Jɔn 7
7
Yisa min’ o mabihi
1Dimbɔŋɔ nyaaŋa Yisa daa chani gindila Galili tiŋgbɔŋ ni, ka daa bi lan saɣi chani gindi Judia tiŋgbɔŋ ni, Yɛhudianim’ bɛn be nimaani ni daa lo ni bɛ ku o la zuɣu. 2#Lɛv 23.34; Zal 16.13 Ka Yɛhudianim’ Suɣa Tibu Chuɣu puhibu daa ti mirina, 3ka Yisa mabihi yɛl’ o, “Yim’ kpe chaŋ Judia ka di chɛ ka a nyaandoliba nya tuun’ shɛŋa a ni tumdi ŋɔ. 4Dama nir’ yi bɔri ni o yuli yi palo, o ku tumd’ o tuma ashilɔni. A yi tumdi tuma ŋɔ tatabo, nyin’ yihim’ amaŋ’ palɔni ka sokam baŋ a.” 5Hal Yisa mabihi gba daa bi niŋ o yɛda.
6Ka Yisa yɛli ba, “N saha na bi paai; amaa yinim’ nyɛla bɛn kul mali saha sahakam. 7Dunianim’ ku tooi zaɣisi ya, amaa bɛ ni zaɣisi mani, n ni yɛri ni bɛ tuma bie la zuɣu. 8Chamiya chuɣu maa ni. Man’ na ku chaŋ di ni, dama n saha na bi paai.” 9O ni daa yɛli ŋ-ŋɔ maa ka shiri na kpalim be Galili tiŋgbɔŋ maa ni.
Yisa chaŋ Suɣa Tibu Chuɣu puhibu
10Yisa mabihi maa ni daa chaŋ chuɣu maa ni nyaaŋa ka o gba daa ti yiɣisi chaŋ chuɣu maa ni ashilɔni. 11Ka Yɛhudianim’ daa ti bɔr’ o shee chuɣu maa ni, ka bɔhir’ o yɛla yɛra, “Ya polo ka o lee be?”
12Ka niriba daa ti sɔɣi ŋmɛri tab’ naŋgbankpeeni o zuɣu salo maa ni: Shɛb’ daa yɛrimi, “O nyɛla ninvuɣ’ suŋ.” Ka shɛb’ mi yɛra, “Aai! O nyɛla ŋun birigiri niriba.” 13Amaa bɛ ni daa zɔri Yɛhudianim’ kpamba la zuɣu ka so daa bi saɣi tɔɣis’ o yɛla palɔni.
14Chuɣu maa ni daa ti puhi yaɣi di puhibu pirigili saha ka Yisa daa chaŋ Naawuni jɛmbu duu nti wuhiri niriba. 15Ka di daa gari Yɛhudianim’ maa ka bɛ bɔhira, “Wula ka doo ŋɔ lee niŋ mi yɛla ŋɔ, ka pa ŋun nya bɔhimbu?”
16Ka Yisa yɛli ba, “N wuhibu maa pala n dini, amaa di nyɛla ŋun tim ma na la dini. 17So yi yu ni o tum Naawuni yubu, o ni baŋ ni wuhibu ŋɔ yila ŋun’ Naawuni sanna bee m-baŋ ni di nyɛla mmaŋmaŋ’ yiko ni ka n wuhiri li. 18Ŋun wuhiri shɛli omaŋmaŋ’ yiko ni bɔrila omaŋmaŋ’ jilima nyabu, amaa ŋun bɔri ŋun tim o na jilima nyabu nyɛla yɛlimaŋlilana, ka ʒiri ka o nol’ ni.” 19Ka bɔhi ba, “Pa Anabi Musa n-daa zaŋ Naawuni fukumsi zaligu la tin ya? Amaa yi ni so bi dol’ li. Ka bɔ n-niŋ ka yi bɔri ni yi ku ma?”
20Ka niriba maa yɛl’ o, “Alizin’ biɛɣu n-naɣ’ ʒi a zuɣu! Ŋuni n-lee bɔri ni o ku a?”
21Ka Yisa yɛli ba, “N tum tuun’ yini ka di gari yi zaa ha. 22#Pil 17.10; Lɛv 12.3 Anabi Musa n-daa zaŋ gunibu zaligu tin ya, amaa pa Anabi Musa sani ka di daa yina, yi yaannim’ sani ka di daa yina, hal ka yi gundi yi bidibbihi Vuhim Dabisili dali.” 23#Jɔn 5.9 Ka lan bɔhi ba, “Ka yi yi gundi nira Vuhim Dabisili dali ni Anabi Musa zaligu maa di saɣim, di chaŋ wula ka yi je suli niŋ ma n ni chɛ ka ninsal’ niŋgbuŋ zaa nya alaafee Vuhim Dabisili dali zuɣu? 24Di tiriya nimmira yɛlimaŋli, amaa doliyala yɛlimaŋli soli.”
Salo bɔhiya, Masia la m-bala?
25Di saha ka Jɛrusalɛmnim’ shɛb’ daa bɔhi, “Pa doo ŋɔ ka bɛ bɔri ni bɛ ku la? 26Ka nyamiya o ni ʒe palɔni shɛm tɔɣisiri yɛtɔɣa ka so bi niŋ o shɛli! Di ni bɔŋɔ ti zuɣulaannim’ baŋya ni doo ŋɔ shiri nyɛla Masia yɔɣɔ? 27Ti mi doo ŋɔ ni yi shɛl’ na, amaa Masia ŋun’ yi ti yi palo, so ku mi o ni yi shɛl’ na.”
28Yisa ni daa wuhiri niriba Naawuni jɛmbu duu puuni maa ka o ti bɔhi ba, “Yi mi ma, ka mi n ni shiri yi shɛl’ na? Pa mmaŋmaŋ’ yubu ni ka n kana; ka ŋun tim ma na maa mi nyɛla yɛlimaŋlilana, amaa yi bi mi o. 29Mani m-mi o, dama n yila o sanna, ŋun’ mi n-nyɛ ŋun tim ma na.”
30Di saha maa ka bɛ daa bɔri ni bɛ gbaag’ o, amaa ka so daa lee bi zaŋ o nuu shih’ o, dama o saha daa na bi paai. 31Dimbɔŋɔ zaa yoli, niriba pam daa niŋ o yɛda ka bɔhira, “Masia yi ti kana, o ni wuhi shihira n-lan gari doo ŋɔ ni wuhiri shihir’ shɛŋa ŋɔ?”
Naawuni jɛmbu duu tuumba Yisa gbaabu yɛla
32Farisiinim’ ni daa wum ka salo maa tɔɣisiri Yisa yɛla lala maa zuɣu ka maligumaaniba kpamba mini Farisiinim’ daa tim Naawuni duu tuumba ni bɛ ti gbaag’ o na. 33Ka Yisa daa ti yɛli ba, “N kul yɛn be yi san’ la daba ayi kɔŋko ka lan labi ŋun tim ma na maa sani. 34Yi ni ti bɔri ma ka ku nya ma; dama n ni ti yɛn be luɣ’ shɛli yi ku tooi ka nimaani na.”
35Di saha ka Yɛhudianim’ maa daa bɔhi taba, “Ya polo ka o lee yɛn chaŋ ka ti ku lan nya o? O yɛn chaŋla Yɛhudianim’ ni wurim chaŋ nti be Giriikinim’ tin’ shɛŋa la ni ti wuhiri Giriikinim’ maa yɔɣɔ?” 36O ni yɛli, “Yi ni ti bɔri ma ka ku nya ma; ka n ni ti yɛn be luɣ’ shɛli, yi ku tooi ka nimaani na” la gbinni lee nyɛla wula?
Nyɛvili kɔzɔrim
37 #
Lɛv 23.26
Chuɣu maa puhi naai dali n-daa nyɛ chuɣu maa dabisi’ tital’ dali, ka Yisa daa yiɣisi zani kuhi yɛli, “Kɔnyuri yi wum so, ŋun’ kam’ n sanna ti nyu. 38Ŋunkam niŋ ma yɛda kaman Naawuni Kundi ni yɛli shɛm la, nyɛvili kom ni ti zɔri yir’ o suhu ni na kaman mɔɣa kom ni zɔri shɛm la.” 39Amaa Naawuni Shia Kasi so ninvuɣ’ shɛb’ bɛn niŋ ŋun’ Yisa yɛda ni daa ti yɛn deela yɛla ka o daa yɛri ba maa; dama Naawuni daa na bi tim o Shia Kasi na, Yisa ni daa na bi nya jilima shɛli din doli o kum ni neebu nyaaŋa la zuɣu.
Niriba noya wolibu
40Niriba maa ni daa wum Yisa yɛtɔɣa ŋɔ ka bɛ ni shɛb’ yɛli, “Yɛlimaŋli, doo ŋɔ shiri nyɛla bɛ ni daa yɛli anab’ so yɛla la.”#7.40 bɛ ni daa yɛli ni anab’ so yɛla la. Lihimi suurili 1.21 puuni.
41Ka shɛb’ yɛli, “O nyɛla Masia la.”
Ka shɛb’ mi bɔhi, “Di wuhiya ni Masia yɛn yila Galili na? 42#2 Sam 7.12; Mai 5.2 Naawuni Kundi bi yɛli ni Masia yɛn yila Naa Dauda zuliya ni na, ka nyɛ ŋun yɛn yi Bɛtilihɛm din nyɛ Naa Dauda ya na la?” 43Lala zuɣu ka niriba maa noya daa woli. 44Ka bɛ ni shɛb’ daa bɔri ni bɛ gbaag’ o, amaa ka so daa lee bi zaŋ o nuu shih’ o.
Yɛhudianim’ zuɣulaannim’ biɛhimbu
45Ka Naawuni jɛmbu duu tuumba maa daa lab’ maligumaaniba kpamba mini Farisiinim’ maa sani, ka bɛ ti bɔhi ba, “Bɔzuɣu ka yi bi ʒi o na?”
46Ka Naawuni jɛmbu duu tuumba maa yɛli ba, “So na ʒi n-tɔɣisiri yɛtɔɣa kaman doo maa.”
47Ka Farisiinim’ maa bɔhi ba, “O birigila yi gba? 48Zuɣulaannim’ bee Farisiinim’ ni so niŋ o yɛda? 49Laabira salo ŋɔ ʒi Naawuni fukumsi zaligu, lala zuɣu Naawuni noli ni di ba!”
50 #
Jɔn 3.1-2
Ka Nikɔdimus ŋun daa nyɛ bɛ ni yino, ka nyɛ ŋun daa pun chaŋ Yisa san’ la bɔhi ba, 51“Ti zaligu wuhiya ni ti karimi nir’ saria ka na bi bɔh’ o baŋ o ni niŋ shɛli?” 52Ka bɛ bɔh’ o, “A gba nyɛla Galili nira yɔɣɔ? Vihim’ Naawuni Kundi! A yi vihi li, a ni nya ka di bi wuhi ni anab’ so ni ti yi Galili tiŋgbɔŋ ni na.” [ 53Ka bɛ daa wurim, ka sokam kul’ o yiŋa.
Currently Selected:
Jɔn 7: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
Jɔn 7
7
Yisa min’ o mabihi
1Dimbɔŋɔ nyaaŋa Yisa daa chani gindila Galili tiŋgbɔŋ ni, ka daa bi lan saɣi chani gindi Judia tiŋgbɔŋ ni, Yɛhudianim’ bɛn be nimaani ni daa lo ni bɛ ku o la zuɣu. 2#Lɛv 23.34; Zal 16.13 Ka Yɛhudianim’ Suɣa Tibu Chuɣu puhibu daa ti mirina, 3ka Yisa mabihi yɛl’ o, “Yim’ kpe chaŋ Judia ka di chɛ ka a nyaandoliba nya tuun’ shɛŋa a ni tumdi ŋɔ. 4Dama nir’ yi bɔri ni o yuli yi palo, o ku tumd’ o tuma ashilɔni. A yi tumdi tuma ŋɔ tatabo, nyin’ yihim’ amaŋ’ palɔni ka sokam baŋ a.” 5Hal Yisa mabihi gba daa bi niŋ o yɛda.
6Ka Yisa yɛli ba, “N saha na bi paai; amaa yinim’ nyɛla bɛn kul mali saha sahakam. 7Dunianim’ ku tooi zaɣisi ya, amaa bɛ ni zaɣisi mani, n ni yɛri ni bɛ tuma bie la zuɣu. 8Chamiya chuɣu maa ni. Man’ na ku chaŋ di ni, dama n saha na bi paai.” 9O ni daa yɛli ŋ-ŋɔ maa ka shiri na kpalim be Galili tiŋgbɔŋ maa ni.
Yisa chaŋ Suɣa Tibu Chuɣu puhibu
10Yisa mabihi maa ni daa chaŋ chuɣu maa ni nyaaŋa ka o gba daa ti yiɣisi chaŋ chuɣu maa ni ashilɔni. 11Ka Yɛhudianim’ daa ti bɔr’ o shee chuɣu maa ni, ka bɔhir’ o yɛla yɛra, “Ya polo ka o lee be?”
12Ka niriba daa ti sɔɣi ŋmɛri tab’ naŋgbankpeeni o zuɣu salo maa ni: Shɛb’ daa yɛrimi, “O nyɛla ninvuɣ’ suŋ.” Ka shɛb’ mi yɛra, “Aai! O nyɛla ŋun birigiri niriba.” 13Amaa bɛ ni daa zɔri Yɛhudianim’ kpamba la zuɣu ka so daa bi saɣi tɔɣis’ o yɛla palɔni.
14Chuɣu maa ni daa ti puhi yaɣi di puhibu pirigili saha ka Yisa daa chaŋ Naawuni jɛmbu duu nti wuhiri niriba. 15Ka di daa gari Yɛhudianim’ maa ka bɛ bɔhira, “Wula ka doo ŋɔ lee niŋ mi yɛla ŋɔ, ka pa ŋun nya bɔhimbu?”
16Ka Yisa yɛli ba, “N wuhibu maa pala n dini, amaa di nyɛla ŋun tim ma na la dini. 17So yi yu ni o tum Naawuni yubu, o ni baŋ ni wuhibu ŋɔ yila ŋun’ Naawuni sanna bee m-baŋ ni di nyɛla mmaŋmaŋ’ yiko ni ka n wuhiri li. 18Ŋun wuhiri shɛli omaŋmaŋ’ yiko ni bɔrila omaŋmaŋ’ jilima nyabu, amaa ŋun bɔri ŋun tim o na jilima nyabu nyɛla yɛlimaŋlilana, ka ʒiri ka o nol’ ni.” 19Ka bɔhi ba, “Pa Anabi Musa n-daa zaŋ Naawuni fukumsi zaligu la tin ya? Amaa yi ni so bi dol’ li. Ka bɔ n-niŋ ka yi bɔri ni yi ku ma?”
20Ka niriba maa yɛl’ o, “Alizin’ biɛɣu n-naɣ’ ʒi a zuɣu! Ŋuni n-lee bɔri ni o ku a?”
21Ka Yisa yɛli ba, “N tum tuun’ yini ka di gari yi zaa ha. 22#Pil 17.10; Lɛv 12.3 Anabi Musa n-daa zaŋ gunibu zaligu tin ya, amaa pa Anabi Musa sani ka di daa yina, yi yaannim’ sani ka di daa yina, hal ka yi gundi yi bidibbihi Vuhim Dabisili dali.” 23#Jɔn 5.9 Ka lan bɔhi ba, “Ka yi yi gundi nira Vuhim Dabisili dali ni Anabi Musa zaligu maa di saɣim, di chaŋ wula ka yi je suli niŋ ma n ni chɛ ka ninsal’ niŋgbuŋ zaa nya alaafee Vuhim Dabisili dali zuɣu? 24Di tiriya nimmira yɛlimaŋli, amaa doliyala yɛlimaŋli soli.”
Salo bɔhiya, Masia la m-bala?
25Di saha ka Jɛrusalɛmnim’ shɛb’ daa bɔhi, “Pa doo ŋɔ ka bɛ bɔri ni bɛ ku la? 26Ka nyamiya o ni ʒe palɔni shɛm tɔɣisiri yɛtɔɣa ka so bi niŋ o shɛli! Di ni bɔŋɔ ti zuɣulaannim’ baŋya ni doo ŋɔ shiri nyɛla Masia yɔɣɔ? 27Ti mi doo ŋɔ ni yi shɛl’ na, amaa Masia ŋun’ yi ti yi palo, so ku mi o ni yi shɛl’ na.”
28Yisa ni daa wuhiri niriba Naawuni jɛmbu duu puuni maa ka o ti bɔhi ba, “Yi mi ma, ka mi n ni shiri yi shɛl’ na? Pa mmaŋmaŋ’ yubu ni ka n kana; ka ŋun tim ma na maa mi nyɛla yɛlimaŋlilana, amaa yi bi mi o. 29Mani m-mi o, dama n yila o sanna, ŋun’ mi n-nyɛ ŋun tim ma na.”
30Di saha maa ka bɛ daa bɔri ni bɛ gbaag’ o, amaa ka so daa lee bi zaŋ o nuu shih’ o, dama o saha daa na bi paai. 31Dimbɔŋɔ zaa yoli, niriba pam daa niŋ o yɛda ka bɔhira, “Masia yi ti kana, o ni wuhi shihira n-lan gari doo ŋɔ ni wuhiri shihir’ shɛŋa ŋɔ?”
Naawuni jɛmbu duu tuumba Yisa gbaabu yɛla
32Farisiinim’ ni daa wum ka salo maa tɔɣisiri Yisa yɛla lala maa zuɣu ka maligumaaniba kpamba mini Farisiinim’ daa tim Naawuni duu tuumba ni bɛ ti gbaag’ o na. 33Ka Yisa daa ti yɛli ba, “N kul yɛn be yi san’ la daba ayi kɔŋko ka lan labi ŋun tim ma na maa sani. 34Yi ni ti bɔri ma ka ku nya ma; dama n ni ti yɛn be luɣ’ shɛli yi ku tooi ka nimaani na.”
35Di saha ka Yɛhudianim’ maa daa bɔhi taba, “Ya polo ka o lee yɛn chaŋ ka ti ku lan nya o? O yɛn chaŋla Yɛhudianim’ ni wurim chaŋ nti be Giriikinim’ tin’ shɛŋa la ni ti wuhiri Giriikinim’ maa yɔɣɔ?” 36O ni yɛli, “Yi ni ti bɔri ma ka ku nya ma; ka n ni ti yɛn be luɣ’ shɛli, yi ku tooi ka nimaani na” la gbinni lee nyɛla wula?
Nyɛvili kɔzɔrim
37 #
Lɛv 23.26
Chuɣu maa puhi naai dali n-daa nyɛ chuɣu maa dabisi’ tital’ dali, ka Yisa daa yiɣisi zani kuhi yɛli, “Kɔnyuri yi wum so, ŋun’ kam’ n sanna ti nyu. 38Ŋunkam niŋ ma yɛda kaman Naawuni Kundi ni yɛli shɛm la, nyɛvili kom ni ti zɔri yir’ o suhu ni na kaman mɔɣa kom ni zɔri shɛm la.” 39Amaa Naawuni Shia Kasi so ninvuɣ’ shɛb’ bɛn niŋ ŋun’ Yisa yɛda ni daa ti yɛn deela yɛla ka o daa yɛri ba maa; dama Naawuni daa na bi tim o Shia Kasi na, Yisa ni daa na bi nya jilima shɛli din doli o kum ni neebu nyaaŋa la zuɣu.
Niriba noya wolibu
40Niriba maa ni daa wum Yisa yɛtɔɣa ŋɔ ka bɛ ni shɛb’ yɛli, “Yɛlimaŋli, doo ŋɔ shiri nyɛla bɛ ni daa yɛli anab’ so yɛla la.”#7.40 bɛ ni daa yɛli ni anab’ so yɛla la. Lihimi suurili 1.21 puuni.
41Ka shɛb’ yɛli, “O nyɛla Masia la.”
Ka shɛb’ mi bɔhi, “Di wuhiya ni Masia yɛn yila Galili na? 42#2 Sam 7.12; Mai 5.2 Naawuni Kundi bi yɛli ni Masia yɛn yila Naa Dauda zuliya ni na, ka nyɛ ŋun yɛn yi Bɛtilihɛm din nyɛ Naa Dauda ya na la?” 43Lala zuɣu ka niriba maa noya daa woli. 44Ka bɛ ni shɛb’ daa bɔri ni bɛ gbaag’ o, amaa ka so daa lee bi zaŋ o nuu shih’ o.
Yɛhudianim’ zuɣulaannim’ biɛhimbu
45Ka Naawuni jɛmbu duu tuumba maa daa lab’ maligumaaniba kpamba mini Farisiinim’ maa sani, ka bɛ ti bɔhi ba, “Bɔzuɣu ka yi bi ʒi o na?”
46Ka Naawuni jɛmbu duu tuumba maa yɛli ba, “So na ʒi n-tɔɣisiri yɛtɔɣa kaman doo maa.”
47Ka Farisiinim’ maa bɔhi ba, “O birigila yi gba? 48Zuɣulaannim’ bee Farisiinim’ ni so niŋ o yɛda? 49Laabira salo ŋɔ ʒi Naawuni fukumsi zaligu, lala zuɣu Naawuni noli ni di ba!”
50 #
Jɔn 3.1-2
Ka Nikɔdimus ŋun daa nyɛ bɛ ni yino, ka nyɛ ŋun daa pun chaŋ Yisa san’ la bɔhi ba, 51“Ti zaligu wuhiya ni ti karimi nir’ saria ka na bi bɔh’ o baŋ o ni niŋ shɛli?” 52Ka bɛ bɔh’ o, “A gba nyɛla Galili nira yɔɣɔ? Vihim’ Naawuni Kundi! A yi vihi li, a ni nya ka di bi wuhi ni anab’ so ni ti yi Galili tiŋgbɔŋ ni na.” [ 53Ka bɛ daa wurim, ka sokam kul’ o yiŋa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.