Yibu 15
15
Musa yilli
1 #
Kah 15.3
Di saha ka Musa mini Izraɛlnim’ maa daa yili yilli ŋɔ m-paɣiri Yawɛ yɛra:
“N ni yili yila paɣi Yawɛ,
dama o di nasara din mali jilima;
o daai wɔribara min’ o wɔhu niŋ teeku ni.
2 #
Yila 118.14; Aiz 12.2 Yawɛ n-nyɛ n kpiɔŋ
ŋuna n-lan nyɛ n yaa.
Ŋuna n-nyɛ ŋun ti ma tiliginsim.
Ŋuna n-nyɛ n Naawuni,
ka n ni paɣir’ o.
O nyɛla n yab’ Naawuni,
ka n ni duh’ o pam.
3Yawɛ nyɛla ŋun tuhiri tɔbu.
O yuli n-shiri nyɛ Yawɛ.
4“Firawuna chɛchɛbunsi
min’ o tɔbbihi zaa
ka o zaŋ niŋ teeku ni,
ka o sapashin’ kpɛma zaa
shim Teeku Ʒiɛɣu ni.
5Teeku bulli vali ba,
ka bɛ siɣi kɔtiŋ’
kaman kuɣili la.
6“Yawɛ, a nudirigu mali
yiko ni jilima.
Yawɛ, a nudirigu ka a zaŋ
dari tɔh’ a dim’ bahi.
7A nam dariza din galisi
pam ŋɔ puuni ka a ŋme
m-paag’ a dimnima.
Nyini n-daa chɛ ka a suhuyiɣisili
di ba zaa kaman mɔ’ kuma
ka bɛ chɛ n-sɔŋ
ka buɣim di li la.
8A nyɛvoya ni pɔhim
daa kahi kom duhi,
ka kɔgbana daa yiɣisi zani zuɣusaa,
ka teeku bulli maa sunsuuni
daa kpaŋ diɣinli.
9Ka dim’ maa daa yɛli,
‘N ni kari gbahi ba;
n ni di bɛ nɛma,
ka zaŋ n ni bɔri shɛlikam.
N ni zaŋ n nuu ŋooi takɔbi
n-ku ba.’
10Amaa ka a daa lan pɔbisi a pɔhim,
ka teeku kom lim ba,
ka bɛ shim ko’ tiŋa
kaman kurigu n-lu kopurim ni la.
11“Yawɛ, wun’ ŋuni
n-lee lan ŋman’ a?
Ŋun nam dariza min’ o
kasitali n-lee ŋman’ a,
ka o yɛla mali dabiɛm ni jilima,
ka o tumd’ alahiziba tuma?
12Nyini n-daa teeg’ a nudirigu tiri,
ka tiŋgbani vali ba.
13A yurilim din ka bahigu puuni
ka a daa zaŋ a ni tiligi
ninvuɣ’ shɛb’ maa chaŋ.
A yiko ka a daa zaŋ
wuhi ba soli ka bɛ chaŋ
ti ʒini tiŋgbɔŋ kasi la ni.
14Ka niriba daa wum di yɛla
ka bɛ niŋgbuna sɔhira.
Ka dabiɛm daa gbahi Filistianima.
15Ka di daa gari Ɛdom nanima;
ka Mɔab zuɣulaannim’ niŋgbuna sɔhira
ka Keenannim’ zaa kɔba ni chɔɣisi.
16Dabiɛm’ mini suhuchihibo
n-daa lu bɛ zuɣu.
A nuu din galisi ŋɔ zuɣu,
bɛ kul fomi doya chichi
kaman kuɣili la hal ka
nyin’ Yawɛ niriba ti gari;
hal ka a ni daa tiligi ninvuɣ’
shɛb’ la ti gari.
17Nyini n-daa zaŋ ba na
ti ʒil’ amaŋmaŋ’ zoli zuɣu,
nyini Yawɛ ni pii luɣ’ shɛli
n-leeg’ a biɛhigu shee la.
Nyin’ Yawɛ ni zaŋ amaŋmaŋ’ nuhi
me a jɛmbu du’ shɛl’ la ni.
18Nyin’ Yawɛ kul ni su nam
hal ni saha din ka bahigu.”
Miriam yilli
19Firawuna yuri min’ o chɛchɛbunsi ni o chɛchɛbunduhiriba la ni daa siɣi teeku maa puuni, ka Yawɛ daa chɛ ka teeku maa kom’ lan nahi taba n-lim ba, amaa Izraɛlnim’ maa bɛn’ daa dolila teeku tiŋ’ kuŋ zuɣu ti du.
20Ka Miriam ŋun daa nyɛ anabi ka nyɛ Aduna tizɔpaɣ’ la daa zaŋ guŋgombil’ din mali chaɣisa, ka paɣiba zaa daa zaŋ guŋgombihi din mali chaɣisa n-yi nti pah’ o zuɣu wari waa. 21Ka Miriam daa yiini yila yɛra:
“Yilimiya yila paɣi Yawɛ,
dama o di nasara din mali jilima,
ka daai wɔribara min’ o wɔhu
zaa niŋ teeku ni.”
Kɔtɔɣu
22Di saha ka Musa daa zaŋ Izraɛlnim’ maa Teeku Ʒiɛɣu duli n-chaŋ ti kpe Shur tiŋgban’ nɛli ni, ka bɛ daa chaŋ dabisi muna ata chandi ka bi nya kom. 23Ka bɛ daa ti paai Mara nti kɔŋ di kom nyubu, dama di daa tomi, di zuɣu ka bɛ daa boli nimaani yuli Mara.#15.23 MARA: Hiburuli ni Mara gbinni nyɛla, “Di to.” 24Ka niriba maa daa ŋumdi bɛ kparima ni niŋdi Musa ka bɔhir’ o, “Bɔ ka ti yɛn nyu?” 25Ka o daa suhi Yawɛ, ka Yawɛ wuh’ o ti’ shɛli wulli ka o daa zaŋ li na ti lɔhi kom maa ni, ka di niŋ nyaɣisim.
Nimaani ka Yawɛ daa zali ba zaligu, ka zahim ba, 26ka yɛli ba, “Yi yi taɣi deei man’ Yawɛ ŋun nyɛ yi Naawuni ŋɔ yɛligu, ka gbib’ li viɛnyɛliŋga, ka tumdi din tuhi, ka doli n zaligunim’ mini zaligu shɛŋa dim pahi zaa, dindina n ku chɛ ka alɔbo shɛli din daa lu Ijiptinim’ zuɣu la lu yi zuɣu, dama mani n-nyɛ Yawɛ ŋun tibiri ya.”
27Ka bɛ daa yi nimaani chaŋ Ɛlim, ka kɔbilisi pinaayi mini abie tihi pisopɔin daa be nimaani, ka bɛ daa dɔni nimaani m-miri kom maa.
Currently Selected:
Yibu 15: DBwDB
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
Yibu 15
15
Musa yilli
1 #
Kah 15.3
Di saha ka Musa mini Izraɛlnim’ maa daa yili yilli ŋɔ m-paɣiri Yawɛ yɛra:
“N ni yili yila paɣi Yawɛ,
dama o di nasara din mali jilima;
o daai wɔribara min’ o wɔhu niŋ teeku ni.
2 #
Yila 118.14; Aiz 12.2 Yawɛ n-nyɛ n kpiɔŋ
ŋuna n-lan nyɛ n yaa.
Ŋuna n-nyɛ ŋun ti ma tiliginsim.
Ŋuna n-nyɛ n Naawuni,
ka n ni paɣir’ o.
O nyɛla n yab’ Naawuni,
ka n ni duh’ o pam.
3Yawɛ nyɛla ŋun tuhiri tɔbu.
O yuli n-shiri nyɛ Yawɛ.
4“Firawuna chɛchɛbunsi
min’ o tɔbbihi zaa
ka o zaŋ niŋ teeku ni,
ka o sapashin’ kpɛma zaa
shim Teeku Ʒiɛɣu ni.
5Teeku bulli vali ba,
ka bɛ siɣi kɔtiŋ’
kaman kuɣili la.
6“Yawɛ, a nudirigu mali
yiko ni jilima.
Yawɛ, a nudirigu ka a zaŋ
dari tɔh’ a dim’ bahi.
7A nam dariza din galisi
pam ŋɔ puuni ka a ŋme
m-paag’ a dimnima.
Nyini n-daa chɛ ka a suhuyiɣisili
di ba zaa kaman mɔ’ kuma
ka bɛ chɛ n-sɔŋ
ka buɣim di li la.
8A nyɛvoya ni pɔhim
daa kahi kom duhi,
ka kɔgbana daa yiɣisi zani zuɣusaa,
ka teeku bulli maa sunsuuni
daa kpaŋ diɣinli.
9Ka dim’ maa daa yɛli,
‘N ni kari gbahi ba;
n ni di bɛ nɛma,
ka zaŋ n ni bɔri shɛlikam.
N ni zaŋ n nuu ŋooi takɔbi
n-ku ba.’
10Amaa ka a daa lan pɔbisi a pɔhim,
ka teeku kom lim ba,
ka bɛ shim ko’ tiŋa
kaman kurigu n-lu kopurim ni la.
11“Yawɛ, wun’ ŋuni
n-lee lan ŋman’ a?
Ŋun nam dariza min’ o
kasitali n-lee ŋman’ a,
ka o yɛla mali dabiɛm ni jilima,
ka o tumd’ alahiziba tuma?
12Nyini n-daa teeg’ a nudirigu tiri,
ka tiŋgbani vali ba.
13A yurilim din ka bahigu puuni
ka a daa zaŋ a ni tiligi
ninvuɣ’ shɛb’ maa chaŋ.
A yiko ka a daa zaŋ
wuhi ba soli ka bɛ chaŋ
ti ʒini tiŋgbɔŋ kasi la ni.
14Ka niriba daa wum di yɛla
ka bɛ niŋgbuna sɔhira.
Ka dabiɛm daa gbahi Filistianima.
15Ka di daa gari Ɛdom nanima;
ka Mɔab zuɣulaannim’ niŋgbuna sɔhira
ka Keenannim’ zaa kɔba ni chɔɣisi.
16Dabiɛm’ mini suhuchihibo
n-daa lu bɛ zuɣu.
A nuu din galisi ŋɔ zuɣu,
bɛ kul fomi doya chichi
kaman kuɣili la hal ka
nyin’ Yawɛ niriba ti gari;
hal ka a ni daa tiligi ninvuɣ’
shɛb’ la ti gari.
17Nyini n-daa zaŋ ba na
ti ʒil’ amaŋmaŋ’ zoli zuɣu,
nyini Yawɛ ni pii luɣ’ shɛli
n-leeg’ a biɛhigu shee la.
Nyin’ Yawɛ ni zaŋ amaŋmaŋ’ nuhi
me a jɛmbu du’ shɛl’ la ni.
18Nyin’ Yawɛ kul ni su nam
hal ni saha din ka bahigu.”
Miriam yilli
19Firawuna yuri min’ o chɛchɛbunsi ni o chɛchɛbunduhiriba la ni daa siɣi teeku maa puuni, ka Yawɛ daa chɛ ka teeku maa kom’ lan nahi taba n-lim ba, amaa Izraɛlnim’ maa bɛn’ daa dolila teeku tiŋ’ kuŋ zuɣu ti du.
20Ka Miriam ŋun daa nyɛ anabi ka nyɛ Aduna tizɔpaɣ’ la daa zaŋ guŋgombil’ din mali chaɣisa, ka paɣiba zaa daa zaŋ guŋgombihi din mali chaɣisa n-yi nti pah’ o zuɣu wari waa. 21Ka Miriam daa yiini yila yɛra:
“Yilimiya yila paɣi Yawɛ,
dama o di nasara din mali jilima,
ka daai wɔribara min’ o wɔhu
zaa niŋ teeku ni.”
Kɔtɔɣu
22Di saha ka Musa daa zaŋ Izraɛlnim’ maa Teeku Ʒiɛɣu duli n-chaŋ ti kpe Shur tiŋgban’ nɛli ni, ka bɛ daa chaŋ dabisi muna ata chandi ka bi nya kom. 23Ka bɛ daa ti paai Mara nti kɔŋ di kom nyubu, dama di daa tomi, di zuɣu ka bɛ daa boli nimaani yuli Mara.#15.23 MARA: Hiburuli ni Mara gbinni nyɛla, “Di to.” 24Ka niriba maa daa ŋumdi bɛ kparima ni niŋdi Musa ka bɔhir’ o, “Bɔ ka ti yɛn nyu?” 25Ka o daa suhi Yawɛ, ka Yawɛ wuh’ o ti’ shɛli wulli ka o daa zaŋ li na ti lɔhi kom maa ni, ka di niŋ nyaɣisim.
Nimaani ka Yawɛ daa zali ba zaligu, ka zahim ba, 26ka yɛli ba, “Yi yi taɣi deei man’ Yawɛ ŋun nyɛ yi Naawuni ŋɔ yɛligu, ka gbib’ li viɛnyɛliŋga, ka tumdi din tuhi, ka doli n zaligunim’ mini zaligu shɛŋa dim pahi zaa, dindina n ku chɛ ka alɔbo shɛli din daa lu Ijiptinim’ zuɣu la lu yi zuɣu, dama mani n-nyɛ Yawɛ ŋun tibiri ya.”
27Ka bɛ daa yi nimaani chaŋ Ɛlim, ka kɔbilisi pinaayi mini abie tihi pisopɔin daa be nimaani, ka bɛ daa dɔni nimaani m-miri kom maa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.