Ka ki aitotiskeritci Cecoc otarotakana 5
5
Ananias kirika Saphira
1Tapan neta iriniw, Ananias icinikasopan. Anihi okoma, Saphira icinikasoripana. Ki ici orictowatowok Ananias kirika anihi okoma kitci atawetcik otaskiwaw e tatamowaspan. 2Irikik ka isparinik e atawetc otaski anahwe Ananias, aniheriw coriariw ki pakwenam, memantcic e kanaweritamatisotc. Aniheriw tca e ickonak ki mirew anahweriw Cecoca otarotakaniw, e itetc: “Enko ohwe kaskina ka ki isparik.” Anihi okoma kiskeritamiripana kimotc e ki kanaweritamatisotc memantcic aniheriw coriariw. 3Aci Pien itew: “Ananias, kekwan wetci ki pakitinatc Matci Manito#5.3 Matci Manito: Satan icinikatakaniwiw Matci Manito ota. kitci cakotcihisk kitehik kitci kiraskimatc Miro Manito, e itein anihe coria ekoni irikik ka ki isparik ka atawein anihe kitaski. 4Anihe aski, epwamoci atawein, kir ki tiperitetai, kaie e ickwa atawein, anihe coria kir anihe, taina? Kekwan tca wetci kir tipirawe ki ici oreritaman ani kitci totaman? Namaiew ni iriniwok ka ki kiraskimatcik, aric Kice Manito ni.”
5Ka petak aniheriw e itakaniwitc Ananias, ki pakicin e nipotc. Kaskina iriniwok ka petaketcik ki micta sekisiwok. 6Ockinikiwok ki pe takociniwok, pakiwanicik e wikwekinakik aniheriw owiawiriw. Minawatc ki matcewitawok e nta rikwasketcik.
7Wiec e ickwa nicto tipahikan irikik, aci anahwe iskwew, Ananias okoma, pe pitakew, aka aric e kiskeritakipan aniheriw ka ki ispariritci onapema. 8Piena kokwetcimiko: “Witamaci, ekoni ia irikik anihe coria ka ki isparik e ataweiekw anihe kitaskiwaw?”
Naskamo anahwe iskwew: “Ehe, ekoni irikik anihe coria.”
9Aci itiko Piena: “Kekwan wetci ki oreritamekw tapickotc kir kirika kinapem kitci kokwetcihimekw Teperitciketc Omiro Manitoma? Natota! Aniki ka ki nta rikwaskatatcik kinapema aci kotc pe takociniwok. Kaie kir tca ni, ki ka matcewirikok.”
10Tecikotc anahwe iskwew ki ici pakicin ositirik Piena e nipotc. Ockinikiwok ki pe pitakewok. Ki wapamewok e niporitci. Ki matcewirewok, e nta rikwaskatatcik opimera onapema e ici miciniritci. 11Kaskina ka tapwerimatcik Cecoca kaie kotakihik iriniwok ki micta sekisiwok ka petaketcik aniheriw ka ki isparinik.
Mitcet iriniwok e kikehakaniwitcik
12Mitcetwaw ki mata kackitawok kaie ki matawi aitotiskewok aniki Cecoc otarotakana, neta ka ici tacikeritci iriniwa. Aniki ka tapwerimatcik Cecoca mocak ko mawotcihitopanak kitci aiamihe mikiwamik, neta mia micta aricapiriw weckatc ka ki ocitakaniwonik Okimaw Salomon otci kitci aiamihe mikiwamik, “Galerie de Salomon” ka icinikatcikaterik. 13Aniki tca aka ka tapwerimatcik Cecoca nama ko wirawaw wi icapanak neta kitci mawotcihitotcik tapickotc, misawatc ata peikon kaskina awiriwa e micta kicterimarispana anihi ka icaritci. 14Eckam iti mitcetinaniwonipan. Mitcet iriniwok kaie iskwewok tapwerimepanak Teperitcikeritci, kirika pe nta aiamihapanak kaie wirawaw. 15Iriniwok pe iciwirepanak meskanak ka akosiritci, nipakanatikok kekotc tetaskonikanik e micimakaniwiritci, apitc tca e pimotetc neta Pien karikec tca kitci mi akwacteckowatc atita anihi e taciritci kitci kikehatc. 16Mitcet iriniwok ki pe takociniwok nte e pe ototetcik kotakihik tacikewinik nte e ici takoki nakewara Jérusalem otenak. Pecowepanak ka akosiritci kaie iriniwa ka arimihikoritci matci manitowa. Kaskina ki kikehakaniwiwok.
Cecoc e nekatcihakaniwiritci otarotakana
17Aci kitci makatewokorew kirika anihi kaskina ka witcihikospan, Sadducéen iriniwa, micta otcinawekerimewakopan anahweriw Cecoc otarotakana. Ki oreritamok ke totakik. 18Ki makonewok, kipohotowikamikok e aratcik. 19Aric e mekwa tipiskarik, aceriw ki pe iciticohoko Teperitcikeritci. Ki pe nta cenam ickwatemiriw kipohotowikamikok. Ki orowitarew anahweriw Cecoc otarotakana, kirika e itatc: 20“Matca icakw nete kitci aiamihe mikiwamik kirika ki ka tipatcimoctawawok iriniwok kaskina e icinakok ocki pimatisiwin.”
21Ki tca itotiskewok. Wipatc e kicepawonik ki icawok kitci aiamihe mikiwamik e nta kiskinohamaketcik.
Kice makatewokorew kirika kaskina anahweriw ka witcihikotc ki mawotcihewok kaskina cota aiamihe okimawa, kaskina Ka Kitci Tipaskonikeritci e icinikatakaniwiritci kitci mawotcihitoritci. Minawatc ki iciticohwewok iriniwa kitci pe natcipaharitci Cecoc otarotakana nete kipohotowikamikok. 22Nama aric ki otci miskawewok ka takocikik aniki iriniwok nete kipohotowikamikok. Ki kiwe natawapamewok anahweriw cota makatewokorewa ka kitci tipaskonikeritci, e nta witamawatcik ohweriw: 23“Ni ki icanan kipohotowikamikok. Ni ki wapatenan wewerita e kipaskohikatek. Aniki ka kanaweritakik kipohotowikamikoriw taci nanipowipanak nikanik ickwatemik. Aric ka cenamak ickwatema, nama awik ni ki otci miskawanan neta pitakamik.”
24Aci anahwe ka tiperimatc iriniwa ka nanakatcitaritci kitci aiamihe mikiwamiriw kirika aniki cota makatewokorewok ka tiperitakik ka ickwa petakik aniheriw, nama ki otci kiskeritamok tan ke iteritakik aniheriw otci, aka e miskawakaniwiritci anihi Cecoc otarotakana, kirika kokwetcimitowakopan tan ke iti aisparinik. 25Minawatc awiriw ki pe takociniriw, e itikotcik: “Natotamokw! Aniki iriniwok ka ki arekok kipohotowikamikok, nete ni kitci aiamihe mikiwamik taci tacikewok! Ekota nta e taci kiskinohamawatcik iriniwa!”
26Aci anahwe ka tiperimatc iriniwa ka nanakatcitaritci kitci aiamihe mikiwamiriw ki matcaw kirika otirinima. Ki pecowewok anahweriw Piena kaie Jeanwa. Nama aric ki otci kisiskapitewok, osam meka e koctewakopanen iriniwa kitci pemosinihikotcik. 27Ka ickwa pecowatcik, ki nanipowihewok neta ke ici tipaskonikoritci anahweriw Ka Kitci Tipaskonikeritci. Minawatc kitci makatewokorew ki iti itactahorew. 28Ki itew: “Kaketin ki ki otcinehotinan aka kitci kiskinohamakeiekw anahwe iriniw otci Cecoc. Aric peikon kaskina Jérusalem otenak ki ki pe kiskinohamakanawaw kirika ki nataweritenawaw kitci atameritakosiak ninan ka ki nipahakitc anaha iriniw.”
29Pien kirika aniki kotakihik Cecoc otarotakana itewok: “Actew kirawe kitci sapitowakitc Kice Manito patok iriniwok kitci sapitowakitcik. 30Ki ki tcictaskowatawaw tcipaiatikok anahwe Cecoc kitci nipotc, aric ki apitcipahiko Kice Manitowa, anihi mocak ka ki pakoserimatcik kitaniskotape kimocominapanak. 31Minawatc Kice Manito ki arew neta apiwinik onihiwinik ka ici micta kicteritakonik, kirika ki itarew kitci okimawiritci kaie kitci akwacimiweritci, kitci ki tca otci mirakaniwitcik Israël iriniwok kitci kweskatisitcik kaie kitci kasihamawakaniwitcik opactatowiniwawa. 32Ninan, aci ni ki ickwa wapatenan kaskina anihe ka ki isparik, kaie wir Miro Manito ki wapatam aniheriw, anihi Miro Manitowa ka ki pakitinatc Kice Manito, kaskina iriniwa otci ka sapitakotc.”
33Aniki cota makatewokorewok Ka Kitci Tipaskoniketcik ka petakik aniheriw ka ki iteritci Piena, ki micta kiciwasiwok, kaie nataweritamwakopan kitci nipahatcik anahweriw Cecoca otarotakaniw. 34Aric neta e tacitcik tapan neta peikw Pharisien iriniw, Gamaliel e icinikasotc. Kiskinohamakepan cota aiamihe irakonikewiniw. Kaskina iriniwok kicterimepanak. Ki otci pasiko anahwe Gamaliel neta ka ici Kitci Tipaskonikaniwonik, e itetc: “Orowitarakok memacic aniki iriniwok, Cecoc otarotakana.”#5.34 Cecoc otarotakana: Pien kirika Jean. 35Ka ickwa orowiritci, minawatc ki itew anihi owitci makatewokorewa: “Israël iriniwok, aiekwamisikw ka wi totawekok aniki iriniwok. 36Nama weckatc ki tapan peikw iriniw Theudas e icinikasospan, ka kitci iriniwikasospan. Wiec newaw mitato mitana iriniwa ki nosanehiko. Aric ki nipahakaniwiw. Kaskina tca ka ki nosanehikotc ki tatipanickariwa, kaie nama awocamec ki otci takoniw ka ki ici kiskinohamaketc. 37Minawatc ki tapan Galilée iriniw, Judas e icinikasospan. Ki pe takociniw, ekoni apitc mekwata ka masinahotisonaniwonik kice okimawa otci. Ki cakosimew mitcet iriniwa kitci nosanehikotc. Aric kaie wir ki nipahakaniwiw. Kaskina anihi ka ki nosanehikotc ki tatipanickariwa. 38Anotc kit ititinawaw, aka aci pamerimakok aniki iriniwok, kaie pakitinakok kitci matcatcik. Kecpin meka aniheriw ka ici nataweritakik kitci totakik anotc kaie ka nta aitotisketcik, kecpin tepirak iriniwok ka ki kitciparitawakwen, kata ickwapariniw. 39Aric kecpin tapwe Kice Manitok wetciparinikwen kaskina aniheriw, nama ki ka kackitanawaw kitci nakackowekok aniki iriniwok. Aiekwamisikw tca aka kitci wi cakotcihekw Kice Manito!”
Aniki cota makatewokorewok Ka Kitci Tipaskoniketcik ki natotawewok anihi Gamaliel. 40Ki wicamewok Cecoc otarotakana, ki itewok kitci otatamohwakaniwiritci kirika ki otcinehwewok aka awocamec kitci aiarimweritci Cecoca oticinikasowiniriw otci. Minawatc ki pakitinewok. 41Aci Pien kirika Jean ki matcawok neta ka ici Kitci Tipaskonikaniwonik, e micta tca mireritakik, osam e ki tipi iterimikotcik Kice Manitowa kitci nekatcihakaniwitcik Cecoca oticinikasowiniw otci. 42Kaie tato kickwa nama ki otci ponitawok e pa icatcik kitci aiamihe mikiwamik kirika mikiwamiskak. Ki pa kiskinohamakewok kirika ki tipatatamok Mirwatcimowiniw Cecoca otci, anihi ka ki pe iciticohwatc Kice Manito ota askik kitci pe nta akwacimitokw.
Currently Selected:
Ka ki aitotiskeritci Cecoc otarotakana 5: ATMK
Highlight
Share
Copy
Want to have your highlights saved across all your devices? Sign up or sign in
Canadian Bible Society, 2014
Ka ki aitotiskeritci Cecoc otarotakana 5
5
Ananias kirika Saphira
1Tapan neta iriniw, Ananias icinikasopan. Anihi okoma, Saphira icinikasoripana. Ki ici orictowatowok Ananias kirika anihi okoma kitci atawetcik otaskiwaw e tatamowaspan. 2Irikik ka isparinik e atawetc otaski anahwe Ananias, aniheriw coriariw ki pakwenam, memantcic e kanaweritamatisotc. Aniheriw tca e ickonak ki mirew anahweriw Cecoca otarotakaniw, e itetc: “Enko ohwe kaskina ka ki isparik.” Anihi okoma kiskeritamiripana kimotc e ki kanaweritamatisotc memantcic aniheriw coriariw. 3Aci Pien itew: “Ananias, kekwan wetci ki pakitinatc Matci Manito#5.3 Matci Manito: Satan icinikatakaniwiw Matci Manito ota. kitci cakotcihisk kitehik kitci kiraskimatc Miro Manito, e itein anihe coria ekoni irikik ka ki isparik ka atawein anihe kitaski. 4Anihe aski, epwamoci atawein, kir ki tiperitetai, kaie e ickwa atawein, anihe coria kir anihe, taina? Kekwan tca wetci kir tipirawe ki ici oreritaman ani kitci totaman? Namaiew ni iriniwok ka ki kiraskimatcik, aric Kice Manito ni.”
5Ka petak aniheriw e itakaniwitc Ananias, ki pakicin e nipotc. Kaskina iriniwok ka petaketcik ki micta sekisiwok. 6Ockinikiwok ki pe takociniwok, pakiwanicik e wikwekinakik aniheriw owiawiriw. Minawatc ki matcewitawok e nta rikwasketcik.
7Wiec e ickwa nicto tipahikan irikik, aci anahwe iskwew, Ananias okoma, pe pitakew, aka aric e kiskeritakipan aniheriw ka ki ispariritci onapema. 8Piena kokwetcimiko: “Witamaci, ekoni ia irikik anihe coria ka ki isparik e ataweiekw anihe kitaskiwaw?”
Naskamo anahwe iskwew: “Ehe, ekoni irikik anihe coria.”
9Aci itiko Piena: “Kekwan wetci ki oreritamekw tapickotc kir kirika kinapem kitci kokwetcihimekw Teperitciketc Omiro Manitoma? Natota! Aniki ka ki nta rikwaskatatcik kinapema aci kotc pe takociniwok. Kaie kir tca ni, ki ka matcewirikok.”
10Tecikotc anahwe iskwew ki ici pakicin ositirik Piena e nipotc. Ockinikiwok ki pe pitakewok. Ki wapamewok e niporitci. Ki matcewirewok, e nta rikwaskatatcik opimera onapema e ici miciniritci. 11Kaskina ka tapwerimatcik Cecoca kaie kotakihik iriniwok ki micta sekisiwok ka petaketcik aniheriw ka ki isparinik.
Mitcet iriniwok e kikehakaniwitcik
12Mitcetwaw ki mata kackitawok kaie ki matawi aitotiskewok aniki Cecoc otarotakana, neta ka ici tacikeritci iriniwa. Aniki ka tapwerimatcik Cecoca mocak ko mawotcihitopanak kitci aiamihe mikiwamik, neta mia micta aricapiriw weckatc ka ki ocitakaniwonik Okimaw Salomon otci kitci aiamihe mikiwamik, “Galerie de Salomon” ka icinikatcikaterik. 13Aniki tca aka ka tapwerimatcik Cecoca nama ko wirawaw wi icapanak neta kitci mawotcihitotcik tapickotc, misawatc ata peikon kaskina awiriwa e micta kicterimarispana anihi ka icaritci. 14Eckam iti mitcetinaniwonipan. Mitcet iriniwok kaie iskwewok tapwerimepanak Teperitcikeritci, kirika pe nta aiamihapanak kaie wirawaw. 15Iriniwok pe iciwirepanak meskanak ka akosiritci, nipakanatikok kekotc tetaskonikanik e micimakaniwiritci, apitc tca e pimotetc neta Pien karikec tca kitci mi akwacteckowatc atita anihi e taciritci kitci kikehatc. 16Mitcet iriniwok ki pe takociniwok nte e pe ototetcik kotakihik tacikewinik nte e ici takoki nakewara Jérusalem otenak. Pecowepanak ka akosiritci kaie iriniwa ka arimihikoritci matci manitowa. Kaskina ki kikehakaniwiwok.
Cecoc e nekatcihakaniwiritci otarotakana
17Aci kitci makatewokorew kirika anihi kaskina ka witcihikospan, Sadducéen iriniwa, micta otcinawekerimewakopan anahweriw Cecoc otarotakana. Ki oreritamok ke totakik. 18Ki makonewok, kipohotowikamikok e aratcik. 19Aric e mekwa tipiskarik, aceriw ki pe iciticohoko Teperitcikeritci. Ki pe nta cenam ickwatemiriw kipohotowikamikok. Ki orowitarew anahweriw Cecoc otarotakana, kirika e itatc: 20“Matca icakw nete kitci aiamihe mikiwamik kirika ki ka tipatcimoctawawok iriniwok kaskina e icinakok ocki pimatisiwin.”
21Ki tca itotiskewok. Wipatc e kicepawonik ki icawok kitci aiamihe mikiwamik e nta kiskinohamaketcik.
Kice makatewokorew kirika kaskina anahweriw ka witcihikotc ki mawotcihewok kaskina cota aiamihe okimawa, kaskina Ka Kitci Tipaskonikeritci e icinikatakaniwiritci kitci mawotcihitoritci. Minawatc ki iciticohwewok iriniwa kitci pe natcipaharitci Cecoc otarotakana nete kipohotowikamikok. 22Nama aric ki otci miskawewok ka takocikik aniki iriniwok nete kipohotowikamikok. Ki kiwe natawapamewok anahweriw cota makatewokorewa ka kitci tipaskonikeritci, e nta witamawatcik ohweriw: 23“Ni ki icanan kipohotowikamikok. Ni ki wapatenan wewerita e kipaskohikatek. Aniki ka kanaweritakik kipohotowikamikoriw taci nanipowipanak nikanik ickwatemik. Aric ka cenamak ickwatema, nama awik ni ki otci miskawanan neta pitakamik.”
24Aci anahwe ka tiperimatc iriniwa ka nanakatcitaritci kitci aiamihe mikiwamiriw kirika aniki cota makatewokorewok ka tiperitakik ka ickwa petakik aniheriw, nama ki otci kiskeritamok tan ke iteritakik aniheriw otci, aka e miskawakaniwiritci anihi Cecoc otarotakana, kirika kokwetcimitowakopan tan ke iti aisparinik. 25Minawatc awiriw ki pe takociniriw, e itikotcik: “Natotamokw! Aniki iriniwok ka ki arekok kipohotowikamikok, nete ni kitci aiamihe mikiwamik taci tacikewok! Ekota nta e taci kiskinohamawatcik iriniwa!”
26Aci anahwe ka tiperimatc iriniwa ka nanakatcitaritci kitci aiamihe mikiwamiriw ki matcaw kirika otirinima. Ki pecowewok anahweriw Piena kaie Jeanwa. Nama aric ki otci kisiskapitewok, osam meka e koctewakopanen iriniwa kitci pemosinihikotcik. 27Ka ickwa pecowatcik, ki nanipowihewok neta ke ici tipaskonikoritci anahweriw Ka Kitci Tipaskonikeritci. Minawatc kitci makatewokorew ki iti itactahorew. 28Ki itew: “Kaketin ki ki otcinehotinan aka kitci kiskinohamakeiekw anahwe iriniw otci Cecoc. Aric peikon kaskina Jérusalem otenak ki ki pe kiskinohamakanawaw kirika ki nataweritenawaw kitci atameritakosiak ninan ka ki nipahakitc anaha iriniw.”
29Pien kirika aniki kotakihik Cecoc otarotakana itewok: “Actew kirawe kitci sapitowakitc Kice Manito patok iriniwok kitci sapitowakitcik. 30Ki ki tcictaskowatawaw tcipaiatikok anahwe Cecoc kitci nipotc, aric ki apitcipahiko Kice Manitowa, anihi mocak ka ki pakoserimatcik kitaniskotape kimocominapanak. 31Minawatc Kice Manito ki arew neta apiwinik onihiwinik ka ici micta kicteritakonik, kirika ki itarew kitci okimawiritci kaie kitci akwacimiweritci, kitci ki tca otci mirakaniwitcik Israël iriniwok kitci kweskatisitcik kaie kitci kasihamawakaniwitcik opactatowiniwawa. 32Ninan, aci ni ki ickwa wapatenan kaskina anihe ka ki isparik, kaie wir Miro Manito ki wapatam aniheriw, anihi Miro Manitowa ka ki pakitinatc Kice Manito, kaskina iriniwa otci ka sapitakotc.”
33Aniki cota makatewokorewok Ka Kitci Tipaskoniketcik ka petakik aniheriw ka ki iteritci Piena, ki micta kiciwasiwok, kaie nataweritamwakopan kitci nipahatcik anahweriw Cecoca otarotakaniw. 34Aric neta e tacitcik tapan neta peikw Pharisien iriniw, Gamaliel e icinikasotc. Kiskinohamakepan cota aiamihe irakonikewiniw. Kaskina iriniwok kicterimepanak. Ki otci pasiko anahwe Gamaliel neta ka ici Kitci Tipaskonikaniwonik, e itetc: “Orowitarakok memacic aniki iriniwok, Cecoc otarotakana.”#5.34 Cecoc otarotakana: Pien kirika Jean. 35Ka ickwa orowiritci, minawatc ki itew anihi owitci makatewokorewa: “Israël iriniwok, aiekwamisikw ka wi totawekok aniki iriniwok. 36Nama weckatc ki tapan peikw iriniw Theudas e icinikasospan, ka kitci iriniwikasospan. Wiec newaw mitato mitana iriniwa ki nosanehiko. Aric ki nipahakaniwiw. Kaskina tca ka ki nosanehikotc ki tatipanickariwa, kaie nama awocamec ki otci takoniw ka ki ici kiskinohamaketc. 37Minawatc ki tapan Galilée iriniw, Judas e icinikasospan. Ki pe takociniw, ekoni apitc mekwata ka masinahotisonaniwonik kice okimawa otci. Ki cakosimew mitcet iriniwa kitci nosanehikotc. Aric kaie wir ki nipahakaniwiw. Kaskina anihi ka ki nosanehikotc ki tatipanickariwa. 38Anotc kit ititinawaw, aka aci pamerimakok aniki iriniwok, kaie pakitinakok kitci matcatcik. Kecpin meka aniheriw ka ici nataweritakik kitci totakik anotc kaie ka nta aitotisketcik, kecpin tepirak iriniwok ka ki kitciparitawakwen, kata ickwapariniw. 39Aric kecpin tapwe Kice Manitok wetciparinikwen kaskina aniheriw, nama ki ka kackitanawaw kitci nakackowekok aniki iriniwok. Aiekwamisikw tca aka kitci wi cakotcihekw Kice Manito!”
Aniki cota makatewokorewok Ka Kitci Tipaskoniketcik ki natotawewok anihi Gamaliel. 40Ki wicamewok Cecoc otarotakana, ki itewok kitci otatamohwakaniwiritci kirika ki otcinehwewok aka awocamec kitci aiarimweritci Cecoca oticinikasowiniriw otci. Minawatc ki pakitinewok. 41Aci Pien kirika Jean ki matcawok neta ka ici Kitci Tipaskonikaniwonik, e micta tca mireritakik, osam e ki tipi iterimikotcik Kice Manitowa kitci nekatcihakaniwitcik Cecoca oticinikasowiniw otci. 42Kaie tato kickwa nama ki otci ponitawok e pa icatcik kitci aiamihe mikiwamik kirika mikiwamiskak. Ki pa kiskinohamakewok kirika ki tipatatamok Mirwatcimowiniw Cecoca otci, anihi ka ki pe iciticohwatc Kice Manito ota askik kitci pe nta akwacimitokw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Canadian Bible Society, 2014