Luka 15
15
To nɛ laa a
(Mateo 18.12-14)
1Jeha nɛ ɔ onia tsuli kɛ yayami peeli ɔmɛ tsuo hɛ mɛ su e he nɛ a ba bu lɛ tue. 2Farisifo ɔmɛ kɛ mlaa tsɔɔli ɔmɛ tu munyu huitihuiti nɛ a de ke: “Nɔ nɛ ɔ kɛ yayami peeli yeɔ ni.” 3Nɛ e bu mɛ kikɛmɛ a abɛ nɛ ɔ ke:
4“Nyɛ ti mɛnɔ nɛ ke e ngɛ to lafa nɛ a kpɛti kake laa a, e be nyingmi nɛɛ kɛ nɛɛ ɔ sie ngɛ nga a nɔ nɛ e ya hla nɔ́ nɛ laa a kɛ maa su benɛ e maa na lɛ? 5Nɛ ke e na lɛ ɔ, e woɔ lɛ fɔɔ ekonɔ nɛ e naa bua jɔmi; 6nɛ ke e ba we mi ɔ, e tsɛɛ e huɛmɛ kɛ e pakabi kɛ kpee, nɛ e deɔ mɛ ke: “Nyɛɛ kɛ mi nɛ na buajɔmi, ejakaa i na ye to ɔ nɛ laa a.’ 7I ngɛ nyɛ dee ke, ja nɔuu buajɔmi maa ba hiɔwe ngɛ yayami peelɔ kake nɛ tsakee e tsui ɔ he pe dali nyingmi nɛɛ kɛ nɛɛ nɛ tsui tsakemi he hia we mɛ ɔ.”
Sika nɛ laa a
8“Aloo te yo nɛ ngɛ sika hiɔ nyɔngma nɛ ke kpɔ kake laa a nɛ e be kane sue nɛ e bɛɛ we ɔ mi nɛ e hla fitsofitso kɛ maa su be nɛ e maa na? 9Nɛ ke e na a, e tsɛɛ e huɛmɛ kɛ e pakabi kɛ kpee nɛ e deɔ mɛ ke: ‘Nyɛɛ kɛ mi nɛ na bua jɔmi, ejakaa i na ye sika kpɔ nɛ laa a.’ 10Ja nɔuu i ngɛ nyɛ dee ke, bua jɔmi baa Mawu bɔfo ɔmɛ a kpɛti ngɛ yayami peelɔ kake nɛ tsakee e tsui ɔ he.”
Bi nyumu nɛ laa a
11Nɛ e ke: “Nyumu ko ngɛ bimɛ nyumuhi enyɔ. 12Nɛ a kpɛti jokuɛyo ɔ de e tsɛ ɔ ke: ‘Tsaatsɛ, ha mi o ni ɔmɛ a mi nɔ́ nɛ ji ye blɔfami nɔ.’ Nɛ e dla e ni ɔmɛ a mi ngɔ ha mɛ. 13Nɛ lɔ ɔ se ɔ, e sui be ko kɛkɛ nɛ jokuɛ ɔ bua kulaa nya, nɛ e doma kɛ ho he ko lokoo ya, nɛ Hejɛ ɔ ekɛ je mi bami sakasaka ya kpata e ni ɔmɛ a hɛ mi ngɛ. 14Se benɛ e puɛ kulaa a, hwɔ nɛ nya wa ko ba te si ngɛ jamɛ a zugba a nɔ tsuo, nɛ e bɔni lɛ fimi. 15Nɛ e pue nɔ kɛ ho nɛ e kɛ e he ya bɔ jamɛ a zugba a nɔ bi ɔmɛ eko he; nɛ e ha e ya e ngmɔ ɔ mi ya lɛ kpotoohi. 16Nɛ e jio lɛ kaa jinɛ e ko na yɔ nɛ kpotoo ɔmɛ yeɔ ɔ eko nɛ e ye nɛ e tɔ, se nɔ ko hi lɛ. 17Nɛ benɛ e hɛ mi tsɔ lɛ ɔ, e ke: ‘Yaa hyɛ tsaatsɛ apaatsɛmɛ abɔ sɔuu nɛ ngɛ niyeni babauu nɛ a pee we he nɔ ko, nɛ imi lɛɛ hwɔ gɛ mi gbee ngɛ hiɛ ɔ nɛ ɔ. 18Ma te si nɛ ma ya tsaatsɛ ngɔ nɛ ma ya de lɛ ke: “Tsaatsɛ, i pee yayami si Mawu kɛ mo, 19nɛ i sɛ́ kaa a tsɛɔ mi o bi hu; ngɔɔ mi ngɔ pee o apaatsɛmɛ ɔmɛ eko.” ’ 20Nɛ e te si nɛ e pue nɔ kɛ ba e tsɛ ngɔ.
“Se benɛ e nyɛɛ tsitsa lokoo kɛ ma a, e tsɛ na lɛ, nɛ e muklii mi sa lɛ, nɛ e sa fo kɛ ho ya fua lɛ nɛ e fiɔ e nya he. 21Nɛ e bi ɔ de lɛ ke: ‘Tsaatsɛ, i pee yayami kɛ si Mawu kɛ mo, nɛ i sɛ kaa a tsɛɔ mi o bi hu!’ 22Se e tsɛ ɔ de sɔmɔli ɔmɛ ke: ‘Nyɛ ya je tade nɛ ngɛ fɛu pe kulaa a kɛ ba esɔ, nɛ nyɛ kɛ ba wo lɛ, nɛ nyɛɛ wo e nine si ga kɛ e nane hu tokota; 23nɛ nyɛɛ ngɔ na bi nɛ tu zɔ ɔ kɛ ba nɛ nyɛ ba gbe, nɛ nyɛ ha waa ye ni nɛ wa na bua jɔmi; 24ejaakaa ye bi nɛ ɔ gbo, nɛ e hɛ tsɛ ekohu; e laa nɛ a na lɛ.’ Nɛ a bɔni nyami.
25“Se e bi nɔkɔtɔma a ngɛ ngmɔ mi, nɛ benɛ e ma nɛ e su we ɔ mi ta a, e nu saku kɛ dohi a he. 26E tsɛ sɔmɔli ɔmɛ a ti nɔ kake kɛ ba se, nɛ e bi lɛ ke: ‘Mɛni a ngɛ pee nɛ ɔ?’ 27Nɛ e de lɛ ke: ‘O nyɛmi ɔ ba, nɛ o tsɛ gbe na bi nɛ tu zɔ ɔ ejakaa e su e dɛ mi kpɛii nɛ nɔ́ ko nɔ́ ko be e he.’ 28Nɛ e muklii mi fu, nɛ e kplɛɛ we we ɔ mi sɛmi. Lɔ ɔ he ɔ e tsɛ ɔ je kpo nɛ e ba kpa lɛ pɛɛ. 29Se e he nɔ nɛ e de e tsɛ ɔ ke: ‘Hyɛ jehahi abɔ sɔuu nɛ i sɔmɔ mo, nɛ i tɔ we o kita ko nɔ gblee, nɛ imi lɛɛ o ha we mi to ku ko tete po gblee konɛ i kɛ ye huɛmɛ nɛ nya; 30se mwɔnɛ nɛ o bi nɛ ɔ nɛ kɛ ajuamahi ya ye o ni ɔmɛ ba a, lɛɛ o gbe na bi nɛ tu zɔ ɔ ngɔ ha lɛ.’ 31Nɛ e tsɛ ɔ de lɛ ke: ‘Ye bi, mo lɛɛ o kɛ mi lɛ ngɛ daa nɛ ɔ, nɛ nɔ́ tsuaa nɔ́ nɛ i ngɛ ɔ, o nɔ ʼi, 32se e sa kaa wa nya nɛ wa bua nɛ jɔ wa he, ejakaa o nyɛmi nɛ ɔ gbo, nɛ e hɛ tsɛ ekohu, e laa, nɛ a na lɛ.’ ”
Currently Selected:
Luka 15: DAN77
Highlight
Share
Copy
Want to have your highlights saved across all your devices? Sign up or sign in
Dangme New Testament © United Bible Societies, 1977.
Luka 15
15
To nɛ laa a
(Mateo 18.12-14)
1Jeha nɛ ɔ onia tsuli kɛ yayami peeli ɔmɛ tsuo hɛ mɛ su e he nɛ a ba bu lɛ tue. 2Farisifo ɔmɛ kɛ mlaa tsɔɔli ɔmɛ tu munyu huitihuiti nɛ a de ke: “Nɔ nɛ ɔ kɛ yayami peeli yeɔ ni.” 3Nɛ e bu mɛ kikɛmɛ a abɛ nɛ ɔ ke:
4“Nyɛ ti mɛnɔ nɛ ke e ngɛ to lafa nɛ a kpɛti kake laa a, e be nyingmi nɛɛ kɛ nɛɛ ɔ sie ngɛ nga a nɔ nɛ e ya hla nɔ́ nɛ laa a kɛ maa su benɛ e maa na lɛ? 5Nɛ ke e na lɛ ɔ, e woɔ lɛ fɔɔ ekonɔ nɛ e naa bua jɔmi; 6nɛ ke e ba we mi ɔ, e tsɛɛ e huɛmɛ kɛ e pakabi kɛ kpee, nɛ e deɔ mɛ ke: “Nyɛɛ kɛ mi nɛ na buajɔmi, ejakaa i na ye to ɔ nɛ laa a.’ 7I ngɛ nyɛ dee ke, ja nɔuu buajɔmi maa ba hiɔwe ngɛ yayami peelɔ kake nɛ tsakee e tsui ɔ he pe dali nyingmi nɛɛ kɛ nɛɛ nɛ tsui tsakemi he hia we mɛ ɔ.”
Sika nɛ laa a
8“Aloo te yo nɛ ngɛ sika hiɔ nyɔngma nɛ ke kpɔ kake laa a nɛ e be kane sue nɛ e bɛɛ we ɔ mi nɛ e hla fitsofitso kɛ maa su be nɛ e maa na? 9Nɛ ke e na a, e tsɛɛ e huɛmɛ kɛ e pakabi kɛ kpee nɛ e deɔ mɛ ke: ‘Nyɛɛ kɛ mi nɛ na bua jɔmi, ejakaa i na ye sika kpɔ nɛ laa a.’ 10Ja nɔuu i ngɛ nyɛ dee ke, bua jɔmi baa Mawu bɔfo ɔmɛ a kpɛti ngɛ yayami peelɔ kake nɛ tsakee e tsui ɔ he.”
Bi nyumu nɛ laa a
11Nɛ e ke: “Nyumu ko ngɛ bimɛ nyumuhi enyɔ. 12Nɛ a kpɛti jokuɛyo ɔ de e tsɛ ɔ ke: ‘Tsaatsɛ, ha mi o ni ɔmɛ a mi nɔ́ nɛ ji ye blɔfami nɔ.’ Nɛ e dla e ni ɔmɛ a mi ngɔ ha mɛ. 13Nɛ lɔ ɔ se ɔ, e sui be ko kɛkɛ nɛ jokuɛ ɔ bua kulaa nya, nɛ e doma kɛ ho he ko lokoo ya, nɛ Hejɛ ɔ ekɛ je mi bami sakasaka ya kpata e ni ɔmɛ a hɛ mi ngɛ. 14Se benɛ e puɛ kulaa a, hwɔ nɛ nya wa ko ba te si ngɛ jamɛ a zugba a nɔ tsuo, nɛ e bɔni lɛ fimi. 15Nɛ e pue nɔ kɛ ho nɛ e kɛ e he ya bɔ jamɛ a zugba a nɔ bi ɔmɛ eko he; nɛ e ha e ya e ngmɔ ɔ mi ya lɛ kpotoohi. 16Nɛ e jio lɛ kaa jinɛ e ko na yɔ nɛ kpotoo ɔmɛ yeɔ ɔ eko nɛ e ye nɛ e tɔ, se nɔ ko hi lɛ. 17Nɛ benɛ e hɛ mi tsɔ lɛ ɔ, e ke: ‘Yaa hyɛ tsaatsɛ apaatsɛmɛ abɔ sɔuu nɛ ngɛ niyeni babauu nɛ a pee we he nɔ ko, nɛ imi lɛɛ hwɔ gɛ mi gbee ngɛ hiɛ ɔ nɛ ɔ. 18Ma te si nɛ ma ya tsaatsɛ ngɔ nɛ ma ya de lɛ ke: “Tsaatsɛ, i pee yayami si Mawu kɛ mo, 19nɛ i sɛ́ kaa a tsɛɔ mi o bi hu; ngɔɔ mi ngɔ pee o apaatsɛmɛ ɔmɛ eko.” ’ 20Nɛ e te si nɛ e pue nɔ kɛ ba e tsɛ ngɔ.
“Se benɛ e nyɛɛ tsitsa lokoo kɛ ma a, e tsɛ na lɛ, nɛ e muklii mi sa lɛ, nɛ e sa fo kɛ ho ya fua lɛ nɛ e fiɔ e nya he. 21Nɛ e bi ɔ de lɛ ke: ‘Tsaatsɛ, i pee yayami kɛ si Mawu kɛ mo, nɛ i sɛ kaa a tsɛɔ mi o bi hu!’ 22Se e tsɛ ɔ de sɔmɔli ɔmɛ ke: ‘Nyɛ ya je tade nɛ ngɛ fɛu pe kulaa a kɛ ba esɔ, nɛ nyɛ kɛ ba wo lɛ, nɛ nyɛɛ wo e nine si ga kɛ e nane hu tokota; 23nɛ nyɛɛ ngɔ na bi nɛ tu zɔ ɔ kɛ ba nɛ nyɛ ba gbe, nɛ nyɛ ha waa ye ni nɛ wa na bua jɔmi; 24ejaakaa ye bi nɛ ɔ gbo, nɛ e hɛ tsɛ ekohu; e laa nɛ a na lɛ.’ Nɛ a bɔni nyami.
25“Se e bi nɔkɔtɔma a ngɛ ngmɔ mi, nɛ benɛ e ma nɛ e su we ɔ mi ta a, e nu saku kɛ dohi a he. 26E tsɛ sɔmɔli ɔmɛ a ti nɔ kake kɛ ba se, nɛ e bi lɛ ke: ‘Mɛni a ngɛ pee nɛ ɔ?’ 27Nɛ e de lɛ ke: ‘O nyɛmi ɔ ba, nɛ o tsɛ gbe na bi nɛ tu zɔ ɔ ejakaa e su e dɛ mi kpɛii nɛ nɔ́ ko nɔ́ ko be e he.’ 28Nɛ e muklii mi fu, nɛ e kplɛɛ we we ɔ mi sɛmi. Lɔ ɔ he ɔ e tsɛ ɔ je kpo nɛ e ba kpa lɛ pɛɛ. 29Se e he nɔ nɛ e de e tsɛ ɔ ke: ‘Hyɛ jehahi abɔ sɔuu nɛ i sɔmɔ mo, nɛ i tɔ we o kita ko nɔ gblee, nɛ imi lɛɛ o ha we mi to ku ko tete po gblee konɛ i kɛ ye huɛmɛ nɛ nya; 30se mwɔnɛ nɛ o bi nɛ ɔ nɛ kɛ ajuamahi ya ye o ni ɔmɛ ba a, lɛɛ o gbe na bi nɛ tu zɔ ɔ ngɔ ha lɛ.’ 31Nɛ e tsɛ ɔ de lɛ ke: ‘Ye bi, mo lɛɛ o kɛ mi lɛ ngɛ daa nɛ ɔ, nɛ nɔ́ tsuaa nɔ́ nɛ i ngɛ ɔ, o nɔ ʼi, 32se e sa kaa wa nya nɛ wa bua nɛ jɔ wa he, ejakaa o nyɛmi nɛ ɔ gbo, nɛ e hɛ tsɛ ekohu, e laa, nɛ a na lɛ.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dangme New Testament © United Bible Societies, 1977.