Lucas 2
2
Tej titz'j Jesús
Mateo 1.18-25
1Ex kyuj q'ij lu etz jun orden tu'n president Augusto tu'n tjaw kyajlal kykyaqil xjal. 2Atzun tnejel maj jaw kyajlal xjal tej in kawintoq Sirenio tuj tx'otx' Siria. 3E je'xtzun kykyaqil xjal tujx kytanmi tu'n ttz'ib'anjtz kyb'i. 4Kyja'tzun tzaj José tuj tnam Nazaret tuj tx'otx' Galilea, ja'wil tuj tnam Belén aju ttanmi David, tuj tx'otx' Judea, porke ate José tiyjil David. 5Ultzun José tu'n ttz'ib'anjtz kyb'i tuk'ix Mariy aju b'anin ti'j tu'n tmoje' tuk'il, aju otoq tz'ok ten tal. 6Ex axtoqtzun ate' tuj Belén tej tpon q'ij tu'n tul itz'j tal Mariy. 7Ex ul itz'j ju tnejel tal, ex okx tb'alq'i'n tuj tal tam, ex kub' tkoẍb'a'n tuj twab'l chej, tu'nju minti' knet kyposad tuj mesón.
Qe anjel ex qe pastor ẍne'l
8Niqayin ttxa'n tnam Belén ate'toq junjun pastor, ax in che kyaj ten tuj kojb'il te qonik'an tu'n kykwentin kyẍne'l. 9Ex jurat kub' tyek'un tib' jun t-anjel Qman kywitz, ex ju t-spik'umal Qman kub' spik'e' kyib'aj; atzun kye pastor tzaj nim kyxob'il. 10Atzunte anjel xi tma'n kye:
—Mi'n che xob'e, porke kxel nma'ne b'a'n tqanil kyeye te nim tzalajb'il ex kye kykyaqil xjal. 11Porke ja'lo ma tz'itz'j tuj ttanmi David jun Klol kyeye, ate Crist aju Qajaw. 12Ex atzun jun yek'b'il kyeye tu'n tel kynik'e ti'j; knetel tal ne' kyu'ne b'alq'i'n tuj tal tam, ex koẍl tuj twab'l chej, chi anjel kye.
13Ex minab'en kub' kyyek'un kyib' txqantl anjel nim kyajlal tzajni qe tuj kya'j, in kynimsa'n tb'i Dios, ex in kyma'n:
14Nimanxwit tb'i Dios tuj kya'j, ex tu'n kyten xjal twitz tx'otx' minti'tl kyb'is, aqeju in tzalaj Dios kyi'j, che chi anjel.
15Ex tej kyaj b'aj qe anjel tuj kya'j, kymatzun qe pastor kyxolx:
—Qo'qe tuj Belén ke'yil te jlu ti ma b'aj aju ma tma Qman qe.
16Jurattzun e je'x, ex knet Mariy tuk'ix José kyu'n ex ju tal ne' koẍl tuj twab'l chej. 17Ex tej kyke'yinte, xi kytx'olb'a'n aju o tma anjel kye ti'j tal ne'. 18Ex kykyaqil qeju e b'inte kyyol pastor, e lab'in ti'j ju o kyma. 19Atzunte Mariy xi tk'u'n tkyaqilju yol lu tuj tanmi, ex o ximan ti'j. 20Ex e ajtz meltz'aj qe pastor in kynimsa'n tb'i Dios ex in kyq'o'n chjonte te ti'j tkyaqilju o kyb'i ex o kyil, tu'nju ax tok aju otoq tma anjel kye.
Aju tal ne' Jesús pon q'i'n tuj tja Dios
21Ex tuj twajxaqin q'ij o sircunsidarinjtz ju ne', ex ok kyq'o'n tb'i JESÚS, axju tb'i ok ik tza'nxju otoq tma anjel te Mariy tej na'nxtoq tok ten tal.
22Tej tjapun b'aj q'ij te saqsab'l kye ik tza'nx in tma'n tuj tley Moisés, xi kyi'n ju tal ne' tuj tnam Jerusalén tu'n t-xi kyq'o'n te Qman. 23Xitzun kyi'n tu'n tjapun kyu'n aju tz'ib'an tuj tley Qman, in tma'n: Kykyaqil tnejel kyk'wa'le xinaq kxel kyq'o'ne tu'n tajb'en te Qman, chi tuj Tu'jil. 24E je'xtzun tu'n t-xi kyq'o'n jun moj tal ẍpo'q ex qa kab'e tal paloma ik tza'nx in tma'n tuj tley Qman.
25Attoq jun xinaq Simeón tb'i ax najl tuj Jerusalén. Ate xinaq lu tz'aqlxix ex nimal Dios ex in ayontoq ti'j tu'n kykolpet aj Israel. Aju Xewb'aj Xjan attoq tuk'il, 26ex otoq tzaj yek'un te tu'n Xewb'aj Xjan qa mlayx kyim qa na'nxtoq tke'yinte twitz ju Crist aju attoq ttzajel t-sama'n Qman. 27Xitzun q'i'n Simeón tu'n Xewb'aj Xjan, pon tuj tja Dios. Ex tej tul q'i'n tal ne' Jesús kyu'n tman tuj tja Dios tu'n tb'inchanjtz ti'j ik tza'nx in tma'n ley, 28jawtzun tchle'n Simeón ju ne', xi tq'o'n chjonte te Dios, ex tma:
29Ja'lotzun Nman, b'a'n tu'n nkyime tuj txub'txaj, porke ma japun ju yol tzaj tma'na weye, aqine tmajena.
30Porke ma wile tu'n nwitze aju kolb'il tu'na,
31aju ma tb'inchaya kywitz kykyaqil xjal twitz tx'otx'.
32Atzun jlu jun spik'un tu'n t-spik'b'anjtz kye txqantl tnam mya aj Israel qe, ex tu'n kyjaw nimsa'n aj Israel, aqeju etzan tu'na, chi Simeón.
33Ex in lab'intoq tman ne' ex ttxu ne' ti'j tkyaqilju in tma'n Simeón ti'j ne'. 34Ex e b'aj tky'iwla'n Simeón, ex xi tma'n te Mariy aju ttxu' ne':
—Ate k'wa'l lu q'o'nmaj tu'n kykub' tz'aq nimku aj Israel ex tu'n kyjaw we' nimku. K'okel te jun señ, ex mlay txi kyniman tyol, 35tu'ntzun tel tuj q'ancha'l tkyaqil kyximb'etz xjal at tuj kyanmi; ex atzun te teya ik k'okel jlu ik tza'n jun spad k'elex tuj tanmiya, chi Simeón.
36Ax ikx axtoq ta' jun xu'j t-sanjel Dios, Ana tb'i; ate Ana tme'jel Fanuel ex tiyjil Aser. Otoq tijin te Ana, ex k'wa'lxtoq ta' tej tmoje' ex noq wuq ab'q'i ten tuk'il tchmil, 37ex otoq b'ant 84 ab'q'i tkyajlen meb'a xu'j. Minti' nne'l tpa'n tib' Ana ti'j tja Dios, atzun in ajb'en te Qman qonik'an ex q'ijtl, in kub' tyo'n we'yaj ex in na'n Dios. 38Ax or tej tpon Ana in tq'o'n chjonte te Dios, ex in yolin ti'j ne' kye kykyaqil qeju in che ayontoq ti'j tu'n kykolpet qe xjal tuj Jerusalén.
Tej kyajtz meltz'aj José tuk'ix Mariy tu'n kypon tuj Nazaret
39Ex tb'ajlenxi b'ant tkyaqil kyu'n ik tza'nx in tma'n tuj tley Qman, e aj meltz'aj, e pon tuj kytanmi Nazaret tb'i, tuj tx'otx' Galilea. 40Ex ju ne' in ch'iytoq ex nno'ktoq tipun, ex nno'ktoq tnab'l; ex ju t-xtalb'il Dios tkub'toq tib'aj.
Pon Jesús tuj tja Dios tej k'wa'lxtoq
41Tkyaqil ab'q'i in che'xtoq qe tman Jesús tuj tnam Jerusalén tuj ninq'ij Xjan Q'ij tb'i. 42Tej tjapun Jesús twi' kab'laj ab'q'i, e je'xtzun tuj Jerusalén ik tza'nx kymod tu'n kyxi' tuj ninq'ij. 43Tejtzun tb'aj ninq'ij e ajtz meltz'aj, atzunju tal k'wa'l Jesús kyaj ten tuj Jerusalén, minti' che b'in tman ti'j. 44Ximan kyu'n qa lepchix ttzaj Jesús kyxol xjal, ex e b'et junku q'ij; e oktzun ten jyolte kyxol qeju at kyxilen kyuk'il ex kyxol kyamiw; 45ex tu'nju minti' knet kyu'n, e aj meltz'aj e pon tuj Jerusalén in che jyon ti'j.
46Ex tb'ajlenxi ox q'ij knet kyu'n tuj tja Dios, q'uqltoq kyxol qe xnaq'tzal ti'j ley, in b'intoq kyi'j, ex in xjelintoq kye. 47Ex kykyaqil qeju in che b'intoq ti'j tyol Jesús e lab'in ti'j ju tnab'l ex ti'j ju tzaq'web'l tu'n. 48Tejtzun kylonte qe tman, e lab'in ti'j; xitzun tma'n ttxu' te:
—Wal, ¿tiqu'n ma tb'inchaya jlu qi'je? Lu tmana ex qine in qo jyone ti'ja ex nim in qo b'isune.
49Xitzun tma'n Jesús kye:
—¿Tiqu'n in che jyone wi'je? ¿Maj minti' b'a'n kyu'ne qa ilxix ti'j tu'n ntene tuj tja Nmane?
50Atzun kye minti' el kynik' ti'j tyol Jesús aju tzaj tma'n kye.
51Ajtzun Jesús kyuk'il, pontl tuj Nazaret, ex xi tniman qe. Atzunte ttxu' xi tk'u'n tkyaqilju yol lu tuj tanmi. 52Ex nno'ktoq tnab'l Jesús ex in ch'iytoq ex b'a'n ela tmod tuj twitz Dios ex kywitz xjal.
Currently Selected:
Lucas 2: MAMNO
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
Lucas 2
2
Tej titz'j Jesús
Mateo 1.18-25
1Ex kyuj q'ij lu etz jun orden tu'n president Augusto tu'n tjaw kyajlal kykyaqil xjal. 2Atzun tnejel maj jaw kyajlal xjal tej in kawintoq Sirenio tuj tx'otx' Siria. 3E je'xtzun kykyaqil xjal tujx kytanmi tu'n ttz'ib'anjtz kyb'i. 4Kyja'tzun tzaj José tuj tnam Nazaret tuj tx'otx' Galilea, ja'wil tuj tnam Belén aju ttanmi David, tuj tx'otx' Judea, porke ate José tiyjil David. 5Ultzun José tu'n ttz'ib'anjtz kyb'i tuk'ix Mariy aju b'anin ti'j tu'n tmoje' tuk'il, aju otoq tz'ok ten tal. 6Ex axtoqtzun ate' tuj Belén tej tpon q'ij tu'n tul itz'j tal Mariy. 7Ex ul itz'j ju tnejel tal, ex okx tb'alq'i'n tuj tal tam, ex kub' tkoẍb'a'n tuj twab'l chej, tu'nju minti' knet kyposad tuj mesón.
Qe anjel ex qe pastor ẍne'l
8Niqayin ttxa'n tnam Belén ate'toq junjun pastor, ax in che kyaj ten tuj kojb'il te qonik'an tu'n kykwentin kyẍne'l. 9Ex jurat kub' tyek'un tib' jun t-anjel Qman kywitz, ex ju t-spik'umal Qman kub' spik'e' kyib'aj; atzun kye pastor tzaj nim kyxob'il. 10Atzunte anjel xi tma'n kye:
—Mi'n che xob'e, porke kxel nma'ne b'a'n tqanil kyeye te nim tzalajb'il ex kye kykyaqil xjal. 11Porke ja'lo ma tz'itz'j tuj ttanmi David jun Klol kyeye, ate Crist aju Qajaw. 12Ex atzun jun yek'b'il kyeye tu'n tel kynik'e ti'j; knetel tal ne' kyu'ne b'alq'i'n tuj tal tam, ex koẍl tuj twab'l chej, chi anjel kye.
13Ex minab'en kub' kyyek'un kyib' txqantl anjel nim kyajlal tzajni qe tuj kya'j, in kynimsa'n tb'i Dios, ex in kyma'n:
14Nimanxwit tb'i Dios tuj kya'j, ex tu'n kyten xjal twitz tx'otx' minti'tl kyb'is, aqeju in tzalaj Dios kyi'j, che chi anjel.
15Ex tej kyaj b'aj qe anjel tuj kya'j, kymatzun qe pastor kyxolx:
—Qo'qe tuj Belén ke'yil te jlu ti ma b'aj aju ma tma Qman qe.
16Jurattzun e je'x, ex knet Mariy tuk'ix José kyu'n ex ju tal ne' koẍl tuj twab'l chej. 17Ex tej kyke'yinte, xi kytx'olb'a'n aju o tma anjel kye ti'j tal ne'. 18Ex kykyaqil qeju e b'inte kyyol pastor, e lab'in ti'j ju o kyma. 19Atzunte Mariy xi tk'u'n tkyaqilju yol lu tuj tanmi, ex o ximan ti'j. 20Ex e ajtz meltz'aj qe pastor in kynimsa'n tb'i Dios ex in kyq'o'n chjonte te ti'j tkyaqilju o kyb'i ex o kyil, tu'nju ax tok aju otoq tma anjel kye.
Aju tal ne' Jesús pon q'i'n tuj tja Dios
21Ex tuj twajxaqin q'ij o sircunsidarinjtz ju ne', ex ok kyq'o'n tb'i JESÚS, axju tb'i ok ik tza'nxju otoq tma anjel te Mariy tej na'nxtoq tok ten tal.
22Tej tjapun b'aj q'ij te saqsab'l kye ik tza'nx in tma'n tuj tley Moisés, xi kyi'n ju tal ne' tuj tnam Jerusalén tu'n t-xi kyq'o'n te Qman. 23Xitzun kyi'n tu'n tjapun kyu'n aju tz'ib'an tuj tley Qman, in tma'n: Kykyaqil tnejel kyk'wa'le xinaq kxel kyq'o'ne tu'n tajb'en te Qman, chi tuj Tu'jil. 24E je'xtzun tu'n t-xi kyq'o'n jun moj tal ẍpo'q ex qa kab'e tal paloma ik tza'nx in tma'n tuj tley Qman.
25Attoq jun xinaq Simeón tb'i ax najl tuj Jerusalén. Ate xinaq lu tz'aqlxix ex nimal Dios ex in ayontoq ti'j tu'n kykolpet aj Israel. Aju Xewb'aj Xjan attoq tuk'il, 26ex otoq tzaj yek'un te tu'n Xewb'aj Xjan qa mlayx kyim qa na'nxtoq tke'yinte twitz ju Crist aju attoq ttzajel t-sama'n Qman. 27Xitzun q'i'n Simeón tu'n Xewb'aj Xjan, pon tuj tja Dios. Ex tej tul q'i'n tal ne' Jesús kyu'n tman tuj tja Dios tu'n tb'inchanjtz ti'j ik tza'nx in tma'n ley, 28jawtzun tchle'n Simeón ju ne', xi tq'o'n chjonte te Dios, ex tma:
29Ja'lotzun Nman, b'a'n tu'n nkyime tuj txub'txaj, porke ma japun ju yol tzaj tma'na weye, aqine tmajena.
30Porke ma wile tu'n nwitze aju kolb'il tu'na,
31aju ma tb'inchaya kywitz kykyaqil xjal twitz tx'otx'.
32Atzun jlu jun spik'un tu'n t-spik'b'anjtz kye txqantl tnam mya aj Israel qe, ex tu'n kyjaw nimsa'n aj Israel, aqeju etzan tu'na, chi Simeón.
33Ex in lab'intoq tman ne' ex ttxu ne' ti'j tkyaqilju in tma'n Simeón ti'j ne'. 34Ex e b'aj tky'iwla'n Simeón, ex xi tma'n te Mariy aju ttxu' ne':
—Ate k'wa'l lu q'o'nmaj tu'n kykub' tz'aq nimku aj Israel ex tu'n kyjaw we' nimku. K'okel te jun señ, ex mlay txi kyniman tyol, 35tu'ntzun tel tuj q'ancha'l tkyaqil kyximb'etz xjal at tuj kyanmi; ex atzun te teya ik k'okel jlu ik tza'n jun spad k'elex tuj tanmiya, chi Simeón.
36Ax ikx axtoq ta' jun xu'j t-sanjel Dios, Ana tb'i; ate Ana tme'jel Fanuel ex tiyjil Aser. Otoq tijin te Ana, ex k'wa'lxtoq ta' tej tmoje' ex noq wuq ab'q'i ten tuk'il tchmil, 37ex otoq b'ant 84 ab'q'i tkyajlen meb'a xu'j. Minti' nne'l tpa'n tib' Ana ti'j tja Dios, atzun in ajb'en te Qman qonik'an ex q'ijtl, in kub' tyo'n we'yaj ex in na'n Dios. 38Ax or tej tpon Ana in tq'o'n chjonte te Dios, ex in yolin ti'j ne' kye kykyaqil qeju in che ayontoq ti'j tu'n kykolpet qe xjal tuj Jerusalén.
Tej kyajtz meltz'aj José tuk'ix Mariy tu'n kypon tuj Nazaret
39Ex tb'ajlenxi b'ant tkyaqil kyu'n ik tza'nx in tma'n tuj tley Qman, e aj meltz'aj, e pon tuj kytanmi Nazaret tb'i, tuj tx'otx' Galilea. 40Ex ju ne' in ch'iytoq ex nno'ktoq tipun, ex nno'ktoq tnab'l; ex ju t-xtalb'il Dios tkub'toq tib'aj.
Pon Jesús tuj tja Dios tej k'wa'lxtoq
41Tkyaqil ab'q'i in che'xtoq qe tman Jesús tuj tnam Jerusalén tuj ninq'ij Xjan Q'ij tb'i. 42Tej tjapun Jesús twi' kab'laj ab'q'i, e je'xtzun tuj Jerusalén ik tza'nx kymod tu'n kyxi' tuj ninq'ij. 43Tejtzun tb'aj ninq'ij e ajtz meltz'aj, atzunju tal k'wa'l Jesús kyaj ten tuj Jerusalén, minti' che b'in tman ti'j. 44Ximan kyu'n qa lepchix ttzaj Jesús kyxol xjal, ex e b'et junku q'ij; e oktzun ten jyolte kyxol qeju at kyxilen kyuk'il ex kyxol kyamiw; 45ex tu'nju minti' knet kyu'n, e aj meltz'aj e pon tuj Jerusalén in che jyon ti'j.
46Ex tb'ajlenxi ox q'ij knet kyu'n tuj tja Dios, q'uqltoq kyxol qe xnaq'tzal ti'j ley, in b'intoq kyi'j, ex in xjelintoq kye. 47Ex kykyaqil qeju in che b'intoq ti'j tyol Jesús e lab'in ti'j ju tnab'l ex ti'j ju tzaq'web'l tu'n. 48Tejtzun kylonte qe tman, e lab'in ti'j; xitzun tma'n ttxu' te:
—Wal, ¿tiqu'n ma tb'inchaya jlu qi'je? Lu tmana ex qine in qo jyone ti'ja ex nim in qo b'isune.
49Xitzun tma'n Jesús kye:
—¿Tiqu'n in che jyone wi'je? ¿Maj minti' b'a'n kyu'ne qa ilxix ti'j tu'n ntene tuj tja Nmane?
50Atzun kye minti' el kynik' ti'j tyol Jesús aju tzaj tma'n kye.
51Ajtzun Jesús kyuk'il, pontl tuj Nazaret, ex xi tniman qe. Atzunte ttxu' xi tk'u'n tkyaqilju yol lu tuj tanmi. 52Ex nno'ktoq tnab'l Jesús ex in ch'iytoq ex b'a'n ela tmod tuj twitz Dios ex kywitz xjal.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.