Lucca 4

Tentazione di Ghjesù

(Mt 4,1-11; Mc 1,12-13)

1Ghjesù pienu di Spiritu Santu vultò da u Ghjurdanu è fù purtatu da u Spiritu in lu disertu, 2duv'ellu fù messu à u provu quaranta ghjorni da u diavule. Tutti quelli ghjorni, stete senza manghjà è quand'elli funu compii i ghjorni, ebbe a fame. 3È u diavule li disse: «sì tù sè figliolu di Diu, dì à sta petra ch'ella diventi pane.» 4È Ghjesù li rispose: «hè scrittu chì l'omu ùn camparà micca solu di pane#4,4 Dt 8,3..» 5U diavule u purtede più in sù, li fece vede ind'una stonda tutti i regni di a tarra 6è li disse: «ti vogliu dà tutta issa putenza cù a so gloria parchì hè stata messa in manu à mè è à qual'ella mi pare a dò. 7Sì tù mi ti inghjinochji davanti, sarà tutta da tè.» 8Ghjesù rispose è disse: «hè scrittu:

pricarè u Signore, u to Diu

è sirvarè à ellu è basta # 4,8 Dt 6,13 . .»

9U diavule u purtede in Ghjerusaleme, u messe annantu à a cima di u tempiu è li disse: «si tù sè figliolu di Diu, lampati sottu, chì a scrittura dice:

10 cumandarà à i so anghjuli

ch'elli ti piglinu in custodia

11è:

purtaranu cù e so manu,

chì tù ùn incapucci in qualchì petra # 4,11 Lc 4,10-11; Sal 91,11-12. .»

12Ghjesù li rispose: «hè statu dettu: ùn mittarè micca à u provu u Signore u to Diu#4,12 Dt 6,16..» 13Compie tutte e so pruvature, u diavule li s'alluntanò par un tempu.

U cumenciu di a predicazione in Galilea

(Mt 4,12-17; Mc 1,14-15)

14Ghjesù vultò in Galilea cù a putenza di u Spiritu, è a so nomina fù purtata in lu circondu sanu. 15È insignava in le sinagoghe ed era vantatu da tutti.

Ghjesù ricusatu in Nazarè

(Mt 13,53-58; Mc 6,1-6)

16Andò in Nazarè duv'ellu era statu allivatu, è intrede cum'è di solitu in la sinagoga, u ghjornu di u sabbatu è s'arrizzede par leghje, 17è li fu datu u libru di u prufeta Isaia, ellu l'aprì è truvede u locu duv'ellu hè scrittu cusì:

18 U Spiritu di u Signore hè addossu à mè

par via ch'ellu mi hà sceltu,

da purtà a nutizia bona à i povari,

mi hà mandatu ad annunzià a liberazione à i prighjuneri

è à i cechi a vista,

par ch'elli sianu libarati quelli chì eranu oppressi,

19è par annuncià l'annu di grazia di u Signore#4,19 Is 61,1-2..

20Poi, avvoltu u libru, u rese à u servu è si calò à pusà, è tutti, in la sinagoga, li avianu l'ochji addossu. 21Tandu, messe à dilli: «oghje issu scrittu vene cumpiitu in lu mentre chì voi l'avete indì l'arechje.» 22È tutti li facianu tistimunianza, maravigliendusi di e parolle di grazia ch'ellu avia in bocca è dicianu: «ma què ùn hè po u figliolu di Ghjaseppu?» 23Ghjesù li disse: «di sicuru chì voi m'ate da mintuvà issu pruverbiu: “o medicu, cura ti da par tè;” tuttu ciò chì noi avemu intesu dì chì tù feci in Cafarnau, fà la quì, in lu to paese!» 24È disse: «da veru, a vi dicu, nisun' prufeta hè ricivutu bè in li so lochi. 25A vi dicu, ci eranu parechje veduve in Israele, à i ghjorni d'Alia, quand'ellu vense chjosu u cele trè anni è sei mesi, è ch'ella fù fame nera in lu paese sanu#4,25 Vede 1 Rè 17,8-16. 26è puru à nisuna d'elle fù mandatu Alia, fora di una donna veduva in Sarepta, in li lochi di Sidone#4,26 Vede 1 Rè 17,1.. 27Ed eranu parechji, dinò, i liparosi, in Israele, à i ghjorni di u prufeta Aliseu, è puru, nisunu d'elli fù purificatu, fora di Naimanu u Sirianu#4,27 Vede 2 Rè 5,1-14..» 28Sintendu quessa, in la sinagoga, funu tutti pigliati di rabbia, 29si pisonu, u caccionu fora da a cità è u purtonu sinu à una elpa di a muntagna duv'ella era custrutta a so cità, par lampallu sottu. 30Ma ellu, li passede à mezu è si ne andò.

L'omu cù u spiritu impuru

(Mc 1,21-28)

31Falede in Cafarnau, cità di a Galilea, è insignava u ghjornu di u sabbatu; 32è si maravigliavanu di u so insignamentu, chì parlava cun autorità. 33È in la sinagoga, ci era un omu chì avia un spiritu di dimoniu impuru, è chì gridò à alta voce: 34«eh! Chì ci ai cùn noi, o Ghjesù Nazarenu? Sè vinutu à stirpacci? A sò qual'ì tu sè: u Santu di Diu.» 35Ghjesù u litticò, dicendu: «stà zittu è esci da st'omu.» U dimoniu lampede l'omu à mezu è iscì senza falli male. 36Tutti si firmonu à bocca aparta è, trà di elli, dicianu: «chì sarà sta parolla chì cumanda à i spiriti impuri cù a forza è a putenza, è elli escenu?» 37È a so nomina andava sparta in lu circondu sanu.

Ghjesù guarisce parechje parsone

(Mt 8,14-17; Mc 1,28-34)

38À l'esce da a sinagoga, andede in casa di Simone. A sociara di Simone era acciaccata da a frebba è li dumandedinu di succorrela. 39Ellu li si inchjinò sopra, litticò a frebba è a frebba lasciò a donna. Quella s'arrizzede subitu è messe à serveli. 40Ciuttatu ch'ellu fù u sole#4,40 Vede Mc 1,32 è a nota., tutti quelli chì avianu malati di qualsiasi malatia i li purtedinu. È ellu impunì e manu à ognunu, è i guarì. 41È da parechji, iscianu ancu i dimonii chì briunavanu è dicianu: «tù sè u figliolu di Diu.» Ma ellu i litticava è ùn li lasciava parlà, chì a sapianu ch'ellu era u Cristu. 42Toccu u fà di u ghjornu, iscì è andede ind'un locu scantatu. È a ghjente u circava è ghjunse duv'ellu era, è u vulianu ritene, ch'ellu ùn si ne andessi. 43Ma li disse: «mi tocca dinò ad annuncià a nutizia bona di u Regnu di Diu à l'altre cità, chì apposta sò statu mandatu.» 44È pridicava in le sinagoghe di a Ghjudea#4,44 A Ghjudea: certi manuscritti anu a Galilea..

Currently Selected:

Lucca 4: 4EvCors

Highlight

Copy