Sɛ́aŋ 19
19
1Pɛláad aáság koboyɛ́ʼkɛn toɛn lɛ́ pə́siəd Yə́sus, pɛ́ɛn amobáam na nsuə́. 2Pasɔ́njaa píísiə́d nuwoo nó pɔsɛ́n, páánog, pámámosɔ́nɛg a oʼto wɔnɔ́ nodám nó nkúm. Pə́yímuníígi ntaa yɛ́ mbógógó, 3pə́əgiim adɛ́lɛman a udi wə́ə́ŋ əgumuúsoyidəni pɔ́nɔ́: «Nkúm ɛ Yúdɛn, calɛʼ calɛʼ calɛʼ!» Páamosában ambany a ombáŋ.
4Pɛláad aáság kiiʼkini kiim álon əgiim ɔsɔyɔ na nigúu, ɔnɔ́ na pɔ́lɛ́: «Mɛ kiim ndon na Yə́sus. Lɛŋáan lɛ́ ntɛɔ́ŋɛn ɛgom a nkó yəəŋ yɛ́ ndɛɛ́ ogomoyɛ́ʼkɛn nsɔ́ɔ́ a yɛ́lɛ́.» 5Yə́sus aáság kiim álon na ntaa yɛ́ mbógógó yɛ́ pə́yímuníígi, na nodám nó pɔsɛ́n a oʼto. Náa Pɛláad ɔnɔ́ na nigúu: «Táá, nyɔ́ aa nyóonɛ o.» 6Ná puʼkúm pó payaaganɛʼ pɛfɔny, na pənuŋ palaamɛʼ pɛ́ɛ́dála Yə́sus əə́ʼkiim álon, pə́ə́bə́ə́ kosása, pɔ́nɔ́: «Ɛ́ʼkɛn toɛn óo, pɛ́ɛn amoóbaŋan a ɔmbásá! Ɛ́ʼkɛn toɛn pɛ́ɛn amoóbaŋan a ɔmbásá ó!» Náa Pɛláad ɔnɔ́ na pɔ́lɛ́: «Ndóo óo! Púmuúsiəd pəŋibáamɔɛ́d, póɛn amoóbaŋan. A mɛ, mbábodɛánɛ lɛ́ ntɛɔ́ŋɛn ɛgom a nkó yəəŋ.»
7Náa Yúdɛn yɔ́nɔ́ na Pɛláad: «Pɛcɛm piə́s pɛ́lɛ kɔ. Pɛ́lɛ́ aa pə́mə́mugúmin pɛɔ́nɔ́ alɛ lɛ́ pámoyóon a igúg yɛ́ɛnɛ lɛ́ alɛ əgəə́səə ɔnɔ́ nyɔ́lɛ́ alɛ Mɔɔ́n o Táán.»
8Ná Pɛláad ayóób náan, nkó yəəŋ yaáság kobag. 9Aáság kiiʼkini kosɔd na Yə́sus a yoog, ɔnɔ́ na nyɔ́lɛ́: «Olɛ mɔɔ́n nyɔ́ a yoog ɛ pɔɔd yɛ ánɛ áŋ?» Náa, Yə́sus adɛʼkɛ́ɛ agomoóbaalɛ kə́mmú. 10Náa Pɛláad ɔnɔ́ na nyɔ́lɛ́: «Mɛ áa odɛágɛʼka á! Ondɛŋɛn lɛ́ ndɛ na toɛn tóonɛ lɛ́ mbəʼkusəə lɛ́ pə́guúlis, pə́yiguúlis ə? Mbəʼkusəə tɛn lɛ́ pɛ́ɛn agoóbaŋan a ɔmbásá, páagoóbaŋan a?» 11Náa Yə́sus ɔnɔ́ na nyɔ́lɛ́: «Táán fiɛ́d kooyɛ́ʼkɛn toɛn tóod, ná odɛɔ́gɔ na tólɛ́. Lɛŋ agá lɛ́, mɔɔd nyɔ́ əmíim agɛndɛg na pəŋi aa aányáŋɛn kɔbɛ́ kó koálaŋánan.» 12Áay aa Pɛláad əyə́ʼtúmíí kuunə pungə́ póonɛ lɛ́ nyɔ́lɛ́ ə́lis Yə́sus, Yúdɛn ɛdɛmoyáʼkɛ́nɛ. Pə́ə́bə́ə́ agá kosása, pɔ́nɔ́: «Ooo! Uməʼkumuúlis, ná umə́siə́díí anyóon wɔnɔ́ mɔɔd nyɔ́ ɔdɛɔ́gɔ a nɛsɔ́g na Sɛsáal lɛ́, kɛnɛŋ kɛ́ mɔɔd alɛ əgəə́səə lɛ́ nyɔ́lɛ́ alɛ nkúm, kióloodi lɛ́ alɛ agonɔɛyɛ Sɛsáal.»
13Ná Pɛláad ayóób tɔgɛ́ɛ́ tóod náan, aáság kiim álónɛ Yə́sus, əmə́mulígígi a oʼkɔɔ wó onjɔmɛʼ pɛyɔm. Páyɛ́ɛ agodɔ́ŋɔn kɛnɔ kɛ́go kɛ́ɛg a tɔgɛ́ɛ́ tó əbələ́ə lɛ́ Kabáʼta. Áay lɛ́ kɛnɔ kɛ́ píísóbíni na aʼtáán. 14Wɔɔ́s wóow óyɛ́ɛ pɔ́nɔ́ wɔɔ́n ó Páska na koany. Ayɛ́ɛ aándɛ tóɛf. Náa Pɛláad ɔnɔ́ na Yúdɛn: «Yúdɛn! Táá nkúm yaaŋan aa yɛ́ɛy o!»
15Náa, pɔ́lɛ́ pə́ə́bə́ə́ agá kosása na toɛn, pɔ́nɔ́: «Póon o! Pámoyóon! Ɛ́ʼkɛn toɛn pámoóbaŋan a ɔmbásá!» Náa Pɛláad ɔnɔ́ na pɔ́lɛ́: «Nkúm yaaŋan aa poɔʼkɔ́ pábaŋan a ɔmbásá ə́?» Náa puʼkúm pó payaaganɛʼ pɛfɔny poɔ́nɔ́ na nyɔ́lɛ́: «Tiʼkóodi nkúm yɛndɛ́ŋ yɛ́ ɛmááyɛn Sɛsáal o!»
16Pɛláad yiísiə́d Yə́sus, amáboyɛ́ʼkɛn lɛ́ pɛ́ɛn amoóbaŋan a ɔmbásá.
Pándagɛɛn abaŋan Yə́sus a ɔmbásá
Pááság kumuúsiəd, pámɛ́ɛn na nyɔ́lɛ́. 17Yə́sus əyə́lúlíí ɔmbásá wə́ə́ŋ nyɔ́lɛ́nyɔ́amɔɛ́d, aálón pálɛ́ɛg na wólɛ́. Páyɛ́ɛ́n na nyɔ́lɛ́ a kɛnɔ kímmú pɔ́ɔdɔ́ŋɔn a tɔgɛ́ɛ́ tó əbələ́ə lɛ́ Kologóʼta. Áay lɛ́ kɛlɛ́ʼtɛ́g kɛ́ oʼto. 18Kɔ́gɔ́ɔg aa páyɛ́mobáŋan a ɔmbásá. Wɔɔ́s ogo wóow tɛn, pɛ́ɛ́báŋan pɔɔd pə́mmú pábaan a ɔmbásá. Páyɛ́boyáágan lɛ́ ɛ́nɛ́ sɔ́g a ɔmbásá wə́ə́ŋ lɛ́ nyóonɛ a ombɔg ó Yə́sus ó nɛnom, nyummú a oó kɛmɛs, nyɔ́lɛ́ a kɛgaágadɛ. 19Pɛláad yiísə́ə́ lɛ́ pə́siəd kɛsom kɛ́ kɛláaŋ, pə́dilid kɔ, pábaŋan a ɔmbásá ó Yə́sus a mɔɛn pɔ́nɔ́: «Yə́sus o Násalɛd, nkúm ɛ Yúdɛn.» 20Píídílə kɛ́lɛ́ a əʼkíí ádáád lɛ́, na a əbələ́ə, na a laʼtɛ́ɛŋ, na a kɛlɛ́ɛg. Náan aa Yúdɛn ngíŋ yɛɛ́bána pɛlɛŋ pɛ́ɛb lɛ́ kɛnɔ kɛ́go kɛ́ɛg kɛ́ pɛ́ɛ́báŋan Yə́sus kɛ́dɛʼkɛ́ɛ tɛn laálá na pálɛ́ɛg. 21Puʼkúm pó payaaganɛʼ pɛfɔny poáság kɛɛn adɛ́anɛ na Pɛláad poɔ́nɔ́: «Odɛʼkɛ́ɛ lɛ́ údilə náan wɔʼkɔ́: Nkúm ɛ Yúdɛn. Pámɛ́ɛ ədilə agá pɔ́nɔ́: Mɔɔd nyóonɛ ayɛ́ɛ əgəə́səə ɔnɔ́ nyɔ́lɛ́ alɛ nkúm ɛ Yúdɛn.»
22Náa Pɛláad ɔnɔ́ na pɔ́lɛ́: «Nkə kɛ́ mbə́dilə, kímə́dílə́ə́!»
23Ná pasɔ́njaa páyɛ́ɛ páʼkoman kobaŋan Yə́sus a ɔmbásá, pááság kusiəd pilə́ə́ piə́ŋ, pámáába ngab íniʼ, a nto yɔɔbɔn tɛn íniʼ lɛ́, na mɔɔd na ngab yəəŋ. Kilə́ə́ kɛáság kolɔb a nsí kímuʼ, ntaa yəəŋ. Ntaa yɛ́ɛy pɛ́ɛ́lád yɛ́lɛ́ kimíímílí, ɔndad fiɛ́d. 24Pasɔ́njaa pə́ə́bə́ə́ kɔɔ́cɔcɔb kɔ pɔ́lɛ́ na pɔ́lɛ́, pɔ́nɔ́: «Tɛdɛngwága ntaa yɛ́ɛy agaabanan. Tɛɔ́ndɔn agá ntɔŋ agodála sɔ́g nyɔ́ kíədə́əŋ lɛ́ nyɔ́lɛ́ aa ə́siədií#19.24 Kɛ́lɛ náan a kálaʼtaʼ ɛ Pɛʼk 22.19 » Náan aa kíígóodi lɛ́ nkə kɛ́ kíyə́dílə́ə́ a Kálaʼtaʼ ɛ Táán kɛ́as. Kɛ́lɛ kɔ lɛ́: «Páyáábánan pilə́ə́ pɛ́am, pááság kɔɔ́ndɔn ntɔŋ a ntaa yaam.» Kɛ́lɛ́ kɛ́go aa kɛ́ɛg pasɔ́njaa páyɛ́ɛ́lɛ.
Las ɛ tɔgɛ́ɛ́ ɛ Yə́sus
25A ɛbá yɛ́ ɔmbásá ó Yə́sus, pagɛ́ɛd pə́mmú páyɛ́ɛ kɔ padɛ́lɛ́máán lɛ́ na ŋŋí, na ŋŋíngaa, na Malɛ́a nyɔ́ a Magdala, na Malɛ́a tɛn nyummú, oʼkán ó Koloʼpáas. 26Yə́sus aáság kodála ŋŋí oʼtɛ́lɛ́máán a ɛbá yɛ́ ongaaʼkan wəəŋ nyɔ́ ayɛ́ɛ anyɔ́ŋɛn. Náa ɔnɔ́ na ŋŋí: «Mmə́! Táá wɔɔ́mɔ́ɔ́n áa nyóon.»
27Aáság kaágasɛ ná ongaaʼkan wəəŋ tɛn alɛɛ́, náa ɔnɔ́ na nyɔ́lɛ́:
«Táá ŋŋí waaŋ aa nyóon.» Əgəə́bə́ə a wɔɔ́s wóow, ongaaʼkan nyóon aáság kusiəd Malɛ́a a noádɛʼ nuə́ŋ.
Kɛnɛŋ kɛ́ Yə́sus kugu kiə́ʼkiig
(Maʼt 27.45-56; Mə́l 15.33-41; Lóʼk 23.44-49)
28A ngim yɛ́ɛy, wɔnɔ́ ná Yə́sus yɛɛ́lɛŋɛn lɛ́ pɛbán piim pɛándɛ pɛmanáán, aáság kusəə ɔnɔ́: «Nɛŋɔ́ɛd nɛ́lɛ na mɛ#19.28 Kɛ́lɛ náan a kálaʼtaʼ ɛ Pɛʼk 69.22, pódála tɛn náan a kálaʼtaʼ əgín ɛ Pɛʼk 22.19 »
Yiísə́ə́ náan agɛɛlɛ lɛ́ nkə kɛ́ kíyə́dílə́ə́ a Kálaʼtaʼ ɛ Táán, kɛ́as. 29Ungwə́ŋ wúmmú óyɛ́ɛ kɔ áay na pɛŋwáŋwáŋá pɛ́ maloʼ a kaadɛ. Pasɔ́njaa pááság kusiəd ɛʼpɔ́ɔnsɛ, pááfanyɛg a oʼto wó ɔʼtab wó isóob, pə́ə́nyum a pɛŋwáŋwáŋá pɛ́ maloʼ pɛ́ɛb#19.29 Pódála tɛn náan a kálaʼtaʼ ɛ Pɛʼk 69.22 , pááság kiim agaag Yə́sus a unuʼ lɛ́ ɔ́sɔ́sɔ. 30Ná ayɛ́ɛ aáʼkosɔ́sɔ, yiísə́ə́ ɔnɔ́: «Kiim kɛáʼkaáyɛ́ɛlɛ o!» Aáság kiisimid, aádó oʼto.
Maŋó na məní mɛ́ɛ́lón a toɛn tó Yə́sus
31Wɔɔ́s wóow óyɛ́ɛ pɔ́nɔ́ kisúgiʼ na koany. A mandoŋá má Yúdɛn, kɛ́dɛʼkɛ́ɛ lɛ́ kisúgiʼ kɛ́boan kɛlóŋ a táán, kɛbaŋáán a ɔmbásá. (Kisúgiʼ kɛ́go kɛ́ɛg kɛ́yɛ́ɛ kisúgiʼ kɛ́ kɛgóón lɛ́ Páska yiídə́əŋ wɔɔ́s ogo wóow.) Kólɛ́ aa palaamɛʼ páyɛ́ɛ́n əŋíən na Pɛláad lɛ́ yɛ́ʼkɛn toɛn pə́búnə ambaan á pɔɔd póob pádáád pá pɛ́ɛ́báŋan a ɔmbásá#19.31 A mandoŋá má Yúdɛn, kɛ́dɛʼkɛ́ɛ lɛ́ kisúgiʼ kɛ́boan kɛlóŋ a táán: Kɛ́lɛ náan a kálaʼtaʼ ɛ Tɛʼt 21.22-23 …pə́búnə ambaan á pɔɔd pá pɛ́ɛ́báŋan a ɔmbásá: Páyɛ́ɛ pəbúnə ambaan lɛ́ ná pə́ə́bisig kugu. Kɛ́lɛ lɛ́, pɔɔd pá páyɛ́ɛ pabaŋan a ɔmbɔg páyɛ́ɛ pə́diə́bísígíí kugu. Kólɛ́ aa páyɛ́ɛ pəbuubúnə ambaan lɛ́ ná pə́diyə́bísíí kə́mmú, áay, pə́əgəə́bisig kugu., ná pə́suuləni pɛlóŋ pɛɔ́bɔn. 32Pɛláad aáság kɛɛ́ʼkɛn toɛn na pasɔ́njaa lɛ́ pɛ́ɛn əbúnə. Pááság kɛɛn əbúnə. Pə́yə́ʼtúmíí na sɔ́g o na oʼto na oʼto nyɔ́ ayɛ́ɛ a ɛbá ɛ́ Yə́sus, pə́mə́mubúnə ambaan, páásán a sɔ́g wo annam ábaan, pə́ə́búnə tɛn. 33Ná pə́yííg a Yə́sus, pɛ́ɛ́bóan lɛ́ əə́ʼkugu. Pááság kumuudi nyɔ́lɛ́ pə́dimubúnə ambaan. 34Sɔ́njaa yimmú yaáság kusiəd nɛɔŋ, yɔ́nɔ́ na Yə́sus ə́siəd a toɛn, tiíb. Maŋɔ́ mááság kiim málon sɛaad, na məní ondáŋ. 35Mɔɔd nyɔ́ yiídílə pɛbán pɛ́ɛnɛ, alɛ mɔɔd nyɔ́ yɛɛ́dála pɛ́lɛ́ na əngis yə́ə́ŋ. Mbaasɔ́ yəəŋ ɛlɛ ɛ fɔ́lɔ́b. Nyɔ́lɛ́nyɔ́amɔɛ́d aálɛŋ lɛ́ nkə kɛ́ alɛɛ́ əgusəə kɛ́lɛ fɔ́lɔ́b. Alɛ əgudəənə pɛ́lɛ́ agɛɛlɛ lɛ́ póag oʼto na Táán. 36Nkə kɛ́ɛnɛ kiim kɛ́ɛ́dáŋána náan agɛɛlɛ lɛ́ nkə kɛ́ kíyə́dílə́ə́ a Kálaʼtaʼ ɛ Táán kɛ́as, lɛ́ kíyə́dílə́ə́ kɔ lɛ́: «Ɔmbɔ́ əgín kigú kiə́ŋ kímuʼ pádɛndɛ́ɛ́ kubun#19.36 Kɛ́lɛ náan a kálaʼtaʼ yɛ Ɔsa 12.46; Ɔmb 9.12; Pɛʼk 34.21 » 37Kíyə́dílə́ə́ tɛn a kɛnɔ kímmú kɔ a Kálaʼtaʼ ɛ Táán lɛ́: «Pálɛ́ɛ́ kaágasɛ agodɛ́ʼtɛg nyɔ́ píínə́ə́n toɛn na nɛɔŋ#19.37 Kɛ́lɛ náan a kálaʼtaʼ ɛ Saʼk 12.10 »
Pándagɛɛn əni Yə́sus
(Maʼt 27.57-61; Mə́l 15.42-47; Lóʼk 23.50-56)
38A ngim yɛ́ pɛbán pɛ́ɛb pɛ́yɛ́ɛ pɛáʼkaásan, mɔɔd nyummú niiŋ lɛ́ Yósɛb, kibíəniʼ kɛ́ a pálɛ́ɛg yɛ Əliməʼtə́ə ayɛ́ɛ́n əŋíən na Pɛláad lɛ́ ámoyɛ́ʼkɛn kɛlóŋ kɛ́ Yə́sus nyɔ́lɛ́ yɛ́ɛn əni. Yósɛb ogo nyóon ayɛ́ɛ aándɛ a ondáŋ ó paaʼkan pá Yə́sus. Náa, adɛʼkɛ́ɛ ogoóloodi lɛ́ ayɛ́ɛ agodammana Yúdɛn. Pɛláad aáság komoyɛ́ʼkɛn toɛn. Náan aa yiísiə́d kɛlóŋ kɛ́ Yə́sus, amɛ́ɛn əni. 39Mɔɔd tɛn nyummú niiŋ lɛ́ Nɛʼkodɛ́ɛm aáság kiim aboan Yósɛb agɛɛlɛ lɛ́ pə́ni Yə́sus. Nɛʼkodɛ́ɛm əyíím na kíloʼ niʼtin na yówád ɛ lamɛ́ndaʼ ɛlaŋ. Páyɛ́ɛ́lɛ yɛ́lɛ́ na míil, na alówɛs. Nɛʼkodɛ́ɛm ogo nyóon aa ayɛ́ɛ́n aboan Yə́sus wɔɔ́s wúmmú na udúg agosɔyɔ na nyɔ́lɛ́. 40Náan aa píísiə́d kɛlóŋ kɛ́ Yə́sus, páágóda na pɛsom pɛ́ mbɔ́m, pə́ə́sumə́nən lamɛ́ndaʼ wɔnɔ́ ná ándɛ Yúdɛn yáagɛɛlanɛ na pɛlóŋ pɛɔ́bɔn agɛɛlɛ lɛ́ pə́díin pə́ni. 41Pɔlɛ́m púmmú póyɛ́ɛ kɔ áay ndúmiʼ na kɛnɔ kɛ́ pɛ́ɛ́báŋan Yə́sus. A pɔlɛ́m pógo póob, kəəniʼ káyɛ́ɛ kɔ, kííligi kawa. Páyɛ́ɛ pádɛ́njag kuni mɔɔd kɔ. 42Wɔnɔ́ ná wɔɔ́s wóow óyɛ́ɛ pɔ́nɔ́ kisúgiʼ na koany, kɔ aa pííní Yə́sus lɛ́ kádɛʼkɛ́ɛ laálá.
Currently Selected:
Sɛ́aŋ 19: yatDBL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators Inc, 2015
Sɛ́aŋ 19
19
1Pɛláad aáság koboyɛ́ʼkɛn toɛn lɛ́ pə́siəd Yə́sus, pɛ́ɛn amobáam na nsuə́. 2Pasɔ́njaa píísiə́d nuwoo nó pɔsɛ́n, páánog, pámámosɔ́nɛg a oʼto wɔnɔ́ nodám nó nkúm. Pə́yímuníígi ntaa yɛ́ mbógógó, 3pə́əgiim adɛ́lɛman a udi wə́ə́ŋ əgumuúsoyidəni pɔ́nɔ́: «Nkúm ɛ Yúdɛn, calɛʼ calɛʼ calɛʼ!» Páamosában ambany a ombáŋ.
4Pɛláad aáság kiiʼkini kiim álon əgiim ɔsɔyɔ na nigúu, ɔnɔ́ na pɔ́lɛ́: «Mɛ kiim ndon na Yə́sus. Lɛŋáan lɛ́ ntɛɔ́ŋɛn ɛgom a nkó yəəŋ yɛ́ ndɛɛ́ ogomoyɛ́ʼkɛn nsɔ́ɔ́ a yɛ́lɛ́.» 5Yə́sus aáság kiim álon na ntaa yɛ́ mbógógó yɛ́ pə́yímuníígi, na nodám nó pɔsɛ́n a oʼto. Náa Pɛláad ɔnɔ́ na nigúu: «Táá, nyɔ́ aa nyóonɛ o.» 6Ná puʼkúm pó payaaganɛʼ pɛfɔny, na pənuŋ palaamɛʼ pɛ́ɛ́dála Yə́sus əə́ʼkiim álon, pə́ə́bə́ə́ kosása, pɔ́nɔ́: «Ɛ́ʼkɛn toɛn óo, pɛ́ɛn amoóbaŋan a ɔmbásá! Ɛ́ʼkɛn toɛn pɛ́ɛn amoóbaŋan a ɔmbásá ó!» Náa Pɛláad ɔnɔ́ na pɔ́lɛ́: «Ndóo óo! Púmuúsiəd pəŋibáamɔɛ́d, póɛn amoóbaŋan. A mɛ, mbábodɛánɛ lɛ́ ntɛɔ́ŋɛn ɛgom a nkó yəəŋ.»
7Náa Yúdɛn yɔ́nɔ́ na Pɛláad: «Pɛcɛm piə́s pɛ́lɛ kɔ. Pɛ́lɛ́ aa pə́mə́mugúmin pɛɔ́nɔ́ alɛ lɛ́ pámoyóon a igúg yɛ́ɛnɛ lɛ́ alɛ əgəə́səə ɔnɔ́ nyɔ́lɛ́ alɛ Mɔɔ́n o Táán.»
8Ná Pɛláad ayóób náan, nkó yəəŋ yaáság kobag. 9Aáság kiiʼkini kosɔd na Yə́sus a yoog, ɔnɔ́ na nyɔ́lɛ́: «Olɛ mɔɔ́n nyɔ́ a yoog ɛ pɔɔd yɛ ánɛ áŋ?» Náa, Yə́sus adɛʼkɛ́ɛ agomoóbaalɛ kə́mmú. 10Náa Pɛláad ɔnɔ́ na nyɔ́lɛ́: «Mɛ áa odɛágɛʼka á! Ondɛŋɛn lɛ́ ndɛ na toɛn tóonɛ lɛ́ mbəʼkusəə lɛ́ pə́guúlis, pə́yiguúlis ə? Mbəʼkusəə tɛn lɛ́ pɛ́ɛn agoóbaŋan a ɔmbásá, páagoóbaŋan a?» 11Náa Yə́sus ɔnɔ́ na nyɔ́lɛ́: «Táán fiɛ́d kooyɛ́ʼkɛn toɛn tóod, ná odɛɔ́gɔ na tólɛ́. Lɛŋ agá lɛ́, mɔɔd nyɔ́ əmíim agɛndɛg na pəŋi aa aányáŋɛn kɔbɛ́ kó koálaŋánan.» 12Áay aa Pɛláad əyə́ʼtúmíí kuunə pungə́ póonɛ lɛ́ nyɔ́lɛ́ ə́lis Yə́sus, Yúdɛn ɛdɛmoyáʼkɛ́nɛ. Pə́ə́bə́ə́ agá kosása, pɔ́nɔ́: «Ooo! Uməʼkumuúlis, ná umə́siə́díí anyóon wɔnɔ́ mɔɔd nyɔ́ ɔdɛɔ́gɔ a nɛsɔ́g na Sɛsáal lɛ́, kɛnɛŋ kɛ́ mɔɔd alɛ əgəə́səə lɛ́ nyɔ́lɛ́ alɛ nkúm, kióloodi lɛ́ alɛ agonɔɛyɛ Sɛsáal.»
13Ná Pɛláad ayóób tɔgɛ́ɛ́ tóod náan, aáság kiim álónɛ Yə́sus, əmə́mulígígi a oʼkɔɔ wó onjɔmɛʼ pɛyɔm. Páyɛ́ɛ agodɔ́ŋɔn kɛnɔ kɛ́go kɛ́ɛg a tɔgɛ́ɛ́ tó əbələ́ə lɛ́ Kabáʼta. Áay lɛ́ kɛnɔ kɛ́ píísóbíni na aʼtáán. 14Wɔɔ́s wóow óyɛ́ɛ pɔ́nɔ́ wɔɔ́n ó Páska na koany. Ayɛ́ɛ aándɛ tóɛf. Náa Pɛláad ɔnɔ́ na Yúdɛn: «Yúdɛn! Táá nkúm yaaŋan aa yɛ́ɛy o!»
15Náa, pɔ́lɛ́ pə́ə́bə́ə́ agá kosása na toɛn, pɔ́nɔ́: «Póon o! Pámoyóon! Ɛ́ʼkɛn toɛn pámoóbaŋan a ɔmbásá!» Náa Pɛláad ɔnɔ́ na pɔ́lɛ́: «Nkúm yaaŋan aa poɔʼkɔ́ pábaŋan a ɔmbásá ə́?» Náa puʼkúm pó payaaganɛʼ pɛfɔny poɔ́nɔ́ na nyɔ́lɛ́: «Tiʼkóodi nkúm yɛndɛ́ŋ yɛ́ ɛmááyɛn Sɛsáal o!»
16Pɛláad yiísiə́d Yə́sus, amáboyɛ́ʼkɛn lɛ́ pɛ́ɛn amoóbaŋan a ɔmbásá.
Pándagɛɛn abaŋan Yə́sus a ɔmbásá
Pááság kumuúsiəd, pámɛ́ɛn na nyɔ́lɛ́. 17Yə́sus əyə́lúlíí ɔmbásá wə́ə́ŋ nyɔ́lɛ́nyɔ́amɔɛ́d, aálón pálɛ́ɛg na wólɛ́. Páyɛ́ɛ́n na nyɔ́lɛ́ a kɛnɔ kímmú pɔ́ɔdɔ́ŋɔn a tɔgɛ́ɛ́ tó əbələ́ə lɛ́ Kologóʼta. Áay lɛ́ kɛlɛ́ʼtɛ́g kɛ́ oʼto. 18Kɔ́gɔ́ɔg aa páyɛ́mobáŋan a ɔmbásá. Wɔɔ́s ogo wóow tɛn, pɛ́ɛ́báŋan pɔɔd pə́mmú pábaan a ɔmbásá. Páyɛ́boyáágan lɛ́ ɛ́nɛ́ sɔ́g a ɔmbásá wə́ə́ŋ lɛ́ nyóonɛ a ombɔg ó Yə́sus ó nɛnom, nyummú a oó kɛmɛs, nyɔ́lɛ́ a kɛgaágadɛ. 19Pɛláad yiísə́ə́ lɛ́ pə́siəd kɛsom kɛ́ kɛláaŋ, pə́dilid kɔ, pábaŋan a ɔmbásá ó Yə́sus a mɔɛn pɔ́nɔ́: «Yə́sus o Násalɛd, nkúm ɛ Yúdɛn.» 20Píídílə kɛ́lɛ́ a əʼkíí ádáád lɛ́, na a əbələ́ə, na a laʼtɛ́ɛŋ, na a kɛlɛ́ɛg. Náan aa Yúdɛn ngíŋ yɛɛ́bána pɛlɛŋ pɛ́ɛb lɛ́ kɛnɔ kɛ́go kɛ́ɛg kɛ́ pɛ́ɛ́báŋan Yə́sus kɛ́dɛʼkɛ́ɛ tɛn laálá na pálɛ́ɛg. 21Puʼkúm pó payaaganɛʼ pɛfɔny poáság kɛɛn adɛ́anɛ na Pɛláad poɔ́nɔ́: «Odɛʼkɛ́ɛ lɛ́ údilə náan wɔʼkɔ́: Nkúm ɛ Yúdɛn. Pámɛ́ɛ ədilə agá pɔ́nɔ́: Mɔɔd nyóonɛ ayɛ́ɛ əgəə́səə ɔnɔ́ nyɔ́lɛ́ alɛ nkúm ɛ Yúdɛn.»
22Náa Pɛláad ɔnɔ́ na pɔ́lɛ́: «Nkə kɛ́ mbə́dilə, kímə́dílə́ə́!»
23Ná pasɔ́njaa páyɛ́ɛ páʼkoman kobaŋan Yə́sus a ɔmbásá, pááság kusiəd pilə́ə́ piə́ŋ, pámáába ngab íniʼ, a nto yɔɔbɔn tɛn íniʼ lɛ́, na mɔɔd na ngab yəəŋ. Kilə́ə́ kɛáság kolɔb a nsí kímuʼ, ntaa yəəŋ. Ntaa yɛ́ɛy pɛ́ɛ́lád yɛ́lɛ́ kimíímílí, ɔndad fiɛ́d. 24Pasɔ́njaa pə́ə́bə́ə́ kɔɔ́cɔcɔb kɔ pɔ́lɛ́ na pɔ́lɛ́, pɔ́nɔ́: «Tɛdɛngwága ntaa yɛ́ɛy agaabanan. Tɛɔ́ndɔn agá ntɔŋ agodála sɔ́g nyɔ́ kíədə́əŋ lɛ́ nyɔ́lɛ́ aa ə́siədií#19.24 Kɛ́lɛ náan a kálaʼtaʼ ɛ Pɛʼk 22.19 » Náan aa kíígóodi lɛ́ nkə kɛ́ kíyə́dílə́ə́ a Kálaʼtaʼ ɛ Táán kɛ́as. Kɛ́lɛ kɔ lɛ́: «Páyáábánan pilə́ə́ pɛ́am, pááság kɔɔ́ndɔn ntɔŋ a ntaa yaam.» Kɛ́lɛ́ kɛ́go aa kɛ́ɛg pasɔ́njaa páyɛ́ɛ́lɛ.
Las ɛ tɔgɛ́ɛ́ ɛ Yə́sus
25A ɛbá yɛ́ ɔmbásá ó Yə́sus, pagɛ́ɛd pə́mmú páyɛ́ɛ kɔ padɛ́lɛ́máán lɛ́ na ŋŋí, na ŋŋíngaa, na Malɛ́a nyɔ́ a Magdala, na Malɛ́a tɛn nyummú, oʼkán ó Koloʼpáas. 26Yə́sus aáság kodála ŋŋí oʼtɛ́lɛ́máán a ɛbá yɛ́ ongaaʼkan wəəŋ nyɔ́ ayɛ́ɛ anyɔ́ŋɛn. Náa ɔnɔ́ na ŋŋí: «Mmə́! Táá wɔɔ́mɔ́ɔ́n áa nyóon.»
27Aáság kaágasɛ ná ongaaʼkan wəəŋ tɛn alɛɛ́, náa ɔnɔ́ na nyɔ́lɛ́:
«Táá ŋŋí waaŋ aa nyóon.» Əgəə́bə́ə a wɔɔ́s wóow, ongaaʼkan nyóon aáság kusiəd Malɛ́a a noádɛʼ nuə́ŋ.
Kɛnɛŋ kɛ́ Yə́sus kugu kiə́ʼkiig
(Maʼt 27.45-56; Mə́l 15.33-41; Lóʼk 23.44-49)
28A ngim yɛ́ɛy, wɔnɔ́ ná Yə́sus yɛɛ́lɛŋɛn lɛ́ pɛbán piim pɛándɛ pɛmanáán, aáság kusəə ɔnɔ́: «Nɛŋɔ́ɛd nɛ́lɛ na mɛ#19.28 Kɛ́lɛ náan a kálaʼtaʼ ɛ Pɛʼk 69.22, pódála tɛn náan a kálaʼtaʼ əgín ɛ Pɛʼk 22.19 »
Yiísə́ə́ náan agɛɛlɛ lɛ́ nkə kɛ́ kíyə́dílə́ə́ a Kálaʼtaʼ ɛ Táán, kɛ́as. 29Ungwə́ŋ wúmmú óyɛ́ɛ kɔ áay na pɛŋwáŋwáŋá pɛ́ maloʼ a kaadɛ. Pasɔ́njaa pááság kusiəd ɛʼpɔ́ɔnsɛ, pááfanyɛg a oʼto wó ɔʼtab wó isóob, pə́ə́nyum a pɛŋwáŋwáŋá pɛ́ maloʼ pɛ́ɛb#19.29 Pódála tɛn náan a kálaʼtaʼ ɛ Pɛʼk 69.22 , pááság kiim agaag Yə́sus a unuʼ lɛ́ ɔ́sɔ́sɔ. 30Ná ayɛ́ɛ aáʼkosɔ́sɔ, yiísə́ə́ ɔnɔ́: «Kiim kɛáʼkaáyɛ́ɛlɛ o!» Aáság kiisimid, aádó oʼto.
Maŋó na məní mɛ́ɛ́lón a toɛn tó Yə́sus
31Wɔɔ́s wóow óyɛ́ɛ pɔ́nɔ́ kisúgiʼ na koany. A mandoŋá má Yúdɛn, kɛ́dɛʼkɛ́ɛ lɛ́ kisúgiʼ kɛ́boan kɛlóŋ a táán, kɛbaŋáán a ɔmbásá. (Kisúgiʼ kɛ́go kɛ́ɛg kɛ́yɛ́ɛ kisúgiʼ kɛ́ kɛgóón lɛ́ Páska yiídə́əŋ wɔɔ́s ogo wóow.) Kólɛ́ aa palaamɛʼ páyɛ́ɛ́n əŋíən na Pɛláad lɛ́ yɛ́ʼkɛn toɛn pə́búnə ambaan á pɔɔd póob pádáád pá pɛ́ɛ́báŋan a ɔmbásá#19.31 A mandoŋá má Yúdɛn, kɛ́dɛʼkɛ́ɛ lɛ́ kisúgiʼ kɛ́boan kɛlóŋ a táán: Kɛ́lɛ náan a kálaʼtaʼ ɛ Tɛʼt 21.22-23 …pə́búnə ambaan á pɔɔd pá pɛ́ɛ́báŋan a ɔmbásá: Páyɛ́ɛ pəbúnə ambaan lɛ́ ná pə́ə́bisig kugu. Kɛ́lɛ lɛ́, pɔɔd pá páyɛ́ɛ pabaŋan a ɔmbɔg páyɛ́ɛ pə́diə́bísígíí kugu. Kólɛ́ aa páyɛ́ɛ pəbuubúnə ambaan lɛ́ ná pə́diyə́bísíí kə́mmú, áay, pə́əgəə́bisig kugu., ná pə́suuləni pɛlóŋ pɛɔ́bɔn. 32Pɛláad aáság kɛɛ́ʼkɛn toɛn na pasɔ́njaa lɛ́ pɛ́ɛn əbúnə. Pááság kɛɛn əbúnə. Pə́yə́ʼtúmíí na sɔ́g o na oʼto na oʼto nyɔ́ ayɛ́ɛ a ɛbá ɛ́ Yə́sus, pə́mə́mubúnə ambaan, páásán a sɔ́g wo annam ábaan, pə́ə́búnə tɛn. 33Ná pə́yííg a Yə́sus, pɛ́ɛ́bóan lɛ́ əə́ʼkugu. Pááság kumuudi nyɔ́lɛ́ pə́dimubúnə ambaan. 34Sɔ́njaa yimmú yaáság kusiəd nɛɔŋ, yɔ́nɔ́ na Yə́sus ə́siəd a toɛn, tiíb. Maŋɔ́ mááság kiim málon sɛaad, na məní ondáŋ. 35Mɔɔd nyɔ́ yiídílə pɛbán pɛ́ɛnɛ, alɛ mɔɔd nyɔ́ yɛɛ́dála pɛ́lɛ́ na əngis yə́ə́ŋ. Mbaasɔ́ yəəŋ ɛlɛ ɛ fɔ́lɔ́b. Nyɔ́lɛ́nyɔ́amɔɛ́d aálɛŋ lɛ́ nkə kɛ́ alɛɛ́ əgusəə kɛ́lɛ fɔ́lɔ́b. Alɛ əgudəənə pɛ́lɛ́ agɛɛlɛ lɛ́ póag oʼto na Táán. 36Nkə kɛ́ɛnɛ kiim kɛ́ɛ́dáŋána náan agɛɛlɛ lɛ́ nkə kɛ́ kíyə́dílə́ə́ a Kálaʼtaʼ ɛ Táán kɛ́as, lɛ́ kíyə́dílə́ə́ kɔ lɛ́: «Ɔmbɔ́ əgín kigú kiə́ŋ kímuʼ pádɛndɛ́ɛ́ kubun#19.36 Kɛ́lɛ náan a kálaʼtaʼ yɛ Ɔsa 12.46; Ɔmb 9.12; Pɛʼk 34.21 » 37Kíyə́dílə́ə́ tɛn a kɛnɔ kímmú kɔ a Kálaʼtaʼ ɛ Táán lɛ́: «Pálɛ́ɛ́ kaágasɛ agodɛ́ʼtɛg nyɔ́ píínə́ə́n toɛn na nɛɔŋ#19.37 Kɛ́lɛ náan a kálaʼtaʼ ɛ Saʼk 12.10 »
Pándagɛɛn əni Yə́sus
(Maʼt 27.57-61; Mə́l 15.42-47; Lóʼk 23.50-56)
38A ngim yɛ́ pɛbán pɛ́ɛb pɛ́yɛ́ɛ pɛáʼkaásan, mɔɔd nyummú niiŋ lɛ́ Yósɛb, kibíəniʼ kɛ́ a pálɛ́ɛg yɛ Əliməʼtə́ə ayɛ́ɛ́n əŋíən na Pɛláad lɛ́ ámoyɛ́ʼkɛn kɛlóŋ kɛ́ Yə́sus nyɔ́lɛ́ yɛ́ɛn əni. Yósɛb ogo nyóon ayɛ́ɛ aándɛ a ondáŋ ó paaʼkan pá Yə́sus. Náa, adɛʼkɛ́ɛ ogoóloodi lɛ́ ayɛ́ɛ agodammana Yúdɛn. Pɛláad aáság komoyɛ́ʼkɛn toɛn. Náan aa yiísiə́d kɛlóŋ kɛ́ Yə́sus, amɛ́ɛn əni. 39Mɔɔd tɛn nyummú niiŋ lɛ́ Nɛʼkodɛ́ɛm aáság kiim aboan Yósɛb agɛɛlɛ lɛ́ pə́ni Yə́sus. Nɛʼkodɛ́ɛm əyíím na kíloʼ niʼtin na yówád ɛ lamɛ́ndaʼ ɛlaŋ. Páyɛ́ɛ́lɛ yɛ́lɛ́ na míil, na alówɛs. Nɛʼkodɛ́ɛm ogo nyóon aa ayɛ́ɛ́n aboan Yə́sus wɔɔ́s wúmmú na udúg agosɔyɔ na nyɔ́lɛ́. 40Náan aa píísiə́d kɛlóŋ kɛ́ Yə́sus, páágóda na pɛsom pɛ́ mbɔ́m, pə́ə́sumə́nən lamɛ́ndaʼ wɔnɔ́ ná ándɛ Yúdɛn yáagɛɛlanɛ na pɛlóŋ pɛɔ́bɔn agɛɛlɛ lɛ́ pə́díin pə́ni. 41Pɔlɛ́m púmmú póyɛ́ɛ kɔ áay ndúmiʼ na kɛnɔ kɛ́ pɛ́ɛ́báŋan Yə́sus. A pɔlɛ́m pógo póob, kəəniʼ káyɛ́ɛ kɔ, kííligi kawa. Páyɛ́ɛ pádɛ́njag kuni mɔɔd kɔ. 42Wɔnɔ́ ná wɔɔ́s wóow óyɛ́ɛ pɔ́nɔ́ kisúgiʼ na koany, kɔ aa pííní Yə́sus lɛ́ kádɛʼkɛ́ɛ laálá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators Inc, 2015