Jean 18
18
E makonakaniwitc Cecoc
(Natawapata kaie Matio 26.47-56; Mark 14.43-50; Luc 22.47-53)
1Ka ickwa aitetc, ki matcawok Cecoc kirika owitcewakana, akam cipicik e icatcik, Cédron itekera.#18.1 Cédron itekera: Cédron, ekoni e icinikatek neta e ici waratinak, nictowitc e ici takok anihe matinacic Mont des Oliviers ka icinikatek acitc Jérusalem otenak. Kitikan aski takonokopan neta.#18.1 Kitikan aski takonokopan neta: Enko kitikan aski neta ka ici mictikoskak, “oliviers” e icinikatakaniwitcik mictikok ka ici nitawikitcik neta. Ekota neta ka icatcik.
2 Judas, anahwe ke pakiterimaspan Cecoca, kiskeritamokopan kaie wir e ici takonik. Mitcetwaw meka ki icawakopan neta tapickotc. 3Aci ki pe icaw neta kitikan askik anahwe Judas, e pe iciwiratc mitcet cimakanica kaie atita iriniwa ka nanakatcitaritci kitci aiamihe mikiwamiriw. Aniki cimakanicak ki pe iciticohokowakopan cota makatewokorewa ka tiperitamiritci, acitc Pharisien iriniwa. Kaskina omicta omokomanipanak kirika wactenamakaniw takonamopanak kaie mictikoriw e ki iskahakik. 4Aci Cecoc iti natcikapowictawew, kaskina e kiskeritakipan ke iciwepasitc, e kokwetcimatc: “Awin ka nantowapamekw?”
5Itewok: “Cecoc, Nazareth ka otcitc.”
Itew Cecoc: “Nin ni.” Judas taci witcikapowictawekopan anahweriw iriniwa ka ki pe witcewikotc. 6Kotc ka iteritci Cecoca: “Nin ni,” aci kaskina aceparihowok e pakicikik.
7Kiapatc kokwetcimew Cecoc, e itatc: “Awin ka nantowapamekw?”
Itewok: “Cecoc, Nazareth ka otcitc.”
8Cecoc itew: “Aci kit ickwa ititinawaw, nin ni. Kecpin tapwe nin ka nantowapamiekw, pakitinakok aniki kotakihik ka witcewitcik kitci matcatcik.”
9Ekoni kaskina mia e acterikipan kitci pe iciwepanik ka ki itespan Cecoc, e ki itetc:#18.9 ka ki itespan Cecoc: Enkweriw ka ki itetc Cecoc anotcikwetc ka pakoserimatc Otawiwa. Natawapata Jean 17.12. “Notawi, nama otci peikw e tacitcik ni ki otci onihaw aniki ka ki pe acotamawiin.” 10Simo Pien takonamopan micta mokomaniw. Ki korokopitam. Ki otamatotawew kitci makatewokorewa otarotakaniw. Ki kickitokewepohwew, onihiwinik. Anahwe arotakan Malchus icinikasopan. 11Aci Cecoc itew Piena: “Pitaha anihe kimicta kimokoman kimokomaniwocik. Kit iteriten ia aka kitci nekatcitaian, kotc ka ki miritc Notawi kitci iciwepasiwak?”#18.11 Kit iteriten ia aka kitci nekatcitaian, kotc ka ki miritc Notawi kitci iciwepasiwak?: Mia itemakan: Kit iteriten ia aka kitci minikweian anihe orakan ka ki miritc Notawi kitci minikweian?
E iciwirakaniwitc Cecoc kitci makatekorek
12Cimakanicak acitc anihi ka tiperimikotcik kaie anahweriw iriniwa ka nanakatcitaritci kitci aiamihe mikiwamiriw ka ki pe iciticohokoritci cota okimawa ki makonewok Cecoca, e takopitatcik. 13Tapan iriniw, Hanne e icinikasotc, Caïphe anihi ociceca.#18.13 Hanne … Caïphe: Anahwe Hanne ki kitci makatewokorewikopan, aric ki orowepiniko Romain okimawa, anihi tca Caïphe kitci kitci makatewokorewirispana. Ekota nta ka iciwirakaniwitc Cecoc, makatekorek Hanne. Ani apitc Caïphe kitci makatewokorewipan. 14Wir Caïphe ka ki itaspan anahweriw cota okimawa: “Kirawe miroparin kirawaw otci, peikw iriniw kitci nipotc, kaskina iriniwok otci.”#18.14 Natawapata Jean 11.50.
Pien e itetc aka e kiskerimatc Cecoca
(Natawapata kaie Matio 26.69-70; Mark 14.66-68; Luc 22.55-57)
15Simo Pien kirika peikw kotakihi owitcewakana Cecoc nosanehwepanak Cecoca. Anahwe kotak Cecoc owitcewakana kiskerimikopan kitci makatewokorewa. Tapickotc tca ki pitakew kirika Cecoc, neta pitakamik miniskanatikok, kitci makatewokorewa omikiwamirik e ici takonik.
16Aric Pien orowitimik pa tacikew, pecotcik ickwatemik. Anahwe kotak Cecoc owitcewakana ka kiskerimikospan kitci makatewokorewa ki orowiw e nta aimihatc iskwewa ka nanakatcitaritci ickwatemiriw. Minawatc ki pitakahew Piena.
17Anahwe iskwew ka nanakatcitatc ickwatemiriw itew Piena: “Nama ia ni kaie kir peikw owitcewakana anahwe iriniw?”
“Namaiew ni nin,” itew Pien.
18Ani apitc kisinakopan. Ekoni wetci ki kotowetcik neta ka atoskectaketcik kirika cimakanicak, aka kitci sikatcitcik. Waska ickotek nanipowiwakopan e tca awasotcik. Pien kaie wir awasopan.
Kice makatewokorew e kokwetcimatc Cecoca
(Natawapata kaie Matio 26.59-66; Mark 14.55-64; Luc 22.66-71)
19Ekoni e ici kokwetcimatc Cecoca anahwe kitci makatewokorew Hanne, e itatc: “Awin aniki kiwitcewakanak?” kirika “Tan mia e ici kiskinohamakein?”
20Itew Cecoc: “Ni ki arimwan kaskina awik kitci petak kirika mocak ni ki kiskinohamakan cota aiamihe mikiwamik kaie kitci aiamihe mikiwamik, neta ka ici mawotcihitotcik kaskina cota iriniwok. Nama kekocic ni ki otci kimotc itan. 21Kekwan wetci kokwetcimiin? Aniki ka ki petawitcik e arimweian, kokwetcimik ka ki itewak. Kiskeritamok wirawaw aniheriw ka ki arimotaman.”
22Kotc aniheriw ka itetc Cecoc, pasakwehiko peikw iriniwa ka nanakatcitaritci kitci aiamihe mikiwamiriw, opimera ka nanipowiritci, e tca itikotc: “Enko ani e ici naskamowotc kitci makatewokorew?”#18.22 Enko ani e ici naskamowotc kitci makatewokorew?: Wi itetake: Ekwa ni e ici naskamowotc kitci makatewokorew!
23Aci Cecoc itew: “Kecpin arotc ka itewanen, wapatahicinan tan anihe mia ka ki ici matci arimweian. Kecpin aric ki miro itewanen, kekwan wetci pe otamohwiin?”
24Aci anahwe Hanne ki iciticahwew Cecoca kiapatc e takopisoritci neta kitci makatekorek Caïphe ka icinikasoritci.
Pien kiapatc e itetc aka e kiskerimatc Cecoca
(Natawapata kaie Matio 26.71-75; Mark 14.69-72; Luc 22.58-62)
25Kiapatc Pien neta tacikepan e pa awasotc. Kokwetcimakaniwiw: “Namaiew ani kaie kir peikw Cecoc owitcewakana?”
Pien kiapatc itew: “Nama. Namaiew ni nin.”
26Peikw neta ka atoskectawatc kitci makatewokorewa tcirowemekopan anihi iriniwa ka ki kickitokewepowatc Pien. Aci kokwetcimew: “Nama ia ni kir ka ki wapamitan e witcewatc Cecoc neta kitikan askik?”
27Kiapatc Pien itew: “Nama!” Mia nte kitoriwa nape pakahakwana.
Cecoc e iciwirakaniwitc kice okimak, Pilate ka icinikasoritci
(Natawapata kaie Matio 27.1-2,11-14; Mark 15.1-5; Luc 23.1-5)
28Minawatc kecepawonik, Caïphe omikiwamirik otci matcewirakaniwiw Cecoc, kice okimaw omicta omikiwamirik e iciwirakaniwitc. Aric cota okimawok nama ki otci pitakewok kice okimaw omikiwamirik, aka kitci ometciwohakaniwitcik, aka tca kitci otcinehwakaniwitcik kitci aiamihe makocetcik Pâque otci.#18.28 kitci otcinehwakaniwitcik kitci aiamihe makocetcik Pâque otci: “Ometciwok” kata iterimakaniwiwakopan kecpin ki pikotatcik otaiamihe irakonikewiniwaw e itacterik aka kitci mawotcihitotcik kirika iriniwa aka ka cota iriniwiritci. Nama kaie kata pakitinakaniwiwakopan kitci aiamihe makocetcik Pâque otci. Anahwe kice okimaw nama cota iriniwikopan, ekoni wetci aka wi pitaketcik omikiwamirik cota iriniwok. 29Ekoni wetci orowitc anahwe kice okimaw Pilate e nta nakickowatc, e itatc: “Kekwariw ka itactahorekw anahwe iriniw?”
30Itewok: “Kecpin aka ki otci matci totak, nama ni ta ki otci pecowanan.”
31Itikowok Pilate: “Kirawaw tipirawe ki ta ocitanawaw kitci tipaskonekw, kirawaw kitirakonikewiniwaw kitci apatcitaiekw.”
Aci itewok cota iriniwok: “Nama ni pakitinikowinan kitci atamerimakitc awik kitci nipahakaniwitc.” 32Ekotca ni e iti icinakonik Cecoc ka ki itespan kitci iciwepanik ke ici nipahakaniwitc.
33Aci Pilate pitakew omicta omikiwamik. Itew kitci pe iciwirakaniwiritci, e tca kokwetcimatc: “Kir ia ni cota iriniwok okimamiwawa?”
34Cecoc itew: “Kir ia ka ki iteritaman anihe ka itein, kekotc ma kotakihik ka ki witamaskik?”
35 Pilate itew: “Ni cota iriniwin ia ni nin?#18.35 Ni cota iriniwin ia ni nin?: Wi itetake: Nama ni cota iriniwin, nama tca ni ta kiskeriten. Tipirawe kiwitci cota iriniwok kirika cota makatewokorewok ka tiperitakik ki ki pe iciwirikok ota. Aric kir, witamaci tan ka ki totaman.”
36Cecoc itew: “Nama ota askik otciparin nokimawin. Kecpin tapwe ki otciparik ota askik, aniki ka atoskectawitcik kata ki natowi totamopanak aka kitci makonitcik aniki cota okimawok. Tapwe, nokimawin nama otciparin ota askik.”
37Aci itew Pilate: “Ka! Kir ia ni okimaw?”
Cecoc itew: “Kir ni ka itein: ni okimawin. Ni ki nitawikin kaie ni ki pe ican ota askik, tapwewin kitci pe nta tipataman. Kaskina awik ka nosanetatc tapwewiniw, natotam aniheriw ka itewak.”
38Aci kokwetcimew Pilate: “Kekwan ni tapwewin?”
Cecoc e atamerimakaniwitc kitci nipotc
(Natawapata kaie Matio 27.15-31; Mark 15.6-20; Luc 23.13-25)
Ka ickwa itetc aniheriw Pilate, kiapatc ki orowiw e natawapamatc cota iriniwa, e tca itatc: “Nama ni misken kekocic kitci ki otci atamerimak anahwe iriniw. 39Aric ki kiskeritenawaw anihe mocak peikwaw tato pipona ka pe totamekw, mekwata e aiamihe makocaniwok Pâque otci, mocak peikw iriniw e pakitinak kitci orowitc kipohotowikamikok, kirawaw otci. Ki nataweritenawaw ia kitci pakitinimak anihi okimamiwawa cota iriniwok?”
40Aci tepitepwewok: “Nama! Kirawe anahwe Barabbas ka natawerimakitc kitci pakitinakaniwitc!” Anahwe Barabbas kimoti iriniwikopan.
Currently Selected:
Jean 18: ATMK
Highlight
Share
Copy
Want to have your highlights saved across all your devices? Sign up or sign in
Canadian Bible Society, 2014
Jean 18
18
E makonakaniwitc Cecoc
(Natawapata kaie Matio 26.47-56; Mark 14.43-50; Luc 22.47-53)
1Ka ickwa aitetc, ki matcawok Cecoc kirika owitcewakana, akam cipicik e icatcik, Cédron itekera.#18.1 Cédron itekera: Cédron, ekoni e icinikatek neta e ici waratinak, nictowitc e ici takok anihe matinacic Mont des Oliviers ka icinikatek acitc Jérusalem otenak. Kitikan aski takonokopan neta.#18.1 Kitikan aski takonokopan neta: Enko kitikan aski neta ka ici mictikoskak, “oliviers” e icinikatakaniwitcik mictikok ka ici nitawikitcik neta. Ekota neta ka icatcik.
2 Judas, anahwe ke pakiterimaspan Cecoca, kiskeritamokopan kaie wir e ici takonik. Mitcetwaw meka ki icawakopan neta tapickotc. 3Aci ki pe icaw neta kitikan askik anahwe Judas, e pe iciwiratc mitcet cimakanica kaie atita iriniwa ka nanakatcitaritci kitci aiamihe mikiwamiriw. Aniki cimakanicak ki pe iciticohokowakopan cota makatewokorewa ka tiperitamiritci, acitc Pharisien iriniwa. Kaskina omicta omokomanipanak kirika wactenamakaniw takonamopanak kaie mictikoriw e ki iskahakik. 4Aci Cecoc iti natcikapowictawew, kaskina e kiskeritakipan ke iciwepasitc, e kokwetcimatc: “Awin ka nantowapamekw?”
5Itewok: “Cecoc, Nazareth ka otcitc.”
Itew Cecoc: “Nin ni.” Judas taci witcikapowictawekopan anahweriw iriniwa ka ki pe witcewikotc. 6Kotc ka iteritci Cecoca: “Nin ni,” aci kaskina aceparihowok e pakicikik.
7Kiapatc kokwetcimew Cecoc, e itatc: “Awin ka nantowapamekw?”
Itewok: “Cecoc, Nazareth ka otcitc.”
8Cecoc itew: “Aci kit ickwa ititinawaw, nin ni. Kecpin tapwe nin ka nantowapamiekw, pakitinakok aniki kotakihik ka witcewitcik kitci matcatcik.”
9Ekoni kaskina mia e acterikipan kitci pe iciwepanik ka ki itespan Cecoc, e ki itetc:#18.9 ka ki itespan Cecoc: Enkweriw ka ki itetc Cecoc anotcikwetc ka pakoserimatc Otawiwa. Natawapata Jean 17.12. “Notawi, nama otci peikw e tacitcik ni ki otci onihaw aniki ka ki pe acotamawiin.” 10Simo Pien takonamopan micta mokomaniw. Ki korokopitam. Ki otamatotawew kitci makatewokorewa otarotakaniw. Ki kickitokewepohwew, onihiwinik. Anahwe arotakan Malchus icinikasopan. 11Aci Cecoc itew Piena: “Pitaha anihe kimicta kimokoman kimokomaniwocik. Kit iteriten ia aka kitci nekatcitaian, kotc ka ki miritc Notawi kitci iciwepasiwak?”#18.11 Kit iteriten ia aka kitci nekatcitaian, kotc ka ki miritc Notawi kitci iciwepasiwak?: Mia itemakan: Kit iteriten ia aka kitci minikweian anihe orakan ka ki miritc Notawi kitci minikweian?
E iciwirakaniwitc Cecoc kitci makatekorek
12Cimakanicak acitc anihi ka tiperimikotcik kaie anahweriw iriniwa ka nanakatcitaritci kitci aiamihe mikiwamiriw ka ki pe iciticohokoritci cota okimawa ki makonewok Cecoca, e takopitatcik. 13Tapan iriniw, Hanne e icinikasotc, Caïphe anihi ociceca.#18.13 Hanne … Caïphe: Anahwe Hanne ki kitci makatewokorewikopan, aric ki orowepiniko Romain okimawa, anihi tca Caïphe kitci kitci makatewokorewirispana. Ekota nta ka iciwirakaniwitc Cecoc, makatekorek Hanne. Ani apitc Caïphe kitci makatewokorewipan. 14Wir Caïphe ka ki itaspan anahweriw cota okimawa: “Kirawe miroparin kirawaw otci, peikw iriniw kitci nipotc, kaskina iriniwok otci.”#18.14 Natawapata Jean 11.50.
Pien e itetc aka e kiskerimatc Cecoca
(Natawapata kaie Matio 26.69-70; Mark 14.66-68; Luc 22.55-57)
15Simo Pien kirika peikw kotakihi owitcewakana Cecoc nosanehwepanak Cecoca. Anahwe kotak Cecoc owitcewakana kiskerimikopan kitci makatewokorewa. Tapickotc tca ki pitakew kirika Cecoc, neta pitakamik miniskanatikok, kitci makatewokorewa omikiwamirik e ici takonik.
16Aric Pien orowitimik pa tacikew, pecotcik ickwatemik. Anahwe kotak Cecoc owitcewakana ka kiskerimikospan kitci makatewokorewa ki orowiw e nta aimihatc iskwewa ka nanakatcitaritci ickwatemiriw. Minawatc ki pitakahew Piena.
17Anahwe iskwew ka nanakatcitatc ickwatemiriw itew Piena: “Nama ia ni kaie kir peikw owitcewakana anahwe iriniw?”
“Namaiew ni nin,” itew Pien.
18Ani apitc kisinakopan. Ekoni wetci ki kotowetcik neta ka atoskectaketcik kirika cimakanicak, aka kitci sikatcitcik. Waska ickotek nanipowiwakopan e tca awasotcik. Pien kaie wir awasopan.
Kice makatewokorew e kokwetcimatc Cecoca
(Natawapata kaie Matio 26.59-66; Mark 14.55-64; Luc 22.66-71)
19Ekoni e ici kokwetcimatc Cecoca anahwe kitci makatewokorew Hanne, e itatc: “Awin aniki kiwitcewakanak?” kirika “Tan mia e ici kiskinohamakein?”
20Itew Cecoc: “Ni ki arimwan kaskina awik kitci petak kirika mocak ni ki kiskinohamakan cota aiamihe mikiwamik kaie kitci aiamihe mikiwamik, neta ka ici mawotcihitotcik kaskina cota iriniwok. Nama kekocic ni ki otci kimotc itan. 21Kekwan wetci kokwetcimiin? Aniki ka ki petawitcik e arimweian, kokwetcimik ka ki itewak. Kiskeritamok wirawaw aniheriw ka ki arimotaman.”
22Kotc aniheriw ka itetc Cecoc, pasakwehiko peikw iriniwa ka nanakatcitaritci kitci aiamihe mikiwamiriw, opimera ka nanipowiritci, e tca itikotc: “Enko ani e ici naskamowotc kitci makatewokorew?”#18.22 Enko ani e ici naskamowotc kitci makatewokorew?: Wi itetake: Ekwa ni e ici naskamowotc kitci makatewokorew!
23Aci Cecoc itew: “Kecpin arotc ka itewanen, wapatahicinan tan anihe mia ka ki ici matci arimweian. Kecpin aric ki miro itewanen, kekwan wetci pe otamohwiin?”
24Aci anahwe Hanne ki iciticahwew Cecoca kiapatc e takopisoritci neta kitci makatekorek Caïphe ka icinikasoritci.
Pien kiapatc e itetc aka e kiskerimatc Cecoca
(Natawapata kaie Matio 26.71-75; Mark 14.69-72; Luc 22.58-62)
25Kiapatc Pien neta tacikepan e pa awasotc. Kokwetcimakaniwiw: “Namaiew ani kaie kir peikw Cecoc owitcewakana?”
Pien kiapatc itew: “Nama. Namaiew ni nin.”
26Peikw neta ka atoskectawatc kitci makatewokorewa tcirowemekopan anihi iriniwa ka ki kickitokewepowatc Pien. Aci kokwetcimew: “Nama ia ni kir ka ki wapamitan e witcewatc Cecoc neta kitikan askik?”
27Kiapatc Pien itew: “Nama!” Mia nte kitoriwa nape pakahakwana.
Cecoc e iciwirakaniwitc kice okimak, Pilate ka icinikasoritci
(Natawapata kaie Matio 27.1-2,11-14; Mark 15.1-5; Luc 23.1-5)
28Minawatc kecepawonik, Caïphe omikiwamirik otci matcewirakaniwiw Cecoc, kice okimaw omicta omikiwamirik e iciwirakaniwitc. Aric cota okimawok nama ki otci pitakewok kice okimaw omikiwamirik, aka kitci ometciwohakaniwitcik, aka tca kitci otcinehwakaniwitcik kitci aiamihe makocetcik Pâque otci.#18.28 kitci otcinehwakaniwitcik kitci aiamihe makocetcik Pâque otci: “Ometciwok” kata iterimakaniwiwakopan kecpin ki pikotatcik otaiamihe irakonikewiniwaw e itacterik aka kitci mawotcihitotcik kirika iriniwa aka ka cota iriniwiritci. Nama kaie kata pakitinakaniwiwakopan kitci aiamihe makocetcik Pâque otci. Anahwe kice okimaw nama cota iriniwikopan, ekoni wetci aka wi pitaketcik omikiwamirik cota iriniwok. 29Ekoni wetci orowitc anahwe kice okimaw Pilate e nta nakickowatc, e itatc: “Kekwariw ka itactahorekw anahwe iriniw?”
30Itewok: “Kecpin aka ki otci matci totak, nama ni ta ki otci pecowanan.”
31Itikowok Pilate: “Kirawaw tipirawe ki ta ocitanawaw kitci tipaskonekw, kirawaw kitirakonikewiniwaw kitci apatcitaiekw.”
Aci itewok cota iriniwok: “Nama ni pakitinikowinan kitci atamerimakitc awik kitci nipahakaniwitc.” 32Ekotca ni e iti icinakonik Cecoc ka ki itespan kitci iciwepanik ke ici nipahakaniwitc.
33Aci Pilate pitakew omicta omikiwamik. Itew kitci pe iciwirakaniwiritci, e tca kokwetcimatc: “Kir ia ni cota iriniwok okimamiwawa?”
34Cecoc itew: “Kir ia ka ki iteritaman anihe ka itein, kekotc ma kotakihik ka ki witamaskik?”
35 Pilate itew: “Ni cota iriniwin ia ni nin?#18.35 Ni cota iriniwin ia ni nin?: Wi itetake: Nama ni cota iriniwin, nama tca ni ta kiskeriten. Tipirawe kiwitci cota iriniwok kirika cota makatewokorewok ka tiperitakik ki ki pe iciwirikok ota. Aric kir, witamaci tan ka ki totaman.”
36Cecoc itew: “Nama ota askik otciparin nokimawin. Kecpin tapwe ki otciparik ota askik, aniki ka atoskectawitcik kata ki natowi totamopanak aka kitci makonitcik aniki cota okimawok. Tapwe, nokimawin nama otciparin ota askik.”
37Aci itew Pilate: “Ka! Kir ia ni okimaw?”
Cecoc itew: “Kir ni ka itein: ni okimawin. Ni ki nitawikin kaie ni ki pe ican ota askik, tapwewin kitci pe nta tipataman. Kaskina awik ka nosanetatc tapwewiniw, natotam aniheriw ka itewak.”
38Aci kokwetcimew Pilate: “Kekwan ni tapwewin?”
Cecoc e atamerimakaniwitc kitci nipotc
(Natawapata kaie Matio 27.15-31; Mark 15.6-20; Luc 23.13-25)
Ka ickwa itetc aniheriw Pilate, kiapatc ki orowiw e natawapamatc cota iriniwa, e tca itatc: “Nama ni misken kekocic kitci ki otci atamerimak anahwe iriniw. 39Aric ki kiskeritenawaw anihe mocak peikwaw tato pipona ka pe totamekw, mekwata e aiamihe makocaniwok Pâque otci, mocak peikw iriniw e pakitinak kitci orowitc kipohotowikamikok, kirawaw otci. Ki nataweritenawaw ia kitci pakitinimak anihi okimamiwawa cota iriniwok?”
40Aci tepitepwewok: “Nama! Kirawe anahwe Barabbas ka natawerimakitc kitci pakitinakaniwitc!” Anahwe Barabbas kimoti iriniwikopan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Canadian Bible Society, 2014