lu-kaa 2

ye-su Zwrtq seij

(peiq mavg matq-Taai 1:18-25)

1uaq zang si-saa x-katg-tatg huvb Fiag livg hatg lo-maa zyrub tivb yetg zuvq pc'g fivj faauj myenb hrud. 2(faauj naaiq ta'yetq Rung myenb hrud uaq zang, txij zu'g Ki-li-ni-atg zruj zuvj kunq si-lia teib puv.) 3taub taub myenb zyrug Rwrnj kanb Eei pwrnb muvq faauj myenb hrud.

4yo-sepq zyrug yem kaa-li-li scvq, naa-saa-letq muvq, mivb yu-Dia scvq, Betg-le-hem muvq uaq. naaiq nxm muvq se lob Nxi Daa-witq huvb Zwrtq seij Eei muvq. yo-sepq se Daa-witq huvb Eei zeib fun Zivj taaib xij zu'g mivb uaq nxm muvq faauj myenb hrud. 5yo-sepq kxvq zyavb maa-li-yaa, zyrug txb ninb Zauj Jyenq mivb. maa-li-yaa Eei sin yaag maiq Kuvj.

6yem Betg-le-hem muvq uaq zang, Tauj Dutq sin Eei zyavb hog a'q. 7maa-li-yaa zyrug yuvd tu'q ninb Eei taaub taub txn taaib, lovg swavj peu Jyenq pun ninb pweij maab zob ka'Euad, weig zu'g Kc'q pyauq maiq maaib txvj pun ninb Bua hitq.

mavg yuvb Eei myenb

8uaq nxm teib puv maaib teij kruj pa'ki yuvb Eei myenb luvb mwrnd zang yem yuvb Zyavq kruj ninb Bua Eei yuvb. 9maaib taub zyruq Eei finb myenb hing Zwrtq taaib yaag maaib zyruq Eei Favb laavg ziuj Jyenq ninb Bua, hc'q ninb Bua kamb Riaj haig.

10finb myenb kxvq Buaj ninb Bua, “maiq tuvq kamb Riaj og. yia txb Kuq fyenj taaib pun meib Bua. naaiq Kuq fyenj xij pun luvb Diaq myenb tu'q Fyenb yrub. 11ib Nxi, yem Daa-witq Eei muvq, meib Bua Eei Fruj zyruq Zwrtq seij taaib a'q, tovb zyruq ki-tug. 12naaiq se zruj Javb hog pun meib Bua. meib Bua xij lxd pwatg taub kub vwaad peu Jyenq swavj pweij maab zob ka'Euad.”

13lyemb zeib cvj hing Zwrtq yetg tomb kwanb finb myenb taaib Zauj Jyenq hing Zwrtq Daavg uaq taub, Zev Tinb huvb. 14ninb Bua kxvq,

“Zev Tinb huvb, yem Lav Jiaj Eei txvj uaq taub.

luvb Diaq myenb, tovb ninb a'Neiq uaq teij, xij tu'q pcvb xn.”

15finb myenb zyrug leib Gxi ninb Bua, cvj Rwrnj Tinb txvb mig a'q. uaq teij kruj yuvb myenb, laanb Buaj laanb, “Bua xij zu'g mivb Betg-le-hem muvq mavg kaaj zyruq Buaj Bua naaiq teij Jauq x'g?”

16ninb Bua zyrug kaanq Jyenq mivb, lxd pwatg maa-li-yaa Zauj yo-sepq yaag pwatg uaq taub kub vwaad pweij Jyenq maab zob ka'Euad. 17kruj pa'ki yuvb Eei myenb pwatg, ninb Bua zyrug zyav finb myenb kxvq naaiq taub kub vwaad Eei Jaub lrug Buaj zwavj myenb. 18haiq taub haid yaag Bua'g hxvb kruj yuvb myenb kxvq Eei waag. 19mq paag maa-li-yaa maiq haib la'Ku'q. aab log Javj Jyenq naaiq teij Jauq. 20mavg yuvb Eei myenb weig ninb Bua pwatg liud, haid liud Eei sig zyrug Taaib Tinb huvb, Zev Jyenq Tinb huvb Rwrnj. yetg zuvq txij Revg finb myenb kxvq Eei waag.

txb ye-su fuvj pun Tinb huvb

21ye-su Zwrtq seij taaib pwavq Yetg Nxi uaq Nxi, Tauj zyavb hog Tevj ninb Jiaj kaatq Eei leid,#le-wi 12:3 ninb Bua zyrug Tevj ninb Zwrtq Buaj heug ye-su.#lu-kaa 1:31 naaiq nxm Buaj, maa-li-yaa maiq kcvb maaib sin uaq zang finb myenb Tevj Zwrtq zyavj a'q.

22ei Jyenq mo-se Eei leib latg, maa-li-yaa saaj wij Eei Nxib Eia'g Tauj. yo-sepq Zauj maa-li-yaa zyrug txb ye-su mivb ye-lu-saa-lem zivb fuvj pun zyruq,#le-wi 12:6-8 23ei zyruq Eei leib latg fiaq Jyenq kxvq,

“haiq taub yuvd tu'q taaub taub txn xij zu'g fuvj pun zyruq.”#Zwrtq i-yipq 13:2,12,15

24ninb Bua yaag ei zyruq Eei leib latg txb ka'naaiq mivb ziag pun zyruq Navq naaiq,

“yetg txij nx'g Go fai i nxm pc'g kopq lunj.”

25yem ye-lu-saa-lem zivb maaib laanb myenb, Buaj heug si-me-on. ninb zruj Kuq myenb, kan lovj Tinb huvb Eei leid. ninb zuaq Jyenq Tinb huvb Fruj i-saa-laa-en myenb. sivj livb yaag Zauj ninb yem. 26sivj livb pun ninb hiuq tu'q ninb zuaq Tauj tu'q pwatg zyruq lcvd pun uaq taub ki-tug Zivj taaib taig.

27sivj livb txb si-me-on pia'g zavg Tinb huvb Eei pyauq. yo-sepq Zauj maa-li-yaa yaag txb ye-su pia'g mivb xij ei Jyenq leib latg zruj. 28si-me-on zyrug Lxpq Jyenq ye-su Zev Tinb huvb. ninb kxvq,

29“zyruq aag, meib lcvd Eei waag, meib zruj zyavj a'q.

ib zang pun yia, meib Eei pru, pcvb xn Eei kwei seij.

30weig zu'g yia kanb Eei mziv tu'q pwatg liud meib Eei Fruj en,

31tovb meib txv Jyenq maang fivj myenb liug leid zyavj Eei Fruj en.

32naaiq taub kub vwaad zruj Fav

pun kanb fivj myenb hiuq tu'q meib Eei eij,

yaag pun myenb Taaib meib Eei pc'g fivj, i-saa-laa-en myenb.”#i-saa-yaa 42:6; 49:6; 52:10

33kub vwaad Eei tiaj maag Bua'g hxvb haig si-me-on Navq naaiq nx kxvq kub vwaad Eei Jaub lrug. 34si-me-on pwav waag pun ninb Bua, cvj Buaj ye-su Eei maa, maa-li-yaa, “Tinb huvb kinq naaiq taub kub vwaad taaib pun i-saa-laa-en myenb Zamq Eei zu'g myetg, pun Zamq Eei tu'q Fruj. ninb xij penj nxm Javb hog mq paag maaib myenb Zamq Eei xij taanb ninb, 35pun ninb Bua yem Hruq Namq Eei Jauq piuj mevb Zwrtq taaib. meib xij pwavb zu'g Raub Navq Ru'g Daauq pa'q Jyenq meib Eei Ba'Riu uaq nx.”

36cvj maaib taub msia'q txn, Buaj heug an-naa, zruj trug waag myenb. ninb se aa-se fivj, faa-nu-en Eei sia'q. an-naa koj haig a'q. zinb Daavg ninb txv Jyenq Jaa siag Havj, 37zyrug kwaaq mig a'q. ninb zruj aub kwaaq Tauj tu'q petq zyepg feij Havj yaag maiq mivb haiq Dau. Kuvj yem zavg Tinb huvb Eei pyauq Nxib Nxi mwrnb mwrnd zavg Tinb huvb Navq. maaib zyavb hog ninb zei Jyenq maiq Eang haiq Euvg yaag tauj kauj. 38si-me-on yem uaq kxvq Jyenq waag uaq zang, an-naa cvj mivb Tauj ninb Bua uaq, lcvd zivb Tinb huvb cvj kxvq naaiq taub kub vwaad Eei Jaub lrug pun zuaq Jyenq Tinb huvb taaib zua'g ye-lu-saa-lem zivb uaq teij myenb mwavj.

39yo-sepq Zauj maa-li-yaa ei Jyenq zyruq Eei leib latg zruj zyavj Revg, ninb Bua zyrug Rwrnj kaa-li-li scvq, ninb Bua Eei pwrnb muvq naa-saa-letq.#matq-Taai 2:23 40naaiq taub kub vwaad kunq Lo kunq henq, kunq maaib Zovb mevb, Tinb huvb yaag Zeij en pun ninb.

ye-su tu'q zyepg Eeig Havj uaq Havj

41Havb Havj ye-su Eei tiaj maag mivb ye-lu-saa-lem zivb Jiaj siaj mcvg zipq.#Zwrtq i-yipq 12:1-27; Ramg leib latg 16:1-8 42ye-su tu'q zyepg Eeig Havj uaq Havj, ninb Bua ei Jyenq leid mivb Jiaj zipq. 43tovb uaq Rung mivb kau, Jiaj zipq Eei wig Raanj, ninb Bua Rwrnj, mq paag naaiq taub txn, ye-su, Zxg yem ye-lu-saa-lem zivb. ninb Eei tiaj maag yaag maiq hiuq tu'q, 44laaig ye-su Zauj Jyenq myenb Zamq Rwrnj. ninb Bua zyrug Rwrnj yetg Nxi Mwavj a'q, Zivj taaib lxd naaig Zyenb Ze'q kxb yrud. 45lxd yaag lxd maiq pwatg, ninb Bua zyrug taauj sin Rwrnj ye-lu-saa-lem zivb lxd.

46cvj lxd kau, Tauj ta'faam Nxi uaq Nxi, pwatg ninb yem zavg Tinb huvb Eei pyauq zweid Jyenq finb scv Eei Bu'Dovj, yetg ping mwavj ninb Bua kxvq, yetg ping naaig ninb Bua. 47myenb haid ninb kxvq Eei waag, haiq taub yaag Bua'g hxvb haig ninb Dovg naaig kwai, tau tu'q Dovg naaig hxpg.

48ninb Eei tiaj maag pwatg ninb uaq zang, ninb Bua lyemb Namq maiq hiuq. ninb Eei maa zyrug kxvq Buaj ninb, “aa txn aa'b! meib fuvg Navq naaiq nx zruj pun yia Bua? meib Eei tia Zauj yia lxd maiq pwatg meib, Raub tu'q Kruq haig a'q nyaa.”

49ye-su tau, “aa maa Bua weig haiq tiug lxd yia? meib Bua maiq hiuq tu'q yia xij zu'g yem yia Eei tia Eei pyauq?” 50ye-su Navq naaig nx kxvq mq paag ninb Bua Zxg Namq maiq mevb pc'g.

51ye-su zyrug kan Jyenq ninb Bua Rwrnj naa-saa-letq muvq, yaag mwavj Revg tiaj maag Eei waag. naaiq teij Jaub lrug Zwrtq liud, ninb Eei maa haiq zang yaag Javj Jyenq. 52ye-su kunq Lo kunq maaib Zovb mevb. Tinb huvb a'Neiq haig ninb. myenb yaag fib Navq Eei a'Neiq haig ninb.#1 saa-mu-en 2:26; Zovb mevb waag 3:4

Currently Selected:

lu-kaa 2: IuMiNOR

Highlight

Copy