Yohane 6
6
Yesu ha ni akpe enuɔ niyeni
(Mateo 14.13-21; Marko 6.30-44; Luka 9.10-17)
1Enɛ ɔ se ɔ, Yesu pue nɔ kɛ ho Galilea Wo nɛ ji Tiberia Wo ɔ se ya. 2Nɛ nihi fuu nyɛɛ e se, ejakaa a na okadihi nɛ e pee ngɛ hiɔtsɛmɛ ɔmɛ a he ɔ. 3Yesu ya yoku ɔ nɔ, nɛ e kɛ e kaseli ɔmɛ ya hi si ngɛ lejɛ ɔ. 4Hetsɔmi ɔ nɛ ji Yudafo ɔmɛ a nyami ligbi ɔ su ta. 5Benɛ Yesu wo e hɛ nɔ nɛ e na kaa nihi babauu ma e ngɔ ɔ, e bi Filipo ke: “Jije wa ma ya he abolo ngɛ ha ni nɛ ɔmɛ nɛ a ye?” 6Se enɛ ɔ ɔ, e de kɛ ka lɛ, ejakaa lɛ nitsɛ e le nɔ́ nɛ e maa pee. 7Filipo he nɔ ke: “Cedi lafa enyɔ nya abolo be mɛ sue, bɔ nɛ a ti nɔ tsuaa nɔ ma na nyamiwo bɔ kakaaka po.” 8E kaseli ɔmɛ a ti nɔ kake, Andrea, nɛ ji Simon Petro nyɛmi ɔ, de lɛ ke: 9“Jokuɛ nyumuyo ko ngɛ hiɛ ɔ nɛ ngɛ ngma abolo enuɔ kɛ lo tsɔwi enyɔ; se nihi fuu nɛ ɔ, jije enɛ ɔ maa su ha mɛ?” 10Se Yesu ke: “Nyɛ ha nɛ ni ɔmɛ a hi si.” (Nga fuu ngɛ lejɛ ɔ.) Kɛkɛ nɛ nyumuhi nɛ a yibɔ maa su akpe enuɔ ɔ be ya hi si. 11Nɛ Yesu kukuɔ abolo ɔmɛ, nɛ benɛ e na si ɔ, e dla ngɔ ha nihi nɛ hii si ɔmɛ kɛ lo ɔ hu eko, bɔ tsuaa bɔ nɛ a ngɛ hlae. 12Benɛ a tɔ ɔ, ɔ de e kaseli ɔmɛ ke: “Nyɛ bua bibli nɛ piɛ ɔ nya konɛ nɔ́ ko ko laa.” 13Kɛkɛ nɛ a bua ngma abolo enuɔ bibli nɛ a ye piɛ ɔ nya wo kusii nyɔngma kɛ enyɔ mi tɔtɔɔtɔ.
14Lɔ ɔ he ɔ benɛ ni ɔmɛ na okadi nɛ Yesu pee ɔ, a ke: “Niinɛ, nɔ nɛ ɔ ji gbalɔ ɔ nɛ ma je ɔ mi ɔ nɛ.” 15Jeha nɛ ɔ benɛ Yesu yo kaa a maa ba nɛ a ba nu lɛ ka nya nɛ a ya wo lɛ matsɛ ɔ, e nɔ kake e sã e he si kɛ ho yoku ɔ nɔ ya ekohu?
Yesu nyɛɛ nyu hɛ mi
(Mateo 14.22-23; Marko 6.45-52)
16Benɛ su gbɔkuɛ nya si ɔ, e kaseli ɔmɛ pue nɔ kɛ ho wo ɔ nya ya; 17nɛ a ya sɛ lɛ mi, nɛ a ngɛ wo ɔ poe kɛ yaa Kapernaum. Se nɛ diblii wo nɛ ɔ tsuo ɔ, Yesu bɛ́ a ngɔ. 18Nɛ kɔɔhiɔ ngua ko ba fia he je ɔ wo ɔ puɛ. 19Nɛ benɛ kaseli ɔmɛ hlui lɛ ɔ maa pee si tomi nya etɛ loo eywiɛ ɔ, a na Yesu nɛ nyɛɛ wo ɔ hɛ mi kɛ ma nɛ e miɔ nɛ e maa su lɛ ɔ he, nɛ a ye gbeye. 20Se e de mɛ ke: “Ami ʼi, nyɛ ko ye gbeye.” 21Lɔ ɔ he ɔ a suɔ kaa a ngɔ lɛ kɛ ba lɛ ɔ mi; nɛ amlɔ ɔ, lɛ ɔ ya kple ngɛ he nɛ a yaa a.
Ni ɔmɛ hla Yesu
22Je na nɔ ɔ, asafo nɛ daa si ngɛ wo ɔ se ɔ na kaa lɛ kpa ko be lejɛ ɔ hu, nɛ Yesu kɛ e kaseli ɔmɛ sɛ we lɛ ɔ mi, se mohu e kaseli ɔmɛ pɛ lɛ a pue nɔ kɛ ho. 23Lɛ kpa kome je Tiberia ba he nɛ Nyɔmtsɛ ɔ na si nɛ a ye abolo ɔ ngɛ ɔ kasa nya. 24Lɔ ɔ he ɔ benɛ asafo ɔ nɛ kaa Yesu loo e kaseli ɔmɛ be lejɛ ɔ, mɛ hu a sɛ lɛhi a mi, nɛ a ba Kapernaum ba ngɛ Yesu hlae.
Yesu ji wami ngma
25Nɛ benɛ a ba na lɛ ngɛ wo ɔ se ɔ, a bi lɛ ke: “Rabi, mɛni be o ba hiɛ ɔ?” 26Yesu he nɔ ke: “I ngɛ nyɛ dee anɔkuale mi ke: Tsa pi okadihi nɛ nyɛ na a he nɛ nyɛ ngɛ mi hlae nɛ ɔ, se mohu akɛnɛ nyɛ ye abolo ɔ eko nɛ nyɛ tɔ ɔ he je. 27Nyɛ ko tsu ngma nɛ puɛɛ ɔ he ni, se mohu nyɛ tsu ngma nɛ hii si kɛ yaa neneene wami mi nɛ Nɔmlɔ Bi ɔ ma ha nyɛ ɔ he ni, ejakaa lɛ e nya Tsɛ Mawu ɔ sɔu.” 28Kɛkɛ nɛ a bi lɛ ke: “Kɛ wa maa pee kɛɛ nɛ wa ma tsu Mawu ni tsumi ɔmɛ?” 29Yesu he nɔ nɛ e de mɛ ke: “Mawu ni tsumi ɔ ji nɛ ɔ nɛ, kaa nyɛ he nɔ nɛ e tsɔ ɔ nɔ ngɔ ye.” 30Lɔ ɔ he ɔ a bi lɛ ke: “Lɛɛ mɛni okadi o peɔ nɛ waa na konɛ wa he mo ngɔ ye? Mɛni o tsuɔ? 31Wa tsɛmɛ ye mana ngɛ nga a nɔ, kaa bɔ nɛ a ngma a ke: ‘E ha mɛ abolo kɛ je hiɔwe nɛ a ye’ ɔ.” 32Kɛkɛ nɛ Yesu de mɛ ke: “I ngɛ nyɛ dee anɔkuale mi ke: Pi Mose ji nɔ nɛ ha nyɛ abolo ɔ kɛ je hiɔwe ɔ se Tsaatsɛ mohu lɛ haa nyɛ abolo nɛ jee hiɔwe ɔ nɛ. 33Ejakaa Mawu abolo ɔ ji nɔ nɛ jee hiɔwe kpleɔ si nɛ ngɔɔ wami ngɔ haa je ɔ nɛ.” 34Jeha nɛ ɔ a de lɛ ke: “Nyɔmtsɛ, ha wɔ abolo nɛ ɔ daa.” 35Se Yesu de mɛ ke: “Imi ji wami ngma a nɛ; nɔ nɛ baa ye ngɔ ɔ, hwɔ be lɛ yee gblegbleegblee, nɛ nɔ nɛ heɔ ye nɔ yeɔ ɔ, kuma be lɛ tɔe gblegbleegblee.
36“Se i ngɛ nyɛ dee ke nyɛ na mi se kɛ ɔ nyɛ he we yi. 37Nihi tsuo nɛ Tsɛ ɔ ngɔ ha mi ɔ maa ba ye ngɔ, nɛ nɔ nɛ baa ye ngɔ ɔ, i be lɛ fiee kɔkɔɔkɔ. 38Ejakaa pi imi nitsɛ ye suɔmi nya ni peemi he nɛ i je hiɔwe kɛ ba ngɛ se mohu nɔ nɛ tsɔ mi ɔ suɔmi nya ni peemi he. 39Nɛ enɛ ɔ ji nɔ nɛ tsɔ mi ɔ suɔmi nya ni ɔ nɛ, kaa nihi tsuo nɛ e ngɔ ha mi ɔ, ma ko ha nɛ a ti nɔ ko nɛ laa, se mohu ma tle lɛ si ngɛ nyagbe ligbi ɔ nɔ. 40Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”
41Kɛkɛ nɛ Yudafo ɔmɛ tu e he munyu huhuuhu ke e de ke: “Imi ji abolo nɛ je hiɔwe ɔ nɛ;” 42nɛ a ke: “Anɛ pi Yosef bi Yesu ɔ nɛ wa le e tsɛ kɛ e nyɛ ɔ ji nɛ ɔ lo? Kɛ pee kɛɛ mɔ nɛ e deɔ ke: ‘I je hiɔwe’ ɔ?” 43Lɔ ɔ he ɔ Yesu he nɔ nɛ e de mɛ ke: “Nyɛ ko tu munyu huhuuhu ngɛ nyɛ kpɛti. 44Nɔ ko be nyɛe nɛ e maa ba ye ngɔ, kaa ja Tsɛ ɔ nɛ tsɔ mi ɔ gbla lɛ lolo, nɛ imi lɛɛ ma tle lɛ si ngɛ nyagbe ligbi ɔ nɔ. 45A ngma ngɛ gbali ɔmɛ a womi ɔ mi ke: ‘Mɛ tsuo kulaa a maa pee nihi nɛ Mawu tsɔɔ mɛ ni.’ Nɔ tsuaa nɔ nɛ nuɔ Tsɛ ɔ munyu nɛ e kaseɔ hulɔ ɔ, baa ye ngɔ. 46Tsa pi kaa nɔ ko na Tsɛ ɔ hyɛ, ja nɔ nɛ je Mawu ngɔ ɔ, lɛ lɛ e na Tsɛ ɔ.
47“I ngɛ nyɛ dee anɔkuale mi ke: Nɔ nɛ heɔ yeɔ ɔ, e ngɛ neneene wami. 48Imi ji wami abolo ɔ nɛ. 49Nyɛ tsɛmɛ ye mana ngɛ nga a nɔ nɛ a gbo? 50Enɛ ɔ ji abolo nɛ jee hiɔwe baa a nɛ, konɛ nɔmlɔ nɛ ye nɛ e ko gbo. 51Imi ji abolo nɛ hɛ̃ ngɛ nɛ je hiɔwe ba a nɛ; ke nɔ ko ye abolo nɛ ɔ eko ɔ, e maa hi si kɛ maa ya neneene. Se abolo nɛ i kɛ ma ha a ji ye he lo nɛ i kɛ ma ha ngɛ je ɔ wami he ɔ nɛ.”
52Lɔ ɔ he ɔ Yudafo ɔmɛ sa nya ngɛ a kpɛti ke: “Kɛ nɔ nɛ ɔ maa pee kɛɛ nɛ e ma nyɛ ngɔ e he lo ngɔ ha wɔ nɛ waa ye ɔ?” 53Kɛkɛ nɛ Yesu de mɛ ke: “I ngɛ nyɛ dee anɔkuale mi ke: Ke nyɛ yi Nɔmlɔ Bi ɔ he lo nɛ nyɛɛ nu e muɔ ɔ, nyɛ be wami ngɛ nyɛ mi. 54Nɔ nɛ yeɔ ye he lo nɛ e nuu ye muɔ ɔ, e ngɛ neneene wami, nɛ imi lɛɛ ma tle lɛ si ngɛ nyagbe ligbi ɔ nɔ. 55Ejakaa ye he lo ɔ ngma nitsɛ ʼi, nɛ ye muɔ ɔ nunui nɔ́ nitsɛ ʼi. 56Nɔ nɛ yeɔ ye he lo nɛ e nuu ye muɔ ɔ, e hii ye mi nɛ imi hu i hii e mi. 57Bɔ nɛ Tsɛ, hɛ kalɔ, ɔ tsɔ mi, nɛ Tsɛ ɔ he nɛ ye hɛ ngɛ ɔ, ja nɔuu nɔ nɛ yeɔ mi ɔ hu maa hi si ngɛ ye he. 58Abolo nɛ je hiɔwe ba nɛ ɔ, e be kaa nɔ́ nɛ nyɛ tsɛmɛ ɔmɛ ye nɛ a gbo ɔ; nɔ nɛ yeɔ abolo nɛ ɔ ɔ, e maa hi si kɛ maa ya neneene.” 59Yesu de ni nɛ ɔmɛ benɛ e ngɛ ni tsɔɔe ngɛ kpe he ko ngɛ Kapernaum ɔ.
Neneene wami munyuhi
60Enɛ ɔ he je ɔ, benɛ e kaseli ɔmɛ a ti nihi fuu nu enɛ ɔ ɔ, a ke: “Munyu nɛ he wa ji nɛ ɔ nɛ; mɛnɔ ma nyɛ tue bu?” 61Se benɛ Yesu yo kaa e kaseli ɔmɛ ngɛ huhuue ngɛ enɛ ɔ he ɔ, e bi mɛ ke: “Anɛ enɛ ɔ lɛ ngɛ nyɛ nane kpatae nɛ ɔ? 62Se ke nyɛ na Nɔmlɔ Bi ɔ nɛ yaa hiɔwe he nɛ e ngɛ sa a, kɔlɔ ɔ nɛɛ? 63Mumi ɔ ji nɔ́ nɛ haa wami ɔ nɛ; he lo ɔ he be se nami ko. Munyuhi nɛ i kɛ nyɛ tu ɔ, mumi ʼi, nɛ wami ʼi. 64Se nyɛ ti ni komɛ ngɛ nɛ a he we yi.” Ejakaa Yesu le kɛ je sisije ɔ nihi nɛ he we yi ɔ kɛ nɔ hu nɛ maa tsɔɔ e se blɔ ɔ. 65Nɛ e ke: “Enɛ ɔ he je nɛ i de nyɛ ke: Nɔ ko be ye ngɔ nyɛe maa ba, ja Tsɛ ɔ ha lɛ he blo ɔ nɛ.”
66Kɛ je enɛ ɔ se ɔ, e kaseli ɔmɛ a ti nihi fuu kpale a se nɛ a kɛ lɛ nyɛɛ we hu. 67Kɛkɛ nɛ Yesu bi ni nyɔngma kɛ enyɔ ɔ ke: “Nyɛ hu nyɛ suɔ kaa nyɛ maa je lo?” 68Simon Petro he nɔ ke: “Mawetsɛ, mɛnɔ ngɔ wa maa ya? Mo lɛ o ngɛ neneene wami munyu ɔmɛ ɔ nɛ; 69nɛ wɔɔ lɛɛ wa he ye, nɛ wa na le hulɔ kaa mo ji Mawu nɔ klɔuklɔu ɔ nɛ!”
70Yesu he nɔ nɛ e de mɛ ke: “Anɛ pi nyɛ ni nyɔngma kɛ enyɔ nɛ i hla lo? Se nyɛ kpɛti nɔ kake ɔ abosiami ʼi.” 71Yuda Iskariot, Simon bi ɔ, he munyu e ngɛ tue ɔ nɛ; ejakaa lɛ ji ni nyɔngma kɛ enyɔ ɔmɛ a ti nɔ kake nɛ maa tsɔɔ e se blɔ ɔ nɛ.
Currently Selected:
Yohane 6: DAN77
Highlight
Share
Copy
Want to have your highlights saved across all your devices? Sign up or sign in
Dangme New Testament © United Bible Societies, 1977.
Yohane 6
6
Yesu ha ni akpe enuɔ niyeni
(Mateo 14.13-21; Marko 6.30-44; Luka 9.10-17)
1Enɛ ɔ se ɔ, Yesu pue nɔ kɛ ho Galilea Wo nɛ ji Tiberia Wo ɔ se ya. 2Nɛ nihi fuu nyɛɛ e se, ejakaa a na okadihi nɛ e pee ngɛ hiɔtsɛmɛ ɔmɛ a he ɔ. 3Yesu ya yoku ɔ nɔ, nɛ e kɛ e kaseli ɔmɛ ya hi si ngɛ lejɛ ɔ. 4Hetsɔmi ɔ nɛ ji Yudafo ɔmɛ a nyami ligbi ɔ su ta. 5Benɛ Yesu wo e hɛ nɔ nɛ e na kaa nihi babauu ma e ngɔ ɔ, e bi Filipo ke: “Jije wa ma ya he abolo ngɛ ha ni nɛ ɔmɛ nɛ a ye?” 6Se enɛ ɔ ɔ, e de kɛ ka lɛ, ejakaa lɛ nitsɛ e le nɔ́ nɛ e maa pee. 7Filipo he nɔ ke: “Cedi lafa enyɔ nya abolo be mɛ sue, bɔ nɛ a ti nɔ tsuaa nɔ ma na nyamiwo bɔ kakaaka po.” 8E kaseli ɔmɛ a ti nɔ kake, Andrea, nɛ ji Simon Petro nyɛmi ɔ, de lɛ ke: 9“Jokuɛ nyumuyo ko ngɛ hiɛ ɔ nɛ ngɛ ngma abolo enuɔ kɛ lo tsɔwi enyɔ; se nihi fuu nɛ ɔ, jije enɛ ɔ maa su ha mɛ?” 10Se Yesu ke: “Nyɛ ha nɛ ni ɔmɛ a hi si.” (Nga fuu ngɛ lejɛ ɔ.) Kɛkɛ nɛ nyumuhi nɛ a yibɔ maa su akpe enuɔ ɔ be ya hi si. 11Nɛ Yesu kukuɔ abolo ɔmɛ, nɛ benɛ e na si ɔ, e dla ngɔ ha nihi nɛ hii si ɔmɛ kɛ lo ɔ hu eko, bɔ tsuaa bɔ nɛ a ngɛ hlae. 12Benɛ a tɔ ɔ, ɔ de e kaseli ɔmɛ ke: “Nyɛ bua bibli nɛ piɛ ɔ nya konɛ nɔ́ ko ko laa.” 13Kɛkɛ nɛ a bua ngma abolo enuɔ bibli nɛ a ye piɛ ɔ nya wo kusii nyɔngma kɛ enyɔ mi tɔtɔɔtɔ.
14Lɔ ɔ he ɔ benɛ ni ɔmɛ na okadi nɛ Yesu pee ɔ, a ke: “Niinɛ, nɔ nɛ ɔ ji gbalɔ ɔ nɛ ma je ɔ mi ɔ nɛ.” 15Jeha nɛ ɔ benɛ Yesu yo kaa a maa ba nɛ a ba nu lɛ ka nya nɛ a ya wo lɛ matsɛ ɔ, e nɔ kake e sã e he si kɛ ho yoku ɔ nɔ ya ekohu?
Yesu nyɛɛ nyu hɛ mi
(Mateo 14.22-23; Marko 6.45-52)
16Benɛ su gbɔkuɛ nya si ɔ, e kaseli ɔmɛ pue nɔ kɛ ho wo ɔ nya ya; 17nɛ a ya sɛ lɛ mi, nɛ a ngɛ wo ɔ poe kɛ yaa Kapernaum. Se nɛ diblii wo nɛ ɔ tsuo ɔ, Yesu bɛ́ a ngɔ. 18Nɛ kɔɔhiɔ ngua ko ba fia he je ɔ wo ɔ puɛ. 19Nɛ benɛ kaseli ɔmɛ hlui lɛ ɔ maa pee si tomi nya etɛ loo eywiɛ ɔ, a na Yesu nɛ nyɛɛ wo ɔ hɛ mi kɛ ma nɛ e miɔ nɛ e maa su lɛ ɔ he, nɛ a ye gbeye. 20Se e de mɛ ke: “Ami ʼi, nyɛ ko ye gbeye.” 21Lɔ ɔ he ɔ a suɔ kaa a ngɔ lɛ kɛ ba lɛ ɔ mi; nɛ amlɔ ɔ, lɛ ɔ ya kple ngɛ he nɛ a yaa a.
Ni ɔmɛ hla Yesu
22Je na nɔ ɔ, asafo nɛ daa si ngɛ wo ɔ se ɔ na kaa lɛ kpa ko be lejɛ ɔ hu, nɛ Yesu kɛ e kaseli ɔmɛ sɛ we lɛ ɔ mi, se mohu e kaseli ɔmɛ pɛ lɛ a pue nɔ kɛ ho. 23Lɛ kpa kome je Tiberia ba he nɛ Nyɔmtsɛ ɔ na si nɛ a ye abolo ɔ ngɛ ɔ kasa nya. 24Lɔ ɔ he ɔ benɛ asafo ɔ nɛ kaa Yesu loo e kaseli ɔmɛ be lejɛ ɔ, mɛ hu a sɛ lɛhi a mi, nɛ a ba Kapernaum ba ngɛ Yesu hlae.
Yesu ji wami ngma
25Nɛ benɛ a ba na lɛ ngɛ wo ɔ se ɔ, a bi lɛ ke: “Rabi, mɛni be o ba hiɛ ɔ?” 26Yesu he nɔ ke: “I ngɛ nyɛ dee anɔkuale mi ke: Tsa pi okadihi nɛ nyɛ na a he nɛ nyɛ ngɛ mi hlae nɛ ɔ, se mohu akɛnɛ nyɛ ye abolo ɔ eko nɛ nyɛ tɔ ɔ he je. 27Nyɛ ko tsu ngma nɛ puɛɛ ɔ he ni, se mohu nyɛ tsu ngma nɛ hii si kɛ yaa neneene wami mi nɛ Nɔmlɔ Bi ɔ ma ha nyɛ ɔ he ni, ejakaa lɛ e nya Tsɛ Mawu ɔ sɔu.” 28Kɛkɛ nɛ a bi lɛ ke: “Kɛ wa maa pee kɛɛ nɛ wa ma tsu Mawu ni tsumi ɔmɛ?” 29Yesu he nɔ nɛ e de mɛ ke: “Mawu ni tsumi ɔ ji nɛ ɔ nɛ, kaa nyɛ he nɔ nɛ e tsɔ ɔ nɔ ngɔ ye.” 30Lɔ ɔ he ɔ a bi lɛ ke: “Lɛɛ mɛni okadi o peɔ nɛ waa na konɛ wa he mo ngɔ ye? Mɛni o tsuɔ? 31Wa tsɛmɛ ye mana ngɛ nga a nɔ, kaa bɔ nɛ a ngma a ke: ‘E ha mɛ abolo kɛ je hiɔwe nɛ a ye’ ɔ.” 32Kɛkɛ nɛ Yesu de mɛ ke: “I ngɛ nyɛ dee anɔkuale mi ke: Pi Mose ji nɔ nɛ ha nyɛ abolo ɔ kɛ je hiɔwe ɔ se Tsaatsɛ mohu lɛ haa nyɛ abolo nɛ jee hiɔwe ɔ nɛ. 33Ejakaa Mawu abolo ɔ ji nɔ nɛ jee hiɔwe kpleɔ si nɛ ngɔɔ wami ngɔ haa je ɔ nɛ.” 34Jeha nɛ ɔ a de lɛ ke: “Nyɔmtsɛ, ha wɔ abolo nɛ ɔ daa.” 35Se Yesu de mɛ ke: “Imi ji wami ngma a nɛ; nɔ nɛ baa ye ngɔ ɔ, hwɔ be lɛ yee gblegbleegblee, nɛ nɔ nɛ heɔ ye nɔ yeɔ ɔ, kuma be lɛ tɔe gblegbleegblee.
36“Se i ngɛ nyɛ dee ke nyɛ na mi se kɛ ɔ nyɛ he we yi. 37Nihi tsuo nɛ Tsɛ ɔ ngɔ ha mi ɔ maa ba ye ngɔ, nɛ nɔ nɛ baa ye ngɔ ɔ, i be lɛ fiee kɔkɔɔkɔ. 38Ejakaa pi imi nitsɛ ye suɔmi nya ni peemi he nɛ i je hiɔwe kɛ ba ngɛ se mohu nɔ nɛ tsɔ mi ɔ suɔmi nya ni peemi he. 39Nɛ enɛ ɔ ji nɔ nɛ tsɔ mi ɔ suɔmi nya ni ɔ nɛ, kaa nihi tsuo nɛ e ngɔ ha mi ɔ, ma ko ha nɛ a ti nɔ ko nɛ laa, se mohu ma tle lɛ si ngɛ nyagbe ligbi ɔ nɔ. 40Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”
41Kɛkɛ nɛ Yudafo ɔmɛ tu e he munyu huhuuhu ke e de ke: “Imi ji abolo nɛ je hiɔwe ɔ nɛ;” 42nɛ a ke: “Anɛ pi Yosef bi Yesu ɔ nɛ wa le e tsɛ kɛ e nyɛ ɔ ji nɛ ɔ lo? Kɛ pee kɛɛ mɔ nɛ e deɔ ke: ‘I je hiɔwe’ ɔ?” 43Lɔ ɔ he ɔ Yesu he nɔ nɛ e de mɛ ke: “Nyɛ ko tu munyu huhuuhu ngɛ nyɛ kpɛti. 44Nɔ ko be nyɛe nɛ e maa ba ye ngɔ, kaa ja Tsɛ ɔ nɛ tsɔ mi ɔ gbla lɛ lolo, nɛ imi lɛɛ ma tle lɛ si ngɛ nyagbe ligbi ɔ nɔ. 45A ngma ngɛ gbali ɔmɛ a womi ɔ mi ke: ‘Mɛ tsuo kulaa a maa pee nihi nɛ Mawu tsɔɔ mɛ ni.’ Nɔ tsuaa nɔ nɛ nuɔ Tsɛ ɔ munyu nɛ e kaseɔ hulɔ ɔ, baa ye ngɔ. 46Tsa pi kaa nɔ ko na Tsɛ ɔ hyɛ, ja nɔ nɛ je Mawu ngɔ ɔ, lɛ lɛ e na Tsɛ ɔ.
47“I ngɛ nyɛ dee anɔkuale mi ke: Nɔ nɛ heɔ yeɔ ɔ, e ngɛ neneene wami. 48Imi ji wami abolo ɔ nɛ. 49Nyɛ tsɛmɛ ye mana ngɛ nga a nɔ nɛ a gbo? 50Enɛ ɔ ji abolo nɛ jee hiɔwe baa a nɛ, konɛ nɔmlɔ nɛ ye nɛ e ko gbo. 51Imi ji abolo nɛ hɛ̃ ngɛ nɛ je hiɔwe ba a nɛ; ke nɔ ko ye abolo nɛ ɔ eko ɔ, e maa hi si kɛ maa ya neneene. Se abolo nɛ i kɛ ma ha a ji ye he lo nɛ i kɛ ma ha ngɛ je ɔ wami he ɔ nɛ.”
52Lɔ ɔ he ɔ Yudafo ɔmɛ sa nya ngɛ a kpɛti ke: “Kɛ nɔ nɛ ɔ maa pee kɛɛ nɛ e ma nyɛ ngɔ e he lo ngɔ ha wɔ nɛ waa ye ɔ?” 53Kɛkɛ nɛ Yesu de mɛ ke: “I ngɛ nyɛ dee anɔkuale mi ke: Ke nyɛ yi Nɔmlɔ Bi ɔ he lo nɛ nyɛɛ nu e muɔ ɔ, nyɛ be wami ngɛ nyɛ mi. 54Nɔ nɛ yeɔ ye he lo nɛ e nuu ye muɔ ɔ, e ngɛ neneene wami, nɛ imi lɛɛ ma tle lɛ si ngɛ nyagbe ligbi ɔ nɔ. 55Ejakaa ye he lo ɔ ngma nitsɛ ʼi, nɛ ye muɔ ɔ nunui nɔ́ nitsɛ ʼi. 56Nɔ nɛ yeɔ ye he lo nɛ e nuu ye muɔ ɔ, e hii ye mi nɛ imi hu i hii e mi. 57Bɔ nɛ Tsɛ, hɛ kalɔ, ɔ tsɔ mi, nɛ Tsɛ ɔ he nɛ ye hɛ ngɛ ɔ, ja nɔuu nɔ nɛ yeɔ mi ɔ hu maa hi si ngɛ ye he. 58Abolo nɛ je hiɔwe ba nɛ ɔ, e be kaa nɔ́ nɛ nyɛ tsɛmɛ ɔmɛ ye nɛ a gbo ɔ; nɔ nɛ yeɔ abolo nɛ ɔ ɔ, e maa hi si kɛ maa ya neneene.” 59Yesu de ni nɛ ɔmɛ benɛ e ngɛ ni tsɔɔe ngɛ kpe he ko ngɛ Kapernaum ɔ.
Neneene wami munyuhi
60Enɛ ɔ he je ɔ, benɛ e kaseli ɔmɛ a ti nihi fuu nu enɛ ɔ ɔ, a ke: “Munyu nɛ he wa ji nɛ ɔ nɛ; mɛnɔ ma nyɛ tue bu?” 61Se benɛ Yesu yo kaa e kaseli ɔmɛ ngɛ huhuue ngɛ enɛ ɔ he ɔ, e bi mɛ ke: “Anɛ enɛ ɔ lɛ ngɛ nyɛ nane kpatae nɛ ɔ? 62Se ke nyɛ na Nɔmlɔ Bi ɔ nɛ yaa hiɔwe he nɛ e ngɛ sa a, kɔlɔ ɔ nɛɛ? 63Mumi ɔ ji nɔ́ nɛ haa wami ɔ nɛ; he lo ɔ he be se nami ko. Munyuhi nɛ i kɛ nyɛ tu ɔ, mumi ʼi, nɛ wami ʼi. 64Se nyɛ ti ni komɛ ngɛ nɛ a he we yi.” Ejakaa Yesu le kɛ je sisije ɔ nihi nɛ he we yi ɔ kɛ nɔ hu nɛ maa tsɔɔ e se blɔ ɔ. 65Nɛ e ke: “Enɛ ɔ he je nɛ i de nyɛ ke: Nɔ ko be ye ngɔ nyɛe maa ba, ja Tsɛ ɔ ha lɛ he blo ɔ nɛ.”
66Kɛ je enɛ ɔ se ɔ, e kaseli ɔmɛ a ti nihi fuu kpale a se nɛ a kɛ lɛ nyɛɛ we hu. 67Kɛkɛ nɛ Yesu bi ni nyɔngma kɛ enyɔ ɔ ke: “Nyɛ hu nyɛ suɔ kaa nyɛ maa je lo?” 68Simon Petro he nɔ ke: “Mawetsɛ, mɛnɔ ngɔ wa maa ya? Mo lɛ o ngɛ neneene wami munyu ɔmɛ ɔ nɛ; 69nɛ wɔɔ lɛɛ wa he ye, nɛ wa na le hulɔ kaa mo ji Mawu nɔ klɔuklɔu ɔ nɛ!”
70Yesu he nɔ nɛ e de mɛ ke: “Anɛ pi nyɛ ni nyɔngma kɛ enyɔ nɛ i hla lo? Se nyɛ kpɛti nɔ kake ɔ abosiami ʼi.” 71Yuda Iskariot, Simon bi ɔ, he munyu e ngɛ tue ɔ nɛ; ejakaa lɛ ji ni nyɔngma kɛ enyɔ ɔmɛ a ti nɔ kake nɛ maa tsɔɔ e se blɔ ɔ nɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dangme New Testament © United Bible Societies, 1977.