Luuka 14
14
Yeesso toro Seeri Lanaso ka etoo samaacha
1Maantoo Yeesso a irte Seeri Lanaso ka minki etoo weene Farissaayee kagolossate, mujjume lafiiriche. 2Etoo luhlo ichoow dahano dakkhan yombobeen laka intaas a kijire. 3Yeesso la wihi us Farissaayo ichoow tagaammeti amurre worsate, “Amurre ichoow eti Seeri Lanaso ka lasamaacho a israahaan bal ma israahaan?” 4Iꞌdaasenyi gammadicheen. Ulla chirraakka et khabte, samaache, laabe.
5Ulla ꞌdeerka wihi us icho worsate, “Etiinkoh maanta chirri inankiis ommos heeriiskoo Seeri Lanaso ka wor kadihe, chirraas on isobihin?” 6Icho la toro walah icho soolaabeen mele gammadicheen.
Wori ꞌdooꞌdi martee miinsan
7Chirri us ꞌdooꞌdi marteenye min goyaka inti ꞌdooꞌdi weyti liinkaanyito orronti yowti arge ka, mammahta toro ibahche wihi us ꞌdooꞌd iyidah, 8“Chirri sukuukuhoo ka lakiwahe inti ꞌdooꞌdi weyti liinkaanyito orronti a isikhaban, iꞌdi tahe kolossoo etoo ati kaaween laka sukuukuhaas ka a lawahe. 9Chirri iꞌdaas tahe la, eti sukuuku lehe lammatiin atin wahe wihi us kiyadeeh, ‘Eta kombortaah sii.’ At la ꞌdeerka lakhaanyo kikhaatatta harra koorromatta. 10Iꞌdaasenyi chirra lakiwahe, harra koorrommo, ꞌdee eti sukuuku leh la a yamiite wihi us kiyadeeh, ‘Aalaaw, kaale inta deefto orrommo.’ At la ꞌdee ꞌdooꞌdi addan goyaka a lakiinkaanyita. 11Iꞌdi tahe eti tuummane isweynaacho a lanuglaacha, eti isnuglaacho la a laweynaacha.”
12Yeesso la wihi us eti min leh iyidah, “Chirri at sukuukuhoo bihisso, aalassaah ichoow walaalinyetaah ichoow ꞌdooꞌdiin ichoow ollokkaahki kamure awahin, chirri ati icho wahte, icho laka maantoo a kiwahaane wihi goorat at iyeesse ka kigutaan. 13Iꞌdaasenyi chirri at sukuuku bihisso, ꞌdooꞌdi miskiine ichoow ki maꞌdee, iꞌdi maanta ki luhlo laa ichoow ki indo laa wah. 14At la ꞌdee Waakh a kimaala. ꞌDooꞌda walah us khabo us kisoolaabo mele. Eheetteey laka maanti ꞌdooꞌdi fiffissan omoot lakasookahcho, Waakh kalaꞌde kisoolaaba wihi at yeesse ka.”
Mammahti eti sukuukuhi buure bahche
(Mattaayo 22:1-10)
15Chirri etoo kootte Yeesso leefiddiyo waha daage ka wihi us Yeesso iyidah, “ꞌDooꞌdi berri sukuukuhi goobi Waakh kagolossati hamaadoo geeddohenye khaba!”
16Yeesso wihi us ilaabe, “Etoo sukuukuhoo buurenye bahche, ꞌdooꞌdi buure wahe. 17Chirri sahaꞌddi lagolossati titah ka, ilbooyiis ergate ꞌdooꞌdi lawahe mehe iyadeeh ya, ‘Kaaleya, a mehe walah dakkhan kola a latannabichee.’
18“Iꞌdaasenyi icho tuumman geeyo dowteene, ki oraat wihi us yidah, ‘Ibeennetane gosoo soogadde, gosaase irda sooyeya. Iꞌdiicha on.’
19“Koo la wihi us yidah, ‘Heerassoo tomonenye soogadde, heerassane kaja il kakhuta, sukuuku emeet ma ꞌhelo iꞌdiicha on.’
20“Koo addan la wihi us yidah, ‘Ibeennetane min disde, sag an iamiit mele.’
21“Ilbooy soonokhte kamuriis wihi liiyidah icheeke. Eti min leh hollowe ilbooyiis amur ibahche wihi us iyidah, ‘Nyaam dowwa, jitassi juukhe ichoow wihi babballaaddane ilkerengeeteet kasossoho, miskiino ichoow ꞌdooꞌdi luhlo laa ichoow ki indo laa ichoow ki sohot iubaaꞌdan soowah.’
22“Ilbooy wihi us ilaabe, ‘Eti ween wihi at tidah a yeele, iꞌdaasenyi min uliba ma buuhsamin.’
23“Eti kamure wihi us ilbooyiis iyidah, ‘Nyaam jitassi babballaaddan ichoow jitassi juukhe iro, ꞌdooꞌd hawwaasso ꞌdee minkeey a buuhsamo. 24Wihi an atin iadeeh, eti dakkhane goorat lawahe emeet ꞌdiiꞌde golola af ma kaꞌdaaro!’ ”
Yeessohi laraaho wihi ꞌdabakhe mee
25Maantoo ururoo buure Yeesso sooraahe ulla urur iurgiye wihi us iyidah, 26“Chirri etoo isooraaho ulla toro aabbahiis ichoow abartiis ichoow makhaabassiis ichoow nyaakhutiis ichoow walaalinyetiis ichoow albehi leedesse iꞌdiiꞌdine, jirotiis laka iꞌdiiꞌdin, etaas abattiteey itaahan ma yabuuꞌd. 27Eti tuummane massalaabatiis isiꞌdine, sina iumhane ani isooraahin, abattiteey itaahan ma yabuuꞌd.
28“Eemba etiinkoo minkoo buurenye disin ꞌdoona. Etaas koloo a orronta, chilimmeti minkaas tuumman disso rerreega, usu khabo ichoow usuhuus yeya menya? 29Iꞌdi tahe chirri us daddaabohi ilaat dise, us minkaas massin waaye, ꞌdooꞌdi argo la weyti usu kachaarta. 30Wihi icho yadeehiin, ‘Eta goorat minka a dise toro massin agaafte.’
31“Ommos eemba karnatoo koo addane dowwanoha ka diho kiirta. Koloo ma orronti iskarti eluf tomone ka usú karnati isoosohti iskarti eluf tomon lammee khabo dihin yabuuꞌd ma yeyo? 32Chirri us ituddubin, geeddi ki addan foga jiro iche saamo ergata karnati addan iirta nebey daaha. 33Saggaas on u etiinki tuummane wihi us khabo tuumman iꞌdiin, abattiteey itaahan ma yabuuꞌd.
Magaaꞌddi gimba laa
(Mattaayo 5:13, Marko 9:50)
34“Magaaꞌde a haaggantahe. Iꞌdaasenyi chiꞌiche gimbatiche waayte, saggoh toro liigimbaacha? 35Harra ommos laag laka ma iroon gone, a lakhuba on.
“Eti dogo khabo, a daago giꞌde.”
Currently Selected:
Luuka 14: rel
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Luuka 14
14
Yeesso toro Seeri Lanaso ka etoo samaacha
1Maantoo Yeesso a irte Seeri Lanaso ka minki etoo weene Farissaayee kagolossate, mujjume lafiiriche. 2Etoo luhlo ichoow dahano dakkhan yombobeen laka intaas a kijire. 3Yeesso la wihi us Farissaayo ichoow tagaammeti amurre worsate, “Amurre ichoow eti Seeri Lanaso ka lasamaacho a israahaan bal ma israahaan?” 4Iꞌdaasenyi gammadicheen. Ulla chirraakka et khabte, samaache, laabe.
5Ulla ꞌdeerka wihi us icho worsate, “Etiinkoh maanta chirri inankiis ommos heeriiskoo Seeri Lanaso ka wor kadihe, chirraas on isobihin?” 6Icho la toro walah icho soolaabeen mele gammadicheen.
Wori ꞌdooꞌdi martee miinsan
7Chirri us ꞌdooꞌdi marteenye min goyaka inti ꞌdooꞌdi weyti liinkaanyito orronti yowti arge ka, mammahta toro ibahche wihi us ꞌdooꞌd iyidah, 8“Chirri sukuukuhoo ka lakiwahe inti ꞌdooꞌdi weyti liinkaanyito orronti a isikhaban, iꞌdi tahe kolossoo etoo ati kaaween laka sukuukuhaas ka a lawahe. 9Chirri iꞌdaas tahe la, eti sukuuku lehe lammatiin atin wahe wihi us kiyadeeh, ‘Eta kombortaah sii.’ At la ꞌdeerka lakhaanyo kikhaatatta harra koorromatta. 10Iꞌdaasenyi chirra lakiwahe, harra koorrommo, ꞌdee eti sukuuku leh la a yamiite wihi us kiyadeeh, ‘Aalaaw, kaale inta deefto orrommo.’ At la ꞌdee ꞌdooꞌdi addan goyaka a lakiinkaanyita. 11Iꞌdi tahe eti tuummane isweynaacho a lanuglaacha, eti isnuglaacho la a laweynaacha.”
12Yeesso la wihi us eti min leh iyidah, “Chirri at sukuukuhoo bihisso, aalassaah ichoow walaalinyetaah ichoow ꞌdooꞌdiin ichoow ollokkaahki kamure awahin, chirri ati icho wahte, icho laka maantoo a kiwahaane wihi goorat at iyeesse ka kigutaan. 13Iꞌdaasenyi chirri at sukuuku bihisso, ꞌdooꞌdi miskiine ichoow ki maꞌdee, iꞌdi maanta ki luhlo laa ichoow ki indo laa wah. 14At la ꞌdee Waakh a kimaala. ꞌDooꞌda walah us khabo us kisoolaabo mele. Eheetteey laka maanti ꞌdooꞌdi fiffissan omoot lakasookahcho, Waakh kalaꞌde kisoolaaba wihi at yeesse ka.”
Mammahti eti sukuukuhi buure bahche
(Mattaayo 22:1-10)
15Chirri etoo kootte Yeesso leefiddiyo waha daage ka wihi us Yeesso iyidah, “ꞌDooꞌdi berri sukuukuhi goobi Waakh kagolossati hamaadoo geeddohenye khaba!”
16Yeesso wihi us ilaabe, “Etoo sukuukuhoo buurenye bahche, ꞌdooꞌdi buure wahe. 17Chirri sahaꞌddi lagolossati titah ka, ilbooyiis ergate ꞌdooꞌdi lawahe mehe iyadeeh ya, ‘Kaaleya, a mehe walah dakkhan kola a latannabichee.’
18“Iꞌdaasenyi icho tuumman geeyo dowteene, ki oraat wihi us yidah, ‘Ibeennetane gosoo soogadde, gosaase irda sooyeya. Iꞌdiicha on.’
19“Koo la wihi us yidah, ‘Heerassoo tomonenye soogadde, heerassane kaja il kakhuta, sukuuku emeet ma ꞌhelo iꞌdiicha on.’
20“Koo addan la wihi us yidah, ‘Ibeennetane min disde, sag an iamiit mele.’
21“Ilbooy soonokhte kamuriis wihi liiyidah icheeke. Eti min leh hollowe ilbooyiis amur ibahche wihi us iyidah, ‘Nyaam dowwa, jitassi juukhe ichoow wihi babballaaddane ilkerengeeteet kasossoho, miskiino ichoow ꞌdooꞌdi luhlo laa ichoow ki indo laa ichoow ki sohot iubaaꞌdan soowah.’
22“Ilbooy wihi us ilaabe, ‘Eti ween wihi at tidah a yeele, iꞌdaasenyi min uliba ma buuhsamin.’
23“Eti kamure wihi us ilbooyiis iyidah, ‘Nyaam jitassi babballaaddan ichoow jitassi juukhe iro, ꞌdooꞌd hawwaasso ꞌdee minkeey a buuhsamo. 24Wihi an atin iadeeh, eti dakkhane goorat lawahe emeet ꞌdiiꞌde golola af ma kaꞌdaaro!’ ”
Yeessohi laraaho wihi ꞌdabakhe mee
25Maantoo ururoo buure Yeesso sooraahe ulla urur iurgiye wihi us iyidah, 26“Chirri etoo isooraaho ulla toro aabbahiis ichoow abartiis ichoow makhaabassiis ichoow nyaakhutiis ichoow walaalinyetiis ichoow albehi leedesse iꞌdiiꞌdine, jirotiis laka iꞌdiiꞌdin, etaas abattiteey itaahan ma yabuuꞌd. 27Eti tuummane massalaabatiis isiꞌdine, sina iumhane ani isooraahin, abattiteey itaahan ma yabuuꞌd.
28“Eemba etiinkoo minkoo buurenye disin ꞌdoona. Etaas koloo a orronta, chilimmeti minkaas tuumman disso rerreega, usu khabo ichoow usuhuus yeya menya? 29Iꞌdi tahe chirri us daddaabohi ilaat dise, us minkaas massin waaye, ꞌdooꞌdi argo la weyti usu kachaarta. 30Wihi icho yadeehiin, ‘Eta goorat minka a dise toro massin agaafte.’
31“Ommos eemba karnatoo koo addane dowwanoha ka diho kiirta. Koloo ma orronti iskarti eluf tomone ka usú karnati isoosohti iskarti eluf tomon lammee khabo dihin yabuuꞌd ma yeyo? 32Chirri us ituddubin, geeddi ki addan foga jiro iche saamo ergata karnati addan iirta nebey daaha. 33Saggaas on u etiinki tuummane wihi us khabo tuumman iꞌdiin, abattiteey itaahan ma yabuuꞌd.
Magaaꞌddi gimba laa
(Mattaayo 5:13, Marko 9:50)
34“Magaaꞌde a haaggantahe. Iꞌdaasenyi chiꞌiche gimbatiche waayte, saggoh toro liigimbaacha? 35Harra ommos laag laka ma iroon gone, a lakhuba on.
“Eti dogo khabo, a daago giꞌde.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.