Yohane 8
8
Yo nɛ ngɛ ajuama bɔe nɛ a nu lɛ ɔ
[ 1Benɛ ni ɔmɛ tsuo je kɛ ho we mi ya a, Yesu pue nɔ kɛ ho Oliv yo ɔ he ya. 2E nɔ jena mɔtu mla a, e kpale e se kɛ ba sɔlemi we ɔ. Ni ɔmɛ tsuo ba bu e nɔ, nɛ e hi si, nɛ e bɔni mɛ ní tsɔɔmi. 3Mlaa tsɔɔli ɔmɛ, kɛ Farisi bi ɔmɛ ngɔ yo ko nɛ ya ngɛ ajuama bɔe nɛ a nu lɛ kɛ ba, nɛ a kɛ lɛ ba da ma a tsuo hɛ mi. 4A de Yesu ke, “Tsɔɔlɔ, yo nɛ ɔ ya ngɛ ajuama bɔe nɛ a nu lɛ. 5#Mose III, 20.10; Mose V, 22.22-24 Wa mlaa a nya a, Mose fa ke, ‘Yo kaa kikɛ nɛ ɔ, a fia lɛ tɛ nɛ e gbo.’ Moo lɛɛ kɛ o ngɛ dee kɛɛ?” 6Enɛ ɔ, a de kɛ da lɛ, konɛ a na nɔ́ ko nɛ a kɛ ya po e nya. Se Yesu sɔ̃ si, nɛ e kɛ e nine nguɛ ngma ní ngɛ zugba.
7Benɛ a ngɛ nɔ ngɛ Yesu munyu bie ɔ, e wo e yi nɔ nɛ e de mɛ ke, “Nyɛ ti nɔ nɛ pee we yayami ko ɔ, lɛ kekle e fia yo ɔ tɛ ɔ.” 8Yesu kpale sɔ̃ si, nɛ e tsa ní ngmami ɔ nɔ ngɛ zugba. 9Se mɛɛ lɛɛ benɛ a nu munyu nɛ ɔ, a bɔni jemi kakaaka, kɛ je nɔkɔtɔma a nɔ kɛ ya si e piɛ Yesu, kɛ yo ɔ pɛ nɛ daa si ngɛ lejɛ ɔ kɛ mwɔɔ. 10Jehanɛ ɔ, Yesu wo e yi nɔ ekohu, nɛ e bi yo ɔ ke, “Maa, nihi nɛ ba po o nya a, jije a ngɛ? A ti nɔ kake po bui mo fɔ lo?”
11Yo ɔ he nɔ ke, “Nyɔmtsɛ, nɔ ko nɔ ko bui mi fɔ.”
Yesu de lɛ ke, “Saminya, imi hu i bui mo fɔ. Yaa, se mohu kpa yayami peemi.”]
Yesu ji la kɛ ha je ɔ
12 #
Mat 5.14; Yoh 9.5 Yesu, kɛ Farisi bi ɔmɛ tu munyu ekohu, nɛ e de mɛ ke, “Imi ji je ɔ la a nɛ. Nɔ tsuaa nɔ nɛ nyɛɛɔ ye se ɔ, e naa la a nɛ haa nɔ wami ɔ; nɛ e be diblii mi nyɛɛe kɔkɔɔkɔ.”
13 #
Yoh 5.31
Farisi bi ɔmɛ de lɛ ke, “Jehanɛ lɛɛ o ngɛ mo nitsɛ o he odase yee. Nɔ nɛ o ngɛ dee ɔ be mi fɛɛ.”
14Yesu he nɔ ke, “E ngɛ mi mohu kaa imi nitsɛ i ngɛ ye he odase yee lɛɛ, se ye odase ɔ ngɛ mi, ejakaa i le he nɛ i je, kɛ he nɛ i yaa. Nyɛɛ lɛɛ nyɛ li he nɛ i je kɛ ba; nɛ he nɛ i yaa hu nyɛ li. 15Nyɛɛ lɛɛ nyɛ kojoɔ he lo nya, se imi lɛɛ, i kojo we nɔ ko. 16Se ke i kojo tete po ɔ, e da, ejakaa pi imi nɔ kake nɛ i ngɛ enɛ ɔ pee. Tsɛ ɔ nɛ tsɔ mi ɔ piɛ ye he. 17#Mose V, 19.15 A ngma ngɛ nyɛ mlaa a mi ke, ke ni enyɔ ye odase nɛ kɔɔ ɔ, e peeɔ anɔkuale. 18Imi lɛɛ i yeɔ imi nitsɛ ye he odase, nɛ Tsɛ ɔ nɛ tsɔ mi ɔ hu yeɔ ye he odase.”
19A bi lɛ ke, “O Tsɛ ɔ, jije e ngɛ?”
Yesu he nɔ ke, “Nyɛ li mi, nɛ Tsaatsɛ hu nyɛ li lɛ. Kaa nyɛ le mi jinɛ nyɛ maa le Tsaatsɛ hulɔ.”
20Yesu de ní nɛ ɔmɛ tsuo, be mi nɛ e ngɛ ní tsɔɔe ngɛ sɔlemi we ɔ ngɛ tsu mi he nɛ a kɛ tó tsumi daka amɛ to ɔ. Se a nui lɛ, ejakaa e be ɔ sui.
He nɛ i yaa a, nyɛ be nyɛe maa ya
21Yesu kpale de ni ɔmɛ ke, “Imi lɛɛ i yaa! Nyɛ ma hla mi, se nyɛ ma gbo kɛ nyɛ he yayami. He nɛ i yaa a, nyɛ be nyɛe maa ba.”
22Lɔ ɔ he ɔ, Yuda ma nimeli ɔmɛ bi ke, “Ke e de ke he nɛ e yaa a, wa be nyɛe maa ya a, kɛ e ngɛ tsɔɔe kɛɛ? E yaa gbe e he lo?”
23Yesu he nɔ ke, “Nyɛɛ lɛɛ je nɛ ɔ mi bi ji nyɛ; se imi lɛɛ hiɔwe i je. Je nɛ ɔ mi bi ji nyɛ, se imi lɛɛ i ji je nɛ ɔ mi. 24Enɛ ɔ he nɛ i de nyɛ ke nyɛ ma gbo kɛ nyɛ he yayami ɔ nɛ. Niinɛ, nyɛ ma gbo kɛ nyɛ he yayami ɔmɛ ke nyɛ he we yi kaa imi ji nɔ nɛ i ji ɔ.”
25A bi lɛ ke, “Mɛnɔ ji mo?”
Yesu he nɔ ke, “Sisije ɔ, mɛni i de nyɛ ɔ? 26I le nyɛ he sanehi babauu nɛ ma kɛ kojo nyɛ. Se nɔ nɛ tsɔ mi ɔ, anɔkualetsɛ ji lɛ, lɔ ɔ he ɔ, nɔ nɛ i nu kɛ je e nya a, lɔ ɔ i deɔ je ɔ.”
27Se mɛɛ lɛɛ a li kaa Tsɛ ɔ he munyu Yesu kɛ mɛ ngɛ tue ɔ. 28Jehanɛ e de mɛ ke, “Ke nyɛ ná wo Nɔmlɔ Bi ɔ nɔ ɔ, nyɛ maa le kaa imi ji nɔ nɛ i ji ɔ. Kɛkɛ ɔ, nyɛ maa le kaa i to we imi nitsɛ ye yi mi kɛ tsu we nɔ́ ko gblegbleegble. Mohu nɔ́ nɛ Tsɛ ɔ tsɔɔ mi ɔ, lɔ ɔ pɛ i deɔ. 29Tsɛ ɔ nɛ tsɔ mi ɔ kɛ mi ngɛ; e si we imi nɔ kake too, ejakaa i peeɔ e suɔmi nya ní.”
30Benɛ Yesu de ní nɛ ɔmɛ ɔ, nihi babauu nɛ nu ɔ he lɛ ye.
Odehehi kɛ nyɔguɛhi
31Yesu de Yuda bi nɛ he lɛ ye ɔ ke, “Ke nyɛ pɛtɛ ye munyu ɔ he ɔ, lɛɛ nyɛ maa pee ye kaseli nitsɛnitsɛmɛ. 32Kɛkɛ ɔ, nyɛ maa le anɔkuale ɔ; nɛ anɔkuale ɔ ma ha nyɛ maa ye nyɛ he.”
33 #
Mat 3.9; Luk 3.8 A he nɔ ke, “Abraham nina ji wɔ, nɛ wɔɔ lɛɛ wa yi nyɔguɛ ha nɔ ko hyɛ. Ke o de ke, ‘Nyɛ maa ye nyɛ he’ ɔ, kɛ o ngɛ tsɔɔe kɛɛ?”
34Yesu de mɛ ke, “I ngɛ nyɛ dee anɔkuale mi ke nɔ tsuaa nɔ nɛ peeɔ yayami ɔ, yayami ɔ nyɔguɛ ji lɛ. 35Nyɔguɛ hí we mi kɛ yɛ neneene, se bi lɛɛ e hii si kɛ yaa neneene. 36Lɔ ɔ he ɔ, ke Bi ɔ ha nyɛ ye nyɛ he ɔ, nyɛ maa ye nyɛ he niinɛ. 37I le kaa Abraham nina ji nyɛ! Mɛni he je mɔ nɛ nyɛ ngɔɛ ye tsɔɔmi ɔ, nɛ nyɛ ngɛ mi hlae nyɛɛ gbe mohu ɔ. 38Imi lɛɛ níhi nɛ Tsaatsɛ tsɔɔ mi ɔ, lɔ ɔmɛ i deɔ; se nyɛɛ lɛɛ níhi nɛ nyɛ tsɛ ɔ de nyɛ ɔ, lɔ ɔmɛ nyɛ peeɔ.”
39A he nɔ ke, “Wɔɔ lɛɛ wa tsɛ ji Abraham.”
Yesu de mɛ ke, “Abraham nina ji nyɛ jinɛ nyɛ maa pee níhi nɛ Abraham pee ɔ nɔuu. 40Imi lɛɛ anɔkuale ɔ nɛ i nu kɛ je Tsaatsɛ Mawu nya a, lɔ ɔ i deɔ nyɛ; se nyɛ ngɛ mi hlae nɛ nyɛɛ gbe. Abraham pee we nɔ́ ko kaa kikɛ nɛ ɔ. 41Níhi nɛ nyɛ tsɛ peeɔ ɔ, lɔ ɔmɛ ngɛ peeɔ ɔ nɛ.”
A he nɔ ke, “Wɔɔ lɛɛ pi ajuama mi bimɛ ji wɔ. Wa ngɛ tsɛ kake. Wa tsɛ ji Mawu.”
42Yesu de mɛ ke, “Mawu ji nyɛ Tsɛ niinɛ jinɛ nyɛ maa suɔ mi, ejakaa Mawu nɛ tsɔ mi; se pi imi nitsɛ ye yi mi nɛ i to kɛ ba. Mawu ngɔ nɛ i je kɛ ba nyɛ ngɔ. 43Munyu nɛ i kɛ nyɛ tu ɔ, nyɛ nɛ nya, ejakaa nyɛ bui ye munyu ɔ. 44Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ. 45Se imi lɛɛ, i tuɔ anɔkuale; nɛ lɔ ɔ he ɔ, nyɛ he we mi yi. 46Nyɛ ti mɛnɔ ma nyɛ tsɔɔ kaa i pee yayami. Ke anɔkuale i tuɔ ɔ, lɛɛ mɛni he je nyɛ he we mi yi ɔ? 47Nɔ nɛ je Mawu ngɔ ɔ, e nuɔ Mawu munyu. Se nyɛɛ lɛɛ nyɛ nui, ejakaa pi Mawu ngɔ nɛ nyɛ je.”
Yesu kɛ Abraham
48Yuda bi ɔmɛ bi Yesu ke, “Ke wa de ke Samaria no ji mo, nɛ mumi yayami ngɛ o mi ɔ, wa tɔ lo?”
49Yesu he nɔ ke, “Mumi yayami be ye mi. Imi lɛɛ Tsaatsɛ hɛ mi nyami i woɔ, se nyɛɛ lɛɛ nyɛ ngɛ ye he guɛ gbee. 50I hla we imi nitsɛ ye hɛ mi nyami. Se nɔ ko ngɛ nɛ ngɛ hlae, nɛ lɛ nɛ maa kojo. 51I ngɛ nyɛ dee anɔkuale mi ke nɔ tsuaa nɔ nɛ buu ye tsɔɔmi ɔ tue ɔ, e be gboe gblegbleegble.”
52Yuda bi ɔmɛ de lɛ ke, “Jehanɛ lɛɛ wa ná nɔ mi mami kaa mumi yayami ngɛ o mi. Abraham gbo, nɛ gbali ɔmɛ hu gbo, se moo lɛɛ o ngɛ dee ke nɔ tsuaa nɔ nɛ buu o tsɔɔmi tue ɔ be gboe gblegbleegble. 53Tsaatsɛ Abraham nɛ gbo ɔ, o pe lɛ lo? Jehanɛ ɔ hu, gbali ɔmɛ nɛ gbo ɔ nɛɛ? Kɛ moo lɛɛ o buɔ o he kɛɛ?”
54Yesu he nɔ ke, “Kaa imi nitsɛ nɛ i woɔ ye hɛ mi nyami ɔ, lɛɛ lɔ ɔ pi nɔ́ ko; se hyɛ, Tsaatsɛ nɛ nyɛ tsɛɔ ke nyɛ Mawu ɔ, lɛ nɔuu nɛ woɔ ye hɛ mi nyami. 55Imi le lɛ, se nyɛɛ lɛɛ nyɛ li lɛ. Ke i de ke i li lɛ ɔ, lɛɛ lakpatsɛ ji mi kaa nyɛ nɔuu. Se i le lɛ, nɛ i buɔ lɛ tue. 56Nyɛ tsɛ Abraham hla nɛ e na ye bami be ɔ kɛ bua jɔmi. E na hulɔ, nɛ e nya.”
57Yuda bi ɔmɛ bi lɛ ke, “Mo nɛ o na we jeha nyingmi enuɔ po ɔ, o na Abraham lo?”
58Yesu he nɔ ke, “I ngɛ nyɛ dee anɔkuale mi ke i ngɛ loko a fɔ Abraham.”
59Kɛkɛ nɛ a kukuɔ tɛ nɛ a maa fia Yesu, se e laa e he, nɛ e je sɔlemi we ɔ.
Currently Selected:
Yohane 8: Dangme
Highlight
Share
Copy
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.
Yohane 8
8
Yo nɛ ngɛ ajuama bɔe nɛ a nu lɛ ɔ
[ 1Benɛ ni ɔmɛ tsuo je kɛ ho we mi ya a, Yesu pue nɔ kɛ ho Oliv yo ɔ he ya. 2E nɔ jena mɔtu mla a, e kpale e se kɛ ba sɔlemi we ɔ. Ni ɔmɛ tsuo ba bu e nɔ, nɛ e hi si, nɛ e bɔni mɛ ní tsɔɔmi. 3Mlaa tsɔɔli ɔmɛ, kɛ Farisi bi ɔmɛ ngɔ yo ko nɛ ya ngɛ ajuama bɔe nɛ a nu lɛ kɛ ba, nɛ a kɛ lɛ ba da ma a tsuo hɛ mi. 4A de Yesu ke, “Tsɔɔlɔ, yo nɛ ɔ ya ngɛ ajuama bɔe nɛ a nu lɛ. 5#Mose III, 20.10; Mose V, 22.22-24 Wa mlaa a nya a, Mose fa ke, ‘Yo kaa kikɛ nɛ ɔ, a fia lɛ tɛ nɛ e gbo.’ Moo lɛɛ kɛ o ngɛ dee kɛɛ?” 6Enɛ ɔ, a de kɛ da lɛ, konɛ a na nɔ́ ko nɛ a kɛ ya po e nya. Se Yesu sɔ̃ si, nɛ e kɛ e nine nguɛ ngma ní ngɛ zugba.
7Benɛ a ngɛ nɔ ngɛ Yesu munyu bie ɔ, e wo e yi nɔ nɛ e de mɛ ke, “Nyɛ ti nɔ nɛ pee we yayami ko ɔ, lɛ kekle e fia yo ɔ tɛ ɔ.” 8Yesu kpale sɔ̃ si, nɛ e tsa ní ngmami ɔ nɔ ngɛ zugba. 9Se mɛɛ lɛɛ benɛ a nu munyu nɛ ɔ, a bɔni jemi kakaaka, kɛ je nɔkɔtɔma a nɔ kɛ ya si e piɛ Yesu, kɛ yo ɔ pɛ nɛ daa si ngɛ lejɛ ɔ kɛ mwɔɔ. 10Jehanɛ ɔ, Yesu wo e yi nɔ ekohu, nɛ e bi yo ɔ ke, “Maa, nihi nɛ ba po o nya a, jije a ngɛ? A ti nɔ kake po bui mo fɔ lo?”
11Yo ɔ he nɔ ke, “Nyɔmtsɛ, nɔ ko nɔ ko bui mi fɔ.”
Yesu de lɛ ke, “Saminya, imi hu i bui mo fɔ. Yaa, se mohu kpa yayami peemi.”]
Yesu ji la kɛ ha je ɔ
12 #
Mat 5.14; Yoh 9.5 Yesu, kɛ Farisi bi ɔmɛ tu munyu ekohu, nɛ e de mɛ ke, “Imi ji je ɔ la a nɛ. Nɔ tsuaa nɔ nɛ nyɛɛɔ ye se ɔ, e naa la a nɛ haa nɔ wami ɔ; nɛ e be diblii mi nyɛɛe kɔkɔɔkɔ.”
13 #
Yoh 5.31
Farisi bi ɔmɛ de lɛ ke, “Jehanɛ lɛɛ o ngɛ mo nitsɛ o he odase yee. Nɔ nɛ o ngɛ dee ɔ be mi fɛɛ.”
14Yesu he nɔ ke, “E ngɛ mi mohu kaa imi nitsɛ i ngɛ ye he odase yee lɛɛ, se ye odase ɔ ngɛ mi, ejakaa i le he nɛ i je, kɛ he nɛ i yaa. Nyɛɛ lɛɛ nyɛ li he nɛ i je kɛ ba; nɛ he nɛ i yaa hu nyɛ li. 15Nyɛɛ lɛɛ nyɛ kojoɔ he lo nya, se imi lɛɛ, i kojo we nɔ ko. 16Se ke i kojo tete po ɔ, e da, ejakaa pi imi nɔ kake nɛ i ngɛ enɛ ɔ pee. Tsɛ ɔ nɛ tsɔ mi ɔ piɛ ye he. 17#Mose V, 19.15 A ngma ngɛ nyɛ mlaa a mi ke, ke ni enyɔ ye odase nɛ kɔɔ ɔ, e peeɔ anɔkuale. 18Imi lɛɛ i yeɔ imi nitsɛ ye he odase, nɛ Tsɛ ɔ nɛ tsɔ mi ɔ hu yeɔ ye he odase.”
19A bi lɛ ke, “O Tsɛ ɔ, jije e ngɛ?”
Yesu he nɔ ke, “Nyɛ li mi, nɛ Tsaatsɛ hu nyɛ li lɛ. Kaa nyɛ le mi jinɛ nyɛ maa le Tsaatsɛ hulɔ.”
20Yesu de ní nɛ ɔmɛ tsuo, be mi nɛ e ngɛ ní tsɔɔe ngɛ sɔlemi we ɔ ngɛ tsu mi he nɛ a kɛ tó tsumi daka amɛ to ɔ. Se a nui lɛ, ejakaa e be ɔ sui.
He nɛ i yaa a, nyɛ be nyɛe maa ya
21Yesu kpale de ni ɔmɛ ke, “Imi lɛɛ i yaa! Nyɛ ma hla mi, se nyɛ ma gbo kɛ nyɛ he yayami. He nɛ i yaa a, nyɛ be nyɛe maa ba.”
22Lɔ ɔ he ɔ, Yuda ma nimeli ɔmɛ bi ke, “Ke e de ke he nɛ e yaa a, wa be nyɛe maa ya a, kɛ e ngɛ tsɔɔe kɛɛ? E yaa gbe e he lo?”
23Yesu he nɔ ke, “Nyɛɛ lɛɛ je nɛ ɔ mi bi ji nyɛ; se imi lɛɛ hiɔwe i je. Je nɛ ɔ mi bi ji nyɛ, se imi lɛɛ i ji je nɛ ɔ mi. 24Enɛ ɔ he nɛ i de nyɛ ke nyɛ ma gbo kɛ nyɛ he yayami ɔ nɛ. Niinɛ, nyɛ ma gbo kɛ nyɛ he yayami ɔmɛ ke nyɛ he we yi kaa imi ji nɔ nɛ i ji ɔ.”
25A bi lɛ ke, “Mɛnɔ ji mo?”
Yesu he nɔ ke, “Sisije ɔ, mɛni i de nyɛ ɔ? 26I le nyɛ he sanehi babauu nɛ ma kɛ kojo nyɛ. Se nɔ nɛ tsɔ mi ɔ, anɔkualetsɛ ji lɛ, lɔ ɔ he ɔ, nɔ nɛ i nu kɛ je e nya a, lɔ ɔ i deɔ je ɔ.”
27Se mɛɛ lɛɛ a li kaa Tsɛ ɔ he munyu Yesu kɛ mɛ ngɛ tue ɔ. 28Jehanɛ e de mɛ ke, “Ke nyɛ ná wo Nɔmlɔ Bi ɔ nɔ ɔ, nyɛ maa le kaa imi ji nɔ nɛ i ji ɔ. Kɛkɛ ɔ, nyɛ maa le kaa i to we imi nitsɛ ye yi mi kɛ tsu we nɔ́ ko gblegbleegble. Mohu nɔ́ nɛ Tsɛ ɔ tsɔɔ mi ɔ, lɔ ɔ pɛ i deɔ. 29Tsɛ ɔ nɛ tsɔ mi ɔ kɛ mi ngɛ; e si we imi nɔ kake too, ejakaa i peeɔ e suɔmi nya ní.”
30Benɛ Yesu de ní nɛ ɔmɛ ɔ, nihi babauu nɛ nu ɔ he lɛ ye.
Odehehi kɛ nyɔguɛhi
31Yesu de Yuda bi nɛ he lɛ ye ɔ ke, “Ke nyɛ pɛtɛ ye munyu ɔ he ɔ, lɛɛ nyɛ maa pee ye kaseli nitsɛnitsɛmɛ. 32Kɛkɛ ɔ, nyɛ maa le anɔkuale ɔ; nɛ anɔkuale ɔ ma ha nyɛ maa ye nyɛ he.”
33 #
Mat 3.9; Luk 3.8 A he nɔ ke, “Abraham nina ji wɔ, nɛ wɔɔ lɛɛ wa yi nyɔguɛ ha nɔ ko hyɛ. Ke o de ke, ‘Nyɛ maa ye nyɛ he’ ɔ, kɛ o ngɛ tsɔɔe kɛɛ?”
34Yesu de mɛ ke, “I ngɛ nyɛ dee anɔkuale mi ke nɔ tsuaa nɔ nɛ peeɔ yayami ɔ, yayami ɔ nyɔguɛ ji lɛ. 35Nyɔguɛ hí we mi kɛ yɛ neneene, se bi lɛɛ e hii si kɛ yaa neneene. 36Lɔ ɔ he ɔ, ke Bi ɔ ha nyɛ ye nyɛ he ɔ, nyɛ maa ye nyɛ he niinɛ. 37I le kaa Abraham nina ji nyɛ! Mɛni he je mɔ nɛ nyɛ ngɔɛ ye tsɔɔmi ɔ, nɛ nyɛ ngɛ mi hlae nyɛɛ gbe mohu ɔ. 38Imi lɛɛ níhi nɛ Tsaatsɛ tsɔɔ mi ɔ, lɔ ɔmɛ i deɔ; se nyɛɛ lɛɛ níhi nɛ nyɛ tsɛ ɔ de nyɛ ɔ, lɔ ɔmɛ nyɛ peeɔ.”
39A he nɔ ke, “Wɔɔ lɛɛ wa tsɛ ji Abraham.”
Yesu de mɛ ke, “Abraham nina ji nyɛ jinɛ nyɛ maa pee níhi nɛ Abraham pee ɔ nɔuu. 40Imi lɛɛ anɔkuale ɔ nɛ i nu kɛ je Tsaatsɛ Mawu nya a, lɔ ɔ i deɔ nyɛ; se nyɛ ngɛ mi hlae nɛ nyɛɛ gbe. Abraham pee we nɔ́ ko kaa kikɛ nɛ ɔ. 41Níhi nɛ nyɛ tsɛ peeɔ ɔ, lɔ ɔmɛ ngɛ peeɔ ɔ nɛ.”
A he nɔ ke, “Wɔɔ lɛɛ pi ajuama mi bimɛ ji wɔ. Wa ngɛ tsɛ kake. Wa tsɛ ji Mawu.”
42Yesu de mɛ ke, “Mawu ji nyɛ Tsɛ niinɛ jinɛ nyɛ maa suɔ mi, ejakaa Mawu nɛ tsɔ mi; se pi imi nitsɛ ye yi mi nɛ i to kɛ ba. Mawu ngɔ nɛ i je kɛ ba nyɛ ngɔ. 43Munyu nɛ i kɛ nyɛ tu ɔ, nyɛ nɛ nya, ejakaa nyɛ bui ye munyu ɔ. 44Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ. 45Se imi lɛɛ, i tuɔ anɔkuale; nɛ lɔ ɔ he ɔ, nyɛ he we mi yi. 46Nyɛ ti mɛnɔ ma nyɛ tsɔɔ kaa i pee yayami. Ke anɔkuale i tuɔ ɔ, lɛɛ mɛni he je nyɛ he we mi yi ɔ? 47Nɔ nɛ je Mawu ngɔ ɔ, e nuɔ Mawu munyu. Se nyɛɛ lɛɛ nyɛ nui, ejakaa pi Mawu ngɔ nɛ nyɛ je.”
Yesu kɛ Abraham
48Yuda bi ɔmɛ bi Yesu ke, “Ke wa de ke Samaria no ji mo, nɛ mumi yayami ngɛ o mi ɔ, wa tɔ lo?”
49Yesu he nɔ ke, “Mumi yayami be ye mi. Imi lɛɛ Tsaatsɛ hɛ mi nyami i woɔ, se nyɛɛ lɛɛ nyɛ ngɛ ye he guɛ gbee. 50I hla we imi nitsɛ ye hɛ mi nyami. Se nɔ ko ngɛ nɛ ngɛ hlae, nɛ lɛ nɛ maa kojo. 51I ngɛ nyɛ dee anɔkuale mi ke nɔ tsuaa nɔ nɛ buu ye tsɔɔmi ɔ tue ɔ, e be gboe gblegbleegble.”
52Yuda bi ɔmɛ de lɛ ke, “Jehanɛ lɛɛ wa ná nɔ mi mami kaa mumi yayami ngɛ o mi. Abraham gbo, nɛ gbali ɔmɛ hu gbo, se moo lɛɛ o ngɛ dee ke nɔ tsuaa nɔ nɛ buu o tsɔɔmi tue ɔ be gboe gblegbleegble. 53Tsaatsɛ Abraham nɛ gbo ɔ, o pe lɛ lo? Jehanɛ ɔ hu, gbali ɔmɛ nɛ gbo ɔ nɛɛ? Kɛ moo lɛɛ o buɔ o he kɛɛ?”
54Yesu he nɔ ke, “Kaa imi nitsɛ nɛ i woɔ ye hɛ mi nyami ɔ, lɛɛ lɔ ɔ pi nɔ́ ko; se hyɛ, Tsaatsɛ nɛ nyɛ tsɛɔ ke nyɛ Mawu ɔ, lɛ nɔuu nɛ woɔ ye hɛ mi nyami. 55Imi le lɛ, se nyɛɛ lɛɛ nyɛ li lɛ. Ke i de ke i li lɛ ɔ, lɛɛ lakpatsɛ ji mi kaa nyɛ nɔuu. Se i le lɛ, nɛ i buɔ lɛ tue. 56Nyɛ tsɛ Abraham hla nɛ e na ye bami be ɔ kɛ bua jɔmi. E na hulɔ, nɛ e nya.”
57Yuda bi ɔmɛ bi lɛ ke, “Mo nɛ o na we jeha nyingmi enuɔ po ɔ, o na Abraham lo?”
58Yesu he nɔ ke, “I ngɛ nyɛ dee anɔkuale mi ke i ngɛ loko a fɔ Abraham.”
59Kɛkɛ nɛ a kukuɔ tɛ nɛ a maa fia Yesu, se e laa e he, nɛ e je sɔlemi we ɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.