakap yatiyañatakiw mä iwxt'a katuqapxäna. 3Munat Teófilo, nayasti wali amuyumpi taqi ukanakat qalltatpach sum yatxatarakta, ukat amuyataxarjam taqi akanak saraparjam jumar qillqansma, 4ukhamat kawkïr arunaktix yatichapkäyätam ukanakan chiqätap yatiñamataki.
I. BAUTISIRI JUANAMPI, JESUSAMPI WAWÄPKÄN UKAPACHA
(1.5—2.52)
1. Yatiyäwinaka
(1.5-56)
Mä angelaw Bautisiri Juanan yuriñapat yatiyi
5Kunapachatix Herodesax Judea uraqin reyïkän ukkhasti, mä sacerdotew utjäna, Zacarías sata, jupasti Abías#1.5 Abías: Pä tunka pusin sacerdotenakat mayni (1 Cr 24.10). Sapa maynix Jerusalén markan Tatitun utapan paqallqu uruw maran pay kuti luqtapxirïna. sacerdoten tamapankirïnwa. Warmipasti Isabel satänwa, jupasti Aarón sacerdoten wila masipat jutirïnwa. 6Jupanakax Diosan nayraqatapan aski jaqïpxänwa, Tatitun arsutaparjama, kamachiparjam phuqhasaw jan khitinsa juchañchat sarnaqapxäna. 7Jupanakax janiw wawanïpkänti, Isabelan jan wawachasir warmïtap layku, ukhamarus jupanakax wali chuymanïxapxänwa.#1.7 Gn 11.30; 17.15-21; 1 S 1.
8Mä uruw Zacarías sacerdoten tamaparux Tatitun utapan incienso luqtañax wakt'äna, 9Sacerdotenakan luräwinakaparjamasti, Zacariasaruw wakt'äna Tatitun utapan qullan chiqar mantasin incienso luqtañapaxa. 10Incienso nakt'ayas luqtañapkamasti, taqi jaqinakaw anqäxan Tatitur mayisisipkäna. 11Ukapachaw Tatitun mä angelapaxa, Zacariasar incienso altaräkis uka kupïx thiyan sayt'at uñstäna. 12Zacariasasti angelar uñjasax walpun mulljasïna, wal axsararakïna. 13Angelasti juparux sänwa:
—Zacarías, jan axsaramti, juman mayisitamarux Diosax ist'tamwa, Isabel warmimasti mä yuqall wawa wawachasini. Juparusti “Juan” sasaw sutichäta. 14Ukatsti jumax wal kusisïta, waljanirakiw jupan yuritapat kusisipxani, 15aka wawax Tatit nayraqatan wali aytatäniwa. Janiw vino umkaniti, janirakiw kuna umañanaksa umkaniti, jupax janïr yurkis ukkhatpach Qullan Ajayun phuqt'atäniwa. 16Jupasti Israelan wawanakapat waljaniruw Tatitu Diosapar kutikipstayanini. 17Jupa, Juanasti Tatitun nayraqatap sarani, Elías profetan ajayupat ajayuni, ch'amapat ch'amaniraki, awkinakar wawanakapampi sumankthapiyañataki, jan jaysasirinakasti jaysañ yatiqapxañapataki. Ukhamat jaqinakar Tatitur katuqapxañapatak wakichani —sasa.
18Zacariasasti angelarux jiskt'änwa:
—¿Kunjämatsa ukham phuqhasiñap yatiristxa? Nayax niya chuymanïxtwa, warmixas chuymanïxarakiwa —sasa.
19Angelasti juparux sänwa:
—Nayax Gabriel angelätwa,#1.19 Gabriel: Dn 8.16; 9.21. Diosan munañap lurirïtwa; jupaw nayarux khithanitu aka suma yatiyäwinak jumar yatiyiri. 20Ukampis jichhax kuntix sisksma uka arunakar jan iyawsatam laykuw amutu tuküta, ukatsti janiw parlkätati wawaman yuriñapkama —sasa.
21Ukchañkamasti, jaqix anqäxan Zacariasarux suyaskäna, Tatitun utapat jan jank'a mistunitap laykuw jupanakax jiskt'asipxäna: “Kunach kamachxpacha” sasa. 22Zacariasax mistunxän ukkhasti, jan arunïnwa; ukapachaw jupanakax Diosan utapan mä unañchäwi uñjatap amuyapxäna, jupax amparapamp uñacht'ayasakiw parläna amutuptatap layku.
23Diosan utapan luqtañapa urunaka phuqhasipansti, Zacariasax utaparuw sarxäna. 24Uka qhipatsti, Isabel warmipax usur jaqïxänwa, ukatsti phisqa phaxsiw utapat jan mistkänti: 25“Jaqinakan nayar jan juk'amp jisk'achañapatakiw Tatitux nayamp ak luri” sasa.
Mä angelaw Jesusan yuriñapat yatiyi
26Ukat suxta phaxsirusti, Diosax Gabriel angelaruw Galileankir Nazaret markar khithanïna, 27María sat mä virgen tawaqur uñjiri. Jupasti Joseampi jaqichasiñatak parlatänwa. Joseasti Davidan wila masipat jutirïnwa. 28Angelasti Marian ukar mantasin sänwa:
—¡Aruntsmaw María, jumax Diosan askip katuqtaxa! Tatitux jumampïskiwa —sasa.
29Mariasti uka arunak ist'asax walpun mulljasïna, ukatsti chuymapan jiskt'asïna: “¿Kuna aruntarakïpach akasti?” sasa. 30Ukat angelax juparux säna:
—María, jan axsaramti, jumax Diosan nayraqatapan khuyapayasiñap jikxattaxa. 31Jichhax usur jaqiptätawa, ukatsti mä yuqall wawa wawachasïta; juparusti Jesús sutimpiw sutichäta. 32Jupax wali aytat jaqïniwa, “Alaxpach Diosan Wawapa” satarakïniwa, ukatsti Dios Tatituw juparux nayra Davidarjam reyit utt'ayani, 33Israel markar wiñay apnaqañapataki. Jupan uka markar apnaqañapax janipuniw tukuskaniti —sasa.
34Mariasti angelaruw jiskt'äna:
—¿Kunjämarak ukham lurasispasti?, janïraxay nayax chachanïkstixa —sasa.
35Angelasti sänwa:
—Qullan Ajayuw jumxar jutani, ukatsti alaxpach Diosan ch'amapaw mä qinayjam jumarux imxattätam. Yurkani uka wawax Diosan Qullan Wawapa satarakïniwa.#1.35 Mt 1.18-21. 36Ukhamarakiw Isabel wila masimax niya chuymanïxchi ukasa, mä wawa wawachasini. Juparusti jaqix sapxarakïnwa: “Janiw wawanïkxaspati” sasa, ukampis niya suxta phaxsïxiw usur jaqïxatapaxa. 37Diosatakix janiw kunas ch'amäkiti —sasa.#1.37 Gn 18.14; Jer 32.17,27.
38Ukat Mariax säna:
—Nayax Tatitun luqtiripätwa; Diosax arsutaparjamay nayampix lurpan —sasa.
Ukat angelax sarawayxäna.
Mariax Isabelar tumpiriw sari
39Ukürunakansti, Mariax jank'akiw saräna, Judea qullu tuqin mä markaru, 40ukatsti Zacariasan utaparuw mantäna, ukat Isabelar aruntäna. 41Kunapachatix Isabelax Marian aruntap ist'kän ukapachaw, Isabelan purakapan wawax unxtäna, ukatsti Isabelax Qullan Ajayumpi phuqt'ataw uñjasïna. 42Ukat jupax jach'a arut säna:
—Diosaw jumarux taqi warminakat sipansa aski waxt'äwip churtam, ukhamarak wawamarusa.#1.42 Jue 5.24; Jdt 13.18; Lc 11.27-28. 43¿Khitirakïpachät nayasti, Tatituxan taykapan nayar tumpt'ir jutañapatakisti? 44Juman aruntam ist'kta ukspachaw wawaxax purakaxan kusisiñat unxti. 45¡Juman iyawsatamax kusisiñawa, kuntix Tatitux sisktam uka arunakax phuqhasiniwa! —sasa.
46Ukatsti Mariax sänwa:
“Ajayuxax Tatituruw jach'ar apti;
47chuymaxasti Qhispiyir Diosaxan kusisi.#1.47 Is 61.10; Hab 3.17-18.
48Diosan mä jan yäqat luqtiripat amtasitap layku,
jichhat uksarusti taqi jaqiw sapxitani:
“Jumax kusisiñanïtawa” sasa;#1.48 1 S 1.11.
49taqi atipir Diosan jach'a luräwinakap nayamp luratap layku.
¡Sutipasti qullanawa!#1.49 Dt 10.21.
50Diosax khuyapayasipuniniwa
taqi jupar jach'achirinakaruxa.#1.50 Sal 103.13,17.
51Jach'a ch'amapampiw taqi kuns luri,
jach'a jach'a tukurinakarus atipjaraki,#1.51 Sal 118.15-16.
52munañan reyinakaruw qunuñapat jaqunuku,
jan yäqatanakarusti jach'aruw apti.#1.52 1 S 2.8; Job 12.19; Eclo 10.14.
53Manq'at awtjatanakarux askimpiw phuqt'i,
qamirinakarusti jan kunan khithanuku.#1.53 Sal 107.9; 113.7.
54Jupar luqtir Israel markaparuw yanapt'i,
jupanakarux khuyapayasiwa.#1.54 Sal 98.3.
55Awkinakasarux ukham arsuwayatayna,
Abrahamampiru, wawanakapampiru.”#1.55 Gn 17.7; 26.3; Sal 105.8-9; Miq 7.20.
56Mariasti kimsa phaxsiw Isabelan utapan qhiparäna, ukat utapar kutt'awayxäna.
2. Yuririnaka
Bautisir Juanan yuritapa
57Isabelan usxañap uruw purinxäna, jupasti mä yuqall wawa wawachasïna. 58Uta jak'a masinakapampi, wila masinakapampisti, Tatitun jupar khuyapayasitap yatisinwa Isabelar kusisiyir sarapxäna. 59Kimsaqallqu uru saraqatarusti, wawarux circuncisión katuqayiriw sarapxäna,#1.59 Judío yuqall wawanakax yuritapat kimsaqallqu uru qhipat circuncisión katuqayir apapxirïna, kunjämatix Diosax Israel markampi mä arust'äwi lurkän uk phuqhañataki (Gn 17.10-12; Lv 12.3). ukatsti awkipan sutipampiw uka wawarux sutichañ munapxäna: —Zacariasäpan —sasa. 60Ukampis taykapax sänwa:
—Janiw uka sutinïkaspati, Juan satäniwa —sasa.
61Ukat juparux sapxarakïna:
—Janixay uka sutinix wila masimat khitis utjkchitixa —sasa.
62Ukatsti jupanakax awkiparuw amparampi wikucht'as jiskt'apxäna: ¿Kuna sutinïnis wawamaxa?, sasa. 63Awkipasti jupanakat mä jisk'a tabla mayisin ukaruw qillqanti: ‘Sutipax Juan satäniwa’ sasa. Ukatsti taqiniw muspharasipxäna. 64Ukspachaw Zacarías profetax wasitat parlxäna, ukatsti Diosaruw yupaychäna. 65Ukatsti taqi uta jak'apankirinakax wal muspharapxäna, Judea qullu tuqinakan taqi ukanakax yatisirakïna. 66Taqi khitinakatix ukxat yatipkän ukanakax wal lup'ipxäna, sapxarakïnwa: “¿Aka wawax jach'äxan ukkhasti kunarakïpachäni?” sasa. Taqiniw yatipxäna Tatitux ch'amap jupar uñacht'ayatapata.
Zacarías profetax Diosaruw yupaychi
67Zacarías awkipasti Qullan Ajayun phuqt'ataw aka arunak säna:
68“¡Israelan Tatit Diosapax jach'añchatäpan,
jupasti markasar qhispiyiriw juti!
69Mä ch'aman Qhispiyir khithani,
David luqtiripan wawanakap taypita.
70Kunjämtix nayratpach
qullan profetanakap tuqi arskän ukhamarjama:
71jupaw jiwasarux timanakasat qhispiyistani,
taqi khitinakatix uñisipkistu ukanakat qhispiyarakistani,
72nayra awkinakasat khuyapayasisa,
janirakiw qullan arsutanakapat armt'askaniti.#1.72 Ex 2.24; Lv 26.42; Sal 106.45-46; 111.5,9.
73Jupaw Abraham awkisarux
juramentompi arsuwayäna,#1.73 Gn 17.7; Sal 105.8-9; Miq 7.20.
74uñisirinakasat qhispiyañataki,
ukhamat jan axsaras jupar luqtañataki#1.74 Miq 4.10.
75q'uma kankañampi, chiqa kankañampi,
jupan nayraqatapan jupatak jakañasataki.
76Jumasti, munat wawa,
alaxpachankir Diosan profetapa satäyätawa,
jumaw Tatitun nayraqatap saräta,
thakhinakap wakicharakïta,#1.76 Mal 3.1; Mt 3.3; 11.10; Mc 1.2-3; Lc 3.4; 7.27; Jn 1.23.
77markapar qhispiyasiñat yatiyäta,
juchanakapat pampachasiñ utjatapata.#1.77 Mc 1.4; Lc 3.3.
78Dios Awkisasti, khuyapayasiñapatxa,
alaxpachat mä qhispiyir khithanistu,
mä machaq urun intin qhantatapjama,
79khitinakatix ch'amakan jakasipki,
ukanakar qhantayañataki,#1.79 Is 9.2 (1).
jiwasarus samarañ thakhinjam irpañataki.”#1.79 Is 58.8; 60.1-2.
80Yuqall wawasti jilaskänwa, ajayu tuqinsa ch'amañchasïnwa, jupasti wasar tuqinakan jakäna, kunürutix Israel markar uñstañapäkän ukürkama.
Currently Selected:
LUCAS 1: AYOPD
Highlight
Share
Copy
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996
LUCAS 1
1
Qallta arunaka
1Kuntix Diosax jiwasanak taypin lurawayki ukanakat walja jaqinakaw saräwiparjam qillqañ yant'apxäna, 2jupanakasti qalltatpach uka luräwinak uñjapkataynas ukanak ukhampach jiwasar yatiyapxistu, ukatsti Diosan arunakap yatiyañatakiw mä iwxt'a katuqapxäna. 3Munat Teófilo, nayasti wali amuyumpi taqi ukanakat qalltatpach sum yatxatarakta, ukat amuyataxarjam taqi akanak saraparjam jumar qillqansma, 4ukhamat kawkïr arunaktix yatichapkäyätam ukanakan chiqätap yatiñamataki.
I. BAUTISIRI JUANAMPI, JESUSAMPI WAWÄPKÄN UKAPACHA
(1.5—2.52)
1. Yatiyäwinaka
(1.5-56)
Mä angelaw Bautisiri Juanan yuriñapat yatiyi
5Kunapachatix Herodesax Judea uraqin reyïkän ukkhasti, mä sacerdotew utjäna, Zacarías sata, jupasti Abías#1.5 Abías: Pä tunka pusin sacerdotenakat mayni (1 Cr 24.10). Sapa maynix Jerusalén markan Tatitun utapan paqallqu uruw maran pay kuti luqtapxirïna. sacerdoten tamapankirïnwa. Warmipasti Isabel satänwa, jupasti Aarón sacerdoten wila masipat jutirïnwa. 6Jupanakax Diosan nayraqatapan aski jaqïpxänwa, Tatitun arsutaparjama, kamachiparjam phuqhasaw jan khitinsa juchañchat sarnaqapxäna. 7Jupanakax janiw wawanïpkänti, Isabelan jan wawachasir warmïtap layku, ukhamarus jupanakax wali chuymanïxapxänwa.#1.7 Gn 11.30; 17.15-21; 1 S 1.
8Mä uruw Zacarías sacerdoten tamaparux Tatitun utapan incienso luqtañax wakt'äna, 9Sacerdotenakan luräwinakaparjamasti, Zacariasaruw wakt'äna Tatitun utapan qullan chiqar mantasin incienso luqtañapaxa. 10Incienso nakt'ayas luqtañapkamasti, taqi jaqinakaw anqäxan Tatitur mayisisipkäna. 11Ukapachaw Tatitun mä angelapaxa, Zacariasar incienso altaräkis uka kupïx thiyan sayt'at uñstäna. 12Zacariasasti angelar uñjasax walpun mulljasïna, wal axsararakïna. 13Angelasti juparux sänwa:
—Zacarías, jan axsaramti, juman mayisitamarux Diosax ist'tamwa, Isabel warmimasti mä yuqall wawa wawachasini. Juparusti “Juan” sasaw sutichäta. 14Ukatsti jumax wal kusisïta, waljanirakiw jupan yuritapat kusisipxani, 15aka wawax Tatit nayraqatan wali aytatäniwa. Janiw vino umkaniti, janirakiw kuna umañanaksa umkaniti, jupax janïr yurkis ukkhatpach Qullan Ajayun phuqt'atäniwa. 16Jupasti Israelan wawanakapat waljaniruw Tatitu Diosapar kutikipstayanini. 17Jupa, Juanasti Tatitun nayraqatap sarani, Elías profetan ajayupat ajayuni, ch'amapat ch'amaniraki, awkinakar wawanakapampi sumankthapiyañataki, jan jaysasirinakasti jaysañ yatiqapxañapataki. Ukhamat jaqinakar Tatitur katuqapxañapatak wakichani —sasa.
18Zacariasasti angelarux jiskt'änwa:
—¿Kunjämatsa ukham phuqhasiñap yatiristxa? Nayax niya chuymanïxtwa, warmixas chuymanïxarakiwa —sasa.
19Angelasti juparux sänwa:
—Nayax Gabriel angelätwa,#1.19 Gabriel: Dn 8.16; 9.21. Diosan munañap lurirïtwa; jupaw nayarux khithanitu aka suma yatiyäwinak jumar yatiyiri. 20Ukampis jichhax kuntix sisksma uka arunakar jan iyawsatam laykuw amutu tuküta, ukatsti janiw parlkätati wawaman yuriñapkama —sasa.
21Ukchañkamasti, jaqix anqäxan Zacariasarux suyaskäna, Tatitun utapat jan jank'a mistunitap laykuw jupanakax jiskt'asipxäna: “Kunach kamachxpacha” sasa. 22Zacariasax mistunxän ukkhasti, jan arunïnwa; ukapachaw jupanakax Diosan utapan mä unañchäwi uñjatap amuyapxäna, jupax amparapamp uñacht'ayasakiw parläna amutuptatap layku.
23Diosan utapan luqtañapa urunaka phuqhasipansti, Zacariasax utaparuw sarxäna. 24Uka qhipatsti, Isabel warmipax usur jaqïxänwa, ukatsti phisqa phaxsiw utapat jan mistkänti: 25“Jaqinakan nayar jan juk'amp jisk'achañapatakiw Tatitux nayamp ak luri” sasa.
Mä angelaw Jesusan yuriñapat yatiyi
26Ukat suxta phaxsirusti, Diosax Gabriel angelaruw Galileankir Nazaret markar khithanïna, 27María sat mä virgen tawaqur uñjiri. Jupasti Joseampi jaqichasiñatak parlatänwa. Joseasti Davidan wila masipat jutirïnwa. 28Angelasti Marian ukar mantasin sänwa:
—¡Aruntsmaw María, jumax Diosan askip katuqtaxa! Tatitux jumampïskiwa —sasa.
29Mariasti uka arunak ist'asax walpun mulljasïna, ukatsti chuymapan jiskt'asïna: “¿Kuna aruntarakïpach akasti?” sasa. 30Ukat angelax juparux säna:
—María, jan axsaramti, jumax Diosan nayraqatapan khuyapayasiñap jikxattaxa. 31Jichhax usur jaqiptätawa, ukatsti mä yuqall wawa wawachasïta; juparusti Jesús sutimpiw sutichäta. 32Jupax wali aytat jaqïniwa, “Alaxpach Diosan Wawapa” satarakïniwa, ukatsti Dios Tatituw juparux nayra Davidarjam reyit utt'ayani, 33Israel markar wiñay apnaqañapataki. Jupan uka markar apnaqañapax janipuniw tukuskaniti —sasa.
34Mariasti angelaruw jiskt'äna:
—¿Kunjämarak ukham lurasispasti?, janïraxay nayax chachanïkstixa —sasa.
35Angelasti sänwa:
—Qullan Ajayuw jumxar jutani, ukatsti alaxpach Diosan ch'amapaw mä qinayjam jumarux imxattätam. Yurkani uka wawax Diosan Qullan Wawapa satarakïniwa.#1.35 Mt 1.18-21. 36Ukhamarakiw Isabel wila masimax niya chuymanïxchi ukasa, mä wawa wawachasini. Juparusti jaqix sapxarakïnwa: “Janiw wawanïkxaspati” sasa, ukampis niya suxta phaxsïxiw usur jaqïxatapaxa. 37Diosatakix janiw kunas ch'amäkiti —sasa.#1.37 Gn 18.14; Jer 32.17,27.
38Ukat Mariax säna:
—Nayax Tatitun luqtiripätwa; Diosax arsutaparjamay nayampix lurpan —sasa.
Ukat angelax sarawayxäna.
Mariax Isabelar tumpiriw sari
39Ukürunakansti, Mariax jank'akiw saräna, Judea qullu tuqin mä markaru, 40ukatsti Zacariasan utaparuw mantäna, ukat Isabelar aruntäna. 41Kunapachatix Isabelax Marian aruntap ist'kän ukapachaw, Isabelan purakapan wawax unxtäna, ukatsti Isabelax Qullan Ajayumpi phuqt'ataw uñjasïna. 42Ukat jupax jach'a arut säna:
—Diosaw jumarux taqi warminakat sipansa aski waxt'äwip churtam, ukhamarak wawamarusa.#1.42 Jue 5.24; Jdt 13.18; Lc 11.27-28. 43¿Khitirakïpachät nayasti, Tatituxan taykapan nayar tumpt'ir jutañapatakisti? 44Juman aruntam ist'kta ukspachaw wawaxax purakaxan kusisiñat unxti. 45¡Juman iyawsatamax kusisiñawa, kuntix Tatitux sisktam uka arunakax phuqhasiniwa! —sasa.
46Ukatsti Mariax sänwa:
“Ajayuxax Tatituruw jach'ar apti;
47chuymaxasti Qhispiyir Diosaxan kusisi.#1.47 Is 61.10; Hab 3.17-18.
48Diosan mä jan yäqat luqtiripat amtasitap layku,
jichhat uksarusti taqi jaqiw sapxitani:
“Jumax kusisiñanïtawa” sasa;#1.48 1 S 1.11.
49taqi atipir Diosan jach'a luräwinakap nayamp luratap layku.
¡Sutipasti qullanawa!#1.49 Dt 10.21.
50Diosax khuyapayasipuniniwa
taqi jupar jach'achirinakaruxa.#1.50 Sal 103.13,17.
51Jach'a ch'amapampiw taqi kuns luri,
jach'a jach'a tukurinakarus atipjaraki,#1.51 Sal 118.15-16.
52munañan reyinakaruw qunuñapat jaqunuku,
jan yäqatanakarusti jach'aruw apti.#1.52 1 S 2.8; Job 12.19; Eclo 10.14.
53Manq'at awtjatanakarux askimpiw phuqt'i,
qamirinakarusti jan kunan khithanuku.#1.53 Sal 107.9; 113.7.
54Jupar luqtir Israel markaparuw yanapt'i,
jupanakarux khuyapayasiwa.#1.54 Sal 98.3.
55Awkinakasarux ukham arsuwayatayna,
Abrahamampiru, wawanakapampiru.”#1.55 Gn 17.7; 26.3; Sal 105.8-9; Miq 7.20.
56Mariasti kimsa phaxsiw Isabelan utapan qhiparäna, ukat utapar kutt'awayxäna.
2. Yuririnaka
Bautisir Juanan yuritapa
57Isabelan usxañap uruw purinxäna, jupasti mä yuqall wawa wawachasïna. 58Uta jak'a masinakapampi, wila masinakapampisti, Tatitun jupar khuyapayasitap yatisinwa Isabelar kusisiyir sarapxäna. 59Kimsaqallqu uru saraqatarusti, wawarux circuncisión katuqayiriw sarapxäna,#1.59 Judío yuqall wawanakax yuritapat kimsaqallqu uru qhipat circuncisión katuqayir apapxirïna, kunjämatix Diosax Israel markampi mä arust'äwi lurkän uk phuqhañataki (Gn 17.10-12; Lv 12.3). ukatsti awkipan sutipampiw uka wawarux sutichañ munapxäna: —Zacariasäpan —sasa. 60Ukampis taykapax sänwa:
—Janiw uka sutinïkaspati, Juan satäniwa —sasa.
61Ukat juparux sapxarakïna:
—Janixay uka sutinix wila masimat khitis utjkchitixa —sasa.
62Ukatsti jupanakax awkiparuw amparampi wikucht'as jiskt'apxäna: ¿Kuna sutinïnis wawamaxa?, sasa. 63Awkipasti jupanakat mä jisk'a tabla mayisin ukaruw qillqanti: ‘Sutipax Juan satäniwa’ sasa. Ukatsti taqiniw muspharasipxäna. 64Ukspachaw Zacarías profetax wasitat parlxäna, ukatsti Diosaruw yupaychäna. 65Ukatsti taqi uta jak'apankirinakax wal muspharapxäna, Judea qullu tuqinakan taqi ukanakax yatisirakïna. 66Taqi khitinakatix ukxat yatipkän ukanakax wal lup'ipxäna, sapxarakïnwa: “¿Aka wawax jach'äxan ukkhasti kunarakïpachäni?” sasa. Taqiniw yatipxäna Tatitux ch'amap jupar uñacht'ayatapata.
Zacarías profetax Diosaruw yupaychi
67Zacarías awkipasti Qullan Ajayun phuqt'ataw aka arunak säna:
68“¡Israelan Tatit Diosapax jach'añchatäpan,
jupasti markasar qhispiyiriw juti!
69Mä ch'aman Qhispiyir khithani,
David luqtiripan wawanakap taypita.
70Kunjämtix nayratpach
qullan profetanakap tuqi arskän ukhamarjama:
71jupaw jiwasarux timanakasat qhispiyistani,
taqi khitinakatix uñisipkistu ukanakat qhispiyarakistani,
72nayra awkinakasat khuyapayasisa,
janirakiw qullan arsutanakapat armt'askaniti.#1.72 Ex 2.24; Lv 26.42; Sal 106.45-46; 111.5,9.
73Jupaw Abraham awkisarux
juramentompi arsuwayäna,#1.73 Gn 17.7; Sal 105.8-9; Miq 7.20.
74uñisirinakasat qhispiyañataki,
ukhamat jan axsaras jupar luqtañataki#1.74 Miq 4.10.
75q'uma kankañampi, chiqa kankañampi,
jupan nayraqatapan jupatak jakañasataki.
76Jumasti, munat wawa,
alaxpachankir Diosan profetapa satäyätawa,
jumaw Tatitun nayraqatap saräta,
thakhinakap wakicharakïta,#1.76 Mal 3.1; Mt 3.3; 11.10; Mc 1.2-3; Lc 3.4; 7.27; Jn 1.23.
77markapar qhispiyasiñat yatiyäta,
juchanakapat pampachasiñ utjatapata.#1.77 Mc 1.4; Lc 3.3.
78Dios Awkisasti, khuyapayasiñapatxa,
alaxpachat mä qhispiyir khithanistu,
mä machaq urun intin qhantatapjama,
79khitinakatix ch'amakan jakasipki,
ukanakar qhantayañataki,#1.79 Is 9.2 (1).
jiwasarus samarañ thakhinjam irpañataki.”#1.79 Is 58.8; 60.1-2.
80Yuqall wawasti jilaskänwa, ajayu tuqinsa ch'amañchasïnwa, jupasti wasar tuqinakan jakäna, kunürutix Israel markar uñstañapäkän ukürkama.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996