Лукара йибкьыд Шадды Хабар 22
22
Иблисед не Иудад меслагьӀат
1Калды Гундзмыд байрам бегеде виъий, гьадид дур Пасха йиъий. 2Сахьусды дибирешис не Диндид магьӀалимешис ГьӀасад кьулис ваъас йигара ай, амма илсанашыыла гичӀерей. 3Гьа гедеэне Иблис увгъӀуре ЦӀыкьӀуннийклаа сынийде «Иуда Искариот» хьур лакьаб гъад. 4Ти йиркьыр сахьусды дибирешихда на Йинчид Халды къаривылашихда, гьабишихьван меслагьӀат гьаъара, шууна джу ГьӀаса хакьас куьмег гьаъасди. 5Тимбыр шад дишир, «шийибыр выс» хьур минийс чӀел вылцӀара. 6Иуда рази йишир, илсанашис хабар дживикисне, Гьа масак высды йыхды мизан гьувургара.
ГьӀаса на шагыртар цухьрудыхда сыдыбкьӀыре
7Руъура Калды Гундзмыд байрамад йыгъ, гьа йыгъа садакьадис гъывырсыр гел вуругад гьӀадат йиъий. 8ГьӀасара сидилгара Петр на Янан, гьабишыы тапширмиш гьыъыр:
– Дыхьыр, ес байрамад тӀиз гьӀазыр гьаъ.
9– Вас гьили гьӀазыр гьыъыр йигара е тӀиз? – хулкара тимбише.
10– Аъ шегьерди аӀчӀуйне, выхьды рыкъӀа гыхӀыси са эдеми гьанийде хана викиси хьед ад гыбытӀый, – рухьура ГьӀасара. – Гьанийхда хъуна дырых гьа аъ аӀчӀусды халыы йыкьамаъ. 11Халды иессиеде ваӀ гьихьяъ: «МагьӀалимере хулкара а вадаа: „Гьили а хал, Задаа на мутагьӀлимешдаа гундз вуъулес йикисды?“» 12Гьание ваӀс джиле чӀыхнад туьли гид хал гьагва гьаъаси, кьухьды тыв. Гьади гьӀазыр гьаъ.
13Тимбыр дыхьыр, сиене Гьанийе рухьуд кал алгара. ГьӀазыр гьаъара гьади гундзмыд садакьа – тӀиз. 14Вахт йибкьыйне, ГьӀаса на шагыртар сыдыбкьӀыре цухьрудыхда.
15– Шудаъ йигарай Зас гьеми гундз ваӀхьван вуъулес изды гьӀазиетбыр каӀбчӀумаъ! – рухьура гьабишде ГьӀасара. – 16Рухьура ваӀде, За гьа вуъулесдиш, гьа Аллагьад ПагьӀчаалыгъа кьуле вуруъумаъ.
17Лювшур джем, шукур ваъад дугьӀа ки кьыле гьыъыр, Гьание рухьура:
18– Ма, лювуш джем, чахыр ваӀс пай гьаъ. Рухьура ваӀде: мидыыла хъуъ Задаа чахыр хъарагъас хъикисдиш – таа ки Аллагьад ПагьӀчаалыгъ вуруъумаа.
19Лювшур хьыв, кьатӀ выъыр, шукур выъыр, гьабишде вылцӀара, мисе рухьура:
– Ми Изды джан йиъи, ваӀ бадаана вылцӀара ад. Зы йикӀыы хакьыр, мисе гьаъ.
20Гьааса Гьание улесды люъудыыла хъуъ Гьание гьабишде чахыр ад джем ки вылцӀара:
– Ми джем ЦӀинды Ара хавалды виъи ваӀ бадаана сувгъӀуре ад Изды эбирехьван гъигъе выъыр ад.
21Амма мидиъ гадакъ! Зы масак выснийды хыл Изды хылихьван са устӀулаа гъа! 22Ий, Илсанашды Духарыы Джус Аллагьара кихьидбыйдыбыр сиене кьулуу йидкьын лазим йиъи. Амма Гьа масак вынийды джуды гьӀаюхь йиъи!
23Тимбише сыние сынийдаа хулкара, вышди Гьа масак выс гъилыы гъад.
Выш кьухьдына гьӀасаб гьыъыр йыгара
24МутагьӀлимешды арыди гьӀаджет руъура, джвершиклаа выш ти кьухьдына гьӀасаб руъурди. 25Амма ГьӀасара рухьура гьабишде:
– Кафирешды пагьӀчаагьаше йиъи джухьды халкьдид кьул хывыркьад, гьабишды кьухьдыбише йиъи джвершихда «Хайирлиер» гьухьус вылцӀад.
26Выхьды арыди гьааса джишин лазим и!
Выхьды арыди кьухьние выдж кӀыъды кал хакьыхь,
ти кьухьние – къул кал.
27Гьис хьуйне, выш кьухьа йиъи?
УстӀулахда хъуд кьухьа йиъиме,
дишди гьанийис улесды вылцӀад?
Бес устӀулахда хъудбыйды дишме?!
Амма Зы выхьды арыди къул гьӀасаб йиъи!
28Захьван сытӀаъна ваӀ ки кьулуу йидкьыд духъундыбыр летӀир а. 29За ки ваӀс пешкеш ваъара Изды Диде Зас пешкеш выъыд ПагьӀчаалыгъ. 30ВаӀ Изды ПагьӀчаалыгъа Изды устӀулахда улере, рагъара дикиси, тахмыы сыдкьӀыр дикиси, цӀыкьӀваб Израилдид курд хылихьде гине.
31Симан, Симан, гакъ, вы макъыет йиш! Иблиседе выхьды амзыр гьаъас на кьир гытӀаклаа джура ваъас вылцӀара а. 32Амма За дугьӀа гьыъыр а, «вы диндидаа гъара магъӀуй» хьур. Хьели, вы Захда сухъукуйне, ва выды шубаӀ гъигъе даъ диндыы.
33– Илагьи! – рухьура Петрара ГьӀасада. – Выды джыбра хъуна зы гьӀазыр йиъи дустахди ки, джан выс ки!
34– Дуьзене рухьура вада, Петр, – рухьура Петрада ГьӀасара, – гъиигъа дадал валгасмаъ, ва хьиба «Зы гьацӀаддиш» хьур гьухьуси.
35За ваӀ сидилгад гедеэне – я хваб, я шийи, я гъилыыды хадишне, – ваӀ гьидыы-га магьӀатӀал дуруъурайме, аджыгыр? – хулкара гьабишдаа ГьӀасара.
– Гьидыына, – рухьура тимбише.
36– Гьамыъ, хьуйне, – рухьура гьабишде ГьӀасара, – шийибыр ание шийибыр лешихь, хваб ки лювшухь, адишние валыг ки масак выр, тур лешихь. 37За рухьура ваӀде, Заклаа шыв киди Диндид дахьвтарак: «Гьа хъачахашды яцӀак киере», гьааса йикис ки йиъи. Гьис хьуйне, Заклаа шыв киди, сиене гьамыъ кьулуу йыкьаси.
38– Гьай Илагьи, миди кьӀвад тур ги! – рухьура тимбише.
– Гъийкьаси! – рухьура Гьание.
Йидкьыд йыгъ лийес йишихь!
39Мыс-га кал, аӀгъӀачӀур халаа гъаъ, субкура Гьа Елеон-банахда. Гьанийды джыбра мутагьӀлимер ки дуруъура. 40Ериндыы йиркьыр, Гьание рухьура тимбишде:
– «Йидкьыд йыгъ лийес йикихь», хьур, куб ваъ!
41Выдж, хьуйне, гьабишдаа цӀар хуувгъуд духъунды мамзиляа йыхьыр, кьвакьымыы сукьур, куб ваъара: 42-44«Джан Дид, миннет виъи Вахьде, Зы гьеми Ва варагъас вылцӀара ад джемекляа геэяъ! Амма Ва гьухьудбыйды кьуле йыкьыхь, За гьухьуд ваъ!»
45Кубаала лаъ лухъузур, Гьа руъура мутагьӀлимешды бегеде, гьадубгура гьабыр хаджалатара некьик кидхьур ана.
46– ВаӀ гьидис садхыр адбыр диъи? – рухьура Гьание гьабишде. – Луьздуьр, куб ваъ, ваӀдаа «йыкьасды йыгъ лиес йикихь» хьур!
Иудад темени
47Гьание гьааса рухьура марана, магьӀлим вуруъура кӀабал, хьурабый «Иуда» хьур дур гъад ЦӀыкьӀурниклаа сабыйды гине. Гьа ГьӀасад бегеде руъура, «темени гьаъас» хьур.
48– Иуда, – рухьура гьанийде ГьӀасара, – уннанки высимихь ва Зы темени гьыъыр масак?
49Гьа гедеэне геэдылкьара Гьанийды аа-уу гид мутагьӀлимер, шивди миссагьӀатди йикисды, гьабише рухьура:
– Гьай Илагьи, гьамыъ е турбыр, капырбыр лаъ летӀесиме?
50Гьааса гьухьур, сыние Сахьусды Дибиред къулад гьӀарчед убур куулкьара.
51– Маъ, йишири! – рухьура гьабишде ГьӀасара. Хьели, убрук кийкьыр, китӀе хъаъара. 52Сахьусды Дибирешде, Йинчид Халды къаривылашде не агъсакъалашде, джухда йидкьыр ад, рухьура: – Зы хъӀачах име, ваӀ Захда турбыр на кӀарбыр хана дыкьас? 53Зы гьӀар йыгъа выхьды Йинчид Хала ай, бес ваӀ зак гьис гьади кеджетедий? Гьамыъ выхьды вахт йибкьыр а, зулмат!
54Гьабише хакьыр ГьӀаса, гыргара. Йыгыри гьабише Гьа Сахьусды Дибиред хала. Петр джыбра кал хъуна йиъина ай. 55ГьӀаятдид йыкьӀа цӀай хъыъыр, илсанар сыдыбкьӀыре гьадид аа-уу, Петр ки субкьура гьабишихьван. 56Са къаривышере, цӀиде хад Петр гьагуйне, уртӀур гьанийды хьесыма, рухьура:
– Гьеми ки Гьанийхьван ай!
57Амма Петра рухьура:
– Зас Гьа гьацӀаддиш, гьай хьыдылды!
58ЫхьаӀ-ка манние, гьа гьагур, рухьура:
– Вы ки гьабишды сабыйды йиъи.
– Диш-ку, хыди, – рухьура Петра.
59Са сагьӀатаала кал са манние ки рухьура:
– Дугъридан, ми ки гьабишихьван ай, ми ки Галилеяшура дишме бес?!
60– Хъац-гва, зас вы гьидиклаа иди гьалгад гьацӀаардиш, – рухьура Петра маа.
61Гьание гьааса рухьура мадана, дадал валгара. Илагьи, хъуъ сукур, Петрыхда гакъара, хьели Петрыс йикӀыы хъӀугъӀуре Тиние джуда гьухьуд чӀелбыр: «Гъиигъа дадал валгамаа вы хьиба Заала хъуъ лухъузаси».
62ГьӀаятдаа гъаъ хъиркьыр, йикӀ лиидхьур, ешере Петр.
Иянатбыр
63ГьӀасад къаривыл деъэре ад илсанаше Гьанийклаа иянатбыр гьаъара, яталбыр гьаъара Гьанийс. 64Гьанийды улабахда хъӀыр хъитӀир, хулкарай гьабише:
– Пайгъампар, гьацӀара гьаъ, гьал иди вы йыхӀыд?
65Балад мадды ки иянатбыр гьаъара ай гьабише Минийклаа.
МеслагьӀат
66Йыгъ йишийне, ягъмиш дуруъура халкьдид агъсакъалар, сахьусды дибирер, Диндид магьӀалимер. ГьӀаса гъаъ эгъеръир, МеслагьӀатед улихьде луза гьаъара.
67– Джываб вияъ, Вы Мусуд йиъиме? – хулкара гьабише.
68– Нагагь За гьухьухьвна, ваӀ инаамиш дикисдиш, нагагь За суал выхьвна – ваӀ джываб хъывысдиш, – рухьура ГьӀасара. – 69Амма мидыыла хъуъ илсанашды Дух Кьууветли Аллагьад гьӀарчед хылыы сукьуси.
70– Иди Вы Аллагьад Дух име? – хулкара сиенебише.
71– ВаӀ рухьура а «Зы йиъи» хьур, – джываб вылцӀара ГьӀасара.
72– Маа еде шигьидер гьидисдыбыр диъи? – рухьура тимбише гьа гедеэне, – Ес Гьанийды джуды мизыыла сиенемыд ун йишири!
Currently Selected:
Лукара йибкьыд Шадды Хабар 22: RUT
Highlight
Share
Copy
Want to have your highlights saved across all your devices? Sign up or sign in
© Библие мадды чӀилмыы хъывгад Институтара, 2004
Лукара йибкьыд Шадды Хабар 22
22
Иблисед не Иудад меслагьӀат
1Калды Гундзмыд байрам бегеде виъий, гьадид дур Пасха йиъий. 2Сахьусды дибирешис не Диндид магьӀалимешис ГьӀасад кьулис ваъас йигара ай, амма илсанашыыла гичӀерей. 3Гьа гедеэне Иблис увгъӀуре ЦӀыкьӀуннийклаа сынийде «Иуда Искариот» хьур лакьаб гъад. 4Ти йиркьыр сахьусды дибирешихда на Йинчид Халды къаривылашихда, гьабишихьван меслагьӀат гьаъара, шууна джу ГьӀаса хакьас куьмег гьаъасди. 5Тимбыр шад дишир, «шийибыр выс» хьур минийс чӀел вылцӀара. 6Иуда рази йишир, илсанашис хабар дживикисне, Гьа масак высды йыхды мизан гьувургара.
ГьӀаса на шагыртар цухьрудыхда сыдыбкьӀыре
7Руъура Калды Гундзмыд байрамад йыгъ, гьа йыгъа садакьадис гъывырсыр гел вуругад гьӀадат йиъий. 8ГьӀасара сидилгара Петр на Янан, гьабишыы тапширмиш гьыъыр:
– Дыхьыр, ес байрамад тӀиз гьӀазыр гьаъ.
9– Вас гьили гьӀазыр гьыъыр йигара е тӀиз? – хулкара тимбише.
10– Аъ шегьерди аӀчӀуйне, выхьды рыкъӀа гыхӀыси са эдеми гьанийде хана викиси хьед ад гыбытӀый, – рухьура ГьӀасара. – Гьанийхда хъуна дырых гьа аъ аӀчӀусды халыы йыкьамаъ. 11Халды иессиеде ваӀ гьихьяъ: «МагьӀалимере хулкара а вадаа: „Гьили а хал, Задаа на мутагьӀлимешдаа гундз вуъулес йикисды?“» 12Гьание ваӀс джиле чӀыхнад туьли гид хал гьагва гьаъаси, кьухьды тыв. Гьади гьӀазыр гьаъ.
13Тимбыр дыхьыр, сиене Гьанийе рухьуд кал алгара. ГьӀазыр гьаъара гьади гундзмыд садакьа – тӀиз. 14Вахт йибкьыйне, ГьӀаса на шагыртар сыдыбкьӀыре цухьрудыхда.
15– Шудаъ йигарай Зас гьеми гундз ваӀхьван вуъулес изды гьӀазиетбыр каӀбчӀумаъ! – рухьура гьабишде ГьӀасара. – 16Рухьура ваӀде, За гьа вуъулесдиш, гьа Аллагьад ПагьӀчаалыгъа кьуле вуруъумаъ.
17Лювшур джем, шукур ваъад дугьӀа ки кьыле гьыъыр, Гьание рухьура:
18– Ма, лювуш джем, чахыр ваӀс пай гьаъ. Рухьура ваӀде: мидыыла хъуъ Задаа чахыр хъарагъас хъикисдиш – таа ки Аллагьад ПагьӀчаалыгъ вуруъумаа.
19Лювшур хьыв, кьатӀ выъыр, шукур выъыр, гьабишде вылцӀара, мисе рухьура:
– Ми Изды джан йиъи, ваӀ бадаана вылцӀара ад. Зы йикӀыы хакьыр, мисе гьаъ.
20Гьааса Гьание улесды люъудыыла хъуъ Гьание гьабишде чахыр ад джем ки вылцӀара:
– Ми джем ЦӀинды Ара хавалды виъи ваӀ бадаана сувгъӀуре ад Изды эбирехьван гъигъе выъыр ад.
21Амма мидиъ гадакъ! Зы масак выснийды хыл Изды хылихьван са устӀулаа гъа! 22Ий, Илсанашды Духарыы Джус Аллагьара кихьидбыйдыбыр сиене кьулуу йидкьын лазим йиъи. Амма Гьа масак вынийды джуды гьӀаюхь йиъи!
23Тимбише сыние сынийдаа хулкара, вышди Гьа масак выс гъилыы гъад.
Выш кьухьдына гьӀасаб гьыъыр йыгара
24МутагьӀлимешды арыди гьӀаджет руъура, джвершиклаа выш ти кьухьдына гьӀасаб руъурди. 25Амма ГьӀасара рухьура гьабишде:
– Кафирешды пагьӀчаагьаше йиъи джухьды халкьдид кьул хывыркьад, гьабишды кьухьдыбише йиъи джвершихда «Хайирлиер» гьухьус вылцӀад.
26Выхьды арыди гьааса джишин лазим и!
Выхьды арыди кьухьние выдж кӀыъды кал хакьыхь,
ти кьухьние – къул кал.
27Гьис хьуйне, выш кьухьа йиъи?
УстӀулахда хъуд кьухьа йиъиме,
дишди гьанийис улесды вылцӀад?
Бес устӀулахда хъудбыйды дишме?!
Амма Зы выхьды арыди къул гьӀасаб йиъи!
28Захьван сытӀаъна ваӀ ки кьулуу йидкьыд духъундыбыр летӀир а. 29За ки ваӀс пешкеш ваъара Изды Диде Зас пешкеш выъыд ПагьӀчаалыгъ. 30ВаӀ Изды ПагьӀчаалыгъа Изды устӀулахда улере, рагъара дикиси, тахмыы сыдкьӀыр дикиси, цӀыкьӀваб Израилдид курд хылихьде гине.
31Симан, Симан, гакъ, вы макъыет йиш! Иблиседе выхьды амзыр гьаъас на кьир гытӀаклаа джура ваъас вылцӀара а. 32Амма За дугьӀа гьыъыр а, «вы диндидаа гъара магъӀуй» хьур. Хьели, вы Захда сухъукуйне, ва выды шубаӀ гъигъе даъ диндыы.
33– Илагьи! – рухьура Петрара ГьӀасада. – Выды джыбра хъуна зы гьӀазыр йиъи дустахди ки, джан выс ки!
34– Дуьзене рухьура вада, Петр, – рухьура Петрада ГьӀасара, – гъиигъа дадал валгасмаъ, ва хьиба «Зы гьацӀаддиш» хьур гьухьуси.
35За ваӀ сидилгад гедеэне – я хваб, я шийи, я гъилыыды хадишне, – ваӀ гьидыы-га магьӀатӀал дуруъурайме, аджыгыр? – хулкара гьабишдаа ГьӀасара.
– Гьидыына, – рухьура тимбише.
36– Гьамыъ, хьуйне, – рухьура гьабишде ГьӀасара, – шийибыр ание шийибыр лешихь, хваб ки лювшухь, адишние валыг ки масак выр, тур лешихь. 37За рухьура ваӀде, Заклаа шыв киди Диндид дахьвтарак: «Гьа хъачахашды яцӀак киере», гьааса йикис ки йиъи. Гьис хьуйне, Заклаа шыв киди, сиене гьамыъ кьулуу йыкьаси.
38– Гьай Илагьи, миди кьӀвад тур ги! – рухьура тимбише.
– Гъийкьаси! – рухьура Гьание.
Йидкьыд йыгъ лийес йишихь!
39Мыс-га кал, аӀгъӀачӀур халаа гъаъ, субкура Гьа Елеон-банахда. Гьанийды джыбра мутагьӀлимер ки дуруъура. 40Ериндыы йиркьыр, Гьание рухьура тимбишде:
– «Йидкьыд йыгъ лийес йикихь», хьур, куб ваъ!
41Выдж, хьуйне, гьабишдаа цӀар хуувгъуд духъунды мамзиляа йыхьыр, кьвакьымыы сукьур, куб ваъара: 42-44«Джан Дид, миннет виъи Вахьде, Зы гьеми Ва варагъас вылцӀара ад джемекляа геэяъ! Амма Ва гьухьудбыйды кьуле йыкьыхь, За гьухьуд ваъ!»
45Кубаала лаъ лухъузур, Гьа руъура мутагьӀлимешды бегеде, гьадубгура гьабыр хаджалатара некьик кидхьур ана.
46– ВаӀ гьидис садхыр адбыр диъи? – рухьура Гьание гьабишде. – Луьздуьр, куб ваъ, ваӀдаа «йыкьасды йыгъ лиес йикихь» хьур!
Иудад темени
47Гьание гьааса рухьура марана, магьӀлим вуруъура кӀабал, хьурабый «Иуда» хьур дур гъад ЦӀыкьӀурниклаа сабыйды гине. Гьа ГьӀасад бегеде руъура, «темени гьаъас» хьур.
48– Иуда, – рухьура гьанийде ГьӀасара, – уннанки высимихь ва Зы темени гьыъыр масак?
49Гьа гедеэне геэдылкьара Гьанийды аа-уу гид мутагьӀлимер, шивди миссагьӀатди йикисды, гьабише рухьура:
– Гьай Илагьи, гьамыъ е турбыр, капырбыр лаъ летӀесиме?
50Гьааса гьухьур, сыние Сахьусды Дибиред къулад гьӀарчед убур куулкьара.
51– Маъ, йишири! – рухьура гьабишде ГьӀасара. Хьели, убрук кийкьыр, китӀе хъаъара. 52Сахьусды Дибирешде, Йинчид Халды къаривылашде не агъсакъалашде, джухда йидкьыр ад, рухьура: – Зы хъӀачах име, ваӀ Захда турбыр на кӀарбыр хана дыкьас? 53Зы гьӀар йыгъа выхьды Йинчид Хала ай, бес ваӀ зак гьис гьади кеджетедий? Гьамыъ выхьды вахт йибкьыр а, зулмат!
54Гьабише хакьыр ГьӀаса, гыргара. Йыгыри гьабише Гьа Сахьусды Дибиред хала. Петр джыбра кал хъуна йиъина ай. 55ГьӀаятдид йыкьӀа цӀай хъыъыр, илсанар сыдыбкьӀыре гьадид аа-уу, Петр ки субкьура гьабишихьван. 56Са къаривышере, цӀиде хад Петр гьагуйне, уртӀур гьанийды хьесыма, рухьура:
– Гьеми ки Гьанийхьван ай!
57Амма Петра рухьура:
– Зас Гьа гьацӀаддиш, гьай хьыдылды!
58ЫхьаӀ-ка манние, гьа гьагур, рухьура:
– Вы ки гьабишды сабыйды йиъи.
– Диш-ку, хыди, – рухьура Петра.
59Са сагьӀатаала кал са манние ки рухьура:
– Дугъридан, ми ки гьабишихьван ай, ми ки Галилеяшура дишме бес?!
60– Хъац-гва, зас вы гьидиклаа иди гьалгад гьацӀаардиш, – рухьура Петра маа.
61Гьание гьааса рухьура мадана, дадал валгара. Илагьи, хъуъ сукур, Петрыхда гакъара, хьели Петрыс йикӀыы хъӀугъӀуре Тиние джуда гьухьуд чӀелбыр: «Гъиигъа дадал валгамаа вы хьиба Заала хъуъ лухъузаси».
62ГьӀаятдаа гъаъ хъиркьыр, йикӀ лиидхьур, ешере Петр.
Иянатбыр
63ГьӀасад къаривыл деъэре ад илсанаше Гьанийклаа иянатбыр гьаъара, яталбыр гьаъара Гьанийс. 64Гьанийды улабахда хъӀыр хъитӀир, хулкарай гьабише:
– Пайгъампар, гьацӀара гьаъ, гьал иди вы йыхӀыд?
65Балад мадды ки иянатбыр гьаъара ай гьабише Минийклаа.
МеслагьӀат
66Йыгъ йишийне, ягъмиш дуруъура халкьдид агъсакъалар, сахьусды дибирер, Диндид магьӀалимер. ГьӀаса гъаъ эгъеръир, МеслагьӀатед улихьде луза гьаъара.
67– Джываб вияъ, Вы Мусуд йиъиме? – хулкара гьабише.
68– Нагагь За гьухьухьвна, ваӀ инаамиш дикисдиш, нагагь За суал выхьвна – ваӀ джываб хъывысдиш, – рухьура ГьӀасара. – 69Амма мидыыла хъуъ илсанашды Дух Кьууветли Аллагьад гьӀарчед хылыы сукьуси.
70– Иди Вы Аллагьад Дух име? – хулкара сиенебише.
71– ВаӀ рухьура а «Зы йиъи» хьур, – джываб вылцӀара ГьӀасара.
72– Маа еде шигьидер гьидисдыбыр диъи? – рухьура тимбише гьа гедеэне, – Ес Гьанийды джуды мизыыла сиенемыд ун йишири!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библие мадды чӀилмыы хъывгад Институтара, 2004