Luk 9
9
A Potuuribo Pie Ne Bayi Tonnoɔre
(Mat 10:5-15; Mak 6:7-13)
1Lɛ la ka Yeezu da boɔle a potuuribo pie ne bayi lantaa a ko ba kpeɛ̃õ ane faŋ ka ba digre ne sefaare zaa kyɛ saŋ na baalba. 2O da toŋ ba la ka ba yi gaa te moɔle a Naaŋmen naaloŋ yɛlɛ kyɛ saŋ na noba. 3O da yeli ko ba la, “Yɛ ta de bonzaa tu ne a sori; yɛ ta de daŋgbale, bee woɔ, bee bondirii, bee libie, kyɛ bee a de kparoo kaŋ poɔ. 4Yiri na zaa yɛ naŋ wa te kpɛ, yɛ kpeɛrɛ a be, a te ta lɛnɛɛ saŋ yɛ naŋ na yi a be. 5Benee zaa ba naŋ ba sage de yɛ, ka yɛnee wa yire a teŋɛ na poɔ, yɛ piŋ a yɛ gbɛɛ uuruŋ bare ka a e danseɛ kyaare ne ba.” 6Ba da yie la a yoɔrɔ a tenne poore, a moɔlɔ a yelnoore kyɛ saŋ na baalba a ziiri zaa.
Hɛrɔde Teɛroŋ Naŋ Gyɛre
(Mat 14:1-12; Mak 6:14-29)
7A Galili teŋɛ naa Hɛrɔde da woŋ la a yɛlɛ zaa naŋ e, ka o teɛroŋ zaa da gyɛre, bonso, a noba mine da yeli ka ba eɛɛ la ka a Gyɔɔn leɛ-iri yi a kuuni poɔ. 8Ba mine da yeli ka Elaagya la wa, ka ba mine meŋ da yeli ka a dakoroŋ Ŋmen-yelmanna kaŋ la leɛ-iri yi a kuuni poɔ wa. 9Ka a Hɛrɔde da soore, “N da ŋmaa la Gyɔɔn zu; kyɛ nembuo la a ŋa ka N wono a yɛlɛ ama kyaara ne O?” Ka a Hɛrɔde da boɔrɔ ka o nyɛ O.
Yeezu Naŋ Ko Noba Turi Anuu Bondirii Ka Ba Di
(Mat 14:13-21; Mak 6:30-44; Gyn 6:1-14)
10A potuuribo pie ne bayi naŋ da leɛ wa, ba da manne ko la Yeezu bonna zaa ba naŋ e. O da taa ba la ka ba ne O yoŋ gaa teŋkpoŋ kaŋ ba naŋ boɔlɔ Bɛsaada. 11A nembeɛoŋ naŋ da wa te baŋ ne a, ba da beɛre O la, ka O da tuori de ba, kyɛ yeli yɛlɛ ko ba a kyaare ne a Naaŋmen naaloŋ, kyɛ saŋ banaŋ naŋ da boɔrɔ sammo. 12Ŋmenaa naŋ da wa te kpeɛrɛ la ka a potuuribo pie ne bayi da wa yeli, “Bare a noba ka ba gaa a tenne poore ane a koŋkobo a te bɔ bonkaŋ di kyɛ bɔ gaabo zie, bonso, a kyɛ te naŋ be e la dalempoɔ.” 13Kyɛ ka a Yeezu da yeli ko ba, “Yɛ bɔ bonkaŋ ko ba ka ba di.” Ka ba yeli, “Boroboro anuu ane zoma ayi mine yoŋ la ka te taa, see ka te gaa te da bondirii ko a noba bama zaa.” 14A noba naŋ da bebe da ta ŋa turi anuu. A Yeezu da yeli ko la O potuuribo, “Yɛ e ka ba zeŋ noba lezaayi ne pie pie.” 15Ba da eɛɛ la ka a noba zeŋ a seŋ O naŋ yeli lɛ. 16Kyɛ O da de la a boroboro anuu ane a zoma ayi, a gbole kaa sazu, a puori maale a, kyɛ nyɔge ŋmaare ko a potuuribo, ka ba de poŋ a noba. 17Ka ba zaa da di tege. Ba naŋ da wuo a boŋkpaa, a da paale la pɛre pie ne ayi.
Piita Naŋ Yeli Kyaare Ne Neɛ Yeezu Naŋ Waa
(Mat 16:13-19; Mak 8:27-29)
18Daare kaŋ Yeezu naŋ da puoro O yoŋ tɛge, ka a potuuribo yoŋ da be O zie a peɛle O, O da soore ba la, “A noba yeli ka nembuo la ma?” 19Ka ba da yeli sɔge, “Ba mine yeli ka Gyɔɔn Bati, ka ba mine yeli ka Elaagya, kyɛ ka ba mine meŋ naŋ yeli ka a dakoroŋ Ŋmen-yelmanna kaŋ la leɛ-iri yi a kuuni poɔ.” 20Ka O soore ba, “Kyɛ yɛ meŋ yeli ka nembuo la ma?” Ka Piita yeli sɔge, “Fõõ la a Naaŋmen Mɛzaaya.”#9:20 Mɛzaaya: A Mɛzaaya tɛgɛ la a ‘Kirista.’
Yeezu Naŋ Yeli O Kũũ Ne O Leɛ-iruu Yɛlɛ
(Mat 16:20-28; Mak 8:30—9:1)
21A Yeezu da kpãã ba la yaga zaa ka ba ta wa yele a yeli ŋa korɔ neɛzaa, 22a yele, “A Nensaala Bie na nyɛ la dɔgɛɛ yaga, ka a nembɛrɛ, a Naaŋmen bagmaalkare ane a Naaŋmen bege wulwulibo zagre O bare. Ba na ko O la, kyɛ ka a beri ata daare ka ba e ka O leɛ-iri yi a kuuni poɔ.”
23Lɛ la ka O da yeli ko ba zaa, “Banaŋ zaa naŋ boɔrɔ ka ba waa N potuuribo, a ferɛɛ la ka ba ta taa bamenne yɛlɛ, kyɛ de ba dagarre tuo bebiri zaa a tuuro ne ma. 24Bonso, banaŋ naŋ boɔrɔ ka ba faa bamenne nyɔvoɛ na kɔŋaa la, kyɛ banaŋ naŋ na kɔŋ ba nyɔvoɛ a N zuiŋ na faa la ba nyɔvoɛ. 25Boŋ tɔnɔ ka ba na nyɛ, ka ba naŋ bɔ nyɛ a teŋɛzu ne o boma zaa, kyɛ ka bamenne wɛ? 26Banaŋ naŋ zoro ma ane a N yelbie vi, a Nensaala Bie meŋ na zo la ba vi, ka O naŋ wa wa a O puubu ane a Saa puubu poɔ, a de ne a maleke sonne. 27Kyɛ serɛzaa ka N yele korɔ yɛ, yɛ mine naŋ are a kyɛ koŋ kpi sɛre, kyɛ nyɛ a Naaŋmen naaloŋ.”
Yeezu Naŋ Kyilli O Meŋɛ
(Mat 17:1-8; Mak 9:2-8)
28A yɛlɛ ama yeluu bebie anii puoriŋ, Yeezu da taa la Piita, Gyɔɔn ane Gyimisi a do ne taŋzu ka O te puori. 29O naŋ da puoro la ka O niŋe da kyilli o zaa, kyɛ ka O bonsuuri pɛle a zaa parepare lɛ. 30A tɔntɔbaalɛ ka ba da nyɛ dɔbɔ mine bayi, Moozul ane Elaagya, ka ba wa yele yɛlɛ korɔ Yeezu. 31Ba da daasaaɛ la ne veɛloŋ, kyɛ da yele yɛlɛ kyaara ne a Yeezu kũũ O naŋ na kpi a Gyɛruzɛlɛm poɔ. 32Goɔŋ da zeɛ la Piita ne o taaba na, kyɛ ba naŋ da wa te iri a goɔŋ poɔ, ba da nyɛ la a Yeezu veɛloŋ ane a dɔbɔ bayi ka ba are O zie. 33A dɔbɔ naŋ deɛ da wa bare a Yeezu kyɛ gɛrɛ la ka Piita yeli ko a Yeezu, “Daana, a na soma la ka te be a kyɛ; vɛŋ ka te ti segre ata, ka fo so kaŋ, ka Moozul so kaŋ, ka Elaagya meŋ so kaŋ.” Kyɛ a Piita da ba baŋ bonna o naŋ yele. 34A Piita naŋ da naŋ yele a yɛlɛ ama la ka zunzugri wa yɛre pɔge a Yeezu, Moozul ane Elaagya, ka dabeɛ̃ da kpɛ a potuuribo, ba naŋ da nyɛ ka a Yeezu, Moozul ane Elaagya naŋ da kpeɛrɛ a zunzugri poɔ. 35Lɛ la ka kɔkɔre kaŋ yi a zunzugri poɔ a yeli, “A N Bidɔɔ la a ŋa, a N Neŋkaa-iraa, yɛ kyɛllɛ O yɛlɛ!” 36A kɔkɔre naŋ da wa yeli a yɛlɛ baare, ba da nyɛ la Yeezu yoŋ ka O are. Ka a potuuribo da ba yeli yelzaa, kyɛ a saŋ na poɔ ba da ba yeli a yɛlɛ ama kanzaa ba naŋ da nyɛ ko neɛzaa.
Yeezu Naŋ Saŋ Bidɔɔlee Kaŋ Naŋ Taa Sefaa
(Mat 17:14-18; Mak 9:14-27)
37A nyaazie daare, ba naŋ da leɛ yi a taŋzu sigi wa, neŋyaga da tuori O la. 38Lɛ la ka dɔɔ kaŋ ŋmɛ kpɛlle a noba poɔ a yele, “Wulwullo, N sɔrɔ fo la ka fo kaa n bidɔɔ ŋa zie; n bie zaa la lɛ. 39Ka a sefaa wa zeɛ o lɔɔ, tɔntɔbaalɛ o maŋ deɛ gbara la. O maŋ iri la gyemɛ a te foorɔ nentaare. A sefaa maŋ dɔgre o la a ba boɔrɔ o baroo. 40N sɔre la a fo potuuribo ka ba digi a sefaa ka o yi, kyɛ ka ba da ba toɔ̃.” 41Ka a Yeezu yeli sɔge, “Yɛnee noba naŋ ba taa yeldeebo ane noba naŋ tuli a ba derɛ Naaŋmen yɛlɛ. N na be la yɛ zie, a taa kannyiri ne yɛ te ta boŋ saŋ? Taa a fo bie wa ne kyɛ.” 42A bie naŋ da naŋ waana la ka a sefaa zeɛ o lɔɔ teŋɛ ka o gbara. Ka Yeezu tanne a sefaa, a saŋ a bie kyɛ de o leɛ ko o saa. 43A noba zaa nɔɛ da maaɛ la ane Naaŋmen kpeɛ̃õ naŋ seŋ lɛ.
Yeezu Naŋ Laboreŋ Yeli O Kũũ Yɛlɛ
(Mat 17:22-23; Mak 9:30-32)
A noba zaa nɔɛ naŋ da maa ne a yɛlɛ zaa a Yeezu naŋ da erɛ, O da yeli ko la O potuuribo: 44“Yɛ vɛŋ ka a yelbie ama kpɛ yɛ tobo poɔ velaa: Ba na de la a Nensaala Bie eŋ nensaalba nuuriŋ.” 45Kyɛ a potuuribo da ba baŋ a yeluu ŋa tɛgɛ. A yeluu ŋa pare da e la yelsɔglaa ba zie, ka ba da kontoɔ̃ baŋ a tɛgɛ. Kyɛ ba da zoro la dabeɛ̃ ka ba soore O a tɛgɛ.
Neŋkponnoŋ Yɛlɛ
(Mat 18:1-5; Mak 9:33-37)
46A potuuribo da ŋmeɛrɛ la nɔkpeɛne ane ba buo soba naŋ la ba zaa poɔ neŋkpoŋ. 47Kyɛ a Yeezu naŋ da baŋ a ba poteɛrɛ zuiŋ, O da eɛɛ la ka bibile kaŋ wa are O lamboriŋ, 48kyɛ ka O yeli ko ba, “Neɛzaa naŋ tuori de a bie ŋa N yuori zuiŋ, tuori de ma la, kyɛ neɛzaa naŋ tuori de ma, tuori de la soba na naŋ toŋ ma. Bonso, a yɛ zaa poɔ bibile la a kpoŋ soba.”
Sefaa Digre Kaŋ Yɛlɛ
(Mak 9:38-40)
49Gyɔɔn da yeli sɔgɛɛ la, “Daana, te nyɛ la neɛ kaŋ ka o digre sefaare a fo yuori eŋɛ, ka te da moɔrɔ ka te pigi o sori, bonso, o ba waa te kaŋ.” 50Ka a Yeezu yeli ko o, “Yɛ ta pigi o sori, bonso, neɛzaa naŋ ba zɔɔrɔ ne yɛ are ko yɛ la.”
Samareya Teŋɛ Noba Naŋ Zagre Ka Ba De Yeezu
51A bebie naŋ da wa te doŋnɔ ka ba de a Yeezu do saa, O da leɛ la O niŋe kyaare ne Gyɛruzɛlɛm gaabo. 52O da toŋ la noba ka ba de O weɛ. Ba naŋ da gɛrɛ la ka ba te kpɛ a Samareya tembile kaŋ poɔ ka ba nare a zie ka O waana. 53Kyɛ a Samareya noba da ba sage de O, bonso, O niŋe da kyaare la Gyɛruzɛlɛm. 54A O potuuribo Gyimisi ane Gyɔɔn naŋ da nyɛ lɛ, ba da yelee la, “Daana, fo na boɔrɔ la ka te e ka vũũ yi sazu sigi wa di ba be?” 55Ka a Yeezu leɛ nyare ba zu. 56Lɛ la ka ba da gaa teŋyuo.
Noba Mine Naŋ Da Boɔrɔ Ka Ba Tu Yeezu
(Mat 8:19-22)
57Ba naŋ da kyɛnɛ a sobiriŋ gɛrɛ, neɛ kaŋ da yeli ko la a Yeezu, “N na tuuro fo la gɛrɛ benee zaa fo naŋ gɛrɛ.” 58Ka a Yeezu yeli ko o, “Wɛbaare taa la bogri kpeɛrɛ, ka sazu nuuli meŋ taa kyogri gana, kyɛ a Nensaala Bie ba taa zie na kɔgle O zu.” 59Ka a Yeezu la yeli ko kaŋ meŋ, “Tuuro ma.” Ka a dɔɔ yeli, “Daana, vɛŋ ka n daŋ gaa te ũũ n saa kyɛ pãã wa tuuro fo.” 60Ka a Yeezu yeli ko o, “Vɛŋ ka a kuuni uuno ba kuuni kyɛ ka fõõ eŋ gaa te moɔlɔ a Naaŋmen naaloŋ yɛlɛ.” 61Ka kaŋ meŋ yeli, “N na tu fo la Daana, kyɛ vɛŋ ka n daŋ gaa te eŋ n yiri noba duoro.” 62Ka a Yeezu yeli ko o, “Neɛzaa naŋ nyɔge kuuri koɔrɔ ne kyɛ leɛrɛ kaara puori, ba seŋ ne a Naaŋmen naaloŋ.”
Currently Selected:
Luk 9: DNTTP
Highlight
Share
Copy
Want to have your highlights saved across all your devices? Sign up or sign in
First New Testament in Dagaare Language © The Bible Society of Ghana, 2013.
Luk 9
9
A Potuuribo Pie Ne Bayi Tonnoɔre
(Mat 10:5-15; Mak 6:7-13)
1Lɛ la ka Yeezu da boɔle a potuuribo pie ne bayi lantaa a ko ba kpeɛ̃õ ane faŋ ka ba digre ne sefaare zaa kyɛ saŋ na baalba. 2O da toŋ ba la ka ba yi gaa te moɔle a Naaŋmen naaloŋ yɛlɛ kyɛ saŋ na noba. 3O da yeli ko ba la, “Yɛ ta de bonzaa tu ne a sori; yɛ ta de daŋgbale, bee woɔ, bee bondirii, bee libie, kyɛ bee a de kparoo kaŋ poɔ. 4Yiri na zaa yɛ naŋ wa te kpɛ, yɛ kpeɛrɛ a be, a te ta lɛnɛɛ saŋ yɛ naŋ na yi a be. 5Benee zaa ba naŋ ba sage de yɛ, ka yɛnee wa yire a teŋɛ na poɔ, yɛ piŋ a yɛ gbɛɛ uuruŋ bare ka a e danseɛ kyaare ne ba.” 6Ba da yie la a yoɔrɔ a tenne poore, a moɔlɔ a yelnoore kyɛ saŋ na baalba a ziiri zaa.
Hɛrɔde Teɛroŋ Naŋ Gyɛre
(Mat 14:1-12; Mak 6:14-29)
7A Galili teŋɛ naa Hɛrɔde da woŋ la a yɛlɛ zaa naŋ e, ka o teɛroŋ zaa da gyɛre, bonso, a noba mine da yeli ka ba eɛɛ la ka a Gyɔɔn leɛ-iri yi a kuuni poɔ. 8Ba mine da yeli ka Elaagya la wa, ka ba mine meŋ da yeli ka a dakoroŋ Ŋmen-yelmanna kaŋ la leɛ-iri yi a kuuni poɔ wa. 9Ka a Hɛrɔde da soore, “N da ŋmaa la Gyɔɔn zu; kyɛ nembuo la a ŋa ka N wono a yɛlɛ ama kyaara ne O?” Ka a Hɛrɔde da boɔrɔ ka o nyɛ O.
Yeezu Naŋ Ko Noba Turi Anuu Bondirii Ka Ba Di
(Mat 14:13-21; Mak 6:30-44; Gyn 6:1-14)
10A potuuribo pie ne bayi naŋ da leɛ wa, ba da manne ko la Yeezu bonna zaa ba naŋ e. O da taa ba la ka ba ne O yoŋ gaa teŋkpoŋ kaŋ ba naŋ boɔlɔ Bɛsaada. 11A nembeɛoŋ naŋ da wa te baŋ ne a, ba da beɛre O la, ka O da tuori de ba, kyɛ yeli yɛlɛ ko ba a kyaare ne a Naaŋmen naaloŋ, kyɛ saŋ banaŋ naŋ da boɔrɔ sammo. 12Ŋmenaa naŋ da wa te kpeɛrɛ la ka a potuuribo pie ne bayi da wa yeli, “Bare a noba ka ba gaa a tenne poore ane a koŋkobo a te bɔ bonkaŋ di kyɛ bɔ gaabo zie, bonso, a kyɛ te naŋ be e la dalempoɔ.” 13Kyɛ ka a Yeezu da yeli ko ba, “Yɛ bɔ bonkaŋ ko ba ka ba di.” Ka ba yeli, “Boroboro anuu ane zoma ayi mine yoŋ la ka te taa, see ka te gaa te da bondirii ko a noba bama zaa.” 14A noba naŋ da bebe da ta ŋa turi anuu. A Yeezu da yeli ko la O potuuribo, “Yɛ e ka ba zeŋ noba lezaayi ne pie pie.” 15Ba da eɛɛ la ka a noba zeŋ a seŋ O naŋ yeli lɛ. 16Kyɛ O da de la a boroboro anuu ane a zoma ayi, a gbole kaa sazu, a puori maale a, kyɛ nyɔge ŋmaare ko a potuuribo, ka ba de poŋ a noba. 17Ka ba zaa da di tege. Ba naŋ da wuo a boŋkpaa, a da paale la pɛre pie ne ayi.
Piita Naŋ Yeli Kyaare Ne Neɛ Yeezu Naŋ Waa
(Mat 16:13-19; Mak 8:27-29)
18Daare kaŋ Yeezu naŋ da puoro O yoŋ tɛge, ka a potuuribo yoŋ da be O zie a peɛle O, O da soore ba la, “A noba yeli ka nembuo la ma?” 19Ka ba da yeli sɔge, “Ba mine yeli ka Gyɔɔn Bati, ka ba mine yeli ka Elaagya, kyɛ ka ba mine meŋ naŋ yeli ka a dakoroŋ Ŋmen-yelmanna kaŋ la leɛ-iri yi a kuuni poɔ.” 20Ka O soore ba, “Kyɛ yɛ meŋ yeli ka nembuo la ma?” Ka Piita yeli sɔge, “Fõõ la a Naaŋmen Mɛzaaya.”#9:20 Mɛzaaya: A Mɛzaaya tɛgɛ la a ‘Kirista.’
Yeezu Naŋ Yeli O Kũũ Ne O Leɛ-iruu Yɛlɛ
(Mat 16:20-28; Mak 8:30—9:1)
21A Yeezu da kpãã ba la yaga zaa ka ba ta wa yele a yeli ŋa korɔ neɛzaa, 22a yele, “A Nensaala Bie na nyɛ la dɔgɛɛ yaga, ka a nembɛrɛ, a Naaŋmen bagmaalkare ane a Naaŋmen bege wulwulibo zagre O bare. Ba na ko O la, kyɛ ka a beri ata daare ka ba e ka O leɛ-iri yi a kuuni poɔ.”
23Lɛ la ka O da yeli ko ba zaa, “Banaŋ zaa naŋ boɔrɔ ka ba waa N potuuribo, a ferɛɛ la ka ba ta taa bamenne yɛlɛ, kyɛ de ba dagarre tuo bebiri zaa a tuuro ne ma. 24Bonso, banaŋ naŋ boɔrɔ ka ba faa bamenne nyɔvoɛ na kɔŋaa la, kyɛ banaŋ naŋ na kɔŋ ba nyɔvoɛ a N zuiŋ na faa la ba nyɔvoɛ. 25Boŋ tɔnɔ ka ba na nyɛ, ka ba naŋ bɔ nyɛ a teŋɛzu ne o boma zaa, kyɛ ka bamenne wɛ? 26Banaŋ naŋ zoro ma ane a N yelbie vi, a Nensaala Bie meŋ na zo la ba vi, ka O naŋ wa wa a O puubu ane a Saa puubu poɔ, a de ne a maleke sonne. 27Kyɛ serɛzaa ka N yele korɔ yɛ, yɛ mine naŋ are a kyɛ koŋ kpi sɛre, kyɛ nyɛ a Naaŋmen naaloŋ.”
Yeezu Naŋ Kyilli O Meŋɛ
(Mat 17:1-8; Mak 9:2-8)
28A yɛlɛ ama yeluu bebie anii puoriŋ, Yeezu da taa la Piita, Gyɔɔn ane Gyimisi a do ne taŋzu ka O te puori. 29O naŋ da puoro la ka O niŋe da kyilli o zaa, kyɛ ka O bonsuuri pɛle a zaa parepare lɛ. 30A tɔntɔbaalɛ ka ba da nyɛ dɔbɔ mine bayi, Moozul ane Elaagya, ka ba wa yele yɛlɛ korɔ Yeezu. 31Ba da daasaaɛ la ne veɛloŋ, kyɛ da yele yɛlɛ kyaara ne a Yeezu kũũ O naŋ na kpi a Gyɛruzɛlɛm poɔ. 32Goɔŋ da zeɛ la Piita ne o taaba na, kyɛ ba naŋ da wa te iri a goɔŋ poɔ, ba da nyɛ la a Yeezu veɛloŋ ane a dɔbɔ bayi ka ba are O zie. 33A dɔbɔ naŋ deɛ da wa bare a Yeezu kyɛ gɛrɛ la ka Piita yeli ko a Yeezu, “Daana, a na soma la ka te be a kyɛ; vɛŋ ka te ti segre ata, ka fo so kaŋ, ka Moozul so kaŋ, ka Elaagya meŋ so kaŋ.” Kyɛ a Piita da ba baŋ bonna o naŋ yele. 34A Piita naŋ da naŋ yele a yɛlɛ ama la ka zunzugri wa yɛre pɔge a Yeezu, Moozul ane Elaagya, ka dabeɛ̃ da kpɛ a potuuribo, ba naŋ da nyɛ ka a Yeezu, Moozul ane Elaagya naŋ da kpeɛrɛ a zunzugri poɔ. 35Lɛ la ka kɔkɔre kaŋ yi a zunzugri poɔ a yeli, “A N Bidɔɔ la a ŋa, a N Neŋkaa-iraa, yɛ kyɛllɛ O yɛlɛ!” 36A kɔkɔre naŋ da wa yeli a yɛlɛ baare, ba da nyɛ la Yeezu yoŋ ka O are. Ka a potuuribo da ba yeli yelzaa, kyɛ a saŋ na poɔ ba da ba yeli a yɛlɛ ama kanzaa ba naŋ da nyɛ ko neɛzaa.
Yeezu Naŋ Saŋ Bidɔɔlee Kaŋ Naŋ Taa Sefaa
(Mat 17:14-18; Mak 9:14-27)
37A nyaazie daare, ba naŋ da leɛ yi a taŋzu sigi wa, neŋyaga da tuori O la. 38Lɛ la ka dɔɔ kaŋ ŋmɛ kpɛlle a noba poɔ a yele, “Wulwullo, N sɔrɔ fo la ka fo kaa n bidɔɔ ŋa zie; n bie zaa la lɛ. 39Ka a sefaa wa zeɛ o lɔɔ, tɔntɔbaalɛ o maŋ deɛ gbara la. O maŋ iri la gyemɛ a te foorɔ nentaare. A sefaa maŋ dɔgre o la a ba boɔrɔ o baroo. 40N sɔre la a fo potuuribo ka ba digi a sefaa ka o yi, kyɛ ka ba da ba toɔ̃.” 41Ka a Yeezu yeli sɔge, “Yɛnee noba naŋ ba taa yeldeebo ane noba naŋ tuli a ba derɛ Naaŋmen yɛlɛ. N na be la yɛ zie, a taa kannyiri ne yɛ te ta boŋ saŋ? Taa a fo bie wa ne kyɛ.” 42A bie naŋ da naŋ waana la ka a sefaa zeɛ o lɔɔ teŋɛ ka o gbara. Ka Yeezu tanne a sefaa, a saŋ a bie kyɛ de o leɛ ko o saa. 43A noba zaa nɔɛ da maaɛ la ane Naaŋmen kpeɛ̃õ naŋ seŋ lɛ.
Yeezu Naŋ Laboreŋ Yeli O Kũũ Yɛlɛ
(Mat 17:22-23; Mak 9:30-32)
A noba zaa nɔɛ naŋ da maa ne a yɛlɛ zaa a Yeezu naŋ da erɛ, O da yeli ko la O potuuribo: 44“Yɛ vɛŋ ka a yelbie ama kpɛ yɛ tobo poɔ velaa: Ba na de la a Nensaala Bie eŋ nensaalba nuuriŋ.” 45Kyɛ a potuuribo da ba baŋ a yeluu ŋa tɛgɛ. A yeluu ŋa pare da e la yelsɔglaa ba zie, ka ba da kontoɔ̃ baŋ a tɛgɛ. Kyɛ ba da zoro la dabeɛ̃ ka ba soore O a tɛgɛ.
Neŋkponnoŋ Yɛlɛ
(Mat 18:1-5; Mak 9:33-37)
46A potuuribo da ŋmeɛrɛ la nɔkpeɛne ane ba buo soba naŋ la ba zaa poɔ neŋkpoŋ. 47Kyɛ a Yeezu naŋ da baŋ a ba poteɛrɛ zuiŋ, O da eɛɛ la ka bibile kaŋ wa are O lamboriŋ, 48kyɛ ka O yeli ko ba, “Neɛzaa naŋ tuori de a bie ŋa N yuori zuiŋ, tuori de ma la, kyɛ neɛzaa naŋ tuori de ma, tuori de la soba na naŋ toŋ ma. Bonso, a yɛ zaa poɔ bibile la a kpoŋ soba.”
Sefaa Digre Kaŋ Yɛlɛ
(Mak 9:38-40)
49Gyɔɔn da yeli sɔgɛɛ la, “Daana, te nyɛ la neɛ kaŋ ka o digre sefaare a fo yuori eŋɛ, ka te da moɔrɔ ka te pigi o sori, bonso, o ba waa te kaŋ.” 50Ka a Yeezu yeli ko o, “Yɛ ta pigi o sori, bonso, neɛzaa naŋ ba zɔɔrɔ ne yɛ are ko yɛ la.”
Samareya Teŋɛ Noba Naŋ Zagre Ka Ba De Yeezu
51A bebie naŋ da wa te doŋnɔ ka ba de a Yeezu do saa, O da leɛ la O niŋe kyaare ne Gyɛruzɛlɛm gaabo. 52O da toŋ la noba ka ba de O weɛ. Ba naŋ da gɛrɛ la ka ba te kpɛ a Samareya tembile kaŋ poɔ ka ba nare a zie ka O waana. 53Kyɛ a Samareya noba da ba sage de O, bonso, O niŋe da kyaare la Gyɛruzɛlɛm. 54A O potuuribo Gyimisi ane Gyɔɔn naŋ da nyɛ lɛ, ba da yelee la, “Daana, fo na boɔrɔ la ka te e ka vũũ yi sazu sigi wa di ba be?” 55Ka a Yeezu leɛ nyare ba zu. 56Lɛ la ka ba da gaa teŋyuo.
Noba Mine Naŋ Da Boɔrɔ Ka Ba Tu Yeezu
(Mat 8:19-22)
57Ba naŋ da kyɛnɛ a sobiriŋ gɛrɛ, neɛ kaŋ da yeli ko la a Yeezu, “N na tuuro fo la gɛrɛ benee zaa fo naŋ gɛrɛ.” 58Ka a Yeezu yeli ko o, “Wɛbaare taa la bogri kpeɛrɛ, ka sazu nuuli meŋ taa kyogri gana, kyɛ a Nensaala Bie ba taa zie na kɔgle O zu.” 59Ka a Yeezu la yeli ko kaŋ meŋ, “Tuuro ma.” Ka a dɔɔ yeli, “Daana, vɛŋ ka n daŋ gaa te ũũ n saa kyɛ pãã wa tuuro fo.” 60Ka a Yeezu yeli ko o, “Vɛŋ ka a kuuni uuno ba kuuni kyɛ ka fõõ eŋ gaa te moɔlɔ a Naaŋmen naaloŋ yɛlɛ.” 61Ka kaŋ meŋ yeli, “N na tu fo la Daana, kyɛ vɛŋ ka n daŋ gaa te eŋ n yiri noba duoro.” 62Ka a Yeezu yeli ko o, “Neɛzaa naŋ nyɔge kuuri koɔrɔ ne kyɛ leɛrɛ kaara puori, ba seŋ ne a Naaŋmen naaloŋ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
First New Testament in Dagaare Language © The Bible Society of Ghana, 2013.