Yoohana 16
16
1“Wahanyeyyoha a atin isoocheeke, uus atin kakhuufnaanki atin ikakhuuftaan ka soodihin. 2Minassi weysiite Yaꞌhuud ka a atin lariha. Ibeen la a yamiit, ki eti atin yagiis tuumman, kol us wihi us yeelo ka Waakh gargaaro koogyahe. 3ꞌDooꞌd la waha tuumman a atin yeela, iꞌdi tahe icho Aabbaheey ma gartaane, ani laka ma igartaan. 4Waha la a atin isoocheeka, ꞌdee chirri maanti icho waha yeelaan yitah ka, wihi an atin iidah kasooꞌhessaan.
Hili Rubeyti Munyee haaggisso
“Waha maanti kolooraate atin abattiteey titaaheen ma atin isoocheekin. Iꞌdi tahe an a atin leejiree. 5An kola ꞌdee eti goorat isooerge inokhda. Etiinkoo kaldaye inti an isohdi worsati la ma jiro. 6Toolla an waha atin isoocheeke la, a bolokhtaan. 7Iꞌdaasenyi rume atin icheeka, katabnaanki an atin katabo, a iroonotiinna. Iꞌdi tahe chirri an iiran, Rubeyti Munyeenye, ꞌDooggargaarto layadeeh, ma atin itamiit. Iꞌdaasenyi chirri an irde a atin isooerga. 8Maanti ꞌDooggargaartota timiy la, ꞌdooꞌdi wahanyeyyohi harratane sussuuje raaho saggi malicho baabul iyahe a tussa. Mali icho khabaane fissanoonki Waakh miinsan a baabul. Toro la wihi saggi Waakh ꞌdooꞌdi harrata ꞌdee ihukkumo miinsan a baabul. 9Mali icho khabaane uskeel miinsan a baabul, iꞌdi tahe icho ani ma irummeysan. 10Mali icho khabaane fissanoonki Waakh miinsan a baabul, iꞌdi tahe an Aabbahaaya iirda, atin la toro ma iagartaan. 11Mali icho khabaane saggi Waakh ꞌdooꞌdi harrata ꞌdee ihukkumo miinsan a baabul, iꞌdi tahe Waakh orey on karnati harrata uskeel igooche.
12“Wihi buurenye an atin isoocheeko a jiraane, iꞌdaasenyi toolla a atin kahulees. 13Iꞌdaasenyi maanti Rubeyti Munyeenye rum leh atin itimiy, runti tuummane Waakh katimiy a atin tussa. Rubeyti Munyee la awtiche ma kayeyyeeddo. Wihi iche daagte, ichoow wihi ꞌdee berri sooyateeh, iche atin isoocheekta. 14Rubeyti Munyee saggane ani iweynaassa, wihi an adeehe sookhaatta, atin isoocheekta. 15Wihi tuummane Aabbaheey khabo, a wahaaya, jeentetaase, Rubeyti Munyee wihi an adeehe sookhaatta, atin isoocheekta atin ikadowa.”
Bolokkhiin a luurgiyicha, hamaad lakayeela
16Yeesso wihi us abattitiis iyidah, “Geeddoor rucchul goyaka ma iagartaane, ꞌdee yomboka la toro a iagartaan,” 17Abattitiis gaasoo wihi iche isitidah, “Yeesso chirri us, ‘Geeddoor rucchul ka ma iagartaane ꞌdee yomboka la a iagartaan,’ inno idowo, mehe essa? Toro chirri us, ‘Aabbahaaya iirda,’ inno idowo, mehe essa? 18Waha us, ‘Geeddoor rucchul,’ essi ma garanni. Iꞌda ka mehe essa? Wihi us essi ma garanni.”
19Yeesso saggi iche aytaas worsan iꞌdoonto abte, ꞌdeerka wihi us iyidah, “Atin wihi an, ‘Geeddoor rucchul ka ma igartaane, ꞌdee yomboka la a iagartaan,’ kiidah, iche isworsattaan? 20Rume atin icheeka, atin a ooytaane, uuwwissaane, iꞌdaasenyi ꞌdooꞌdi wahanyeyyohi harratane sussuuje raaho a hamaada. Atin a bolokhtaane, iꞌdaasenyi bolokkhiin a luurgiyicha hamaad lakayeela. 21Makhaabassi weel desso a bolokhta a mehe ibeenkiche a yitahyee. Iꞌdaasenyi uus weel dessi, sinatiche dabta, hamaadda, jeenteti weeloo harrata ka idessuu. 22Atin ka laka iꞌdaas on tateeh. Toolla a bolokhtaane, iꞌdaasenyi toro a atin arga, atin la weyti hamaaddaane, et hamaadiin atin kakhaato la mele. 23Maantaas walah atin iworsattaan mele. Rume atin icheeka, walahbaaw jeenteti atin keey itahiin u daahteen Aabbaheey a atin siicha. 24Atin ichoowka uliba walah atin jeenteti atin keey itahiin u daahteen mele. Waakh wihi atin ꞌdoontaan daaha a ꞌhessaane, ꞌdee hamaadiin la ki buuho iche yateeh.
Yeesso harrata a sooriche
25“Wihi tuummane an atin isoocheeke, jiti mammaheete atin ikasoocheeke. Iꞌdaasenyi ibeen a yateeh, ki an mammah ikayeyyeedine, an wihi Aabbaheey miinsan jiti atin kaabattaan ka an atin isoocheeko. 26Maantaas jeenteti atin keey itahiin u, Aabbaheey walah a daahtaan. Anna ꞌdeerka meessiin ka Aabbaheey walah a atin isoodaaha mee eldi. 27Jeenteti atin ani iꞌdoontaane toro saggi an Waakh ikiimiy irummeysatteen u Aabbaheey a atin ꞌdoona. 28An Aabbahaaya kiimiyye, harrata imiy, toro la harrata a kataba, Aabbaheey inokhda.”
29Abatti Yeesso ꞌdeerka wihi iche tidah, “Toolla mujjume yeyyeedda, mammaho ma kaayyeeddo, wihi tahe on nah siisatta. 30Toolla saggi at walah tuumman igaratti a agarra. At mali weeli enenyet geeddi us walah isooidaahan laka a garatta. Jeentetaas u, saggi at Waakh ikatimiy a rummeysanna.”
31Yeesso wihi us ilaabe, “Kola a irummeysatteen? 32Iꞌdaasenyi maane a tamiite kola la a titah, ti atin tuumman seley baabaataane, ebba goobiis irti. Keleye ikatabtaane, iꞌdaasenyi an keley mee, iꞌdi tahe Aabbaheey a ileejira. 33Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”
Currently Selected:
Yoohana 16: rel
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Yoohana 16
16
1“Wahanyeyyoha a atin isoocheeke, uus atin kakhuufnaanki atin ikakhuuftaan ka soodihin. 2Minassi weysiite Yaꞌhuud ka a atin lariha. Ibeen la a yamiit, ki eti atin yagiis tuumman, kol us wihi us yeelo ka Waakh gargaaro koogyahe. 3ꞌDooꞌd la waha tuumman a atin yeela, iꞌdi tahe icho Aabbaheey ma gartaane, ani laka ma igartaan. 4Waha la a atin isoocheeka, ꞌdee chirri maanti icho waha yeelaan yitah ka, wihi an atin iidah kasooꞌhessaan.
Hili Rubeyti Munyee haaggisso
“Waha maanti kolooraate atin abattiteey titaaheen ma atin isoocheekin. Iꞌdi tahe an a atin leejiree. 5An kola ꞌdee eti goorat isooerge inokhda. Etiinkoo kaldaye inti an isohdi worsati la ma jiro. 6Toolla an waha atin isoocheeke la, a bolokhtaan. 7Iꞌdaasenyi rume atin icheeka, katabnaanki an atin katabo, a iroonotiinna. Iꞌdi tahe chirri an iiran, Rubeyti Munyeenye, ꞌDooggargaarto layadeeh, ma atin itamiit. Iꞌdaasenyi chirri an irde a atin isooerga. 8Maanti ꞌDooggargaartota timiy la, ꞌdooꞌdi wahanyeyyohi harratane sussuuje raaho saggi malicho baabul iyahe a tussa. Mali icho khabaane fissanoonki Waakh miinsan a baabul. Toro la wihi saggi Waakh ꞌdooꞌdi harrata ꞌdee ihukkumo miinsan a baabul. 9Mali icho khabaane uskeel miinsan a baabul, iꞌdi tahe icho ani ma irummeysan. 10Mali icho khabaane fissanoonki Waakh miinsan a baabul, iꞌdi tahe an Aabbahaaya iirda, atin la toro ma iagartaan. 11Mali icho khabaane saggi Waakh ꞌdooꞌdi harrata ꞌdee ihukkumo miinsan a baabul, iꞌdi tahe Waakh orey on karnati harrata uskeel igooche.
12“Wihi buurenye an atin isoocheeko a jiraane, iꞌdaasenyi toolla a atin kahulees. 13Iꞌdaasenyi maanti Rubeyti Munyeenye rum leh atin itimiy, runti tuummane Waakh katimiy a atin tussa. Rubeyti Munyee la awtiche ma kayeyyeeddo. Wihi iche daagte, ichoow wihi ꞌdee berri sooyateeh, iche atin isoocheekta. 14Rubeyti Munyee saggane ani iweynaassa, wihi an adeehe sookhaatta, atin isoocheekta. 15Wihi tuummane Aabbaheey khabo, a wahaaya, jeentetaase, Rubeyti Munyee wihi an adeehe sookhaatta, atin isoocheekta atin ikadowa.”
Bolokkhiin a luurgiyicha, hamaad lakayeela
16Yeesso wihi us abattitiis iyidah, “Geeddoor rucchul goyaka ma iagartaane, ꞌdee yomboka la toro a iagartaan,” 17Abattitiis gaasoo wihi iche isitidah, “Yeesso chirri us, ‘Geeddoor rucchul ka ma iagartaane ꞌdee yomboka la a iagartaan,’ inno idowo, mehe essa? Toro chirri us, ‘Aabbahaaya iirda,’ inno idowo, mehe essa? 18Waha us, ‘Geeddoor rucchul,’ essi ma garanni. Iꞌda ka mehe essa? Wihi us essi ma garanni.”
19Yeesso saggi iche aytaas worsan iꞌdoonto abte, ꞌdeerka wihi us iyidah, “Atin wihi an, ‘Geeddoor rucchul ka ma igartaane, ꞌdee yomboka la a iagartaan,’ kiidah, iche isworsattaan? 20Rume atin icheeka, atin a ooytaane, uuwwissaane, iꞌdaasenyi ꞌdooꞌdi wahanyeyyohi harratane sussuuje raaho a hamaada. Atin a bolokhtaane, iꞌdaasenyi bolokkhiin a luurgiyicha hamaad lakayeela. 21Makhaabassi weel desso a bolokhta a mehe ibeenkiche a yitahyee. Iꞌdaasenyi uus weel dessi, sinatiche dabta, hamaadda, jeenteti weeloo harrata ka idessuu. 22Atin ka laka iꞌdaas on tateeh. Toolla a bolokhtaane, iꞌdaasenyi toro a atin arga, atin la weyti hamaaddaane, et hamaadiin atin kakhaato la mele. 23Maantaas walah atin iworsattaan mele. Rume atin icheeka, walahbaaw jeenteti atin keey itahiin u daahteen Aabbaheey a atin siicha. 24Atin ichoowka uliba walah atin jeenteti atin keey itahiin u daahteen mele. Waakh wihi atin ꞌdoontaan daaha a ꞌhessaane, ꞌdee hamaadiin la ki buuho iche yateeh.
Yeesso harrata a sooriche
25“Wihi tuummane an atin isoocheeke, jiti mammaheete atin ikasoocheeke. Iꞌdaasenyi ibeen a yateeh, ki an mammah ikayeyyeedine, an wihi Aabbaheey miinsan jiti atin kaabattaan ka an atin isoocheeko. 26Maantaas jeenteti atin keey itahiin u, Aabbaheey walah a daahtaan. Anna ꞌdeerka meessiin ka Aabbaheey walah a atin isoodaaha mee eldi. 27Jeenteti atin ani iꞌdoontaane toro saggi an Waakh ikiimiy irummeysatteen u Aabbaheey a atin ꞌdoona. 28An Aabbahaaya kiimiyye, harrata imiy, toro la harrata a kataba, Aabbaheey inokhda.”
29Abatti Yeesso ꞌdeerka wihi iche tidah, “Toolla mujjume yeyyeedda, mammaho ma kaayyeeddo, wihi tahe on nah siisatta. 30Toolla saggi at walah tuumman igaratti a agarra. At mali weeli enenyet geeddi us walah isooidaahan laka a garatta. Jeentetaas u, saggi at Waakh ikatimiy a rummeysanna.”
31Yeesso wihi us ilaabe, “Kola a irummeysatteen? 32Iꞌdaasenyi maane a tamiite kola la a titah, ti atin tuumman seley baabaataane, ebba goobiis irti. Keleye ikatabtaane, iꞌdaasenyi an keley mee, iꞌdi tahe Aabbaheey a ileejira. 33Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.