Maak 11
11
Yisa Jɛrusalɛm kpɛbu
(Matiu 21.1-11; Luk 19.28-40; Jɔn 12.12-19)
1Yisa min’ o nyaandoliba ni daa ti paai Bɛtifɛji mini Bɛtani, Olivi Tihi Zoli din miri Jɛrusalɛm la gbini, ka o tim o nyaandoliba ayi 2n-yɛli ba, “Chamiya tiŋkpan’ shɛli din be yi tooni ŋɔ ha; yi yi ti paai ni, yi ni nya bun’ so bɛ ni na ʒi m-ba ka o loya ka yi lɔrig’ o na. 3Ka so yi bɔhi ya ni bɔzuɣu ka yi lɔrig’ o, yin’ yɛlimiy’ o ni yi Duuma m-bɔr’ o, amaa ni o ni lan zaŋ o labisina pumpɔŋɔ.”
4Ka bɛ daa chaŋ nti shiri nya ka buŋ’ maa lo so yiŋ’ samban’ ni sokpaŋa, ka bɛ lɔrig’ o. 5Ka ninvuɣ’ shɛb’ bɛn daa ʒe nimaani bɔhi ba, “Bɔzuɣu ka yi lɔrigiri buŋ’ maa?”
6Ka bɛ yɛli ba Yisa ni di yɛli ba shɛm la, ka bɛ chɛ ka bɛ zaŋ o chaŋ. 7Ka bɛ daa zaŋ buŋ’ maa tahi Yisa sanna nti zaŋ bɛ binyɛra pa o yaaŋa zuɣu ka o ba. 8Ka niriba pam daa zaŋ bɛ binyɛra teeri sɔŋdi sol’ ni; ka shɛb’ mi ŋahiri mɔɣu ni tiwula din mali vari sɔŋdi soli maa ni. 9#Yila 118.25-26 Ka bɛn be tooni mini bɛn doli nyaaŋa zaa kuhiri yɛra, “Paɣimiya Naawuni! Ŋun mali ti Duuma yuli kanna ŋɔ mal’ alibarika! 10Ti yab’ Naa Dauda nam din kanna ti Duuma yuli ni ŋɔ mal’ alibarika! Paɣimiya Zallakudura Naa!”
11Ka Yisa daa ti paai Jɛrusalɛm chaŋ ti kpe Naawuni jɛmbu duu lihi binshɛɣukam din be di ni, ka yuŋ ni daa zibira ka o min’ o nyaandoliba pinaayi maa yi ni lab’ Bɛtani.
Yisa yɛli noli ti fiig tia
(Matiu 21.18-19)
12N-yi biɛɣu ka Yisa min’ o nyaandoliba daa yiɣisi Bɛtani chana, ka kum ti gbaag’ o. 13Ka o nya ti’ shɛli bɛ ni booni fiig tia, ka di puhi vari ʒiɛya ha, ka o chaŋ di gbini ni o ti nya o ni nya binshɛɣu di zuɣu di; o ni daa paai di gbini o daa bi nya binshɛɣu naɣ’ pahila vari kɔŋko, dama fiig tihi walibu saha daa na bi paai. 14Ka Yisa yɛli tia maa, “Zuŋɔ din’ tariga, so ku lan di nyin’ wala hal abada.”
Ka o nyaandoliba daa wum o ni yɛli shɛm maa.
Yisa kpe Naawuni jɛmbu duu
(Matiu 21.12-17; Luk 19.45-48; Jɔn 2.13-22)
15Ka bɛ daa paai Jɛrusalɛm; ka Yisa chaŋ ti kpe Naawuni jɛmbu duu nti kariti bɛn kɔhiri mini bɛn dari nɛma Naawuni jɛmbu duu maa ni, ka daari laɣitaɣiriba teebuya mini ŋmaŋkɔhiriba kuɣisi luhira; 16ka daa bi lan saɣi ni so ʒi binshɛɣu gari kpe Naawuni jɛmbu duu maa ni. 17#Aiz 56.7; Jɛr 7.11 Ka o daa saɣisi ba yɛli, “Di sabiya, ‘Man’ Naawuni duu ni boonila zuliya kam wunsuhigu duu. Amaa yinim’ zaŋ li leela ŋmɛnditoya duu!’ ”
18Ka maligumaaniba kpamba mini Naawuni zaligubaŋdiba daa wum lala ka bɔri so’ shɛli bɛ ni yɛn doli ku o, amaa ka daa lee zɔr’ o, dama o wuhibu maa daa gari salo maa pam.
19Ka di daa ti niŋ zaawun’ yuŋ, ka Yisa min’ o nyaandoliba yiɣisi tiŋ’ maa ni.
Fiig tia kuubu yɛla
(Matiu 21.20-22)
20N-daa yi biɛɣu ka Yisa min’ o nyaandoliba maa garita n-nya ka fiig tia la kuumi zaa nti tabili di tiŋ’ wula. 21Ka Pita teei ka yɛli Yisa, “N Duuma, nyam’ fiig ti’ shɛli a ni sa yɛli noli ti la ni kuui zaa shɛm!”
22Ka Yisa yɛli ba, “Niŋmiya Naawuni yɛda! 23#Mat 17.20; 1 Kɔr 13.2 Yɛlimaŋli ka n yɛri ya, ŋunkam yɛli zoli ŋɔ, ‘Yiɣisim’ a dooshee ŋɔ nti lu teeku ni ha,’ ka bi biɛhim o suhu ni, amaa ka niŋ yɛda ni o ni yɛli shɛm maa ni niŋ pali, o ni nya ka di shiri niŋ lala. 24Dinzuɣu ka n yɛri ya ni yi yi kul bɔri binshɛɣukam ka suhi Naawuni, yin’ niŋmiya yɛda ni yi ni nya li, ka yi shiri ni nya li. 25#Mat 6.14-15 Ka yi yi suhiri Naawuni ka taali be yi mini yi tab’ sunsuuni, yin’ chɛliya paŋ taba din ni chɛ ka yi Ba Naawuni ŋun be alizanda ni ŋɔ gba chɛ yi taali paŋ ya. [ 26Dama yi yi bi chɛri yi tab’ taali paŋdi ba, yi Ba Naawuni ŋun be alizanda ni ŋɔ gba ku chɛ yi taali paŋ ya.”]
Bɛ bɔhi Yisa o ni nya o yiko shɛli polo
(Matiu 21.23-27; Luk 20.1-8)
27Ka Yisa min’ o nyaandoliba daa lan lab’ Jɛrusalɛm. Ka o daa ti be Naawuni jɛmbu duu puuni chani ginda, ka maligumaaniba kpamba mini Naawuni zaligubaŋdiba ni tiŋ’ maa ni kpamba ka o sanna 28ti bɔh’ o, “Ŋun’ yiko ni ka a lee tumdi dimbɔŋɔnima bee ŋuni n-lee ti a yiko ni a niŋdi lala?”
29Ka Yisa garigi yɛli ba, “N gba ni bɔhi ya bɔhigu, ka yi yi garigi m bɔhigu maa, m mi ni yɛli ya yiko shɛli n ni mali niŋdi dimbɔŋɔnim’ zaa maa ni yi shɛl’ na.” 30“Jɔn Baptaizira baptaizibu la, Naawuni n-daa lee zal’ li bee ninsalinima? Yɛlimiya ma!”
31Ka bɛ daa niŋ tab’ saawara yɛli, “Ti yi yɛli ni Naawuni n-daa zal’ li, o ni bɔhi ti ni ka bɔ n-niŋ ka ti daa bi niŋ o yɛda? 32“Ka ti ni tooi yɛli ni ninsalinima n-daa zal’ li?” Bɛ daa zɔrila niriba, dama sokam zaa daa saɣiya ni Jɔn Baptaizira nyɛla anab’ maŋli. 33Di saha ka bɛ garigi yɛli Yisa, “Ti bi mi.”
Ka Yisa yɛli ba, “Dindina n gba ku yɛli ya ŋun ti ma yiko shɛli n ni mali niŋdi dimbɔŋɔnim’ zaa maa.”
Currently Selected:
Maak 11: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
Maak 11
11
Yisa Jɛrusalɛm kpɛbu
(Matiu 21.1-11; Luk 19.28-40; Jɔn 12.12-19)
1Yisa min’ o nyaandoliba ni daa ti paai Bɛtifɛji mini Bɛtani, Olivi Tihi Zoli din miri Jɛrusalɛm la gbini, ka o tim o nyaandoliba ayi 2n-yɛli ba, “Chamiya tiŋkpan’ shɛli din be yi tooni ŋɔ ha; yi yi ti paai ni, yi ni nya bun’ so bɛ ni na ʒi m-ba ka o loya ka yi lɔrig’ o na. 3Ka so yi bɔhi ya ni bɔzuɣu ka yi lɔrig’ o, yin’ yɛlimiy’ o ni yi Duuma m-bɔr’ o, amaa ni o ni lan zaŋ o labisina pumpɔŋɔ.”
4Ka bɛ daa chaŋ nti shiri nya ka buŋ’ maa lo so yiŋ’ samban’ ni sokpaŋa, ka bɛ lɔrig’ o. 5Ka ninvuɣ’ shɛb’ bɛn daa ʒe nimaani bɔhi ba, “Bɔzuɣu ka yi lɔrigiri buŋ’ maa?”
6Ka bɛ yɛli ba Yisa ni di yɛli ba shɛm la, ka bɛ chɛ ka bɛ zaŋ o chaŋ. 7Ka bɛ daa zaŋ buŋ’ maa tahi Yisa sanna nti zaŋ bɛ binyɛra pa o yaaŋa zuɣu ka o ba. 8Ka niriba pam daa zaŋ bɛ binyɛra teeri sɔŋdi sol’ ni; ka shɛb’ mi ŋahiri mɔɣu ni tiwula din mali vari sɔŋdi soli maa ni. 9#Yila 118.25-26 Ka bɛn be tooni mini bɛn doli nyaaŋa zaa kuhiri yɛra, “Paɣimiya Naawuni! Ŋun mali ti Duuma yuli kanna ŋɔ mal’ alibarika! 10Ti yab’ Naa Dauda nam din kanna ti Duuma yuli ni ŋɔ mal’ alibarika! Paɣimiya Zallakudura Naa!”
11Ka Yisa daa ti paai Jɛrusalɛm chaŋ ti kpe Naawuni jɛmbu duu lihi binshɛɣukam din be di ni, ka yuŋ ni daa zibira ka o min’ o nyaandoliba pinaayi maa yi ni lab’ Bɛtani.
Yisa yɛli noli ti fiig tia
(Matiu 21.18-19)
12N-yi biɛɣu ka Yisa min’ o nyaandoliba daa yiɣisi Bɛtani chana, ka kum ti gbaag’ o. 13Ka o nya ti’ shɛli bɛ ni booni fiig tia, ka di puhi vari ʒiɛya ha, ka o chaŋ di gbini ni o ti nya o ni nya binshɛɣu di zuɣu di; o ni daa paai di gbini o daa bi nya binshɛɣu naɣ’ pahila vari kɔŋko, dama fiig tihi walibu saha daa na bi paai. 14Ka Yisa yɛli tia maa, “Zuŋɔ din’ tariga, so ku lan di nyin’ wala hal abada.”
Ka o nyaandoliba daa wum o ni yɛli shɛm maa.
Yisa kpe Naawuni jɛmbu duu
(Matiu 21.12-17; Luk 19.45-48; Jɔn 2.13-22)
15Ka bɛ daa paai Jɛrusalɛm; ka Yisa chaŋ ti kpe Naawuni jɛmbu duu nti kariti bɛn kɔhiri mini bɛn dari nɛma Naawuni jɛmbu duu maa ni, ka daari laɣitaɣiriba teebuya mini ŋmaŋkɔhiriba kuɣisi luhira; 16ka daa bi lan saɣi ni so ʒi binshɛɣu gari kpe Naawuni jɛmbu duu maa ni. 17#Aiz 56.7; Jɛr 7.11 Ka o daa saɣisi ba yɛli, “Di sabiya, ‘Man’ Naawuni duu ni boonila zuliya kam wunsuhigu duu. Amaa yinim’ zaŋ li leela ŋmɛnditoya duu!’ ”
18Ka maligumaaniba kpamba mini Naawuni zaligubaŋdiba daa wum lala ka bɔri so’ shɛli bɛ ni yɛn doli ku o, amaa ka daa lee zɔr’ o, dama o wuhibu maa daa gari salo maa pam.
19Ka di daa ti niŋ zaawun’ yuŋ, ka Yisa min’ o nyaandoliba yiɣisi tiŋ’ maa ni.
Fiig tia kuubu yɛla
(Matiu 21.20-22)
20N-daa yi biɛɣu ka Yisa min’ o nyaandoliba maa garita n-nya ka fiig tia la kuumi zaa nti tabili di tiŋ’ wula. 21Ka Pita teei ka yɛli Yisa, “N Duuma, nyam’ fiig ti’ shɛli a ni sa yɛli noli ti la ni kuui zaa shɛm!”
22Ka Yisa yɛli ba, “Niŋmiya Naawuni yɛda! 23#Mat 17.20; 1 Kɔr 13.2 Yɛlimaŋli ka n yɛri ya, ŋunkam yɛli zoli ŋɔ, ‘Yiɣisim’ a dooshee ŋɔ nti lu teeku ni ha,’ ka bi biɛhim o suhu ni, amaa ka niŋ yɛda ni o ni yɛli shɛm maa ni niŋ pali, o ni nya ka di shiri niŋ lala. 24Dinzuɣu ka n yɛri ya ni yi yi kul bɔri binshɛɣukam ka suhi Naawuni, yin’ niŋmiya yɛda ni yi ni nya li, ka yi shiri ni nya li. 25#Mat 6.14-15 Ka yi yi suhiri Naawuni ka taali be yi mini yi tab’ sunsuuni, yin’ chɛliya paŋ taba din ni chɛ ka yi Ba Naawuni ŋun be alizanda ni ŋɔ gba chɛ yi taali paŋ ya. [ 26Dama yi yi bi chɛri yi tab’ taali paŋdi ba, yi Ba Naawuni ŋun be alizanda ni ŋɔ gba ku chɛ yi taali paŋ ya.”]
Bɛ bɔhi Yisa o ni nya o yiko shɛli polo
(Matiu 21.23-27; Luk 20.1-8)
27Ka Yisa min’ o nyaandoliba daa lan lab’ Jɛrusalɛm. Ka o daa ti be Naawuni jɛmbu duu puuni chani ginda, ka maligumaaniba kpamba mini Naawuni zaligubaŋdiba ni tiŋ’ maa ni kpamba ka o sanna 28ti bɔh’ o, “Ŋun’ yiko ni ka a lee tumdi dimbɔŋɔnima bee ŋuni n-lee ti a yiko ni a niŋdi lala?”
29Ka Yisa garigi yɛli ba, “N gba ni bɔhi ya bɔhigu, ka yi yi garigi m bɔhigu maa, m mi ni yɛli ya yiko shɛli n ni mali niŋdi dimbɔŋɔnim’ zaa maa ni yi shɛl’ na.” 30“Jɔn Baptaizira baptaizibu la, Naawuni n-daa lee zal’ li bee ninsalinima? Yɛlimiya ma!”
31Ka bɛ daa niŋ tab’ saawara yɛli, “Ti yi yɛli ni Naawuni n-daa zal’ li, o ni bɔhi ti ni ka bɔ n-niŋ ka ti daa bi niŋ o yɛda? 32“Ka ti ni tooi yɛli ni ninsalinima n-daa zal’ li?” Bɛ daa zɔrila niriba, dama sokam zaa daa saɣiya ni Jɔn Baptaizira nyɛla anab’ maŋli. 33Di saha ka bɛ garigi yɛli Yisa, “Ti bi mi.”
Ka Yisa yɛli ba, “Dindina n gba ku yɛli ya ŋun ti ma yiko shɛli n ni mali niŋdi dimbɔŋɔnim’ zaa maa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011