Exodus 21
21
Tsi Nihonwatiʼié꞉raʼse Ne Ratiʼnhátsheras
(Deuteronomy 15.12-18)
1“Taʼietʼtshí꞉ion ne lsraerʼró꞉nons ne kenhiotiéton kaianerénsheras: 2Tó꞉ka entsiʼsewahiá꞉taninon ne Hebrew ranhátshera, ónenk tsi iá꞉iak niʼioseràke entsiʼsewahiótenhse. Né tsatákhaton niʼioserakeʼhátie kwáh ensathaʼtewenhní꞉ione né꞉ne kwáh iáh othènen thaʼhiokaraiénthake. 3Tó꞉ka iáh tehoniàkhonkwe nónen í꞉se sanhatshera sahá꞉ton, kwáh kíʼ iáh tsiasakohiá꞉tenhawe ne ró꞉ne nonenh enshá꞉tenhti; ók tó꞉ka ró꞉niakonhwe nó꞉nen í꞉se sanhátshera sahá꞉ton, enwá꞉ton kíʼ ienshaʼkohiaténhaʼwe ne ró꞉ne. 4Tó꞉ka ne róhnhas wahoniákʼten tánon wahowiraiéntaʼne roskenrakète tó꞉ka ó꞉ni iekʼsá꞉a, né iónkwe ó꞉ni nakohiohʼokónhas né kíʼ ne rahiataʼkweʼní꞉io rahonkwetaʼshónhas enkénhake, tánon kíʼ ne rónhkwe kwáh rahonhaʼtsíwa tsi enshaʼténti. 5Ók tó꞉ka ne ranhátshera enhénron roʼnorónhkwa ne róhnhas, ó꞉ni ne rahón꞉ha ró꞉ne, ó꞉ni ne sakohiohoʼkónhas tánon iáh tatehoʼtonwenhtsóni nahonsaʼhatatewenhní꞉ione, 6ethòne kíʼ ne ró꞉nhas ienhohiaténhaʼwe ne tsi tionʼterennaientáhkwa. Thóhʼnónhwe enhahónhnien ne kanoháktha tenhátahne tó꞉ka ó꞉ni tsi kanawahátothe ne tsi kaʼnonhkáronhthe tánon tenhohontakaʼrónhten. Ethò꞉ne enhatenaskónniaʼte tsi ni rohnhnes.
7“Tó꞉ka ne rónhkwe enshaʼkotenhnínon ne sahkoiénha né naʼhiontenhatsherónhni, iáh kíʼ tahonsahʼionthaʼtewenhní꞉ione, tsi né ní꞉ioht ne ronhnónkwe ratinhátsheras. 8Tó꞉ka enhionthatenhnínon ne ónhkak rónhkwe ró꞉ne ahiónton, ók iáh teshakonónhwes, ethòne kíʼ ronhwaʼníha ienshonwatenhnínonhse; né sakóhnhas iáh táhonton ne tihahontsáʼte ashaʼkohiathanínon, tsioríwa tsi sakoʼteweiennaksaténhni. 9Tó꞉ka ne rónhkwe tsotonwísen kanhátshera enhaʼhiatanínon né꞉ne roʼiénha iahá꞉wen, thóh kíʼ nenhthesakothá꞉te tsi ní꞉ioht ne rahónha sakoiénha akénhake. 10Tó꞉ka ne rónhkwe tekeníhaton enshaʼthateniákʼten, ónenk tsi ienhathasónteren nahontasakáwen ne tiotierénton thoʼniakónhne ne káhkhwa ó꞉ni natʼtsherónhniats tánon kwáh shé꞉kon et nihiakohʼianerenseráien tsi kíʼ nitsiotónhne. 11Tó꞉ka kí꞉ken iáh thahariwaiérithe tsi nihotheriwaiénhni tsi nòkwah naónha, ónenk tsi enshaʼtenhnínon tánon iáh kíʼ thènnen tahotʼkárhiakse.
Iáh Tekaianerenseráien Nahionttatkaréwathe Nakorénsons
12“Ónhka akénhake naʼsakokónhreʼke tánon wahononhwarhiákon kwáh kíʼ enshonʼwanonhwarhiákon. 13Ók kíʼ tó꞉ka iáh tehonikonhrónhni tánon iáh né tehawéron nahononhwarhiákon, enwáton niahaʼniákenhne ne tewatenáhtaien tsi nónhwe nienhkonráhkwahse, tánon thóh nónhwe iensonwahiatanónsthaʼte. 14Ók nónen rónkwe ahonákwen, tanon thénrehte óia rónkwe ahononwariákon, ne raónha enshonʼwanonhwarhiákon, iawerohátien ne iaharáten ne tsík tsienhaharákwa nahatatenónstate.
15“Ónhka kíʼ ók enhoʼkónhreke ne rohníha tó꞉ka ó꞉ni ne rohnisténha kwáh kíʼ enhonwaʼnonhrhiákon.
16“Ónhka né tahionthatiáʼthakwen, né꞉ne ahonsahonwatenhnínon tó꞉ka ó꞉ni ahonwaʼteweiénhton nahonwaʼtenhatsherónhniathe, kwáh kíʼ enhonwaʼnonhwarhiákon.
17“Ónhka nenhoʼnikonhʼrákʼsathe ne roʼníha tó꞉ka ó꞉ni ne roʼnisténha kwáh kíʼ enhonwanonhwaʼrhiákon.
18-19“Tó꞉ka ahonterí꞉io tánon ónhkak onènia wahonwáienthe tó꞉ka ó꞉ni ahonʼwakonhré꞉ke, ók iáh kíʼ tsiaʼtehóʼkonhthe, ne raónha iáh tahonwaʼréwaʼthe. Tó꞉ka tsi nikáien ne ronhwaʼkònhre ónenk tsi tenhoʼnakʼtó꞉ienʼthe, ók ishiʼnonhwèha enhakwéni nahonshaʼhatkétsko tánon ensréhʼshon ók roʼtennhiʼtsheroʼtáties, tsi nikáien ne roʼkónhre ónenk tsi enhoʼkhárhiakse tsi wahoʼkarhiakʼtsherá꞉tonse tánon tenhoʼriwásnieʼse tsi nióre iensatʼkwahtáko.
20“Tó꞉ka ne rahiathakwení꞉io iatenhaniáʼkwe tánon enhoʼnonhwenhseráʼrhio ne rahoʼnhátshera, rónhkwe khés ne iakónhkwe akénhake, tánon ne ranhátshera kwáh thók iatewatkónhten, ne rahiathakwení꞉io kwáh kíʼ enhonwaréwathe. 21Ók kíʼ tó꞉ka ne ranhátshera iáh thaʼrénheʼie tsi nióre ne shewenhnísera tó꞉ka ó꞉ni tewenhnisheráke nióre, ne rahiathakwení꞉io iáh kíʼ tahonwaréwathe. Tsi wahóʼthonʼse ne rahoʼientátshera kwáh iatekaiéri ne karewahtátshera.
22“Tó꞉ka tòkara niháti roʼnahterí꞉io tánon waʼkonhwakaréwaʼthe ne iónkwe ne iohráhre ahiowiraiéntaʼne káti wahó꞉ti tsi káhawe ne ieksàha, ók kwáh kí iáh thènnen tehiotkarewáthon, ne tsi nikáien ne wahakaréwaʼte kwáh kíʼ enhonwakaraʼiénhaʼse kwáh tsi níkon ne iónkwe ró꞉ne enhariwaʼnónhton, né entewaʼnónhton tó꞉ka ken enhaʼtiriwanónhwehne ne ratiriwénhthas. 23Ók kíʼ tó꞉ka kwáh ahónʼa ne iónkwe wahoʼkaréwathe, ne karewaʼtátshera né kíʼ natónʼnets iaʼtènsʼkene natónʼnets, 24nʼokára, iaʼtènsʼkene nʼokára, nʼonawíra, iaʼtènsʼkene nonawíra, 25né iakotiaʼtáʼtshon iaʼtènsʼkene ne iakotsatatʼtsion, ne iakoʼkarewáton iaʼtènsʼkene ne iaʼkokarewáton, ne iakoʼhiatakwahrátshons iaʼtènsʼkene ne iakohiaʼtakwahrátshons.
26“Tó꞉ka ónhka enshaʼkokaráhʼiake ne rahoʼnhátshera rónhkwe khès ne iakónhkwe akénhake tánon tehoʼkarahtháko, kwáh kíʼ enshoʼtateweniʼiotsheron ne rahoʼnhátshera né ken naʼtheiáwenhne ne okàra. 27Tó꞉ka enhoʼnhotsoʼtháko, enshoʼthatewenhnihiótsheron kíʼ ne raonhátshera né kèn natenhiáwenhne nonawíra.
Tsi Nihoʼnateriwaiénhni Ne Roʼtinaʼskwahiéntons
28“Tó꞉ka ne tehoʼnákares ónhkak teshaʼkotenakaróʼtsenthe tánon wahaʼéhʼheie, kwáh kíʼ enhonwanenhióhiake tsi arenhé꞉ie, tánon kíʼ ne rahoʼwàhron iáh thá꞉ieʼke; ók kíʼ ne rahotshénen iáh kíʼ tahonwaréwahthe. 29Ók kíʼ tó꞉ka ne tehoʼnákares ehʼnihorehʼnháon ne iashaʼkotsatónti nónhkwe tánon káti ronwaronhkaʼténhni ne raoʼtshénen, ók iáh kíʼ tehoʼnhóton—thòne kíʼ tó꞉ka onhkák thenshaʼkothenaʼkaróhtsenʼthe tánon enhiaʼiéheʼie, kwáh káti enhonwanenhióhiake tsi enrénheʼie, né nónhne sáka ne rahotshénen enhonwaʼnonhwaʼrhiákon. 30Tsiʼni꞉ióhtha, tó꞉ka ne raoʼtshénen ahonwaríhon nʼahaʼkáʼriahʼke ne iotkarote nahanónstaʼte tsi rónhnhe, kwáh kíʼ kaʼkariakʼtsheraʼnáhnon tsi enhaká꞉rhiaʼke tsi nikarihwanónhtons. 31Tó꞉ka ne tehonákares ashaʼkononwahʼrhiákon raksá꞉ʼa khés ne ieksáha, kwáh kíʼ né sakaianerénshera tsi enhó꞉rahne. 32Tó꞉ka ne tehonáʼkares ashaʼkononwarhiákon roskenrakéte khés ne tsaʼkothonwísen niʼnhátshera, ne rahoʼtshénen ónenk tsi enhoʼkáriakse ne shaʼkohiataʼkwení꞉io ne niʼnhátshera né꞉ne áhsen-niwáhsen níkon kawistharáken, ók ne tehonákares enhonwanonwarhiákon nènhneʼe.
33“Tó꞉ka ónhka enhienontéksi ne karoʼrókston nosònhwa tó꞉ka ó꞉ni enhaʼshonhiónni tánon iáh thaharoróh꞉ke, tánon tehiotináhʼkares tó꞉ka ó꞉ni tewahóntes ienkahiátenhne, 34ónenk tsi enhakáʼrhiake ne tsi satèkeʼnah ne katshénen. Enhoʼkáriakʼse ne raoʼtshénen tánon enwáton nahatenaskwahráko ne iawenhéion katshénen. 35Tó꞉ka ne rónkwe raotshénen tehonáhʼkares óia rónkwe raotshénen enhononhwaʼrhiákon, ne teniiáhse tenónhkwe kwáh aiatenhnínon ne rónhne tehonákares tánon tenhiatátiakse nowísta; tánon kwáh óni tenhhiatátiakse nowáhron ne rawenhéion katshénen. 36Ók kíʼ tó꞉ka ronahtheriéntharaʼkwe nètho tehiotináhkares tsi ètho nihaweienʼnhótenhne niaʼsakotsatónti tánon ne rahoʼtshénen iáh tehoʼnhóton, ónenk tsi enhaʼriwasehrónhni ne roʼthenaskwahtónhni tsi né꞉ne rónhnhe tentʼtháwenh ne óia rónhkwe, ók enwáthon kíʼ nahatenaskwahráko ne rawenhéion katshénen.
Currently Selected:
Exodus 21: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Exodus 21
21
Tsi Nihonwatiʼié꞉raʼse Ne Ratiʼnhátsheras
(Deuteronomy 15.12-18)
1“Taʼietʼtshí꞉ion ne lsraerʼró꞉nons ne kenhiotiéton kaianerénsheras: 2Tó꞉ka entsiʼsewahiá꞉taninon ne Hebrew ranhátshera, ónenk tsi iá꞉iak niʼioseràke entsiʼsewahiótenhse. Né tsatákhaton niʼioserakeʼhátie kwáh ensathaʼtewenhní꞉ione né꞉ne kwáh iáh othènen thaʼhiokaraiénthake. 3Tó꞉ka iáh tehoniàkhonkwe nónen í꞉se sanhatshera sahá꞉ton, kwáh kíʼ iáh tsiasakohiá꞉tenhawe ne ró꞉ne nonenh enshá꞉tenhti; ók tó꞉ka ró꞉niakonhwe nó꞉nen í꞉se sanhátshera sahá꞉ton, enwá꞉ton kíʼ ienshaʼkohiaténhaʼwe ne ró꞉ne. 4Tó꞉ka ne róhnhas wahoniákʼten tánon wahowiraiéntaʼne roskenrakète tó꞉ka ó꞉ni iekʼsá꞉a, né iónkwe ó꞉ni nakohiohʼokónhas né kíʼ ne rahiataʼkweʼní꞉io rahonkwetaʼshónhas enkénhake, tánon kíʼ ne rónhkwe kwáh rahonhaʼtsíwa tsi enshaʼténti. 5Ók tó꞉ka ne ranhátshera enhénron roʼnorónhkwa ne róhnhas, ó꞉ni ne rahón꞉ha ró꞉ne, ó꞉ni ne sakohiohoʼkónhas tánon iáh tatehoʼtonwenhtsóni nahonsaʼhatatewenhní꞉ione, 6ethòne kíʼ ne ró꞉nhas ienhohiaténhaʼwe ne tsi tionʼterennaientáhkwa. Thóhʼnónhwe enhahónhnien ne kanoháktha tenhátahne tó꞉ka ó꞉ni tsi kanawahátothe ne tsi kaʼnonhkáronhthe tánon tenhohontakaʼrónhten. Ethò꞉ne enhatenaskónniaʼte tsi ni rohnhnes.
7“Tó꞉ka ne rónhkwe enshaʼkotenhnínon ne sahkoiénha né naʼhiontenhatsherónhni, iáh kíʼ tahonsahʼionthaʼtewenhní꞉ione, tsi né ní꞉ioht ne ronhnónkwe ratinhátsheras. 8Tó꞉ka enhionthatenhnínon ne ónhkak rónhkwe ró꞉ne ahiónton, ók iáh teshakonónhwes, ethòne kíʼ ronhwaʼníha ienshonwatenhnínonhse; né sakóhnhas iáh táhonton ne tihahontsáʼte ashaʼkohiathanínon, tsioríwa tsi sakoʼteweiennaksaténhni. 9Tó꞉ka ne rónhkwe tsotonwísen kanhátshera enhaʼhiatanínon né꞉ne roʼiénha iahá꞉wen, thóh kíʼ nenhthesakothá꞉te tsi ní꞉ioht ne rahónha sakoiénha akénhake. 10Tó꞉ka ne rónhkwe tekeníhaton enshaʼthateniákʼten, ónenk tsi ienhathasónteren nahontasakáwen ne tiotierénton thoʼniakónhne ne káhkhwa ó꞉ni natʼtsherónhniats tánon kwáh shé꞉kon et nihiakohʼianerenseráien tsi kíʼ nitsiotónhne. 11Tó꞉ka kí꞉ken iáh thahariwaiérithe tsi nihotheriwaiénhni tsi nòkwah naónha, ónenk tsi enshaʼtenhnínon tánon iáh kíʼ thènnen tahotʼkárhiakse.
Iáh Tekaianerenseráien Nahionttatkaréwathe Nakorénsons
12“Ónhka akénhake naʼsakokónhreʼke tánon wahononhwarhiákon kwáh kíʼ enshonʼwanonhwarhiákon. 13Ók kíʼ tó꞉ka iáh tehonikonhrónhni tánon iáh né tehawéron nahononhwarhiákon, enwáton niahaʼniákenhne ne tewatenáhtaien tsi nónhwe nienhkonráhkwahse, tánon thóh nónhwe iensonwahiatanónsthaʼte. 14Ók nónen rónkwe ahonákwen, tanon thénrehte óia rónkwe ahononwariákon, ne raónha enshonʼwanonhwarhiákon, iawerohátien ne iaharáten ne tsík tsienhaharákwa nahatatenónstate.
15“Ónhka kíʼ ók enhoʼkónhreke ne rohníha tó꞉ka ó꞉ni ne rohnisténha kwáh kíʼ enhonwaʼnonhrhiákon.
16“Ónhka né tahionthatiáʼthakwen, né꞉ne ahonsahonwatenhnínon tó꞉ka ó꞉ni ahonwaʼteweiénhton nahonwaʼtenhatsherónhniathe, kwáh kíʼ enhonwaʼnonhwarhiákon.
17“Ónhka nenhoʼnikonhʼrákʼsathe ne roʼníha tó꞉ka ó꞉ni ne roʼnisténha kwáh kíʼ enhonwanonhwaʼrhiákon.
18-19“Tó꞉ka ahonterí꞉io tánon ónhkak onènia wahonwáienthe tó꞉ka ó꞉ni ahonʼwakonhré꞉ke, ók iáh kíʼ tsiaʼtehóʼkonhthe, ne raónha iáh tahonwaʼréwaʼthe. Tó꞉ka tsi nikáien ne ronhwaʼkònhre ónenk tsi tenhoʼnakʼtó꞉ienʼthe, ók ishiʼnonhwèha enhakwéni nahonshaʼhatkétsko tánon ensréhʼshon ók roʼtennhiʼtsheroʼtáties, tsi nikáien ne roʼkónhre ónenk tsi enhoʼkhárhiakse tsi wahoʼkarhiakʼtsherá꞉tonse tánon tenhoʼriwásnieʼse tsi nióre iensatʼkwahtáko.
20“Tó꞉ka ne rahiathakwení꞉io iatenhaniáʼkwe tánon enhoʼnonhwenhseráʼrhio ne rahoʼnhátshera, rónhkwe khés ne iakónhkwe akénhake, tánon ne ranhátshera kwáh thók iatewatkónhten, ne rahiathakwení꞉io kwáh kíʼ enhonwaréwathe. 21Ók kíʼ tó꞉ka ne ranhátshera iáh thaʼrénheʼie tsi nióre ne shewenhnísera tó꞉ka ó꞉ni tewenhnisheráke nióre, ne rahiathakwení꞉io iáh kíʼ tahonwaréwathe. Tsi wahóʼthonʼse ne rahoʼientátshera kwáh iatekaiéri ne karewahtátshera.
22“Tó꞉ka tòkara niháti roʼnahterí꞉io tánon waʼkonhwakaréwaʼthe ne iónkwe ne iohráhre ahiowiraiéntaʼne káti wahó꞉ti tsi káhawe ne ieksàha, ók kwáh kí iáh thènnen tehiotkarewáthon, ne tsi nikáien ne wahakaréwaʼte kwáh kíʼ enhonwakaraʼiénhaʼse kwáh tsi níkon ne iónkwe ró꞉ne enhariwaʼnónhton, né entewaʼnónhton tó꞉ka ken enhaʼtiriwanónhwehne ne ratiriwénhthas. 23Ók kíʼ tó꞉ka kwáh ahónʼa ne iónkwe wahoʼkaréwathe, ne karewaʼtátshera né kíʼ natónʼnets iaʼtènsʼkene natónʼnets, 24nʼokára, iaʼtènsʼkene nʼokára, nʼonawíra, iaʼtènsʼkene nonawíra, 25né iakotiaʼtáʼtshon iaʼtènsʼkene ne iakotsatatʼtsion, ne iakoʼkarewáton iaʼtènsʼkene ne iaʼkokarewáton, ne iakoʼhiatakwahrátshons iaʼtènsʼkene ne iakohiaʼtakwahrátshons.
26“Tó꞉ka ónhka enshaʼkokaráhʼiake ne rahoʼnhátshera rónhkwe khès ne iakónhkwe akénhake tánon tehoʼkarahtháko, kwáh kíʼ enshoʼtateweniʼiotsheron ne rahoʼnhátshera né ken naʼtheiáwenhne ne okàra. 27Tó꞉ka enhoʼnhotsoʼtháko, enshoʼthatewenhnihiótsheron kíʼ ne raonhátshera né kèn natenhiáwenhne nonawíra.
Tsi Nihoʼnateriwaiénhni Ne Roʼtinaʼskwahiéntons
28“Tó꞉ka ne tehoʼnákares ónhkak teshaʼkotenakaróʼtsenthe tánon wahaʼéhʼheie, kwáh kíʼ enhonwanenhióhiake tsi arenhé꞉ie, tánon kíʼ ne rahoʼwàhron iáh thá꞉ieʼke; ók kíʼ ne rahotshénen iáh kíʼ tahonwaréwahthe. 29Ók kíʼ tó꞉ka ne tehoʼnákares ehʼnihorehʼnháon ne iashaʼkotsatónti nónhkwe tánon káti ronwaronhkaʼténhni ne raoʼtshénen, ók iáh kíʼ tehoʼnhóton—thòne kíʼ tó꞉ka onhkák thenshaʼkothenaʼkaróhtsenʼthe tánon enhiaʼiéheʼie, kwáh káti enhonwanenhióhiake tsi enrénheʼie, né nónhne sáka ne rahotshénen enhonwaʼnonhwaʼrhiákon. 30Tsiʼni꞉ióhtha, tó꞉ka ne raoʼtshénen ahonwaríhon nʼahaʼkáʼriahʼke ne iotkarote nahanónstaʼte tsi rónhnhe, kwáh kíʼ kaʼkariakʼtsheraʼnáhnon tsi enhaká꞉rhiaʼke tsi nikarihwanónhtons. 31Tó꞉ka ne tehonákares ashaʼkononwahʼrhiákon raksá꞉ʼa khés ne ieksáha, kwáh kíʼ né sakaianerénshera tsi enhó꞉rahne. 32Tó꞉ka ne tehonáʼkares ashaʼkononwarhiákon roskenrakéte khés ne tsaʼkothonwísen niʼnhátshera, ne rahoʼtshénen ónenk tsi enhoʼkáriakse ne shaʼkohiataʼkwení꞉io ne niʼnhátshera né꞉ne áhsen-niwáhsen níkon kawistharáken, ók ne tehonákares enhonwanonwarhiákon nènhneʼe.
33“Tó꞉ka ónhka enhienontéksi ne karoʼrókston nosònhwa tó꞉ka ó꞉ni enhaʼshonhiónni tánon iáh thaharoróh꞉ke, tánon tehiotináhʼkares tó꞉ka ó꞉ni tewahóntes ienkahiátenhne, 34ónenk tsi enhakáʼrhiake ne tsi satèkeʼnah ne katshénen. Enhoʼkáriakʼse ne raoʼtshénen tánon enwáton nahatenaskwahráko ne iawenhéion katshénen. 35Tó꞉ka ne rónkwe raotshénen tehonáhʼkares óia rónkwe raotshénen enhononhwaʼrhiákon, ne teniiáhse tenónhkwe kwáh aiatenhnínon ne rónhne tehonákares tánon tenhiatátiakse nowísta; tánon kwáh óni tenhhiatátiakse nowáhron ne rawenhéion katshénen. 36Ók kíʼ tó꞉ka ronahtheriéntharaʼkwe nètho tehiotináhkares tsi ètho nihaweienʼnhótenhne niaʼsakotsatónti tánon ne rahoʼtshénen iáh tehoʼnhóton, ónenk tsi enhaʼriwasehrónhni ne roʼthenaskwahtónhni tsi né꞉ne rónhnhe tentʼtháwenh ne óia rónhkwe, ók enwáthon kíʼ nahatenaskwahráko ne rawenhéion katshénen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.