Jɔn 19
19
1Di saha ka Gomna Pailɛt daa chɛ ka bɛ fiɛb’ Yisa. 2Ka tɔbbihi daa zaŋ gɔhi n-wuɣi zuɣupiligu zaŋ pili Yisa, ka zaŋ kpar’ ʒiɛɣu yɛl’ o, 3ka gbaag’ o ansarisi malibu yɛra, “Ti puhir’ a Yɛhudianim’ Naa!” Ka ŋmɛr’ o nutala.
4Ka Gomna Pailɛt daa lan yi nti yɛli Yɛhudianim’ maa, “Nyamiya, n yɛn zaŋ o mi yina nti wuhi ya ka yi baŋ ni m bi nya o taali baabiɛla.” 5Ka Yisa daa yina n-na kul yɛla kpar’ ʒiɛɣu la, ka pili gɔhi zuɣupiligu maa. Ka Gomna Pailɛt daa yɛli ba, “Nyamiya doo maa!”
6Maligumaaniba kpamba mini Naawuni jɛmbu duu tuumba ni daa nya o maa bɛ daa kuhimi yɛli, “Kpahim’ o tabili dapulli zuɣu! Kpahim’ o tabili dapulli zuɣu!”
Ka Gomna Pailɛt yɛli ba, “Yimaŋmaŋ’ zaŋmiy’ o chaŋ ti kpahi tabili dapulli zuɣu! Dama man’ bi nya o taali baabiɛla.”
7Ka Yɛhudianim’ maa yɛl’ o, “Ti mali zaligu shɛli din wuhiri ni o simdi kum, o ni yɛli ni o nyɛla Naawuni Bia la zuɣu.”
8Gomna Pailɛt ni daa wum bɛ ni yɛli shɛm maa ka dabiɛm maan gbaag’ o pahi; 9ka o lan labi kpe saria karibu shee maa ti bɔhi Yisa, “Tiŋkani ka a yina?”
Ka Yisa bi garig’ o shɛli. 10Ka Gomna Pailɛt daa lan bɔh’ o, “A ku garigi ma? A bi mi ni m mali yiko din ni chɛ ka bɛ kpah’ a tabili dapulli zuɣu, ka lan mali yiko din ni tooi tilig’ a?”
11Ka Yisa garigi yɛl’ o, “A ku tooi nya di yiko, ka pa ni Naawuni n-ti a li; dinzuɣu ninvuɣ’ so ŋun zaŋ ma niŋ a nuu ni ŋɔ daalahichi galisi gar’ a dini.”
12Di saha zaŋ chana, ka Gomna Pailɛt daa lo nia ni o bahi Yisa, amaa ka Yɛhudianim’ maa kuhi yɛl’ o, “A yi bahi doo ŋɔ a pala Naa Siiza sima, dama ŋunkam zaŋ omaŋ’ leei naa lola Naa Siiza zaɣ’ biɛɣu!”
13Gomna Pailɛt ni daa wum yɛtɔɣa ŋɔ o daa zaŋla Yisa yihina nti ʒin’ o saria karibu ʒiishee din nyɛ luɣ’ shɛli bɛ ni booni Gabata Hiburuli ni la. Di gbinni nyɛla luɣ’ shɛli bɛ ni zaŋ kuɣa ŋme m-malimali. 14Di daa nyɛla Yaɣigari Chuɣu dazɔhigu dali kaman agbaa saha, ka o yɛli Yɛhudianim’ maa, “N-nyɛ yi Naa maa!”
15Ka bɛ duhi bɛ yee yɛli, “Kum’ o! Kum’ o! Kpahim’ o tabili dapulli zuɣu!”
Ka Gomna Pailɛt bɔhi ba, “N kpahimi yi Naa maa tabili dapulli zuɣu?”
Ka maligumaaniba kpamba daa garigi yɛl’ o, “Ti ka naa pahila Naa Siiza!”
16Di saha ka o daa zaŋ o ti ba ni bɛ ti kpah’ o tabili dapulli zuɣu.
Bɛ kpahi Yisa tabili dapulli zuɣu
(Matiu 27.32-44; Maak 15.21-32; Luk 23.26-43)
17Ka bɛ daa zaŋ Yisa chaŋ. Ka Yisa daa ʒi omaŋmaŋ’ dapulli maa hal ti paai luɣ’ shɛli din yuli booni Goligɔta Hiburuli ni la. Di gbinni nyɛla Zuɣuŋmaŋ Shee. 18Nimaani ka bɛ daa kpah’ o tabili dapulli maa zuɣu, ka daa kpahi niriba ayi gba tabili dapula n-zaŋ sa m-pahi Yisa zuɣu: Yino o nudirigu polo, ŋun’ la mi o nuzaa polo, ka Yisa daa be bɛ sunsuuni. 19Gomna Pailɛt daa sab’ sabbu shɛli tabili Yisa dapulli maa zuɣu. Di ni daa sab’ shɛm m-bɔŋɔ: “Yisa Nazarɛt nira ŋun nyɛ Yɛhudianim’ Naa la m-bɔŋɔ.” 20Di daa sabila Hiburuli ni mini Latinli ni ni Giriikili ni. Ka Yɛhudianim’ pam daa karim di ni sab’ shɛm maa, dama bɛ ni daa kpahi Yisa tabili dapulli zuɣu luɣ’ shɛli maa daa mirila tiŋ’ maa. 21Ka Yɛhudianim’ maligumaaniba kpamba daa yɛli Gomna Pailɛt, “Di sabi ni Yɛhudianim’ Naa la m-bɔŋɔ, amaa sabimila, ‘Doo ŋɔ yɛliya ni o nyɛla Yɛhudianim’ Naa.’ ”
22Ka Gomna Pailɛt yɛli ba, “N ni pun sab’ shɛm maa n-ni zani!”
23Tɔbbihi maa ni daa kpahi Yisa tabili dapulli maa zuɣu bɛ daa zaŋla o binyɛra m-pirigi li ʒii bunahi, ka bɛ zaa zaŋ yimyim, ka daa bɔri ni bɛ niŋ o binyɛr’ tital’ la gba lala. Amaa o binyɛr’ titali maa din’ daa ka shɛrimia, di daa kul wuɣila di zuɣusaa polo hal ti siɣi di tiŋli. 24#Yila 22.18 Dinzuɣu ka bɛ daa yɛl’ taba, “Di chɛliya ka ti chee’ li, amaa chɛliya ka ti tola tɛte n-nya ŋun yɛn di li.” Dimbɔŋɔ daa niŋmi ni di chɛ ka Naawuni Kundi ni yɛli shɛm la niŋ pali. Di ni yɛli shɛm maa m-bɔŋɔ:
“Bɛ pirigi m binyɛra ti taba,
ka zaŋ m binyɛr’ titali mi to tɛte.”
Lala ka tɔbbihi maa daa shiri niŋ.
25Di saha maa Yisa ma Mariama min’ o tizo Mariama ŋun daa nyɛ Klɔpas paɣa la ni Mariama ŋun daa yi Magdala na la daa ʒiɛla Yisa dapulli maa gbini. 26Yisa ni daa nya ka o ma min’ o ni daa yuri nyaandol’ so la ʒe nimaani maa, ka o yɛl’ o ma, “N-nyɛ a bia!”
27Ka yɛl’ o nyaandola maa mi, “N-nyɛ a ma!” Di saha maa zaŋ chana, ka nyaandola maa daa zaŋ Yisa ma maa mali kul’ o yiŋa.
Yisa kum yɛla
(Matiu 27.45-56; Maak 15.33-41; Luk 23.44-49)
28 #
Yila 69.21; 22.15 Dimbɔŋɔ nyaaŋa Yisa ni daa baŋ ni binshɛɣukam niŋya naai maa ka o daa yɛli, “Kɔnyuri mali ma.” O daa yɛlila lala ni di chɛ ka Naawuni Kundi ni yɛli shɛm la niŋ pali.
29La’ shɛli daa ʒe nimaani ka komihigu pali li, ka bɛ daa zaŋ gumdi tim di ni n-zaŋ taaŋkɔro gbab’ li n-zaŋ tiri ha n-niŋ o nol’ ni. 30Ka Yisa daa deei komihigu maa ka yɛli, “Di naaya!”
Ka silim o zuɣu tiŋa n-dii bahi.
Bɛ zaŋ kpani kuhi Yisa luɣili
31Dindali maa ni daa nyɛ Vuhim Dabisili dazɔhigu dali zuɣu ka bɛ daa bi bɔri ni bɛ ni kpahi shɛb’ tabili dapula zuɣu la kpalim pa dapula maa zuɣu Vuhim Dabisili dali. Dama Vuhim Dabisili din daa kanna maa daa nyɛla Vuhim Dabisi’ tibisili. Lala zuɣu ka Yɛhudianim’ daa suhi Gomna Pailɛt ni o bahim’ tɔbbihi noli ka bɛ kab’ bɛ ni kpahi shɛba n-tabili dapula zuɣu maa gbaya, ka di chɛ ka bɛ kpi ka bɛ siɣisi ba na ti sɔɣi. 32Dinzuɣu ka tɔbbihi daa chaŋ ti kabi bɛ ni daa kpahi niriba ayi shɛb’ tabili dapula zuɣu pahi Yisa zuɣu la ŋun daŋ tooni min’ o kpee la gbaya; 33amaa ka bɛ daa ti paai Yisa sani n-nya ka o pun kpimi, dinzuɣu ka bɛ daa bi kabi ŋun’ gbaya. 34Amaa ka tɔbbihi maa ni yino daa zaŋ kpani kuhi Yisa luɣili, ka ʒim mini kom dii zɔri yirina. 35Ŋun daa nya li ni o nini n-yɛl’ li ni yi niŋ yɛda. O yɛligu maa mi nyɛla yɛlimaŋli, ka o mi ni di shiri nyɛla yɛlimaŋli. 36#Yibu 12.46; Kal 9.12; Yila 34.20 Dimbɔŋɔnim’ daa niŋmi ni di chɛ ka Naawuni Kundi yɛligu niŋ pali. Di ni yɛli shɛm m-bɔŋɔ: “Hal o kɔb’ yini gba ti ku kabi.” 37#Zak 12.10; Kah 1.7 Naawuni Kundi ni luɣ’ shɛli lan yɛli, “Bɛ ni ti lihiri bɛ ni daa zaŋ kpani kuhi so la.”
Yisa sɔɣibu
(Matiu 27.57-61; Maak 15.42-47; Luk 23.50-56)
38Dimbɔŋɔ nyaaŋa ka Yisifu ŋun daa nyɛ Arimatia tiŋbia ka nyɛ Yisa nyaandola ashilɔni Yɛhudianim’ zɔbu zuɣu la daa chaŋ Gomna Pailɛt sani nti suh’ o soli ni o chɛ ka o zaŋ Yisa ti sɔɣi, ka Gomna Pailɛt daa saɣi. Ka o daa chaŋ ti zaŋ o. 39#Jɔn 3.1-2 Ka Nikɔdimus ŋun daa chaŋ Yisa sani yuŋ la gba daa bo mɛɛr din to kaman yabiga la mini bɛ ni booni ti’ shɛli aloosi la sum gari taba n-zaŋ na. Di tibisim daa nyɛla kaman kilɔgiram pihita laasabu. 40Ka bɛ daa zaŋ Yisa n-zaŋ mɛɛr maa mini aloosi tia sum maa n-niŋ o, ka bo bimpiɛlli niŋ o kaman Yɛhudianim’ kum sɔɣibu kali ni daa nyɛ shɛm. 41Pu’ shɛli daa do m-miri bɛ ni daa kpahi Yisa tabili dapulli zuɣu luɣ’ shɛli maa, ka sil’ pal’ shɛli bɛ ni daa na ʒi n-sɔɣ’ so di ni do puu maa ni. 42Ka dindali maa ni daa nyɛ Yɛhudianim’ Vuhim Dabisili dazɔhigu dali zuɣu daa chɛ ka bɛ zaŋ Yisa sɔɣi di ni, dama siliga maa shee daa bi wɔɣ’ ni nimaani.
Currently Selected:
Jɔn 19: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
Jɔn 19
19
1Di saha ka Gomna Pailɛt daa chɛ ka bɛ fiɛb’ Yisa. 2Ka tɔbbihi daa zaŋ gɔhi n-wuɣi zuɣupiligu zaŋ pili Yisa, ka zaŋ kpar’ ʒiɛɣu yɛl’ o, 3ka gbaag’ o ansarisi malibu yɛra, “Ti puhir’ a Yɛhudianim’ Naa!” Ka ŋmɛr’ o nutala.
4Ka Gomna Pailɛt daa lan yi nti yɛli Yɛhudianim’ maa, “Nyamiya, n yɛn zaŋ o mi yina nti wuhi ya ka yi baŋ ni m bi nya o taali baabiɛla.” 5Ka Yisa daa yina n-na kul yɛla kpar’ ʒiɛɣu la, ka pili gɔhi zuɣupiligu maa. Ka Gomna Pailɛt daa yɛli ba, “Nyamiya doo maa!”
6Maligumaaniba kpamba mini Naawuni jɛmbu duu tuumba ni daa nya o maa bɛ daa kuhimi yɛli, “Kpahim’ o tabili dapulli zuɣu! Kpahim’ o tabili dapulli zuɣu!”
Ka Gomna Pailɛt yɛli ba, “Yimaŋmaŋ’ zaŋmiy’ o chaŋ ti kpahi tabili dapulli zuɣu! Dama man’ bi nya o taali baabiɛla.”
7Ka Yɛhudianim’ maa yɛl’ o, “Ti mali zaligu shɛli din wuhiri ni o simdi kum, o ni yɛli ni o nyɛla Naawuni Bia la zuɣu.”
8Gomna Pailɛt ni daa wum bɛ ni yɛli shɛm maa ka dabiɛm maan gbaag’ o pahi; 9ka o lan labi kpe saria karibu shee maa ti bɔhi Yisa, “Tiŋkani ka a yina?”
Ka Yisa bi garig’ o shɛli. 10Ka Gomna Pailɛt daa lan bɔh’ o, “A ku garigi ma? A bi mi ni m mali yiko din ni chɛ ka bɛ kpah’ a tabili dapulli zuɣu, ka lan mali yiko din ni tooi tilig’ a?”
11Ka Yisa garigi yɛl’ o, “A ku tooi nya di yiko, ka pa ni Naawuni n-ti a li; dinzuɣu ninvuɣ’ so ŋun zaŋ ma niŋ a nuu ni ŋɔ daalahichi galisi gar’ a dini.”
12Di saha zaŋ chana, ka Gomna Pailɛt daa lo nia ni o bahi Yisa, amaa ka Yɛhudianim’ maa kuhi yɛl’ o, “A yi bahi doo ŋɔ a pala Naa Siiza sima, dama ŋunkam zaŋ omaŋ’ leei naa lola Naa Siiza zaɣ’ biɛɣu!”
13Gomna Pailɛt ni daa wum yɛtɔɣa ŋɔ o daa zaŋla Yisa yihina nti ʒin’ o saria karibu ʒiishee din nyɛ luɣ’ shɛli bɛ ni booni Gabata Hiburuli ni la. Di gbinni nyɛla luɣ’ shɛli bɛ ni zaŋ kuɣa ŋme m-malimali. 14Di daa nyɛla Yaɣigari Chuɣu dazɔhigu dali kaman agbaa saha, ka o yɛli Yɛhudianim’ maa, “N-nyɛ yi Naa maa!”
15Ka bɛ duhi bɛ yee yɛli, “Kum’ o! Kum’ o! Kpahim’ o tabili dapulli zuɣu!”
Ka Gomna Pailɛt bɔhi ba, “N kpahimi yi Naa maa tabili dapulli zuɣu?”
Ka maligumaaniba kpamba daa garigi yɛl’ o, “Ti ka naa pahila Naa Siiza!”
16Di saha ka o daa zaŋ o ti ba ni bɛ ti kpah’ o tabili dapulli zuɣu.
Bɛ kpahi Yisa tabili dapulli zuɣu
(Matiu 27.32-44; Maak 15.21-32; Luk 23.26-43)
17Ka bɛ daa zaŋ Yisa chaŋ. Ka Yisa daa ʒi omaŋmaŋ’ dapulli maa hal ti paai luɣ’ shɛli din yuli booni Goligɔta Hiburuli ni la. Di gbinni nyɛla Zuɣuŋmaŋ Shee. 18Nimaani ka bɛ daa kpah’ o tabili dapulli maa zuɣu, ka daa kpahi niriba ayi gba tabili dapula n-zaŋ sa m-pahi Yisa zuɣu: Yino o nudirigu polo, ŋun’ la mi o nuzaa polo, ka Yisa daa be bɛ sunsuuni. 19Gomna Pailɛt daa sab’ sabbu shɛli tabili Yisa dapulli maa zuɣu. Di ni daa sab’ shɛm m-bɔŋɔ: “Yisa Nazarɛt nira ŋun nyɛ Yɛhudianim’ Naa la m-bɔŋɔ.” 20Di daa sabila Hiburuli ni mini Latinli ni ni Giriikili ni. Ka Yɛhudianim’ pam daa karim di ni sab’ shɛm maa, dama bɛ ni daa kpahi Yisa tabili dapulli zuɣu luɣ’ shɛli maa daa mirila tiŋ’ maa. 21Ka Yɛhudianim’ maligumaaniba kpamba daa yɛli Gomna Pailɛt, “Di sabi ni Yɛhudianim’ Naa la m-bɔŋɔ, amaa sabimila, ‘Doo ŋɔ yɛliya ni o nyɛla Yɛhudianim’ Naa.’ ”
22Ka Gomna Pailɛt yɛli ba, “N ni pun sab’ shɛm maa n-ni zani!”
23Tɔbbihi maa ni daa kpahi Yisa tabili dapulli maa zuɣu bɛ daa zaŋla o binyɛra m-pirigi li ʒii bunahi, ka bɛ zaa zaŋ yimyim, ka daa bɔri ni bɛ niŋ o binyɛr’ tital’ la gba lala. Amaa o binyɛr’ titali maa din’ daa ka shɛrimia, di daa kul wuɣila di zuɣusaa polo hal ti siɣi di tiŋli. 24#Yila 22.18 Dinzuɣu ka bɛ daa yɛl’ taba, “Di chɛliya ka ti chee’ li, amaa chɛliya ka ti tola tɛte n-nya ŋun yɛn di li.” Dimbɔŋɔ daa niŋmi ni di chɛ ka Naawuni Kundi ni yɛli shɛm la niŋ pali. Di ni yɛli shɛm maa m-bɔŋɔ:
“Bɛ pirigi m binyɛra ti taba,
ka zaŋ m binyɛr’ titali mi to tɛte.”
Lala ka tɔbbihi maa daa shiri niŋ.
25Di saha maa Yisa ma Mariama min’ o tizo Mariama ŋun daa nyɛ Klɔpas paɣa la ni Mariama ŋun daa yi Magdala na la daa ʒiɛla Yisa dapulli maa gbini. 26Yisa ni daa nya ka o ma min’ o ni daa yuri nyaandol’ so la ʒe nimaani maa, ka o yɛl’ o ma, “N-nyɛ a bia!”
27Ka yɛl’ o nyaandola maa mi, “N-nyɛ a ma!” Di saha maa zaŋ chana, ka nyaandola maa daa zaŋ Yisa ma maa mali kul’ o yiŋa.
Yisa kum yɛla
(Matiu 27.45-56; Maak 15.33-41; Luk 23.44-49)
28 #
Yila 69.21; 22.15 Dimbɔŋɔ nyaaŋa Yisa ni daa baŋ ni binshɛɣukam niŋya naai maa ka o daa yɛli, “Kɔnyuri mali ma.” O daa yɛlila lala ni di chɛ ka Naawuni Kundi ni yɛli shɛm la niŋ pali.
29La’ shɛli daa ʒe nimaani ka komihigu pali li, ka bɛ daa zaŋ gumdi tim di ni n-zaŋ taaŋkɔro gbab’ li n-zaŋ tiri ha n-niŋ o nol’ ni. 30Ka Yisa daa deei komihigu maa ka yɛli, “Di naaya!”
Ka silim o zuɣu tiŋa n-dii bahi.
Bɛ zaŋ kpani kuhi Yisa luɣili
31Dindali maa ni daa nyɛ Vuhim Dabisili dazɔhigu dali zuɣu ka bɛ daa bi bɔri ni bɛ ni kpahi shɛb’ tabili dapula zuɣu la kpalim pa dapula maa zuɣu Vuhim Dabisili dali. Dama Vuhim Dabisili din daa kanna maa daa nyɛla Vuhim Dabisi’ tibisili. Lala zuɣu ka Yɛhudianim’ daa suhi Gomna Pailɛt ni o bahim’ tɔbbihi noli ka bɛ kab’ bɛ ni kpahi shɛba n-tabili dapula zuɣu maa gbaya, ka di chɛ ka bɛ kpi ka bɛ siɣisi ba na ti sɔɣi. 32Dinzuɣu ka tɔbbihi daa chaŋ ti kabi bɛ ni daa kpahi niriba ayi shɛb’ tabili dapula zuɣu pahi Yisa zuɣu la ŋun daŋ tooni min’ o kpee la gbaya; 33amaa ka bɛ daa ti paai Yisa sani n-nya ka o pun kpimi, dinzuɣu ka bɛ daa bi kabi ŋun’ gbaya. 34Amaa ka tɔbbihi maa ni yino daa zaŋ kpani kuhi Yisa luɣili, ka ʒim mini kom dii zɔri yirina. 35Ŋun daa nya li ni o nini n-yɛl’ li ni yi niŋ yɛda. O yɛligu maa mi nyɛla yɛlimaŋli, ka o mi ni di shiri nyɛla yɛlimaŋli. 36#Yibu 12.46; Kal 9.12; Yila 34.20 Dimbɔŋɔnim’ daa niŋmi ni di chɛ ka Naawuni Kundi yɛligu niŋ pali. Di ni yɛli shɛm m-bɔŋɔ: “Hal o kɔb’ yini gba ti ku kabi.” 37#Zak 12.10; Kah 1.7 Naawuni Kundi ni luɣ’ shɛli lan yɛli, “Bɛ ni ti lihiri bɛ ni daa zaŋ kpani kuhi so la.”
Yisa sɔɣibu
(Matiu 27.57-61; Maak 15.42-47; Luk 23.50-56)
38Dimbɔŋɔ nyaaŋa ka Yisifu ŋun daa nyɛ Arimatia tiŋbia ka nyɛ Yisa nyaandola ashilɔni Yɛhudianim’ zɔbu zuɣu la daa chaŋ Gomna Pailɛt sani nti suh’ o soli ni o chɛ ka o zaŋ Yisa ti sɔɣi, ka Gomna Pailɛt daa saɣi. Ka o daa chaŋ ti zaŋ o. 39#Jɔn 3.1-2 Ka Nikɔdimus ŋun daa chaŋ Yisa sani yuŋ la gba daa bo mɛɛr din to kaman yabiga la mini bɛ ni booni ti’ shɛli aloosi la sum gari taba n-zaŋ na. Di tibisim daa nyɛla kaman kilɔgiram pihita laasabu. 40Ka bɛ daa zaŋ Yisa n-zaŋ mɛɛr maa mini aloosi tia sum maa n-niŋ o, ka bo bimpiɛlli niŋ o kaman Yɛhudianim’ kum sɔɣibu kali ni daa nyɛ shɛm. 41Pu’ shɛli daa do m-miri bɛ ni daa kpahi Yisa tabili dapulli zuɣu luɣ’ shɛli maa, ka sil’ pal’ shɛli bɛ ni daa na ʒi n-sɔɣ’ so di ni do puu maa ni. 42Ka dindali maa ni daa nyɛ Yɛhudianim’ Vuhim Dabisili dazɔhigu dali zuɣu daa chɛ ka bɛ zaŋ Yisa sɔɣi di ni, dama siliga maa shee daa bi wɔɣ’ ni nimaani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.