Jɔn PILIGU
PILIGU
Jɔn lahibal’ suŋ ŋɔ wuhiya ni Yisa nyɛla Naawuni Yɛligu din ka bahigu. “O daa leei daadam m-be ti sani.” (1.14) Di nyɛla kaman litaafi maa maŋmaŋ’ ni yɛli shɛm. Lahibal’ suŋ ŋɔ daa sabimi ni di chɛ ka bɛn karindi li tooi niŋ yɛda ni Yisa ŋun nyɛ Naawuni bia maa nyɛla Tiligira so bɛ ni zaŋ lo daadamnim’ alikauli ni bɛnkam niŋ o yɛda tooi nya nyɛvili (20.31).
Di ni daa wuhi ni Yisa nyɛla Naawuni Yɛligu din ka bahigu la nyaaŋa, lahibal’ suŋ maa pirigibu yim din daŋ tooni yɛlila alahiziba tumtumsa balibu shɛm yɛla din wuhi ni Yisa ŋun nyɛ Naawuni bia maa shiri nyɛla Tiligira so bɛ ni zaŋ lo daadamnim’ alikauli. Dimbɔŋɔ nyɛla yɛtɔɣ’ shɛŋa din kahigir’ alahiziba tumtumsa maa ni nyɛ shɛm wuhira. Litaafi ŋɔ puuni kpe ŋɔ yɛlila ninvuɣ’ shɛb’ ni daa niŋ Yisa yɛda ka leeg’ o nyaandoliba, ka shɛb’ mi zaɣis’ o yɛda niŋbu shɛm yɛla. Suura 13-17 puuni sabiya ka di bi pɔra n-yɛli dolintabitali din daa be Yisa min’ o nyaandoliba sunsuuni dahin’ shɛli yuŋ bɛ ni daa gbaag’ o la yɛla. Di lan yɛli shili malibu ni suhukpaŋsibo yɛtɔɣ’ shɛŋa o ni daa tɔɣisi ba dahin’ shɛli zaawuni bɛ ni daa yɛn gbaag’ o ti kpahi tabili dapulli zuɣu la. Suura shɛŋa din bahindi nyaaŋa puuni o yɛli bɛ ni daa gbaai Yisa shɛm mini bɛ ni daa kar’ o saria ni bɛ ni daa kpah’ o tabili dapulli zuɣu ni o ni daa neei kum ni shɛm ni o ni daa yi o nyaandoliba zuɣu o kum ni neebu nyaaŋa shɛm yɛla.
Paɣ’ so ŋun daa niŋ zina ka bɛ gbaag’ o la, bɛ boola booli gil’ o yɛtɔɣa din be (8.1- 11) puuni la, dama sabbu shɛŋa mini bɛ ni daa daŋ lɛbigi Naawuni kundi shɛm pam daa yihi li mi bahi, ka shɛb’ mi daa zaŋ li niŋ luɣ’ shɛŋa ni.
Jɔn kpaŋsirila nyɛvili din ka bahigu pini din be Masia ni la. Pini maa yɛla piligiya pumpɔŋɔ, ka kani bɛnkam deei Yisa kaman bɛ soli mini yɛlimaŋli ni nyɛvili sanna. Jɔn zaŋla ti dabisili kam puuni binyara ŋmahima wuhiri shia biɛhigu yɛlimaŋtali ni nyɛ shɛli. Dina n-nyɛ kaman kom mini bɔrɔbɔro ni neesim ni piɛgula min’ o piɛri ni wain tia ni di wala yɛla.
Din be litaafi ŋɔ puuni
Piligu yɛtɔɣa din daŋ tooni 1.1-18
Jɔn Baptaizira ni Yisa tuuli nyaandoliba 1.19-51
Yisa ni daa tum o tuma niriba sani shɛm 2.1—12.50
Dabisa shɛŋa din bahindi nyaaŋa Jɛrusalɛm ni luɣ’ shɛli din miri li 13.1—19.42
Ti Duuma ni daa neei kum ni ni o ni daa yi zahira shɛm 20.1-31
Din bahindi nyaaŋa: O ni daa lan yi zahira Galili shɛm 21.1-25
Currently Selected:
Jɔn PILIGU: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011