JUAN 6
6
Bdee Jesúz ni güdahgü gaay mily meññ
(Mt. 14:13-21; Mr. 6:30-44; Lc. 9:10-17)
1Bylux nirieꞌ za Jesúz stiby chehsh nisdoo ni le Galilea, no zegahc leu Tiberias. 2Xtahl meññ náḻ ru za me, porni rwieꞌ yâme rtzoo me xtahl ni ngann ni rsiaḻ me meññ-gayac-ure. 3Were güyehpy Jesúz chehsh to dahñ, no gürie me uga no xmeññ me. 4Ba zidgahsh lni-Pascü, lni ni rtzoo meññ-Isṟael. 5Lóni bwieꞌ Jesúz ziaad xtahl meññ ru dxie me, ra me Felipy:
―¿Báhx‑e ssii nó ni gahgü gyre meññ-rieꞌ yahc?
6Günii me ze lehdy güieꞌ me bia ga Felipy leeme, porni ba gahc nann me bia ctzoo me. 7Were ra Felipy leeme:
―Sahc xchieñ chohp gayuu xdzé dziiñ nehx niygahlu par nzee ni ñoo to to yâme nîcze doozy.
8To lahd xmeññ me ni le Ndréz, behtzy Simoṉ-Pedr, ra me Jesúz:
9―To ñobywiñ caꞌ gaay paṉ-cebad neꞌ no chohp mbaḻ; per ¿bia dziix‑e niwé par xtahl meññ?
10Were ra Jesúz xmeññ me:
―Lâ ga gyre meññ-wé cuia yâme.
Nu xtahl guix-ngay uga ru gürie yâme, no por gyre yâme beeiy gaay mily mpyquie. 11Cuaꞌ Jesúz paṉ-caḻ yahc lo ña me, no bylux bdee me xquix Dioz, bdee meu cuaꞌ xmeññ me; no xmeññ me güdiizu, cuaꞌ meññ-dxie yahc uga. No mod-wé gahc ptzoo me no mbaḻ, güdahgü yâme glo bydzeꞌ yâme. 12No ru bylux güee yâme, ra Jesúz xmeññ:
―Lâ ctohp gyre ni biaꞌn, lehdy di gynihty mbehtyu.
13Were ptohp yâme ni biaꞌn, no bistzee yâme tzipychop dzomby de lo gaay paṉ-cebad. 14Hor-bwieꞌ meññ-caḻ yahc ni ngann ni ptzoo Jesúz, ne yâme:
―Mpyquie-rieꞌ we ulihbu profet ni nac diidz guiaad lo guiedzylie.
15Per Jesúz nann me riñlo meññ-wé yahc tziyno leeme lehdy gac me ṟeiy, nîcze nehx riuꞌladzy me. Leewe gyzac byrusytzu me, cueꞌ me dahñ tohg me.
Gazeꞌ Jesúz xtziguia nzeꞌ
(Mt. 14:22-27; Mr. 6:45-52)
16Ru ba güyuꞌ guiaal, biaht xmeññ Jesúz coo nisdoo, 17no güyuꞌ yâme leññ to barcü, za yâme gadedybish yâme nisdoo par gydzihñ yâme guiedzy-Capernaum. Ba ncawy, per Jesúz dgueññ guibyguiat me. 18Tohzy guzlo byxuu mbedun, lé rlesyu oḻ lo nisdoo ru za xmeññ Jesúz. 19Hor-za yâme ba beeiy gaay o shoꞌb kilómetr, bwieꞌ yâme gazeꞌ Jesúz xtziguia nzeꞌ, gadziñgahsh me xbarcü yâme, no bydzie yâme. 20Were ra Jesúz leeyâme:
―¡Naa we, di gydzie laꞌd!
21No were byxihly yâme ru güyuꞌ me leññ barcü, no hor-wé gahc bydzihñ yâme ru za yâme.
Gayo meññ Jesúz
22Byre guiaal, meññ-biaꞌn stiby chehsh nisdoo gunn yâme nehx nur mazy barcü uga, nunzy ni güyuꞌ xmeññ Jesúz leññ, no zau. No gunn yâme Jesúz nehx za me no xmeññ me. 23Per zrieñ barcü ni byruu ciuda-Tiberias bydzihñu gahsh de ru güdahgü yâme paṉ ru bdee Jesúz xquix Dioz. 24Ru bwieꞌ meññ-wé yahc nehx nu Jesúz uga ni xmeññ me, güyuꞌ yâme leññ barcü ni bydzihñ uga no za gahc yâme guiedzy-Capernaum, zigyo yâme Jesúz.
Jesúz, zidguiahc me beeiy paṉ ni rdee guîlmbahñ
25Hor-bydzihñ yâme stiby chehsh nisdoo, bwieꞌ yâme Jesúz, no günabdiidz yâme, ra yâme leeme:
―Muextr, ¿pór bydzihñiꞌ neꞌ?
26Ra Jesúz leeyâme:
―Gapyaꞌ laꞌd ni uli, gayo laꞌd naa, dac‑e porni bwieꞌ laꞌd ptzon ni ngann, mazyg porni güdahgü laꞌd glo bydzeꞌ laꞌd. 27Di cu ihqy laꞌd ctzoo laꞌd dziiñ lehdy gap laꞌd guîlrahgü ni rre, mazyg lâ cu ihqy laꞌd gap laꞌd ni zidguiahc beeiy guîlrahgü ni nehx zre no gdee guîlmbahñ ni nehx zluhx. Naa we Mpyquie-Pshahl Dioz Lee, no guîlragü-rieꞌ zdedyaꞌu laꞌd, porni dTadaꞌ Dioz, ba günii me ze ctzon.
28Günabdiidz yâme leeme:
―¿Bia mód ctzoo noꞌ lehdy gac mod-racladzy Dioz?
29Ra Jesúz leeyâme:
―Ni racladzy Dioz ctzoo laꞌd, gylíladzy laꞌd naa ni pshahl me lee.
30Ra yâme leeme:
―¿Bia ni ngann rtzooy, nwieꞌ noꞌ lehdy gylídadzy noꞌ lii? ¿Bluu noꞌ ni beeiy rtzooy? 31Dmeññ nó ni güyuꞌ ba xtze güdahgü yâme maná dze-güyuꞌ yâme lo yu-bihdzy, mod-ganii lo Guehtzy ru queꞌ xtiidz Dioz: “Dioz bdee leeyâme paṉ ni byruu gybaa, güdahgü yâme lee.”#6:31 Ex. 16:4, 15; Sal. 78:24
32Ra Jesúz leeyâme:
―Gapyaꞌ laꞌd ni uli, dac‑e Moiséz bdee paṉ ni byruu gybaa laꞌd, mazyg dTadaꞌ we rdee ni ulihbu paṉ ni rruu gybaa. 33Porni paṉ ni rdee Dioz, leeu we ni biaht gybaa no rdee guîlmbahñ meññ-nu lo guiedzylie.
34Ra yâme leeme:
―Señor, bdee noꞌ paṉ-wé tirgahc.
35Ra Jesúz leeyâme:
―Naa we paṉ ni rdee guîlmbahñ. Dxu ryo naa, nehx ziuꞌ dzé gylahn; no dxu rlíladzy naa, nehx ziuꞌ dzé ssaagyladzy. 36Per mod-ba ren laꞌd, nîcze ba bwieꞌ laꞌd naa, nehx rlíladzy laꞌd naa. 37Gyre meññ ni gdee dTadaꞌ lee par gac dmeññaꞌ lee, zidyo yâme naa; no meññ ni ryo naa, nehx rboon lee diby lad. 38Naa biataꞌ gybaa dac‑e par ctzon ni racdadzyaꞌ, mazyg lehdy ctzon ni racladzy dTadaꞌ ni pshahl naa. 39No dTadaꞌ ni pshahl naa, nehx racladzy me nnityaꞌ ni to meññ ni bdee me naa, mazyg racladzy me guispahñaꞌ leeyâme dze-gydibylgaa guiedzylie. 40Porni dTadaꞌ racladzy me gyre meññ ni gzaclo naa no gylíladzy naa, gap yâme guîlmbahñ ni nehx zluhx; no naa zispahñaꞌ leeyâme dze-gydibylgaa guiedzylie.
41No guzlo meññ-Isṟael galesyno yâme ni günii Jesúz, porni ne me: “Naa we paṉ ni biaht gybaa.” 42No ne yâme:
―¿Dâs‑e leeme Jesúz xiiñ José la, no rzaclo nó xtad me no xmam me? ¿Bia nacu rnii me biaht me gybaa?
43Were ra Jesúz leeyâme:
―Di gzuhl laꞌd diidz. 44Ndruhty nehx zyo naa, bâḻ dTadaꞌ ni pshahl naa di yquee riedz leeyâme; no naa zispahñaꞌ leeyâme dze-gydibylgaa guiedzylie. 45Lo guehtzy ni bzaa to de lahd profet neu: “Gyre yâme zluu Dioz lee.”#6:45 Is. 54:13 No leewe, gyre meññ ni guieññ no gyzeedy ni rluu dTadaꞌ, ridyo naa par gac dmeññaꞌ lee.
46’Dac‑e ren nu dxu ba bwieꞌ dTad nó Dioz; nunzy naa ni pshahl me, wé we ba bwieꞌ leeme. 47Gapyaꞌ laꞌd ni uli, dxu gylíladzy naa, gap guîlmbahñ ni nehx zluhx. 48Naa zidguiahc beeiy paṉ ni rdee guîlmbahñ. 49Xtadgul yahc laꞌd ni güyuꞌ ba xtze, güdahgü yâme maná dze-güyuꞌ yâme lo yu-bihdzy, no nîcze güdahgü yâmeu, guhty yâme; 50per naa ganin de ni zidguiahc beeiy paṉ ni byruu gybaa; dxu gahgü leeu, nehx znihty. 51Naa we ni zidguiahc beeiy paṉ ni rdee guîlmbahñ ni byruu gybaa; dxu gahgü paṉ-rieꞌ, gap guîlmbahñ ni nehx zluhx. No paṉ-rieꞌ ni zdedyaꞌ, dcuerpaꞌ we leeu, lehdy meññ-nu lo guiedzylie gap yâme guîlmbahñ ni nehx zluhx.
52Guzlo meññ-Isṟael galesyno yâme, no ra saꞌ yâme:
―¿Bia mód‑e ne me gdee xcuerp me gahgü nó?
53Ra Jesúz leeyâme:
―Gapyaꞌ laꞌd ni uli, naa we Mpyquie-Pshahl Dioz Lee, no bâḻ di gahgü laꞌd dcuerpaꞌ no di goo laꞌd drieñaꞌ, nehx zahp laꞌd guîlmbahñ ni nehx zluhx. 54Dxu gahgü dcuerpaꞌ no goo drieñaꞌ zahp guîlmbahñ ni nehx zluhx, no naa zispahñaꞌ lee dze-gydibylgaa guiedzylie. 55Porni dcuerpaꞌ we ni ulihbu guîlrahgü, no drieñaꞌ, leeu we ni ulihbu guîlroo. 56Dxu gahgü dcuerpaꞌ no goo drieñaꞌ, nu no naa no naa nun no lee. 57DTadaꞌ ni pshahl naa rdee me guîlmbahñ, no zegahc naa mbahñaꞌ por leeme; no mod-wé dxu gahgü de naa, gdedyaꞌ lee guîlmbahñ. 58Naa we paṉ ni biaht gybaa. Paṉ-rieꞌ dac‑e sca maná ni güdahgü xtadgul yahc laꞌd ni güyuꞌ ba xtze, no nîcze güdahgü yâmeu per guhty yâme; per dxu gahgü de paṉ-rieꞌ gap guîlmbahñ ni nehx zluhx.
59Nirieꞌ günii Jesúz guiedzy-Capernaum, hor-galuu me meññ leññ idoo.
Diidz ni rdee guîlmbahñ ni nehx zluhx
60Ru bieññ xmeññ yahc Jesúz nirieꞌ, xtahl yâme ne:
―Modni ngann ni galuu me; ¿dxu we beeiy ncaꞌ leeu?
61Jesúz naꞌ, nann me gatixcann ni günii me no xmeññ me, were ra me leeyâme:
―¿Nirieꞌ rzacnñaad laꞌd la? 62Naꞌz naꞌ, ¿bia nnii laꞌd bâḻ nwieꞌ laꞌd naa, Mpyquie-Pshahl Dioz Lee, guiasaꞌ zian gybaa sto ru güyu gahcaꞌ? 63XiSpirt Dioz‑e ni rdee guîlmbahñ ni nehx zluhx; nehx nu to meññ ni beeiy ndee leeu. No ni gayapyaꞌ laꞌd ziaadu de xiSpirt Dioz, no rdeedyu guîlmbahñ ni nehx zluhx. 64Per nu ziaꞌr lahd laꞌd ni nehx rlíladzy.
Günii Jesúz nirieꞌ porni nann me dxu nehx rlíladzy yahc leeme, no dxu gdee leeme lo ña meññ-rdziadzyno leeme. 65No ra me:
―Leewe ren laꞌd ndruhty nehx zidyo naa, bâḻ di cshahl dTadaꞌ lee.
66No glohdy dze-wé xtahl ni ba nac xmeññ me psaꞌn yâme leeme, no ba nehx ria yâme no leeme. 67Were ra Jesúz gydiby tzipychop xmeññ me:
―¿Zegahc riñlo laꞌd gyrusytzu laꞌd de naa la?
68Ra Simoṉ-Pedr leeme:
―Señor, ¿per dxu we beeiy nisnaaḻ noꞌ lee? Diidz ni runoy meññ, leeu we zidno guîlmbahñ ni nehx zluhx. 69Noꞌ ba bylídadzy noꞌ, no nann noꞌ lii we nac Crist, Xiiñ Dioz-mbahñ.
70Ra Jesúz leeyâme:
―¿Dâs‑e naa güleꞌn tzipychop laꞌd la? Luxu to lahd laꞌd nac beeiy bêndzab.
71Ru günii Jesúz ze, de Jud‑e ganii me, xiiñ Simoṉ-Iscariot; porni Jud gdee leeme lo ña meññ-rdziadzyno leeme, nîcze xmeññ gahcme lee de lo ni nac gydiby tzipychop.
Currently Selected:
JUAN 6: zpg
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
JUAN 6
6
Bdee Jesúz ni güdahgü gaay mily meññ
(Mt. 14:13-21; Mr. 6:30-44; Lc. 9:10-17)
1Bylux nirieꞌ za Jesúz stiby chehsh nisdoo ni le Galilea, no zegahc leu Tiberias. 2Xtahl meññ náḻ ru za me, porni rwieꞌ yâme rtzoo me xtahl ni ngann ni rsiaḻ me meññ-gayac-ure. 3Were güyehpy Jesúz chehsh to dahñ, no gürie me uga no xmeññ me. 4Ba zidgahsh lni-Pascü, lni ni rtzoo meññ-Isṟael. 5Lóni bwieꞌ Jesúz ziaad xtahl meññ ru dxie me, ra me Felipy:
―¿Báhx‑e ssii nó ni gahgü gyre meññ-rieꞌ yahc?
6Günii me ze lehdy güieꞌ me bia ga Felipy leeme, porni ba gahc nann me bia ctzoo me. 7Were ra Felipy leeme:
―Sahc xchieñ chohp gayuu xdzé dziiñ nehx niygahlu par nzee ni ñoo to to yâme nîcze doozy.
8To lahd xmeññ me ni le Ndréz, behtzy Simoṉ-Pedr, ra me Jesúz:
9―To ñobywiñ caꞌ gaay paṉ-cebad neꞌ no chohp mbaḻ; per ¿bia dziix‑e niwé par xtahl meññ?
10Were ra Jesúz xmeññ me:
―Lâ ga gyre meññ-wé cuia yâme.
Nu xtahl guix-ngay uga ru gürie yâme, no por gyre yâme beeiy gaay mily mpyquie. 11Cuaꞌ Jesúz paṉ-caḻ yahc lo ña me, no bylux bdee me xquix Dioz, bdee meu cuaꞌ xmeññ me; no xmeññ me güdiizu, cuaꞌ meññ-dxie yahc uga. No mod-wé gahc ptzoo me no mbaḻ, güdahgü yâme glo bydzeꞌ yâme. 12No ru bylux güee yâme, ra Jesúz xmeññ:
―Lâ ctohp gyre ni biaꞌn, lehdy di gynihty mbehtyu.
13Were ptohp yâme ni biaꞌn, no bistzee yâme tzipychop dzomby de lo gaay paṉ-cebad. 14Hor-bwieꞌ meññ-caḻ yahc ni ngann ni ptzoo Jesúz, ne yâme:
―Mpyquie-rieꞌ we ulihbu profet ni nac diidz guiaad lo guiedzylie.
15Per Jesúz nann me riñlo meññ-wé yahc tziyno leeme lehdy gac me ṟeiy, nîcze nehx riuꞌladzy me. Leewe gyzac byrusytzu me, cueꞌ me dahñ tohg me.
Gazeꞌ Jesúz xtziguia nzeꞌ
(Mt. 14:22-27; Mr. 6:45-52)
16Ru ba güyuꞌ guiaal, biaht xmeññ Jesúz coo nisdoo, 17no güyuꞌ yâme leññ to barcü, za yâme gadedybish yâme nisdoo par gydzihñ yâme guiedzy-Capernaum. Ba ncawy, per Jesúz dgueññ guibyguiat me. 18Tohzy guzlo byxuu mbedun, lé rlesyu oḻ lo nisdoo ru za xmeññ Jesúz. 19Hor-za yâme ba beeiy gaay o shoꞌb kilómetr, bwieꞌ yâme gazeꞌ Jesúz xtziguia nzeꞌ, gadziñgahsh me xbarcü yâme, no bydzie yâme. 20Were ra Jesúz leeyâme:
―¡Naa we, di gydzie laꞌd!
21No were byxihly yâme ru güyuꞌ me leññ barcü, no hor-wé gahc bydzihñ yâme ru za yâme.
Gayo meññ Jesúz
22Byre guiaal, meññ-biaꞌn stiby chehsh nisdoo gunn yâme nehx nur mazy barcü uga, nunzy ni güyuꞌ xmeññ Jesúz leññ, no zau. No gunn yâme Jesúz nehx za me no xmeññ me. 23Per zrieñ barcü ni byruu ciuda-Tiberias bydzihñu gahsh de ru güdahgü yâme paṉ ru bdee Jesúz xquix Dioz. 24Ru bwieꞌ meññ-wé yahc nehx nu Jesúz uga ni xmeññ me, güyuꞌ yâme leññ barcü ni bydzihñ uga no za gahc yâme guiedzy-Capernaum, zigyo yâme Jesúz.
Jesúz, zidguiahc me beeiy paṉ ni rdee guîlmbahñ
25Hor-bydzihñ yâme stiby chehsh nisdoo, bwieꞌ yâme Jesúz, no günabdiidz yâme, ra yâme leeme:
―Muextr, ¿pór bydzihñiꞌ neꞌ?
26Ra Jesúz leeyâme:
―Gapyaꞌ laꞌd ni uli, gayo laꞌd naa, dac‑e porni bwieꞌ laꞌd ptzon ni ngann, mazyg porni güdahgü laꞌd glo bydzeꞌ laꞌd. 27Di cu ihqy laꞌd ctzoo laꞌd dziiñ lehdy gap laꞌd guîlrahgü ni rre, mazyg lâ cu ihqy laꞌd gap laꞌd ni zidguiahc beeiy guîlrahgü ni nehx zre no gdee guîlmbahñ ni nehx zluhx. Naa we Mpyquie-Pshahl Dioz Lee, no guîlragü-rieꞌ zdedyaꞌu laꞌd, porni dTadaꞌ Dioz, ba günii me ze ctzon.
28Günabdiidz yâme leeme:
―¿Bia mód ctzoo noꞌ lehdy gac mod-racladzy Dioz?
29Ra Jesúz leeyâme:
―Ni racladzy Dioz ctzoo laꞌd, gylíladzy laꞌd naa ni pshahl me lee.
30Ra yâme leeme:
―¿Bia ni ngann rtzooy, nwieꞌ noꞌ lehdy gylídadzy noꞌ lii? ¿Bluu noꞌ ni beeiy rtzooy? 31Dmeññ nó ni güyuꞌ ba xtze güdahgü yâme maná dze-güyuꞌ yâme lo yu-bihdzy, mod-ganii lo Guehtzy ru queꞌ xtiidz Dioz: “Dioz bdee leeyâme paṉ ni byruu gybaa, güdahgü yâme lee.”#6:31 Ex. 16:4, 15; Sal. 78:24
32Ra Jesúz leeyâme:
―Gapyaꞌ laꞌd ni uli, dac‑e Moiséz bdee paṉ ni byruu gybaa laꞌd, mazyg dTadaꞌ we rdee ni ulihbu paṉ ni rruu gybaa. 33Porni paṉ ni rdee Dioz, leeu we ni biaht gybaa no rdee guîlmbahñ meññ-nu lo guiedzylie.
34Ra yâme leeme:
―Señor, bdee noꞌ paṉ-wé tirgahc.
35Ra Jesúz leeyâme:
―Naa we paṉ ni rdee guîlmbahñ. Dxu ryo naa, nehx ziuꞌ dzé gylahn; no dxu rlíladzy naa, nehx ziuꞌ dzé ssaagyladzy. 36Per mod-ba ren laꞌd, nîcze ba bwieꞌ laꞌd naa, nehx rlíladzy laꞌd naa. 37Gyre meññ ni gdee dTadaꞌ lee par gac dmeññaꞌ lee, zidyo yâme naa; no meññ ni ryo naa, nehx rboon lee diby lad. 38Naa biataꞌ gybaa dac‑e par ctzon ni racdadzyaꞌ, mazyg lehdy ctzon ni racladzy dTadaꞌ ni pshahl naa. 39No dTadaꞌ ni pshahl naa, nehx racladzy me nnityaꞌ ni to meññ ni bdee me naa, mazyg racladzy me guispahñaꞌ leeyâme dze-gydibylgaa guiedzylie. 40Porni dTadaꞌ racladzy me gyre meññ ni gzaclo naa no gylíladzy naa, gap yâme guîlmbahñ ni nehx zluhx; no naa zispahñaꞌ leeyâme dze-gydibylgaa guiedzylie.
41No guzlo meññ-Isṟael galesyno yâme ni günii Jesúz, porni ne me: “Naa we paṉ ni biaht gybaa.” 42No ne yâme:
―¿Dâs‑e leeme Jesúz xiiñ José la, no rzaclo nó xtad me no xmam me? ¿Bia nacu rnii me biaht me gybaa?
43Were ra Jesúz leeyâme:
―Di gzuhl laꞌd diidz. 44Ndruhty nehx zyo naa, bâḻ dTadaꞌ ni pshahl naa di yquee riedz leeyâme; no naa zispahñaꞌ leeyâme dze-gydibylgaa guiedzylie. 45Lo guehtzy ni bzaa to de lahd profet neu: “Gyre yâme zluu Dioz lee.”#6:45 Is. 54:13 No leewe, gyre meññ ni guieññ no gyzeedy ni rluu dTadaꞌ, ridyo naa par gac dmeññaꞌ lee.
46’Dac‑e ren nu dxu ba bwieꞌ dTad nó Dioz; nunzy naa ni pshahl me, wé we ba bwieꞌ leeme. 47Gapyaꞌ laꞌd ni uli, dxu gylíladzy naa, gap guîlmbahñ ni nehx zluhx. 48Naa zidguiahc beeiy paṉ ni rdee guîlmbahñ. 49Xtadgul yahc laꞌd ni güyuꞌ ba xtze, güdahgü yâme maná dze-güyuꞌ yâme lo yu-bihdzy, no nîcze güdahgü yâmeu, guhty yâme; 50per naa ganin de ni zidguiahc beeiy paṉ ni byruu gybaa; dxu gahgü leeu, nehx znihty. 51Naa we ni zidguiahc beeiy paṉ ni rdee guîlmbahñ ni byruu gybaa; dxu gahgü paṉ-rieꞌ, gap guîlmbahñ ni nehx zluhx. No paṉ-rieꞌ ni zdedyaꞌ, dcuerpaꞌ we leeu, lehdy meññ-nu lo guiedzylie gap yâme guîlmbahñ ni nehx zluhx.
52Guzlo meññ-Isṟael galesyno yâme, no ra saꞌ yâme:
―¿Bia mód‑e ne me gdee xcuerp me gahgü nó?
53Ra Jesúz leeyâme:
―Gapyaꞌ laꞌd ni uli, naa we Mpyquie-Pshahl Dioz Lee, no bâḻ di gahgü laꞌd dcuerpaꞌ no di goo laꞌd drieñaꞌ, nehx zahp laꞌd guîlmbahñ ni nehx zluhx. 54Dxu gahgü dcuerpaꞌ no goo drieñaꞌ zahp guîlmbahñ ni nehx zluhx, no naa zispahñaꞌ lee dze-gydibylgaa guiedzylie. 55Porni dcuerpaꞌ we ni ulihbu guîlrahgü, no drieñaꞌ, leeu we ni ulihbu guîlroo. 56Dxu gahgü dcuerpaꞌ no goo drieñaꞌ, nu no naa no naa nun no lee. 57DTadaꞌ ni pshahl naa rdee me guîlmbahñ, no zegahc naa mbahñaꞌ por leeme; no mod-wé dxu gahgü de naa, gdedyaꞌ lee guîlmbahñ. 58Naa we paṉ ni biaht gybaa. Paṉ-rieꞌ dac‑e sca maná ni güdahgü xtadgul yahc laꞌd ni güyuꞌ ba xtze, no nîcze güdahgü yâmeu per guhty yâme; per dxu gahgü de paṉ-rieꞌ gap guîlmbahñ ni nehx zluhx.
59Nirieꞌ günii Jesúz guiedzy-Capernaum, hor-galuu me meññ leññ idoo.
Diidz ni rdee guîlmbahñ ni nehx zluhx
60Ru bieññ xmeññ yahc Jesúz nirieꞌ, xtahl yâme ne:
―Modni ngann ni galuu me; ¿dxu we beeiy ncaꞌ leeu?
61Jesúz naꞌ, nann me gatixcann ni günii me no xmeññ me, were ra me leeyâme:
―¿Nirieꞌ rzacnñaad laꞌd la? 62Naꞌz naꞌ, ¿bia nnii laꞌd bâḻ nwieꞌ laꞌd naa, Mpyquie-Pshahl Dioz Lee, guiasaꞌ zian gybaa sto ru güyu gahcaꞌ? 63XiSpirt Dioz‑e ni rdee guîlmbahñ ni nehx zluhx; nehx nu to meññ ni beeiy ndee leeu. No ni gayapyaꞌ laꞌd ziaadu de xiSpirt Dioz, no rdeedyu guîlmbahñ ni nehx zluhx. 64Per nu ziaꞌr lahd laꞌd ni nehx rlíladzy.
Günii Jesúz nirieꞌ porni nann me dxu nehx rlíladzy yahc leeme, no dxu gdee leeme lo ña meññ-rdziadzyno leeme. 65No ra me:
―Leewe ren laꞌd ndruhty nehx zidyo naa, bâḻ di cshahl dTadaꞌ lee.
66No glohdy dze-wé xtahl ni ba nac xmeññ me psaꞌn yâme leeme, no ba nehx ria yâme no leeme. 67Were ra Jesúz gydiby tzipychop xmeññ me:
―¿Zegahc riñlo laꞌd gyrusytzu laꞌd de naa la?
68Ra Simoṉ-Pedr leeme:
―Señor, ¿per dxu we beeiy nisnaaḻ noꞌ lee? Diidz ni runoy meññ, leeu we zidno guîlmbahñ ni nehx zluhx. 69Noꞌ ba bylídadzy noꞌ, no nann noꞌ lii we nac Crist, Xiiñ Dioz-mbahñ.
70Ra Jesúz leeyâme:
―¿Dâs‑e naa güleꞌn tzipychop laꞌd la? Luxu to lahd laꞌd nac beeiy bêndzab.
71Ru günii Jesúz ze, de Jud‑e ganii me, xiiñ Simoṉ-Iscariot; porni Jud gdee leeme lo ña meññ-rdziadzyno leeme, nîcze xmeññ gahcme lee de lo ni nac gydiby tzipychop.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.