Mbombo tsa Vapositili 7
7
ɄSitefano ikwoleletsa itsyavombiike mu kɨvʉmbʉkʉ kya Vaisilahɨli
1Pwʉ ʉnteeketsi ʉmbaha akambʉʉtsa ʉSitefano akata, “Ndeeti, itsi tsyoni itsʉ vatsovile, wʉ tsilɨwo?” 2ɄSitefano akaanda akata, “Ʉnyie valʉkololwango na nyɨ vadaada vango, ndidoova mummʉlɨhɨtse! ɄNgʉlʉve va wɨɨmɨkiwa aambonekye ʉkʉkʉjiitu ʉAbulahamu mu kɨlʉnga kya Mesopotamiya, wʉ akaanale ʉkʉhaamila kʉ vʉtsenge wa kʉ Halani. 3ɄNgʉlʉve akambʉʉla akata, ‘Ʉhege mu kɨlʉnga kyako, ʉvaleke ʉmwa avalʉkololwo, wiitsage kʉ kɨlʉnga ɨkyʉ jʉndikʉkʉvonia.’#Vʉtengʉlɨlo 12:1 4Pwʉ ʉAbulahamu akahega mu kɨlʉnga kya mwene kya Kaludayo, akalʉta alɨkʉtaama mu Halani. Wʉ ʉdadaaje asue, ʉNgʉlʉve akammaamya, akiitsa akambɨɨka mu kɨlʉnga ɨkɨ ɨkyʉ najyʉnyie mutaama ʉnsɨkɨ ʉgʉ.
5“Lɨno, mu kɨlʉnga ɨkɨ, ʉNgʉlʉve naampe ʉAbulahamu ɨkɨlɨmɨla nɨ kɨdebe, ʉkʉta kɨveetsage kya mwene. Napeene, aammʉʉviitse ʉkʉta alampa ɨkɨlʉnga ɨkɨ kɨve kya mwene, paninie na vaanu va kɨkolo kya mwene.#Vʉtengʉlɨlo 12:7; 15:18; 17:8 Ʉnsɨkɨ ʉgwa ʉAbulahamu naale nʉ mwana ʉvaaholile. 6Paninie nɨɨlyo ʉNgʉlʉve akambʉʉla ʉAbulahamu akata, ‘Avaanu va lʉjungu lwako valaava vahenza mu kɨlʉnga kya vaanu avange. Ʉkwa avaanu va kɨlʉnga ɨkyo valavavɨɨka vave vavanda va veene, valavapa ʉvʉkʉvɨlwa ʉvʉlʉti kʉ myaka ɨmileevʉlʉ gɨnni (400).#Vʉtengʉlɨlo 15:13-14 7Lɨno valya ʉwʉ valavavɨɨka vave vavanda, ʉne ndɨlavahɨga. Wʉ galʉtɨngʼiinie ago, avaanu va kɨvʉmbʉkʉ kyako valahʉma mu kɨlʉnga kɨlya, valiitsa valɨsajaga kwane apoonu apa.’#Kʉhʉma 3:12 8Pa kʉvonia ʉkʉta ago ga jɨlweli, pwʉ ʉNgʉlʉve akavɨɨka ʉlwɨdɨngʼano nʉ Abulahamu, ʉlwʉ lwavombiike kʉ nzɨla jya kʉtahili.#7:8 Kʉtahili Ʉvʉganulu wa limenyu ʉkʉtahili lola kʉ lʉtʉngʉ lwa mamenyu amahenza agalɨ kʉ vʉmalɨlo wa kɨtabu ɨkɨ. Pwʉ ʉAbulahamu akammola ʉIsaka, akantahili wʉ amalile isigono innaana (8) ʉkʉhʉma aholwagwe, vʉle vʉle wʉ jyavombekaga kʉ vooni avaakongile. ɄIsaka akammola ʉYakobo, ʉYakobo namwene akahola avaana avadɨɨmi kɨtsigo na vavɨlɨ (12), avo wʉ vaale vanyienya viitu.
9“Avanyienya viitu avo wʉ vaambiniike ʉlʉkololwavo ʉYusufu, vakanʼgʉtsa akave mbanda mu kɨlʉnga kya Misili. Lɨno ʉNgʉlʉve akava paninie nʉ Yusufu, 10alɨkʉmpoka mu vʉkʉvɨlwa wa mwene wooni. ɄNgʉlʉve akampa ʉYusufu ʉlʉhala, akampelela ʉFalao, ʉnkʉlʉdeeva va mu Misili, anʼgane. Pwʉ ʉFalao akambɨɨka ave mbaha mu kɨlʉnga kya mwene kya Misili, na mu nyumba jya mwene jya lʉdeeva.
11“Kʉmbele, ɨnzala jɨkagwa mu kɨlʉnga kyoni ɨkya Misili, namu mu kɨlʉnga kyoni kya Kanaani. Avaanu vakava vikʉvɨlwa siitso nɨ nzala. Avakʉkʉjiitu naveene ɨkyakʉlya kɨkasila. 12ɄYakobo wʉ apʉliike ʉkʉta kʉ Misili kwʉjɨle ɨngano, akavasuungʼa avaana va mwene, avanyienya viitu, valʉte ʉkʉ. Ʉlwa lwʉ lwale lʉgendo lwa veene ʉlʉtatsi ʉkʉlʉta kʉ Misili. 13Pa lʉgendo lwa veene ʉlwa vɨɨlɨ, ʉYusufu akɨntsova ʉkʉta alɨvʉki na veene, ikange avalʉkololwe avo vakamanyikika kwa Falao. 14ɄYusufu akasuungʼa ɨkulongwi kwa dadaaje ʉYakobo ʉkʉta iitse namwene kʉ Misili, paninie na vaanu va mu nyumba jya mwene vooni. Ʉnsɨkɨ ʉgwa avaanu avo vaale isitsigo lekelakʉpamato na vahaano (75). 15Pwʉ ʉYakobo akalʉta ʉkʉ kʉ Misili kutaama. Kʉʉkwa ʉkwa kwʉ aaswɨlye. Avanyienya viitu avange, naveene vakaswɨla ʉkʉ. 16Napeene, ɨmisimba gya veene gyahɨliikwe kʉ myavaavo mu vʉtsenge wa Shekemu, vakasɨɨlwa mu vʉguli ʉwʉ ʉAbulahamu aagʉlile ʉkʉ kʉ vaana va Hamoli.
17“Ʉnsɨkɨ wʉ guhegelela gwa Ngʉlʉve ʉkʉvomba itsʉ aammʉʉviitse ʉAbulahamu, ɨmbalɨlo jya vaanu avo jɨkoongelela nʉ kʉva mbaha siitso mu kɨlʉnga kya Misili. 18Mu nsɨkɨ ʉgwa, akatengʉla ʉkʉlongotsa ʉnkʉlʉdeeva ʉvɨ naatsimanye ikulongwi tsa Yusufu, ikange ʉvaadwadile ɨmbalɨlo ɨjyo ɨjya Vaisilahɨli.#Kʉhʉma 1:8 19Ʉnkʉlʉdeeva ʉjwa akatengʉla ʉkʉvapelela ʉvʉkʉvɨlwa avakʉkʉjiitu. Akavapa ʉlʉlagɨlo avaanu va kɨvʉmbʉkʉ kiitu ʉkʉta vataagage avaana va veene avasyele, pakʉta vaswe.
20“Mu nsɨkɨ ʉgwa ʉMoose namwene akaholwa, aale mwana nnonu siitso. Avahotsi va mwene vakandela mu nyumba ɨmyetsi gɨdatu. 21Kʉmbele, wʉ vilemwa ʉkʉnsiha pa nyumba, vakambɨɨka pavʉvalasu pavʉtale na pa nyumba. Ʉmwalɨve va nkʉlʉdeeva ʉFalao akambona nʉ kʉntoola. Akatengʉla ʉkʉndela ʉngata nswambe. 22Vakammanyiisa ʉMoose ʉlʉhala lwoni lwa Vamisili, akava muunu ʉmmanyi va kʉtsova vʉnonu, ikange nʼgolosu mu lʉgendo lwa mwene.
23“ɄMoose wʉ alɨ nɨ myaka isitsigo sinni (40), akasʉʉkwa mu numbula ʉkʉbɨha kukʉvavona avalʉkololwe aVaisilahɨli. 24Akambona ʉMmisili mpamato ikʉntova ʉMwisilahɨli kɨtsila kʉtula ɨnongwa. ɄMoose akantanga ʉlʉkololwe ʉlya. Pa kʉlʉmbɨla, akamʼbuda ʉMmisili ʉlya. 25ɄMoose aasaagaga ʉkʉta ipange avalʉkololwe jʉvikʉlʉmanya ʉkʉta ʉNgʉlʉve aansuungʼile ʉmwene ʉkʉta avapoke. Lɨno aveene navaatsimanye itso.
26“Ɨkɨgono ɨkyakongile, ʉMoose akavavona avagoosi vavɨlɨ aVaisilahɨli viilwa. Aanogwagwa ʉkʉta avasajanie, akavavʉʉla akata, ‘Nyɨ vagoosi ʉnyie, nyɨ mulɨ lʉkolo! Kɨki mulematsania?’ 27Ʉmuunu ʉvɨ aandematsaaga ʉnnine akankulugila kʉ lʉvasumbale ʉMoose, akambʉʉla akata, ‘Veeni ʉvɨ akʉvɨɨkile ʉkʉta ʉveetsage indongotsi, nʉ kʉva immɨgi viitu? 28Ndeeti, ʉve vunogwa ʉkʉmbuda ʉne ndʉwʉ ʉkamʼbudile ʉMmisili ʉlya igolo?’#Kʉhʉma 2:14 29ɄMoose wʉ apʉliike amamenyu ago, akanyila, akalʉta kʉ kɨlʉnga kya kʉ Midiyani, alɨkʉtaama ndʉ mmenza, akatsihola avaswambe vavɨlɨ ʉkʉ.
30“Ɨmyaka isitsigo sinni wʉ gɨsilile, ʉMoose aale mu lʉkɨnga pawiipi nɨ kɨdugala kya Sinai. Pwʉ ʉnsuungʼwa va Ntwa ʉNgʉlʉve akambonekela mu kɨtsaga ɨkyʉ kyaviikaga indimbo tsa mwoto. 31Wʉ akɨweene kiviika, akadega imbonekelo itso, akahegelela kʉ kɨtsaga kɨlya pakʉta akɨlole vʉnonu. Baaho akapʉlɨka ɨlimenyu lya Ntwa ʉNgʉlʉve, likʉmbʉʉla liita, 32‘Ʉne neene Ngʉlʉve va vakʉkʉʉjo, ʉAbulahamu, ʉIsaka, nʉ Yakobo.’#Kʉhʉma 3:6 ɄMoose wʉ apʉliike ago, akatengʉla ʉkʉtetema, akadwada ʉkʉlola indimbo tsilya.
33“Pwʉ ʉNtwa ʉNgʉlʉve akambʉʉla akata, ‘Suula isilaatu syako, ʉlwakʉva apa ʉpwʉ wɨmile pavalatse. 34Lola, ʉne ndɨvaweene avaanu vango ʉmwʉ vikʉvɨlɨlwa mu Misili, ndɨpʉliike nakɨ kɨlɨlo kya veene. Lɨno ndiikile kukʉvapoka. Pwʉ lɨno ndikʉkʉsuungʼa ʉbɨhe ʉkʉ kʉ Misili.’#Kʉhʉma 3:5, 7-8, 10
35“ɄMoose ʉjwa vɨ mwene ʉvɨ avanyienya viitu vaamʼbeelile, vakambʉʉla vakata, ‘Veeni ʉvɨ akʉvɨɨkile ʉkʉta ʉveetsage indongotsi, nʉ kʉva immɨgi viitu?’#Kʉhʉma 2:14 Vɨ jyʉjwa ʉvɨ ʉNgʉlʉve aansuungʼile ave indongotsi va veene nʉ kʉva mpoki va veene. Aalagye itso kʉ nzɨla jya nsuungʼwa ʉlya ʉvɨ aambonekye ʉMoose mu kɨtsaga kɨlya. 36Kʉmbele, vɨ mwene ʉvɨ aavalongwitse vahʉme mu kɨlʉnga kya Misili. Aavombile isidego ni simanyilo mu Misili, pa nyanza jya Shamu, na mu lʉkɨnga, kʉ nsɨkɨ gwa myaka isitsigo sinni.
37“ɄMoose ʉjwa vɨ aavavʉʉlile aVaisilahɨli akata, ‘Pagati paanyie ʉNgʉlʉve alavahalɨla ʉnyamalago ndʉʉne ʉkʉhʉma mu lʉkolo lwinyo.’#Simiilitso tsa Ndagɨlo 18:15 38Ikange, ʉMoose ʉjwa vɨ aale paninie nʉ lʉlʉndamano lwa vakʉkʉjiitu mu lʉkɨnga. Vɨ mwene ʉvɨ ʉnsuungʼwa aatsovile nave pa kɨdugala kya Sinai, ikange wʉ alɨ paninie na vakʉkʉjiitu, vɨ mwene ʉvʉʉpɨɨlye amamenyu ga wʉʉmi pakʉta atʉpeetsage ʉwe.
39“Napeene, avakʉkʉjiitu navaanogwe ʉkʉmpʉlɨka ʉjwa, vakamʼbeela, vakava vinogwa mu numbula tsa veene ʉkʉta vakilivuke kʉ Misili. 40Wʉ ʉMoose alɨndye kʉ kɨdugala, aveene vakambʉʉla ʉAloni#7:40 ɄAloni Ʉjʉ aale kakaaje va Moose. vakata, ‘Ʉtʉpondele isihwani sya mingʉlʉve, isya kʉtʉlongolela mu nzɨla. ɄMoose, ʉjwa ʉvɨ akatʉlongolelaga ʉkʉhʉma mu kɨlʉnga kya Misili, natʉlʉmanyili itsʉ tsimbwene!’#Kʉhʉma 32:1 41Mu sigono isyo aVaisilahɨli avo vakaponda ɨkɨhwani ɨkyahwaniine nɨ kɨgwada. Nʉpwʉ jɨngave kyale kɨɨnu ɨkyʉ vaapondile ni sivoko sya veene, vakakɨhʉmɨhɨtsa isyavʉpe, nʉ kʉkɨvɨɨkɨla ʉlʉhekelo pa kʉjyɨmɨka ɨmbombo jya sivoko sya veene. 42Itso tsikampelela ʉNgʉlʉve avaleke vɨsajage kʉ litsʉva, kʉ mwetsi, na kʉ nondwe, ndʉwʉ jɨvɨgilwe mu kɨtabu kya vanyamalago ʉkʉta,
‘Nyɨ Vaisilahɨli ʉnyie,
mu nsɨkɨ ʉgwʉ mwataamile ɨmyaka isitsigo sinni mu lʉkɨnga,
ndeeti, mwannyɨnzɨlaga ʉne isidɨɨmo pakʉta munnyʉmɨhɨtse ineekelo? Baako!
43Lola, mwapɨmbaga ɨliheema ɨlyʉ lyale nɨ kɨhwani kya lingʉlʉve ɨLɨmoloki,
mwapɨmbaga ɨkɨhwani kya lʉtondwe lwa lingʉlʉve liinyo ɨLɨlefani.
Isihwani isyo, mwapondile pakʉta mwɨsajage kʉ syene.
Pa kulongwi ɨjyo, ndɨlavavɨɨka muve vakʉngwa.
Valavahɨlɨka mulʉte kʉ kɨlʉnga kya kʉvʉtale,
mulatsilʉtɨngʼania nakʉ kʉ Babeli.’#Amosi 5:25-27”
44ɄSitefano akagendelela ʉkʉtsova akata, “Mu lʉkɨnga mulya, avakʉkʉjiitu vaagendelye ʉkʉva nɨ heema jya kʉvavonia ʉkʉta ʉNgʉlʉve alɨ paninie navo.#7:44 Heema jya kʉvavonia ʉkʉta ʉNgʉlʉve alɨ paninie navo Ʉvʉganulu wa mamenyu aga lola kʉ lʉtʉngʉ lwa mamenyu amahenza agalɨ kʉ vʉmalɨlo wa kɨtabu ɨkɨ. Ɨheema ɨjyo vaanotsiitse ndʉwʉ ʉNgʉlʉve aandagye ʉMoose ʉmwa kʉnotsehetsa, ʉkʉkongana nɨ kɨhwani ɨkyʉ aakɨweene. 45Kʉmbele, avakʉkʉjiitu paninie nʉ Yoshua, ʉmbaha va veene, valɨkwʉpɨngʼana ʉkʉgega ɨheema ɨjyo. Vakajɨhɨlɨka mu kɨlʉnga ɨkyʉ vaapokile kʉ sivʉmbʉkʉ sya vatava Vaisilahɨli, ʉnsɨkɨ ʉgwʉ ʉNgʉlʉve aavaswɨmye avanyienya viitu avaanu avo. Jɨkasigala muumwa mu kɨlʉnga kya veene ʉkʉsikila ʉnsɨkɨ gwa Davʉdi.
46“ɄDavʉdi ʉvɨ ʉjwa aahʉngʉkiilwe nʉ Ngʉlʉve, akanʼdoova akata, ‘Gwe Ngʉlʉve va Yakobo, ʉnnavʉle ndɨkʉtsengele ɨnyumba.’#2 Samweli 7:1-16 47Napeene, ɨnyumba ɨjyo jyatsengilwe nʉ mwana va mwene ʉSolomoni. 48Paninie nɨɨlyo, ʉNgʉlʉve ʉNdʉti va syoni, nitaama mu nyumba ɨjyʉ jɨtsengilwe ni sivoko sya vaanu. Ndʉwʉ ʉnyamalago aatsovile akata,
49‘ɄNtwa ʉNgʉlʉve iita,
kʉkyanya kyʉ kɨnyalwangʉla kyango kya Lʉdeeva,
mu kɨlʉnga pwʉ pa kʉvɨɨka isilʉnde syango.
Lɨno, ɨnyumba ɨjɨlɨ ndeeti jyʉ mukʉnzengela?
Ndapi apoonu ʉpwʉ jʉndigatalʉkaga?
50Ndeeti, isyo syoni naneene ndɨ ndyasipelile?’#Yesaya 66:1-2”
ɄSitefano ikʉvahɨga avanine aVaisilahɨli
51ɄSitefano akagendelela ʉkʉtsova akata, “Ʉnyie nyɨ vanya matingo, nyɨ vanya numbula itsikiliitye ni mbʉlʉkʉtʉ itsitsivye ʉkʉpʉlɨhɨtsa ʉwajɨlweli nda vaanu avanyapanzi! Isigono syoni ʉnyie mukʉnsiga ʉMepo ʉMbalatse ndʉwʉ avakʉkʉjiinyo naveene vaavombaga! 52Ndeeti, kwale ʉnyamalago ʉvɨ navaambɨɨke mu vʉkʉvɨlwa? Lola, vaavabudaga naveene avanyamalago ʉwʉ vaatsovaga ɨkulongwi jya kwitsa kwa Kɨlɨsiti ʉNʼgolosu pamiiho ga Ngʉlʉve! Ʉjwa vɨ mwene ʉvɨ ʉnyie mukammɨliike kʉ valʉgʉ, mukamʼbudile. 53Nʉpwʉ jɨngave ʉnyie nyienye mwatsyʉpɨlye indagɨlo tsa Ngʉlʉve kʉ nzɨla jya vasuungʼwa va mwene, lɨno mulɨkʉbeela ʉkʉtsikonga.”
Ʉkʉbudwa kwa Sitefano
54Avavaha va Vayahudi valya wʉ vapʉliike amamenyu ga Sitefano, vakaviipa siitso, vakangʼengʼedʉla amiino kʉ lʉviipo. 55Lɨno, ʉSitefano akava adɨtsiiwe amaka ga Mepo ʉMbalatse, akatsaalʉla amiiho kʉkyanya, akavʉvona ʉwɨɨmɨkiwa wa Ngʉlʉve, nʉ Yɨɨsʉ ɨmile ʉlʉvasu lwa kʉndyo lwa Ngʉlʉve. 56Pwʉ akatsova akata, “Lola! Ndikʉkʉvona kʉkyanya kʉdɨndʉliiwe, nʉ Mwana va Muunu#7:56 Mwana va Muunu Ʉvʉganulu wa mamenyu aga lola kʉ lʉtʉngʉ lwa mamenyu amahenza agalɨ kʉ vʉmalɨlo wa kɨtabu ɨkɨ. ɨmile ʉlʉvasu lwa kʉndyo lwa Ngʉlʉve!”
57Pwʉ avavaha va Vayahudi valya vakava navinogwa ʉkʉmpʉlɨhɨtsa, vakabunga imbʉlʉkʉtʉ tsa veene, kʉnʉ vikwoveela. Vakava kɨɨnu kɨpamato pa kʉmwʉvʉkɨla ʉSitefano, 58vakammʉmya kʉnzi kʉ vʉtsenge, vakatengʉla ʉkʉntika na maganga. Avooleletsi va vʉnuasi valya vakasuula amakoti ga veene, vakagavɨɨka pa silʉnde sya ndʉme mpamato ʉvɨ aatambʉlwagwa Sauli.
59Wʉ vikʉntika ʉSitefano na maganga, akɨsaja akata, “Vɨ Ntwa vɨ Yɨɨsʉ, ndidoova ʉpɨlɨla ɨnumbula jyango!” 60Pwʉ akasugama paasi, akalɨla kʉ limenyu ɨlivaha akata, “Vɨ Ntwa, ndidoova ʉleke ʉkʉvahɨga pa vʉviivi wa veene ʉvʉ.” Wʉ atsovile ago, akaswa.
Currently Selected:
Mbombo tsa Vapositili 7: zga
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
Mbombo tsa Vapositili 7
7
ɄSitefano ikwoleletsa itsyavombiike mu kɨvʉmbʉkʉ kya Vaisilahɨli
1Pwʉ ʉnteeketsi ʉmbaha akambʉʉtsa ʉSitefano akata, “Ndeeti, itsi tsyoni itsʉ vatsovile, wʉ tsilɨwo?” 2ɄSitefano akaanda akata, “Ʉnyie valʉkololwango na nyɨ vadaada vango, ndidoova mummʉlɨhɨtse! ɄNgʉlʉve va wɨɨmɨkiwa aambonekye ʉkʉkʉjiitu ʉAbulahamu mu kɨlʉnga kya Mesopotamiya, wʉ akaanale ʉkʉhaamila kʉ vʉtsenge wa kʉ Halani. 3ɄNgʉlʉve akambʉʉla akata, ‘Ʉhege mu kɨlʉnga kyako, ʉvaleke ʉmwa avalʉkololwo, wiitsage kʉ kɨlʉnga ɨkyʉ jʉndikʉkʉvonia.’#Vʉtengʉlɨlo 12:1 4Pwʉ ʉAbulahamu akahega mu kɨlʉnga kya mwene kya Kaludayo, akalʉta alɨkʉtaama mu Halani. Wʉ ʉdadaaje asue, ʉNgʉlʉve akammaamya, akiitsa akambɨɨka mu kɨlʉnga ɨkɨ ɨkyʉ najyʉnyie mutaama ʉnsɨkɨ ʉgʉ.
5“Lɨno, mu kɨlʉnga ɨkɨ, ʉNgʉlʉve naampe ʉAbulahamu ɨkɨlɨmɨla nɨ kɨdebe, ʉkʉta kɨveetsage kya mwene. Napeene, aammʉʉviitse ʉkʉta alampa ɨkɨlʉnga ɨkɨ kɨve kya mwene, paninie na vaanu va kɨkolo kya mwene.#Vʉtengʉlɨlo 12:7; 15:18; 17:8 Ʉnsɨkɨ ʉgwa ʉAbulahamu naale nʉ mwana ʉvaaholile. 6Paninie nɨɨlyo ʉNgʉlʉve akambʉʉla ʉAbulahamu akata, ‘Avaanu va lʉjungu lwako valaava vahenza mu kɨlʉnga kya vaanu avange. Ʉkwa avaanu va kɨlʉnga ɨkyo valavavɨɨka vave vavanda va veene, valavapa ʉvʉkʉvɨlwa ʉvʉlʉti kʉ myaka ɨmileevʉlʉ gɨnni (400).#Vʉtengʉlɨlo 15:13-14 7Lɨno valya ʉwʉ valavavɨɨka vave vavanda, ʉne ndɨlavahɨga. Wʉ galʉtɨngʼiinie ago, avaanu va kɨvʉmbʉkʉ kyako valahʉma mu kɨlʉnga kɨlya, valiitsa valɨsajaga kwane apoonu apa.’#Kʉhʉma 3:12 8Pa kʉvonia ʉkʉta ago ga jɨlweli, pwʉ ʉNgʉlʉve akavɨɨka ʉlwɨdɨngʼano nʉ Abulahamu, ʉlwʉ lwavombiike kʉ nzɨla jya kʉtahili.#7:8 Kʉtahili Ʉvʉganulu wa limenyu ʉkʉtahili lola kʉ lʉtʉngʉ lwa mamenyu amahenza agalɨ kʉ vʉmalɨlo wa kɨtabu ɨkɨ. Pwʉ ʉAbulahamu akammola ʉIsaka, akantahili wʉ amalile isigono innaana (8) ʉkʉhʉma aholwagwe, vʉle vʉle wʉ jyavombekaga kʉ vooni avaakongile. ɄIsaka akammola ʉYakobo, ʉYakobo namwene akahola avaana avadɨɨmi kɨtsigo na vavɨlɨ (12), avo wʉ vaale vanyienya viitu.
9“Avanyienya viitu avo wʉ vaambiniike ʉlʉkololwavo ʉYusufu, vakanʼgʉtsa akave mbanda mu kɨlʉnga kya Misili. Lɨno ʉNgʉlʉve akava paninie nʉ Yusufu, 10alɨkʉmpoka mu vʉkʉvɨlwa wa mwene wooni. ɄNgʉlʉve akampa ʉYusufu ʉlʉhala, akampelela ʉFalao, ʉnkʉlʉdeeva va mu Misili, anʼgane. Pwʉ ʉFalao akambɨɨka ave mbaha mu kɨlʉnga kya mwene kya Misili, na mu nyumba jya mwene jya lʉdeeva.
11“Kʉmbele, ɨnzala jɨkagwa mu kɨlʉnga kyoni ɨkya Misili, namu mu kɨlʉnga kyoni kya Kanaani. Avaanu vakava vikʉvɨlwa siitso nɨ nzala. Avakʉkʉjiitu naveene ɨkyakʉlya kɨkasila. 12ɄYakobo wʉ apʉliike ʉkʉta kʉ Misili kwʉjɨle ɨngano, akavasuungʼa avaana va mwene, avanyienya viitu, valʉte ʉkʉ. Ʉlwa lwʉ lwale lʉgendo lwa veene ʉlʉtatsi ʉkʉlʉta kʉ Misili. 13Pa lʉgendo lwa veene ʉlwa vɨɨlɨ, ʉYusufu akɨntsova ʉkʉta alɨvʉki na veene, ikange avalʉkololwe avo vakamanyikika kwa Falao. 14ɄYusufu akasuungʼa ɨkulongwi kwa dadaaje ʉYakobo ʉkʉta iitse namwene kʉ Misili, paninie na vaanu va mu nyumba jya mwene vooni. Ʉnsɨkɨ ʉgwa avaanu avo vaale isitsigo lekelakʉpamato na vahaano (75). 15Pwʉ ʉYakobo akalʉta ʉkʉ kʉ Misili kutaama. Kʉʉkwa ʉkwa kwʉ aaswɨlye. Avanyienya viitu avange, naveene vakaswɨla ʉkʉ. 16Napeene, ɨmisimba gya veene gyahɨliikwe kʉ myavaavo mu vʉtsenge wa Shekemu, vakasɨɨlwa mu vʉguli ʉwʉ ʉAbulahamu aagʉlile ʉkʉ kʉ vaana va Hamoli.
17“Ʉnsɨkɨ wʉ guhegelela gwa Ngʉlʉve ʉkʉvomba itsʉ aammʉʉviitse ʉAbulahamu, ɨmbalɨlo jya vaanu avo jɨkoongelela nʉ kʉva mbaha siitso mu kɨlʉnga kya Misili. 18Mu nsɨkɨ ʉgwa, akatengʉla ʉkʉlongotsa ʉnkʉlʉdeeva ʉvɨ naatsimanye ikulongwi tsa Yusufu, ikange ʉvaadwadile ɨmbalɨlo ɨjyo ɨjya Vaisilahɨli.#Kʉhʉma 1:8 19Ʉnkʉlʉdeeva ʉjwa akatengʉla ʉkʉvapelela ʉvʉkʉvɨlwa avakʉkʉjiitu. Akavapa ʉlʉlagɨlo avaanu va kɨvʉmbʉkʉ kiitu ʉkʉta vataagage avaana va veene avasyele, pakʉta vaswe.
20“Mu nsɨkɨ ʉgwa ʉMoose namwene akaholwa, aale mwana nnonu siitso. Avahotsi va mwene vakandela mu nyumba ɨmyetsi gɨdatu. 21Kʉmbele, wʉ vilemwa ʉkʉnsiha pa nyumba, vakambɨɨka pavʉvalasu pavʉtale na pa nyumba. Ʉmwalɨve va nkʉlʉdeeva ʉFalao akambona nʉ kʉntoola. Akatengʉla ʉkʉndela ʉngata nswambe. 22Vakammanyiisa ʉMoose ʉlʉhala lwoni lwa Vamisili, akava muunu ʉmmanyi va kʉtsova vʉnonu, ikange nʼgolosu mu lʉgendo lwa mwene.
23“ɄMoose wʉ alɨ nɨ myaka isitsigo sinni (40), akasʉʉkwa mu numbula ʉkʉbɨha kukʉvavona avalʉkololwe aVaisilahɨli. 24Akambona ʉMmisili mpamato ikʉntova ʉMwisilahɨli kɨtsila kʉtula ɨnongwa. ɄMoose akantanga ʉlʉkololwe ʉlya. Pa kʉlʉmbɨla, akamʼbuda ʉMmisili ʉlya. 25ɄMoose aasaagaga ʉkʉta ipange avalʉkololwe jʉvikʉlʉmanya ʉkʉta ʉNgʉlʉve aansuungʼile ʉmwene ʉkʉta avapoke. Lɨno aveene navaatsimanye itso.
26“Ɨkɨgono ɨkyakongile, ʉMoose akavavona avagoosi vavɨlɨ aVaisilahɨli viilwa. Aanogwagwa ʉkʉta avasajanie, akavavʉʉla akata, ‘Nyɨ vagoosi ʉnyie, nyɨ mulɨ lʉkolo! Kɨki mulematsania?’ 27Ʉmuunu ʉvɨ aandematsaaga ʉnnine akankulugila kʉ lʉvasumbale ʉMoose, akambʉʉla akata, ‘Veeni ʉvɨ akʉvɨɨkile ʉkʉta ʉveetsage indongotsi, nʉ kʉva immɨgi viitu? 28Ndeeti, ʉve vunogwa ʉkʉmbuda ʉne ndʉwʉ ʉkamʼbudile ʉMmisili ʉlya igolo?’#Kʉhʉma 2:14 29ɄMoose wʉ apʉliike amamenyu ago, akanyila, akalʉta kʉ kɨlʉnga kya kʉ Midiyani, alɨkʉtaama ndʉ mmenza, akatsihola avaswambe vavɨlɨ ʉkʉ.
30“Ɨmyaka isitsigo sinni wʉ gɨsilile, ʉMoose aale mu lʉkɨnga pawiipi nɨ kɨdugala kya Sinai. Pwʉ ʉnsuungʼwa va Ntwa ʉNgʉlʉve akambonekela mu kɨtsaga ɨkyʉ kyaviikaga indimbo tsa mwoto. 31Wʉ akɨweene kiviika, akadega imbonekelo itso, akahegelela kʉ kɨtsaga kɨlya pakʉta akɨlole vʉnonu. Baaho akapʉlɨka ɨlimenyu lya Ntwa ʉNgʉlʉve, likʉmbʉʉla liita, 32‘Ʉne neene Ngʉlʉve va vakʉkʉʉjo, ʉAbulahamu, ʉIsaka, nʉ Yakobo.’#Kʉhʉma 3:6 ɄMoose wʉ apʉliike ago, akatengʉla ʉkʉtetema, akadwada ʉkʉlola indimbo tsilya.
33“Pwʉ ʉNtwa ʉNgʉlʉve akambʉʉla akata, ‘Suula isilaatu syako, ʉlwakʉva apa ʉpwʉ wɨmile pavalatse. 34Lola, ʉne ndɨvaweene avaanu vango ʉmwʉ vikʉvɨlɨlwa mu Misili, ndɨpʉliike nakɨ kɨlɨlo kya veene. Lɨno ndiikile kukʉvapoka. Pwʉ lɨno ndikʉkʉsuungʼa ʉbɨhe ʉkʉ kʉ Misili.’#Kʉhʉma 3:5, 7-8, 10
35“ɄMoose ʉjwa vɨ mwene ʉvɨ avanyienya viitu vaamʼbeelile, vakambʉʉla vakata, ‘Veeni ʉvɨ akʉvɨɨkile ʉkʉta ʉveetsage indongotsi, nʉ kʉva immɨgi viitu?’#Kʉhʉma 2:14 Vɨ jyʉjwa ʉvɨ ʉNgʉlʉve aansuungʼile ave indongotsi va veene nʉ kʉva mpoki va veene. Aalagye itso kʉ nzɨla jya nsuungʼwa ʉlya ʉvɨ aambonekye ʉMoose mu kɨtsaga kɨlya. 36Kʉmbele, vɨ mwene ʉvɨ aavalongwitse vahʉme mu kɨlʉnga kya Misili. Aavombile isidego ni simanyilo mu Misili, pa nyanza jya Shamu, na mu lʉkɨnga, kʉ nsɨkɨ gwa myaka isitsigo sinni.
37“ɄMoose ʉjwa vɨ aavavʉʉlile aVaisilahɨli akata, ‘Pagati paanyie ʉNgʉlʉve alavahalɨla ʉnyamalago ndʉʉne ʉkʉhʉma mu lʉkolo lwinyo.’#Simiilitso tsa Ndagɨlo 18:15 38Ikange, ʉMoose ʉjwa vɨ aale paninie nʉ lʉlʉndamano lwa vakʉkʉjiitu mu lʉkɨnga. Vɨ mwene ʉvɨ ʉnsuungʼwa aatsovile nave pa kɨdugala kya Sinai, ikange wʉ alɨ paninie na vakʉkʉjiitu, vɨ mwene ʉvʉʉpɨɨlye amamenyu ga wʉʉmi pakʉta atʉpeetsage ʉwe.
39“Napeene, avakʉkʉjiitu navaanogwe ʉkʉmpʉlɨka ʉjwa, vakamʼbeela, vakava vinogwa mu numbula tsa veene ʉkʉta vakilivuke kʉ Misili. 40Wʉ ʉMoose alɨndye kʉ kɨdugala, aveene vakambʉʉla ʉAloni#7:40 ɄAloni Ʉjʉ aale kakaaje va Moose. vakata, ‘Ʉtʉpondele isihwani sya mingʉlʉve, isya kʉtʉlongolela mu nzɨla. ɄMoose, ʉjwa ʉvɨ akatʉlongolelaga ʉkʉhʉma mu kɨlʉnga kya Misili, natʉlʉmanyili itsʉ tsimbwene!’#Kʉhʉma 32:1 41Mu sigono isyo aVaisilahɨli avo vakaponda ɨkɨhwani ɨkyahwaniine nɨ kɨgwada. Nʉpwʉ jɨngave kyale kɨɨnu ɨkyʉ vaapondile ni sivoko sya veene, vakakɨhʉmɨhɨtsa isyavʉpe, nʉ kʉkɨvɨɨkɨla ʉlʉhekelo pa kʉjyɨmɨka ɨmbombo jya sivoko sya veene. 42Itso tsikampelela ʉNgʉlʉve avaleke vɨsajage kʉ litsʉva, kʉ mwetsi, na kʉ nondwe, ndʉwʉ jɨvɨgilwe mu kɨtabu kya vanyamalago ʉkʉta,
‘Nyɨ Vaisilahɨli ʉnyie,
mu nsɨkɨ ʉgwʉ mwataamile ɨmyaka isitsigo sinni mu lʉkɨnga,
ndeeti, mwannyɨnzɨlaga ʉne isidɨɨmo pakʉta munnyʉmɨhɨtse ineekelo? Baako!
43Lola, mwapɨmbaga ɨliheema ɨlyʉ lyale nɨ kɨhwani kya lingʉlʉve ɨLɨmoloki,
mwapɨmbaga ɨkɨhwani kya lʉtondwe lwa lingʉlʉve liinyo ɨLɨlefani.
Isihwani isyo, mwapondile pakʉta mwɨsajage kʉ syene.
Pa kulongwi ɨjyo, ndɨlavavɨɨka muve vakʉngwa.
Valavahɨlɨka mulʉte kʉ kɨlʉnga kya kʉvʉtale,
mulatsilʉtɨngʼania nakʉ kʉ Babeli.’#Amosi 5:25-27”
44ɄSitefano akagendelela ʉkʉtsova akata, “Mu lʉkɨnga mulya, avakʉkʉjiitu vaagendelye ʉkʉva nɨ heema jya kʉvavonia ʉkʉta ʉNgʉlʉve alɨ paninie navo.#7:44 Heema jya kʉvavonia ʉkʉta ʉNgʉlʉve alɨ paninie navo Ʉvʉganulu wa mamenyu aga lola kʉ lʉtʉngʉ lwa mamenyu amahenza agalɨ kʉ vʉmalɨlo wa kɨtabu ɨkɨ. Ɨheema ɨjyo vaanotsiitse ndʉwʉ ʉNgʉlʉve aandagye ʉMoose ʉmwa kʉnotsehetsa, ʉkʉkongana nɨ kɨhwani ɨkyʉ aakɨweene. 45Kʉmbele, avakʉkʉjiitu paninie nʉ Yoshua, ʉmbaha va veene, valɨkwʉpɨngʼana ʉkʉgega ɨheema ɨjyo. Vakajɨhɨlɨka mu kɨlʉnga ɨkyʉ vaapokile kʉ sivʉmbʉkʉ sya vatava Vaisilahɨli, ʉnsɨkɨ ʉgwʉ ʉNgʉlʉve aavaswɨmye avanyienya viitu avaanu avo. Jɨkasigala muumwa mu kɨlʉnga kya veene ʉkʉsikila ʉnsɨkɨ gwa Davʉdi.
46“ɄDavʉdi ʉvɨ ʉjwa aahʉngʉkiilwe nʉ Ngʉlʉve, akanʼdoova akata, ‘Gwe Ngʉlʉve va Yakobo, ʉnnavʉle ndɨkʉtsengele ɨnyumba.’#2 Samweli 7:1-16 47Napeene, ɨnyumba ɨjyo jyatsengilwe nʉ mwana va mwene ʉSolomoni. 48Paninie nɨɨlyo, ʉNgʉlʉve ʉNdʉti va syoni, nitaama mu nyumba ɨjyʉ jɨtsengilwe ni sivoko sya vaanu. Ndʉwʉ ʉnyamalago aatsovile akata,
49‘ɄNtwa ʉNgʉlʉve iita,
kʉkyanya kyʉ kɨnyalwangʉla kyango kya Lʉdeeva,
mu kɨlʉnga pwʉ pa kʉvɨɨka isilʉnde syango.
Lɨno, ɨnyumba ɨjɨlɨ ndeeti jyʉ mukʉnzengela?
Ndapi apoonu ʉpwʉ jʉndigatalʉkaga?
50Ndeeti, isyo syoni naneene ndɨ ndyasipelile?’#Yesaya 66:1-2”
ɄSitefano ikʉvahɨga avanine aVaisilahɨli
51ɄSitefano akagendelela ʉkʉtsova akata, “Ʉnyie nyɨ vanya matingo, nyɨ vanya numbula itsikiliitye ni mbʉlʉkʉtʉ itsitsivye ʉkʉpʉlɨhɨtsa ʉwajɨlweli nda vaanu avanyapanzi! Isigono syoni ʉnyie mukʉnsiga ʉMepo ʉMbalatse ndʉwʉ avakʉkʉjiinyo naveene vaavombaga! 52Ndeeti, kwale ʉnyamalago ʉvɨ navaambɨɨke mu vʉkʉvɨlwa? Lola, vaavabudaga naveene avanyamalago ʉwʉ vaatsovaga ɨkulongwi jya kwitsa kwa Kɨlɨsiti ʉNʼgolosu pamiiho ga Ngʉlʉve! Ʉjwa vɨ mwene ʉvɨ ʉnyie mukammɨliike kʉ valʉgʉ, mukamʼbudile. 53Nʉpwʉ jɨngave ʉnyie nyienye mwatsyʉpɨlye indagɨlo tsa Ngʉlʉve kʉ nzɨla jya vasuungʼwa va mwene, lɨno mulɨkʉbeela ʉkʉtsikonga.”
Ʉkʉbudwa kwa Sitefano
54Avavaha va Vayahudi valya wʉ vapʉliike amamenyu ga Sitefano, vakaviipa siitso, vakangʼengʼedʉla amiino kʉ lʉviipo. 55Lɨno, ʉSitefano akava adɨtsiiwe amaka ga Mepo ʉMbalatse, akatsaalʉla amiiho kʉkyanya, akavʉvona ʉwɨɨmɨkiwa wa Ngʉlʉve, nʉ Yɨɨsʉ ɨmile ʉlʉvasu lwa kʉndyo lwa Ngʉlʉve. 56Pwʉ akatsova akata, “Lola! Ndikʉkʉvona kʉkyanya kʉdɨndʉliiwe, nʉ Mwana va Muunu#7:56 Mwana va Muunu Ʉvʉganulu wa mamenyu aga lola kʉ lʉtʉngʉ lwa mamenyu amahenza agalɨ kʉ vʉmalɨlo wa kɨtabu ɨkɨ. ɨmile ʉlʉvasu lwa kʉndyo lwa Ngʉlʉve!”
57Pwʉ avavaha va Vayahudi valya vakava navinogwa ʉkʉmpʉlɨhɨtsa, vakabunga imbʉlʉkʉtʉ tsa veene, kʉnʉ vikwoveela. Vakava kɨɨnu kɨpamato pa kʉmwʉvʉkɨla ʉSitefano, 58vakammʉmya kʉnzi kʉ vʉtsenge, vakatengʉla ʉkʉntika na maganga. Avooleletsi va vʉnuasi valya vakasuula amakoti ga veene, vakagavɨɨka pa silʉnde sya ndʉme mpamato ʉvɨ aatambʉlwagwa Sauli.
59Wʉ vikʉntika ʉSitefano na maganga, akɨsaja akata, “Vɨ Ntwa vɨ Yɨɨsʉ, ndidoova ʉpɨlɨla ɨnumbula jyango!” 60Pwʉ akasugama paasi, akalɨla kʉ limenyu ɨlivaha akata, “Vɨ Ntwa, ndidoova ʉleke ʉkʉvahɨga pa vʉviivi wa veene ʉvʉ.” Wʉ atsovile ago, akaswa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.