Lucas 9
9
E je'x t-sama'n Jesús qeju kab'laj t-xnaq'tzb'en pakb'al
Mateo 10.5-15; Marcos 6.7-13
1E tzaj ttxko'n Jesús qeju kab'laj t-xnaq'tzb'en, xi tq'o'n kyipumal ex kyoklen tu'n kyetz qe ju'ẍ tuj kyanmi xjal kyu'n, ex tu'n kyb'ant qe yab' kyu'n; 2e je'x t-sama'n tu'n kypakb'an ti'j tkawb'il Dios, ex tu'n kyb'anix yab' kyu'n. 3Ex xi tma'n kye:
—Mi jun txi kyi'ne tuj kyb'eye, mi tze', mi pa, mi wab'j, mi pwaq; ex mi'n txi kyi'ne kab'e kykamiẍe. 4Ex alkye jun ja ma knet kyu'ne te kyposadiye, axtzun che posadiyile, maxitzun che ik'ele okxi kyetze tuj tnam. 5Ex alkye jun tnam jatum minti' ma che k'mete kyu'n xjal, kyetze tuj kytanmi, ex kychto'mele quq ti'j kyqane te jun yek'b'il qa mya b'a'n qe, chi Jesús kye.
6E je'xtzun, in che b'et kyuj kykyaqil tal tnam, in che pakb'an ti'j tqanil kolb'il, ex in che b'anix qe yab' kyu'n tuj tkyaqil lugar.
O jolpaje' tk'u'j Herodes ti'j Jesús
Mateo 14.1-12; Marcos 6.14-29
7O tb'i gobernador Herodes ti'j tkyaqilju in tb'incha'n Jesús; ex nim o jolpaje' tk'u'j, porke in kyma'n junjun xjal:
—Ate Juan ma jatz anq'in kyxol kyimni;
8Ex txqantl in kyma'n:
—Ma kub' tyek'un tib' Elías aju t-sanjel Dios;
Ex txqantl in kyma'n:
—Ma jaw anq'in jun kye t-sanjel Dios e ten ojtxi, che chi xjal.
9Atzunte Herodes tma:
—Ate Juan el wi'ne twi'. ¿Alkyetzun ju xjal lu in nb'i'ne in che yolin kykyaqil xjal ti'j? Chi Herodes.
Ex o tajb'e Herodes tu'n tke'yinte twitz Jesús.
Xi tq'o'n Jesús kywa jwe' mil xjal
Mateo 14.13-21; Marcos 6.30-44; Juan 6.1-14
10Tej kyajtz meltz'aj qe apostol, xi kytx'olb'a'n te Jesús tkyaqil aju kyb'incha. E je'xtzun ti'n Jesús tuk'il, el laq'e' kyi'j xjal, e je'x tuj jun tnam Betsaida tb'i. 11Ex tej kyb'inte xjal, e je'x lpe' ti'j Jesús; ex e k'met tu'n, ex xi tma'n kye ti'j tkawb'il Dios, ex in che b'ant qe yab' tu'n.
12Ex ch'ixtoq tex q'ij, e tzaj laq'e' qeju kab'laj t-xnaq'tzb'en, ex xi kyma'n te Jesús:
—Samanxa qe xjal tu'n kyxi' kyuj aldey ex tuj kyja xjal ate' niqayin, tu'n tknet kyposad ex tu'n tknet kywa; porke ato' tuj jun lugar minti' kynajb'il xjal tuj, che chi.
13Xi tma'n Jesús kye:
—Kyq'onxe kywa.
Atzun kye xi kyma'n te:
—Noq o'kx jwe' wab'j at quk'ile ex kab'e kyiẍ, o'kx qa ma qo'xe laq'ol wab'j tu'n kywa'n kykyaqil xjal lu, che chi.
14Porke b'alo jwe' miltoq xinaq. Xitzun tma'n Jesús kye t-xnaq'tzb'en:
—Kymanxe kye xjal tu'n kykub' qe' tuj tnejin te 50 junjun tnej.
15Xitzun kyma'n kye xjal, ex e kub' qe' kykyaqil xjal kyu'n. 16Jawtzun ttzyu'n Jesús aqeju jwe' wab'j kyuk'ix kab'e kyiẍ, jaw tke'yin twitz kya'j xi tq'o'n chjonte te Dios kyi'j ex e kub' tpiẍk'u'n, ex xi tq'o'n kye t-xnaq'tzb'en tu'n t-xi kysipan kye xjal. 17E wa'ntzun kykyaqil ex e b'aj noj; ex jaw kychmo'n kab'laj chi'l ttx'aqan wab'j kyaj ten.
In tchik'b'a'n Pedro qa a Jesús ju Crist, aju at toklen tu'n Dios
Mateo 16.13-19; Marcos 8.27-29
18At jun q'ij xi' Jesús na'l Dios, kyuk'ix qe t-xnaq'tzb'en e je'x tuk'il; ex xi tqanin kye:
—¿Chi tok kyu'n xjal wi'je? ¿Alkye qine, che chi xjal?
19Xi kytzaq'we'n t-xnaq'tzb'en:
—At junjun xjal in kyma'n qa aya Juan aju e b'yan xjal tu'n; ex txqantl xjal in kyma'n qa aya Elías; ex txqantl in kyma'n, ma jaw anq'in jun kye t-sanjel Dios e ten ojtxi.
20Xitzun tma'n Jesús kye:
—¿Yajtzun kyeye, alkye qine tuj kywitze?
Xi ttzaq'we'n Simón Pedro:
—Aya ju Crist ma tzaj sama'na tu'n Dios.
In yolin Jesús ti'j tkamik
Mateo 16.20-28; Marcos 8.30—9.1
21Ex xi tma'n Jesús kye ex xi tkyuwsa'nxix tu'n mi'n t-xi kyma'n jlu kye xjal. 22Ex xi tma'n kye:
—Ilxix ti'j tu'n tik'x nimku wu'ne, aqine sk'o'maj qine tu'n Dios tu'n ntene kyuk'il xjal, ex il ti'j tu'n wel ik'une kyu'n kytijil xjal, ex kyu'n nejenel kye pal ex kyu'n xnaq'tzal ti'j ley; ex tu'n nkub' b'yo'ne, ex tu'n njatz anq'ine tuj toxin q'ij, chi Jesús kye.
23Ax ikx xi tma'n kye kykyaqil:
—Qa at jun xjal tajb'il tu'n tok lpe' wi'je, xk'ayink tib' teju tex tajb'il, q'inx tcrus tkyaqil q'ij, ex lpe'k wi'je. 24Ex alkye jun xjal o'kx tok tk'u'j ti'j tu'n tten tchwinqlal twitz tx'otx', mlay tkamb'a aju chwinqlal in tzaj tq'o'n Dios; ex alkye jun xjal tq'on tib' tu'n tnaj tchwinqlal twitz tx'otx' noq tu'n nlaje, ok tkamb'a' aju chwinqlal in tzaj tq'o'n Dios. 25Ex ¿ti tajb'en te xjal qa ma tkamb'a tkyaqilju at twitz tx'otx' ex qa ma naj tu'nx tib'? 26Ex alkye ma ch'ixwi wi'je ex ti'j nyole, ax ikx weye chin jawil ch'ixwiye ti'j ok wule in chin qoptz'aje tu'n t-spik'umal Nmane ex tu'n kyspik'umal qe anjel xjan, aqine sk'o'maj qine tu'n Dios tu'n ntene kyuk'il xjal. 27Ax tok in xi nma'ne kyeye, at junjun ate' tzalu k'okel kyke'yin tkawb'il Dios na'nxtoq kykyim.
O ch'expaj tilb'ilal Jesús
Mateo 17.1-8; Marcos 9.2-8
28Otoq b'ant wajxaq q'ij tb'ajlen tma'n Jesús ju yol lu, xi uk'in Pedro tu'n Jesús tuk'ix Juan ex Jacobo, jax twi witz na'l Dios. 29Matoq in na'n Dios o ch'expaj tilb'ilal, ex puro saq ok t-xb'alun, in qoptz'aj wen. 30Ex lu kab'e xinaq kub' kyyek'un kyib' in che yolin tuk'il Jesús, atoq Moisés tuk'ix Elías; 31in che qoptz'aj wen, in che yolin ti'j tkamik Jesús, ex atzun tu'n tkyim tuj Jerusalén. 32Atzunte Pedro ex qeju ate'toq tuk'il otoq tzaj kywatl; ex el kywatl, ex o kyil t-spik'umal Jesús ex kyuk'ix qe kab'e xinaq ate'toq tuk'il. 33Ex ch'ixtoq tel kypa'n kyib' xinaq ti'j Jesús, xi tma'n Pedro te:
—Xnaq'tzal, b'a'n ax tu'n qten tzalu. E tjaw qb'incha'ne ox tal ja t-xaq tze'yin kywi': jun teya, jun te Moisés, ex jun te Elías, chi Pedro.
Pero minti' b'a'ntoq tu'n Pedro ti in tma'n. 34Matoq in yolin Pedro, tzaj jun muj, kub' ten muj kyib'aj; ex nim e xob' tej kyten tuj muj. 35Ex at jun tzaj yolin tuj muj in tma'n:
—Atzun Nk'wa'le jlu, sk'o'maj wu'ne; kyb'inxe tyol.
36Tejtzun tb'aj ju yol lu, o kyil xnaq'tzb'en tjunalxtoq Jesús at; ex minti' e q'ajt, ex minti' xi kyma'n kye xjal ti'j ju otoq kyil.
Jun ku'xun at ju'ẍ tuj tanmi b'anix tu'n Jesús
Mateo 17.14-21; Marcos 9.14-29
37Te juntl q'ij, tej kyku'tz twi witz, nim xjal e je'tz kanul ti'j Jesús. 38Ex at jun xinaq kyxol xjal jaw sch'in, ex tma:
—Xnaq'tzal, chin kub'sale twitza tu'n tok tke'yina nk'wa'le, porke o'kx junx nk'wa'le at; 39in tzyet tu'n ju'ẍ ex minab'en in jaw sch'in k'wa'l, in tzaj tuj twitz tu'n ju'ẍ, ex in swakin tuj ttzi' tu'n, nim in k'ixb'i k'wa'l tu'n, ex peni nne'l tpa'n tib' ju'ẍ ti'j k'wa'l. 40Ex ma chin kub'sane kywitz t-xnaq'tzb'ena tu'n tetz ju'ẍ kyu'n tuj k'wa'l, pero minti' xb'ant kyu'n, chi xjal.
41Xitzun ttzaq'we'n Jesús:
—Aqeye, minti' in xi kyoksla'ne ex minti' nne'x tuj kywi'ye. ¿Jte' q'ij tu'n ntene kyuk'ile ex tu'n kyik'xe wu'ne? Q'intza tk'wa'la tzalu, chi Jesús.
42Matoq in tzaj laq'e' k'wa'l, kub' xo'n tu'n ju'ẍ, ex tzaj juntl maj tuj twitz tu'n; pero xi mayo'n ju'ẍ tu'n Jesús ex kyaj b'anix k'wa'l tu'n, ex xi tq'o'n juntl maj te tman. 43Ex kykyaqil xjal e lab'in ti'j tipumal Dios nim.
In yolin Jesús juntl maj ti'j tkamik
Mateo 17.22-23; Marcos 9.30-32
Ex in che lab'intoq xjal ti'j tkyaqilju in tb'incha'n Jesús, ex xi tma'n kye t-xnaq'tzb'en:
44—Tz'okxwit tuj kywi'ye aju yol lu; chin xel q'o'ne tuj kyq'ab' xjal, aqine sk'o'maj qine tu'n Dios tu'n ntene kyuk'il xjal.
45Pero minti' el kynik' xnaq'tzb'en ti'j ju yol lu, tu'nju na'nxtoq ttzaj yek'un kye tu'n tel kynik' ti'j; ex e xob' tu'n t-xi kyqanin ti'j ju yol lu.
Alkye mas at toklen kyxol
Mateo 18.1-5; Marcos 9.33-37
46E oktzun ten t-xnaq'tzb'en yolil ti'j, in kyma'n kyxolx alkye mas at toklen kyxol. 47Ex el tnik' Jesús ti'j ju in che ximan ti'j tuj kyanmi. Tzajtzun ti'n Jesús jun k'wa'l kub' tq'o'n ttxlaj, 48ex xi tma'n kye:
—Alkye jun xjal ma k'monte ju k'wa'l lu tu'nju at tk'ujlalil xjal wi'je, aqine in chin tk'mo'n; ex alkye jun xjal ma chin k'monjtze tu'n, ax ikx in k'monjtz Nmane tu'n, aju tzaj samante weye; porke aju mas ch'in kyxole, atzunju mas ma' toklen.
Alkye minti' in q'ojl qi'j, axtzun quk'ilju
Marcos 9.38-40
49Atzunte Juan xi tma'n te Jesús:
—Xnaq'tzal, ma qile jun xjal in ajb'en tb'iya tu'n tu'n kyetz qe ju'ẍ tuj kyanmi xjal tu'n, ex mya a jun quk'ile, kyja'tzun xi qmayo'ne, porke mya quk'ile in b'et, chi Juan.
50Xi tma'n Jesús te:
—Mi'n txi kymayo'ne; porke alkyeju minti' in q'ojl qi'j, axtzun quk'ilju.
Xi mayo'n Jacobo tuk'ix Juan tu'n Jesús
51Tej ch'ixtoq tpon tq'ijlalil tu'n taj Jesús tuj kya'j, o tkyuwsa tk'u'j tu'n t-xi' tuj Jerusalén. 52E je'x t-sama'n junjun sanjel tu'n kyxi' nej twitz, e pontzun tuj jun tal tnam kye aj Samaria tu'n tknet tposad Jesús kyu'n. 53Ex minti' k'met Jesús kyu'n aj Samaria, porke o kyil kyja' t-xi' tuj Jerusalén. 54Tej kylonte Jacobo tuk'ix Juan minti' k'met Jesús kyu'n xjal, xi kyma'n te:
—Tat, ¿tajpeya tu'n t-xi qma'ne tu'n tku'tz q'aq' twitz kya'j tu'n kynaj xjal lu, ik tza'n tb'incha Elías?
55Aj meltz'aj twitz Jesús kyuk'il, e je'x tmayo'n ex tma:
—Minti' nne'l kynik'e ti'j tza'n tten kyanmiye; 56porke minti' ma chin ule tu'n kynaj xjal, noq o'kx tu'n kyklet wu'ne, aqine sk'o'maj qine tu'n Dios tu'n ntene kyuk'il xjal.
E je'xtzun tuj juntl tnam.
O kyajb'e xjal tu'n kyok lpe' ti'j Jesús
Mateo 8.19-22
57Kyja'toq kyxi' tuj b'e, at jun xjal xi tma'n te Jesús:
—Tat, chin okel lpe'ye ti'ja noq jatum ma txi'ya.
58Atzunte Jesús xi tma'n te:
—Qe wech at kyjul, ex qe chyu'j at kyq'u'; atzun weye, minti' jatum tu'n nkub' tane, aqine sk'o'maj qine tu'n Dios tu'n ntene kyuk'il xjal, chi Jesús te.
59Ex xi tma'n Jesús te juntl xjal:
—Lpe'ka wi'je.
Atzunte xjal xi ttzaq'we'n:
—Tat, chin tyoma nej, nej kyjel nmaqu'ne nmane.
60Xi tma'n Jesús te:
—Q'onkja kye kyimni tu'n kyku'x kymaqu'n kykyimni; atzun teya, b'et-xa ex pakb'anxa ju yol ti'j tkawb'il Dios.
61Ax ikx xi tma'n juntl:
—Tat, chin okel lpe'ye ti'ja; ex chin tyoma nej, che kyjel nq'olb'e'ne qeju ate' tuj njaye.
62Ex xi tma'n Jesús te:
—Alkye jun xjal ma tzyet tqan punt tu'n ex in aj tke'yin ti'jxi, mlay tz'ajb'en tu'n taq'nan tuj tkawb'il Dios.
Currently Selected:
Lucas 9: MAMNO
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
Lucas 9
9
E je'x t-sama'n Jesús qeju kab'laj t-xnaq'tzb'en pakb'al
Mateo 10.5-15; Marcos 6.7-13
1E tzaj ttxko'n Jesús qeju kab'laj t-xnaq'tzb'en, xi tq'o'n kyipumal ex kyoklen tu'n kyetz qe ju'ẍ tuj kyanmi xjal kyu'n, ex tu'n kyb'ant qe yab' kyu'n; 2e je'x t-sama'n tu'n kypakb'an ti'j tkawb'il Dios, ex tu'n kyb'anix yab' kyu'n. 3Ex xi tma'n kye:
—Mi jun txi kyi'ne tuj kyb'eye, mi tze', mi pa, mi wab'j, mi pwaq; ex mi'n txi kyi'ne kab'e kykamiẍe. 4Ex alkye jun ja ma knet kyu'ne te kyposadiye, axtzun che posadiyile, maxitzun che ik'ele okxi kyetze tuj tnam. 5Ex alkye jun tnam jatum minti' ma che k'mete kyu'n xjal, kyetze tuj kytanmi, ex kychto'mele quq ti'j kyqane te jun yek'b'il qa mya b'a'n qe, chi Jesús kye.
6E je'xtzun, in che b'et kyuj kykyaqil tal tnam, in che pakb'an ti'j tqanil kolb'il, ex in che b'anix qe yab' kyu'n tuj tkyaqil lugar.
O jolpaje' tk'u'j Herodes ti'j Jesús
Mateo 14.1-12; Marcos 6.14-29
7O tb'i gobernador Herodes ti'j tkyaqilju in tb'incha'n Jesús; ex nim o jolpaje' tk'u'j, porke in kyma'n junjun xjal:
—Ate Juan ma jatz anq'in kyxol kyimni;
8Ex txqantl in kyma'n:
—Ma kub' tyek'un tib' Elías aju t-sanjel Dios;
Ex txqantl in kyma'n:
—Ma jaw anq'in jun kye t-sanjel Dios e ten ojtxi, che chi xjal.
9Atzunte Herodes tma:
—Ate Juan el wi'ne twi'. ¿Alkyetzun ju xjal lu in nb'i'ne in che yolin kykyaqil xjal ti'j? Chi Herodes.
Ex o tajb'e Herodes tu'n tke'yinte twitz Jesús.
Xi tq'o'n Jesús kywa jwe' mil xjal
Mateo 14.13-21; Marcos 6.30-44; Juan 6.1-14
10Tej kyajtz meltz'aj qe apostol, xi kytx'olb'a'n te Jesús tkyaqil aju kyb'incha. E je'xtzun ti'n Jesús tuk'il, el laq'e' kyi'j xjal, e je'x tuj jun tnam Betsaida tb'i. 11Ex tej kyb'inte xjal, e je'x lpe' ti'j Jesús; ex e k'met tu'n, ex xi tma'n kye ti'j tkawb'il Dios, ex in che b'ant qe yab' tu'n.
12Ex ch'ixtoq tex q'ij, e tzaj laq'e' qeju kab'laj t-xnaq'tzb'en, ex xi kyma'n te Jesús:
—Samanxa qe xjal tu'n kyxi' kyuj aldey ex tuj kyja xjal ate' niqayin, tu'n tknet kyposad ex tu'n tknet kywa; porke ato' tuj jun lugar minti' kynajb'il xjal tuj, che chi.
13Xi tma'n Jesús kye:
—Kyq'onxe kywa.
Atzun kye xi kyma'n te:
—Noq o'kx jwe' wab'j at quk'ile ex kab'e kyiẍ, o'kx qa ma qo'xe laq'ol wab'j tu'n kywa'n kykyaqil xjal lu, che chi.
14Porke b'alo jwe' miltoq xinaq. Xitzun tma'n Jesús kye t-xnaq'tzb'en:
—Kymanxe kye xjal tu'n kykub' qe' tuj tnejin te 50 junjun tnej.
15Xitzun kyma'n kye xjal, ex e kub' qe' kykyaqil xjal kyu'n. 16Jawtzun ttzyu'n Jesús aqeju jwe' wab'j kyuk'ix kab'e kyiẍ, jaw tke'yin twitz kya'j xi tq'o'n chjonte te Dios kyi'j ex e kub' tpiẍk'u'n, ex xi tq'o'n kye t-xnaq'tzb'en tu'n t-xi kysipan kye xjal. 17E wa'ntzun kykyaqil ex e b'aj noj; ex jaw kychmo'n kab'laj chi'l ttx'aqan wab'j kyaj ten.
In tchik'b'a'n Pedro qa a Jesús ju Crist, aju at toklen tu'n Dios
Mateo 16.13-19; Marcos 8.27-29
18At jun q'ij xi' Jesús na'l Dios, kyuk'ix qe t-xnaq'tzb'en e je'x tuk'il; ex xi tqanin kye:
—¿Chi tok kyu'n xjal wi'je? ¿Alkye qine, che chi xjal?
19Xi kytzaq'we'n t-xnaq'tzb'en:
—At junjun xjal in kyma'n qa aya Juan aju e b'yan xjal tu'n; ex txqantl xjal in kyma'n qa aya Elías; ex txqantl in kyma'n, ma jaw anq'in jun kye t-sanjel Dios e ten ojtxi.
20Xitzun tma'n Jesús kye:
—¿Yajtzun kyeye, alkye qine tuj kywitze?
Xi ttzaq'we'n Simón Pedro:
—Aya ju Crist ma tzaj sama'na tu'n Dios.
In yolin Jesús ti'j tkamik
Mateo 16.20-28; Marcos 8.30—9.1
21Ex xi tma'n Jesús kye ex xi tkyuwsa'nxix tu'n mi'n t-xi kyma'n jlu kye xjal. 22Ex xi tma'n kye:
—Ilxix ti'j tu'n tik'x nimku wu'ne, aqine sk'o'maj qine tu'n Dios tu'n ntene kyuk'il xjal, ex il ti'j tu'n wel ik'une kyu'n kytijil xjal, ex kyu'n nejenel kye pal ex kyu'n xnaq'tzal ti'j ley; ex tu'n nkub' b'yo'ne, ex tu'n njatz anq'ine tuj toxin q'ij, chi Jesús kye.
23Ax ikx xi tma'n kye kykyaqil:
—Qa at jun xjal tajb'il tu'n tok lpe' wi'je, xk'ayink tib' teju tex tajb'il, q'inx tcrus tkyaqil q'ij, ex lpe'k wi'je. 24Ex alkye jun xjal o'kx tok tk'u'j ti'j tu'n tten tchwinqlal twitz tx'otx', mlay tkamb'a aju chwinqlal in tzaj tq'o'n Dios; ex alkye jun xjal tq'on tib' tu'n tnaj tchwinqlal twitz tx'otx' noq tu'n nlaje, ok tkamb'a' aju chwinqlal in tzaj tq'o'n Dios. 25Ex ¿ti tajb'en te xjal qa ma tkamb'a tkyaqilju at twitz tx'otx' ex qa ma naj tu'nx tib'? 26Ex alkye ma ch'ixwi wi'je ex ti'j nyole, ax ikx weye chin jawil ch'ixwiye ti'j ok wule in chin qoptz'aje tu'n t-spik'umal Nmane ex tu'n kyspik'umal qe anjel xjan, aqine sk'o'maj qine tu'n Dios tu'n ntene kyuk'il xjal. 27Ax tok in xi nma'ne kyeye, at junjun ate' tzalu k'okel kyke'yin tkawb'il Dios na'nxtoq kykyim.
O ch'expaj tilb'ilal Jesús
Mateo 17.1-8; Marcos 9.2-8
28Otoq b'ant wajxaq q'ij tb'ajlen tma'n Jesús ju yol lu, xi uk'in Pedro tu'n Jesús tuk'ix Juan ex Jacobo, jax twi witz na'l Dios. 29Matoq in na'n Dios o ch'expaj tilb'ilal, ex puro saq ok t-xb'alun, in qoptz'aj wen. 30Ex lu kab'e xinaq kub' kyyek'un kyib' in che yolin tuk'il Jesús, atoq Moisés tuk'ix Elías; 31in che qoptz'aj wen, in che yolin ti'j tkamik Jesús, ex atzun tu'n tkyim tuj Jerusalén. 32Atzunte Pedro ex qeju ate'toq tuk'il otoq tzaj kywatl; ex el kywatl, ex o kyil t-spik'umal Jesús ex kyuk'ix qe kab'e xinaq ate'toq tuk'il. 33Ex ch'ixtoq tel kypa'n kyib' xinaq ti'j Jesús, xi tma'n Pedro te:
—Xnaq'tzal, b'a'n ax tu'n qten tzalu. E tjaw qb'incha'ne ox tal ja t-xaq tze'yin kywi': jun teya, jun te Moisés, ex jun te Elías, chi Pedro.
Pero minti' b'a'ntoq tu'n Pedro ti in tma'n. 34Matoq in yolin Pedro, tzaj jun muj, kub' ten muj kyib'aj; ex nim e xob' tej kyten tuj muj. 35Ex at jun tzaj yolin tuj muj in tma'n:
—Atzun Nk'wa'le jlu, sk'o'maj wu'ne; kyb'inxe tyol.
36Tejtzun tb'aj ju yol lu, o kyil xnaq'tzb'en tjunalxtoq Jesús at; ex minti' e q'ajt, ex minti' xi kyma'n kye xjal ti'j ju otoq kyil.
Jun ku'xun at ju'ẍ tuj tanmi b'anix tu'n Jesús
Mateo 17.14-21; Marcos 9.14-29
37Te juntl q'ij, tej kyku'tz twi witz, nim xjal e je'tz kanul ti'j Jesús. 38Ex at jun xinaq kyxol xjal jaw sch'in, ex tma:
—Xnaq'tzal, chin kub'sale twitza tu'n tok tke'yina nk'wa'le, porke o'kx junx nk'wa'le at; 39in tzyet tu'n ju'ẍ ex minab'en in jaw sch'in k'wa'l, in tzaj tuj twitz tu'n ju'ẍ, ex in swakin tuj ttzi' tu'n, nim in k'ixb'i k'wa'l tu'n, ex peni nne'l tpa'n tib' ju'ẍ ti'j k'wa'l. 40Ex ma chin kub'sane kywitz t-xnaq'tzb'ena tu'n tetz ju'ẍ kyu'n tuj k'wa'l, pero minti' xb'ant kyu'n, chi xjal.
41Xitzun ttzaq'we'n Jesús:
—Aqeye, minti' in xi kyoksla'ne ex minti' nne'x tuj kywi'ye. ¿Jte' q'ij tu'n ntene kyuk'ile ex tu'n kyik'xe wu'ne? Q'intza tk'wa'la tzalu, chi Jesús.
42Matoq in tzaj laq'e' k'wa'l, kub' xo'n tu'n ju'ẍ, ex tzaj juntl maj tuj twitz tu'n; pero xi mayo'n ju'ẍ tu'n Jesús ex kyaj b'anix k'wa'l tu'n, ex xi tq'o'n juntl maj te tman. 43Ex kykyaqil xjal e lab'in ti'j tipumal Dios nim.
In yolin Jesús juntl maj ti'j tkamik
Mateo 17.22-23; Marcos 9.30-32
Ex in che lab'intoq xjal ti'j tkyaqilju in tb'incha'n Jesús, ex xi tma'n kye t-xnaq'tzb'en:
44—Tz'okxwit tuj kywi'ye aju yol lu; chin xel q'o'ne tuj kyq'ab' xjal, aqine sk'o'maj qine tu'n Dios tu'n ntene kyuk'il xjal.
45Pero minti' el kynik' xnaq'tzb'en ti'j ju yol lu, tu'nju na'nxtoq ttzaj yek'un kye tu'n tel kynik' ti'j; ex e xob' tu'n t-xi kyqanin ti'j ju yol lu.
Alkye mas at toklen kyxol
Mateo 18.1-5; Marcos 9.33-37
46E oktzun ten t-xnaq'tzb'en yolil ti'j, in kyma'n kyxolx alkye mas at toklen kyxol. 47Ex el tnik' Jesús ti'j ju in che ximan ti'j tuj kyanmi. Tzajtzun ti'n Jesús jun k'wa'l kub' tq'o'n ttxlaj, 48ex xi tma'n kye:
—Alkye jun xjal ma k'monte ju k'wa'l lu tu'nju at tk'ujlalil xjal wi'je, aqine in chin tk'mo'n; ex alkye jun xjal ma chin k'monjtze tu'n, ax ikx in k'monjtz Nmane tu'n, aju tzaj samante weye; porke aju mas ch'in kyxole, atzunju mas ma' toklen.
Alkye minti' in q'ojl qi'j, axtzun quk'ilju
Marcos 9.38-40
49Atzunte Juan xi tma'n te Jesús:
—Xnaq'tzal, ma qile jun xjal in ajb'en tb'iya tu'n tu'n kyetz qe ju'ẍ tuj kyanmi xjal tu'n, ex mya a jun quk'ile, kyja'tzun xi qmayo'ne, porke mya quk'ile in b'et, chi Juan.
50Xi tma'n Jesús te:
—Mi'n txi kymayo'ne; porke alkyeju minti' in q'ojl qi'j, axtzun quk'ilju.
Xi mayo'n Jacobo tuk'ix Juan tu'n Jesús
51Tej ch'ixtoq tpon tq'ijlalil tu'n taj Jesús tuj kya'j, o tkyuwsa tk'u'j tu'n t-xi' tuj Jerusalén. 52E je'x t-sama'n junjun sanjel tu'n kyxi' nej twitz, e pontzun tuj jun tal tnam kye aj Samaria tu'n tknet tposad Jesús kyu'n. 53Ex minti' k'met Jesús kyu'n aj Samaria, porke o kyil kyja' t-xi' tuj Jerusalén. 54Tej kylonte Jacobo tuk'ix Juan minti' k'met Jesús kyu'n xjal, xi kyma'n te:
—Tat, ¿tajpeya tu'n t-xi qma'ne tu'n tku'tz q'aq' twitz kya'j tu'n kynaj xjal lu, ik tza'n tb'incha Elías?
55Aj meltz'aj twitz Jesús kyuk'il, e je'x tmayo'n ex tma:
—Minti' nne'l kynik'e ti'j tza'n tten kyanmiye; 56porke minti' ma chin ule tu'n kynaj xjal, noq o'kx tu'n kyklet wu'ne, aqine sk'o'maj qine tu'n Dios tu'n ntene kyuk'il xjal.
E je'xtzun tuj juntl tnam.
O kyajb'e xjal tu'n kyok lpe' ti'j Jesús
Mateo 8.19-22
57Kyja'toq kyxi' tuj b'e, at jun xjal xi tma'n te Jesús:
—Tat, chin okel lpe'ye ti'ja noq jatum ma txi'ya.
58Atzunte Jesús xi tma'n te:
—Qe wech at kyjul, ex qe chyu'j at kyq'u'; atzun weye, minti' jatum tu'n nkub' tane, aqine sk'o'maj qine tu'n Dios tu'n ntene kyuk'il xjal, chi Jesús te.
59Ex xi tma'n Jesús te juntl xjal:
—Lpe'ka wi'je.
Atzunte xjal xi ttzaq'we'n:
—Tat, chin tyoma nej, nej kyjel nmaqu'ne nmane.
60Xi tma'n Jesús te:
—Q'onkja kye kyimni tu'n kyku'x kymaqu'n kykyimni; atzun teya, b'et-xa ex pakb'anxa ju yol ti'j tkawb'il Dios.
61Ax ikx xi tma'n juntl:
—Tat, chin okel lpe'ye ti'ja; ex chin tyoma nej, che kyjel nq'olb'e'ne qeju ate' tuj njaye.
62Ex xi tma'n Jesús te:
—Alkye jun xjal ma tzyet tqan punt tu'n ex in aj tke'yin ti'jxi, mlay tz'ajb'en tu'n taq'nan tuj tkawb'il Dios.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.