Mbombo tsa Vapositili 17
17
Ɨholo ɨmbaha mu vʉtsenge ʉwa Tesalonike
1ɄPaulo nʉ Sila vaalʉtɨngʼiinie mu vʉtsenge wa Amufipoli, nʉ wa Apoloniya, vakasika kʉ vʉtsenge wa Tesalonike, apoonu ʉpwʉ lyalepwo ɨlisinagogi lya Vayahudi. 2Ndʉwʉ lwale lwiho lwa mwene ʉkwingila mu masinagogi, ʉPaulo akiingila mu lisinagogi ɨlyo. Ɨkahʉmɨla ndee, mu Sabato idatu itsyakongiine akava ikwandɨngʼana na vaanu ikulongwi tsa Vʉvɨge ʉVʉvalatse. 3Alɨkʉvalʉngɨkɨla nʉ kʉvavonia mu vʉvɨge ʉwa ikulongwi itsivonia ʉkʉta waale wɨgane wa Ngʉlʉve ʉkʉta ʉKɨlɨsiti akʉvɨlwe nʉ kʉtsʉʉka mu vaswe, nʉ kʉta ʉYɨɨsʉ ʉvɨ ʉmwene ikʉndʉmbɨlɨla vɨ Kɨlɨsiti. 4Amamenyu ga Paulo aga vakagɨɨdɨka avaanu vaninie mu Vayahudi. Naveene avaanu vongosu avatava Vayahudi avaale vɨɨdɨki va mpelela gwa Kɨyahudi, paninie na vadala vongosu avɨɨmɨkiwa, vakɨɨdɨka itsyatsovaga ʉPaulo, vakɨhanza paninie nʉ Paulo nʉ Sila.
5Lɨno aVayahudi avange avaabeelile ʉkwɨdɨka amamenyu ga Paulo, vakava nɨ kɨsilaani. Vakalʉta kʉ soko, vakavasunda avaanu avaviivi. Avaanu avo vakalʉndamania ɨlipʉga lya vaanu, vakatiligania ʉvʉtsenge wooni. Vakalʉta vakiingila kʉ maka mu nyumba jya Yasoni kukʉndonda ʉPaulo nʉ Sila, pakʉta vavahɨlɨke vakaagane na vaanu va vʉtsenge. 6Wʉ navavaweeni, vakamwibata ʉYasoni jyʉmwene paninie na vɨɨdɨki vaninie, vakavahɨlɨka kʉ ngagasi ʉkʉtsisika kʉ vanzagɨla va vʉtsenge, kʉnʉ vikwoveela viita, “Avaanu ʉwʉ vanangile isilikali tsa silʉnga isinge syoni, lɨno viitsile na baaha apa, valɨ mu vʉtsenge wiitu, 7nʉ Yasoni ʉjʉ avʉʉpɨlye mu nyumba jya mwene. Avaanu vooni avo vibeda indagɨlo itsʉ ʉnkʉlʉdeeva ʉKaisali#17:7 ɄKaisali Ʉvʉganulu wa limenyu Kaisali lola kʉ lʉtʉngʉ lwa mamenyu amahenza agalɨ kʉ vʉmalɨlo wa kɨtabu ɨkɨ. atsivɨɨkile viita, kwale ʉnkʉlʉdeeva ʉjyʉnge ʉvɨ itambʉlwa vɨ Yɨɨsʉ.” 8Mu kʉtsova ndavʉle, vakavakenyemula avanzagɨla va vʉtsenge ʉwa paninie nɨ lipʉga lya vaanu ɨlyo. 9Pwʉ avanzagɨla avo vakavavʉʉla ʉYasoni na vanine ʉkʉta vahʉmye indalama tsa kʉvapɨngɨkɨla, kʉmbele vakavatavʉla vavuje kʉ myavaavo.
ɄPaulo nʉ Sila valɨ kʉ Beloya
10Ɨngʼiisi wʉ jingye, avɨɨdɨki vakavapavɨla ʉPaulo nʉ Sila ʉkʉta vahege ngʼaningʼaani, valʉte kʉ vʉtsenge wa kʉ Beloya. Wʉ vasiike ʉkʉ, vakiingila mu lisinagogi lya Vayahudi. 11AVayahudi avo vaale vanya lwʉtsi ʉkʉmanyila ikulongwi tsa Ngʉlʉve ʉkʉlʉtɨɨlɨla aVayahudi va kʉ Tesalonike. Wʉ ʉPaulo alʉmbɨlye ikulongwi tsa Ntwa ʉYɨɨsʉ, vakʉʉpɨlɨla kʉ numbula jyoni. Isigono syoni vakagendelela ʉkwɨmba ʉVʉvɨge ʉVʉvalatse, pakʉta voolele vʉnonu amamenyu ʉgwʉ ʉPaulo aatsovaga nda lweli. 12Kʉ vʉmalɨlo, avaanu vongosu mu Vayahudi avo vakamwɨdɨka ʉYɨɨsʉ, paninie na vaanu avatava Vayahudi vongosu vongosu, avagoosi na vadala avaale vɨɨmɨkiwa. 13Napeene, aVayahudi va kʉ Tesalonike, vaavye valʉmanyile ʉkʉta ʉPaulo alɨkulʉmbɨlɨla ɨlimenyu lya Ngʉlʉve nakʉ kʉ Beloya, nakwene vakalʉta, vakasongeeletsa ɨkɨpʉga kya vaanu, avo vakapela ɨholo ɨmbaha. 14Avɨɨdɨki va kʉ Beloya, wʉ vikʉgavona ago, vakanʼdomeeletsa ʉPaulo, vakammɨlɨka ngʼaningʼaani ʉlʉvasu lwa kʉ nyanza. ɄSila nʉ Timoti vakasigala kʉ Beloya. 15Valya avaalʉtile kukʉnʼdomeeletsa ʉPaulo vakansikitsa kʉ vʉtsenge wa Atene. Wʉ vikilivuka, ʉPaulo akavasuungʼa nɨ kulongwi jya kʉvahɨlɨkɨla ʉTimoti nʉ Sila ʉkʉta valeke ʉkʉsuvalɨla, vankonge ngʼaningʼaani.
ɄPaulo itsova na vaanu va kʉ Atene
16Ʉnsɨkɨ ʉPaulo alɨ mu vʉtsenge ʉwa Atene, wʉ ikʉvapʉlɨkɨla ʉTimoti nʉ Sila ʉkʉsika kʉ Atene, aavʉweene ʉvʉtsenge ʉmwʉ vʉdɨgye isihwani sya mingʉlʉve. Wʉ ikʉtsivona itso, akalemala siitso mu numbula. 17Pwʉ alɨkwingila mu lisinagogi, alɨkʉtsova nʉ kwandɨngʼana na Vayahudi na Vayunaani ʉwʉ vɨɨdɨkaga ʉmpelela gwa Kɨyahudi. Ikange isigono syoni, alɨkʉtsova nʉ kwandɨngʼana pavʉvalasu na vaanu ʉwʉ aaganilaga navo mu sokoni.
18Avamanyi vaninie avaatambʉlwagwa Vaepikuleo#17:18 Vaepikuleo Avaanu ava vaateetsaga ɨkɨɨnu ɨkɨnonu mu wʉʉmi wa muunu kwʉ kwɨhovosa ni tsa mu kɨlʉnga, ikange navaanogwagwe ʉvʉkʉvɨlwa. Navɨɨdɨkage isitsaago sya mingʉlʉve gya Kɨyunaani. na Vasitoiki,#17:18 Vasitoiki Avaanu ava vaavɨkɨlaga ʉntɨma galya agikʉmwitsila ʉmuunu mu wʉʉmi wa mwene. Valɨkʉta ʉwa wʉ vʉnogwe wa Ngʉlʉve. Vaabeelaga imanyiiso tsa kwɨhovosa ni siinu sya mu kɨlʉnga, apeene vaateetsaga ʉmuunu anogye atsilekage itsa vʉnogwe wa mmana. Akongage ʉlʉgendo ʉlʉnonu. naveene valɨkʉkaningʼana nʉ Paulo. Vaninie vakata, “Inogwa ʉkʉtsova kɨki ʉnya lʉpwato ʉjʉ?” Avange vakata, “Jivonia ʉkʉta itsova ikulongwi tsa mingʉlʉve gya silʉnga isinge.” Vaatsovile ewo, ʉlwakʉva ʉPaulo aavalʉmbɨlɨlaga ɨLivangɨli lya Yɨɨsʉ, nʉ kʉtsʉʉka kwa mwene. 19Pwʉ avamanyi avo vakammɨlɨka ʉPaulo kʉ lʉlʉndamano lya vamanyi ʉlwɨlangwagwa Aleopago. Avavaha va lʉlʉndamano vakambʉʉla vakata, “Tʉvʉʉle najyʉwe imanyiiso iimya itso itsʉ vukʉvamanyiisa avaanu. 20Tʉpʉliike ʉkʉta manyiiso mya. Lɨno tunogwa ʉtʉganulile pakʉta tʉtsimanye imanyiiso itso.” 21(Vaatsovile ewo, ʉlwakʉva avaanu va kʉ Atene, paninie na vahenza va kʉvʉtale ʉwʉ vaataamaga ʉkʉ, vaanogwagwa kwene ʉkʉpʉlɨhɨtsa ikulongwi iimya, nʉ kʉtsitsova.)
22ɄPaulo akɨɨma mu lʉlʉndamano lʉlya lwa Aleopago, akata, “Mwe vagoosi vaapa pa Atene, ndivona ʉkʉta mwibiite siitso ikulongwi tsyoni tsa mpelela. 23Wʉ nditsʉngʉtɨla mu vʉtsenge ʉvʉ, ndɨsiweene isiteekelelo sya mingʉlʉve giinyo. Ndɨkɨweene nɨ kɨteekelelo kya kʉhʉmɨhɨtsa ineekelo ɨkɨvɨgilwe amamenyu agiita, kwa ngʉlʉve ʉvɨ nimanyikika. Ʉjwa ʉNgʉlʉve ʉvɨ mukɨsaja kʉ mwene kɨtsila kʉmmanya, vɨ ndilʉmbɨlɨla kwanyie.
24“ɄNgʉlʉve ʉjwa vɨ Ntwa va kʉkyanya na paasi, vɨ aapelile ɨkɨlʉnga, ni siinu syoni isilɨ mu kyene. Ʉmwene nitaama mu vʉtaamo ʉvʉtsengilwe ni sivoko sya vaanu. 25Nivombelwa na vaanu ʉta ilonda kɨɨnu kʉ veene. Ʉmwene vɨ ikʉvapa avaanu vooni ʉwʉʉmi nʉ mwʉja gwa kʉkeeka, ikange vɨ ikʉvapa isiinu syoni. 26Vɨ aapelile isivʉmbʉkʉ isivaha syoni sya vaanu ʉkʉhʉma ʉmuunu mpamato, nʉ kʉvapelela vahambe mu kɨlʉnga kyoni. Ʉkʉhʉma katale ʉmwene aalamwe ɨkɨvʉmbʉkʉ nɨ kɨvʉmbʉkʉ sitaamaga nsɨkɨ muki ikange sitaamaga ndapi. 27ɄNgʉlʉve ʉjwa aavombile ago gooni, pakʉta avaanu viitse vandondage, ipange vaale vikʉmmanya kʉ nzɨla ɨjyo jya kwabaasa kwabaasa. Ndajɨve ewo, nalɨkʉtale nʉ muunu ʉvaveetsaga, 28‘Manya mu mwene mwʉ tutaama nʉ kʉtsʉngʉʉla nʉ kʉgendelela ʉkʉva vʉʉmi.’ Ndʉwʉ vaninie mu vavɨgi viinyo va nyɨmbo vaatye, ‘Ʉwe tʉlɨ vaana vaako.’
29“Lɨno, ʉlwakʉva ʉwe tʉlɨ vaana va Ngʉlʉve, tʉleke ʉkʉsaaga ʉkʉta ʉvʉngʉlʉve wa mwene vʉhwaniine ni sihwani isyʉ vinotsa ʉkʉhʉma mu sahabu, evo mu ndalama, evo ʉkʉhʉma mu maganga. Isihwani isyo sinotsiwa kʉ vʉmangʼanyi wa vaanu weene. 30Kʉnsana ʉkwa, ʉnsɨkɨ ʉpwʉ avaanu vaavombaga ago mu vʉtsimu, ʉNgʉlʉve ɨɨpelile ʉta nilola. Lɨno ikʉvalagɨla avaanu vooni va mbasu tsyoni ʉkʉta vapele imbiivi, 31manya avɨɨkile ɨkɨgono ɨkyʉ ʉmuunu ʉvɨ amwomwe#17:31 Ʉmuunu ʉvɨ amwomwe Ʉmuunu ʉvɨ itsowa apa ʉkʉta ʉNgʉlʉve amwomwe vɨ Yɨɨsʉ. alavahɨga mu wajɨlweli avaanu vooni. Isiinu isyo ʉNgʉlʉve avoniitse pavʉvalasu pa vaanu vooni, kʉ nzɨla jya kʉntsʉʉsa ʉmuunu ʉjwa ʉkʉhʉma kʉ vaswe.”
32Avavaha avo, wʉ vapʉliike ʉPaulo itsova ikulongwi tsa kʉtsʉʉka kwa vaswe, avange vakatengʉla ʉkʉmʼbeda. Napeene, avange vakambʉʉla vakata, “Tunogwa ʉkʉpʉlɨhɨtsa ikange ikulongwi itso.” 33Pwʉ ʉPaulo akahʉma mu lʉlʉndamano akavaleka. 34Avaanu vaninie vakamwɨdɨka ʉNtwa ʉYɨɨsʉ, vakatengʉla ʉkʉnkonga ʉPaulo. Mwavo aalemwo ʉDionisiyo, ʉva mu lʉlʉndamano lwa Aleopago, nʉ nʼdala mpamato, ɨlitaawa lya mwene vɨ Damali, paninie na vaanu avange.
Currently Selected:
Mbombo tsa Vapositili 17: zga
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
Mbombo tsa Vapositili 17
17
Ɨholo ɨmbaha mu vʉtsenge ʉwa Tesalonike
1ɄPaulo nʉ Sila vaalʉtɨngʼiinie mu vʉtsenge wa Amufipoli, nʉ wa Apoloniya, vakasika kʉ vʉtsenge wa Tesalonike, apoonu ʉpwʉ lyalepwo ɨlisinagogi lya Vayahudi. 2Ndʉwʉ lwale lwiho lwa mwene ʉkwingila mu masinagogi, ʉPaulo akiingila mu lisinagogi ɨlyo. Ɨkahʉmɨla ndee, mu Sabato idatu itsyakongiine akava ikwandɨngʼana na vaanu ikulongwi tsa Vʉvɨge ʉVʉvalatse. 3Alɨkʉvalʉngɨkɨla nʉ kʉvavonia mu vʉvɨge ʉwa ikulongwi itsivonia ʉkʉta waale wɨgane wa Ngʉlʉve ʉkʉta ʉKɨlɨsiti akʉvɨlwe nʉ kʉtsʉʉka mu vaswe, nʉ kʉta ʉYɨɨsʉ ʉvɨ ʉmwene ikʉndʉmbɨlɨla vɨ Kɨlɨsiti. 4Amamenyu ga Paulo aga vakagɨɨdɨka avaanu vaninie mu Vayahudi. Naveene avaanu vongosu avatava Vayahudi avaale vɨɨdɨki va mpelela gwa Kɨyahudi, paninie na vadala vongosu avɨɨmɨkiwa, vakɨɨdɨka itsyatsovaga ʉPaulo, vakɨhanza paninie nʉ Paulo nʉ Sila.
5Lɨno aVayahudi avange avaabeelile ʉkwɨdɨka amamenyu ga Paulo, vakava nɨ kɨsilaani. Vakalʉta kʉ soko, vakavasunda avaanu avaviivi. Avaanu avo vakalʉndamania ɨlipʉga lya vaanu, vakatiligania ʉvʉtsenge wooni. Vakalʉta vakiingila kʉ maka mu nyumba jya Yasoni kukʉndonda ʉPaulo nʉ Sila, pakʉta vavahɨlɨke vakaagane na vaanu va vʉtsenge. 6Wʉ navavaweeni, vakamwibata ʉYasoni jyʉmwene paninie na vɨɨdɨki vaninie, vakavahɨlɨka kʉ ngagasi ʉkʉtsisika kʉ vanzagɨla va vʉtsenge, kʉnʉ vikwoveela viita, “Avaanu ʉwʉ vanangile isilikali tsa silʉnga isinge syoni, lɨno viitsile na baaha apa, valɨ mu vʉtsenge wiitu, 7nʉ Yasoni ʉjʉ avʉʉpɨlye mu nyumba jya mwene. Avaanu vooni avo vibeda indagɨlo itsʉ ʉnkʉlʉdeeva ʉKaisali#17:7 ɄKaisali Ʉvʉganulu wa limenyu Kaisali lola kʉ lʉtʉngʉ lwa mamenyu amahenza agalɨ kʉ vʉmalɨlo wa kɨtabu ɨkɨ. atsivɨɨkile viita, kwale ʉnkʉlʉdeeva ʉjyʉnge ʉvɨ itambʉlwa vɨ Yɨɨsʉ.” 8Mu kʉtsova ndavʉle, vakavakenyemula avanzagɨla va vʉtsenge ʉwa paninie nɨ lipʉga lya vaanu ɨlyo. 9Pwʉ avanzagɨla avo vakavavʉʉla ʉYasoni na vanine ʉkʉta vahʉmye indalama tsa kʉvapɨngɨkɨla, kʉmbele vakavatavʉla vavuje kʉ myavaavo.
ɄPaulo nʉ Sila valɨ kʉ Beloya
10Ɨngʼiisi wʉ jingye, avɨɨdɨki vakavapavɨla ʉPaulo nʉ Sila ʉkʉta vahege ngʼaningʼaani, valʉte kʉ vʉtsenge wa kʉ Beloya. Wʉ vasiike ʉkʉ, vakiingila mu lisinagogi lya Vayahudi. 11AVayahudi avo vaale vanya lwʉtsi ʉkʉmanyila ikulongwi tsa Ngʉlʉve ʉkʉlʉtɨɨlɨla aVayahudi va kʉ Tesalonike. Wʉ ʉPaulo alʉmbɨlye ikulongwi tsa Ntwa ʉYɨɨsʉ, vakʉʉpɨlɨla kʉ numbula jyoni. Isigono syoni vakagendelela ʉkwɨmba ʉVʉvɨge ʉVʉvalatse, pakʉta voolele vʉnonu amamenyu ʉgwʉ ʉPaulo aatsovaga nda lweli. 12Kʉ vʉmalɨlo, avaanu vongosu mu Vayahudi avo vakamwɨdɨka ʉYɨɨsʉ, paninie na vaanu avatava Vayahudi vongosu vongosu, avagoosi na vadala avaale vɨɨmɨkiwa. 13Napeene, aVayahudi va kʉ Tesalonike, vaavye valʉmanyile ʉkʉta ʉPaulo alɨkulʉmbɨlɨla ɨlimenyu lya Ngʉlʉve nakʉ kʉ Beloya, nakwene vakalʉta, vakasongeeletsa ɨkɨpʉga kya vaanu, avo vakapela ɨholo ɨmbaha. 14Avɨɨdɨki va kʉ Beloya, wʉ vikʉgavona ago, vakanʼdomeeletsa ʉPaulo, vakammɨlɨka ngʼaningʼaani ʉlʉvasu lwa kʉ nyanza. ɄSila nʉ Timoti vakasigala kʉ Beloya. 15Valya avaalʉtile kukʉnʼdomeeletsa ʉPaulo vakansikitsa kʉ vʉtsenge wa Atene. Wʉ vikilivuka, ʉPaulo akavasuungʼa nɨ kulongwi jya kʉvahɨlɨkɨla ʉTimoti nʉ Sila ʉkʉta valeke ʉkʉsuvalɨla, vankonge ngʼaningʼaani.
ɄPaulo itsova na vaanu va kʉ Atene
16Ʉnsɨkɨ ʉPaulo alɨ mu vʉtsenge ʉwa Atene, wʉ ikʉvapʉlɨkɨla ʉTimoti nʉ Sila ʉkʉsika kʉ Atene, aavʉweene ʉvʉtsenge ʉmwʉ vʉdɨgye isihwani sya mingʉlʉve. Wʉ ikʉtsivona itso, akalemala siitso mu numbula. 17Pwʉ alɨkwingila mu lisinagogi, alɨkʉtsova nʉ kwandɨngʼana na Vayahudi na Vayunaani ʉwʉ vɨɨdɨkaga ʉmpelela gwa Kɨyahudi. Ikange isigono syoni, alɨkʉtsova nʉ kwandɨngʼana pavʉvalasu na vaanu ʉwʉ aaganilaga navo mu sokoni.
18Avamanyi vaninie avaatambʉlwagwa Vaepikuleo#17:18 Vaepikuleo Avaanu ava vaateetsaga ɨkɨɨnu ɨkɨnonu mu wʉʉmi wa muunu kwʉ kwɨhovosa ni tsa mu kɨlʉnga, ikange navaanogwagwe ʉvʉkʉvɨlwa. Navɨɨdɨkage isitsaago sya mingʉlʉve gya Kɨyunaani. na Vasitoiki,#17:18 Vasitoiki Avaanu ava vaavɨkɨlaga ʉntɨma galya agikʉmwitsila ʉmuunu mu wʉʉmi wa mwene. Valɨkʉta ʉwa wʉ vʉnogwe wa Ngʉlʉve. Vaabeelaga imanyiiso tsa kwɨhovosa ni siinu sya mu kɨlʉnga, apeene vaateetsaga ʉmuunu anogye atsilekage itsa vʉnogwe wa mmana. Akongage ʉlʉgendo ʉlʉnonu. naveene valɨkʉkaningʼana nʉ Paulo. Vaninie vakata, “Inogwa ʉkʉtsova kɨki ʉnya lʉpwato ʉjʉ?” Avange vakata, “Jivonia ʉkʉta itsova ikulongwi tsa mingʉlʉve gya silʉnga isinge.” Vaatsovile ewo, ʉlwakʉva ʉPaulo aavalʉmbɨlɨlaga ɨLivangɨli lya Yɨɨsʉ, nʉ kʉtsʉʉka kwa mwene. 19Pwʉ avamanyi avo vakammɨlɨka ʉPaulo kʉ lʉlʉndamano lya vamanyi ʉlwɨlangwagwa Aleopago. Avavaha va lʉlʉndamano vakambʉʉla vakata, “Tʉvʉʉle najyʉwe imanyiiso iimya itso itsʉ vukʉvamanyiisa avaanu. 20Tʉpʉliike ʉkʉta manyiiso mya. Lɨno tunogwa ʉtʉganulile pakʉta tʉtsimanye imanyiiso itso.” 21(Vaatsovile ewo, ʉlwakʉva avaanu va kʉ Atene, paninie na vahenza va kʉvʉtale ʉwʉ vaataamaga ʉkʉ, vaanogwagwa kwene ʉkʉpʉlɨhɨtsa ikulongwi iimya, nʉ kʉtsitsova.)
22ɄPaulo akɨɨma mu lʉlʉndamano lʉlya lwa Aleopago, akata, “Mwe vagoosi vaapa pa Atene, ndivona ʉkʉta mwibiite siitso ikulongwi tsyoni tsa mpelela. 23Wʉ nditsʉngʉtɨla mu vʉtsenge ʉvʉ, ndɨsiweene isiteekelelo sya mingʉlʉve giinyo. Ndɨkɨweene nɨ kɨteekelelo kya kʉhʉmɨhɨtsa ineekelo ɨkɨvɨgilwe amamenyu agiita, kwa ngʉlʉve ʉvɨ nimanyikika. Ʉjwa ʉNgʉlʉve ʉvɨ mukɨsaja kʉ mwene kɨtsila kʉmmanya, vɨ ndilʉmbɨlɨla kwanyie.
24“ɄNgʉlʉve ʉjwa vɨ Ntwa va kʉkyanya na paasi, vɨ aapelile ɨkɨlʉnga, ni siinu syoni isilɨ mu kyene. Ʉmwene nitaama mu vʉtaamo ʉvʉtsengilwe ni sivoko sya vaanu. 25Nivombelwa na vaanu ʉta ilonda kɨɨnu kʉ veene. Ʉmwene vɨ ikʉvapa avaanu vooni ʉwʉʉmi nʉ mwʉja gwa kʉkeeka, ikange vɨ ikʉvapa isiinu syoni. 26Vɨ aapelile isivʉmbʉkʉ isivaha syoni sya vaanu ʉkʉhʉma ʉmuunu mpamato, nʉ kʉvapelela vahambe mu kɨlʉnga kyoni. Ʉkʉhʉma katale ʉmwene aalamwe ɨkɨvʉmbʉkʉ nɨ kɨvʉmbʉkʉ sitaamaga nsɨkɨ muki ikange sitaamaga ndapi. 27ɄNgʉlʉve ʉjwa aavombile ago gooni, pakʉta avaanu viitse vandondage, ipange vaale vikʉmmanya kʉ nzɨla ɨjyo jya kwabaasa kwabaasa. Ndajɨve ewo, nalɨkʉtale nʉ muunu ʉvaveetsaga, 28‘Manya mu mwene mwʉ tutaama nʉ kʉtsʉngʉʉla nʉ kʉgendelela ʉkʉva vʉʉmi.’ Ndʉwʉ vaninie mu vavɨgi viinyo va nyɨmbo vaatye, ‘Ʉwe tʉlɨ vaana vaako.’
29“Lɨno, ʉlwakʉva ʉwe tʉlɨ vaana va Ngʉlʉve, tʉleke ʉkʉsaaga ʉkʉta ʉvʉngʉlʉve wa mwene vʉhwaniine ni sihwani isyʉ vinotsa ʉkʉhʉma mu sahabu, evo mu ndalama, evo ʉkʉhʉma mu maganga. Isihwani isyo sinotsiwa kʉ vʉmangʼanyi wa vaanu weene. 30Kʉnsana ʉkwa, ʉnsɨkɨ ʉpwʉ avaanu vaavombaga ago mu vʉtsimu, ʉNgʉlʉve ɨɨpelile ʉta nilola. Lɨno ikʉvalagɨla avaanu vooni va mbasu tsyoni ʉkʉta vapele imbiivi, 31manya avɨɨkile ɨkɨgono ɨkyʉ ʉmuunu ʉvɨ amwomwe#17:31 Ʉmuunu ʉvɨ amwomwe Ʉmuunu ʉvɨ itsowa apa ʉkʉta ʉNgʉlʉve amwomwe vɨ Yɨɨsʉ. alavahɨga mu wajɨlweli avaanu vooni. Isiinu isyo ʉNgʉlʉve avoniitse pavʉvalasu pa vaanu vooni, kʉ nzɨla jya kʉntsʉʉsa ʉmuunu ʉjwa ʉkʉhʉma kʉ vaswe.”
32Avavaha avo, wʉ vapʉliike ʉPaulo itsova ikulongwi tsa kʉtsʉʉka kwa vaswe, avange vakatengʉla ʉkʉmʼbeda. Napeene, avange vakambʉʉla vakata, “Tunogwa ʉkʉpʉlɨhɨtsa ikange ikulongwi itso.” 33Pwʉ ʉPaulo akahʉma mu lʉlʉndamano akavaleka. 34Avaanu vaninie vakamwɨdɨka ʉNtwa ʉYɨɨsʉ, vakatengʉla ʉkʉnkonga ʉPaulo. Mwavo aalemwo ʉDionisiyo, ʉva mu lʉlʉndamano lwa Aleopago, nʉ nʼdala mpamato, ɨlitaawa lya mwene vɨ Damali, paninie na vaanu avange.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.