BEGGAR 15
15
Abram lvgab Pwnbog Pvvb Birnam
1Soq nyixo kokw so nyiqry kaanam gob At Swg gomcwrv Abramnvn haanum: “Bos maabv, Abram, ngo noqg svtamv; noqg lvqcv koijaq tayin.” 2Hvbmabde Abram benum, “Pwnbo At Swa, hoggv no ngam jitayin, hoggab ngo ko doomab hvraq doodu dvn, hoo Damaskaswg Eliejarv twq ngoqg nammwg gumn otungv?” 3Hoo Abram benum, “Kaato, no ngam ko hosiq jikma, hoo ngoqg nam hoqg nyi akgon ngoqg otub nyitayin.” 4Hoo kaato, At Swg gomcwrv ngam haanum: “Soq nyi si noqg hosiq otub nyiram; noqg atwg ko tuupv noqg hosiq otub nyitayin.” 5Hoo mwam lvvgwb boolin layil mwv benum, “Doab koodu to, takar tulungam xika to, no bulam xikal xila yid yv.” Ho Abramnvn mwv benum, “Hoqhvb noqg ko hosiqkv nyitayin.” 6Hoo mwv At Swn mwwjwnum, hoo mwam lootw bo akgob mwv xitaq kunum.
7Hoo mwam mwv benum, “Ngo At Sw, hiyv nam Kaldiya nyi tulug gvdag Ur hoqgv boolin layil nam soq gvda sam gumn bwwm dvb jipa kun.” 8Hvbmabde mwv benum, “Pwnbo At Swa, soq sam ngo gumn bwwtayin hvl, hoggub ngo cengtayin?” 9Mwv mwam benum, “Vnyw nywum akam kunbo svv loq dorg, vnyw nywum akam kunbo sibin bin loq dorg, vnyw nywum akam kunbo yaap tvmwr loq dorg, pukum loq dorg la pukum ko loq dorg ngam bwa tvb.” 10Hoo mwv soq mwlw sam mwwg gab bwa jinum, hoq tulu ham tuunyi gogaqb potunum, hoo akwn aoho akwn paacal apnum. Hvbmabde mwv pvta tulu ham tuunyi gob potu maanum. 11Hoo hwdlo pvta tulungv svma tulu ham dvtab jarayin, hoq tulu ham Abram aadob ruqpaqnum.
12Hwdlo doonyiv hoodul dooyikho, Abramnvn yumiv meetab-miimiqnum. Hoo kaato, bos jaqdvb la kan twdwqkv mwwg aoho haanum. 13Ho At Sw Abramnvn benum, “Jvqtw jaqb cengto noqg ko hosiqkv bulug gvda maasu hvbmab nyoodo gvda golo nyiogy gil dootab wtayin hoo hoqho nyerab swwl dootayin, hoo bulv vnyw lwwpy gob hentwr henl dootayin. 14Hvbmabde bulam nyera bool doogbo hoolu ham ngo pw-hwwtayin, hoo kokwngam bulv vc loodab gumn baqlayil lengtayin. 15No atv, noqg ab tulug dookub swrsob wta yukun; no aljaqb swwtar peel siyi kun nam svma liitayin. 16Hoo bulv hotam vpy deenam lokta so haatayin, hoggab Amor nyi tulug nyimurnamv nyiyum maata.”
17Hwdlo doonyiv haaikukam hoo hoqho kan kunum, kaato, wm gudunam pwcw cwwg la moily gudu bo mur ak soq pvmwql apnum svma pengkob wpeqnum. 18Hoq aalho At Sw Abram lvgab pvvb birwl begamv, “Ijipt pobu hoqgv naalayil koibo pobu, Iupratas namgub, noqg ko hosiqkam ngo soq gvda sam jitayin, 19Kenait nyi tulug gvdaho, Kenijj nyi tulungv, Kadmon nyi tulungv, 20Hittait nyi tulug, Perijj nyi tulug, Repaim nyi tulug, 21Amor nyi tulug, Kanaan nyi tulug, Girgas nyi tulug hoo Jebus nyi tulug gvdangam jitayin.”
Currently Selected:
BEGGAR 15: NYISBSI
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.
BEGGAR 15
15
Abram lvgab Pwnbog Pvvb Birnam
1Soq nyixo kokw so nyiqry kaanam gob At Swg gomcwrv Abramnvn haanum: “Bos maabv, Abram, ngo noqg svtamv; noqg lvqcv koijaq tayin.” 2Hvbmabde Abram benum, “Pwnbo At Swa, hoggv no ngam jitayin, hoggab ngo ko doomab hvraq doodu dvn, hoo Damaskaswg Eliejarv twq ngoqg nammwg gumn otungv?” 3Hoo Abram benum, “Kaato, no ngam ko hosiq jikma, hoo ngoqg nam hoqg nyi akgon ngoqg otub nyitayin.” 4Hoo kaato, At Swg gomcwrv ngam haanum: “Soq nyi si noqg hosiq otub nyiram; noqg atwg ko tuupv noqg hosiq otub nyitayin.” 5Hoo mwam lvvgwb boolin layil mwv benum, “Doab koodu to, takar tulungam xika to, no bulam xikal xila yid yv.” Ho Abramnvn mwv benum, “Hoqhvb noqg ko hosiqkv nyitayin.” 6Hoo mwv At Swn mwwjwnum, hoo mwam lootw bo akgob mwv xitaq kunum.
7Hoo mwam mwv benum, “Ngo At Sw, hiyv nam Kaldiya nyi tulug gvdag Ur hoqgv boolin layil nam soq gvda sam gumn bwwm dvb jipa kun.” 8Hvbmabde mwv benum, “Pwnbo At Swa, soq sam ngo gumn bwwtayin hvl, hoggub ngo cengtayin?” 9Mwv mwam benum, “Vnyw nywum akam kunbo svv loq dorg, vnyw nywum akam kunbo sibin bin loq dorg, vnyw nywum akam kunbo yaap tvmwr loq dorg, pukum loq dorg la pukum ko loq dorg ngam bwa tvb.” 10Hoo mwv soq mwlw sam mwwg gab bwa jinum, hoq tulu ham tuunyi gogaqb potunum, hoo akwn aoho akwn paacal apnum. Hvbmabde mwv pvta tulu ham tuunyi gob potu maanum. 11Hoo hwdlo pvta tulungv svma tulu ham dvtab jarayin, hoq tulu ham Abram aadob ruqpaqnum.
12Hwdlo doonyiv hoodul dooyikho, Abramnvn yumiv meetab-miimiqnum. Hoo kaato, bos jaqdvb la kan twdwqkv mwwg aoho haanum. 13Ho At Sw Abramnvn benum, “Jvqtw jaqb cengto noqg ko hosiqkv bulug gvda maasu hvbmab nyoodo gvda golo nyiogy gil dootab wtayin hoo hoqho nyerab swwl dootayin, hoo bulv vnyw lwwpy gob hentwr henl dootayin. 14Hvbmabde bulam nyera bool doogbo hoolu ham ngo pw-hwwtayin, hoo kokwngam bulv vc loodab gumn baqlayil lengtayin. 15No atv, noqg ab tulug dookub swrsob wta yukun; no aljaqb swwtar peel siyi kun nam svma liitayin. 16Hoo bulv hotam vpy deenam lokta so haatayin, hoggab Amor nyi tulug nyimurnamv nyiyum maata.”
17Hwdlo doonyiv haaikukam hoo hoqho kan kunum, kaato, wm gudunam pwcw cwwg la moily gudu bo mur ak soq pvmwql apnum svma pengkob wpeqnum. 18Hoq aalho At Sw Abram lvgab pvvb birwl begamv, “Ijipt pobu hoqgv naalayil koibo pobu, Iupratas namgub, noqg ko hosiqkam ngo soq gvda sam jitayin, 19Kenait nyi tulug gvdaho, Kenijj nyi tulungv, Kadmon nyi tulungv, 20Hittait nyi tulug, Perijj nyi tulug, Repaim nyi tulug, 21Amor nyi tulug, Kanaan nyi tulug, Girgas nyi tulug hoo Jebus nyi tulug gvdangam jitayin.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.