Yoohana 9
9
Yeesso etoo indo laan desse indo haaggicha
1Yeesso jit raahaayi, etoo indo laan ladele arge. 2Abatti Yeesso la wihi iche Yeesso worsatte, “Eti ween, eta a iꞌdoh indo laan liidele? Usú uskeel yeele bal ꞌdooꞌdi dele?”
3Yeesso la wihi us ilaabe, “Eta ommos ꞌdooꞌdi dele mee uskeel yeele. Iꞌdaasenyi waha a yitaaheene ꞌdee jirotiis ka saggi Waakh hil ihaaggicho laarga. 4Geeddi il on maalim yahe, hili Waakkhi isooerge a haagginna. Mugꞌdi la a soogela, ki etoo kalday laka hil ihaaggin. 5Geeddi an harrata on kajiro, an a eti ꞌdooꞌdi harra banay siicho.”
6Inkoo Yeesso yeeda yidah ka, hanjuf harra katufe, doobbotoo haaggiche, et indo sarche kawelweele. 7Wihi us et iyidah, “Nyaame, geꞌdinti Silowaam layadeeh ka fool dikho.” Iꞌda ka mehe leessa ya, “Eti leergate.” ꞌDeerka et irte, fool dikhte, usuhi il argo soonokhte.
8Ollokkiis ichoow ꞌdooꞌdi tuummane ꞌhor usuhi walah daddaaho arge wihi icho worsateen, “Icho eta, eti orran fiddiyo walah daddaaho menya?” 9Gaasoo wihi icho yidaaheen, “Aa, a usu.”
Gaasoo wihi icho yidaaheen, “Mele, usu menye, a etoo iyoog on.”
Iꞌdaasenyi et rubeytiis tirrime, “Aa, a ani!” yidah.
10Icho la ihosseene, “Saggoh ꞌdeerka il iagarte?” idoween.
11Wihi us iyidah, “Eti Yeesso layadeehe doobbotoo haaggiche, indo ikawelweele, ‘Nyaam, geꞌdinti Silowaam layadeeh ka fool dikho,’ iyidah. Anna ꞌdeerka irde, fool dikhde, il arge.”
12“Eta intoh kajira?” worsateen.
Ulla, “An ma gardi,” iyidah.
Farissaayo saggi eti indo laa liisamaache worsatta
13Eti goorat indo laa sookhaateene, Farissaayo ikeeneen. 14Ibeenki Yeesso doobbo haaggiche, eti indo laa samaache la, Seeri Lanaso eheneet. 15Farissaayo toro saggi us il iarge worsatte, ulla wihi us ilaabe, “Et doobbotoo indoheey kawelweele, anna fool dikhde. Toolla la il a arga.”
16Farissaayotoo la wihi iche tidah, “Eti waha yeele Waakh ma kiimaatan, iꞌdi tahe amuri Seeri Lanaso ma raaho.”
Iꞌdaasenyi gaasoo wihi icho worsateen, “Saggoh eti uskeel leh, wahanyeyyoha miigti Waakh tuso iyeela?” ꞌDeerka seley goote.
17Farissaayo et toro inokhatte wihi iche itidah, “Et indo a kihaaggiche gone, mehe usu miinsane tadeeh?”
Et wihi us ilaabe, “Eta a eti Waákh íyeyyeedo.”
18Weynaanti Yaꞌhuud uliba saggi eta ꞌhor indo ilaayahe toolla la us il iargo rummeysawwaayte, ichoowka ꞌdooꞌdi dele waheen. 19Wihi icho worsateen, “Waha a inankiinna? Goorat indo laane desse elattaane, saggoh toolla il iarga?”
20ꞌDooꞌdi dele wihi us ilaabe, “Saggi us weeleenyo iyahe a garanna, saggi us indo laan idesse laka a garanna. 21Iꞌdaasenyi saggi us toolla il iarge ma garanni, ommolla eti indo haaggiche ma garanni. Usu worsada, ullaka a etoo weene, a isiyeyyeedo.” 22ꞌDooꞌdi dele jeenteti icho waha iyidaaheen, a jeenteti icho weynaanti Yaꞌhuud ikarooraan. Iꞌdi tahe weynaane goorat mehe goosse ya, eti tuummane Yeesso a Ki Lasubhe cheeko, minki weysiite Yaꞌhuud a lakabahcha. 23Jeentetaase ꞌdooꞌdi dele, “Us laka a etoo weene, worsada,” iyidah.
24Koli lammaatteet inokhteene, eti indo laa waheene wihi icho iyidaaheen, “Waakh kooli, eta kisamaache saggi us eti uskeel leh iyahe a garanna.”
25Et wihi us ilaabe, “Uskeel khabyeey ichoow kuus ka ba an ma gardi. Wohoo kalday on garda. An ꞌhor indo ma khabo, iꞌdaasenyi toolla il a arga.”
26Wihi icho usu worsateen, “Iꞌdoh kiyidah? Saggoh indo kihaaggiche?” 27Wihi us ilaabe, “An a atin isoocheeke, atin la ma daagtaan. A iꞌdoh toro daagin iꞌdoontaan? Atin laka sarka atinhi abattitiis tateehiine ꞌdoontaan?”
28Farissaayo et leeabaarrante, wihi iche itidah, “At laka a abattiti etaase, nah la a abatti Muusa! 29Saggi Waakh Muusa ileeyyeede a tissibna, iꞌdaasenyi etaas, inti us kayimiy laka ma garanni.”
30Et la wihi us ilaabe, “Enenne waha a girmo! Atin eta inti us kayimiy ma garattaane, ulla indoheey a ihaaggiche! 31Saggi Waakh ꞌdooꞌdi uskeel leh nabah ikasudin a garanna. ꞌDooꞌdi usú inkaanyito wihi us ꞌdoono yeelo la nabah a isuda. 32Uus goorat harra lasoouume, eti injire eti indo laan desse indo haaggiche ma ladaagin. 33Chirri kootte eta Waakh ikiimaatan, wohoo rucchul laka ma yeelo.”
34Waha ka wihi icho laabeen, “At uskeel goya kadelatte, toro la uskeel goya on kaweynaatte. Saggoh toollaka nah walah nah iabissa?” Khar iseyeen.
Farissaayo a iꞌdi ꞌdooꞌdi indo laa
35Chirri Yeesso saggi icho et khar ikaseyeen daage ka, irte, etaas yowte, ꞌhele. Yeesso wihi us et iyidah, “At Ínam Aadam a rummeysatta?”
36Et wihi us iyidah, “Eti ween, chirri at eti us yahe isoocheekte a rummeesda.”
37Yeesso wihi us iyidah, “At toolla usu a agarte. Aniha kileeyyeedo a usu.”
38Et ꞌdeerka wihi us yidah, “Kamur, a kirummeesda.” Et Yeesso wahte.
39Yeesso la wihi us iyidah, “An harrata a imiyye enenyet hukkuma, ꞌdee ꞌdooꞌdi indo laa il arga, ki kol us il argo iskoog la indo waaya.”
40Farissaayotoo intaas kijirte la wihi us essi daagte, wihi iche worsatte, “Nah laka indo laanahe?”
41Yeesso wihi us ilaabe, “Chirri kootte atin indo laatahiin, uskeel atin khabtaan mele. Iꞌdaasenyi toolla atin ‘il a agarra,’ elattaan, waha saggi atin uliba uskeel ikajirtaane tusaan.”
Currently Selected:
Yoohana 9: rel
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Yoohana 9
9
Yeesso etoo indo laan desse indo haaggicha
1Yeesso jit raahaayi, etoo indo laan ladele arge. 2Abatti Yeesso la wihi iche Yeesso worsatte, “Eti ween, eta a iꞌdoh indo laan liidele? Usú uskeel yeele bal ꞌdooꞌdi dele?”
3Yeesso la wihi us ilaabe, “Eta ommos ꞌdooꞌdi dele mee uskeel yeele. Iꞌdaasenyi waha a yitaaheene ꞌdee jirotiis ka saggi Waakh hil ihaaggicho laarga. 4Geeddi il on maalim yahe, hili Waakkhi isooerge a haagginna. Mugꞌdi la a soogela, ki etoo kalday laka hil ihaaggin. 5Geeddi an harrata on kajiro, an a eti ꞌdooꞌdi harra banay siicho.”
6Inkoo Yeesso yeeda yidah ka, hanjuf harra katufe, doobbotoo haaggiche, et indo sarche kawelweele. 7Wihi us et iyidah, “Nyaame, geꞌdinti Silowaam layadeeh ka fool dikho.” Iꞌda ka mehe leessa ya, “Eti leergate.” ꞌDeerka et irte, fool dikhte, usuhi il argo soonokhte.
8Ollokkiis ichoow ꞌdooꞌdi tuummane ꞌhor usuhi walah daddaaho arge wihi icho worsateen, “Icho eta, eti orran fiddiyo walah daddaaho menya?” 9Gaasoo wihi icho yidaaheen, “Aa, a usu.”
Gaasoo wihi icho yidaaheen, “Mele, usu menye, a etoo iyoog on.”
Iꞌdaasenyi et rubeytiis tirrime, “Aa, a ani!” yidah.
10Icho la ihosseene, “Saggoh ꞌdeerka il iagarte?” idoween.
11Wihi us iyidah, “Eti Yeesso layadeehe doobbotoo haaggiche, indo ikawelweele, ‘Nyaam, geꞌdinti Silowaam layadeeh ka fool dikho,’ iyidah. Anna ꞌdeerka irde, fool dikhde, il arge.”
12“Eta intoh kajira?” worsateen.
Ulla, “An ma gardi,” iyidah.
Farissaayo saggi eti indo laa liisamaache worsatta
13Eti goorat indo laa sookhaateene, Farissaayo ikeeneen. 14Ibeenki Yeesso doobbo haaggiche, eti indo laa samaache la, Seeri Lanaso eheneet. 15Farissaayo toro saggi us il iarge worsatte, ulla wihi us ilaabe, “Et doobbotoo indoheey kawelweele, anna fool dikhde. Toolla la il a arga.”
16Farissaayotoo la wihi iche tidah, “Eti waha yeele Waakh ma kiimaatan, iꞌdi tahe amuri Seeri Lanaso ma raaho.”
Iꞌdaasenyi gaasoo wihi icho worsateen, “Saggoh eti uskeel leh, wahanyeyyoha miigti Waakh tuso iyeela?” ꞌDeerka seley goote.
17Farissaayo et toro inokhatte wihi iche itidah, “Et indo a kihaaggiche gone, mehe usu miinsane tadeeh?”
Et wihi us ilaabe, “Eta a eti Waákh íyeyyeedo.”
18Weynaanti Yaꞌhuud uliba saggi eta ꞌhor indo ilaayahe toolla la us il iargo rummeysawwaayte, ichoowka ꞌdooꞌdi dele waheen. 19Wihi icho worsateen, “Waha a inankiinna? Goorat indo laane desse elattaane, saggoh toolla il iarga?”
20ꞌDooꞌdi dele wihi us ilaabe, “Saggi us weeleenyo iyahe a garanna, saggi us indo laan idesse laka a garanna. 21Iꞌdaasenyi saggi us toolla il iarge ma garanni, ommolla eti indo haaggiche ma garanni. Usu worsada, ullaka a etoo weene, a isiyeyyeedo.” 22ꞌDooꞌdi dele jeenteti icho waha iyidaaheen, a jeenteti icho weynaanti Yaꞌhuud ikarooraan. Iꞌdi tahe weynaane goorat mehe goosse ya, eti tuummane Yeesso a Ki Lasubhe cheeko, minki weysiite Yaꞌhuud a lakabahcha. 23Jeentetaase ꞌdooꞌdi dele, “Us laka a etoo weene, worsada,” iyidah.
24Koli lammaatteet inokhteene, eti indo laa waheene wihi icho iyidaaheen, “Waakh kooli, eta kisamaache saggi us eti uskeel leh iyahe a garanna.”
25Et wihi us ilaabe, “Uskeel khabyeey ichoow kuus ka ba an ma gardi. Wohoo kalday on garda. An ꞌhor indo ma khabo, iꞌdaasenyi toolla il a arga.”
26Wihi icho usu worsateen, “Iꞌdoh kiyidah? Saggoh indo kihaaggiche?” 27Wihi us ilaabe, “An a atin isoocheeke, atin la ma daagtaan. A iꞌdoh toro daagin iꞌdoontaan? Atin laka sarka atinhi abattitiis tateehiine ꞌdoontaan?”
28Farissaayo et leeabaarrante, wihi iche itidah, “At laka a abattiti etaase, nah la a abatti Muusa! 29Saggi Waakh Muusa ileeyyeede a tissibna, iꞌdaasenyi etaas, inti us kayimiy laka ma garanni.”
30Et la wihi us ilaabe, “Enenne waha a girmo! Atin eta inti us kayimiy ma garattaane, ulla indoheey a ihaaggiche! 31Saggi Waakh ꞌdooꞌdi uskeel leh nabah ikasudin a garanna. ꞌDooꞌdi usú inkaanyito wihi us ꞌdoono yeelo la nabah a isuda. 32Uus goorat harra lasoouume, eti injire eti indo laan desse indo haaggiche ma ladaagin. 33Chirri kootte eta Waakh ikiimaatan, wohoo rucchul laka ma yeelo.”
34Waha ka wihi icho laabeen, “At uskeel goya kadelatte, toro la uskeel goya on kaweynaatte. Saggoh toollaka nah walah nah iabissa?” Khar iseyeen.
Farissaayo a iꞌdi ꞌdooꞌdi indo laa
35Chirri Yeesso saggi icho et khar ikaseyeen daage ka, irte, etaas yowte, ꞌhele. Yeesso wihi us et iyidah, “At Ínam Aadam a rummeysatta?”
36Et wihi us iyidah, “Eti ween, chirri at eti us yahe isoocheekte a rummeesda.”
37Yeesso wihi us iyidah, “At toolla usu a agarte. Aniha kileeyyeedo a usu.”
38Et ꞌdeerka wihi us yidah, “Kamur, a kirummeesda.” Et Yeesso wahte.
39Yeesso la wihi us iyidah, “An harrata a imiyye enenyet hukkuma, ꞌdee ꞌdooꞌdi indo laa il arga, ki kol us il argo iskoog la indo waaya.”
40Farissaayotoo intaas kijirte la wihi us essi daagte, wihi iche worsatte, “Nah laka indo laanahe?”
41Yeesso wihi us ilaabe, “Chirri kootte atin indo laatahiin, uskeel atin khabtaan mele. Iꞌdaasenyi toolla atin ‘il a agarra,’ elattaan, waha saggi atin uliba uskeel ikajirtaane tusaan.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.